يالربع ابي اعرف منكم؟

[ولد الشحانية]

السلام عليكم

اخواني اخواتي

عندي موتري موديل 2004 وابي ابيعه لواحد سعودي وكلمة سلوي قالوا وقفوا التصدير لازم من 2005 وفوق
ممكن حد يفيدني شلون اقدر ابيعه له واذا سويت له وكالة واللوحات خليتها قطريه ويش اسوي عشان مايلحقني شي اذا الشخص سوي مشكله لسمح الله بالسياره
ياليت تعلمون ويش اسوي ووين اروح ويش الترتيب

[ســـهم]

ابعد عن الشر وغني له

اذا صار شي ماتنفع هالوكاله نهائيا

انتبه اخوي ...

[المشط]

اتوقع والله اعلم ان تبيع له الموتر وانت في قطر وتحول السياره باسمه وهي في قطر وبارقام اقطريه وبعدين هو كيفه

يوديها السعوديه بارقام اقطريه ارقام تصدير شي راجع له

بس الاهم لا يطلع من قطر والسياره باسمك وانا اخوك تحمل

[البحار00]

شوف يا خوي السيارة ماتسجل بأسم اي واحد مب قطري الا اذا كان مقيم بقطر ويشتغل فيها

اما ناحيه انك تسجلها بأسمك وتعطية وكالة لو صارت اي مشكله على السيارة انت المسؤوول الاول

تبي نصيحتي اذا الرجال عنده قريب له في قطر خله يتكفل بهالامر اما من ناحيتك ابعد عن الشر ابرك لك

[ولد الشحانية]

تسلمون اخواني ع النصيحه
بس حبيت اعرف ماقدر اروح للمحكمه واسوي كتاب انه يتحمل كل شي يصير بالسياره
ياليت حد يفيدني

[ولد الشحانية]

افا والله 121 مشاهده ومحد يفيدني بشي

[qatar.com]

والله ماأعتقد ان في كتاب من المحكمة يقولك هو يتحمل كل شي خلة يسجلها باسم واحد يقربله هنا ثاني شي بيني وبينك عيال الشحانية شوي احنا منحوسين صدقني اي شي على طول يجيبون طاريك اذا عطيتة توكيل