الله الله في خدمكم في رمضان..

[هتـان قطر]

مبارك عليكم الشهر جميعا

جعلنا الله واياكم من صوام نهارة وقوام ليله..

في شهر رمضان كعادتنا كل سنة .تمتلئ الموائد بما لذ وطاب

اكلات دسمة وبعدها اكلات خفيفة ولا تنسون حلا القهوة

وبعده السحور..وهلم جرا

طبعا الى هنا حلو الكلام..لكن..من اللي عمل كل هالاطباق

ومن اللي غسل الصحون والمطبخ بعد انتهاء كل وجبة..؟؟

من اللي يرتب السفرة ويشيل الاطباق..؟؟

شي طبيعي الخدم..

هؤلاء خصوصا بينهم مسلمين لاتحملوهم اكبر من طاقتهم

ما فيها شي لو ساعدناهم ووقفنا معاهم..

" ارحموا من في الارض يرحمكم من في السماء "

البعض هداهم الله يخليهم يكرفون من الصبح ليييين الليل

وهم وقافي ..حرااام اتقوا الله فيهم ولا تنفرونهم منا ومن طبايعنا

المفروض حنا مصدر الرحمة والرأفة كوننا مسلمين وفي شهر فضيل

تتنزل فيه الرحمة


دعوة صادقة مني الى كل شخص تحت أمرته خدم..

ارحموهم يرحمكم الله..عطوهم وقت للقيلولة..

لا تكثرون من الطبخات ..

ربات البيوت والامهات لاتتركون العيال عندهم ليلهم ونهارهم

بحجة الذهاب للمسجد او لقراءة القرأن..حاولوا تنظمون اوقاتكم

بحيث ما تثقلون عليهم وفي نفس الوقت لراحتكم..


اخيرا::

تسحروا فان ف السحور بركة

لا تقولون نبي نخفف..ان شالله حتى لو تمرة وكوب ماي

اهم شي يكون سحور..

صياما مقبولا ان شاءالله

:):)

[E L L E]

جزاج الله خير يالشيخه .. اي والله لازم نرحمهم الحمد لله خدمي مرتاحين لاكرف ولاطباخ ولانفاخ بيتي صغيروني وبعد ارحمهم مساكين

[بوحارب]

بارك الله فيج على الكلام الطيب

[هتـان قطر]

جزاج الله خير يالشيخه .. اي والله لازم نرحمهم الحمد لله خدمي مرتاحين لاكرف ولاطباخ ولانفاخ بيتي صغيروني وبعد ارحمهم مساكين


مرحبا ايلي مبارك عليك الشهر..طمنينا على العيال ان شالله شفوا من المرض

وجزاك الله كل خير..:)

[هتـان قطر]

بارك الله فيج على الكلام الطيب

بوحارب مبارك عليك الشهر

وجزاك الله خير

[E L L E]

مرحبا ايلي مبارك عليك الشهر..طمنينا على العيال ان شالله شفوا من المرض

وجزاك الله كل خير..:)


علينا وعليج فديتج ,, الحمد لله كلنا تشافينا ولله الحمد

مشكوره ع السؤال:shy:

[البحار00]

ههههههههههه لاتسمعج زوجتي وعقب تزعل منج

الله يهديها غرامها كرف الخدم

[هتـان قطر]

علينا وعليج فديتج ,, الحمد لله كلنا تشافينا ولله الحمد

مشكوره ع السؤال:shy:


زييين تستاهلون السلامة وخطاكم الشر

:)

[تحداني]

.. اختي الفاضله ..

هتان قطر
جزاج الله الف خير ....
وجعله في ميزان حسناتك ان شاء الله ..
الخادمه في النهايه انسانه ..
من حقها ان ترتاح .. ان تأخذ قسطا من الراحه ..
البعض يعتقد انهم آله يجب ان لا تتوقف .
.ويجب ان تواصل العمل ليلا ونهارا ..


ولو تم الاعتماد على الخادمه في كل شئ ..
لا ادري ما وظيفه بنات البيت .. وزوجاتهم ..

شهر رمضان كل شئ فيه رائع .. وذو طابع مختلف
.. وايامه رائعه فضيله ..فلا نجعل الليل والنهار موائد من الطعام ..
من هنا وهناك ..


سحورا شهيا .. وصياما مقبولا ...
وافطارا شهيا ان شاء الله ..

[المتضرعه لله]

بارك الله فيكي اختي هتان

اي والله الصادقه

وعني والله الشاهد اريحهم على الاخر وماننسى اننا نهديهم واللي بعد عنده سعه من الرزق وهم مسلمين يرسل لاهلهم فلوس حق الاكل برمضان للافطار بيكسب اجر عظيم وكانه صايم الا كيف وهم من يبحث عن الطعام في بلاد مسلمه فقيره

الله يرحمنا ويغفر لها ويتقبل منا

حتى الحين ادور حد يشيل منهم الكي والغسيل بطول رمضان

والله يعين الجميع

[مضاد]

جزاك الله خيراً، اختي هتان


عندي اضافه بس خارج الموضوع :shy:

(تذكير)

لاتنسون ’ البندول مع السحور :) أول يومين , خصوصاً اصحاب الكيف .>>> قهوة و شاي وبس

[هتـان قطر]

ههههههههههه لاتسمعج زوجتي وعقب تزعل منج

الله يهديها غرامها كرف الخدم

:omg: الله يهديها ويهديك..وانت وينك عنها..؟

ترى انت الكفيل وهم في ذمتك..حاول تفهمها وتوعيها

ان اللي تسويه خطأ وتأثم عليه

ولنا في خير الخلق محمد صلى الله عليه وسلم عبرة

يقول أنس بن مالك خدمت رسول الله صلى الله عليه و سلم عشر سنين فما امرني بأمر توانيت عنه أو صنعته فلامني، وأن لامني أحد من أهله قال دعوه فلو قدر

[البحار00]

:omg: الله يهديها ويهديك..وانت وينك عنها..؟

ترى انت الكفيل وهم في ذمتك..حاول تفهمها وتوعيها

ان اللي تسويه خطأ وتأثم عليه

ولنا في خير الخلق محمد صلى الله عليه وسلم عبرة

يقول أنس بن مالك خدمت رسول الله صلى الله عليه و سلم عشر سنين فما امرني بأمر توانيت عنه أو صنعته فلامني، وأن لامني أحد من أهله قال دعوه فلو قدر


ههههههههههه شاسوي

آذن في خرابة

[هتـان قطر]

.. اختي الفاضله ..

هتان قطر
جزاج الله الف خير ....
وجعله في ميزان حسناتك ان شاء الله ..
الخادمه في النهايه انسانه ..
من حقها ان ترتاح .. ان تأخذ قسطا من الراحه ..
البعض يعتقد انهم آله يجب ان لا تتوقف .
.ويجب ان تواصل العمل ليلا ونهارا ..


ولو تم الاعتماد على الخادمه في كل شئ ..
لا ادري ما وظيفه بنات البيت .. وزوجاتهم ..

شهر رمضان كل شئ فيه رائع .. وذو طابع مختلف
.. وايامه رائعه فضيله ..فلا نجعل الليل والنهار موائد من الطعام ..
من هنا وهناك ..


سحورا شهيا .. وصياما مقبولا ...
وافطارا شهيا ان شاء الله ..


جزاك لله خير على الكلام الطيب تحداني الزمن

نصايح قيمة بارك الله فيك


:)

[هتـان قطر]

بارك الله فيكي اختي هتان

اي والله الصادقه

وعني والله الشاهد اريحهم على الاخر وماننسى اننا نهديهم واللي بعد عنده سعه من الرزق وهم مسلمين يرسل لاهلهم فلوس حق الاكل برمضان للافطار بيكسب اجر عظيم وكانه صايم الا كيف وهم من يبحث عن الطعام في بلاد مسلمه فقيره

الله يرحمنا ويغفر لها ويتقبل منا

حتى الحين ادور حد يشيل منهم الكي والغسيل بطول رمضان

والله يعين الجميع


بارك الله فيك المتضرعة لله ابواب الخير كثيرة

ولكن لمن وفقه الله لذلك..

[هتـان قطر]

جزاك الله خيراً، اختي هتان


عندي اضافه بس خارج الموضوع :shy:

(تذكير)

لاتنسون ’ البندول مع السحور :) أول يومين , خصوصاً اصحاب الكيف .>>> قهوة و شاي وبس



:victory:

نسيت اضيفة لقائمة السحور

ذكرك الله بالشهادة يا مضاد

:nice:

[فلفل حار]

لا تقولون نبي نخفف..
عن التنغز على الدباب ...:tooth:




تسلمين على النصيحه ويزاج الله خيـر ...
ومباركـ عليج الشهر آختي هتــان ...:)

[هتـان قطر]

اوووه الاخ دب..!!:nice:

فرصة عظيمة للتخفيف في شهر رمضان

حاول تفطر على ماء علشان تمتلى المعده بسرعة

ولا تكثر على الفطور خل الاكل موزع على عدة ساعات


ومبروك عليك الشهر

:)

[فرحة الكواري]

الله يجزاج خير اختي الكريمة

شخصيا فيني طبع لما ادخل المطبخ احب انظف كل شي وراي

لان حاسة بالخدم ووتعبهم وخصوصا رمضان .. اذا تركت لهم شي احس يقولون بقلبهم هذي تعفس وتروح :)

ودايما اقول في داخلي .. اذا انا طبق او طبقين جذي اتعب هم شلون ...!!

بس تعودت الحمدالله اشكل كل شي لما اخلص

ولما انا ادخل المطبخ يستانسون اما خواتي لما يدخلون ههههههه لاتعليق مساكين

..

جزاج الله خير مرة ثانيه :)

و

مبارك عليج الشهر

[MeMe MoOoON]

تسلمين فديتج على هالكلام الطيب

[عابر سبيل]

جزاج الله خير يا هتان على كل هالكلام..

حقيقة انا اليوم تذكرت هالموضوع بالذات بعد الفطور!

يعني الخدامات اذا انهم مسلمات و توهم معانا متفطرات..
اكيد بيجيهم نفس التعب و صداع الراس عالاقل باول يوم او يومين..
مباشرة بعد المغرب!

فمن هالباب التخفيف بالذات في عدم الاستعجال في عملية
الغسيل لكل الصحون اللي تم افراغ محتواها للتو في البطووون..

و لا عند التلفزيون اوامر من الكل " جيبي و هاج"
حد شاي و حد قهوة و حد يبي ماي...و قااائمة بالطلبات..
و فيه ناس:secret: عندها فطوووور ثاني حق
فترة المتابعة مع شعبية الكرتون " مدري شامبو و لا شامبيه:omg:"

المهم...الرحمة هي مطلوبة و ان كان لا بد من جعل الخدم
يقومون بالمهمات...فلا اقل من ان نخفف عليهم في بعض الاوقااات!

تحية...و ارمضان عليج و عالكل مبارك يا هتان!

[(الفيصل)]

لله درك
موضوع حقيقة (بتوقيته المناسب تماماً)
ولنا في حسن معاملة الخدم أسوة حسنه مع معلمنا صلى الله عليه وسلم
فقد روي عنه صلى اللَّه عليه وسلم أن رجلاً سأله فقال :
كم نعفو عن الخادم
قال كل يوم سبعين مرة.. او كما قال صلى الله عليه وسلم
ولاننسى
أن أخر كلامه ووصاياها صلى الله عليه وسلم
كانت في الصلاة وفي الخدم(الصلاة وماملكت أيمانكم)
جزاك الله خيرا
وكل عام وانتم بخير

[هتـان قطر]

الله يجزاج خير اختي الكريمة

شخصيا فيني طبع لما ادخل المطبخ احب انظف كل شي وراي

لان حاسة بالخدم ووتعبهم وخصوصا رمضان .. اذا تركت لهم شي احس يقولون بقلبهم هذي تعفس وتروح :)

ودايما اقول في داخلي .. اذا انا طبق او طبقين جذي اتعب هم شلون ...!!

بس تعودت الحمدالله اشكل كل شي لما اخلص

ولما انا ادخل المطبخ يستانسون اما خواتي لما يدخلون ههههههه لاتعليق مساكين

..

جزاج الله خير مرة ثانيه :)

و

مبارك عليج الشهر



الله يبارك فيك اختي مس شير ويجزاك الله كل خير

هذا هو المفروض ان كل شخص يحس بالمسؤولية

وبعدين هذولا جايين من بلادهم مهب علشان نتملكهم

ونسخر كل دقيقة من وقتهم في خدمتنا..

هم يعتبرون مساعدين لنا في الاوقات المخصصة للعمل

اما ان احنا نستعبدهم ونخليهم ليل ونهار في خدمتنا

فهذا امر ما يجوز..

وكل رمضان وانتي بخير وعساك من عواده

:)

[هتـان قطر]

تسلمين فديتج على هالكلام الطيب


الله يسلمك ميمي مون ومبارك عليك الشهر

[هتـان قطر]

جزاج الله خير يا هتان على كل هالكلام..

حقيقة انا اليوم تذكرت هالموضوع بالذات بعد الفطور!

يعني الخدامات اذا انهم مسلمات و توهم معانا متفطرات..
اكيد بيجيهم نفس التعب و صداع الراس عالاقل باول يوم او يومين..
مباشرة بعد المغرب!

فمن هالباب التخفيف بالذات في عدم الاستعجال في عملية
الغسيل لكل الصحون اللي تم افراغ محتواها للتو في البطووون..

و لا عند التلفزيون اوامر من الكل " جيبي و هاج"
حد شاي و حد قهوة و حد يبي ماي...و قااائمة بالطلبات..
و فيه ناس:secret: عندها فطوووور ثاني حق
فترة المتابعة مع شعبية الكرتون " مدري شامبو و لا شامبيه:omg:"

المهم...الرحمة هي مطلوبة و ان كان لا بد من جعل الخدم
يقومون بالمهمات...فلا اقل من ان نخفف عليهم في بعض الاوقااات!

تحية...و ارمضان عليج و عالكل مبارك يا هتان!


هذا اللي حاصل ونفس الشي في كل البيوت

انا طرحت الموضوع لاني شخصيا اعاني مع عيالي

الله يهديهم..افطروا وتسدحوا عند القنوات

الولد يبي فيمتو..البنت تبي دخون..والصغيرة

طالعة برا تبي احد وراها..ويالله هذا هو الحال :(

مع اني والله اراعيهم والخادمة المسلمة اخليها تروح تنام

الظهر شوي علشان ترتاح..لكن مع ذلك قلبي يتقطع عليهم

وانا اشوفهم يكرفون ..والله احس بالاحراج منهم

مبروك عليك الشهر اخوي عابر وتقبل الله منا ومنكم

[هتـان قطر]

لله درك
موضوع حقيقة (بتوقيته المناسب تماماً)
ولنا في حسن معاملة الخدم أسوة حسنه مع معلمنا صلى الله عليه وسلم
فقد روي عنه صلى اللَّه عليه وسلم أن رجلاً سأله فقال :
كم نعفو عن الخادم
قال كل يوم سبعين مرة.. او كما قال صلى الله عليه وسلم
ولاننسى
أن أخر كلامه ووصاياها صلى الله عليه وسلم
كانت في الصلاة وفي الخدم(الصلاة وماملكت أيمانكم)
جزاك الله خيرا
وكل عام وانتم بخير



جزاك الله كل خير اخوي الفيصل على الاضافة المميزة

" الصلاة وما ملكت أيمانكم "

والله شعرت بالحزن وبعظم امر هؤلاء المساكين

مبروك عليك الشهر اخوي الفيصل