تسجيل الدخول

مشاهدة النسخة كاملة : ::حركاااات التفهي في رمضان:: احم


The Master
22-08-2009, 01:34 AM
حركات التفهي في رمضان

احم احم ثم احم

اولا بالمبارك عليكم الشهر اجمعييييييييييين
وعسى ربي يتقبل منا ومنكم صيامنا وقيامنا ويعينا عليه يارب

قبل لا ابدا بس حبيت اشرح للمستجدين(اشفييييه بومستجدين) معنى كلمه تفهي
تفهي: هي كلمه صنعت حديثا(صنعت؟!:secret: ) وهي جايه من كلمه فهي
مثال بسيط ويشرح كل شي..
شفت لما تكثر من الاكل وعيونك شوي بتسكر وحلجك مفتوح يعني عادي ذبانه تدش وتطلع وانت خبر خير
فا وانت في هالوضعيه انت في حالة تفهي
ولما تقول داااااااااا يعني انت في قمة التفهي.
وهذا للتوضيح فقط

موضوعنا اليوم راح يكون لي الاول في قسم الخيمه الرمضانيه
ولازم الواحد يثبت وجوده ويحط رجله على ارض يابسه..(ابوووك يا تخطيط انته احم)

المهم اليوم حبيت اوضح بعض السلبيات اللي تصير في رمضان عشان الواحد يتفاداها
ومثل ماتقولون هي تذكير ولفت انتباه لي ولكم.

التفهي الاول:

وطبعا هذا من اقوى انواع التفهي
وهو لما تروح تصلي التراويح وانت ضارب لي ثريد عليه تيس...مكبوس عليه دجاج..
شوربه..معكرونه..هريس..مضروبه..سمبوسه..
وعقبها سوييييت على كيف كيفك

وتوك بتجده(ماعرفت اكتبها باللغه العربيه) والا زايد فوقهم فيمتوو...
يعني مافي.. مسوي للمعده اووووووب.
لا والمشكله على طول تسمع الله اكبر
تاكل تمر مجرد تمويه وانت عينك على اهداف ثانيه احم..

المشكله مافي الا حول ساعه ونص بين المغرب والعشا والمعده تحتاج ساعتين تهضم

تعال صل العشا والتراويح...وانت رايح المسجد تشوف العالم تترنح في المشي يمين ويسار احم
تقول شسمه..
وفي الصلاة لما يوقف ياخذ له وقت لين ما يلقى الوضعيه اللي تناسب راحته
تعال لما بيركع...ياااااااااليل تحس انه بيمشي درب
واذا بتعذبه تعال له في السجود يطالع السجاد ويقول باااال يا بعدها..
وماتعرف وش راح يصير بعدها من عواقب احم...اذا فهمتو قصدي
وخلال الصلاة يكثر الوضوء من جديد لاسباب خارجه عن الاراده احم

وتلقى المصلي يتحندى على الامام
ياااخي يطول هذا؟؟
المكيف ليه مايشتغل؟حررر؟ مو مافي مجال يدش الهوى جسمك اصلا سديت كل المناسم
ولا وين الطوفه باصلي جنبها عشان اتسند
يصلي اربع ويحرك بعذر مايقدر تعبان..مو منك انت اللي ماتحاسب في اكلك يالتفهي

واذا لاحظتم ترا تحس ان الكرشه او البطن يكبر ويقدم شبرين عقب الفطور احم

ولما تجيه تقول له عسى ماشر؟ يقول لك يااااخي مغتثثثثثثثثث!!

فا ليه الشقى...والغثى...لازم يعني تكثر؟
شوي شوي
ثلث لطعامك وثلث لشرابك وثلث لنفسك


التفهي الثاني:

يتبع بعدين....خبركم عشان ما نثقل عليكم
ومنها تشويييق (اشفيييه اللي بيقلد لوجين في القصص احم)
ارحم حالك بس

ولاهنتم على المرور
واللي بيضيف هذي الساعه المباركه ويامرحبا الساع
BARBICAN
22-08-2009, 01:39 AM
الحمد لله ماكثر اكل في الفطور . . عشان صلاة التراويح


عاده صار لي عليها اكثر من 10 سنين . . صج ان حريمنا الله يعطيهم العافيه ويبارك فيهم

يتعبون بعد التراويح في طباخ العشاء والسويت بس في النهاية تصلي وانت خفيف ومرتاح

وتقبل الله الطاعات
ممنوع اللمس
22-08-2009, 02:37 AM
ههههههههههههههههههههههههههههههههههههههههههههه وربي انك صادق
انا اصلا ادور الزله وقت المغرب اسمع حد قال الله اكبر بس تلقاني متكي على جنب شبعان
ودي أكون
22-08-2009, 02:49 AM
انا ماوصل لين هالدرجه من التفهي :rolleyes2:

بس بصراحه دامك كاتب هالنوعيه فاكيد انت منهم .. عليك تفهي مو صاحي عيل :nice:

انا التفهي عندي كانت على ايام الجامعه والحمدالله عدت على خير من زماااان :tease:
المهاجر
22-08-2009, 02:57 AM
علينا وعليك اخوي عليان

وكل عام وانت بخير


اما صج سالفه هالتفهي والله

الواحد ما يصدق المؤذن يقول الله اكبر

الا والكل هاجم على السفره تقول ما كل من سنه

ياكل من كل الانواع والاصناف,,

صدقت والله اخوي

موضوعك مميز اخوي وسردك رائع

الله يتقبل صيامنا وقيامنا

كل الشكر لك على هالطرح الرائع
فرحة الكواري
22-08-2009, 03:02 AM
حلاة الفطور .. تمره

وشوووربة لين تترس الجبد

وهريس عن الخاطر

احلى واخف من هالفطور مافي


مبارك عليكم الشهر
ناصر العمادي
22-08-2009, 03:12 AM
هلا والله بالغالي

ماشاء الله تفهي على أخر الليل ..:nice::nice:

مبارك عليك الشهر

والله وأنت صادق الأكل الزايد عن الحد يخلي الواحد مايشوف جدامه ولا يقدر يصلي على راحته ..

أنا زمان كنت أضرب بالخمس ولما اروح التراويح أحس بطيح على ويهي ..:secret:

لكن الحين لا .. والف لا .. أكل شي بسيط وخفيف واروح المسيد وانا مرتاح ومنعنش :nice:

غير أن الجسم مايتعب من الأكل الزايد والمعده كانت فاضيه تحس الأكل وصل للبلعوم ..

ليش أتعب نفسي لاحق على الأكل >> بعد التراويح أكل شي بسيط والساعه 11 أكل خفيف وانا بكون مرتاح وخفيف :nice:

تسلم أيدك يالغالي على التفهي

الله ينور قلبك بالأيمان وطاعة الرحمن وحفظ القرآن والفوز بأعالي الجنان ..اللهم آمين

كل الشكر والتحيه والتقدير والأحترام مني لك
امل الحب
22-08-2009, 08:13 AM
ههههههههههههههه في حد جذي..!

اصلا مايمدي تاكل حبتين تمر وتشرب ماي .. تحس خلاص وصلت حدك

شلون الواحد ياكل مرة وحدة ..
The Master
22-08-2009, 05:27 PM
الحمد لله ماكثر اكل في الفطور . . عشان صلاة التراويح


عاده صار لي عليها اكثر من 10 سنين . . صج ان حريمنا الله يعطيهم العافيه ويبارك فيهم

يتعبون بعد التراويح في طباخ العشاء والسويت بس في النهاية تصلي وانت خفيف ومرتاح

وتقبل الله الطاعات

هلا ب مايسترو قطر
شرفت بالمرور

اكيد صلاة التراويح مهمه
لكن الاهم بطنك وصحتك لان هالشي يتعب المعده ويسوي الكرش خاصة قلة الحركه والرياضه

وحريمنا اكيد الله يبارك لنا فيهم ويعطيهم العافيه
لكن هم بعد تراهم يحبون يالفون وحنا حق التجارب احم

لاهنت للمرور وشرفت
ويامرحبا بك
شويهينــه
22-08-2009, 05:38 PM
عليان موضوعك طويل

بنقراه بعد الفطور
بوحارب
22-08-2009, 05:45 PM
:app::funny:
جلمود
22-08-2009, 05:48 PM
:app::funny:

بوحارب شكلك انت او ما يأذن سيده تشرب كركر وعقب ماي وتمر ! :rolleyes2:


مبارك عليك الشهر :tease:
بوحارب
22-08-2009, 05:52 PM
بوحارب شكلك انت او ما يأذن سيده تشرب كركر وعقب ماي وتمر ! :rolleyes2:


مبارك عليك الشهر :tease:

ههههههههههههههههههههههههههه :secret:

علينا وعليك ^ ــ *
BURBERRY
22-08-2009, 06:53 PM
مساك الله بالخير اخوي اعليان

ما شاء الله عليك اسلوب حلو في الكتابه .. :nice:

صدقت و هذا الواقع .. بس مادري هالناس شلون يأكلون هالكثر .. بس فيه العافيه
The Master
22-08-2009, 07:32 PM
ههههههههههههههههههههههههههههههههههههههههههههه وربي انك صادق
انا اصلا ادور الزله وقت المغرب اسمع حد قال الله اكبر بس تلقاني متكي على جنب شبعان

هلا ب ممنوع اللمس
تقول لي..اصلا قبل الفطور بنص ساعه اقعد واجمع الصحون اللي في السفرة صوبي..خبرك عشان اجرب كل شي احم

لاهنت على المرور واسعدني تعليقك
يامرحبا بك
The Master
22-08-2009, 07:41 PM
انا ماوصل لين هالدرجه من التفهي :rolleyes2:

بس بصراحه دامك كاتب هالنوعيه فاكيد انت منهم .. عليك تفهي مو صاحي عيل :nice:

انا التفهي عندي كانت على ايام الجامعه والحمدالله عدت على خير من زماااان :tease:

هلا مرحب ب بنت المرحوم(عسى ربي يرحم موتانا وموتى المسلمين يارب ويوسع في قبورهم)

ما وصلتي للحين هالمرحله؟؟ ما قد مره حسيتي انج تقولين داااااااا ؟؟

انا اصلا كل مره اقول ماراح اكثر ويجي اليوم الثاني تلقاني دابها اكثر يعني عناد (مالت بس احم)

اقول لج في الصلاة ياااااا ليل احس ان لحد ضغط على بطني ماعرف و شراح يصير فيه احم

بس الحين الحمدلله فترة وعدت وتصير في بعض الاوقات احم تغيير عشان نفهي

لاهنتي على المرور
ويامرحبا بج
لولوتي
22-08-2009, 07:52 PM
احم احم،،، عيش ولحمممممممممممم :nice:
The Master
22-08-2009, 07:54 PM
علينا وعليك اخوي عليان

وكل عام وانت بخير


اما صج سالفه هالتفهي والله

الواحد ما يصدق المؤذن يقول الله اكبر

الا والكل هاجم على السفره تقول ما كل من سنه

ياكل من كل الانواع والاصناف,,

صدقت والله اخوي

موضوعك مميز اخوي وسردك رائع

الله يتقبل صيامنا وقيامنا

كل الشكر لك على هالطرح الرائع

وانت بخير يالشيخ
هلا ومرحب والله
وانت بخير يارب
اي عن الاكل حدث فلا حرج
لبغيت الصدق في هاللحظة اصلا قبل الاذان بدقايق ومع زهبة الفطور تحس انك بجد صايم
ولازم تعيش اللحظة وبكل جوارحك(حشى فلم مب صيام احم)

شرفتني بمرورك وتعليقك

امين يارب
الشكر موصول لك اخوي لتواجدك وردك على الموضوع

ولا هنت ويامرحبا بك



ملاحظة لاخوي المهاجر(عن اللقافة يالباقي حق السوالف بس احم)
الشسمه بكره ولا بعده ان شاء ربي
The Master
22-08-2009, 08:02 PM
حلاة الفطور .. تمره

وشوووربة لين تترس الجبد

وهريس عن الخاطر

احلى واخف من هالفطور مافي


مبارك عليكم الشهر

هلا مرحب اختي انسة الاسهم

تمرة وشوربه؟ ويعني مخربه السالفه بشوية هريس؟
لا لا اسمحي لي انتي كذا ماعشتي رمضان احم

لبغيتي الصدق تمر ولبن لحالهم يسكرون على الجوع

وعلينا وعليج
ولاهنتي على المرور
ويامرحبا بج
The Master
22-08-2009, 08:10 PM
هلا والله بالغالي

ماشاء الله تفهي على أخر الليل ..:nice::nice:

مبارك عليك الشهر

والله وأنت صادق الأكل الزايد عن الحد يخلي الواحد مايشوف جدامه ولا يقدر يصلي على راحته ..

أنا زمان كنت أضرب بالخمس ولما اروح التراويح أحس بطيح على ويهي ..:secret:

لكن الحين لا .. والف لا .. أكل شي بسيط وخفيف واروح المسيد وانا مرتاح ومنعنش :nice:

غير أن الجسم مايتعب من الأكل الزايد والمعده كانت فاضيه تحس الأكل وصل للبلعوم ..

ليش أتعب نفسي لاحق على الأكل >> بعد التراويح أكل شي بسيط والساعه 11 أكل خفيف وانا بكون مرتاح وخفيف :nice:

تسلم أيدك يالغالي على التفهي

الله ينور قلبك بالأيمان وطاعة الرحمن وحفظ القرآن والفوز بأعالي الجنان ..اللهم آمين

كل الشكر والتحيه والتقدير والأحترام مني لك

هلا بك ومرحبا بك ومرحب باقي
علينا وعليك واذا جات عالتفهي حنا 24 ساعه الله يسلمك احم

ماشاء الله عليك...هذا المطلوب عسام عالقوة يارب
بس تعال الحين تقول اكل خفيف وتاكل 3 مرات في اليوم عقب الفطور
ممكن توضح وتشرح وبالتفصيل وشو هذا الخفيف؟؟
ليكون غوزي وبرياني وثريد؟ احم

الله يسمع منك ولك بالمثل اخوي العزيز بوعبدالله
شرفت ونورت والله وعسى ربي يتقبل منا ومنكم صالح الاعمال يارب

ولاهنت على التعليق الجميل جدا والمفيد
ويامرحبا بك
The Master
22-08-2009, 08:14 PM
ههههههههههههههه في حد جذي..!

اصلا مايمدي تاكل حبتين تمر وتشرب ماي .. تحس خلاص وصلت حدك

شلون الواحد ياكل مرة وحدة ..

هلا اختي امل الحب

بخصوص هذا 3 رد يقول انه مستغرب ان في حد كذا؟
شكلكم مب عايشين في قطر
وهالتفهي مش بس للمتان حتى الضعاف نفس الحال
وشي ثاني يمكن انتوا نسوان مالكم في الاكل
لكن حنا الرجال ايييييييه اصلا ما منا فايده في البيت غير الاكل احم

لاهنتي على المرور
ويامرحبا بج
The Master
22-08-2009, 08:18 PM
عليان موضوعك طويل

بنقراه بعد الفطور

هلا بالمريشه

شنو؟؟ موضوع طويل؟ وش عرف ياحسره
هذا وانا مسوي له كومبريشن(يعني ضغط احم)

وشي ثاني انتي لو تقرين الموضوع ماراح تحسين انه طويل
لان اسلوبي يونيك وماراح تحسين الا وانتي في اخر الموضوع من التشويق(ابووووك يالثقه احم)

فا في فرق بين الحشو والكلام الخفيف

وباقول لج لاهنتي عقب ماتقرينه اما الحين فا نو
شويهينــه
22-08-2009, 09:38 PM
هلا بالمريشه

شنو؟؟ موضوع طويل؟ وش عرف ياحسره
هذا وانا مسوي له كومبريشن(يعني ضغط احم)

وشي ثاني انتي لو تقرين الموضوع ماراح تحسين انه طويل
لان اسلوبي يونيك وماراح تحسين الا وانتي في اخر الموضوع من التشويق(ابووووك يالثقه احم)

فا في فرق بين الحشو والكلام الخفيف

وباقول لج لاهنتي عقب ماتقرينه اما الحين فا نو

هههههههههههههههههههههههههههه انت فظيع عليك اسلوب في الحجي مش ممكن على قوله بوعلي2 ههههههههههههههههه

صج والله موضوعك مش طويل بس لو تلاحظ الوقت اللي انا رديت عليه اول مره كان قبل الفطور بشوي

يعني في الوقت الحرج هههههههههههههههههه

ننتظر باقي التفهي :victory:
غزلان
22-08-2009, 10:17 PM
هذي فايدة الكنترول وقت الكل يمنع كل انواع التفهي

مع اول يوم صيااام خلصت الماي واعتقد ما اعانيه هو التفهي الى تقول عنه:rolleyes2:
The Master
23-08-2009, 12:30 AM
مساك الله بالخير اخوي اعليان

ما شاء الله عليك اسلوب حلو في الكتابه .. :nice:

صدقت و هذا الواقع .. بس مادري هالناس شلون يأكلون هالكثر .. بس فيه العافيه

هلا ومرحب والله بالماركه اللي اعشقها
يمسيك بالنور والسرور
لا هنت على الاطراء الجميل وانت الاحلى
عاد ليش الناس تاكل هالكثر امممم الظاهر انت اللي تاكل معاهم ناس مصعويين(كلمه قديمه ودارجه قبلا احم) يعني ماياكلون شي ضعاف نحيفين

على العموم تشكر على المرور والراي
ولاهنت
ويامرحبا بك
The Master
23-08-2009, 12:34 AM
احم احم،،، عيش ولحمممممممممممم :nice:

اهم شي الكود احم
تحداني
23-08-2009, 01:19 AM
هههههههههههههههههههههههه
هههههههههههههههههههههههههههههه
ههههههههههههههههههههههههه

انت مالك حل ..
انت اتوقع الله جابك لنا من حيث لا نعلم ..
الله يسعدك مثل ما تسعدنا .. ..


خاطري اقول لك كل التفاصيل ..
بس اخونا ( الفيصل )<<< اتعرفه ..؟؟

ما اعتقد اتعرفه ..
هذا عضو عندنا .. والحمد لله الكل يعزه ..

يقول انتوا البنات صكوا احلوجكم .. ولا تتكلمون عن خصوصياتكم ..
ما تستحون .. الحين خلاص ما راح اقول شئ يخصني ..
لانه عيب :) :secret:

ومو لازم اتعرف شنو ناكل وشنو نشرب ( فهمت )
ولا اعيد الكلام .. :)
بس ما اكثر اكل .. هاي المعلومه الي لازم اتعرفها ..


وبخصوص التفهي .. مو زين الاكل الزايد .. والسبب ...
سمنه زائده ..
ومشاكل صحيه ..
وارهاق في حق النساء ..

هههههههههههههه انتوا بالفعل حقل تجارب لطبخات ..
بعض النساء الفاشله ..

وانتوا خبر خير تاكلون ولا تدرون شسالفه
هههههههههههههههههههههههههه
ههههههههههههههههههههههههههههه



الله يسعدك يارب ..
مريديان
23-08-2009, 01:29 AM
ههههه,,,يحليلك عليان,,اما عليك تفهي من قلب والله,,

ضحكتني والله من قلب,,,
The Master
23-08-2009, 08:55 PM
هههههههههههههههههههههههههههه انت فظيع عليك اسلوب في الحجي مش ممكن على قوله بوعلي2 ههههههههههههههههه

صج والله موضوعك مش طويل بس لو تلاحظ الوقت اللي انا رديت عليه اول مره كان قبل الفطور بشوي

يعني في الوقت الحرج هههههههههههههههههه

ننتظر باقي التفهي :victory:

يو ار مور ذان ويلكم سيس
عساج دوم فرحانه ومستانسه اختي
وقت حرج؟؟ ولا ماتبغين حد ياخذ مكانج في السفرة وعشان تجمعين الصحون حواليج ها؟؟ اعترفي احم

ويامرحبا بج
والحين اقول لج
لاهنتي على الطلة
The Master
23-08-2009, 09:06 PM
هذي فايدة الكنترول وقت الكل يمنع كل انواع التفهي

مع اول يوم صيااام خلصت الماي واعتقد ما اعانيه هو التفهي الى تقول عنه:rolleyes2:

هلا باختي غزلان

الله يعينج على حالة التفهي
والغلط مب عليج وانما على اللي حطوا الصحون قدامج صح ولا لا؟

وبخصوص الكنترول الله يعينج يبغي لها قوة ارادة وعزيمه غوزي ومندي احم

لاهنتي على المرور
ويامرحبا بج
The Master
23-08-2009, 09:15 PM
هههههههههههههههههههههههه
هههههههههههههههههههههههههههههه
ههههههههههههههههههههههههه

انت مالك حل ..
انت اتوقع الله جابك لنا من حيث لا نعلم ..
الله يسعدك مثل ما تسعدنا .. ..


خاطري اقول لك كل التفاصيل ..
بس اخونا ( الفيصل )<<< اتعرفه ..؟؟

ما اعتقد اتعرفه ..
هذا عضو عندنا .. والحمد لله الكل يعزه ..

يقول انتوا البنات صكوا احلوجكم .. ولا تتكلمون عن خصوصياتكم ..
ما تستحون .. الحين خلاص ما راح اقول شئ يخصني ..
لانه عيب :) :secret:

ومو لازم اتعرف شنو ناكل وشنو نشرب ( فهمت )
ولا اعيد الكلام .. :)
بس ما اكثر اكل .. هاي المعلومه الي لازم اتعرفها ..


وبخصوص التفهي .. مو زين الاكل الزايد .. والسبب ...
سمنه زائده ..
ومشاكل صحيه ..
وارهاق في حق النساء ..

هههههههههههههه انتوا بالفعل حقل تجارب لطبخات ..
بعض النساء الفاشله ..

وانتوا خبر خير تاكلون ولا تدرون شسالفه
هههههههههههههههههههههههههه
ههههههههههههههههههههههههههههه



الله يسعدك يارب ..

اهلين اهلين ب تحداني زماني
استهلت وانورت وامطرت وارعدت(قام يألف احم)

مالي حل؟ اي هو مالي حل مالي حل..في وشو ؟

الحمدلله انها اسعدتكم وونستكم وافادتكم وهذا هو المهم

الفيصل؟؟ اي اعرفه مر علينا من كم يوم..دوم يتقهوى عندنا احم
وهذي وجهة نظره والقرار بيدكم
وبراحتكم في الكشف عنها ولا لا
وفي النهايه لبغيتوا تسوون الشي بتسوونه ماعليكم من حد
على قولة الوالد الله يرحمه"لاشتهيتوا الشي سويتو ماي البحر حلو "
احم

اما حقل تجارب فا هذي من قلب
اصلا النسوان يالفون وحنا ندعس في بطونا
لا ودايما نمدح لانها مافرقت شي وينكل احم

الله المستعان

لاهنتي على المرور اللي ولا اروع
وبجد اسعدني تعليقاتج اللي دوم تكون ترتيب وعجيبه..
بخصوص موضوعج هناك راد عليج بالعربي على عامي اقلدج
ونسيت اقول لج احلام سعيده احم

ويامرحبا بج
وعسى ربي يسعدج دووم يارب
The Master
23-08-2009, 09:19 PM
ههههه,,,يحليلك عليان,,اما عليك تفهي من قلب والله,,

ضحكتني والله من قلب,,,

هلا والله ب مريديان(خطوط العرض احم)
يحليلك ؟؟ نمشيها بما انها من بنت احم

عساج دوم فرحانه وسعيدة اخت مبروكه احم
ويامرحبا بج ونورتي
ولاهنتي على المرور
حمد بن خالد
26-08-2009, 01:19 PM
<<<<<<<<<< أنواع الضحك في الدوام

الله يزاك خير عالموضوع الجميل واللي يرسم الابتسامه على وجييه الصايمين في الدوام

خليتني اضحك لين قلت بس

هههههه

ماقصرت عالطرح المتميز

وننتظرك في الأحم 3 والـ 4 والباقيين

p:
The Master
26-08-2009, 09:21 PM
<<<<<<<<<< أنواع الضحك في الدوام

الله يزاك خير عالموضوع الجميل واللي يرسم الابتسامه على وجييه الصايمين في الدوام

خليتني اضحك لين قلت بس

هههههه

ماقصرت عالطرح المتميز

وننتظرك في الأحم 3 والـ 4 والباقيين

p:

عسى هالضحكه ماتفارق محياك يارب وعسى ربي يسعدك دنيا واخره مثل ما اسعدتني بردك

تصدق لما شفت ردك انك تضحك ومستانس بجد فرحت...صدق رسول الله لما قال ابتسامتك بوجه اخيك صدقه

لاهنت يا حمد بن خالد على المرور الطيب
والكلام المشجع وابشر بالجديد المفيد والعبيط

ويامرحبا بك