المساعد الشخصي الرقمي

مشاهدة النسخة كاملة : حركات كيوتل اللي ماخصلنا منها


HEART_LION
22-08-2009, 12:22 PM
السلام عليكم ورحمة الله وبركاته

موضوعي بسيط واتمنى من الاخوه احب قطر وغيره من اللي شغالين في كيوتل يفيدوني

طرشولي كيوتل مسج من كم يوم والمسج كالتالي:

عميلنا العزيز
الرجاء سداد مبلغ ... ريال
على هاتف رقم ...........
تحت حساب رقم ..........
رقم الاشتراك .............
وذلك تفاديا للاجراءات القانونيه
للاستفسار هاتف رقم ............
متابعة الديون كيوتل

طبعا اتصلت على الرقم المذكور

وسالت ماهي سبب المشكله؟
قالوا لي طبعا جوال اخوي انه الجوال كان فاتوره وتحول هلا بكل بساطه والفواتير متأخره عليك
طيب شلون متأخره للعلم الجوال هلا ماتقدر تحول الجوال من فاتوره الا هلا الا اذا دفعت اللي عليك

الحين انا يوم اروح ادفع فاتوره يقولي تبي تدفع الشهر اللي طاف ولا لليوم هني انا بكيفي
بس اذا بقطع الخدمه او بحولها المفروض ادفع اللي علي مب تجيني بعد كم شهر تحاسبني وهالشي مبين عندك في السيستم كم المتبقي علي

اتصلت على اخوي قالي دافع الفاتوره كامله والدليل شلون حولته من فاتوره الى هلا اذا علي شي
طبعا هو مسافر قلت لهم لين رجع خلوه يتفاهم معكم قالت لا بنقطع خطك لو تأخرت

يعني شسوي مثلا؟

هل يتحمل العميل غلطة كيوتل او غلطة الموظف اذا مادفع الشخص المبلغ المطلوب او السيستم اذا كان فيه مشكله؟

اتمنى من الي شغال بكيوتل يفيدني بالموضوع
احب قطر
22-08-2009, 12:48 PM
طرش لي الرقم عالخاص علشان اعرف موضوعه كامل... وان شاء الله مايصير الا الخير..
HEART_LION
22-08-2009, 01:27 PM
طرش لي الرقم عالخاص علشان اعرف موضوعه كامل... وان شاء الله مايصير الا الخير..

طرشته لك ع الخاص

ويعطيك العافيه
مليونيره
22-08-2009, 01:37 PM
كيوتل والأجر على الله
HEART_LION
22-08-2009, 01:49 PM
كيوتل والأجر على الله

نشوف شسالفه ننتظر ونحكم عشان مانظلمهم
B7r_QTR
22-08-2009, 02:12 PM
السلام عليكم


كيوتل الا يهديهم ماينقدر عليهم

حتى لو تعطيهم اثباتات و و و

بعد ماينصادوون
الرايــق
22-08-2009, 02:25 PM
اغلب المشاكل تتكرر من قسم الديون في كيوتل :(

صارت معاي مشاكل اخرى مع نفس القسم :(
وبالنهاية طلعوا هم الغلط

موفق عزيزي ..
ولد الشحانية
22-08-2009, 02:32 PM
كملوا صيامكم يالربع
ANONYMOUS
22-08-2009, 02:51 PM
الحمد لله ماصار معاي مشاكل في الديون.. وتلفوني مانقطع الا مره وحده يمكن سنة99

انا اعتب على كيوتل.. انهم من اسبوعين او عشر ايام طرشو لي اني لازم ادفع فاتورة سبتمبر..


على قولة احدى العضوات

Please, give me break Qtel

المشكله كل فواتيري حق سبتمبر صدرت.. هل كل الناس نفس وضعي ولا بروحي !
HEART_LION
22-08-2009, 03:30 PM
يعطيكم العافيه شباب بس الموضوع غريب من وين اطلعت الفاتوره اذا انا دافع كل اللي علي

ياسبحان الله
راعي الغزيل
22-08-2009, 03:40 PM
كيوتل والأجر على الله
راعي ال VXR
22-08-2009, 05:40 PM
طرشته لك ع الخاص

ويعطيك العافيه



اذا جذي انا بعد صارت معاي ....وقلت بادفع غصبن عني ...لتوفير الخدمه ..
راعي ال VXR
22-08-2009, 05:50 PM
يعطيكم العافيه شباب بس الموضوع غريب من وين اطلعت الفاتوره اذا انا دافع كل اللي علي

ياسبحان الله


انا اقولكم شلون .....الموظف يمكن يمشيها المعامله بدون ما يحطح بالسيستم انه دفع وهو قبض الاجره من العميل ويمش المعامله في نفس الوقت . وطبعا العميل .يتفاجأ بعد شهر ....انه نفس المبلغ يطالبونه
ولما ترووح تراجع عند نفس الموظف تلقاه منقول الى قسم ثاني .... وتعال ادفع مره اخرى غصب
علشان توفير الخدمه
HEART_LION
22-08-2009, 05:54 PM
انا اقولكم شلون .....الموظف يمكن يمشيها المعامله بدون ما يحطح بالسيستم انه دفع وهو قبض الاجره من العميل ويمش المعامله في نفس الوقت . وطبعا العميل .يتفاجأ بعد شهر ....انه نفس المبلغ يطالبونه
ولما ترووح تراجع عند نفس الموظف تلقاه منقول الى قسم ثاني .... وتعال ادفع مره اخرى غصب
علشان توفير الخدمه

ومعناته انا اتحمل غلطة الموظف؟ للعلم الفاتوره اندفعت قبل التحويل
الـقـاسـي
22-08-2009, 07:17 PM
حركاتهم مايخلونها لازم هالحركات .. انا عندي رقم ثاني اول ماخذته حطيت اللمت 1000 ريال وانا كاتبه فالطلب بنفسي .. وحتى الموظف سئلني كم تبي اللمت قلت له 1000 ريال المهم التلفون هذا ماستخدمه واجد طول مانقطع اتصلت اشيك ع الفاتوره قالوا لي 1600 ريال شلوون وانا حاط اللمت 1000 رحت للفرع اللي خذيت منه الرقم وقالوا لي عطنا رقمك بتصل فيه وصار لهم شهر ونص ماردو لي خبر ..

بيدفعونك وانت ماتشوف الدرب صدقني ..
راسي براسك
22-08-2009, 08:51 PM
كيوتل وماأدراك ماكيوتل
مشاكلها مشاكل خسايرنا أأكثر من فوايدنا فيهااا
ALRAYYAN
22-08-2009, 09:15 PM
بس وهذا هم ماعندهم الا التهديد .. بنقطع خطك وبنوقف الخدمه

نظام متخلف .. مافي اسلوب في التعامل مع الكاستمر

الرجال قالهم بيرجع اخوي وبيتفاهم معاكم .. عطوه مهله واكتبوا عليه ملاحظه واذا ماراجعكم بعدين وقفوا الخدمه

صج عنجهيه
بـن عدوان
22-08-2009, 09:52 PM
يايبه خل كيوتل وحول على فودااافوون ابرك لك

على الاقل عندهم مصداقية
doha_vip
22-08-2009, 09:58 PM
حد شاف منكم عرض موبايلي السعوديه البرودباند بـــــ 85 ريال شهرياً

وكيوتل 400 ريال شهرياً

شوف الفرق شلون !!!
م. عبدالعزيز
22-08-2009, 10:09 PM
حد شاف منكم عرض موبايلي السعوديه البرودباند بـــــ 85 ريال شهرياً

وكيوتل 400 ريال شهرياً

شوف الفرق شلون !!!
مع احترامي للشركات السعوديه ، صحيح الاسعار عندهم رخيصه ،

لكن جوده خدمه + خدمة العملاء = ( لاتعليق )
السعدي999
22-08-2009, 10:52 PM
كيف اعرف كم تبقى من الرصيد في خدمة الباقات من كيوتل لاني شكلي متوهق معاهم الله يستر
doha70999
22-08-2009, 11:02 PM
اتصل على 111
السعدي999
22-08-2009, 11:04 PM
اتصل على 111

خلصت البطاريه وانا انتظر الرد
HEART_LION
23-08-2009, 01:34 AM
خلصت البطاريه وانا انتظر الرد

ههه كالعاده
ALRAYYAN
23-08-2009, 02:00 AM
مع احترامي للشركات السعوديه ، صحيح الاسعار عندهم رخيصه ،

لكن جوده خدمه + خدمة العملاء = ( لاتعليق )

الله يهديك اخوي عبدالعزيز

اللي يشوف ردك يقول كيوتل جودتها مابعدها جوده .. وخدمة العملاء ماشاء الله غايه في السلاسه

والله ان خدمة البرودباند بطيئه وتعيسه جداً مع ان اشتراكي بـ 400 ريال
لو كنت ادري انها بهالبطئ ماخذتها والله

ع الاقل الشركة السعوديه تاخذ 85 ريال .. يعني حتى لو بطيئ مو مشكله بستحمله

لكن 400 ريال وجذي ؟!!!
كلي أمل
23-08-2009, 05:27 AM
كيوتل كل يوم لها سالفه يديده مع الناس - استغفر الله

انا مب عارفه شلون الفواتيير تطلع على 2000 واقل شي 1500 - كل شهر

صاروا اغنيه من فلوس العالم - الله يهدي الجميع
HEART_LION
23-08-2009, 10:30 AM
خاطري بس مره وحده يسوون شي يكون ناجح مافيه شكاوي ولا عرض ناجح كلشي فاشل
بـن عدوان
23-08-2009, 10:52 AM
السلام عليكم ورحمة الله وبركاته

موضوعي بسيط واتمنى من الاخوه احب قطر وغيره من اللي شغالين في كيوتل يفيدوني

طرشولي كيوتل مسج من كم يوم والمسج كالتالي:

عميلنا العزيز
الرجاء سداد مبلغ ... ريال
على هاتف رقم ...........
تحت حساب رقم ..........
رقم الاشتراك .............
وذلك تفاديا للاجراءات القانونيه
للاستفسار هاتف رقم ............
متابعة الديون كيوتل

طبعا اتصلت على الرقم المذكور

وسالت ماهي سبب المشكله؟
قالوا لي طبعا جوال اخوي انه الجوال كان فاتوره وتحول هلا بكل بساطه والفواتير متأخره عليك
طيب شلون متأخره للعلم الجوال هلا ماتقدر تحول الجوال من فاتوره الا هلا الا اذا دفعت اللي عليك

الحين انا يوم اروح ادفع فاتوره يقولي تبي تدفع الشهر اللي طاف ولا لليوم هني انا بكيفي
بس اذا بقطع الخدمه او بحولها المفروض ادفع اللي علي مب تجيني بعد كم شهر تحاسبني وهالشي مبين عندك في السيستم كم المتبقي علي

اتصلت على اخوي قالي دافع الفاتوره كامله والدليل شلون حولته من فاتوره الى هلا اذا علي شي
طبعا هو مسافر قلت لهم لين رجع خلوه يتفاهم معكم قالت لا بنقطع خطك لو تأخرت

يعني شسوي مثلا؟

هل يتحمل العميل غلطة كيوتل او غلطة الموظف اذا مادفع الشخص المبلغ المطلوب او السيستم اذا كان فيه مشكله؟

اتمنى من الي شغال بكيوتل يفيدني بالموضوع


انزين لاتعصب :(
قطر70
23-08-2009, 02:31 PM
يايبه خل كيوتل وحول على فودااافوون ابرك لك

على الاقل عندهم مصداقية

:nice: كلام سليم
كيوتل همهم الوحديد القلوس مايهمهم المنافسه او ارضاء العميل
HEART_LION
23-08-2009, 05:39 PM
اي والله صدقت والدليل موضوعي اللي حاطه
فلفل حار
24-08-2009, 05:50 AM
تهديدات كوكوكيه واضحه ...!


يبيله محامي ...:omen2:
HEART_LION
24-08-2009, 10:58 AM
مايحتاج محامي الموضوع واضح انا قطعت الخدمه ودفعت اللي علي ومبين عندك في السسيتم لين اخر يوم شلون طلعت علي فاتوره متاخره وشلون قطعت عني الخدمه وانا علي فاتوره او مديونيه شي مايدش العقل

اذا بتكون غلطة الموظف انه مادفعني وقطع عني الخدمه او غلطة الشركه هذا مب معناته انا اتحمل الغلطه لاني دفعت اللي علي كامل مكمل اذا اخفيت شي عني مشكلتك واذا السيستم تعبان هم مب مشكلتي

حته فرمضان ماسلمنا هذا اذا انا عميل اتعامل هالشكل مع احترامي لموظفين كيوتل انتوا الموظفين شلون التعامل معاكم ماقول غير الله يعينكم
احب قطر
24-08-2009, 01:43 PM
مايحتاج محامي الموضوع واضح انا قطعت الخدمه ودفعت اللي علي ومبين عندك في السسيتم لين اخر يوم شلون طلعت علي فاتوره متاخره وشلون قطعت عني الخدمه وانا علي فاتوره او مديونيه شي مايدش العقل

اذا بتكون غلطة الموظف انه مادفعني وقطع عني الخدمه او غلطة الشركه هذا مب معناته انا اتحمل الغلطه لاني دفعت اللي علي كامل مكمل اذا اخفيت شي عني مشكلتك واذا السيستم تعبان هم مب مشكلتي

حته فرمضان ماسلمنا هذا اذا انا عميل اتعامل هالشكل مع احترامي لموظفين كيوتل انتوا الموظفين شلون التعامل معاكم ماقول غير الله يعينكم

الشيخ اعتقد كلموك من كيوتل ... الموضوع ومافيه انك حولت من هلا الى الشهري وفي حال انك خذت الشهري لازم تاخذ اقل شي 3 شهور وانت بعد شهر حولت من الشهري الى هلا فباقي عليك اجار شهرين ...
برق تلالا
24-08-2009, 01:49 PM
يعطيك العافيه
امل الحب
24-08-2009, 01:51 PM
الحمد لله ماصار معاي مشاكل في الديون.. وتلفوني مانقطع الا مره وحده يمكن سنة99

انا اعتب على كيوتل.. انهم من اسبوعين او عشر ايام طرشو لي اني لازم ادفع فاتورة سبتمبر..


على قولة احدى العضوات

Please, give me break Qtel

المشكله كل فواتيري حق سبتمبر صدرت.. هل كل الناس نفس وضعي ولا بروحي !

:rolleyes2: مب حق شهر ديسمبر هي تكون حق هالشهر ولكنك ماوصلت اللمت والفاتورة صدرت .. فهو يقولك ال DUE DATE : 5-9-2009

مثلا والا لين توصل اللمت حسب استخداماتك يفصل.. :)


كيف اعرف كم تبقى من الرصيد في خدمة الباقات من كيوتل لاني شكلي متوهق معاهم الله يستر

جرب ال E-QTEL اسهل حل .. تتابع فاتورتك وانت بمكتبك والا ببيتك وتعرف الي لك والي عليك .. اسهل من الفواتير :rolleyes2:
HEART_LION
24-08-2009, 08:50 PM
ياجماعه ببساطه مايبين في السيستم كل الي علي هذا وانتوا قلتوا والاخ احب قطر

بما انه كل اللي علي مبين عندهم وينهم يوم حولت الخدمه

الحين جايين يطالبوني للعلم انتوا ماتسوون اي شي بدون ماادفع اللي علي

والحين تطلعون علي مديونيه شهرين بعد عسى ماشر بدون تهرب صحيح كلامي ولا غلط؟
butterfly qatar
30-09-2009, 10:09 AM
الله يعينا على كيوتل وفودافون بعد اسعارهم رخيصه بس وايد يعطيني مافي شبكه

يالله شنسوي ما باليد حيله
The_Diamond
30-09-2009, 04:00 PM
ياجماعه ببساطه مايبين في السيستم كل الي علي هذا وانتوا قلتوا والاخ احب قطر

بما انه كل اللي علي مبين عندهم وينهم يوم حولت الخدمه

الحين جايين يطالبوني للعلم انتوا ماتسوون اي شي بدون ماادفع اللي علي

والحين تطلعون علي مديونيه شهرين بعد عسى ماشر بدون تهرب صحيح كلامي ولا غلط؟

الله يعينك يا أخوي على ما أبتلاك


بشر عسى حليت مشكلتك من شركة النصب والاحتيال ؟؟