المساعد الشخصي الرقمي

مشاهدة النسخة كاملة : فودافون والخطأ الذي وقعت فيه.. فهل تتداركه؟


برزان1
22-08-2009, 05:04 PM
كلنا استبشرنا خيراً بمجيء فودافون في تشغيل خدمة الهاتف الجوال بعد احتكار شركة كيوتل لهذه الخدمة لمدة 15 عاماً.
وما نتمناه اليوم من فودافون هو الاستماع إلى ملاحظات الجمهور ومحاولة إيجاد الحلول للمشاكل التي يصادفها العملاء وكلي ثقة في أن فودافون ستستجيب لمطالب الجمهور.


أهم هذه الملاحظات والتي تعتبر مهمة للغاية وقد صادفتني شخصياً ولا زلت منتظر لحل هذه المشكلة.
طرحت فودافون عدة باقات أو ما تعرف بـ Flexi ابتداءً من 35 ريال حتى 550 ريال

صلاحية هذه الباقة لمدة 30 يوماً وتتجدد تلقائياً بعد نفاذ الرصيد أو انقضاء الـ 30 يوماً وما تبقى من رصيد بعد انقضاء المدة يترحل للشهر الذي يليه ويبقى المبلغ المتبقي لمدة 60 يوماً كحد أقصى.. إلى هنا الخدمة جداً ممتازة ومريحة للمستخدم.. ولكن!
لو أستهلك الرصيد قبل انقضاء المدة التي هي 30 يوماً يجب أن يصل الرصيد إلى "صفر" حتى يتجدد تلقائياً!

وهذا ما حدث معي عندما وصل الرصيد إلى عشرة دراهم كنت متوقع أن يتم إعادة تعبئة الرصيد بشكل تلقائي لأنه وصل إلى الحد الأدنى.. إلا أنني بقيت معلق أستقبل فقط ولا أستطيع إجراء أي اتصال لأن الرصيد لا يسمح بإجراء اتصال.

اتصلت في مركز خدمة العملاء "111" وطلبت من الموظف إعادة تعبئة الرصيد.. قال لا زال في رصيدك عشرة دراهم يجب عليك أن تتخلص منها حتى تتم التعبئة تلقائياً أو انتظر 24 ساعة حتى يتم الرد على الإيميل الذي بعثته للجهة المختصة في الشركة !
قلت له لا أستطيع استخدام هذا المبلغ لأنني كلما حاولت الاتصال انقطع لأن المبلغ لا يكفي لإجراء أي اتصال
قال أدخل على الإنترنت من الجوال حتى تستهلك الرصيد المتبقي لأن الرصيد (10 دراهم) يسمح لك بذلك
عملت بنصيحة الموظف وفتحت الإنترنت بعدها قطع الاتصال بالإنترنت قلت الحمد لله صفّر الرصيد الآن سوف يعاد شحن الرصيد!

قلت أجرب الحين وأشوف الرصيد وإذا بالرصيد ينزل من عشرة دراهم إلى درهم واحد فقط وبقي الجوال معلق على درهم واحد ويجب علي أن أتخلص منه.. كيف لا أعلم!
طبعاً لا أستطيع الدخول على الإنترنت لأن درهم واحد لا يسمح بالدخول إلى الإنترنت ولم أجد أي طريقة أخرى حتى هذه اللحظة التي كتبت فيها هذه السطور.

السؤال الآن لـ فودافون.. ماذا لو كان الشخص بحاجة ماسة إلى استخدام الجوال هل ينتظر 24 ساعة حتى يتم الرد الإيميل الذي بعثه الموظف في مركز خدمة العملاء أو ينتظر إلى أن تنقضي مدة الـ 30 يوماً؟

اقتراح أرجو أن يأخذه أصحاب الشأن في الشركة بعين الاعتبار وأن يتم في أسرع وقت ممكن حتى لا تضعوا عملائكم في مأزق.

لماذا لا يكون هناك حد أدنى في الرصيد خمسة ريالات أو ريالان مثلاً إذا وصل الرصيد إلى دون هذا المبلغ يتم تعبئة الرصيد تلقائي.


أرجو من الأخت غلا قطر أن تصل هذه الملاحظة إلى أصحاب الاختصاص في شركة فودافون
بولينجر
22-08-2009, 05:07 PM
والله ورطة!
انا توني ماخذ خط من عندهم وما ادري بهالمشكلة.... ياريت ينتبهون ويصلحون هالخطأ....
المتألق
22-08-2009, 05:09 PM
اعتقد فودفون راح يحطون حل لهل مشكله
م. عبدالعزيز
22-08-2009, 05:12 PM
هاي مشكله ،، الاحتساب بالدقيقه !! ( أقصد الدقيقه يعني المكالمه لكل 60 ثانيه ) ،، وليس الاحتساب بالثواني !
السد
22-08-2009, 05:32 PM
والله لو يخلون 10 دراهم او درهم واحد للتبرع به لصندوق الزكاة تلقائيا
احتمال تنحل المشكلة
غلا قطر
22-08-2009, 05:33 PM
اخوي في البدايه احب اشكرك على الموضوع المهم

واحب اقولك ان فودافون مراعيه ان ممكن الشخص يكون في حاجه ماسه لاستخدام الجوال

والدليل ان كل عميل يخلص رصيده وما كان مثلا عنده رصيد في بطاقته او في حسابه .... فودافون تحط له رصيد قيمته 100 ريال عشان تخليك على تواصل طول الوقت لحد ما تنحل المشكله

وبعدين لما تتم تعبئة رصيد فودافون تخصم ال100 ريال اللي عطتها للعميل

يعني كأنه سلف بدون اي فايده لفودافون غير ان العميل يكون على تواصل على طول

وال100 ريال ما راح تطلع معاك في الرصيد يعني لو تحاول تشوف كم الرصيد ما راح تبين


المهم اخوي ترى الموضوع مهم ومعاك حق في كلامك وفودافون مراعيه هالشي وما تبي العملاء يطيحون في الموقف الي انت طحت فيه وبذكر لك ليش

لأن الله يسلمك لما تنزل كروت التعبئة وخدمة red في السوق قريب وبالتحديد قبل العيد

ولو مثلا العميل ما كان من عملاء الred ولكنه من عملاء الفلكسي

ولو خلص رصيده ومثلا الحساب مافيه او البطاقه مافيها فلوس للخصم الالكتروني او حتى لو كان فيه مشكله في السستم

عميل الفلكسي راح يقدر بكل سهوله انه يشتري كرت تعبئة ويعبي رصيده مؤقت عشان يقدر يكون على تواصل لحد ما يحط في بطاقته او في حسابه مبلغ معين

يعني اهم شي العميل ما يتوهق

واخوي لو ما انحلت مشكلتك ياليت تطرش لي رقم الجوال ورقم بطاقتك الشخصيه وانا اوعدك اني راح اتابع الموضوع بنفسي بكره ولازم يكون فيه حل يعني

اتمنى اني افدتكم في الموضوع


اختكم غلا قطر
Abu Deeb
22-08-2009, 05:37 PM
أخوي انا ماواجهت هالمشكلة وأعتقد هم يعطونك 100 ريال لوقت يتم فية الشحن لرصيدك مرة أخرى

فإذا ماقدروا يسحبون من رصيدك بتم معلق نفس ماصار معي ومانحلت المشكلة حتى رحت لواحد من الفروع وغيرت الباقه لباقة أعلى
وأنا هناك أكتشفت أنهم حاطيين جنسية المستخدم غلط ولهذا السبب ماقدروا يسحبون من البنك لان في بيانات مختلفة للعميل

إذا قدرت أخوي راجع بياناتك عندهم وشوف ايش السبب بعدم الشحن
غلا قطر
22-08-2009, 05:37 PM
هاي مشكله ،، الاحتساب بالدقيقه !! ( أقصد الدقيقه يعني المكالمه لكل 60 ثانيه ) ،، وليس الاحتساب بالثواني !

والله اخوي انا اقترحت عليهم قبل ما ينباع اي خط فودافون من تقريبا 5 شهور انهم يفكرون بتغيير الاحتساب بالدقيقه الى الاحتساب بالثانيه

ويارب يسمعون اقتراحي
مضاد
22-08-2009, 05:46 PM
اخوي في البدايه احب اشكرك على الموضوع المهم

واحب اقولك ان فودافون مراعيه ان ممكن الشخص يكون في حاجه ماسه لاستخدام الجوال

والدليل ان كل عميل يخلص رصيده وما كان مثلا عنده رصيد في بطاقته او في حسابه .... فودافون تحط له رصيد قيمته 100 ريال عشان تخليك على تواصل طول الوقت لحد ما تنحل المشكله

وبعدين لما تتم تعبئة رصيد فودافون تخصم ال100 ريال اللي عطتها للعميل

يعني كأنه سلف بدون اي فايده لفودافون غير ان العميل يكون على تواصل على طول

وال100 ريال ما راح تطلع معاك في الرصيد يعني لو تحاول تشوف كم الرصيد ما راح تبين


المهم اخوي ترى الموضوع مهم ومعاك حق في كلامك وفودافون مراعيه هالشي وما تبي العملاء يطيحون في الموقف الي انت طحت فيه وبذكر لك ليش

لأن الله يسلمك لما تنزل كروت التعبئة وخدمة red في السوق قريب وبالتحديد قبل العيد

ولو مثلا العميل ما كان من عملاء الred ولكنه من عملاء الفلكسي

ولو خلص رصيده ومثلا الحساب مافيه او البطاقه مافيها فلوس للخصم الالكتروني او حتى لو كان فيه مشكله في السستم

عميل الفلكسي راح يقدر بكل سهوله انه يشتري كرت تعبئة ويعبي رصيده مؤقت عشان يقدر يكون على تواصل لحد ما يحط في بطاقته او في حسابه مبلغ معين

يعني اهم شي العميل ما يتوهقواخوي لو ما انحلت مشكلتك ياليت تطرش لي رقم الجوال ورقم بطاقتك الشخصيه وانا اوعدك اني راح اتابع الموضوع بنفسي بكره ولازم يكون فيه حل يعني

اتمنى اني افدتكم في الموضوع


اختكم غلا قطر


يا سلام ايش هالخبار الحلووووه :)
برزان1
22-08-2009, 05:46 PM
مشكورة أختي غلا قطر على سرعة الرد
بالنسبة للمشكلة التي صادفتني أنا متأكد أنها في طريقها إلى الحل وهذا ما عهدته من فودافون.. هذه ليست مجاملة فقد حدث معي عدة مواقف وتم حلها من خلال الاتصال بمركز خدمة العملاء في فودافون.

أنا كلمت الموظف في مركز خدمة العملاء أمس في الليل وقال راح تنحل المشكلة خلال 24 ساعة

ما أطلبه من الشركة أن تجد حل جذري لهذه المشكلة وهي تحديد مبلغ معين كما أوضحت سابقاً كحد أدنى للرصيد ويتم بعدها تعبئة الرصيد بشكل تلقائي
غلا قطر
22-08-2009, 05:49 PM
مشكورة أختي غلا قطر على سرعة الرد
بالنسبة للمشكلة التي صادفتني أنا متأكد أنها في طريقها إلى الحل وهذا ما عهدته من فودافون.. هذه ليست مجاملة فقد حدث معي عدة مواقف وتم حلها من خلال الاتصال بمركز خدمة العملاء في فودافون.

أنا كلمت الموظف في مركز خدمة العملاء أمس في الليل وقال راح تنحل المشكلة خلال 24 ساعة

ما أطلبه من الشركة أن تجد حل جذري لهذه المشكلة وهي تحديد مبلغ معين كما أوضحت سابقاً كحد أدنى للرصيد ويتم بعدها تعبئة الرصيد بشكل تلقائي

ارجع واقولك اخوي ان اقتراحك صح وفي محله

وانا اوعدك كلامك واقتراحك راح اوصله للمسئولين


ومثل ما قلتلك اخوي لو ما انحلت مشكلتك عطني خبر وانا راح اتابع الموضوع بنفسي
برزان1
22-08-2009, 05:49 PM
أخوي انا ماواجهت هالمشكلة وأعتقد هم يعطونك 100 ريال لوقت يتم فية الشحن لرصيدك مرة أخرى

فإذا ماقدروا يسحبون من رصيدك بتم معلق نفس ماصار معي ومانحلت المشكلة حتى رحت لواحد من الفروع وغيرت الباقه لباقة أعلى
وأنا هناك أكتشفت أنهم حاطيين جنسية المستخدم غلط ولهذا السبب ماقدروا يسحبون من البنك لان في بيانات مختلفة للعميل

إذا قدرت أخوي راجع بياناتك عندهم وشوف ايش السبب بعدم الشحن

أبداً يا خوي ما في أي خطأ في البيانات أنا عندي عدة ارقام مسجلة باسمي ويسحبون من بطاقتي أول بأول, والمشلة الوحيدة التي صادفتني هي بهذا الرقم
برزان1
22-08-2009, 05:51 PM
ارجع واقولك اخوي ان اقتراحك صح وفي محله

وانا اوعدك كلامك واقتراحك راح اوصله للمسئولين


ومثل ما قلتلك اخوي لو ما انحلت مشكلتك عطني خبر وانا راح اتابع الموضوع بنفسي

مشكورة أختي على اهتمامك في الموضوع
راح انتظر لين تنتهي الـ 24 ساعة إذا ما أنحلت راح أرسل لكِ البيانات المطلوبة

يعطيكِ العافية
برزان1
22-08-2009, 05:52 PM
والله اخوي انا اقترحت عليهم قبل ما ينباع اي خط فودافون من تقريبا 5 شهور انهم يفكرون بتغيير الاحتساب بالدقيقه الى الاحتساب بالثانيه

ويارب يسمعون اقتراحي

يا ليت والله تعملها فودافون

كان ح تبقى ضربة معلم
المتألم
22-08-2009, 06:56 PM
عندي سؤال دام الأخت غلا مثل ما هو واضح من فودا

ليه شرط يكون في فيزا كارد عشان الكرت

ليش ما يصير الموضوع زي كيوتل

ندفع عقب أو بكروت
غلا قطر
22-08-2009, 07:01 PM
عندي سؤال دام الأخت غلا مثل ما هو واضح من فودا

ليه شرط يكون في فيزا كارد عشان الكرت

ليش ما يصير الموضوع زي كيوتل

ندفع عقب أو بكروت

اخوي قبل العيد بإذن الله الكل يقدر يطلع خط فودافون المسبوق الدفع red وما راح تحتاجون فيزا او حساب او اي شي ثاني
المتألم
22-08-2009, 07:09 PM
اخوي قبل العيد بإذن الله الكل يقدر يطلع خط فودافون المسبوق الدفع red وما راح تحتاجون فيزا او حساب او اي شي ثاني


يا سلام عليج وعلى الرد السريع

خلاص لقينا لنا واسطه
عاد الله الله بالدقايق المجانيه

وعسى ما تتفقون ويا كيوتل علينا

مثل ما سوت شركات الألبان خخخخخ
الـقـاسـي
22-08-2009, 07:09 PM
اخوي قبل العيد بإذن الله الكل يقدر يطلع خط فودافون المسبوق الدفع red وما راح تحتاجون فيزا او حساب او اي شي ثاني

بس اختي في حال انه نزلت بطاقات ريد هذي هل راح تكون جميع المميزات الي في فلكسي في الريد هذ او بيسوون نفس الحركه الخايسه مالت كيوتل بطاقات الهلا اسعار المكالمات فيها غير عن الفاتوره ..

نتمنى تكون نفس المميزات اللي في الريد في الفلكسي .. والاهم نفس الاسعار ..

وسؤال ثاني اختي غلا الارقام اللي مالت المساهيمن اللي كان فيها عرضين 100 و350 الى متى راح تتسمر هذي هل لها فتره محدده ام على طول ..

وسؤال اخير واسمحي لي على الاطاله .. نبي نعرف متى راح ينزل البرودباند مال الانترنت من فودافون ياليت تعطينا موعد محدد واذا عندج فكره عن الاسعار ياليت بعد اختي ..


ابتدا يبين الفرق بين فودافون وكيوتل حتى على مستوى الموظفين العضو احب قطر سبحان الله معاملته نفس معاملة كيوتل للعملاء بخياس نفس ومايرد على الاسئله حتى ,, ماينلام يشتغل في كيوتل لازم يخيس النفس مع العملاء ..
اما الاخت غلا قطر اسلوبها جدا محترم مع الاعضاء ونفس اسلوب فودافون مع العملاء ..
غلا قطر
22-08-2009, 07:32 PM
بس اختي في حال انه نزلت بطاقات ريد هذي هل راح تكون جميع المميزات الي في فلكسي في الريد هذ او بيسوون نفس الحركه الخايسه مالت كيوتل بطاقات الهلا اسعار المكالمات فيها غير عن الفاتوره ..

نتمنى تكون نفس المميزات اللي في الريد في الفلكسي .. والاهم نفس الاسعار ..

وسؤال ثاني اختي غلا الارقام اللي مالت المساهيمن اللي كان فيها عرضين 100 و350 الى متى راح تتسمر هذي هل لها فتره محدده ام على طول ..

وسؤال اخير واسمحي لي على الاطاله .. نبي نعرف متى راح ينزل البرودباند مال الانترنت من فودافون ياليت تعطينا موعد محدد واذا عندج فكره عن الاسعار ياليت بعد اختي ..


ابتدا يبين الفرق بين فودافون وكيوتل حتى على مستوى الموظفين العضو احب قطر سبحان الله معاملته نفس معاملة كيوتل للعملاء بخياس نفس ومايرد على الاسئله حتى ,, ماينلام يشتغل في كيوتل لازم يخيس النفس مع العملاء ..
اما الاخت غلا قطر اسلوبها جدا محترم مع الاعضاء ونفس اسلوب فودافون مع العملاء ..

اخوي للحين انا مش مصرح لي اقول اي معلومات عن ريد لكن بإذن الله كل خير من ورى ريد

اما سؤالك عن عرض المساهمين فالعرض كان المفروض ينتهي تاريخ 30-9 لكن فودافون قطر مددت العرض لين نهاية السنة ولله الحمد

اما اخوي بخصوص سؤالك عن البرودباند بصراحه للأسف ماعندي تاريخ معين عنه لكن اللي اعرفه ان بينزلونه قبل نهاية السنة بإذن الله

حالياً تركيز الشركة على الريد والبلاك بيري والاي فون وكلهم قريب بس ريد بيسبقهم شوي

وبعدين بالتدريج البلاك بيري والاي فون

ومثل ما قلتلك بإذن الله البرودباند قبل نهاية السنة لو ما تغير شي

واشكرك اخوي على المجاملة من طيب اصلك
م. عبدالعزيز
22-08-2009, 07:33 PM
بس اختي في حال انه نزلت بطاقات ريد هذي هل راح تكون جميع المميزات الي في فلكسي في الريد هذ او بيسوون نفس الحركه الخايسه مالت كيوتل بطاقات الهلا اسعار المكالمات فيها غير عن الفاتوره ..

نتمنى تكون نفس المميزات اللي في الريد في الفلكسي .. والاهم نفس الاسعار ..

وسؤال ثاني اختي غلا الارقام اللي مالت المساهيمن اللي كان فيها عرضين 100 و350 الى متى راح تتسمر هذي هل لها فتره محدده ام على طول ..

وسؤال اخير واسمحي لي على الاطاله .. نبي نعرف متى راح ينزل البرودباند مال الانترنت من فودافون ياليت تعطينا موعد محدد واذا عندج فكره عن الاسعار ياليت بعد اختي ..


ابتدا يبين الفرق بين فودافون وكيوتل حتى على مستوى الموظفين العضو احب قطر سبحان الله معاملته نفس معاملة كيوتل للعملاء بخياس نفس ومايرد على الاسئله حتى ,, ماينلام يشتغل في كيوتل لازم يخيس النفس مع العملاء ..
اما الاخت غلا قطر اسلوبها جدا محترم مع الاعضاء ونفس اسلوب فودافون مع العملاء ..














بالعكس اخوي القاسي ،، انا ملاحظ انه الاخ احب قطر والاخت غلا قطر تعاملهم 100% وماشفت منهم اي شي ،، انا ما ادافع عنهم بس هاي كلمة الحق وهم مب مقصرين مع الأعضاء ، يمكن صحيح أحيانا احب قطر يرد على بعض الاعضاء بأسلوب مش مناسب لانه هالشي من الاعضاء مب منه ، اما باقي الردود لما اقراها فهو يرد باحترام ،،

وأكرر لك اني ما اعرف حد فيهم شخصيا ً لكن كلمة الحق تنقال .. وأتمنى اثنينهم يتواصلون بالمنتدى علشان يخدمون أعضاء المنتدى..
غلا قطر
22-08-2009, 07:34 PM
يا سلام عليج وعلى الرد السريع

خلاص لقينا لنا واسطه
عاد الله الله بالدقايق المجانيه

وعسى ما تتفقون ويا كيوتل علينا

مثل ما سوت شركات الألبان خخخخخ

اخوي من عيوني لو احتجت اي شي تراني حاضره
البيرق
22-08-2009, 07:43 PM
بس اختي في حال انه نزلت بطاقات ريد هذي هل راح تكون جميع المميزات الي في فلكسي في الريد هذ او بيسوون نفس الحركه الخايسه مالت كيوتل بطاقات الهلا اسعار المكالمات فيها غير عن الفاتوره ..

نتمنى تكون نفس المميزات اللي في الريد في الفلكسي .. والاهم نفس الاسعار ..

وسؤال ثاني اختي غلا الارقام اللي مالت المساهيمن اللي كان فيها عرضين 100 و350 الى متى راح تتسمر هذي هل لها فتره محدده ام على طول ..

وسؤال اخير واسمحي لي على الاطاله .. نبي نعرف متى راح ينزل البرودباند مال الانترنت من فودافون ياليت تعطينا موعد محدد واذا عندج فكره عن الاسعار ياليت بعد اختي ..


ابتدا يبين الفرق بين فودافون وكيوتل حتى على مستوى الموظفين العضو احب قطر سبحان الله معاملته نفس معاملة كيوتل للعملاء بخياس نفس ومايرد على الاسئله حتى ,, ماينلام يشتغل في كيوتل لازم يخيس النفس مع العملاء ..
اما الاخت غلا قطر اسلوبها جدا محترم مع الاعضاء ونفس اسلوب فودافون مع العملاء ..

نفس الاسئلة
ونفس الراي
وشاكرا للاخت غلا قطر
والله يفكنا من كيوتل واتباعها
غلا قطر
22-08-2009, 07:45 PM
اخوي انا رديت على اسألة الاخ القاسي

وهذي الاجابات مره ثانيه



اخوي للحين انا مش مصرح لي اقول اي معلومات عن ريد لكن بإذن الله كل خير من ورى ريد

اما سؤالك عن عرض المساهمين فالعرض كان المفروض ينتهي تاريخ 30-9 لكن فودافون قطر مددت العرض لين نهاية السنة ولله الحمد

اما اخوي بخصوص سؤالك عن البرودباند بصراحه للأسف ماعندي تاريخ معين عنه لكن اللي اعرفه ان بينزلونه قبل نهاية السنة بإذن الله

حالياً تركيز الشركة على الريد والبلاك بيري والاي فون وكلهم قريب بس ريد بيسبقهم شوي

وبعدين بالتدريج البلاك بيري والاي فون

ومثل ما قلتلك بإذن الله البرودباند قبل نهاية السنة لو ما تغير شي
hamoor4ever
22-08-2009, 07:51 PM
اخت غلا قولي حق المسؤولين قبل مايشوفون خدمه مثل البلاك بيري وريد ، انهم يشوفون حل مع شبكات فودافون اللي كله اتقطع بصراحه ذبحتنا الخطوط كله يقطع الخط ، وساعات لما اكون في مكان فيه عمارات او ابراج تلاقي الخط قطع على طول بصراحه الشبكه للحين فاشله مع اني قبل صرحت لج ان الوضع اوكي لكن بصراحه يوم صرت استخدم الفودافون على طول طلعت الشبكات تعبانه وايد وبصراحه اتفشل وايد مع ربعي لما يقطع عليهم تقولين اكلمهم من كرت هلا مب كرت تلفون عادي ، بعدين انا شخص احب الام ام اس وبصراحه خطوطكم مافيها ام ام اس ولا فيها مكالمه فيديو متى بيشوفون لنا حل بصراحه لحد الحين ماقدر استغني من خط كيوتل بسبب ضعف الشبكه الواضح هاذه احنا بالدوحه جذيه شلون باجر لين رحنا سيلين ولا شمال اكيد الشبكه بتكون صفر

بس هاذه اللي بغيت اقوله وبصراحه تحسفت اني استعجلت واشتركت معاكم مع ان شبكتهم وايد تعبانه ويبي لها سنه لين تتعدل الله يعينكم *
شمعة الدوحه
22-08-2009, 07:52 PM
ان شاء الله تنحل مشكلتك اخوي

وغلا قطر

ماقصرت بالتوضيحات
غلا قطر
22-08-2009, 08:05 PM
اخت غلا قولي حق المسؤولين قبل مايشوفون خدمه مثل البلاك بيري وريد ، انهم يشوفون حل مع شبكات فودافون اللي كله اتقطع بصراحه ذبحتنا الخطوط كله يقطع الخط ، وساعات لما اكون في مكان فيه عمارات او ابراج تلاقي الخط قطع على طول بصراحه الشبكه للحين فاشله مع اني قبل صرحت لج ان الوضع اوكي لكن بصراحه يوم صرت استخدم الفودافون على طول طلعت الشبكات تعبانه وايد وبصراحه اتفشل وايد مع ربعي لما يقطع عليهم تقولين اكلمهم من كرت هلا مب كرت تلفون عادي ، بعدين انا شخص احب الام ام اس وبصراحه خطوطكم مافيها ام ام اس ولا فيها مكالمه فيديو متى بيشوفون لنا حل بصراحه لحد الحين ماقدر استغني من خط كيوتل بسبب ضعف الشبكه الواضح هاذه احنا بالدوحه جذيه شلون باجر لين رحنا سيلين ولا شمال اكيد الشبكه بتكون صفر

بس هاذه اللي بغيت اقوله وبصراحه تحسفت اني استعجلت واشتركت معاكم مع ان شبكتهم وايد تعبانه ويبي لها سنه لين تتعدل الله يعينكم *

اخوي معاك حق تكون متضايق بخصوص ضعف الشبكه لكن اخوي اتصل على الكول سنتر لو كنت في مكان وما كان عندك ارسال على 111 من جوال فودافون او 8007111 من جوال كيوتل وهم بيوجهون كلامك للجهة المختصة ووخلال فتره بسيطه راح يحسنون الوضع في المكان اللي انت فيه

الشبكة طور التركيب الحين وكلامك وملاحظاتك وملاحظات كل العملاء تساعدنا على تركيب وبناء شبكة اقوى وفي الاخير هالشي يفيد العملاء كلهم عشان يستخدمون شبكة اقوى واحسن


وبخصوص العمارات والابراج ما كان عندنا تصريح لتركيب الابراج المقوية للإرسال فوق العمارات والابراج

توهم معطينا تصريح بعض الاماكن

انتظر شوي وفالك البيرق اخوي

والشبكة مايبيلها سنة بالعكس بإذن الله قبل نهاية السنة راح تتحسن الاوضاع

وانا اخوي ما بقولك ان ارسال فودافون الحين احسن بالعكس الحين ارسال كيوتل اقوى واحسن

لكن فودافون قطر يبيلها وقت بسيط وبإذن الله راح تتحسن الشبكة قبل نهاية السنة قول يارب

اتمنى اني افدتك
وطن
22-08-2009, 08:20 PM
لو كانت كيوتل صاحبة المشكلة

:secret:
غير البشر
22-08-2009, 08:35 PM
الله يعطيج العافيه اختي غلا قطر

امس انا جاي من دبي

وعندي خطين فودافون وكيوتل

لما اتصل من خط فودافون لكيوتل يرن عادي وبعد مب كل مره

واذا اتصل من خط كيوتل لفودافون ماصير ليه ممكن اختي اعرف السبب
غلا قطر
22-08-2009, 08:38 PM
الله يعطيج العافيه اختي غلا قطر

امس انا جاي من دبي

وعندي خطين فودافون وكيوتل

لما اتصل من خط فودافون لكيوتل يرن عادي وبعد مب كل مره

واذا اتصل من خط كيوتل لفودافون ماصير ليه ممكن اختي اعرف السبب

الحمدلله عالسلامه اخوي

والله اخوي ما ادري ليش ماتقدر تتصل من خط كيوتل لفودافون

هل قصدك لما كنت هناك ولا هنا داخل قطر؟

ياليت توضح ؟
غير البشر
22-08-2009, 08:41 PM
الحمدلله عالسلامه اخوي

والله اخوي ما ادري ليش ماتقدر تتصل من خط كيوتل لفودافون

هل قصدك لما كنت هناك ولا هنا داخل قطر؟

ياليت توضح ؟


اختي انا اتكلم يوم اني كنت بدبي

وخط فودافون وكيوتل فاتح شبكه شركه دو الاماراتيه

اتصل من خطي فوفو الى كوكو << ههه يرن عادي ومب كل مره مرات بس

ولما اتصل من كيوتل الى فودافون مايرن كلش
ALRAYYAN
22-08-2009, 08:47 PM
بدون مجامله .. أنتي مكسب لنا في هالمنتدى أختي غلا قطر
الله يقويج ويعينج على استفساراتنا اللي ماتخلص ولا بتخلص
مبارك عليج الشهر
برزان1
22-08-2009, 09:39 PM
اخت غلا قولي حق المسؤولين قبل مايشوفون خدمه مثل البلاك بيري وريد ، انهم يشوفون حل مع شبكات فودافون اللي كله اتقطع بصراحه ذبحتنا الخطوط كله يقطع الخط ، وساعات لما اكون في مكان فيه عمارات او ابراج تلاقي الخط قطع على طول بصراحه الشبكه للحين فاشله مع اني قبل صرحت لج ان الوضع اوكي لكن بصراحه يوم صرت استخدم الفودافون على طول طلعت الشبكات تعبانه وايد وبصراحه اتفشل وايد مع ربعي لما يقطع عليهم تقولين اكلمهم من كرت هلا مب كرت تلفون عادي ، بعدين انا شخص احب الام ام اس وبصراحه خطوطكم مافيها ام ام اس ولا فيها مكالمه فيديو متى بيشوفون لنا حل بصراحه لحد الحين ماقدر استغني من خط كيوتل بسبب ضعف الشبكه الواضح هاذه احنا بالدوحه جذيه شلون باجر لين رحنا سيلين ولا شمال اكيد الشبكه بتكون صفر

بس هاذه اللي بغيت اقوله وبصراحه تحسفت اني استعجلت واشتركت معاكم مع ان شبكتهم وايد تعبانه ويبي لها سنه لين تتعدل الله يعينكم *

الشركة لا زالت في البداية وأنا أشوف أنها تسير إلى الأمام بقوة في تقوية الشبكة

انتظرنا كيوتل فترة طويلة لين عملت تقوية حق الشبكة في مناطق كثيرة من قطر اللي ما كان يصلها الإرسال إلى عهد قريب جداً وهي بدت الخدمة في عام 94

انتظروا فودافون كلها كم شهر وراح تشوفون كيف بيكون إرسالها
doha_vip
22-08-2009, 09:47 PM
فودافون كل يوم تتحسن عن اللي قبله .. واعتقد يبي لها فتره بسيطه وبتظهر على مستوى عالي

الى الامام يافودافون
برزان1
22-08-2009, 10:12 PM
اخت غلا قولي حق المسؤولين قبل مايشوفون خدمه مثل البلاك بيري وريد ، انهم يشوفون حل مع شبكات فودافون اللي كله اتقطع بصراحه ذبحتنا الخطوط كله يقطع الخط ، وساعات لما اكون في مكان فيه عمارات او ابراج تلاقي الخط قطع على طول بصراحه الشبكه للحين فاشله مع اني قبل صرحت لج ان الوضع اوكي لكن بصراحه يوم صرت استخدم الفودافون على طول طلعت الشبكات تعبانه وايد وبصراحه اتفشل وايد مع ربعي لما يقطع عليهم تقولين اكلمهم من كرت هلا مب كرت تلفون عادي ، بعدين انا شخص احب الام ام اس وبصراحه خطوطكم مافيها ام ام اس ولا فيها مكالمه فيديو متى بيشوفون لنا حل بصراحه لحد الحين ماقدر استغني من خط كيوتل بسبب ضعف الشبكه الواضح هاذه احنا بالدوحه جذيه شلون باجر لين رحنا سيلين ولا شمال اكيد الشبكه بتكون صفر

بس هاذه اللي بغيت اقوله وبصراحه تحسفت اني استعجلت واشتركت معاكم مع ان شبكتهم وايد تعبانه ويبي لها سنه لين تتعدل الله يعينكم *

غلطان يا خوي خدمة الـ mms ومكالمات الفيديو موجودة في فودافون وأنا اليوم مطرش عدة رسائل mms وبالمجان :nice:
رRاAدDاAرR
22-08-2009, 10:14 PM
أختي غلا قطر عندي ملاحظتين ياليت توصلينهم للمسؤولين عندكم في فودافون

أولا : نبي المكالمات تنحسب بالثواني مب بالدقايق لان بصراحة ظلم لما الواحد يتكلم 5 او 7 ثواني وواحد ثاني يتكلم فوق 50 ثانية وفي الاخير الحسبة وحدة :anger1:

ثانيا : لما آتصل مكالمة خارجية تحديدا الكويت يطلع رقمي عند الطرف الثاني مسبوق بـ +33 وأحيانا يطلع رقم ثاني كلش مختلف عن رقمي وبدون الكود الدولي حتى :rolleyes2:

ونسيت شغلة بعد.. اليوم جانا مسج من فودافون بمواقيت الصلاة وكان في خطا في توقيت صلاة المغرب :( اللي وصلنا 6:3 والمفروض 6:5:secret:
برزان1
22-08-2009, 10:37 PM
أختي غلا قطر عندي ملاحظتين ياليت توصلينهم للمسؤولين عندكم في فودافون

أولا : نبي المكالمات تنحسب بالثواني مب بالدقايق لان بصراحة ظلم لما الواحد يتكلم 5 او 7 ثواني وواحد ثاني يتكلم فوق 50 ثانية وفي الاخير الحسبة وحدة :anger1:

ثانيا : لما آتصل مكالمة خارجية تحديدا الكويت يطلع رقمي عند الطرف الثاني مسبوق بـ +33 وأحيانا يطلع رقم ثاني كلش مختلف عن رقمي وبدون الكود الدولي حتى :rolleyes2:

ونسيت شغلة بعد.. اليوم جانا مسج من فودافون بمواقيت الصلاة وكان في خطا في توقيت صلاة المغرب :( اللي وصلنا 6:3 والمفروض 6:5:secret:

كلامك صحيح بالنسبة لملاحظتك الأولى في احتساب المكلمات بالثواني لو عملتها فودافون كان معظم المشتركين راح يحولوا عليها لأنهم حاسين بظلم واقع عليهم من الشركتين.. أرجو من المسئولين في فودافون إعادة النظر في هذا الأمر.

الملاحظة الثانية بخصوص الرسائل اللي أرسلتها فودافون للتذكير بمواقيت أذان صلاة المغرب وهذه لفتة طيبة منها ولكن يجب التحرية والدقة في هذه المواقيت خاصة أنها تتعلق بموعد الإفطار وإن كنا لا نفطر إلا بعد سماع الأذان من أقرب مسجد أو من تلفزيون وإذاعة قطر.
مرتبش
22-08-2009, 10:45 PM
للحين ماجربت فودافون
بس حركة 100ريال في رصيدك عشان ماتتعطل ..حركة عجيبة

ثقة في العميل الصراحة .
doha70999
22-08-2009, 10:51 PM
ياما حنشووووووووووف:tease:
وطن
23-08-2009, 12:05 AM
أختي غلا قطر عندي ملاحظتين ياليت توصلينهم للمسؤولين عندكم في فودافون

أولا : نبي المكالمات تنحسب بالثواني مب بالدقايق لان بصراحة ظلم لما الواحد يتكلم 5 او 7 ثواني وواحد ثاني يتكلم فوق 50 ثانية وفي الاخير الحسبة وحدة :anger1:

ثانيا : لما آتصل مكالمة خارجية تحديدا الكويت يطلع رقمي عند الطرف الثاني مسبوق بـ +33 وأحيانا يطلع رقم ثاني كلش مختلف عن رقمي وبدون الكود الدولي حتى :rolleyes2:

ونسيت شغلة بعد.. اليوم جانا مسج من فودافون بمواقيت الصلاة وكان في خطا في توقيت صلاة المغرب :( اللي وصلنا 6:3 والمفروض 6:5:secret:

اخوي موعد الافطار صحيح
و 3 دقائق
بوحارب
23-08-2009, 12:28 AM
حتى فودافون عليها شكاوي :tease: خلونا على الكرت هلا ابرك لنا واذا بغينا انعبيه نطلب من الهندي يطرش الرصيد ويحسب الفلوس على السلف لاخر الشهر :telephone:
làst çhàncè
23-08-2009, 12:43 AM
ننتظر طرح بطاقات التعبئة بفارغ الصبر
غلا قطر
23-08-2009, 01:39 AM
اختي انا اتكلم يوم اني كنت بدبي

وخط فودافون وكيوتل فاتح شبكه شركه دو الاماراتيه

اتصل من خطي فوفو الى كوكو << ههه يرن عادي ومب كل مره مرات بس

ولما اتصل من كيوتل الى فودافون مايرن كلش

والله يا اخوي ماعرف شنو السبب في انك ماتقدر تتصل من خط كيوتل لفودافون وانت شابك على دو

شي غريب بصراحه بس ما اقدر افيدك في الموضوع الحين

بحاول استفسر وارد لك خبر بإذن الله لو احد قدر يفيدني
غلا قطر
23-08-2009, 01:40 AM
بدون مجامله .. أنتي مكسب لنا في هالمنتدى أختي غلا قطر
الله يقويج ويعينج على استفساراتنا اللي ماتخلص ولا بتخلص
مبارك عليج الشهر

اشكرك اخوي وبالعكس من واجبي ارد على استفساراتكم ومن واجبي بعد اوصل اقتراحاتكم

ولو فيه اي استفسارات بعد انا حاضره ومن عيوني
غلا قطر
23-08-2009, 01:42 AM
غلطان يا خوي خدمة الـ mms ومكالمات الفيديو موجودة في فودافون وأنا اليوم مطرش عدة رسائل mms وبالمجان :nice:

صح كلامك اخوي برزان الوسايط شغاله ومكالمة الفيديو بعد شغاله وكل العملاء يستعملونها صارلهم فتره ولله الحمد
غلا قطر
23-08-2009, 01:52 AM
أختي غلا قطر عندي ملاحظتين ياليت توصلينهم للمسؤولين عندكم في فودافون

أولا : نبي المكالمات تنحسب بالثواني مب بالدقايق لان بصراحة ظلم لما الواحد يتكلم 5 او 7 ثواني وواحد ثاني يتكلم فوق 50 ثانية وفي الاخير الحسبة وحدة :anger1:

ثانيا : لما آتصل مكالمة خارجية تحديدا الكويت يطلع رقمي عند الطرف الثاني مسبوق بـ +33 وأحيانا يطلع رقم ثاني كلش مختلف عن رقمي وبدون الكود الدولي حتى :rolleyes2:

ونسيت شغلة بعد.. اليوم جانا مسج من فودافون بمواقيت الصلاة وكان في خطا في توقيت صلاة المغرب :( اللي وصلنا 6:3 والمفروض 6:5:secret:

اخوي بخصوص الاقتراح انا والله اقترحته عليهم من اكثر من 5 شهور

اما بخصوص ليش يطلع الرقم كذا بحاول استفسر وارد لك خبر بإذن الله

اما بخصوص مواقيت الصلاه اخوي هم على ما اظن ماخذينها من تقويم ام القرى اللي تمشي عليه دولة قطر وكل الدول الخليجيه
غلا قطر
23-08-2009, 01:54 AM
ننتظر طرح بطاقات التعبئة بفارغ الصبر

بإذن الله قبل العيد
جـــــراح
23-08-2009, 01:55 AM
عندي فودافون وما استخدمته
وكل شهر ينسحب مني الاشتراك هل في طريقة ان اقدر اوقف الخط عشان ما بنسحب؟
اذا نزلت خدمة ريد اقدر حاول الخط لها وانا اشتراكي فلكسي؟
غلا قطر
23-08-2009, 02:03 AM
عندي فودافون وما استخدمته
وكل شهر ينسحب مني الاشتراك هل في طريقة ان اقدر اوقف الخط عشان ما بنسحب؟
اذا نزلت خدمة ريد اقدر حاول الخط لها وانا اشتراكي فلكسي؟

اخوي هانت ما باقي شي على خدمة ريد بإذن الله خلال شهر 9

لو حاب نزل الباقه إلى 35 ريال عالاقل عشان ماتخسر فلوس عالفاضي وفي الاخير ما تستعمله

اما هل ممكن تحول من فلكسي الى ريد اسمحلي اخوي ما اقدر اتكلم عن ريد خلال هالفتره لأن مش مصرح لي اتكلم الحين

أول ما اقدر صدقوني انتوا في المنتدى بتكونون اول من يعرف وقبل الجرايد بعد سواء مني او من اخونا عاشق فودافون
جـــــراح
23-08-2009, 02:06 AM
اخوي هانت ما باقي شي على خدمة ريد بإذن الله خلال شهر 9

لو حاب نزل الباقه إلى 35 ريال عالاقل عشان ماتخسر فلوس عالفاضي وفي الاخير ما تستعمله

اما هل ممكن تحول من فلكسي الى ريد اسمحلي اخوي ما اقدر اتكلم عن ريد خلال هالفتره لأن مش مصرح لي اتكلم الحين

أول ما اقدر صدقوني انتوا في المنتدى بتكونون اول من يعرف وقبل الجرايد بعد سواء مني او من اخونا عاشق فودافون

اقدر اعدل عن طريق الموقع ولا لازم اروح لهم؟
غلا قطر
23-08-2009, 02:18 AM
اقدر اعدل عن طريق الموقع ولا لازم اروح لهم؟

اخوي ال35 وال55 مش موجوده عالموقع ولا يقدرون يسوونها لك بالتلفون لازم تروح احد الفروع

لو اي باقه ثانيه تقدر بالتلفون الا هالباقتين
جـــــراح
23-08-2009, 02:38 AM
اخوي ال35 وال55 مش موجوده عالموقع ولا يقدرون يسوونها لك بالتلفون لازم تروح احد الفروع

لو اي باقه ثانيه تقدر بالتلفون الا هالباقتين

مشكوره وماقصرتي
براتزية برازيلية
23-08-2009, 09:36 AM
اختي غلا قطر انا انتظر ينزلون ان شاءالله خدمة البرودباند للانترنت من فودافون و رقم مجاني لأي باقة (رقم واحد نتصل عليه مجانا) و اكنسل كيوتل للابد
السلطــــان
23-08-2009, 10:22 AM
اختي غلا قطــر . .

يعطيج الف عافية وما قصرتي وكفاية استحمالج لردود الأعضاء وانتي بصراحة واجهة مشرفة لفودافون قطر :nice:

والصراحة انا عندي استفسارين :

1- عندي خط فودافون وخذته معاي العمرة بنص شهر 6 اللي فات وتوهقت حاولت اشبكه على جميع الشبكات المتوفرة وما قدرت . . طبعاً كيوتل عادي ويشبك جنه العيد . . فهل عندج اي تفسير لهالشي . .

2- اي معلومات يمكن التصريح عها بخصوص خدمة البلاك بيري . . :)
عاشق فودافون
23-08-2009, 10:43 AM
السلااام عليكم ورحمة الله وبركاااته


مشكورة اختي غلا قطر وماقصرتي صراااحه كفيتي ووفيتي

اسمحلي اخوي السلطان واسمحيلي اختي غلا قطر ارد على سوالك

بخصوص الموضوع الي صار معاك فالعمره..
انت كنت من اوائل المشتركين مع فودافون وفي ذيك الفتره كانت خدمة التجوال ماتفعلت..
حل المشكلة جدا بسيط كل الي عليك تسويه تروح لاقرب فرع فودافون وبيبدلون لك الشريحه مجانا..

اما ن البلااك بيري الخدمه تشتغل للموظفين حاليا بشكل تجريبي لضمان جودتها اما عن موعد طرحها فالسوق لجميع العملاء لحد الان غير مصرحين باعلان التاريخ المحدد لبدء اطلاق خدمات البلااك بيري..

واسمحولي عالاطاله.

وذا في اي استفسارات انا حاضر
غلا قطر
23-08-2009, 10:49 AM
ما قصرت اخوي عاشق فودافون كفيت ووفيت

اخوي السلطان اتمنى ان اخوي عاشق فودافون جاوب على كل استفساراتك
برزان1
23-08-2009, 12:36 PM
اخوي ال35 وال55 مش موجوده عالموقع ولا يقدرون يسوونها لك بالتلفون لازم تروح احد الفروع

لو اي باقه ثانيه تقدر بالتلفون الا هالباقتين

أختي غلا قطر بالنسبة للتغير من فليكسي 110 مثلاُ إلى 55 أو 35 يقدر يغيرها بالتلفون بالاتصال على مركز خدمة العملاء وراح يغيرون له الباقة ما في داعي يروح لهم في الفرع
هذا الشي صار معي بدلت من فليكسي 110 إلى إلى 35 بواسطة الاتصال على مركز خدمة العملاء 111
hamoor4ever
23-08-2009, 12:42 PM
اختي غلا قطر انا انتظر ينزلون ان شاءالله خدمة البرودباند للانترنت من فودافون و رقم مجاني لأي باقة (رقم واحد نتصل عليه مجانا) و اكنسل كيوتل للابد

حاسبي والله بتروحين ملح مثل ماصادني وتوهقت كاني امشي ومعاي خطين الواحد تلفون واحد ومهب خالص الحين خطين والسبه كله فودافون قطعت خطي من كيوتل وعطيت ربعي الفودافون واكتشفت بعدين ان الشبكه صفر تقطع وكرت ساعات يفضي ومايعبونه لج يعني صراحه سالفه بصراحه تشوفين شر كيوتل اهون من شر فودافونن تراهم كلهم عملتين لوجه واحد بالعكس كيوتل تستعملين تلفونج عقب تدفعين لكن فودافون دفعي وعقب تكلمي غير جذيه الشبكه كله مقطعه وهاذه وانا بنص الدوحه

نصيحه خلج على مينونج لا يجيج اللي اجن منه
م. عبدالعزيز
23-08-2009, 01:38 PM
كلنا استبشرنا خيراً بمجيء فودافون في تشغيل خدمة الهاتف الجوال بعد احتكار شركة كيوتل لهذه الخدمة لمدة 15 عاماً.
وما نتمناه اليوم من فودافون هو الاستماع إلى ملاحظات الجمهور ومحاولة إيجاد الحلول للمشاكل التي يصادفها العملاء وكلي ثقة في أن فودافون ستستجيب لمطالب الجمهور.


أهم هذه الملاحظات والتي تعتبر مهمة للغاية وقد صادفتني شخصياً ولا زلت منتظر لحل هذه المشكلة.
طرحت فودافون عدة باقات أو ما تعرف بـ flexi ابتداءً من 35 ريال حتى 550 ريال

صلاحية هذه الباقة لمدة 30 يوماً وتتجدد تلقائياً بعد نفاذ الرصيد أو انقضاء الـ 30 يوماً وما تبقى من رصيد بعد انقضاء المدة يترحل للشهر الذي يليه ويبقى المبلغ المتبقي لمدة 60 يوماً كحد أقصى.. إلى هنا الخدمة جداً ممتازة ومريحة للمستخدم.. ولكن!
لو أستهلك الرصيد قبل انقضاء المدة التي هي 30 يوماً يجب أن يصل الرصيد إلى "صفر" حتى يتجدد تلقائياً!

وهذا ما حدث معي عندما وصل الرصيد إلى عشرة دراهم كنت متوقع أن يتم إعادة تعبئة الرصيد بشكل تلقائي لأنه وصل إلى الحد الأدنى.. إلا أنني بقيت معلق أستقبل فقط ولا أستطيع إجراء أي اتصال لأن الرصيد لا يسمح بإجراء اتصال.

اتصلت في مركز خدمة العملاء "111" وطلبت من الموظف إعادة تعبئة الرصيد.. قال لا زال في رصيدك عشرة دراهم يجب عليك أن تتخلص منها حتى تتم التعبئة تلقائياً أو انتظر 24 ساعة حتى يتم الرد على الإيميل الذي بعثته للجهة المختصة في الشركة !
قلت له لا أستطيع استخدام هذا المبلغ لأنني كلما حاولت الاتصال انقطع لأن المبلغ لا يكفي لإجراء أي اتصال
قال أدخل على الإنترنت من الجوال حتى تستهلك الرصيد المتبقي لأن الرصيد (10 دراهم) يسمح لك بذلك
عملت بنصيحة الموظف وفتحت الإنترنت بعدها قطع الاتصال بالإنترنت قلت الحمد لله صفّر الرصيد الآن سوف يعاد شحن الرصيد!

قلت أجرب الحين وأشوف الرصيد وإذا بالرصيد ينزل من عشرة دراهم إلى درهم واحد فقط وبقي الجوال معلق على درهم واحد ويجب علي أن أتخلص منه.. كيف لا أعلم!
طبعاً لا أستطيع الدخول على الإنترنت لأن درهم واحد لا يسمح بالدخول إلى الإنترنت ولم أجد أي طريقة أخرى حتى هذه اللحظة التي كتبت فيها هذه السطور.

السؤال الآن لـ فودافون.. ماذا لو كان الشخص بحاجة ماسة إلى استخدام الجوال هل ينتظر 24 ساعة حتى يتم الرد الإيميل الذي بعثه الموظف في مركز خدمة العملاء أو ينتظر إلى أن تنقضي مدة الـ 30 يوماً؟

اقتراح أرجو أن يأخذه أصحاب الشأن في الشركة بعين الاعتبار وأن يتم في أسرع وقت ممكن حتى لا تضعوا عملائكم في مأزق.

لماذا لا يكون هناك حد أدنى في الرصيد خمسة ريالات أو ريالان مثلاً إذا وصل الرصيد إلى دون هذا المبلغ يتم تعبئة الرصيد تلقائي.


أرجو من الأخت غلا قطر أن تصل هذه الملاحظة إلى أصحاب الاختصاص في شركة فودافون

أخوي برزان على فكره،، اليوم كان رصيدي 20 درهم ، سويت مكالمه وتكلمت حوالي 5 دقايق

بعدين طلع لي مسج انه ماعندي رصيد ،، وتم جي نص ساعه وعقب سحب ورجع لي الرصيد ومخصوم منه الدقايق اللي تكلمتها ،، يعني حتى لو عندك درهم واحد بتقدر تتصل :)
كيلو حديد
23-08-2009, 02:27 PM
دامكم تقارنون فودافون اللي ما صار لها الا كم يوم بكيوتل اللي صار لها قرن
فهذا نجاح يحسب لفودا فون بصراحه

والشكاوي اللي تصير عاديه ومتوقعه من شركه توها باديه

بس الملامه على اللي صار لهم قرن وتوهم ذكروا يسووون عروض
برزان1
23-08-2009, 04:42 PM
أخوي برزان على فكره،، اليوم كان رصيدي 20 درهم ، سويت مكالمه وتكلمت حوالي 5 دقايق

بعدين طلع لي مسج انه ماعندي رصيد ،، وتم جي نص ساعه وعقب سحب ورجع لي الرصيد ومخصوم منه الدقايق اللي تكلمتها ،، يعني حتى لو عندك درهم واحد بتقدر تتصل :)

الحقيقة يا خوي أنا عندي رقم غير هذا الرقم من فوادفون وما صادفتني أي مشكلة إلا مع هذا الرقم

الآن المشكلة أنحلت ولله الحمد
doha_vip
23-08-2009, 04:53 PM
اختي غلا قطر انا انتظر ينزلون ان شاءالله خدمة البرودباند للانترنت من فودافون و رقم مجاني لأي باقة (رقم واحد نتصل عليه مجانا) و اكنسل كيوتل للابد

صحيح .. وانا مع الاستفسار حق الاخت .. متى بيتم طرح خدمات الانترنت ..وخصوصا البرودباند :omen2:

لان بصراحه كيوتل اسعارها عاليه في البرودباند

وتحياتي لكم
يحفظك ربي
24-08-2009, 03:09 AM
اهم شي البلاك بيري ننتظره على احر من الجمر :nice:

نبي نعرف اسعار الجهاز وسعر الاشتراك بعد لو سمحتوا

ويعطكم العافيه على التفاعل مع الاعضاء والردود على الاستفسارات

الصراحه انا من مشجعي فودافون وحبتييين عليكم :victory: هع

وبالتوفيق

بس عندي سؤال بخصوص الشريحه عند التبديل لان اللي عندي قديمه ومافيها خدمة تجوال مثل ماقلتوا !

هل لازم اوديها مع علبتها ؟ والا الشريحة الصغيره بس تكفي ؟

وفي اجراءات يسوونها ؟ لان وراي سفر وابي اغيرها
ومشكووورين
عاشق فودافون
24-08-2009, 10:09 AM
اهم شي البلاك بيري ننتظره على احر من الجمر :nice:

نبي نعرف اسعار الجهاز وسعر الاشتراك بعد لو سمحتوا

ويعطكم العافيه على التفاعل مع الاعضاء والردود على الاستفسارات

الصراحه انا من مشجعي فودافون وحبتييين عليكم :victory: هع

وبالتوفيق

بس عندي سؤال بخصوص الشريحه عند التبديل لان اللي عندي قديمه ومافيها خدمة تجوال مثل ماقلتوا !

هل لازم اوديها مع علبتها ؟ والا الشريحة الصغيره بس تكفي ؟

وفي اجراءات يسوونها ؟ لان وراي سفر وابي اغيرها
ومشكووورين

مـــرحــبا اخوي/ اختي (( يحفظط ربي ))

الله يعطيك العافيه هذا واجبنا نرد على كل الاستفسارات والشكااوي..

بخصوص موضوع البلاااك بيري.. نفس مارديت قبل الخدمه تشتغل الحين ولكن بشكل تجريبي للموظفين لضمان جودتها مستقبلا..
اما عن الاجهزه وموعد طرح الخدمه انا اقدر اقول قريب خلال الفتره القليله القادمه..

اما عن موضوع شريحتك اجراءات سهله وبسيطه..

تروح لاي فرع .. تعطيهم بطاقتك الشخصيه للتاكد من الهويه وخبرهم عن موضوع التجوال وهم بيبدلون لك الشريحه مجانا..

ومايحتاج تاخذ معاك العلبه..ولاحتى الشريحه..
وتروووح وترجع بالسلااامه يارب

واسمحلي عالاطاله..

تحياااتي
يحفظك ربي
24-08-2009, 07:32 PM
قواك الله اخوي فودافون ماقصرت

والله يسلمك يالطيب

صار الموضوع استفسارات والله شي فله :) بدال ماندق 111 خخخخ

ياليت تنزلون موضوع للاسفتسارات اذا في مجال

وعساكم عالقوة
غلا قطر
25-08-2009, 12:19 AM
قواك الله اخوي فودافون ماقصرت

والله يسلمك يالطيب

صار الموضوع استفسارات والله شي فله :) بدال ماندق 111 خخخخ

ياليت تنزلون موضوع للاسفتسارات اذا في مجال

وعساكم عالقوة

لو عندكم اي استفسارات ثانيه انا واخوي عاشق فودافون حاضرين ومن عيونا
برزان1
25-08-2009, 12:42 AM
عندي سؤال للأخت غلا قطر والأخ عاشق فودافون


عندي جوال أبو شريحتين ومركب فيه شريحتين واحدة فودافون والثانية كيوتل
الشي الذي لاحظته.. عند دخولي المسجد أخرجت الجول من جيبي على شان أحوله على الصامت وجدت أن إرسال فودافون مختفي بينما إرسال قطرنت موجود ..
استغربت من الأمر قلت يمكن فيه خلل في الجوال أو في شريحة فودافون لأن برج تقوية الإرسال حق فودافون قريب من المسجد
اكتشفت أن هناك جهاز بالمسجد يقطع إرسال الشبكة عن الهاتف الجوال وهذه الأجهزة موجودة من زمان ولكن ثبت عدم فاعليتها وتم رفعها من معظم المساجد في الدولة, إلا أنني اكتشفت أن هذه الأجهزة فعالة مع شبكة فودافون فقط.. لأنني عندما خرجت من المسجد أعيد الإرسال مرة أخرى وتأكدت أن الجهاز الموجود في المسجد هو الذي قطع الإرسال.. فهل هناك فرق في تقنية شبكة كيوتل وشبكة فودافون؟
م. عبدالعزيز
25-08-2009, 04:02 AM
عندي سؤال للأخت غلا قطر والأخ عاشق فودافون


عندي جوال أبو شريحتين ومركب فيه شريحتين واحدة فودافون والثانية كيوتل
الشي الذي لاحظته.. عند دخولي المسجد أخرجت الجول من جيبي على شان أحوله على الصامت وجدت أن إرسال فودافون مختفي بينما إرسال قطرنت موجود ..
استغربت من الأمر قلت يمكن فيه خلل في الجوال أو في شريحة فودافون لأن برج تقوية الإرسال حق فودافون قريب من المسجد
اكتشفت أن هناك جهاز بالمسجد يقطع إرسال الشبكة عن الهاتف الجوال وهذه الأجهزة موجودة من زمان ولكن ثبت عدم فاعليتها وتم رفعها من معظم المساجد في الدولة, إلا أنني اكتشفت أن هذه الأجهزة فعالة مع شبكة فودافون فقط.. لأنني عندما خرجت من المسجد أعيد الإرسال مرة أخرى وتأكدت أن الجهاز الموجود في المسجد هو الذي قطع الإرسال.. فهل هناك فرق في تقنية شبكة كيوتل وشبكة فودافون؟
أتصور الجهاز بالمسجد يقطع شبكة الجيل الثاني ، وكان ارسال كيوتل ممتاز لانه شابك على الجيل الثالث ، وفودافون ماشابك عالثري جي ، كان عالجيل الثاني

لانه الجيل الثاني يشتغل على ترددات 890 - 900 ميجا هرتز، اما الجيل الثالث اظن 2110 ميجا هرتز ،، فيختلفون ،،

بس بعدين استبعدت هالشي يمكن نوع جوالك قديم ومافيه أصلا جيل ثالث،، بهالحاله اعطي المجال لغيري يفسر لنا شنو المشكله :)
كلي أمل
25-08-2009, 04:39 AM
فودافون مشكله خطوطهم
storm..
25-08-2009, 05:28 AM
اختي غلا قطر

انا عندي بلاك بيري وخدمة فودافون متى بتنطرح يعني بتطول اول شهر او شهريين

ويعطيج الف عافيهـ على الاهتمام
برزان1
25-08-2009, 12:34 PM
أتصور الجهاز بالمسجد يقطع شبكة الجيل الثاني ، وكان ارسال كيوتل ممتاز لانه شابك على الجيل الثالث ، وفودافون ماشابك عالثري جي ، كان عالجيل الثاني

لانه الجيل الثاني يشتغل على ترددات 890 - 900 ميجا هرتز، اما الجيل الثالث اظن 2110 ميجا هرتز ،، فيختلفون ،،

بس بعدين استبعدت هالشي يمكن نوع جوالك قديم ومافيه أصلا جيل ثالث،، بهالحاله اعطي المجال لغيري يفسر لنا شنو المشكله :)

كلامك صحيح الجوال ما فيه 3 جي وهذا يعني أنه من الجيل الثاني لكن الشرحتين في نفس الجوال
المفروض يختفي إرسال الشبكتين

هذا هو نوع الجوال

http://www.hdrmut.net/vb/uploaded/31525_01250503399.jpg
عاشق فودافون
25-08-2009, 02:58 PM
اختي غلا قطر

انا عندي بلاك بيري وخدمة فودافون متى بتنطرح يعني بتطول اول شهر او شهريين

ويعطيج الف عافيهـ على الاهتمام


هلا اخوي

خدمة البلااك بيري قريب ان شاءالله

والخدمة موجوده فاجندة الشركة للفتره القليلة القادمة

ننتظر شوي وبيكون كل موجود باذن الله
برزان1
25-08-2009, 10:02 PM
هلا اخوي

خدمة البلااك بيري قريب ان شاءالله

والخدمة موجوده فاجندة الشركة للفتره القليلة القادمة

ننتظر شوي وبيكون كل موجود باذن الله

الله يبشرك بالخير