يومياتكم......في رمضان [الأرشيف] - منتديات شبكة الأسهم القطرية

!الشايمه!

23-08-2009, 07:05 AM

http://www.3slcom.com/vb/image.php?u=179&dateline=1240576693

يرن المنبة بجنب راس ساره
وتحس كأن شخص يجر عنها اللحاف فجاة..ويرش عليها ماي بااااااااارد
وهي في سابع وعاشر نومه...
وتقفز من فراشها...ووجهها غاضب...تطل في المرايه
تشوف كشتها.....:eek5: ...تركض
تغسل وجهها....
وتسرح شعرها...

وحالها يقول:
ياربي من طلع سالفة الدراسة...:( ليش ندرس
ليش لازم ندرس الصبح...:( ليش المنبه لازم يرن
الصبح...:( ليش اساسا اخترعوا الساعه :eek5:
كانوا مفتكين في العصر.......الحجري
يقولون ما في مدارس... :rolleyes2:

وتركض وهي تنزل من ع الدرج...
عشان ماتتاخر...

ويبدأ يوم.......ساره.....في رمضان

..........

http://cdn.cbsi.com.au/zdnet/shared/images/blogs/st/cat-on-keyboard.jpg

خالد....يفرك عيونه المحمره.. .اللي تعلقت بالانترنت....من بعد
عودته من صلاة الفجر....ويدق بسرعه على ازرار
الكيبورد...يالربع سوالفكم ما تنمل...لكن
جاء وقت هادم اللذات....الدوام.....ويضع وجه يبكي...
يالله نشوفكم بعد صلاة التراويح...
تامرون على شي.....؟

زين....زين حمود بجيب لك سمبوسه...افا عليك مب ناسيك يالغالي..
عبود...لاتنسى الليلة الغبقة في مجلس بو راشد...
فطوم...وانتي بس مقابله النت...ارقدي عشان تقومين
تطبخين الفطور ويا امج...والله بنات آخر زمن <<<همه يقطع في البنات :D

ويغلق اللاب.....ويبدأ يوم....خالد.....في رمضان

........

<< ام علي ماعطتنا صورتها...تقول عيب :D

ام علي تطوي القرآن بعد ماكملت الجزء الخامس..
و.تصحي ابو علي....ابو علي قوم الساعه عدت السبع..
يالله تلحق على الشغل في هالزحمة...

تروح يم الانتركم.....تدق للخدامة....شوفي ميري : نظفي
مجلس الرجاجيل وبخريه عشان sir اليوم في يجي رجاجيل

ونظفي الصالة عشان اليوم...اهل sir بيجون يتفطرون عندي..
جهزي الصحون...مب صحون مال كل يوم...
لالا هذا يفشل... طلعي طقم كشخه داخل مخزن<<ياحبهن لهالسوالف:D

قولي للطباخ يسوي مجبوس لحم...وثريد...وهريس
بعدين صحيني لصلاة الظهر...انا وانتي
بنجهز الخفايف...والسويت..
زين لا تنسين...

وتروح ام علي...تكبر الوسادة...تعوض سهر البارحه

ويبدأ.......يوم لام علي ....في رمضان...

........

وانتوا :):

كيف عادة تقضون ايامكم في رمضان...

هل تواصلون في رمضان<< وتروحون الدوام بعيون حمراء وتخرعون الناس؟ :eek5:

والا تفضلون تنظيم وقتكم بين النوم وبين الصلاة..والاهل...والفطور والسحور ؟

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

البنات هل تساعدون امهاتكن في تجهيز الفطور ؟ <<عشان نقطع خلود شوي :D

شنو احلا وقت لكم في رمضان ؟ شنو تفضلون من الاكلات في رمضان ؟

هل تحسون انكم مقصرين في العبادة :( ؟ ومقررين هالسنه تزيدون عباداتكم ؟ :D

وبعدين هل عندكم في البيت.....مثل هذا ::sneaky:

http://3.bp.blogspot.com/_ymnv74dtn8w/SLCdseF_FUI/AAAAAAAALuc/yuxHNAkXosE/s400/image004.jpg

مجرد...موضوع فرفوشي عن يومياتكم في رمضان :)

تحية

لاداعي

23-08-2009, 07:35 AM

هههههه. يعطيج العافيه يالشايمه على الموضوع الفرفوشي

ضوى

23-08-2009, 08:22 AM

هل تواصلون في رمضان<< وتروحون الدوام بعيون حمراء وتخرعون الناس؟

لا طبعا ، يعني اقصى مايمكن ان نسهره 12 ، منهو يقدر يسوي جذي ؟؟ تعب اعصاب وارهاق وانهاك للجسد ، الليل خلق للنوم والنهار للعمل

والا تفضلون تنظيم وقتكم بين النوم وبين الصلاة..والاهل...والفطور والسحور ؟

طبعا الافضل تنظيم الوقت نوم وصلاة وفطور وسحور وواجبات اجتماعية الا انني قليلة الخروج في رمضان وافضلها عالعيد

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

تصدقين يالشايمة من توفت امي رحمة الله عليها ومافي اي نوع من الزيارات الاجتماعية عالفطور لانا لبيت اهلي ولا اهلي لبيتي لانه الام سبحان الله هي اللي تجمع وتفرق ( الله يرحمها يارب ويرحم ابوي وجدتي واخوي ) ، سالفة غبقات ماعندنا ، بس بعد التراويح احيانا الجيران يمرونا كثر الله خيرهم

البنات هل تساعدون امهاتكن في تجهيز الفطور ؟ <<عشان نقطع خلود شوي

عندي بنت واحدة بس ماشاء الله عليها كل شئ تسويه بحنه بس احاول معاها بكل الطريق

شنو احلا وقت لكم في رمضان ؟ شنو تفضلون من الاكلات في رمضان ؟

احلى وقت بالنسبة لي بعد التراويح ( لاني اتفرغ شوي )
احلى الأكلات ممممم مافي شئ معين

هل تحسون انكم مقصرين في العبادة ؟ ومقررين هالسنه تزيدون عباداتكم ؟

اذا عالعبادة ان شاء الله مانكون مقصرين والله يقدرنا ويعيينا على طاعته وعبادته

وبعدين هل عندكم في البيت.....مثل هذا

ههههههههه لا ماعندنا ولله الحمد

موضوع خفيف ، تسلمين الشايمة وكل عام وانتي بالف خير يارب

PRINCESS

23-08-2009, 02:39 PM

........

وانتوا :):

كيف عادة تقضون ايامكم في رمضان...

مافي شي جديد بس النوم يكون بالمقلوب:rolleyes2: والروحه لصلاه التراويح اذا كان في جمعه .

هل تواصلون في رمضان<< وتروحون الدوام بعيون حمراء وتخرعون الناس؟ :eek5:

التزام بدوام ماعندي بس اظل سهرانه يمكن ادخل انام ساعه 7 الصبح واصحى عال12 الظهر.

والا تفضلون تنظيم وقتكم بين النوم وبين الصلاة..والاهل...والفطور والسحور ؟

لا تقريبا الامور مستقره وتحت السيطره كل شي في وقته احنه نتعاون بيننا وبين بعض اذا فطور واذا سحور كل واحد فينا يعرف ايش شغله.

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

الامر مايخلى من هالاشياء بس بالعاده عندي سستم خاص اذا حد يريد يجي يسوي تلفون قبل:telephone:
من هالناحيه مااقلق,,,بس القلق الحقيقي بأخوي الصغير هذا مفاجأأأته مفجعه..بدون مقدمات وقال لي جهزي لي فطور او اكل لكذا شخص...:rolleyes2:متى يتزوج ونخلص:rolleyes2:

البنات هل تساعدون امهاتكن في تجهيز الفطور ؟ <<عشان نقطع خلود شوي :D

امي مو عندي ..بس عن نفسي لما ادخل المطبخ تشوفين كل شوي يجي واحد من عيالي يحظنني ويبوسني ويقول ماما حبيبتي تحتاجين شي نساعدج؟؟؟وانا ارد لااااا بس اطلعو من المطبخ ترى عصبت ..وهم مو ببالهم المساعده بس يريدون يعرفون ايش طابخه:shy:

شنو احلا وقت لكم في رمضان ؟ شنو تفضلون من الاكلات في رمضان ؟

مافي شي معين عندي اهم شي الليمون بالنعناع وبس:shy:

هل تحسون انكم مقصرين في العبادة :( ؟ ومقررين هالسنه تزيدون عباداتكم ؟ :D

اكيد مقصره والله يعين ويغفر

وبعدين هل عندكم في البيت.....مثل هذا ::sneaky:

عندي ههههههههههههههه (خطاب الصغير)

شكرا ع الموضوع الخفيف:nice:

http://3.bp.blogspot.com/_ymnv74dtn8w/SLCdseF_FUI/AAAAAAAALuc/yuxHNAkXosE/s400/image004.jpg

مجرد...موضوع فرفوشي عن يومياتكم في رمضان :)

تحية[/COLOR][/CENTER][/QUOTE]

بوخالد911

23-08-2009, 07:08 PM

هل تواصلون في رمضان<< وتروحون الدوام بعيون حمراء وتخرعون الناس؟

مستحيل اواصل
نووو وي كللش

والا تفضلون تنظيم وقتكم بين النوم وبين الصلاة..والاهل...والفطور والسحور ؟

يسس التنظيم شي اساسي ومطلوب لكل شي

حتى بالسفررررر:nice::nice::nice:
خعخعخععخ

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

عاادي

اهم الانذار المبكررر:nice::nice::nice:

وكل شي سهالات

:victory::victory::victory:

شنو احلا وقت لكم في رمضان ؟ شنو تفضلون من الاكلات في رمضان ؟

بعد التراويح

الكباب
الهريس
الفيمتوو
الشوربة : الدجاج - العدس - الفطر - السي فوود

هل تحسون انكم مقصرين في العبادة ؟ ومقررين هالسنه تزيدون عباداتكم

نوعا ما يسسس

يسس ناوي اكوون افضل من العام
ان شاء الله

يسلموو الشايمة

لا هنتي

وافطارا شهيا أتمناه لك
:nice::nice::nice:

؛؛؛

مسيوو/ بوخالد911

ناصر العمادي

23-08-2009, 10:40 PM

موضوع حلو وخفيف ويصلح حق بعد التراويح << الحين يعني :nice::nice:

هل تواصلون في رمضان<< وتروحون الدوام بعيون حمراء وتخرعون الناس؟
أنا أواصل لين صلاة الصبح وأنام قريب الساعه خمس .. وأصحى الساعه عشر أشوف البورصه وأتم جالس على طول وأستغل وقتي أقرا قرآن والحمدلله على كل حال

والا تفضلون تنظيم وقتكم بين النوم وبين الصلاة..والاهل...والفطور والسحور ؟
أنا وقتي منظم على نفس الجدول كل سنه مايتغير .. مرتب أموري عدل

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟
أنا ماطلع من البيت الا للمسجد بس .. وتفقنا كل يومين نجتمع في بيت الوالد الله يحفظه
والشباب لهم الويكند بعد التراويح يجوني ويشرفوني

البنات هل تساعدون امهاتكن في تجهيز الفطور ؟ <<عشان نقطع خلود شوي

بناتي ماشاء الله عليهم يدخلون المطبخ ويطبخون مع أمهم ويسوون كل شي فديتهم

شنو احلا وقت لكم في رمضان ؟ شنو تفضلون من الاكلات في رمضان ؟
كل الأوقات عندي متشابهه ..
الأكل ماعندي شي محدد اللي يسوونه أكل منه وأقول الحمدلله

هل تحسون انكم مقصرين في العبادة ؟ ومقررين هالسنه تزيدون عباداتكم ؟
الأنسان مهما أجتهد في العباده بعد يكون مقصر ..
ولكن نسأل الله أن يتقبل أجتهادنا وعبادتنا أن شاء الله
أنا عن نفسي أحاول أن أجتهد كل سنه أكثر من السنه اللي قبلها لأحس بأني أسير على الطريق الصحيح وأعوض الأيام التي قصرت فيها مع الله ..

وبعدين هل عندكم في البيت.....مثل هذا :
أكيد عندي << عبود الشيطون ..:tease::tease:
أقوله أنت صايم يقولي اي وهو ياكل << أقوله ليش تاكل ..يقول عشان
طبعا هو مفكر كلمة عشان يعني خلاص قال السالفه :nice::nice:
اليوم وانا راجع من التراويح أقوله صليت يقولي أيه << أقوله متى صليت العشا يقول الصبح :omg:
أن شاء الله يكبر ويصوم يارب ..<< طبعا عمره سنتين وعشر شهور

يعطيك الصحه والعافيه على الموضوع الخفيف

الله ينور دربك وييسر أمرك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام مني لك

bshayer

24-08-2009, 12:12 AM

هل تواصلون في رمضان<< وتروحون الدوام بعيون حمراء وتخرعون الناس؟

امم للاسف مافي دووام >>>الاخت مشتاقه لايام الجامعة :(..لان العيون قبل تكون خضرا وزرقا وكل الالوان الطيف طبعآ اذا ماتسحرت ..!!

والا تفضلون تنظيم وقتكم بين النوم وبين الصلاة..والاهل...والفطور والسحور ؟
اكيد احب انظم الوقت والله يعينا لان حزات تقفل معااي ..!!:rolleyes2:

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

كل رمضان يصير مثل هالعادة وطبعا مانقدر نقول لا ..وبعدين احنا نكون مستعدين مثل هالامور ونكون فرزنا خفايف بس علينا القلي او نحطه بالفرن وله الله يسلم المطاعم اقرب شي والتوصيل مجانآ

البنات هل تساعدون امهاتكن في تجهيز الفطور ؟ <<عشان نقطع خلود شوي
ولله الحمد نساعدهم :)

شنو احلا وقت لكم في رمضان ؟ شنو تفضلون من الاكلات في رمضان ؟
طبعآ عند الفطور :) ..اما الاكلات مافي معين ...

هل تحسون انكم مقصرين في العبادة ؟ ومقررين هالسنه تزيدون عباداتكم ؟
الله يعين ويتقبل طاعاتنا وصيامنا ..

وبعدين هل عندكم في البيت.....مثل هذا :

الله يحفظهم عندنا ومسوين نفسهم صايمين ومن ورانا شغالين اكل ولا الحين قاعدين يحنون متى بجي العيد علشان نشفون الخروف >>همهم الخروف والشرخيات

وكل عام وانتم بخير ..وينعاد عليكم كل عام :)

!الشايمه!

24-08-2009, 01:14 AM

هههههه. يعطيج العافيه يالشايمه على الموضوع الفرفوشي

يوووووووه فرفوشي ومافرفشت معانا :)

يسلموووو لاداعي....بس لازم تفرفش وتقول لنا عن...

يومياتك في رمضان...

وياهلا دوم......تحية

!الشايمه!

24-08-2009, 01:34 AM

يامرحبا......والله ضوى :nice:

لا طبعا ، يعني اقصى مايمكن ان نسهره 12 ، منهو يقدر يسوي جذي ؟؟ تعب اعصاب وارهاق وانهاك للجسد ، الليل خلق للنوم والنهار للعمل

اي والله تعب...وارهاق...جربت هالشئ سنوات الجامعة...مافي وقت للدراسة
او للعبادة...او القعدة مع الاهل...واهم شئ نوم الليل والله مريح
غير عن نوم ...باقي اليوم..

طبعا الافضل تنظيم الوقت نوم وصلاة وفطور وسحور وواجبات اجتماعية الا انني قليلة الخروج في رمضان وافضلها عالعيد

التنظيم...شئ مهم في رمضان...خاصة للي عندهم ودوامات ودراسة..
احنا قليل نزاور في رمضان..لكن اغلب الاهل والمعارف...يجون يباركون لامي...
فما شاء الله الناس اللي مانشوفهم طول السنه..نشوف في..
في رمضان والعيد...

تصدقين يالشايمة من توفت امي رحمة الله عليها ومافي اي نوع من الزيارات الاجتماعية عالفطور لانا لبيت اهلي ولا اهلي لبيتي لانه الام سبحان الله هي اللي تجمع وتفرق ( الله يرحمها يارب ويرحم ابوي وجدتي واخوي ) ، سالفة غبقات ماعندنا ، بس بعد التراويح احيانا الجيران يمرونا كثر الله خيرهم

الله يرحمهم يارب:( ....والله صحيح كلامج مافي مثل الام تجمع العيال...
المفروض بعد الام الاخ الكبير والا الاخت الكبيرة هي اللي
تكمل دور الام...
والله يا ضوى انا امي دوم تقول لاختي الكبيرة...بعد عيني << ربي
يحفظها....يوم الجمعة الغدا جمعي اخوانج في بيتي...والفطور في رمضان :(
ربي يحفظ امهاتنا يارب..هن بركة البيت...
ويرحم ويغفر الموتى منهن ...:(

عندي بنت واحدة بس ماشاء الله عليها كل شئ تسويه بحنه بس احاول معاها بكل الطريق

ههههههه بنات هالجيل صعبات...لازم تشوفين شنو يحبون من الاكلات..
وتعلمينهن خاصة سوالف السويت والسلطات...
بنت اخوي 14 سنه...لاطرى عليها تسوي شغلات خفيفه...
بسكويت اتحط عليه جبن وخيار وفلفل :) << يعني طابخه

احلى وقت بالنسبة لي بعد التراويح ( لاني اتفرغ شوي )
احلى الأكلات ممممم مافي شئ معين

اي شوي يهدأ البيت بعد التراويح...قبل الفطور..
تحسين زحمة :)...شكلج ما تاكلين وايد :)

اذا عالعبادة ان شاء الله مانكون مقصرين والله يقدرنا ويعيينا على طاعته وعبادته

آمين يارب العالمين...الله يقدرنا...جميع

ههههههههه لا ماعندنا ولله الحمد

موضوع خفيف ، تسلمين الشايمة وكل عام وانتي بالف خير يارب

هههههههههههه زين ماعندكم مثل هذا يسوي لكم قلق :)

وتسلمين والله على هالتواجد...الرائع...

وكل عام وانتي بصحة وسلامه.....يارب

تحية

ابن الجزيره

24-08-2009, 01:41 AM

انـــــــا اجـــــــــــازه ......
اللهم سلمنا إلى رمضان، وسلم لنا رمضان، وتسلمه منا متقبلا

!الشايمه!

24-08-2009, 02:06 AM

اهليييييييييييين.....خيتي برنسس :nice:

[QUOTE=PRINCESS;4656366]........

مافي شي جديد بس النوم يكون بالمقلوب:rolleyes2: والروحه لصلاه التراويح اذا كان في جمعه .

النوم مقلوب :rolleyes2: ....اما النوم المقلوب والله اني جربته...
وما انصحج بالنوم المتقطع......تحسين نفسج جذيه :rolleyes2: ...ماتدرين
متى تصحين ومتى تنامين....تنامين ساعتين وتصحين للجامعه..
تنامين ساعتين وتصحين للفطور...تنامين ساعة
وتصحين للتروايح....يتعب الاعصاب.....:rolleyes2:

التزام بدوام ماعندي بس اظل سهرانه يمكن ادخل انام ساعه 7 الصبح واصحى عال12 الظهر.

احلا شي مافي دوام.....وعلى راحتج....
هالايام لاني باجازة...فانام بعد صلاة الفجر...واصحى على صلاة الظهر...
وبعد التراويح لازم ساعتين نوم :nice: ....تحسين النوم
عزيز في رمضان :)

لا تقريبا الامور مستقره وتحت السيطره كل شي في وقته احنه نتعاون بيننا وبين بعض اذا فطور واذا سحور كل واحد فينا يعرف ايش شغله.

:nice: ههههههه اهم شئ الامور تحت السيطرة...والأمن مستتب
احنا الفطور بيتوي...بينا وبين بيت اخوي...اما السحور..
عادة من برا.....عاد فرصة ندور مطاعم...جديده

الامر مايخلى من هالاشياء بس بالعاده عندي سستم خاص اذا حد يريد يجي يسوي تلفون قبل:telephone:
من هالناحيه مااقلق,,,بس القلق الحقيقي بأخوي الصغير هذا مفاجأأأته مفجعه..بدون مقدمات وقال لي جهزي لي فطور او اكل لكذا شخص...:rolleyes2:متى يتزوج ونخلص:rolleyes2:

والله يا برنسس هالسستم ضايع في بيتنا...في كل وقت...غداء..والا فطور..والا سحور
والا عشاء...مافي شي اسمه تلفون الا نادرا....اي وقت يدخلون
ماشاء الله.....اذا الاهل عادي...لكن مشكله اذا غرب..بس تعودنا... :)

اخوج ذكرني باخوي قبل لايتزوج.....كان مسوي صداع لامي واختي هههههههه
الحين تزوج....وابتلشنا بعياله ههههههههه اختي شوي
وتذبحهم ... بس لازم يقردنونها...عشان تسوي لهم سويت :)

<<< الحمدلله ما اعرف اطبخ.....والا كنت توهقت معاهم

امي مو عندي ..بس عن نفسي لما ادخل المطبخ تشوفين كل شوي يجي واحد من عيالي يحظنني ويبوسني ويقول ماما حبيبتي تحتاجين شي نساعدج؟؟؟وانا ارد لااااا بس اطلعو من المطبخ ترى عصبت ..وهم مو ببالهم المساعده بس يريدون يعرفون ايش طابخه:shy:

يحليلهم ...كيوت :) الله يخليهم لج....بس مسوين سياسة لج...انا منج
اخليهم يساعدون مقابل البوسه :)...الله يحفظهم

مافي شي معين عندي اهم شي الليمون بالنعناع وبس:shy:

ياسلام ع الشراب النعنوششششششي :nice:
اهم شئ الليمون....جربي الفيمتو لازم اللي يجي قطرلازم يشرب
فيمتو ...الفيمتو عندنا زي مية النيل اللي يشربه مره
لازم يرجع قطر :nice:

اكيد مقصره والله يعين ويغفر

الله يعينا يارب....على الطاعة والعبادة...انا هالسنة اجازة
والحمدلله شاده حيلي...والله يقدرني يارب....ويغفر لنا جميع....

عندي ههههههههههههههه (خطاب الصغير)

هههههههههههههههه الله يحفظه.....يارب
بس لا ياكل قدام الباقيين...يسوي لهم تعذيب...:sneaky:

احنا عندنا اثنين يلبسون مثل بعض...ينامون ويا بعض..ويلعبون ويا بعض
هالسنه صومنا واحد منهم.....والثاني مسووووووووي منتهى
الرزاله للثاني هههههههههههههههه :court:

شكرا ع الموضوع الخفيف:nice:

يسلمووووو حبيبتي.....على المرور الكيووووت الفرفوشي :nice:

مرحبا دوم......تحية

!الشايمه!

24-08-2009, 02:17 AM

هلا هلالالا.....سندباد المنتدى :nice:

مستحيل اواصل
نووو وي كللش

نو واي...مايلاعب :nice: ....والله احسن لك...السهر متعب
خاصة للي يداوم......

يسس التنظيم شي اساسي ومطلوب لكل شي

حتى بالسفررررر:nice::nice::nice:
خعخعخععخ

ههههههههههه وانت كل شي اتدخل السفر<<< مايصبر :)
اهم شئ التنظيم....والا راحت عليك...حتى ماتلقى وقت......للغبقات هههههه

عاادي

اهم الانذار المبكررر:nice::nice::nice:

وكل شي سهالات

:victory::victory::victory:

ههههههههههههههههههه انذار مبكر هههههه....احط حاط للضيوف
فخ عند الباب...اللي ما يعطيك انذار...يطيح فيه ههههههه

بعد التراويح

الكباب
الهريس
الفيمتوو
الشوربة : الدجاج - العدس - الفطر - السي فوود

ماشاء الله......اخيرا لقيت شخص اكيل << تعز الاكيلين :nice:
بس الفطر منو؟ :eek5:

نوعا ما يسسس

يسس ناوي اكوون افضل من العام
ان شاء الله

الله يقدرك....وياجرك.....يارب

يسلموو الشايمة

لا هنتي

وافطارا شهيا أتمناه لك
:nice::nice::nice:

؛؛؛

مسيوو/ بوخالد911

دبل يسلمووو مسيو بوخالد ....وسحور شهي ان شاء الله

دمت.....بود

!الشايمه!

24-08-2009, 02:43 AM

يامرحبتين.....والله ناصر:nice:

موضوع حلو وخفيف ويصلح حق بعد التراويح << الحين يعني :nice::nice:

اي ......يهضم :)

أنا أواصل لين صلاة الصبح وأنام قريب الساعه خمس .. وأصحى الساعه عشر أشوف البورصه وأتم جالس على طول وأستغل وقتي أقرا قرآن والحمدلله على كل حال

نومك قليل ياناصر...بورصة في رمضان حق عوار الراس :rolleyes2:
الله يعينك.....يعطيك العافية....اي جزء وصلت :D <<< لحد يسبقني
والله يا ناصر سنوات الدراسة كنت مضغوطه وايد...لا رقاد وقعدة مع
الاهل...وحتى العبادة يالله القى لها وقت :( ...هالسنة
الحمدلله لاني باجازه ناويه...اعوض وارجع لسابق ايامي :nice:

أنا وقتي منظم على نفس الجدول كل سنه مايتغير .. مرتب أموري عدل

ماشاء الله عليك....شكلك شخص نظامي :omg:

أنا ماطلع من البيت الا للمسجد بس .. وتفقنا كل يومين نجتمع في بيت الوالد الله يحفظه
والشباب لهم الويكند بعد التراويح يجوني ويشرفوني

ماشاء الله....اهم شئ جمعة الاهل..والله حلوه
تحس بجو حلو...ماتحس بهالاجواء الا في رمضان.....قعدة الاهل
تصير غير...الله يحفظك لكم هالجمعة..

بناتي ماشاء الله عليهم يدخلون المطبخ ويطبخون مع أمهم ويسوون كل شي فديتهم

ماشاء الله .... ودام ابوهن مثلك...
اكيد ماعليهن قصور...الله يحفظهن لك يارب.....واهم شئ البنات يتعلمن الطبخ
عشان المستقبل :shy:

كل الأوقات عندي متشابهه ..
الأكل ماعندي شي محدد اللي يسوونه أكل منه وأقول الحمدلله

:( يووووه ليش كلكم ماتحبون الاكل :court: ....لازم يكون لك
اكل مفضل....خاصة في رمضان...في اكلات ماتجي
الا برمضان...حتى برمضان يكون طعمها......غير :)

الأنسان مهما أجتهد في العباده بعد يكون مقصر ..
ولكن نسأل الله أن يتقبل أجتهادنا وعبادتنا أن شاء الله
أنا عن نفسي أحاول أن أجتهد كل سنه أكثر من السنه اللي قبلها لأحس بأني أسير على الطريق الصحيح وأعوض الأيام التي قصرت فيها مع الله ..

والله كلامك صحيح...الواحد مهمن حاول يزيد في الصلاة...وقراءة القرآن الكريم..
يحس بالتقصير...ويتمنى يزيد...الله يعطي يارب الكل على قد نيته...
وقد مايرغبه ويسعى له في الطاعة...الله ياجرك يارب..

أكيد عندي << عبود الشيطون ..:tease::tease:
أقوله أنت صايم يقولي اي وهو ياكل << أقوله ليش تاكل ..يقول عشان
طبعا هو مفكر كلمة عشان يعني خلاص قال السالفه :nice::nice:
اليوم وانا راجع من التراويح أقوله صليت يقولي أيه << أقوله متى صليت العشا يقول الصبح :omg:
أن شاء الله يكبر ويصوم يارب ..<< طبعا عمره سنتين وعشر شهور

هههههههههههههههههههههههههههه
كيييييييوت ..... ماشاء الله عليه.....اما عشان....الله يحفظه ويكبر ويكون من
الابناء الصالحين.....يارب
احنا عندنا....قطو عمره 3سنين ونص....ولد اخوي....ابوه يقعد ويحط رجله
عليه عشان لا يشرد وياكل معاه ههههههه ......بس يعز السويت :strong
اذا ما اكل عدل....يقول.....بابا قال لي بس... قووود...ماقال
لي اكسلنت هههههههههههههه... فديته

يعطيك الصحه والعافيه على الموضوع الخفيف

الله ينور دربك وييسر أمرك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام مني لك

يعطيك العافية......يارب والله اسعدني مرورك يا ناصر...
وجودك دوم يسعد....ربي يحفظك....ويقدرنا يارب على الطاعة والعبادة
والله يعود رمضان عليك......بالصحة والعافية

دمت...........طيب

!الشايمه!

24-08-2009, 02:58 AM

ياهلا.........والله بشاير << اسمج حلو :nice:

امم للاسف مافي دووام >>>الاخت مشتاقه لايام الجامعة ..لان العيون قبل تكون خضرا وزرقا وكل الالوان الطيف طبعآ اذا ماتسحرت ..!!

حد يشتاق للجامعه في رمضان يابشاير :( ....اي والله ازرق واخضر وبدون
عدسات بعد هههههههه مرت علينا ايام قشرا ...واذا ماتسحرنا...عادي
من تجي الساعه عشر....تحسين خلصت البطاريه...نحتاج جرج ههههههه

اكيد احب انظم الوقت والله يعينا لان حزات تقفل معااي ..!!

التنظيم صعب..خاصة اذا جا وقت الدراسة برمضان...ياربي صدااااااااااع ورا صداع

كل رمضان يصير مثل هالعادة وطبعا مانقدر نقول لا ..وبعدين احنا نكون مستعدين مثل هالامور ونكون فرزنا خفايف بس علينا القلي او نحطه بالفرن وله الله يسلم المطاعم اقرب شي والتوصيل مجانآ

اي لازم مستعدين لطوارئ في رمضان :)....لفينا شغلات...وسوينا سمبوسه
وكبه ومادري شنو سوالف كثيره...انا اختي تقول لفي..الف
لا تلفين ما الف هههههههه ....والله المطاعم صارت منقذه هالايام
خاصة الزيارات المفاجئة

ولله الحمد نساعدهم

يعطيج العافية...انا كنت تخصص سلطة فواكه....عاد في رمضان شكثر
ناس يجونا...... احس يجيبون لي كل الفواكه في الثلاجة....شوي واصيح
هههههههههههههههههه

طبعآ عند الفطور ..اما الاكلات مافي معين ...

جمعة الاهل.....مافي احلى منها...والفطور لازم الكل موجود...
يمكن السحور الكل مشغول...والا الشباب برا...بس الفطور...حلو
تحسين بجو حميمي...

الله يعين ويتقبل طاعاتنا وصيامنا ..

آمين يارب......العالمين....

الله يحفظهم عندنا ومسوين نفسهم صايمين ومن ورانا شغالين اكل ولا الحين قاعدين يحنون متى بجي العيد علشان نشفون الخروف >>همهم الخروف والشرخيات

هههههههههههههههههههههههههههههههه
اما شغالين اكل وراكم ....يحليلهم......الله يحفظهم....
احنا مافي امل حد يغش...وراهم اخوانهم حق الفضايح ..يعلمون ابوهم..

وكل عام وانتم بخير ..وينعاد عليكم كل عام :)

يسلموووووو والله يا بشاير...على هالتواجد الطيب...

وكل عام وانتي ......بصحة وسلامة يارب..

دمتي...........بود

!الشايمه!

24-08-2009, 03:02 AM

انـــــــا اجـــــــــــازه ......
اللهم سلمنا إلى رمضان، وسلم لنا رمضان، وتسلمه منا متقبلا

ياهلا فيك......ابن الجزيرة..

وكيف يومك في هذي الاجازة...؟؟..طبعا فرصة لزيادة العبادة..

ولزيادة الوقت بالجلسة مع الاهل...والمعارف....

نطمع تشاركنا....كيف قضيت اجازتك في رمضان...؟؟

وكل عام وانت .......طيب...والله يتقبل منا طاعته وعبادته يارب...
بقدر اخلاصنا...وبقدر سعينا لرضاه...

تحية

PRINCESS

24-08-2009, 02:04 PM

بوحارب

24-08-2009, 03:03 PM

http://www.3slcom.com/vb/image.php?u=179&dateline=1240576693

http://up.souqaldoha.com/get-8-2009-souqaldoha.com_fy8ow9wa.gif (http://up.souqaldoha.com)

ولي عودة بأذن الله مع هالموضوع الطويل والكيوت http://up.souqaldoha.com/get-8-2009-souqaldoha.com_kuqjcdo0.gif (http://up.souqaldoha.com)

بنت ذياب

24-08-2009, 03:15 PM

ماشاء الله ..

عيزانه اجاوب الحين .. واايد خخ

بعد الفطور ان شاء الله خخخخخخ

!الشايمه!

25-08-2009, 02:46 AM

[QUOTE=!الشايمه!;4658977][CENTER]اهليييييييييييين.....خيتي برنسس :nice:
:eek5::secret:خيتي؟؟:secret::eek5:
[QUOTE=PRINCESS;4656366]........

ههههههههه اكثر شي ضحكني الفيمتو
ههههههههههه
احب الفيمتو اوكي بس اولادي يحبو اكثر:shy:
الله يخلي لكم اخوج ويخلي عياله يارب الفال لاخوي وارتاح:rolleyes2:
واولادي حبيبتي لاتخافين ماتنفع معاهم اي سياسه جيل هالزمان يودوج البحر ويرجعوج عطشانه لو اقول لهم ساعدوني تشوفيهم يختفون...كل واحد يتذكر له شي ويهرب ويبدون يدخلون اوف لاين خخخخخخ ...بس كلام مافي فعل:rolleyes2:
شكرا حبيبتي.

اي الفيمتو فيه سر عجيب :)

ويخلي يارب لج اخوج....

وعيالج عيل لازم تجربين وياهم سياسة جديده...اسمها....مافي اكل الا لما
تساعدوني ههههههههههه ...

الله يحفظهم لج يارب.....

ويسلمووووووو حبيبتي.....الله يعلم من اشوفج افرح

تحية

!الشايمه!

25-08-2009, 02:48 AM

http://up.souqaldoha.com/get-8-2009-souqaldoha.com_fy8ow9wa.gif (http://up.souqaldoha.com)

ولي عودة بأذن الله مع هالموضوع الطويل والكيوت http://up.souqaldoha.com/get-8-2009-souqaldoha.com_kuqjcdo0.gif (http://up.souqaldoha.com)

هههههههههههههههههههه

ياهلا بوحارب.....شكلك للحين الكرك مدوخك :nice:

انت ركز على الاسئلة وخلك من الباقي ......

وبانتظارك....مرحبا دوم

!الشايمه!

25-08-2009, 02:50 AM

ماشاء الله ..

عيزانه اجاوب الحين .. واايد خخ

بعد الفطور ان شاء الله خخخخخخ

هلا بنوته......اشربي فيمتو مشروب الطاقة الرمضانيه <<< دعايه ههههههههههه

هذي يسمونها هذرة رمضان....:nice:

والموضوع بس للسوالف الفرفوشيه...مهب شرط تلتزمين بالاسئلة

وبانتظارج....قلبوووو

بنت ذياب

25-08-2009, 03:27 AM

هلا بنوته......اشربي فيمتو مشروب الطاقة الرمضانيه <<< دعايه ههههههههههه

هذي يسمونها هذرة رمضان....:nice:

والموضوع بس للسوالف الفرفوشيه...مهب شرط تلتزمين بالاسئلة

وبانتظارج....قلبوووو

كاني ييت

بالنسبه ليومياتي

يومي كله رقاااااااااااد

اقوم من النوم ابطل -التي في- عشان مااتملل .. واقعد اسوي القطايف او اي شي خفيف

ووبس

بعدين ساعات ارقد لين الاذان .. واذا قعدت .. اقرى قران

وبعد الفطوور .. اصلي التراويح يا بالمسيد او بالبيت

وع الساعه 9 .. اشوووف " ام البنات " ..

وبعدين اقرى قران .. او اقرى كتاب

وساعات اطلع

مافي شي معين .. خخخخخخخخخ

بوعلي2

25-08-2009, 03:06 PM

امل الحب

25-08-2009, 03:41 PM

كيف عادة تقضون ايامكم في رمضان...

نفسها نفس الايام العادية .. شلي يفرق؟

هل تواصلون في رمضان<< وتروحون الدوام بعيون حمراء وتخرعون الناس؟

والا تفضلون تنظيم وقتكم بين النوم وبين الصلاة..والاهل...والفطور والسحور ؟

:telephone: انام بدري عالساعة 10 او 11 واقوم اشرب ماي واصلي الفجر وانام لين الساعة 7 ونص .. وعقبها اصحى احط لكم الاسئلة والنتائج .. وانطلاقا الى الدوام..

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

ماعندنا زيارات لايمين ولا يسار .. :anger1: لاتذكريني قصدج شباب طابين عليكم فجأة يبون فطور وانتوا مامسوين شي :anger1:

البنات هل تساعدون امهاتكن في تجهيز الفطور ؟ <<عشان نقطع خلود شوي

حسب وحسب.. ساعات ارجع القى كل شي جاهز عقب الساعة 3 بس باقي العصير وساعات ارجع من وقت اسبح اليهال ونسوي لنا كم شي خفيف :)

شنو احلا وقت لكم في رمضان ؟ شنو تفضلون من الاكلات في رمضان ؟

كله عادي :weeping:.. الثريد :victory:

هل تحسون انكم مقصرين في العبادة ؟ ومقررين هالسنه تزيدون عباداتكم ؟

الحمدلله ..

وبعدين هل عندكم في البيت.....مثل هذا :

عندي كم وحدة .. ومعاهم الخدامة .. :anger1:

يعطيج العاافية عالموضوع الكيوووت:shy:

!الشايمه!

26-08-2009, 02:50 AM

متى نزلتي الموضوع شيووم :telephone:

توني اشوفه :weeping:

الحين عذريني جوعان ومصدع => شفيه يتدلع يابلفيت تعب الصيام هههههههههه :shy:

اليوم بالليل ان شاء الله بشارك معاكم بالموضوع :victory:

شكرااا للموضوع الفرفوشي .... :victory:

هلا بوعلي2 ....

وانت مسوي حضر تجول على نفسك ..ماتطلع من الاستراحه :d

ماسمعت اللي يقول : زورونا في الخيمتنا :)

الموضوع مجرد....سوالف وفرفشه...وياحياك الله

مرحباااااا دوم

!الشايمه!

26-08-2009, 03:04 AM

ياهلا والله.......امل الحب.....منوره حبيبتي :nice:

نفسها نفس الايام العادية .. شلي يفرق؟

[COLOR="royalblue"]وايد يفرق يا امل..لرمضان فرحته...وعبادته..وجمعة الاهل
احيان ناس طول السنه ماتشوفينهم...في رمضان تشوفينهم...يكفي اجواء رمضان..

:telephone: انام بدري عالساعة 10 او 11 واقوم اشرب ماي واصلي الفجر وانام لين الساعة 7 ونص .. وعقبها اصحى احط لكم الاسئلة والنتائج .. وانطلاقا الى الدوام..

اولا...مشكوره على المسابقة الحلوه...والله مجهود جبار...كل هالمتابعة
يعطيج العافية....عاد تدرين امل...انا بعد التراويح انام واصحى
الساعه 10 واكمل السهر :shy:

ماعندنا زيارات لايمين ولا يسار .. :anger1: لاتذكريني قصدج شباب طابين عليكم فجأة يبون فطور وانتوا مامسوين شي :anger1:

وووه شباب الغفلة عاد مايطلعون الا في رمضان :anger1:...اما لاخوي
او لعياله...وتعالي شوفي..نبي هالطبخة...نبي هالسويت...:anger1:

حسب وحسب.. ساعات ارجع القى كل شي جاهز عقب الساعة 3 بس باقي العصير وساعات ارجع من وقت اسبح اليهال ونسوي لنا كم شي خفيف :)

ذكرتيني بايام الدوام...ارجع ما اسمع الا صراخ اختي واليهال في المطبخ هههههه
اهم شئ الخفايف في الفطور....ماشاء الله يساعدونج الكتاكيت :nice:

كله عادي :weeping:.. الثريد :victory:

الثريد :nice: .... تعجبيني....الثريد سيد المائدة في رمضان...
جربي خبز رقاق وروب حلو حق السحور :shy:

الحمدلله ..

الحمدلله الله يقدرنا....يارب

عندي كم وحدة .. ومعاهم الخدامة .. :anger1:

ياقلبي...حلاتهم الاطفال في البيت...الله يحفظهن لج يارب....
( توني ادري انج متزوجه :shy:)

يعطيج العاافية عالموضوع الكيوووت:shy:

يسلموووو حبيبتي.....على الطلعه الكيوووت اوي...والاجمل
انها عرفتني عليج...اكثر...

دمتي......بسعادة

!الشايمه!

26-08-2009, 03:12 AM

يامرحبا والله.......والله بنوته...:nice:

كاني ييت

بالنسبه ليومياتي

يومي كله رقاااااااااااد

هههههههههههههههه ....ذكرتيني بايام مضت كله رقاد في رقاد...جاتني اوقات صار النوم عزيز علي...فصرت ادور
اي فرصة للنوم...

اقوم من النوم ابطل -التي في- عشان مااتملل .. واقعد اسوي القطايف او اي شي خفيف

ووبس

ممممم جامعة قطر للحين ماداوموا؟؟ والله فرصة في رمضان الواحد
يجرب اكلات خفيفه...انا قبل السحور بساعه الف على المطبخ
ادور لي اي شي خفيف وسريع اسويه....

اقلها اسوي لهم عصير ماي ورد...ِشي لونه وردي...شي لونه اخضر..
هالايام ادور اي عصير لونه ازرق...عشان اكمل لهم الالوان هههههههههههههه

بعدين ساعات ارقد لين الاذان .. واذا قعدت .. اقرى قران

وبعد الفطوور .. اصلي التراويح يا بالمسيد او بالبيت

وع الساعه 9 .. اشوووف " ام البنات " ..

وبعدين اقرى قران .. او اقرى كتاب

وساعات اطلع

مافي شي معين .. خخخخخخخخخ

والله مثلي...انا ادور اي فرصة لقراية القرآن...دوم بشطنتي..
وفي البيت بكل مكان نوزع مصاحف صغيره...
على الطاولات..للي يبي يقرأ .....شوي يتشجع ويقرا له كمن صفحة...

بخصوص الطلعات <<< جهزتي للعيد ...!؟ قبل الزحمة :(

ويسلموووووووو بنوته ع هالطلة الكيوت حياتو

بوعلي2

26-08-2009, 04:06 AM

هلا بوعلي2 ....

وانت مسوي حضر تجول على نفسك ..ماتطلع من الاستراحه :d

ماسمعت اللي يقول : زورونا في الخيمتنا :)

الموضوع مجرد....سوالف وفرفشه...وياحياك الله

مرحباااااا دوم

انا ادور في ربوع المنتدى مش بس بالاستراحه
وخبرج كبرنا لازم نستريح => بموضوع خشوف يقول صغير وهني يقول كبرنا :(

تناقض فيني :telephone:

رمضان مثل مايقلون بالعامي أرمضان مافي شي يختلف عن الايام الباقيه عندي الا شي واحد اطلع من البيت العصر مب كل يوم لان احب اقعد عند الحمام والعوزهم :victory:

بس اكثر شي اهييييييييت اروح على البحر اتمشى بالسياره واسمع اذاعة قطر اف ام يستظيفون مطاوعه واسئله واجوبه وانا مندمج معاهم :victory:

واروح الغاريه اقعد احوس بالرمل بروحي جني حمسه :weeping:

اذا باقي شوي عن اذان المغرب ارجع البيت بسرعه

ومرات اغير الواجه واقعد احوس بالدوحه العصر

مافي شي جديد برمضان الا يمكن اني احوس وايد على الاسياف = الشواطئ

احس ماعرف اتكلم مادري من النوده الظاهر :weeping:

والله كريم الشايمه

تقبل الله صيامكم وطاعاتكم يارب

اخوكم ((الصغيرررررر)) بوعلي :shy:

لايدش بوحارب او لاداعي يقرون الصغير بياكلوني بثيابي :weeping:

فمان الله

امل الحب

26-08-2009, 09:35 PM

ياهلا والله.......امل الحب.....منوره حبيبتي :nice:

يسلموووو حبيبتي.....على الطلعه الكيوووت اوي...والاجمل
انها عرفتني عليج...اكثر...

دمتي......بسعادة

عرفتج علي اكثر ولخبطت معلوماتج اكثر :telephone:

صمت القلوب

26-08-2009, 09:49 PM

هل تواصلون في رمضان<< وتروحون الدوام بعيون حمراء وتخرعون الناس؟
على حسب ...انا الحين اجازه وبالاغلب اواصل وعيوني اتعبت من السهر ...بس غصبا عني السهر ...كلهم ساهرين والوقت يمر بسرعه :)
اما في اوقات الدوام ..نوووو ... ارقد بدري ويقعدوني للسحور ... والله وانا مغمضه ...
خبرج يحلى النووووم في اوقات الدوام :victory:

والا تفضلون تنظيم وقتكم بين النوم وبين الصلاة..والاهل...والفطور والسحور ؟
طبعا حتى لو واصلت ...ابد ابد مااطوف وقت الصلاه ..ومنظري مضحك ...عند كل اذان اقوم اتوضأ واصلي ...(بس حاله السهر والاجازات) ...ولازم اقوم اساعد الوالده :)

ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟

ابد والله ... كل سنه احنا معزولين عن العالم ...
واذا في عزومتين ثلاث ...

البنات هل تساعدون امهاتكن في تجهيز الفطور ؟ <<عشان نقطع خلود شوي

طبعــــــــــــا ...^__^

شنو احلا وقت لكم في رمضان ؟ شنو تفضلون من الاكلات في رمضان ؟
امممم احلى وقت عقب التراويح ...علشان نكون خلصنا الفروض والتروايح والشفع والوتر ...وقرينا شوي قراءان وووو ...بعدها احس بتفرغ ...اقعد اطالع مسلسل ام البنات وقلوب للايجار ...هاي اللي عجبوني :)

هل تحسون انكم مقصرين في العبادة ؟ ومقررين هالسنه تزيدون عباداتكم ؟
نعم مقصره في قراءه القراءن هالسنه ماقريت الاكم جزء:weeping:... ولكن باذن الله ناويه والنيه لله اني اختمه بهالشهر الكريم المزدحم :)

وبعدين هل عندكم في البيت.....مثل هذا : (قصدج البيبي الفاطر :()
نعم عندنا ...بس مسكين ماياكل الا وجبه ...يعني تاثيره ضعيف الا اذا شرب عصير بو نص اناناس ...احبه وايد ^___^

مشكــــــــــــووووره يالغاليه عالموضوع الحلووووو ...
واذا في اسأله ودردشه بنوتيه ...حاظرين :)

لاهنتي قلبوو

(حوريه)

27-08-2009, 12:01 AM

يوميات الحوريهـ,,في رمضان

هذا اول رمضان لي شبه وحيده..:weeping:

في اول ليله قضيتها في هدوء غريب وبين صوت (التي في )ومسجات المهنئين ...اصبحنا في زمن الكتروني بحت نتواصل بالمسجات والايميلات والماسنجر,,,,
والسهر طبع فيني سوا رمضان او غير رمضان بس
طبعاً انظم وقتي بين فتره دينيه طبعا صلاه وقراءه القران او الاستماع للمحاضرت الدينيه وفتره تحضير الاكل....وطبعا اشياء خفيفه وافطر احيانا من احد من صديقاتي او عائلتي واحيانا لوحدي , وفتره استعداد للعمل...

والعمل يحتاج للانتباه والتركيز وطاقه...من شان هيك بنام بكير وبصحى بكير لروح وانا مرتاحه

يومي بسيط وهادى

وكل عام وانتم بخير

بوحارب

27-08-2009, 12:26 AM

هل تواصلون في رمضان<< وتروحون الدوام بعيون حمراء وتخرعون الناس؟
للحين ماداومت يالشايمه والدوام شكلة في نص رمضان <<<< شوفي السخافة اللي في ادارة الكلية ماعطونا باقي رمضان اجازة :weeping:

والا تفضلون تنظيم وقتكم بين النوم وبين الصلاة..والاهل...والفطور والسحور ؟
ممممممم تقريبا هذا جدولي بس من بداية رمضان لين اليوم لازم اتم سهران لين 7 الصبح اقل القليل :)
ولان رمضان وقت زيارات...كيف ترتبون اموركم لاي صدفة...ناس داخلين عليكم
فجأة؟ اهل يتفطرون عندكم ؟ شباب يطالبون بغبقات مفاجأة ؟
هالسنه مرتب خيمتي حق ربعي وعزوتي والشباب كله مطيحين عندي
واللي يخليهم يجوني الشاي الكرك اللي اسويه <<<< بل ذل ربعه على الكرك ههههههههه

البنات هل تساعدون امهاتكن في تجهيز الفطور ؟ <<عشان نقطع خلود شوي

تعرفين يدتي :) قالت يساعدون قالت والسموحة على اللقافة ههههههه

شنو احلا وقت لكم في رمضان ؟ شنو تفضلون من الاكلات في رمضان ؟
احلى وقت لما اطلع من صلاة الفجر والتروايح احس براحة نفسية ما يعلم بها الا الله

واحلى وقت بعد لما اقعد مع النفوس الطيبة

الأكلات احب الثريد والهريس
اما المشروبات انتي ادرى مب لازم اقولج بعد:(

هل تحسون انكم مقصرين في العبادة ؟ ومقررين هالسنه تزيدون عباداتكم ؟
اي مقصر والله يقدرنا لحسن عبادته

يسلمو شيمو على الموضوع الحلو ولو دريت كان جاوبت على الأسئلة من البداية

بس الصورة الأولى خلتني اوقف عندها والحين كملت المشوار<<<< بوحارب ليش تتكلم وايد :anger1:

تحياتي:)

!الشايمه!

27-08-2009, 03:21 AM

ولكم باك....بابا بوعلي << غصب طيب كبير :nice:

انا ادور في ربوع المنتدى مش بس بالاستراحه
وخبرج كبرنا لازم نستريح => بموضوع خشوف يقول صغير وهني يقول كبرنا :(

تناقض فيني :telephone:

اهم شئ النشاط والصحة...والنفس الخفيفة....:)

رمضان مثل مايقلون بالعامي أرمضان مافي شي يختلف عن الايام الباقيه عندي الا شي واحد اطلع من البيت العصر مب كل يوم لان احب اقعد عند الحمام والعوزهم :victory:

يووووه حمام...ذكرتني اول كان عندنا قفص كبير فيه انواع الحمام...
عاد الظهاري ندخل داخل القفص نسوي لهم قلق :secret: ...

بس اكثر شي اهييييييييت اروح على البحر اتمشى بالسياره واسمع اذاعة قطر اف ام يستظيفون مطاوعه واسئله واجوبه وانا مندمج معاهم :victory:

واروح الغاريه اقعد احوس بالرمل بروحي جني حمسه :weeping:

الله البحر...اقول لك سر...مثل هالاجواء تخليني افكر..ولما افكر تتقلب
علي المواجع :( ..قدام البحر تحس كأنك قدام صديق...يستمع لك..بهدؤ <<وشفيها
ع النكد :anger1:

اذا باقي شوي عن اذان المغرب ارجع البيت بسرعه

ومرات اغير الواجه واقعد احوس بالدوحه العصر
مافي شي جديد برمضان الا يمكن اني احوس وايد على الاسياف = الشواطئ
احس ماعرف اتكلم مادري من النوده الظاهر :weeping:

اهم شئ ماترجع خالي...لازم شوية سمبوسه..بسبوسه..قطايف حق البيت :nice:

والله كريم الشايمه

تقبل الله صيامكم وطاعاتكم يارب

اخوكم ((الصغيرررررر)) بوعلي :shy:

لايدش بوحارب او لاداعي يقرون الصغير بياكلوني بثيابي :weeping: ههههههههههههههههه صايدينك

فمان الله

تقبل الله من الجميع....يارب
وتسلم باباتي على هالتواجد.......الطيب

ف أمان الكريم

!الشايمه!

27-08-2009, 03:24 AM

عرفتج علي اكثر ولخبطت معلوماتج اكثر :telephone:

ههههههه سوري قلتي يهال ظنيتج متزوجه :) ...والله يازين الآنسات اللطيفات :shy:

يسلمووووو حياتو

!الشايمه!

27-08-2009, 03:51 AM

يا مرحبااااااا الساع.......والله :nice:

على حسب ...انا الحين اجازه وبالاغلب اواصل وعيوني اتعبت من السهر ...بس غصبا عني السهر ...كلهم ساهرين والوقت يمر بسرعه :)
اما في اوقات الدوام ..نوووو ... ارقد بدري ويقعدوني للسحور ... والله وانا مغمضه ...
خبرج يحلى النووووم في اوقات الدوام :victory:

السهر حلو في رمضان...بس صدقتي النوم
يصير عزيز وقت الدوام يالله تلقين وقت للنوم<< جربت المعاناة :(

احنا ناكل السحور بدري...وقبل الصلاة ناكل شئ خفيف...

طبعا حتى لو واصلت ...ابد ابد مااطوف وقت الصلاه ..ومنظري مضحك ...عند كل اذان اقوم اتوضأ واصلي ...(بس حاله السهر والاجازات) ...ولازم اقوم اساعد الوالده :)

والله ذكرتيني بايام الجامعة...مافي وقت نهائيا للنوم :(...
انا كل سنه يعذروني..هالسنه اجازة...امي شغاله لي بنظرات اللوم :shy:
عاد فشله...لازم اساعد بالمطبخ..

ابد والله ... كل سنه احنا معزولين عن العالم ...
واذا في عزومتين ثلاث ...

والله قلت الزيارات بين الناس.....احنا لان عندنا شباب ووقت رمضان يفتحون
لهم الخيمة...ويشتغلون على الغبقات والعزومات...واتطيح براسنا..

طبعــــــــــــا ...^__^

:victory: يسسسسسس

امممم احلى وقت عقب التراويح ...علشان نكون خلصنا الفروض والتروايح والشفع والوتر ...وقرينا شوي قراءان وووو ...بعدها احس بتفرغ ...اقعد اطالع مسلسل ام البنات وقلوب للايجار ...هاي اللي عجبوني :)

صحيح وقت القعدات...سوالف واكل خفايف <<< شكثر ياكلون هههههههه
ام البنات حلقة اتابعها وحلقة تفوتني...بس قلوب للايجار
وقته مناسب...

نعم مقصره في قراءه القراءن هالسنه ماقريت الاكم جزء:weeping:... ولكن باذن الله ناويه والنيه لله اني اختمه بهالشهر الكريم المزدحم :)

الله يوفقج يارب على الطاعه والعبادة...حبيبتي

نعم عندنا ...بس مسكين ماياكل الا وجبه ...يعني تاثيره ضعيف الا اذا شرب عصير بو نص اناناس ...احبه وايد ^___^

ياقلبي....اهم شئ تأثيره ضعيف هههههههههههههه....الله يحفظه...مادري وشفيهم يهال
هالايام ماياكلون...اخبر وحنا صغار...كله في الدكان والا
يم الثلاجة هههههههههههه

مشكــــــــــــووووره يالغاليه عالموضوع الحلووووو ...
واذا في اسأله ودردشه بنوتيه ...حاظرين :)

لاهنتي قلبوو

العفو دلبووووو :shy:.....تسلمين على هالطله...الاكثر
من رائعة....والله يعود رمضان علينا وعليج....يارب بالخير...

دمتي........رائعة...

!الشايمه!

27-08-2009, 05:10 AM

ياهلا....ومرحبا......بالحوريه :nice:

يوميات الحوريهـ,,في رمضان

هذا اول رمضان لي شبه وحيده..:weeping:

:( .... لااعلم ماسبب وحدتك...ولكن الاكيد ان هناك من يتذكرك في
مثل هذا اليوم...ويتفقد وجودك...مثلما تفتقدينهم...
ولانك في قلوبهم...اذن اطمئني عزيزتي......لست وحيده ابدا......:nice:

في اول ليله قضيتها في هدوء غريب وبين صوت (التي في )ومسجات المهنئين ...اصبحنا في زمن الكتروني بحت نتواصل بالمسجات والايميلات والماسنجر,,,,

اتعلمين حورية...انا اعتقد ان المسجات اصبح لها دور جميل في حياتنا...
احيان تعبر عن اشياء لانستطيع ان نقولها..وجه لوجه..
واجملها التي تكون مكتوبة من الشخص نفسه...ابناء اخي دائما معي...
لما يغيبون يرسلون لي مسجات..كلام عمري ما اسمعه
منهم...وقتها احاول امسك دمعتي :)...
لاتستهيني بالمسجات...فقد تخبي مشاعر ما...لشخص ما...يريد ان
يرسل هذه المشاعر لك انتي بالذات..

انا اول ما اصحي من النوم...اشيك الجوال...ابحث عن مشاعر مرسله :)

والسهر طبع فيني سوا رمضان او غير رمضان بس

السهر...اما يكون منتهى الاستمتاع ...وحديث يطول او يقصر مع النفس...
واما رغبة بالهروب من هذا......السهر..ومن هذا الحديث...احيان نزعل من انفسنا..:(

طبعاً انظم وقتي بين فتره دينيه طبعا صلاه وقراءه القران او الاستماع للمحاضرت الدينيه وفتره تحضير الاكل....وطبعا اشياء خفيفه وافطر احيانا من احد من صديقاتي او عائلتي واحيانا لوحدي , وفتره استعداد للعمل...

جميل ان تعطي لكل شئ حقه...الاهم ان تستمعي بكل لحظه في يومك :)

والعمل يحتاج للانتباه والتركيز وطاقه...من شان هيك بنام بكير وبصحى بكير لروح وانا مرتاحه

الله يديم عليك....هذه الراحة....الراحة التي تبقيك مبتسمه...متفائله...
مترقبة...!

يومي بسيط وهادى

وكل عام وانتم بخير

وردك جميل...ربما يخيم عليه نوع من ...عدم الابتسام<< لا اريد ان استخدم كلمة اخرى
في مثل هذا الشهر الجميل...الذي يرسم الرضا..والفرح والابتسام على
جميع القلوب...عيشي يومك الهادئ البسيط...
كما يعيش الكل ايامه البسيطه......يتلمس اللحظات الجميلة...يحفظها في عقله
ويمددها كذكرى ممتعه...تبقيه مبتسم لباقي اليوم....

اسم جديد يمر علي....اسعدني وجودك.....والتعرف عليك يا حورية...

كل عام وانتي.......بالف خير

دمتي.......حوريه ومبتسمه :nice:

!الشايمه!

27-08-2009, 05:38 AM

هللوووووو بوهارب...ولكم باك <<< اونه انقلش :nice:

للحين ماداومت يالشايمه والدوام شكلة في نص رمضان <<<< شوفي السخافة اللي في ادارة الكلية ماعطونا باقي رمضان اجازة :weeping:

لاتذكرني بالدوام في رمضان :( ...تصور نداوم قبل الكل من شهر 8...ومانرد البيت
في رمضان الا الساعه 5 :(...يعني عادي تتفطر وانت مصدع
ونص مغمض:(....كانت ايام كئيبه...الله لايعودها...

متى ببتخرع....!؟

ممممممم تقريبا هذا جدولي بس من بداية رمضان لين اليوم لازم اتم سهران لين 7 الصبح اقل القليل :)

حلاته سهر في رمضان...للي مأجزين بسسسس...والا انواع الصداعات
بتشتغل في الدوام...

هالسنه مرتب خيمتي حق ربعي وعزوتي والشباب كله مطيحين عندي
واللي يخليهم يجوني الشاي الكرك اللي اسويه <<<< بل ذل ربعه على الكرك ههههههههه

هههههههههههه ليش احس النعيمي بيفتح فرع في خيمتك...حلوه الجمعة
في رمضان...على الفطور...وبعد التراويح..وناسه...
بس عاد لاتكثرون من الكرك تسووون أزمة كرك في الفريج ههههههههه

تعرفين يدتي :) قالت يساعدون قالت والسموحة على اللقافة ههههههه

هههههههههههههههههههههههههههههههه
لا مايصير جذيه...:court:..الا يساعدون ...خاصة في رمضان...عيل من
يسوي السويت...والسلطات :anger1:

احلى وقت لما اطلع من صلاة الفجر والتروايح احس براحة نفسية ما يعلم بها الا الله

واحلى وقت بعد لما اقعد مع النفوس الطيبة

الأكلات احب الثريد والهريس
اما المشروبات انتي ادرى مب لازم اقولج بعد:(

هذي الراحة النفسية....فعلا لها خصوصيتها...لحظات نفكر فيها شوي..
والله يديم حولك.......النفوس الطيبه...

تدري اليوم طرى على بالي الكرك...تسحرت كرك وخبز رقاق :nice:<<حسيت
نفسي اتريق ههههههههههه

اي مقصر والله يقدرنا لحسن عبادته

الله يقدرنا يارب على طاعته وعبادته......

يسلمو شيمو :court::court: على الموضوع الحلو ولو دريت كان جاوبت على الأسئلة من البداية

بس الصورة الأولى خلتني اوقف عندها والحين كملت المشوار<<<< بوحارب ليش تتكلم وايد :anger1:

تحياتي:)

صورة ام كشه ههههههههههههههههههه .... هاي من السهر والكرك ترا
اي حد يشرب كرك لازم يصير فيه جذيه :sneaky:

ويسلمووووو بوحارب.....على هالمرور الكيوتي......الكركي

مرحبا.......دوم:nice:

عـ العبيدلي

27-08-2009, 08:16 AM

اممـ .. بكتب لكم عن امس لين الحين ..

اول شي الصبح الساعه 6 ونص ..
اخوي خلاني اقعد ويه بنته طلع اهو
رقدت 7 الصبح .. قمت صليت الظهر بعدين قمت حق المسابقه الدينيه ورقدت عقب قمت العصر ..
تميت اجاوب على باقي المسابقات لين حزة الفطور .. شربت ماي ورحت المسيد .. بعدين رديت تفطرت
وشوي طلعت الساعه 7 .. تميت برع كان يوم اكشني فالحر لين 11 ونص عقب رديت الميلس لعب ورقه وسوني
لين ثنتين ونص تسحرت ورجعت البيت ثلاث .. لين صلاة الفجر صليت الفجر وطلعت لين سبع ونص
والحين بتم لين ما تنحط اسئلة المسابقه العامه وبرقد:)..
طبعا من ناحية اني مقصر فالعباده اكيد مقصر وايد

>> يحي الاجازه فرمضان

ثانكس ع الموضوع النايس :)

!الشايمه!

28-08-2009, 04:05 AM

ياهلا.......العبيدلي...:nice:

اممـ .. بكتب لكم عن امس لين الحين ..

اول شي الصبح الساعه 6 ونص ..
اخوي خلاني اقعد ويه بنته طلع اهو
رقدت 7 الصبح .. قمت صليت الظهر بعدين قمت حق المسابقه الدينيه ورقدت عقب قمت العصر ..
تميت اجاوب على باقي المسابقات لين حزة الفطور .. شربت ماي ورحت المسيد .. بعدين رديت تفطرت
وشوي طلعت الساعه 7 .. تميت برع كان يوم اكشني فالحر لين 11 ونص عقب رديت الميلس لعب ورقه وسوني
لين ثنتين ونص تسحرت ورجعت البيت ثلاث .. لين صلاة الفجر صليت الفجر وطلعت لين سبع ونص
والحين بتم لين ما تنحط اسئلة المسابقه العامه وبرقد:)..
طبعا من ناحية اني مقصر فالعباده اكيد مقصر وايد

>> يحي الاجازه فرمضان

ثانكس ع الموضوع النايس :)

واضح انك....باجازه ودام باجازه يعني .....طالب :)

وماشاء الله ...اكشني في المسابقات..:nice:...وان شاء الله حظك حلو
في الفوز...انا يالله الحق...ماعندي وقت كلش...

فصرت اركز على مسابقتين وبس...وشرايك اذا فزت بعطيك
الجائزة.......واذا انت فزت عطني الجائزة هههههههههههههههه

اما العبادة....فرمضان فرصة...ماتتعوض للأجر...
بعد الصلوات...قراية القرآن الكريم...والله ياجرك ان شاء الله

ويسلموووو...على اليوم الاكشني....:nice:

ولاتنسى موضوع الجائزة :)

يامرحبا.........دوم

عـ العبيدلي

28-08-2009, 05:37 AM

ثاني

28-08-2009, 02:12 PM

هل تواصلون في رمضان<< وتروحون الدوام بعيون حمراء وتخرعون الناس؟

أنا اواصل لين الساعة 4 الفجر او 5 ثم انام. لان ماعندي دوام اجازة لين بعد العيد

والا تفضلون تنظيم وقتكم بين النوم وبين الصلاة..والاهل...والفطور والسحور ؟

لا عادي اكون قايم طول اليوم بس ارقد الصبح لين صلاة الظهر

ولان رمضان وقت زيارات...كيف ترتبون اموركم لاي صدفة...ناس داخلين عليكم
ما ازور حد الا ربعي فلليل خخخخ

شنو احلا وقت لكم في رمضان ؟ شنو تفضلون من الاكلات في رمضان ؟

الوقت الي قبل الفطور
الاكلات ثريد و سمبوسة

هل تحسون انكم مقصرين في العبادة ؟ ومقررين هالسنه تزيدون عباداتكم ؟

اي والله مقصر ولازم ازيد

مشكورة اختي على الموظوع

!الشايمه!

29-08-2009, 06:16 AM

ابشري طال عمرج ..
بس جان يسهلون الاسئله بس شوي .. طلعت عيني وياهم ..
صاروا فالبيت وربعي كلهم يسالوني عن المسابقات ويقولولي شسالفه واتصالات حق اخواني
واخواني يتصلون حق ربعهم

ماخدين كل وقتي والله .. >> ماعندي حرف د الي عليه نقطه

يس يس طالب جامعي : )

ان اشاء الله خير الشيخه

رحما الله والديج ع الرد الطيب

والله فله المسابقات...انا عاد ما ادخل الا قبل الفطور بساعه

لازم ركيض في قوقل بسرعه بسرعه..واهلي في

المطبخ عاد تعال اسمع الصراخ ...يعني شنو هالكلمة...قولوا

لي بسرعه << احس شوي ويهاوشوني :D

الله يوفقك في دراستك...ولاتنسى الجائزة :nice:

ووالديك يارب....يامرحبا.....دوم

!الشايمه!

29-08-2009, 06:24 AM

مرحبا......ب ثاني ....:nice:

أنا اواصل لين الساعة 4 الفجر او 5 ثم انام. لان ماعندي دوام اجازة لين بعد العيد

والله ناس وايد ارتاحوا هالسنة...بسبب الاجازات...
صدق الحمدلله الصوم مامنه تعب...ولا جوع هالسنه...لكن
الاجازة تخلي الواحد يحس براحة نفسية ..ومايحاتي انه يقصر في شئ

لا عادي اكون قايم طول اليوم بس ارقد الصبح لين صلاة الظهر

هالفترة اليوم طويل...وفي وقت كافي للنوم << مهم النوم وايد للسهرانين :nice:

ما ازور حد الا ربعي فلليل خخخخ

اي طلعات....ودواره.....محد مستانس غيركم يالشباب :court:

الوقت الي قبل الفطور
الاكلات ثريد و سمبوسة

انا قبل الفطور...اكون دايخه والا مصدعه..وكلنا عيونا متعلقه
بالساعه...وكل شوي نقول ليش الساعه مغلطة
مايصير لازم يأذن الحين <<<مستعجلين :D
واهم شئ السمبوسه :thumbup:

اي والله مقصر ولازم ازيد

مهما سوينا في الاخير..كلنا مقصرين والله يقدرنا على طاعته...وعبادته..

مشكورة اختي على الموظوع

العفو والله.....وتسلم على المرور الطيب....ياثاني