المساعد الشخصي الرقمي

مشاهدة النسخة كاملة : مشكلة الخليجيات المتزوجات من قطرى


بنت غانم
23-08-2009, 07:47 AM
السلام عليكم ورحمة الله وبركاتة

انا موظفة فى دائرة حكومية :omen2:
وراتبى كراتب اى وافدة
لامميزات
ولا بونص
ولا بدل اثاث
ولا اى ميزة تميزنا
ليش
السنا الاحقية للتعامل مثل القطريات ونحن نحمل فى احشاءنا ابناء قطرين
ونعيش على هذة الارض الطيبة
وناكل من خيراتها
الى متى سوف ننتظر تعديل قوانين الموارد البشرية بخصوصنا ؟؟؟

واسمحولى على الاطالة

اختكم بنت غانم
هدى ورحمه
23-08-2009, 07:52 AM
لا حول ولا قوه الا بالله...شسالفه حد يفهمني ؟؟

مافي احد مرتاح؟؟

لا القطريات المتزوجات من اجانب ولا الاجنبيات المتزوجات من قطريين؟؟؟؟؟؟؟


تزوجتووووا من الاساس ليــــــــــــــــــــــــــــــــــــــــه :rolleyes2:
رجل الجزيرة
23-08-2009, 08:12 AM
طيب وليش ما تطلب الجنسية القطرية من بعد الزواج ب 5 سنوات وتنهي المشكلة، يعني تصبر لين تكمل المدة وبحلها ألف حلال.
جنوب الدوحه
23-08-2009, 09:31 AM
طيب وليش ما تطلب الجنسية القطرية من بعد الزواج ب 5 سنوات وتنهي المشكلة، يعني تصبر لين تكمل المدة وبحلها ألف حلال.

هذا الكلام السليم يا بنت غانم ... لاحقه ليش مستعجله بيييج الخير كلها كم سنه متبقيه
قطرية ونص
23-08-2009, 09:33 AM
الله يكون في عونك
بنت غانم
23-08-2009, 10:41 AM
اولا اشكركم على تفاعلكم معاى

ليش ما اخذ الجنسية القطرية
الله يطول فى عمر ابو عيالى اذا صار فى شى وبرد ديرتى
بكون غريبة
وعيالى بيتعاملون معاملة الوافد
هى هى ليش الخليج كلة ما يكون نفس النظام ان الخليجيين سواسية فى كل شى
مثلا فى عمان طبقوا نظام الخليجى فى التامينات والتقاعد وكذلك الامارات الا قطر
شويهينــه
23-08-2009, 11:16 AM
اولا اشكركم على تفاعلكم معاى

ليش ما اخذ الجنسية القطرية
الله يطول فى عمر ابو عيالى اذا صار فى شى وبرد ديرتى
بكون غريبة
وعيالى بيتعاملون معاملة الوافد
هى هى ليش الخليج كلة ما يكون نفس النظام ان الخليجيين سواسية فى كل شى
مثلا فى عمان طبقوا نظام الخليجى فى التامينات والتقاعد وكذلك الامارات الا قطر

غريب امرج يابنت غانم

تخافين على عيالج لي رديتي بلادج يتعاملون معامله الوافد

وتبين قطر تعاملج معامله المواطنه؟!!
راعي الغزيل
23-08-2009, 11:26 AM
الله يكون في عونك
أم ريليه
23-08-2009, 11:27 AM
غريب امرج يابنت غانم

تخافين على عيالج لي رديتي بلادج يتعاملون معامله الوافد

وتبين قطر تعاملج معامله المواطنه؟!!


ايه من حقها تعامل معاملة المواطنة لان المرأة مهضوم حقها في بلاد الأسلام للأسف في أشياء كثيرة ولازم بصراحة النساء يتحركون لأخذ حقوقهم بما أنها متزوجة قطري لديها أقامة دائمة وبالتالي حقها تعامل معاملة المواطن ...................ومن حقها تحتفظ بجنسيتها وانشالله يطلع قانون ينظم هالأمور والأوضاع الظالمة للمرأة أينما حلت .
بنت غانم
23-08-2009, 11:35 AM
ايه من حقها تعامل معاملة المواطنة لان المرأة مهضوم حقها في بلاد الأسلام للأسف في أشياء كثيرة ولازم بصراحة النساء يتحركون لأخذ حقوقهم بما أنها متزوجة قطري لديها أقامة دائمة وبالتالي حقها تعامل معاملة المواطن ...................ومن حقها تحتفظ بجنسيتها وانشالله يطلع قانون ينظم هالأمور والأوضاع الظالمة للمرأة أينما حلت .



تسلم اناملج
برتى خاظرى هالكلام العدل
والله اشهد على كلامج ان مية بالمية صح
بنت غانم
23-08-2009, 11:36 AM
غريب امرج يابنت غانم

تخافين على عيالج لي رديتي بلادج يتعاملون معامله الوافد

وتبين قطر تعاملج معامله المواطنه؟!!

ذيك الساعة يا اخوى بكون انا وعيالى غير جنسية بلادى على اى اساس
تبى يعاملونى مثلهم ؟؟؟؟
لا لا يبليك
hamoor4ever
23-08-2009, 12:03 PM
اختي اذا راح تبنين حياتج على لو بو العيال صاده شي ، ترى وايد شغلات ممكن تكون من ورا لو ، بعدين يمكن انتي ماتدرين يمكن يومج قبله ، الله يعطيج طوله العمر ، الحمدلله الدوله مهب مقصره وانا واحد متزوج خليجيه والحمدلله صار لي الحين اكثر من خمس سنين وناطر وابغي بعد حول السنتين ونص حق جنسيه زوجتي وماقول الا الحمدلله والشكر ومثل ماقالو لج الاخوان مش من المعقول انكم تتعاملون معامله المواطن هاذي ولا صارت بأي مكان في العالم حتى في الدول المتقدمه مايصير المواطن يتعامل نفس معامله الوافد ، عموما اذا لج خاطر بالجنسيه القطريه قدمي عليها وبعد 5 سنين ان شاء الله تصيرين مواطنه ، اما اذا اتشوفين جنسيه بلادج احلى واقوى خليها عندج والقانون عندنا واضح مايصير احد يحمل جنسيتين واذا عندكم في الامارات مدري عمان يعطونهم على قولتج تأمينات ترى عندنا بقطر نفس الشي بس بالنهايه اللي يصير في عمان او الامارات مب شرط يصير عندنا بقطر ولو الامارات حابين يوزعون جنسياتهم حق العالم كله هاذه شي يخصهم مايخصنا

ومبارك عليج الشهر وبالتوفيق
شويهينــه
23-08-2009, 12:13 PM
ذيك الساعة يا اخوى بكون انا وعيالى غير جنسية بلادى على اى اساس
تبى يعاملونى مثلهم ؟؟؟؟
لا لا يبليك

نفس الشي الحين عيالج لي راحوا بلادج بعد مابيتعاملون نفس معالملتج لانهم بيكونون وافدين على بلادج

يعني نفس القضيه بتتكرر مع عيالج
hamoor4ever
23-08-2009, 12:30 PM
نفس الشي الحين عيالج لي راحوا بلادج بعد مابيتعاملون نفس معالملتج لانهم بيكونون وافدين على بلادج

يعني نفس القضيه بتتكرر مع عيالج

الاخت تبي تضرب عصفورين بحجر تعامل مواطنه اهنيه وفي بلادها ، زين الحين انا اذا رحت بلادها ترضه اتعامل نفس معاملتها من ناحيه راتب وغيره !! ولا بتقول لي انا مواطنه غير
سداوي&مدريدي
23-08-2009, 12:42 PM
الاخت تبي تضرب عصفورين بحجر تعامل مواطنه اهنيه وفي بلادها ، زين الحين انا اذا رحت بلادها ترضه اتعامل نفس معاملتها من ناحيه راتب وغيره !! ولا بتقول لي انا مواطنه غير

:nice:
ابن مانع
23-08-2009, 01:15 PM
ياجماعه احنا ابنا الخليج المفروض مايكون فرق بينا والمعامله تكون وحده عشان الواحد مايحس انه اجنبي في بلاده قطر, والسعودية , والامارات , والكويت , والبحرين , وعمان
وينلغي شي اسمه حدود ودخول منافذ بجوازات وعمله غير وهالامور كلها
نصير مثل الاتحاد الاوروبي او باقي اتحادات العالم
وثيقة قطرية
23-08-2009, 01:30 PM
لا حول ولا قوه الا بالله...شسالفه حد يفهمني ؟؟

مافي احد مرتاح؟؟

لا القطريات المتزوجات من اجانب ولا الاجنبيات المتزوجات من قطريين؟؟؟؟؟؟؟


تزوجتووووا من الاساس ليــــــــــــــــــــــــــــــــــــــــه :rolleyes2:



ولا الوثيقة القطرية ليش مب مفتكرين فينا انتو
حنا وشو اذا قاعدين عال عليكم كلنا في احشاءنا أبناء قطرين
والجواز متفاوت اللي عنده واللي ناطر وحاط يده على خده
هذول مايبون رحمة الله تنزل عليهم
أهم شي الأجانب
حسبي الله ونعم الوكيل

وين دور حقوق الإنسان وحاطين إعلانات بعد
وعند المطار لافته عوده
مدري حق وشو
وطن
23-08-2009, 01:43 PM
اولا اشكركم على تفاعلكم معاى

ليش ما اخذ الجنسية القطرية
الله يطول فى عمر ابو عيالى اذا صار فى شى وبرد ديرتى
بكون غريبة
وعيالى بيتعاملون معاملة الوافد
هى هى ليش الخليج كلة ما يكون نفس النظام ان الخليجيين سواسية فى كل شى
مثلا فى عمان طبقوا نظام الخليجى فى التامينات والتقاعد وكذلك الامارات الا قطر

بعد عمر طويل لين رديتي بلادج بيعطون عيالج جنسيتج الأصليه !!
ولا بيعاملونهم وافدين مثل ما تقولين !!!

عيالج بيكونون قطريين فالأفضل تهيئين نفسج للاستقرار للابد هني
سواء بزوجج ولا بدونه الله يعطيه طولة العمر ويبارك لكم فيه


هذا الأفضل لأبنائج ودراستهم وعملهم في المستقبل
لو كنتي تفكرين فيهم
شاهيناز
23-08-2009, 02:32 PM
غريب امرج يابنت غانم

تخافين على عيالج لي رديتي بلادج يتعاملون معامله الوافد

وتبين قطر تعاملج معامله المواطنه؟!!


انا ادري:)

مسكينه ها القطرييه الكل يبي يتعامل نفس معاملتها


حادسين ها المساكين بنات قطر على الجنسيه
الهـواوي
23-08-2009, 02:45 PM
لاحول ولاقوة الا بالله

اختي مب مشكله ريلج بيعزج وهو اللي يصرف عليج وبخصوص لو صار له شي لاسمح الله وشوله ترجعين اعيالج ابلادج لا يالشيخه خليهم يتربون في موطنهم وداارهم وخليهم يعيشون فيه عند ربعهم وعضدهم يعني اهني اعيال عمهم وقرايبهم وبيسندونهم في كل شيء
ALRAYYAN
23-08-2009, 02:51 PM
أختي بنت غانم .. اسمحيلي انتي انانيه زياده عن اللزوم
معنى كلامج واضح .. إن انتي عندج نفسج أهم من زوجج وعيالج

اللي اعرفه واشوفه ان الاجنبيه من اي جنسيه كانت سواء خليجيه او غيره
بلادها هي بلاد عيالها .. لو الله مارزقج بعيال بنقول معليه من حقج تفكرين هالتفكير

لكن الله انعم عليج بالاعيال وديرتهم هي ديرتج وكلامج ماله الا معنيين

الاول ان بعد عين زوجج .. بعد عمر طويل ان شاء الله .. ناويه ترجعين بلادج انتي وعيالج اللي هم قطريين وتلتهينهم وتغربينهم هناك بعيد عن اهلهم وعزوتهم وديرتهم

والثاني انج تخلينهم وترجعين تعيشين في بلادج بين اهلج وبعيد عن عيالج وهذا بعيد عن مواصفات الام المثاليه المضحيه

الام لازم تضحي عشان زوجها ابو عيالها .. وعشان عيالها اللي هم عزوتها طول عمرها

الله يهديج وان شاء الله ماتندمين على السنين اللي قاعده تمر بدون ماتاخذين الجنسيه القطريه

لأن في شي لازم تعرفينه .. ان الجواز تستحقينه بعد خمس سنوات من تاريخ تقديم الطلب وليس من تاريخ عقد الزواج
ولا تستحقين الجنسيه القطريه بعد وفاة الزوج

الانسان المفروض مايكون طماع ويبي كل شي .. لأن حكمة رب العالمين ان مايعطي البني آدم كل شي

والله يخلي لج ابو عيالج واعيالج ويكتب لكم اللي فيه الخير .. صيام مقبول ان شاء الله أختي بنت غانم
السديم
23-08-2009, 03:18 PM
أختي بنت غانم .. اسمحيلي انتي انانيه زياده عن اللزوم
معنى كلامج واضح .. إن انتي عندج نفسج أهم من زوجج وعيالج

اللي اعرفه واشوفه ان الاجنبيه من اي جنسيه كانت سواء خليجيه او غيره
بلادها هي بلاد عيالها .. لو الله مارزقج بعيال بنقول معليه من حقج تفكرين هالتفكير

لكن الله انعم عليج بالاعيال وديرتهم هي ديرتج وكلامج ماله الا معنيين

الاول ان بعيد عين زوجج .. بعد عمر طويل ان شاء الله .. ناويه ترجعين بلادج انتي وعيالج اللي هم قطريين وتلتهينهم وتغربينهم هناك بعيد عن اهلهم وعزوتهم وديرتهم

والثاني انج تخلينهم وترجعين تعيشين في بلادج بين اهلج وبعيد عن عيالج وهذا بعيد عن مواصفات الام المثاليه المضحيه

الام لازم تضحي عشان زوجها ابو عيالها .. وعشان عيالها اللي هم عزوتها طول عمرها

الله يهديج وان شاء الله ماتندمين على السنين اللي قاعده تمر بدون ماتاخذين الجنسيه القطريه

لأن في شي لازم تعرفينه .. ان الجواز تستحقينه بعد خمس سنوات من تاريخ تقديم الطلب وليس من تاريخ عقد الزواج
ولا تستحقين الجنسيه القطريه بعد وفاة الزوج

الانسان المفروض مايكون طماع ويبي كل شي .. لأن حكمة رب العالمين ان مايعطي البني آدم كل شي

والله يخلي لج ابو عيالج واعيالج ويكتب لكم اللي فيه الخير .. صيام مقبول ان شاء الله أختي بنت غانم



والله انك اجديت :nice:

اختي اسمحي لي ؟؟ انتي اذا مب ناوية تقطين جنسيتج وتاخذين جنسية زوجج ليش تزوجتيه من الاساس .. في الدين الاسلامي الزوجه تتبع زوجها وين ماكان .. وانتي تبين تتنعمين بامتيازات المواطنة القطرية وفي نفس الوقت تبين تحتفظين بجنسيتج وهذا من غير المعقول ..

وشي ثاني اسمحي لي فيه .. الزوجة اللي تحب زوجها عمرها ماتفكر لو مات شبيصير ولو مات برجع ديرتي و لو ولو ... الخ

قدمي على الجنسية القطرية ومابتشوفين الا كل خير من ديرتنا ولاتقارنينا بالغير لان بصراحة المواطن عندنا ماعليه قصور من ناحية الامتيازات

واذا يعز عليج التنازل عن جنسيتج خلاص تمي عليها ولا تطالبين بشي مايكون من حقج
على فكرة امي خليجية وتنازلت عن جنسيتها وابوي متوفي مافكرت ولو لحظة ترجع ديرتها خلاص ديرتها هي ديرة عيالها ومستقبلها

:secret:
biz-qtr
23-08-2009, 03:26 PM
والله من جد امرج غريب

ع الاقل اختي لو انتي ما تعاملتي معامله المواطنه فانتي شخص واحد وبوالعيال مب مقصر في حقك اكيد انه يعامل معامله المواطن لكن عيالج فالمستقبل اللي بيتزوج واللي بيكد ع عايله ويعامل معامله الوافد هذا الصعب

اعتقد لما جيتي اكيد كنتي تعرفين هالشي ومستحيل انه يتغير فديت قلبج ...

فكري ع المدى البعيد اختي واتركو الجشع عنكم ... وهذا نصيبج *
abusultan707
23-08-2009, 04:25 PM
بعد عمر طويل لين رديتي بلادج بيعطون عيالج جنسيتج الأصليه !!
ولا بيعاملونهم وافدين مثل ما تقولين !!!

عيالج بيكونون قطريين فالأفضل تهيئين نفسج للاستقرار للابد هني
سواء بزوجج ولا بدونه الله يعطيه طولة العمر ويبارك لكم فيه


هذا الأفضل لأبنائج ودراستهم وعملهم في المستقبل
لو كنتي تفكرين فيهم

:nice::nice::nice: