المساعد الشخصي الرقمي

مشاهدة النسخة كاملة : جامعة بديله عن جامعة قهر (قطر)


بوطويشم
23-08-2009, 10:41 AM
السلام عليكم

مبارك عليكم الشهر

يا أعضاء منتدى الأسهم

هل في جامعة معترف فيها بدون توفل؟؟؟؟؟؟؟؟؟؟؟؟

لاني تعبت من كثر مادور

قالو روح جامعة القاهرة وسمعت من الكثير ان المدرسين ما يمشونك

الا برشاوي( على كلام الناس) والرشاوي مثل ماتعرفون حرام

وكلمتهم على الأنتساب قالو مب معترف فيه ولا تقبله الدولة



وكيف جامعة وحيدة في قطر وتطبق على القطرين والمقيمين

وانا اتكلم عن القطرين لان اذا ادرسو فالدول العربية (مب معترف فيها) ماتقبل شهادتهم

عكس المقيمين يقدرون يصدقونه فدولهم

ليش هالنظام ياجامعة قطر؟؟؟؟

احنا وين ندرس؟؟؟؟؟؟

يعني يا نجيب توفل يا نشتغل؟؟؟؟

واترك الراي لكم
Riku3
23-08-2009, 10:55 AM
في امتحان جديد نزلته جامعة قطر للمتنتسبين في هذا الفصل .. وهالامتحان سهل وتقدر تجيب فيه لفل 4 بسهولة ..

فحتى لو ماقدرت تاخذ التوفل .. ممكن تاخذ هالامتحان وتجيب 400 وفوق من 600 وبيكون التأسيسي بسيط ان شاء الله .
بوطويشم
23-08-2009, 10:57 AM
في امتحان جديد نزلته جامعة قطر للمتنتسبين في هذا الفصل .. وهالامتحان سهل وتقدر تجيب فيه لفل 4 بسهولة ..

فحتى لو ماقدرت تاخذ التوفل .. ممكن تاخذ هالامتحان وتجيب 400 وفوق من 600 وبيكون التأسيسي بسيط ان شاء الله .

أخوي Riku3

ذي للأسف حق الطلاب الجدد وانا من سنه داش الجامعة

ومشكور على المشاركة
ريم المدينة
23-08-2009, 11:03 AM
اصلا هالامتحان لايغني عن الايلز والتوفل..

يعني الايلز وراهم وراهم لازم ايجيبونه...

بعدين اخوي ليش ما تجرب الايلز؟؟ وااايد اسهل من التوفل والواحد يقدر اييب فيه...

اذا انت اتحس ان مستواك ضعيف في الانجليزي خذ دورات في البرتش لانهم وايد يحسنون من مستوى الواحد على كلام ناس وايد ادرسوا هناك...

خلي عندك امل في الحياة ولاتيأس..لايأس مع الحياة ولاحياة مع اليأس...

وجود لك...
استغفرالله
23-08-2009, 11:06 AM
الله يعينك

شد حيلك وبتعدي

وجامعة قطر لا غبار عليها ..من احسن الجامعات

ولازم للي يدرس يتمتع بقدر جيد من اللغة الانجليزية
بوطويشم
23-08-2009, 11:06 AM
اصلا هالامتحان لايغني عن الايلز والتوفل..

يعني الايلز وراهم وراهم لازم ايجيبونه...

بعدين اخوي ليش ما تجرب الايلز؟؟ وااايد اسهل من التوفل والواحد يقدر اييب فيه...

اذا انت اتحس ان مستواك ضعيف في الانجليزي خذ دورات في البرتش لانهم وايد يحسنون من مستوى الواحد على كلام ناس وايد ادرسوا هناك...

خلي عندك امل في الحياة ولاتيأس..لايأس مع الحياة ولاحياة مع اليأس...

وجود لك...

انا جربت الأيلز وماقدرت اجيبه

وبحاول اكثر من مره ان شاء الله بس انا ابي حل من هل الجامعة احنا القطرين

وين الروح؟؟؟

ومشكورة على الرد
Sharshooooor
23-08-2009, 11:12 AM
الله يعينك

شد حيلك وبتعدي

وجامعة قطر لا غبار عليها ..من احسن الجامعات

ولازم للي يدرس يتمتع بقدر جيد من اللغة الانجليزية

من صجك انت؟

اللهم اني صائم

انت جديد في قطر يالغالي

جامعة قطر معروفة والتدريس في قطر معروف مانقدر نخش عيوب شمس!!!
بوطويشم
23-08-2009, 11:20 AM
الله يعينك

شد حيلك وبتعدي

وجامعة قطر لا غبار عليها ..من احسن الجامعات

ولازم للي يدرس يتمتع بقدر جيد من اللغة الانجليزية

مشكور على الرد
بوطويشم
23-08-2009, 11:22 AM
من صجك انت؟

اللهم اني صائم

انت جديد في قطر يالغالي

جامعة قطر معروفة والتدريس في قطر معروف مانقدر نخش عيوب شمس!!!


الهم اني صائم:secret:
فـــــواز
23-08-2009, 11:24 AM
في امتحان جديد نزلته جامعة قطر للمتنتسبين في هذا الفصل .. وهالامتحان سهل وتقدر تجيب فيه لفل 4 بسهولة ..

فحتى لو ماقدرت تاخذ التوفل .. ممكن تاخذ هالامتحان وتجيب 400 وفوق من 600 وبيكون التأسيسي بسيط ان شاء الله .

مرحبا اخووي بقيت اسأل هل فيه انتساب في جامعه قطر


يعني الي ماعنده مجموع يقدر ينتسب للجامعه صح او انا غلطان ياليت احد يفيدنا بالموضوع ؟؟؟؟؟؟

لان نسبتي ماتساعد ادخل الجامعه
بوطويشم
23-08-2009, 11:26 AM
مرحبا اخووي بقيت اسأل هل فيه انتساب في جامعه قطر


يعني الي ماعنده مجموع يقدر ينتسب للجامعه صح او انا غلطان ياليت احد يفيدنا بالموضوع ؟؟؟؟؟؟

لان نسبتي ماتساعد ادخل الجامعه

هلا اخوي فواز الي اعرفه

ان مافي انتساب

هو يمكن قصده المسجلين بشكل عام
العمـادي
23-08-2009, 12:15 PM
الله يعينكم والله مأساه ذي الجامعه

يعني الحين باللغه الانجليزيه الشباب بيكونون نابغه ؟؟

ياما شباب تخرجوا منها وما يعرفون انجليزي وطلعوا احسن من مليون اجنبي

عموما ما ابغي اطول عليك

بس في جامعه بتنفتح في سنة 2010 اسمها جامعة المجتمع على ما اعتقد
ومافيها لا توفل ولا خرابيط
ويعطونك دبلوم وبعدها تقدر تكمل في جامعة قطر او اي جامعه ثانيه وتاخذ البكلوريوس

والله يوفقك
بوطويشم
23-08-2009, 12:33 PM
الله يعينكم والله مأساه ذي الجامعه

يعني الحين باللغه الانجليزيه الشباب بيكونون نابغه ؟؟

ياما شباب تخرجوا منها وما يعرفون انجليزي وطلعوا احسن من مليون اجنبي

عموما ما ابغي اطول عليك

بس في جامعه بتنفتح في سنة 2010 اسمها جامعة المجتمع على ما اعتقد
ومافيها لا توفل ولا خرابيط
ويعطونك دبلوم وبعدها تقدر تكمل في جامعة قطر او اي جامعه ثانيه وتاخذ البكلوريوس
والله يوفقك

بس سمعت انه مافي قانون:rolleyes2:

ومشكور على ردك أخوي العمادي
ثاني
23-08-2009, 01:21 PM
انا توني جاي من جامعة قطر وسويت امتحان عشان يحطوني في أي لفل بالتأسيسي ..

جبت لفل 1

الله يعين
بوطويشم
23-08-2009, 01:25 PM
انا توني جاي من جامعة قطر وسويت امتحان عشان يحطوني في أي لفل بالتأسيسي ..

جبت لفل 1

الله يعين


الله يعينك ويعن جميع المسلمين

مشكور على ردك أخوي ثاني
بنت ذياب
23-08-2009, 01:34 PM
الله يعينك اخوي

بس لازم تجتهد وتحاول

مافي شي اييك جاهز

!!

روح قدم الايلز

مرة مرتين ثلاث اربع بتييبه

لا تياس من اول مرة .. !

انا فالايلز اول مرة يبت درجه ناااازله وحتى بالتوفل..

بس قدم واايد .. وبتوصل للي تبيه .. وانت توك يديد .. والعمر جدامك

:nice:
بوطويشم
23-08-2009, 01:46 PM
الله يعينك اخوي

بس لازم تجتهد وتحاول

مافي شي اييك جاهز

!!

روح قدم الايلز

مرة مرتين ثلاث اربع بتييبه

لا تياس من اول مرة .. !

انا فالايلز اول مرة يبت درجه ناااازله وحتى بالتوفل..

بس قدم واايد .. وبتوصل للي تبيه .. وانت توك يديد .. والعمر جدامك

:nice:

مشكورة أختي بنت ذياب على المرور
Realistic
23-08-2009, 02:25 PM
انا مستغرب من شغله ..

اشلون تبون تمشون في التخصصات وانتوا ماعندكم توفل .. والجامعه موادها كلها بالانجليزي؟
وكلام الدكاتره معانا(حتى العرب) بالانجليزي ..
ولازم نكتب تقارير وبحوث بالانجليزي ..


الطالب الي مايقدر يجييب 500 في التوفل .. هذا اشلون راح يفهم الدكتور اشقاعد يقول لو كلمه بالانجليزي؟
واشلون راح يكتب بحث بو 10 صفحات او اكثر بالانجليزي؟
عزتي سمو ذاتي
23-08-2009, 02:59 PM
جبتها على الجرح عجزت وانا ادور لي جامعة ادرس فيها بس ماحصلت

حتى الانتساب مصر غير معترف فيه .. حرام عليهم الواحد يبي يطور من نفسه ومستقبله وهم واقفين في وجهنا
هذلان
23-08-2009, 04:12 PM
جبتها على الجرح عجزت وانا ادور لي جامعة ادرس فيها بس ماحصلت

حتى الانتساب مصر غير معترف فيه .. حرام عليهم الواحد يبي يطور من نفسه ومستقبله وهم واقفين في وجهنا

اذا تقدر تدرس برى قطر .. عندك جامعه الامام في الرياض

بتدعيلي ان شاءالله بعد ٥ سنين :victory:
làst çhàncè
23-08-2009, 06:04 PM
ادرس في مصر
سهم المراقيب
23-08-2009, 08:57 PM
ليش غيرك جاب التوفل ؟ ما أظن انك ناقص عنهم ,,
لا تيأس ,, لا حياة مع اليأس ,, حاول مره واثنين وثلاث ,,

في استرالي تقدم لإمتحان يتختص في إحدى مجالات تكنلوجيا المعلومات 36 مره (دخل موسوعة جينيس) ,,
ونجح في المره ال 37 قبل يومين ,, الإمتحان مدته 8 ساعات ونصف ,,
ريم المدينة
23-08-2009, 09:03 PM
لكل مجتهد نصيب...

وبالنسبة للي ما جاب نسبة فالحين تقدر تجيب الايلز والاكت وعقب تدخل الجامعة...

وبالتوفيق..
الـزعـيـمـ
23-08-2009, 09:28 PM
وعليكمـ السلامـ

آخوي توكل على الله
وشد حيلك وصدقني بتجيب الدرجه المطلوبه في التوفل
وبعدين الجامعه تطرح دورات مفيده جدا لاجتياز التوفل
ورسومها على خبري 1500 ريال

آخوي انت حدد لكـ آهداف
وصدقني آنت وقدرتكـ على اجتيازها

بالتوفيق آخوي
:):victory:
الـزعـيـمـ
23-08-2009, 09:30 PM
وكذلكـ عندك الآيلز
كثير طلاب اجتازوا الدرجه المطلوبه في الآيلز
وقدموا الآفادة لجامعة قطر ووافقت عليها

شد حيلكـ يالغالي
:)
(حوريه)
23-08-2009, 10:38 PM
الله يعين
روح الاطلس
23-08-2009, 11:01 PM
للأسف الاجابة على سؤالك ... لا يوجد اي جامعة تعطيك درجة البكالوريوس في قطر بدون توفل :)

والجامعات العربية غير معترف فيها ونظام الانتسا ب غير معترف فيه ايضاً

وياما تكلمنا بخصوص التوفل لكن لا حياة لمن تنادي .. دخلنا الجامعة ولغتنا كانت صفر اول سنة وثاني سنة بدينا نتطور شوي شوي وتخرجنا منها متفوقين :) اللغة عمرها ماكانت دليل على نجاح الطالب :) ولو كانت دليل لما كان هناك أي رسوب في الدول الناطقة بالانجليزية ! فهل لغتهم شفعت لهم !! دعونا منطقيين لا سذج
كلي أمل
24-08-2009, 05:25 AM
انت يعني قيد 2008 جدامك سنه اخوي

عندي رقم مدرس يدرس ايلتز انا جبته اول مادخلت الجامعه ودرسني شهر بس وجبت 6 ونص

الايلتز وااااااايد سهل اخوي بس لاتقدمه اذا مادرست له لانه مب بس يقيس اللغه عندك بل هو امتحان فيه مهارات بعد

واذا حبيت رقم الاستاذ بعطيك اياه ع الخاص ويمكن انت سمعت عنه لانه هو وااايد مشهور - اسمه استاذ عمار

وجامعة قطر تبي 5 ونص وهاذي ان شاء الله سهله
صوت الضمير
24-08-2009, 05:38 AM
اقترح على الطلاب والطالبات اللي ماجابوا التوفل

وماعندهم للغه انجليزيه ....

انصحهم يتخصصون

عربي
شريعه

هذا التخصصين الوحيدين بدون توفل

فهذا يعتبر حل ؟

لكن اذا تبون تخصص معين مالكم الا تاخذون دورات مكثفه انجليزي
لن حتى بعد ماتجيبون التوفل..كل المقررات بالانجليزي...
يعني وراكم وراكم...

والله يوفقكم جميعا...

عن نفسي طالبة في جامعة قطر الموقره :) لغه عربيه

العنود
عضو المنتدى
24-08-2009, 12:17 PM
الله يعينك أخوي

أمس قريت في جريده محلية العنوان :

طالبا وطالبة من 26 جنسية
ينضمون إلى جامعة كارنيجي ميلون

استقبلت جامعة كارنيجي ميلون في قطر 98 طالبا وطالبة
قد رافقت الطلبة الجدد في يومهم
الدراسي الأول وذلك للوقوف على سير عملية الالتحاق والالتزام
بالصفوف الدراسية. هذا وتتكون مجموعة الطلبة الجدد من
90 طالباً جديداً وثمانية محولين بناءً على حملة توظيف
محلية وإقليمية مركزة أحرزت نجاحاً كبيراً.

يعني يمكن يتكفلون بتوظيفهم أيضا (دراسة مع توظيف ).!!

وخبر أخر :

منح لعشر طلاب وعشرة طالبات لأبناء المقيمين بجامعه قطر .

http://www.al-sharq.com/pdfs/files/alsharq1_20090823.pdf

نتمنى من جامعه قطر تسهيل قبول القطريين بدل الشروط التعجيزية

ولا حول والا قوة إلا بالله
بوطويشم
24-08-2009, 12:54 PM
السلام عليكم

مشكور ين على المرور