الى كل ام وكل اب تحذير مهم جدا ( السلالم الكهربائيه - ارجووو الحذر )‎

[GAS]

الى كل ام وكل اب السلالم الكهربائيه - ارجووو الحذر‎

بصراحة .... والله شي يعور القلب


في هذا الشهر الفضيل يكثر ترددنا على المجمعات التجارية

يجب مراقبة الاطفال عند الصعود او النزول من السلالم الكهربائية

داخل المراكز التجارية

الصراحه هذه الصور جاتني على إيملي الخاص

والله تقطع قلبي وجبت ولدي وعنفته ورويته الصور

الولد ارتعب وخاف ووعدني انه مايكرر هذه الحركات على السلالم الكهربائية

الله يحفظ لكم اعيالكم


http://farm4.static.flickr.com/3504/3850024170_c8f34ae5d8.jpg


http://farm3.static.flickr.com/2452/3850024186_32e6d5364a.jpg



http://farm3.static.flickr.com/2634/3850024196_9fe4a2a88c.jpg


اعيالنا ا امانة في اعناقنا

[issaomar]

شكرا على الموضوع
والله شي يعور القلب
ان شاء الله الناس ينتبهون على اطفالهم اثناء تسوقهم في المجمعات

[sara_qatar]

يماااااااااه يخرع - الله يحفظ عيالنا

[الوفي]

تسلم أخوي على الموضوع المهم........
وصلت الرسالة وان شاء الله نوصلها للاهل والاقارب.......
جزاك اللــــــــــه خير

[Marshmallow]

آآآه صوره تقطع القلب
مسكيين شلون دخلت يده!!

الله يحفظ عيال المسلمين

[الطيبة كلها]

والله اني اموت خوف على عيالي من السلالم والاسانسير والحريم بالمجمعات بقطر ودول الخليج بعضهم ولا يهمهم وانا اكون على اعصابي

[عـ العبيدلي]

عدل كلامكم ..

انا واحد يقربلي صغير صادته نفس الحاله وصبعه انقص ..

حاسبوا حاسبوا مليون الف مره ..

جزاك الله خير

[مستثمره جديده]

والله انها مشكله هالسلالم الكهربائيه .. مب على الاطفال بس حتى على النسوان اللي يلبسون عبايات لانها ممكن تسحب طرف العبايه وتخنقها وخصوصا اللي تلبس عبايه مسكره ..

الله يحفظ الجميع من شر السلالم الكهربائيه ويساعد الصغير اللي في الصوره :(

[jm01]

الله يحفظنا يارب

[>>> غــمـــوض <<<]

:( الصوره تعور القــلب ..،........ ليتني ماشفتهــا
الله يحفظ اعيالنــا

[ضوى]

والله انها مشكله هالسلالم الكهربائيه .. مب على الاطفال بس حتى على النسوان اللي يلبسون عبايات لانها ممكن تسحب طرف العبايه وتخنقها وخصوصا اللي تلبس عبايه مسكره ..

الله يحفظ الجميع من شر السلالم الكهربائيه ويساعد الصغير اللي في الصوره :(


صدقتي يالمستثمرة

تدرين مرة انا وزوجي عالسلم الكهربائي واقفين جنب بعض وواحدة جدامنا ماشاء الله عليها عبايتها تسحب وراها وزوجها جدامها بمسافة ويوم وصل زوجها نزل وهي جات تنزل وراه وتنسحب عبايتها في طرف السلم ويقوم زوجي ياخذ طرف عبايتها ويسحبه بقوة حتى ماتنسحب وتتكشف المرة وينهتك سترها وبعد صراع قدر زوجي والحمد لله هذا وزوجها مدبر عنها مايدري بها ويوم رجع يبي يشوفها ليش تاخرت عصب على زوجي وقاله ياخي جزاك الله خير بس انا موجود هذا شتقولين له ؟؟ قال له زوجي انت كنت بعيد وهي كانت بتتكشف
!! طبعا ماعجبه الكلام عطانا ظهره ومشى ، والله العظيم قلت لزوجي لو انك تركتها والكل شاف سترها كان عرف ان الله حق بس الخير بهالاشكال حرام بس ردينا واستغفرنا الله وقلنا حسبنا الله ونعم الوكيل

وهذا نداء اوجهه لكل امراة اول ماتوصلين طرف السلم ارفعي عبايتج وانتبهي عدل ترى ممكن يصير شئ محد يتوقعه ابدا

[Sharshooooor]

والله عورت قلبي وذكرتي بنفس الموقف صار لبنتي العبثية
بس مع لفت الفندق انحشرت اصابعها بين الفريم والباب وهو فاتح
بس الحمدلله الله سلمها لي وماكو اصابات