✿نسيتـي مـن رفـع قـدرك ... وخلـى لــك مـكـان وشــان✿ [الأرشيف]

Amigo

24-08-2009, 09:49 AM

وتالـيـهـا مـــع قـلـبـك؟ انـــا نـاقــص وجـــع وجــــدان!!
دخيـلـك فـضـي السـيـره... تعـبـت انــزف معـانـاتـي

تعـالـي نـنـهـي الـمـاضـي ... ويكفـيـنـا نـكــون اخـــوان
ابطـوي صفحـة العاشـق... واعيـد احسـب حساباتـي

انـا المذنـب وانـا المخطـي وانـا الاااااسـف وانـا الغلطـان
ويا ليتـك يـا الزمـن ترجـع ... واكفـر عـن خطيئاتـي

وانـا الجانـي وانـا المـجـرم وانــا الـغـادر وانــا الـخـوان
وانــا اكـبـر غـبـي شـافـك حـديـقـه فـــي مسـاحـاتـي

مـا عـاد اقــوى عـلـى الظلـمـه ولا اقــدر عـلـى الكتـمـان
احــس انــك خنقتيـنـي !! وجـــت سـاعــة نهـايـاتـي

يا وجه الله يا وجه الله .... يـا وجـه الله بشـر!! انسـان!!
على بالك حجر جامد ؟؟ ...... اجـل وشهـي كتاباتـي؟

نسـيـتـي سـاعــة اللـقـيـا ؟ نسـيـتـي لـمــة الاحــضــان!
نسيـتـي وشكـثـر كنـتـي ... تمـوتـي فــي لقـاءاتـي !

نسيـتـي دفـتـر اشـعـاري... نسيـتـي اعـــذب القـيـفـان !
نسيتـي كـل قـلـم يكـتـب ... قصـايـد مــن عذابـاتـي !

نسيتـي مـن رفـع قـدرك ... وخلـى لــك مـكـان وشــان !
وعـزيـتـك وعلـيـتـك .... عـلــى كـــل الامـيـراتـي !

نسـيـتـي ذلــــك الـبـرقــع؟ نـسـيـتـي ذلــــك الـفـسـتـان؟
نسيـتـي ذلــك الخـاتـم .... نسـيـتـي كـــل هـديـاتـي!!

نسيتـي مـن عجـف شـعـرك... جـدايـل كنـهـا شـرطـان !
وزيـنـتـك وبـخـرتـك وقـلــت امـــرك يـــا مــولاتــي

ولـــولا خـوفــي الـخـالـق ... حبـيـبـي ربـــي الـرحـمــن
لكـنـت بساعـتـي هـــذي اعـــض اصـبــع حمـاقـاتـي

تغـيـرتـي ولاعــدتــي ... مــثــل اول زهــــر عـطـشــان
وحنـانـي لـلأسـف كـنــه ... بـقـايـا مـــن خـرافـاتـي

تكـبـرتـي وتجـبـرتـي ... وصـــارت شـوفـتـك سـلـطــان
وانـا اهبـل علـى النيـه ... مـا غيـر ارسـل جوابـاتـي

اقـــول بـخـاطـري يـمـكـن ... تـغـيـر عـنـدهـا الـعـنــوان
يا شيـخ اسكـت متـى تفهـم! صحيـح انـي وهـم ذاتـي

حسبـتـك مـنـي وفيـنـي ... واهـمـك لــو اجـــي فـرحــان
ولـكــن شـفـتـك بعـيـنـي ... تـصـديــن ابتـسـامـاتـي

حسبـتـك تفتـحـي قـلـبـك ... اذا كـــان الـوجــد زعـــلان
ولكـن مـا كــذب خــدي ... وهــو يشـهـد بكـاءاتـي !

فـراقــك اصـبــح الـغـايـه ... ولانـــي عالـهـجـر نـدمــان
قــراري بالبـعـد عـنـك ... تــرى اسـهــل قـراراتــي

وداع الــــذل يــــا ذلــــي ... وداع الــمــوت والأكــفــان
عطيـتـك قلـبـي وروحـــي ... ولا صـنـتـي امـانـاتـي

وش الـحـيـلـه اذا فــكــر... قـتـيـلـك يـهـجــر الأوطــــان
طلبـتـك زيــدي الطعـنـه ... ابـــي اشـعــر بنـوبـاتـي

وعـلـى شـانـي اذا بـاقـي ... بـداخــل حـضـرتـك ايـمــان
ابيهـا مـن ورى ظـهـري .... وانــا اتـلـو صـلاواتـي

وخنجـر طعنتـك يـصـرخ ... ضحـيـه مــن بـنـي قحـطـان
وانـا اخـر حـكـي عـنـدي ... فـمـان الله يــا طعنـاتـي

يـا مـن تقـدر تعوضنـي ... عـن الضيقـه وعـن الاحـزان
بـشـرط انــي انــا الكـوكـب وهـــي ابـعــد مـجـراتـي

يـا مـن تـقـدر تخليـنـي .... كبـيـر اعـظـم مـلـوك الـجـان
لـجـل يصـعـب تحضـرنـي ... قـبـل تطـلـب قريـنـاتـي

سجـى مولـخ شـرو سـادو ... وزنديـب الجـدي طـوسـان
طلاسـم وحدهـا تـعـرف.... نسيـمـي مــن عجاجـاتـي

سمعتـوا مـن قبـل عنهـا ... سمعـتـوا معـشـر النـسـوان؟
بـعـيـده لـلأســف عـنـكـم ... مـثــل قـلـبـي ودقـاتــي

نبيله..ساميه..علـيـا.. فضيـلـه ..سـوســن ... وأشـجــان
اسـامـي تحـيـي المـيـت ... ولـكــن اهـلـهـا امـواتــي

يجونـي فـي صـور شـتـا .... ومعظمـهـا صــور غـربـان
وانا عـذري مثـل ماهـو .... صديقاتـي ... صديقاتـي

خـلاص بذمتـي والله ... مــا عــاد ارجــع الــى الادمــان
عرفـت ان الغـدر انـثـى ..... وانــا اجـمـع علامـاتـي

صفر طيبي.. صفر صدقـي ... صفـر حتـى مـع الاحسـان
صفـر شعـري .... وأقلامـي ... وممحاتـي ومبـراتـي

صفر ليلـي... صفـر ويلـي .. صفـر خافـق نطـر سهـران
صفر دمعي ... صفر شمعي ... صفر بوحي ونبراتي

صفر شوقي.. صفر عشقي ... صفر مغرم.. صفر ولهان
صفر وجدي .. صفر شهدي .. صفر نوحي وزفراتي

بـعـد كــل العـمـر هــذا ... عـرفـت انــي انـــا الـكـسـلان
حـسـافـه جـتـنـي مـتـاخـر ... مــراحــل اكتـشـافـاتـي

لـكــن مـــا اقـــول الا ... خـــذوا خــالــد بــعــد قــربــان
حقيـقـه مالـهـا معـنـى .... اسـولـف عــن حكـايـاتـي

فـمــان الله ... فـمــان الله ... فـمــان الله انــــا ذبــــلان
وحسـافـه تنـوجـد عــذرا تـشـوف احــرف معـانـاتـي

قـصـيـدي لا تـواخـذنـي ... مـسـيـري ابـعــد الـشـيـطـان
يكـفـي اذكــر اســم الله ... وجـنــب عـــن تفـاهـاتـي

للشاعر خالد القحطاني

بنت ذياب

25-08-2009, 06:39 PM

هالقصيده فعلا راائعه

وقريتها بكذا مكان

تعـالـي نـنـهـي الـمـاضـي ... ويكفـيـنـا نـكــون اخـــوان
ابطـوي صفحـة العاشـق... واعيـد احسـب حساباتـي

:weeping:

سجـى مولـخ شـرو سـادو ... وزنديـب الجـدي طـوسـان
طلاسـم وحدهـا تـعـرف.... نسيـمـي مــن عجاجـاتـي

حد يفج لي هالطلاسم :omen2:

يعطيك العافيه اخوي..

لاهنت ع الاختيار الطيب ..

حراير قطر

29-08-2009, 01:56 AM

http://tbn2.google.com/images?q=tbn:W5aC90RbCtOW6M:http://3.bp.blogspot.com/_Zqm4-tpHNL8/SJKEc2_7OJI/AAAAAAAAALg/kc0tw4_a4Ow/s400/%D8%A7%D9%84%D9%81%D8%B1%D8%A7%D9%82.jpg

فـراقــك اصـبــح الـغـايـه ... ولانـــي عالـهـجـر نـدمــان
قــراري بالبـعـد عـنـك ... تــرى اسـهــل قـراراتــي

صح لسانه

وتسلم يمناكـ

على الاختيار الرائع