المساعد الشخصي الرقمي

مشاهدة النسخة كاملة : حديقة سباير للعائلات فقط !!!!!!!!


بوسالم90
24-08-2009, 11:58 AM
مثل ماهو واضح من العنوان

امس كنت رايح اسباير على الساعه 4.30 قبل الفطور اسوي رياضه

تفاجئت العمال قاعدين يسون حواجز ( شبك ) على الحديقه سألت موظف

الامن شسالفه قالي راح تكون الحديقه للعائلات فقط

الله يكون في عون الشباب
Grnas
24-08-2009, 11:59 AM
بل

وين نروح؟

مافي إلا الممر
Sharshooooor
24-08-2009, 12:10 PM
مشكلة الشباب دايما يقولون وين نروح

يعني مالقيت الا الحدائق روح مكان انفع لك وعن الرياضة مالك الا الكورنيش

مشكلة الشباب اكثرهم اذا راح مكان عام لازم يسوي فوضى ويقز يمين ويسار وروحته عالفاضي بس

وفي الاخير يقولون وين نروح

يعني ماكفاكم سالفة البنت اللي تحرشوا فيها مسكينه ( وبعدين )

خصصوا اماكن للعائلات مثل الحدائق وغيرها وللشباب شي يناسب ميلواهم مثل النوادي
Northman
24-08-2009, 12:21 PM
انتو لكم النوادي
والا ليش مسوينها ؟؟
مكنتوش
24-08-2009, 12:33 PM
خبر مفرح والله
سوق واقف
24-08-2009, 12:37 PM
خبر جميل
الفا برافو
24-08-2009, 12:39 PM
انا مانيب مشترك في اي نادي واحب امشي في حديقة اسباير لانها قريبه علي ...
فهل يعني اجيب زوجتي معاي واجلسها على كرسي لين اخلص رياضتي ولا لازم اسحبها معاي بعد !!
وشلون بتكون الية المنع اذا الواحد بروحه من دون هله .. هل فيه تحديد للعمر ؟؟ واذا متزوج يعني جيب صوره من العقد معاه ...
اللي عندهم خبر بهالموضوع يفيدونا افادكم الله
واذا اشاعه .. يفندونها
Sharshooooor
24-08-2009, 12:42 PM
انا مانيب مشترك في اي نادي واحب امشي في حديقة اسباير لانها قريبه علي ...
فهل يعني اجيب زوجتي معاي واجلسها على كرسي لين اخلص رياضتي ولا لازم اسحبها معاي بعد !!
وشلون بتكون الية المنع اذا الواحد بروحه من دون هله .. هل فيه تحديد للعمر ؟؟ واذا متزوج يعني جيب صوره من العقد معاه ...
اللي عندهم خبر بهالموضوع يفيدونا افادكم الله
واذا اشاعه .. يفندونها

معارض من الف مؤيد مايفشل النجاح
مستثمر تحت التعليم
24-08-2009, 12:49 PM
لو سوو حدايق للشباب فقط صدقوني شهر وبعدين تلقونها تصفر مثل العديد في شهر رمضان الظهر

الصراحه اكثر الشباب اهدافهم معروفه واولها التقزز والمغازل وبعض الشابات بعد اصلحنا الله وياهم جميعاً
الفا برافو
24-08-2009, 01:05 PM
معارض من الف مؤيد مايفشل النجاح

مسرع ونا خوك طلعت احصائيه :nice:
بوطويشم
24-08-2009, 01:14 PM
السلام عليكم

الي يبغي يتمشى (يسوي رياضة)

عندكم استاد خليفة دورو حول الملعب :)
hot2000
24-08-2009, 01:26 PM
ااحسن قرار
حتى روحة البنات بتخف لأن مافي شباب
الموضوعي
24-08-2009, 01:39 PM
مشكلة اكثر الشباب هالايام انهم مستهترين وماعندهم مروه ومرجله يقز المراه حتى لو معها زوجها
شمعة الدوحه
24-08-2009, 01:45 PM
شي حلوووو بصراااحه :victory:

كفايه انه اخوي معارض نروح لها علشان المهزله اللي تصير هناك

وبالنسبه للشباب الصوب الثاني من اسباير عند الملعب فيه ممشى يقدرون يتمشون هناك اذا حابين يسوون رياضه :omen2:
عاشق فودافون
24-08-2009, 02:19 PM
صراااااااااحه خبر حلو

وجزاهم الله خير ماقصرووا

عالاقل اذا راحو هلي هناك قلبي يكون مرتاااح

احنا الشباب عندنا الصالات والنوااادي يعني حبكت الا نروووح اسباااير

قرااار موفق ونا اول مويد له عشان عالاقل المهازل الي تصير هناك توقف والله يهدي شبابنا وبناتنا...


تحياااااتي

وتسلم ياصاحب الموضوع على الخبر
فلفل حار
24-08-2009, 02:51 PM
خبر حلو للعوايل ...

ماقصرت طلعاتنا على هالحديقه ... :)
المشط
24-08-2009, 03:08 PM
لو سوو حدايق للشباب فقط صدقوني شهر وبعدين تلقونها تصفر مثل العديد في شهر رمضان الظهر

الصراحه اكثر الشباب اهدافهم معروفه واولها التقزز والمغازل وبعض الشابات بعد اصلحنا الله وياهم جميعاً

صادق

اكثر الشباب هناك يرحون للمصخر

وزين انهم سو الحديقه للعائلات

والفال للمجمعات والاسواق
راسي براسك
24-08-2009, 03:11 PM
الصراحة بردوا قلبي بهالقرار لأن أبداً مانستانس في طلعتنا أحنا البنات لاطلعنا سباير
أزعاجات من طرف الشباب المستهترين وقط كلام وسوالف مالها دااعي
رايحين نستانس بالجو الحلو على أيام البرد ونتمشى يجون أطفال مراهقين ويخربون جونا
حتى أأهالينا ماراح ترضى نروح نتونس ونشم هواا !!
والرياضة لها الكورنيش ولا الممر ولا النوادي الصحية
أأصلن نادراً ماكانوا يسوون رياضة والكل شاهد
يعطيك العافية على هالخبر
بوحارب
24-08-2009, 03:13 PM
احسن

الشباب لهم الخيام والمجالس

اما السحالي خلوهم يتسكعون في هالأماكن براحتهم http://up.souqaldoha.com/get-8-2009-souqaldoha.com_g5g1whqe.gif (http://up.souqaldoha.com)
تحداني
24-08-2009, 03:15 PM
.. بعض الناس مآخذين الخبر بروح رياضيه ..
.. ما شاء الله ..
. انا ما ادري هالشباب الي انشوفهم في كل مكان ..
من اي كوكب جايين ..:secret:
ولد الشحانية
24-08-2009, 04:09 PM
ماعليكم اشاعة

وصعبة يسونها
ALRAYYAN
24-08-2009, 04:23 PM
خبـــــــر حلــــو

الشباب لهم اماكن وايد ولا بيضرهم منعهم من هالمكان
الشاب مايعيبه شي لو تريض ع الكورنيش او اي ممشى في اي مكان

لكن الحريم يدورون الستر والمكان اللي إضائته خافته

اضائه خافته ومكان مختلط تصير مشاكل .. فالأحسن تكون حديقة سباير للعائلات

الحين الواحد ينزل هله ويروح عنهم يخلص له كم شغله وهو مرتاح البال

تسلم ع الخبريه
ولد الشحانية
24-08-2009, 04:29 PM
خبـــــــر حلــــو

الشباب لهم اماكن وايد ولا بيضرهم منعهم من هالمكان
الشاب مايعيبه شي لو تريض ع الكورنيش او اي ممشى في اي مكان

لكن الحريم يدورون الستر والمكان اللي إضائته خافته

اضائه خافته ومكان مختلط تصير مشاكل .. فالأحسن تكون حديقة سباير للعائلات

الحين الواحد ينزل هله ويروح عنهم يخلص له كم شغله وهو مرتاح البال

تسلم ع الخبريه

دحل الحمام والبدع
ويش رايك نحط جميع الاماكن للعائلات

ليه الواحد يقدر يدش مع رفيجته

ويتمشي ..............الخ
حرام الشباب اكثرهم صاره له فتره يتدربون هنا
ALRAYYAN
24-08-2009, 04:45 PM
دحل الحمام والبدع
ويش رايك نحط جميع الاماكن للعائلات

ليه الواحد يقدر يدش مع رفيجته

ويتمشي ..............الخ
حرام الشباب اكثرهم صاره له فتره يتدربون هنا

لا حول ولا قوة الا بالله .. ياخوي احسن النيه

بعدين حتى لو دخل مع رفيجته .. بعد يعتبرون عائله :tease:

ترى اتغشمر .. لحد يسوي لي سالفه .. ترى يوعاااااااااااااااان حدي :weeping:

وسع الخاطر وانا اخوك :)
نمر بن عدوان
24-08-2009, 05:03 PM
اشاعة والشبك حاطينه لمنع الدخول الا من اماكن محدده .
لاجئ عاطفي
24-08-2009, 05:06 PM
ابركها من ساعه

كلكم سمعتوا عن البنت اللي تعرضت لتحرش من واحد ضعيف نفس في هالحديقه يعني تواجد الشباب في مثل هالاماكن غير مرغوب فيه فماظن اي واحد منكم بيرضى بتواجد الشباب هناك لو هله في الحديقه ..
بصراحه عين العقل والشباب لهم اماكن كثيره سواء للرياضه ولا غيرها
Riku3
24-08-2009, 05:11 PM
قرار حلو لو صج يطلع ! ..

لما كنا نروح هناك ببداية افتتاح الحديقة كان المكان كله عائلات والمكان هادي وراقي وحلو .. بس بالفترة الاخيرة كان يرفع الضغط من كثر الشباب ..

والي يبطون جبدي الي جايبين معاهم عود ومصدقين نفسهم .. خاطري اعرف شهالتربية الي تربوها اعوذ بالله .
Realistic
24-08-2009, 05:54 PM
اشسالفة البنت الي تحرشوا فيها ؟ ماسمعنا شي عن هالموضوع ؟




سؤال: للعوايل فقط .. وله للعوايل والفتيات ؟

اذا بس كانت للعوايل .. فاحنا ( كشباب) نطالب ان يتم منع البنات الاتي يذهبن للحديقه بدون رفقة محرم << والله من صجي ترى .. من باب المساواه فقط :nice:
الفريق أول ركن
24-08-2009, 06:45 PM
خوووش خبر
بوحارب
24-08-2009, 06:50 PM
.. بعض الناس مآخذين الخبر بروح رياضيه ..
.. ما شاء الله ..
. انا ما ادري هالشباب الي انشوفهم في كل مكان ..
من اي كوكب جايين ..:secret:

من كوكب شركة كل ودور http://www.up.qatarw.com/get-8-2009-vc9k6tq4.gif (http://www.up.qatarw.com)
بوحارب
24-08-2009, 06:52 PM
اشسالفة البنت الي تحرشوا فيها ؟ ماسمعنا شي عن هالموضوع ؟




سؤال: للعوايل فقط .. وله للعوايل والفتيات ؟

اذا بس كانت للعوايل .. فاحنا ( كشباب) نطالب ان يتم منع البنات الاتي يذهبن للحديقه بدون رفقة محرم << والله من صجي ترى .. من باب المساواه فقط :nice:

الحين البنت صارت تسافر بروحها وانت تبيهم يمنعونها من الروحة للحديقة http://www.up.qatarw.com/get-8-2009-z624fz4z.gif (http://www.up.qatarw.com)
q6ri_vip
24-08-2009, 06:55 PM
اشاعة والشبك حاطينه لمنع الدخول الا من اماكن محدده .

والله الخبر صحيح وانا شخصيا كلمني واحد من التحريات معطينه سيارة الجولف ووقف وكلمني وقالي اخوي الحديقة للعوائل وصار بيني وبينه كلام اخذ وعطا عن وضع المكان للعوائل .
ولد النواخذه
24-08-2009, 06:56 PM
بارك الله في من حط هالقرار أنا أشهد انه قرار صائب وأأيده مليون فالمئة بعض شبابنا ما يستحقون الي يعزهم لانهم ما يغارون على بنات وشوفات ديرتهم ويناقضون نفسهم لو تعرضوا أهاليهم للمضايقات من الغير سبحان الله, قرار صائب نتمناه حقيقه وواقع خل أهالينا يروحون براحتهم والواحد يكون متطمن..
سهم مديون
24-08-2009, 07:01 PM
ما يصير شلون بسوي رياضة الحين !!
Grnas
24-08-2009, 07:37 PM
حديقة البدع حق العائلات

وسباير حق العائلات

وحديقة الخليفات للعائلات

وحديقة الدحيل للعائلات

وحديقة السد للعائلات

واللي يقهرك يقولك الشباب مضايقينا: يعني هالحديقة ناقصة تكون عائلات

الله يخلي حديقة المتحف للشباب والله يحفظهم من كل سوء (هذا اللي ناقص يخلونها بعد حق العائلات)
واحد 11
24-08-2009, 07:47 PM
بصراحة انا مؤيد لهذا القرار... ومن زيارة سابقة من كم شهر للحديقة وجدت اطفال او مراهقين ان صح التعبير يشعرون بالرجولة اذا مرت من عندهم وحدة وتصدر تصرفات غير لائقة
انا مع القرار واللي يبي يمشي الممشى حق سباير مفتوح للجميع
طرفه
24-08-2009, 08:14 PM
خبر طيب
doha_vip
24-08-2009, 08:48 PM
المشكله في الاجانب من الجنسيات الاسيويه وياكثرهم في البلاد
Riku3
24-08-2009, 09:10 PM
اشسالفة البنت الي تحرشوا فيها ؟ ماسمعنا شي عن هالموضوع ؟




سؤال: للعوايل فقط .. وله للعوايل والفتيات ؟

اذا بس كانت للعوايل .. فاحنا ( كشباب) نطالب ان يتم منع البنات الاتي يذهبن للحديقه بدون رفقة محرم << والله من صجي ترى .. من باب المساواه فقط :nice:

من كم شهر اتصلت فتاة قطرية على برنامج وطني الحبيب صباح الخير تشتكي ان تم التحرش فيها باللمس من طرف شباب كانوا موجودين في المكان .. واتصلت على الشرطه بس مالقوا الشباب لانهم اجتازوا الشارع وماكانت عندهم سيارات وكانوا جايين الحديقة من المناطق المجاورة .

هذا اذا ماخاب ظني ولخبطت في شي لان السالفة مر عليها شهور .

والله عصبت من قلب وانا اسمع البنت المسكينة وهي تشتكي .

علشان كذا انا ضد تواجد الشباب للتسكع في حدائق سباير ! .. ولو على الرياضة فالمسارات الخارجية موجودة ..

نبي نروح هناك مع الاهل ونستانس في الجو البارد الي جاي .. مب الشباب رايحين ورادين وعيونهم تقطع الحريم في المكان ! .
ســـهم
24-08-2009, 09:41 PM
الله يوفقهم يارب على الفكره المباركه

والشباب لهم مليون حل ويقدرون يروحون عدة اماكن

يعني حبكت ماتتمشى الا في هالحديقه !!
nawara2
24-08-2009, 09:59 PM
خبر جميل
خبر جميل
خبر جميل
Realistic
24-08-2009, 10:07 PM
من كم شهر اتصلت فتاة قطرية على برنامج وطني الحبيب صباح الخير تشتكي ان تم التحرش فيها باللمس من طرف شباب كانوا موجودين في المكان .. واتصلت على الشرطه بس مالقوا الشباب لانهم اجتازوا الشارع وماكانت عندهم سيارات وكانوا جايين الحديقة من المناطق المجاورة .

هذا اذا ماخاب ظني ولخبطت في شي لان السالفة مر عليها شهور .

والله عصبت من قلب وانا اسمع البنت المسكينة وهي تشتكي .

علشان كذا انا ضد تواجد الشباب للتسكع في حدائق سباير ! .. ولو على الرياضة فالمسارات الخارجية موجودة ..

نبي نروح هناك مع الاهل ونستانس في الجو البارد الي جاي .. مب الشباب رايحين ورادين وعيونهم تقطع الحريم في المكان ! .



تدرون شالمشكله ؟

المشكله ان بعض الشباب الخمه ( واسمحوا لي على هالتعبير بس هو اكثر تعبير راكب عليهم) تصدر منهم تصرفات غير مسؤوله .. وفي الاخير التعميم يجي على الكل.. سواء الي رايح يتحرش .. وله رايح عشان يتمشى ..

المشكله ان اكثر ناس بيكونون التزاما بهالقرار .. هم الناس الي كانوا يروحون بس للمشي ومالهم خص في حد ..
والشباب الخمّه .. احتمال يلاقون لهم منفذ للتحايل على القرار ..


انا عن نفسي.. اكيد راح التزم بهالقرار .. بس حرام والله الي قاعد يصير ..

كانت حديقة سباير لها ميزه خاصه .. ان الممشى ناعم .. فوايد صحي للمشي والجري ..

لكن .. شنقول يعني .. الله يعين ..

وعقبال مايسوون ممشى خاص .. للشباب فقط :d
Sharshooooor
24-08-2009, 10:25 PM
مسرع ونا خوك طلعت احصائيه :nice:

عبالك عيل نلعب احنا :victory:
BURBERRY
24-08-2009, 11:36 PM
اذا عن بعض الشباب و القز .. ترى حتى بعض البنات يقزووون و في كل مكان

و اذا الواحد ملتزم و يبي يمشي بروحه ولا مع واحد من ربعه وين يروح؟ يعني الكورنيش بعيد و اسباير قريبه من بيوتنا ..
ذوق
25-08-2009, 12:58 AM
خبر جميل صراحه لو كان أكيد
bshayer
25-08-2009, 01:32 AM
أحسن :)

>>>لو الجو مثل اوروبا كنا بالحديقة اغلب الوقت ..:)
فلفل حار
25-08-2009, 01:50 AM
.. بعض الناس مآخذين الخبر بروح رياضيه ..
.. ما شاء الله ..
. انا ما ادري هالشباب الي انشوفهم في كل مكان ..
من اي كوكب جايين ..:secret:



http://up1.arb-up.com/files/arb-up-2009-8/Na553645.jpg

مب سوا ... :)
عبدالمحسن
25-08-2009, 05:11 AM
خبر مفرح وجميل
ابوالمديونين
25-08-2009, 05:24 AM
:nice:
صوت الضمير
25-08-2009, 07:09 AM
خبر جميل جدا

والله يهدي شبابنا ويصلحهم

بصراحه ينخاف على اطفالنا بالحدائق

موب شرط من الشباب القطرين البلا من الاسيوين يخرعون وكثرة جرائمهم

من زمان مارحت الحديقه لاني خفت من تجمع الاسيوين

الله يسلم راعي الفكره عزالله انها تنحسب لحسابه

العنود
راعي الغزيل
25-08-2009, 07:57 AM
يازين الهايد بارك
قطري كشخه
25-08-2009, 08:20 AM
خوش خبر والله

ان شاء الله يكون صج

ع الاقل ياخذون راحتهم العوايل اكثر ..

والى يقول وين نروح احنا الشباب في عشرطعشر مليوون الف مكان لحد يقولي مافي مكان في الدوحه نسوي رياضه

صوب استاد خليفه في مضمار خاص للمشاه والى يسون رياضه ومكانه حذفت حصاه عن الحديقه وفيها اجهزه رياضيه بعد وفيها دوره مياه الله يعز (الي يقري ) كل شي تبيه متوفر

الكورنيش

الشارع الى حنب المول

اذا ماتبي تمشى سو برنامج مع الربع كوره الله مكثر النوادي والمدارس والحجوزات ابيزه

بحر وعندكم وحداق وعندكم وبر وعديد وعندكم ..

حجي فاضي الى يقول وين نروح لوتبي ترفه عن نفسك تقدر لكن العيز والكسل هو الى مخليك مثل الاسمجه في الميلس كأنك ف حوض سمج
مــــلاك
25-08-2009, 09:36 AM
خوش خبر والله

ان شاء الله يكون صج

ع الاقل ياخذون راحتهم العوايل اكثر ..

والى يقول وين نروح احنا الشباب في عشرطعشر مليوون الف مكان لحد يقولي مافي مكان في الدوحه نسوي رياضه

صوب استاد خليفه في مضمار خاص للمشاه والى يسون رياضه ومكانه حذفت حصاه عن الحديقه وفيها اجهزه رياضيه بعد وفيها دوره مياه الله يعز (الي يقري ) كل شي تبيه متوفر

الكورنيش

الشارع الى حنب المول

اذا ماتبي تمشى سو برنامج مع الربع كوره الله مكثر النوادي والمدارس والحجوزات ابيزه

بحر وعندكم وحداق وعندكم وبر وعديد وعندكم ..

حجي فاضي الى يقول وين نروح لوتبي ترفه عن نفسك تقدر لكن العيز والكسل هو الى مخليك مثل الاسمجه في الميلس كأنك ف حوض سمج


:victory:
براتزية برازيلية
25-08-2009, 09:46 AM
خبر جميل
rma1g
25-08-2009, 09:54 AM
الله يبشرك بالجنه
ولد النصر
25-08-2009, 10:13 AM
اصبحت الاماكن الترفيهية في الدوحة للعائلات فقط

الله المستعان
الفا برافو
25-08-2009, 10:13 AM
خوش خبر والله

ان شاء الله يكون صج

ع الاقل ياخذون راحتهم العوايل اكثر ..

والى يقول وين نروح احنا الشباب في عشرطعشر مليوون الف مكان لحد يقولي مافي مكان في الدوحه نسوي رياضه

صوب استاد خليفه في مضمار خاص للمشاه والى يسون رياضه ومكانه حذفت حصاه عن الحديقه وفيها اجهزه رياضيه بعد وفيها دوره مياه الله يعز (الي يقري ) كل شي تبيه متوفر

الكورنيش

الشارع الى حنب المول

اذا ماتبي تمشى سو برنامج مع الربع كوره الله مكثر النوادي والمدارس والحجوزات ابيزه

بحر وعندكم وحداق وعندكم وبر وعديد وعندكم ..

حجي فاضي الى يقول وين نروح لوتبي ترفه عن نفسك تقدر لكن العيز والكسل هو الى مخليك مثل الاسمجه في الميلس كأنك ف حوض سمج

مع احترامي حق كل الاراء.... لكن ماعتقد انه اذا انسان ملتزم يكون حجيه على قولتك ياخوي فاضي بس لانه قال راح ينحرم من التريض في هالمكان الجميل والمريح !
مناحي السادس عشر
25-08-2009, 11:16 AM
حلوه هالحديقه بصراحه
bu 3li
25-08-2009, 11:34 AM
والله ابرك الساعات الصراحه .. هـ الحديقه كنت امشي فيها
وماشوف الا المغازل والمواعد هناك .. زين يسوون
عالاقل العايلات لين راحوا هناك بيعرفون يستانسون ويهدون عيالهم يلعبون
والشباب يقدرون يروحون اي مكان حق الرياضه " كلها الا دقة سلف "
بس الحريم والبنات اللي محكورين كله فالبيت .. لين دشوا هناك يكرهون عيشتهم من سوات ( بعض الشباب )
فـ يشكرون الامن الصراحه على اللي يسوونه
الوفي
25-08-2009, 03:23 PM
شنهي المشكــــــــــــــــلة.........
الواحد يتزوج وييب عايلته بسباير ولا ييب الوالدة والوالد والاخوات ويستانسون ويتمشون....علشان الشباب يهتمون شوي بأهاليهم.....وتزيد الجمعة والالفة والمحبة.....
مب كله مع الدريول......
ولا وشفايدة تجمع الشباب بالحدائق......ليش الكورنيش مايكفيهم.......وش معنى سباير عاجبتهم؟؟؟؟؟؟
لو كل شاب عزوبي ..................تزوج بيحس بالكلام الي أقوله وتقوم عنده الغيرة وبيئيد هذه القرارات.....
ياما شفنى بلاوي بسباير من تقزقز......وتحرش........ومشاكل.......والله العوايل مساكيين
تحياتي لك ياصاحب الموضوع وأن شاء الله أكون ضيف خفيف على موضوعك......وهذا رايي وانا اخوك.....
بنت الرجال
25-08-2009, 04:03 PM
البنـت المتربيه .. مالهـا غيير بيتهـا تمشـي فيـه و تسـوي رياضتهـا ...

اول دووله في الخليييج قطر من نااحيـة مسااحـة البيـووت ...
كل بييييت حوووشـه اكبر من الثاانـي ...
وشولـه تعرضـون أنفسكـم لتحرشـات الشبـااب الطاايش و أنتـوا بنـات شوفـاات حتـى ما معـااكـم محـرم ..!!!!

لا حول و لا قوة الا باللـه ...
و الله عيـب في عرفنـا البنـت تتمشـى و تستعـرض على بوو انهـا تسوي رياضـه ..!!!

روووحـي لج مكـاان مسكـر و مستـور و تريضيـي فيه الا الأماكـن العامــه يعنـي ...!!!

الله مكثـر الصالات النسائيـه أشتركي في أي وحـده و سوي رياضتـج اللي اظـن بتموتيـن إذا ما سويتيهـا ...

اللهم لا تؤاخذنا بمافعله السفهاء منـا ...

الله يهديـنا و يـاهـم و يقـرووون في بيوتهـم هالبنـااات ... اللي الطلعـه عندهـم صـارت بسـبب و بـدوون سبـب ......
اعقل مرجوجه
25-08-2009, 04:41 PM
انتو بصراحه مكبرين السالفه

ترى المغازل في المجمعات التجاريه في ذاك البراد

اما الحديقه من فالح يقعد في الحرررر وينطبخ عشان يلقى حد يعبّره

بصراحه انا الحمدلله ماشفت مشاكل

اودي ولدي يلعب بالسيكل وكلن في حاله

وذاك راعي سياره الغولف القطري مايقصر يدور لما دار راسه

يكلم الهنود ويراقب المكان

حتى الجو هالاسبوع مايساعد اصلا الرطوبه تمرّض الواحد

والشباب ليش تتحسرون على هالمكان

ماعليكم قصور خلينا لكم السيلين والمقناص والقهاوي والنوادي و والشوارع بكبرها

وتحسدون البنات على هالمكان !!!

احمدو ربكم خلينا لكم صوب الملعب اللي جنبه مادري شيسمونه خخخخ
بن رومي
25-08-2009, 04:55 PM
ابركها من ساعه

كلكم سمعتوا عن البنت اللي تعرضت لتحرش من واحد ضعيف نفس في هالحديقه يعني تواجد الشباب في مثل هالاماكن غير مرغوب فيه فماظن اي واحد منكم بيرضى بتواجد الشباب هناك لو هله في الحديقه ..
بصراحه عين العقل والشباب لهم اماكن كثيره سواء للرياضه ولا غيرها

الشيخ اثنينهم غلطانين :anger1:

الشاب والفتاه :anger1:

ذاك ما عندة مروة :eek5:

وذي طالعة بروحها :eek5:

وانا سمعته في برنامج وطني الحبيب :secret:

حتى ما احشنت ذكر ابوها وامها :eek5:

قالت شياب وما يفهون شي وعقليات قديمة :anger1: :anger1: :anger1:

على ما اسعفتني ذاكرتي :shy:




وانا مب مع منع الشباب



اخوكم بن رومي
q6ri_vip
25-08-2009, 08:15 PM
البنـت المتربيه .. مالهـا غيير بيتهـا تمشـي فيـه و تسـوي رياضتهـا ...

اول دووله في الخليييج قطر من نااحيـة مسااحـة البيـووت ...
كل بييييت حوووشـه اكبر من الثاانـي ...
وشولـه تعرضـون أنفسكـم لتحرشـات الشبـااب الطاايش و أنتـوا بنـات شوفـاات حتـى ما معـااكـم محـرم ..!!!!

لا حول و لا قوة الا باللـه ...
و الله عيـب في عرفنـا البنـت تتمشـى و تستعـرض على بوو انهـا تسوي رياضـه ..!!!

روووحـي لج مكـاان مسكـر و مستـور و تريضيـي فيه الا الأماكـن العامــه يعنـي ...!!!

الله مكثـر الصالات النسائيـه أشتركي في أي وحـده و سوي رياضتـج اللي اظـن بتموتيـن إذا ما سويتهـا ...

اللهم لا تؤاخذنا مافعله السفهاء منـا ...

الله يهديـنا و يـاهـم و يقـرووون في بيوتهـم هالبنـااات ... اللي الطلعـه عندهـم صـار بسـبب و بـدوون سبـب ......

كلام طيب وموزون
فرحة الكواري
25-08-2009, 08:20 PM
خبر جميل .. الله يجزاهم خير

لازم اكفر عن حلفتي بعدم دخول هذه الحديقه مره ثانيه

عشان اقدر ادخلها :)
طارق
25-08-2009, 08:52 PM
احسن شيئ سووه

المكان بصير عائلي فقط - وبيدخله المحتاجين الحقيقيين للرياضه
وليس المتسكعين والمغازلجيه
ارجو ان ينتشر هناك بعض الشرطه النسائيه ايضا - للتصدي لبعض المنحرفات ان وجدو في الحديقه
لأن بخروج المغازلجيه من المنطقه , فالمكان سيصبح ساحه صيد جديده للمسترجلات
قطري كشخه
26-08-2009, 04:07 AM
مع احترامي حق كل الاراء.... لكن ماعتقد انه اذا انسان ملتزم يكون حجيه على قولتك ياخوي فاضي بس لانه قال راح ينحرم من التريض في هالمكان الجميل والمريح !

السلام عليكم

يااخوي الرياضه مانقصرت يوم على مكان وله حديقه واذا عن الجمال وودك به عليك بالكورنيش احلى من ممشى الكورنيش وشو ..

انا معاااك انه المكان شرحه وحلوه لكن بنجي بنخاشر العوايل في كل شي عليهم بالعافيه

المشكله فئه قليله هي الى تخرب ع الشريحه الكبيره وهذا الى حاصل لو كانو الى يرحون اهنااك (البعض منهم )محترمين حالهم ومايتحرشون في خلق الله كان قلنا ماعليه خل المكان عام..

وانا من اكثر الناس الى مأيده انه الحديقه تكون للعوائل :nice:
فلفل حار
26-08-2009, 04:22 AM
احسن شيئ سووه

المكان بصير عائلي فقط - وبيدخله المحتاجين الحقيقيين للرياضه
وليس المتسكعين والمغازلجيه
ارجو ان ينتشر هناك بعض الشرطه النسائيه ايضا - للتصدي لبعض المنحرفات ان وجدو في الحديقه
لأن بخروج المغازلجيه من المنطقه , فالمكان سيصبح ساحه صيد جديده للمسترجلات

ذكرتني في حديقة اللقطه ...:secret:
ذيب زكريت
26-08-2009, 04:58 AM
وانا معارض اصلا اللي يروح للرياضه معروف واللي يروحون لشئ ثاني معروفين
MeMe MoOoON
26-08-2009, 05:02 AM
لو سوو حدايق للشباب فقط صدقوني شهر وبعدين تلقونها تصفر مثل العديد في شهر رمضان الظهر

الصراحه اكثر الشباب اهدافهم معروفه واولها التقزز والمغازل وبعض الشابات بعد اصلحنا الله وياهم جميعاً

اي والله صدقت اخوي بهالكلام
MeMe MoOoON
26-08-2009, 05:07 AM
البنـت المتربيه .. مالهـا غيير بيتهـا تمشـي فيـه و تسـوي رياضتهـا ...

اول دووله في الخليييج قطر من نااحيـة مسااحـة البيـووت ...
كل بييييت حوووشـه اكبر من الثاانـي ...
وشولـه تعرضـون أنفسكـم لتحرشـات الشبـااب الطاايش و أنتـوا بنـات شوفـاات حتـى ما معـااكـم محـرم ..!!!!

لا حول و لا قوة الا باللـه ...
و الله عيـب في عرفنـا البنـت تتمشـى و تستعـرض على بوو انهـا تسوي رياضـه ..!!!

روووحـي لج مكـاان مسكـر و مستـور و تريضيـي فيه الا الأماكـن العامــه يعنـي ...!!!

الله مكثـر الصالات النسائيـه أشتركي في أي وحـده و سوي رياضتـج اللي اظـن بتموتيـن إذا ما سويتيهـا ...

اللهم لا تؤاخذنا بمافعله السفهاء منـا ...

الله يهديـنا و يـاهـم و يقـرووون في بيوتهـم هالبنـااات ... اللي الطلعـه عندهـم صـارت بسـبب و بـدوون سبـب ......


فديتج يمكن احنا نقدر نمشي في بيوتنا ونقدر نشترك بس في ناس اعرفهم مساكين لابيت عدل صغير مافي حوش ولا يقدرون يحطون ميزانيه لاشتراك شهري يعني ماعندهم غير هالاماكن يمشون واهم محترمين نفسهم لاتحكمين عليهم جذي !!!!!!!!!!!!!! لاتظلمينهم فديتج
طارق
26-08-2009, 05:24 AM
البنـت المتربيه .. مالهـا غيير بيتهـا تمشـي فيـه و تسـوي رياضتهـا ...

اول دووله في الخليييج قطر من نااحيـة مسااحـة البيـووت ...
كل بييييت حوووشـه اكبر من الثاانـي ...
وشولـه تعرضـون أنفسكـم لتحرشـات الشبـااب الطاايش و أنتـوا بنـات شوفـاات حتـى ما معـااكـم محـرم ..!!!!

لا حول و لا قوة الا باللـه ...
و الله عيـب في عرفنـا البنـت تتمشـى و تستعـرض على بوو انهـا تسوي رياضـه ..!!!

روووحـي لج مكـاان مسكـر و مستـور و تريضيـي فيه الا الأماكـن العامــه يعنـي ...!!!

الله مكثـر الصالات النسائيـه أشتركي في أي وحـده و سوي رياضتـج اللي اظـن بتموتيـن إذا ما سويتيهـا ...

اللهم لا تؤاخذنا بمافعله السفهاء منـا ...

الله يهديـنا و يـاهـم و يقـرووون في بيوتهـم هالبنـااات ... اللي الطلعـه عندهـم صـارت بسـبب و بـدوون سبـب ......


مش كل القطريين عندهم مساحه ملعب كوره قدم في بيتهم نفسج :), عشان يمشون في بيوتهم

المفروض الي يروح الحديقه يطلع لسبب واحد - يحافظ على جسمه ويلعب رياض ويمشي اعياله
وهذا الشيئ مش حرام لأي امرأه بل ونشجعها على ذلك لمصلحه صحتها وعائلتها
فالمرأه الي اتروح تمشي ساعه في الحديقه , افضل من الي تتسمر في غرف الشات لساعات, ومن حقها ان تحس بالأمان والراحه في المناطق العامه من غير ان يتم التحرش بها ومضايقتها

اما بعض الاشخاص الي يعاملون الحديقه كمحميه صيد عاطفيه
فهؤلاء من الافضل اقصائهم من هالمنطقه

لأنك اذا انتي كبيره ومخج كبير ماينقص عليج - في بنات مراهقات وينقص عليهم
الحكومه ماقصرت - سوت حديقه مثل الذهب
لكن في ناس حتى الذهب ماقدروه - الجنغليه والجاهليه والتحرش في اي فتاه مش من نفس المنطقه حلال عندهم - وهذا الشيئ عارفينه هم وانتم
والله المستعان
سوبر
26-08-2009, 10:46 AM
زين ماسوا انها للعائلات
الهملة111
26-08-2009, 05:16 PM
يامكثر الاماكن في سباير للرياضة شلمعنى الا هذى الحديقة وسلامتكم
قطر501
26-08-2009, 05:33 PM
ماحد مسوي لنا مشكلة غير الحريم الي فيها خير تقعد فبيتها مب طالعه جدام الرجاجيل تسوي رياضة
السهم القطري
26-08-2009, 08:11 PM
المشكله ان بعض الشباب الخمه ( واسمحوا لي على هالتعبير بس هو اكثر تعبير راكب عليهم) تصدر منهم تصرفات غير مسؤوله .. وفي الاخير التعميم يجي على الكل.. سواء الي رايح يتحرش .. وله رايح عشان يتمشى ..

المشكله ان اكثر ناس بيكونون التزاما بهالقرار .. هم الناس الي كانوا يروحون بس للمشي ومالهم خص في حد ..
والشباب الخمّه .. احتمال يلاقون لهم منفذ للتحايل على القرار ..


هـي المنطقة بشكل عـام كانت مخصصة حق الرياضيين ، باستـثناء الحديـقة. واللي حـصل أن العوايل في البداية انجذبت للمنطقة ومن ضمنهم
شريحة من الشباب المراهق ( من الجنسين ) خاصّة اللي فاهم/ فاهمة الجو هناك غلط.

فلا ارتاحت العوايل ولا استفادوا أهل الرياضة. وغـالبية العوايل زياراتهم للمكان غير منتـظمة بعكس ممارسي الرياضة. والمقصود من القـرار
ببساطة ما راح يتأثر به. وإن كان .. فاقتراحي هو وضع عضوية مجانية ( كرت ) خاص للمستخدمين الرياضيين.

أو استحداث شرطة للآداب !
ريميه
26-08-2009, 10:35 PM
ارجو ان ينتشر هناك بعض الشرطه النسائيه ايضا - للتصدي لبعض المنحرفات ان وجدو في الحديقه
لأن بخروج المغازلجيه من المنطقه , فالمكان سيصبح ساحه صيد جديده للمسترجلات [/color][/size]

ياويلى مسترجلات :omg:

يعنى لاطبنا ولاغدا الشر
بنت الرجال
26-08-2009, 10:39 PM
فديتج يمكن احنا نقدر نمشي في بيوتنا ونقدر نشترك بس في ناس اعرفهم مساكين لابيت عدل صغير مافي حوش ولا يقدرون يحطون ميزانيه لاشتراك شهري يعني ماعندهم غير هالاماكن يمشون واهم محترمين نفسهم لاتحكمين عليهم جذي !!!!!!!!!!!!!! لاتظلمينهم فديتج

و الله يا أختـي انا ماظلمـت حـد و لا اتكلم عن اللي محترميين نفسهم .. انـا اتكلم عن البنااات اللي نعرفهم مايحتاج اسميهم .. هـذا وااقـع نشوفـه ... و بعديين الشرع حرم اي بنت تطلع بدوون محررم سبحان الله وله في ذلك حكمـه ... و الحرمه اللي تخاف ربها تطلع مع زوجها اخوها ابوها ... و شوفي من يتعرض لها ... اما بنااات هالايااام كل وحده ماشيه على كيفهاااا و مش مستووره و آخر شي تقول فلان تعرض لي ..!!! طيب انتي استري نفسج و صووني نفسج محد يتعرض لج .. و الله هذا رأيي البنت المتربيييه ما تمشي في هالأمااكن المكشوووفه الا و معاها محرررررررررررررررم ...
بنت الرجال
26-08-2009, 10:44 PM
مش كل القطريين عندهم مساحه ملعب كوره قدم في بيتهم نفسج :), عشان يمشون في بيوتهم

المفروض الي يروح الحديقه يطلع لسبب واحد - يحافظ على جسمه ويلعب رياض ويمشي اعياله
وهذا الشيئ مش حرام لأي امرأه بل ونشجعها على ذلك لمصلحه صحتها وعائلتها
فالمرأه الي اتروح تمشي ساعه في الحديقه , افضل من الي تتسمر في غرف الشات لساعات, ومن حقها ان تحس بالأمان والراحه في المناطق العامه من غير ان يتم التحرش بها ومضايقتها

اما بعض الاشخاص الي يعاملون الحديقه كمحميه صيد عاطفيه
فهؤلاء من الافضل اقصائهم من هالمنطقه

لأنك اذا انتي كبيره ومخج كبير ماينقص عليج - في بنات مراهقات وينقص عليهم
الحكومه ماقصرت - سوت حديقه مثل الذهب
لكن في ناس حتى الذهب ماقدروه - الجنغليه والجاهليه والتحرش في اي فتاه مش من نفس المنطقه حلال عندهم - وهذا الشيئ عارفينه هم وانتم
والله المستعان



كـل إنـاء بما فيـه ينضـح ...... ماعندي اكثر من هالرد و لا ابي ارد لأن الكلام مايهمنـي المهـم رأيي و مقتنعـه فيـه ......... و وضحت رأيي مع الأخـت فـووق ..
um 3azee
26-08-2009, 11:00 PM
البنـت المتربيه .. مالهـا غيير بيتهـا تمشـي فيـه و تسـوي رياضتهـا ...

اول دووله في الخليييج قطر من نااحيـة مسااحـة البيـووت ...
كل بييييت حوووشـه اكبر من الثاانـي ...
وشولـه تعرضـون أنفسكـم لتحرشـات الشبـااب الطاايش و أنتـوا بنـات شوفـاات حتـى ما معـااكـم محـرم ..!!!!

لا حول و لا قوة الا باللـه ...
و الله عيـب في عرفنـا البنـت تتمشـى و تستعـرض على بوو انهـا تسوي رياضـه ..!!!

روووحـي لج مكـاان مسكـر و مستـور و تريضيـي فيه الا الأماكـن العامــه يعنـي ...!!!

الله مكثـر الصالات النسائيـه أشتركي في أي وحـده و سوي رياضتـج اللي اظـن بتموتيـن إذا ما سويتيهـا ...

اللهم لا تؤاخذنا بمافعله السفهاء منـا ...

الله يهديـنا و يـاهـم و يقـرووون في بيوتهـم هالبنـااات ... اللي الطلعـه عندهـم صـارت بسـبب و بـدوون سبـب ......
يعني الي تسوي الرياضة برة البيت مش متربية:secret:
بنت الرجال
26-08-2009, 11:20 PM
يعني الي تسوي الرياضة برة البيت مش متربية:secret:

انتـي تعرفييين انا عن من أتكلم ...
um 3azee
27-08-2009, 12:15 AM
عن مين؟
الوفي
27-08-2009, 02:39 AM
و الله يا أختـي انا ماظلمـت حـد و لا اتكلم عن اللي محترميين نفسهم .. انـا اتكلم عن البنااات اللي نعرفهم مايحتاج اسميهم .. هـذا وااقـع نشوفـه ... و بعديين الشرع حرم اي بنت تطلع بدوون محررم سبحان الله وله في ذلك حكمـه ... و الحرمه اللي تخاف ربها تطلع مع زوجها اخوها ابوها ... و شوفي من يتعرض لها ... اما بنااات هالايااام كل وحده ماشيه على كيفهاااا و مش مستووره و آخر شي تقول فلان تعرض لي ..!!! طيب انتي استري نفسج و صووني نفسج محد يتعرض لج .. و الله هذا رأيي البنت المتربيييه ما تمشي في هالأمااكن المكشوووفه الا و معاها محرررررررررررررررم ...

أختي الكريمــــــــة بنت الرجال.....
أنا بذكر سالفة صارت لي بسباير......أنا وزوجتي ومعاي أخوي بعد...سبب ذهابنا لسباير للمشي والي مشجعتنا زوجتي وهي حامل بشهورها الاخيرة......
حتى المرأة وهي حامل ومعها محرمها ماخلوها..وحنا نمشي الا مجموعة شباب وهم 5 مراهقين من المنطقه المجاورة لسباير...كنا نمشي يم بعض وزوجتي طلعت يمين على الزرع بسبب الزحمة علشان ترجع معانا بخط السير ونكمل المشي....والمفاجأة:eek5::eek5::eek5: الا واحد قط كلمة عليها تعليق غير مسموع لدي وقاموا يضحكون...وانا متأكد ان المقصودة زوجتي...وعدونا وثار :anger1::anger1::anger1:غضبي وحسيت اني برتكب جريمة ....ورفعت صوتي بالعالي وناديته الي تكلم.....وش عندك تتكلم على محارمي......الا الخمســــــة متغيره ألوانهم والمقصود قام بالانكار....والخوف بان بكلامه...وتجمعوا الناس ومسكني أخوي....وهدوني ال5 وحسيت اني غلطان:rolleyes2: ومب متاكد اذا يقصد هلي ولا يسولفون مع بعض....وحطوا رجلهم خارج سباير وبعدها حسيت اني مع حق...وتاكدت من زوجتي الاتقول ماقالوا شي لين أعترفت يوم ردينا البيت والسبب خوفها علي من مراكز الشرطة لان الواحد بهالظروف مايتحكم بأعصابه.......
وليش الواحد مايؤيد الحديقة اتكون عوائل.....اذا هذي المشكلة صارت مع أمراة معها محرمين.....:weeping::weeping::weeping:
بنت الرجال
27-08-2009, 02:45 AM
عن مين؟

يا اختي عن بنات من فئه معيينه ... الله يهدينا و يااااهم
بنت الرجال
27-08-2009, 02:47 AM
أختي الكريمــــــــة بنت الرجال.....
أنا بذكر سالفة صارت لي بسباير......أنا وزوجتي ومعاي أخوي بعد...سبب ذهابنا لسباير للمشي والي مشجعتنا زوجتي وهي حامل بشهورها الاخيرة......
حتى المرأة وهي حامل ومعها محرمها ماخلوها..وحنا نمشي الا مجموعة شباب وهم 5 مراهقين من المنطقه المجاورة لسباير...كنا نمشي يم بعض وزوجتي طلعت يمين على الزرع بسبب الزحمة علشان ترجع معانا بخط السير ونكمل المشي....والمفاجأة:eek5::eek5::eek5: الا واحد قط كلمة عليها تعليق غير مسموع لدي وقاموا يضحكون...وانا متأكد ان المقصودة زوجتي...وعدونا وثار :anger1::anger1::anger1:غضبي وحسيت اني برتكب جريمة ....ورفعت صوتي بالعالي وناديته الي تكلم.....وش عندك تتكلم على محارمي......الا الخمســــــة متغيره ألوانهم والمقصود قام بالانكار....والخوف بان بكلامه...وتجمعوا الناس ومسكني أخوي....وهدوني ال5 وحسيت اني غلطان:rolleyes2: ومب متاكد اذا يقصد هلي ولا يسولفون مع بعض....وحطوا رجلهم خارج سباير وبعدها حسيت اني مع حق...وتاكدت من زوجتي الاتقول ماقالوا شي لين أعترفت يوم ردينا البيت والسبب خوفها علي من مراكز الشرطة لان الواحد بهالظروف مايتحكم بأعصابه.......
وليش الواحد مايؤيد الحديقة اتكون عوائل.....اذا هذي المشكلة صارت مع أمراة معها محرمين.....:weeping::weeping::weeping:

نعم ... الله يهديهم ماتركوا احد في حاااله ...!!!!

الله يستر عليناااا و عليهم يااارب ...