طيح الجوال من يدي اشلون مايطيح الطير من السما

[عروة]

عندي زميل مصري في الدوام تعرض لحادث بسيط فاتفقنا نروح نزوره في بيته ونطمن عليه وبعد السلام والدعاء له بالشفاء والسلامة قلت له خبرنا يابومتولي اشلون صادك الحادث

رد علي : انا كونت طالع من الدوام وجيت اركب عربيتي الجديدة الا اشوف ابوخميس بيبص عليها وهو بيفتل شنباته وجا صوبي وهو بيقول وش هالزين وش هالسيارة الجديدة هذي شكلها توديك البيت حتى لو انت نايم وهو بيضحك انا ماخدتش في بالي الكلام دا بس هي 2 كيلو بالزبط وخبطتني عربية وراحت العربية والحمدالله اني طلعت منها سليم المشكلة اني ماكنتش حاطط الخرزة الزرقا بتاعت الحسد بس هو مافيش غيره ابو خميس.

وتمينا نحاول نقنع بومتولي انه هالامور تصير وانه لا يظلم بوخميس وكل شيء صدفه واحنا نتكلم الا جرس الباب يرن ويوم انفتح الباب الا بوخميس داخل علينا وسلم وتم يتحمد حق بو متولي بالسلامة ويقوله لا تمد البوز في الحديد ولا فيك وخذنا السالفة ضحك والرجال متجاوب معانا وكل شوي يقول انا عيني باردة ياجماعة لا تظلموني .

ويوم قررنا نمشي بوخميس شاف الجوال الى في يدي وقال لي اشوف جوالك هذا الجوال الجديد
الى يقولون عليه شكله قنبلة مافي شيء ماحطوه فيه باقي شوي ويحطون فيه رسيفر وقنوات فضائية مع ضحكة غريبة

المفاجأة وانا ماشي صوب السيارة والتلفون بيدي وبدون مقدمات فرط وتم يتقلب قدامي ومع كل قلبه يطيح منه شيء شوي الكفر شوي البطارية لحد ماصار اشلاء مسدوحة على الطريق


السؤال الى يطرح نفسه

هل لبوخميس علاقة بالموضوع وخصوصا انه له سابقة مابردت لحد الحين
والا الموضوع كله صدفة طبيعية ؟
وهل الحسد موجود بهذي الدرجة والقوة بينا
ووش الاشياء الى تحمينا من الحسد

وسلامتكم

[ولد الشحانية]

رمضان كريم

[قناص الخليج]

في واحد يخيرك اختيار وين تبيها :secret:

[PRINCESS]

العين حق
والحسد مذكور في كتاب الله عز وجل
قبل كم يوم كنت استمع لمحاظره للدكتور العريفي كان يتكلم عن الحسد
وصل بشرحه للحسد ان قال كثير من حالات الطلاق سببها الحسد ..الى هذه الدرجه...فمثلا تجلس امرأه وتمدح زوجها واخلاقه وتصف سعادتها امام امرأه ثانيه تعيش في جحيم مع زوجها..فتبدأ الثانيه بالمقارنه بين حالها وحال المتحدثه فيبدأ عندها الشعور بالحسد بدون قصد..هذا كان مثال...قصدت بذكره الان اننا حتى نتجنب الحسد لانذكر شيئا نملكه امام من حرم منه...او...نحتمي منه بسنه الرسول ص وبكلام الله...والاذكار...ويبقى الله خير حافظ.

[هبوب الشمال]

العين حق

والامثله كثيره وموجوده الله يكفينا شرها

[sara_qatar]

ههههههههههههههههههههههههه


اكيد من عين بوخميس عادي وايد تصير هالسوالف


مره كنت ماشيه في مجمع وكنت اتكلم تلفون وحده شكلها خاطرها بالتلفون وكانت تطالع الجهاز
سكرت الخط ووتوني ابي احطه بالشنطه طاح من يدي بالقو واللي زاد الطين بله كنت امشي وشته بريلي ههههههههههه يمكن راح 6 امتار قدام هاي انا لووو لاعبة كرة قدم جان دخلت قووول هههههه - وتميت القط البطاريه بصوب والسيم كارد بصوب والكاور بصوب

[جـــــراح]

هههههههههههههههههههههههه

صلوا عليه صلاة الميت

[ANONYMOUS]

حسبي الله على بوخميس وامثاله

موتري ماترقع

حتى عيزان ابيعه

[يحفظك ربي]

لا اله الا الله

استغرب من هذول الناس اللي مايذكرون الله على الاشياء الحلوة اللي يشوفونها !!!!

الله لايبلينا .... ويقوووم رفيجك بالسلامه

والجوال معوض ان شاءالله :)

[دلوعه امها]

العين حق ومالها علاج الا اذكار الصباح والمساء وصلاه الصبح في وقتها لانه اذا صليت صلاه الصبح يكون معاك ملائكه حراس يحرسونك من كل شرعلى يمينك وعلى يسارك بس انت ماتشوفهم

[@أم سعد@]

لــو لاا الـحــســد مــا مــات أحد

الــعــيـــن حــق



تقبل مــروري @أم ســعـــد@

[هذلان]

مايبيلها كلام بو خميس الله يكفينا شره .

ياخوي من كلامك اشوفك منت مقتنع بموضوع العين و العين و الحسد و النظل موجود من ايام الرسول عليه الصلاه و السلام و ايام الصحابوه و كانو في ذاك الوقت اذا كان فيه حد عينه حاره و ينظل كانو ينهونه و اذا ما تاب كانو يسجنونه و يعزرون فيه .. هذا كلام احد المشايخ لي .

و الي ينظل بقصد هذا الله يتوب عليه و كله يصير في ذمته و ترى موضوع انك تصلي عليه صلاه الميت او الحل الثاني الي ماينذكر هذي كلها خرافات ولا وردت في الدين او السيره بشكل عام . و للعلم اذا حسيت حد يتكلم عن شي و خفت انه ينظله دايما احنا نقول له قول ما شاءالله ،، كلمه ماشاءالله ماتكفي ابد ولا حتى انه يتفل على الشي هذي خرافه .
لازم يبرك الشي لازم يقول ما شاءالله تبارك الله
القصص كثيره في هذا المجال.
الله يكفينا و اياكم شر الحسد و الحساد

[شسالفة...؟]

عندي زميل مصري في الدوام تعرض لحادث بسيط فاتفقنا نروح نزوره في بيته ونطمن عليه وبعد السلام والدعاء له بالشفاء والسلامة قلت له خبرنا يابومتولي اشلون صادك الحادث

رد علي : انا كونت طالع من الدوام وجيت اركب عربيتي الجديدة الا اشوف ابوخميس بيبص عليها وهو بيفتل شنباته وجا صوبي وهو بيقول وش هالزين وش هالسيارة الجديدة هذي شكلها توديك البيت حتى لو انت نايم وهو بيضحك انا ماخدتش في بالي الكلام دا بس هي 2 كيلو بالزبط وخبطتني عربية وراحت العربية والحمدالله اني طلعت منها سليم المشكلة اني ماكنتش حاطط الخرزة الزرقا بتاعت الحسد بس هو مافيش غيره ابو خميس.

وتمينا نحاول نقنع بومتولي انه هالامور تصير وانه لا يظلم بوخميس وكل شيء صدفه واحنا نتكلم الا جرس الباب يرن ويوم انفتح الباب الا بوخميس داخل علينا وسلم وتم يتحمد حق بو متولي بالسلامة ويقوله لا تمد البوز في الحديد ولا فيك وخذنا السالفة ضحك والرجال متجاوب معانا وكل شوي يقول انا عيني باردة ياجماعة لا تظلموني .

ويوم قررنا نمشي بوخميس شاف الجوال الى في يدي وقال لي اشوف جوالك هذا الجوال الجديد
الى يقولون عليه شكله قنبلة مافي شيء ماحطوه فيه باقي شوي ويحطون فيه رسيفر وقنوات فضائية مع ضحكة غريبة

المفاجأة وانا ماشي صوب السيارة والتلفون بيدي وبدون مقدمات فرط وتم يتقلب قدامي ومع كل قلبه يطيح منه شيء شوي الكفر شوي البطارية لحد ماصار اشلاء مسدوحة على الطريق


السؤال الى يطرح نفسه

هل لبوخميس علاقة بالموضوع وخصوصا انه له سابقة مابردت لحد الحين
والا الموضوع كله صدفة طبيعية ؟
وهل الحسد موجود بهذي الدرجة والقوة بينا
ووش الاشياء الى تحمينا من الحسد

وسلامتكم


أخي الكريم بالنسبة للي بالأحمر فوووووووووق

اعتقادات خاطئة تتعلق بالعين والحسد منها :

الخرزة الزرقاء

هناك من يستخدم مثل هذه الخرزة زرقاء أو حمراء أو كفا صغيرا ظنا منهم أنها تجذب عين الحاسد فلا يرى غيرها فتصيبها العين ولا تصيب صاحبها

وعلى المسلم ألا يصدق هذا الأمر ويقوم به لعدة أسباب :

الأول:

أن العائن يصيب بفعل الله تعالى، كما قال الإمام النووي رحمه الله

: "ومذهب أهل السنة أن العين إنما تفسد وتهلك عند نظر العائن بفعل الله تعالى، أجرى الله سبحانه وتعالى العادة أن يخلق الضرر عند مقابلة هذا الشخص لشخص آخر"

الثاني :

أن تعليق التمائم لا يجوز.

الثالث :

أن تعلق الإنسان بهذه الخرزة الزرقاء، واعتقاده أنها تمتص هذه الموجات، وبالتالي يسلم من أذى العائن، مثل هذا الأمر فيه ما فيه من تعلق القلب بغير الله تعالى.



فالحاصل أن على المسلم ألا يلتفت إلى تأثير الخرزة الزرقاء في الوقاية من العين وعليه أن يتحصن بالرقى والأدعية الشرعية، وإذا ابتلي بالعين فدواؤه في كتاب الله، وفي سنة رسول الله صلى الله عليه وسلم.

[MeMe MoOoON]

من بوخميس خخخخخخخخخ !!!!!!!!!!!!!!

[ضوى]

العين حق

وقد قال الامام علي( كرم الله وجهه ورضي عنه ) عن الحسد : العين تدخل الرجل القبر وتدخل الجمل القدر

[OTOsan]

والله ياخوي عروه اسمع وايد عن بوخميس واللي على شاكلة بوخميس .. بس الحمدلله بعمري مالقيت او عرفت حد منهم .. وان شاء الله اني ماعرف حد !!

بس على ماسمعت من ناس وايد .. فبوخميس موجود .. وربعه موجودين بعد :)


يعطيك العافيه وماقصرت اخوي عروه ،،

[الوفـى طبعي]

المشكله لو قلت له اذكر ربك يمكن يعاند ويقولك لا

مشكله والله

[ذيب زكريت]

صج العين حق

[الفا برافو]

بو خميس واشكاله وايد
عينهم ماتخطي
وبعد يحدد لك وين تبيها تصيب لا ويطرشها لك حتى ونت برا البلاد !!!
حسبنا الله ونعم الوكيل