هل هذي السيارات صالحة

[قطر دزاين]

السلام عليكم
احبتي اتعجب من سيارات غير صالحه للاستعمال من جميع النواحي
والمشكله انه يصرف لها ملكيه كيف ما ادري وكلهم اجانب

هل الاجنبي حتى بها الامور مستثنى من الفحص الفني او انه يروح ويمشونه

وانا اتحدى لو ما فيه احد منكم شاف ها السيارات

والقطري لو ليت محروق لعوزوه وسوو له سالفه

وهذي سيارات شبه معدومه سبحان الله تنجح في الفحص وياكثرها في شوارعنا

من المسؤال عن هذا الشي
ولما تضيق على القطري بكل شي والاجنبي مرفوع منه القلم

وكل عام وانتم بخير

[_بوشهاب_]

انت قلتها



والقطري لو

[وارث العز]

والله ياخوك بعظ السيارات من دخنتها ماتبين السيارة لا و لونها طاير و نص اليتات اللي وراء ما تشتغل وتقول في نفسك وين الفحص الفني عنهم وشلون ينجحون اصلا . انا عن نفسي شاري سيارة جديدة وفاك نفسي 3 سنوات من الفحص الفني

[القيادي]

انا بتكلم عن موضوع الاجانب بشكل عام لاني الاحظ بأن لديهم من الاستثناءآت اكثر من المواطن حتى في عملنا فوالله ان لهم مميزات معنوية من قبل المسؤولين ومادية في بعض الاحيان , وبالمقابل ترى الموظف القطري مضطهد من بعض المسؤولين ابناء وطنه .
والله المستعان

[فتى الجود]

في اغنية تقول

(( هذي قطر لكم بيتٌ وظلال ))

كل شي لهم
وزارة الصحة وموعيدها لهم
مستشفى حمد لهم
البنوك لهم
القطرية عندهم فها تخفيض القطرى مايحصلها لو ينتحر






عاد الحين بجي واحد من الفلاسفة الأعضاء وبيقولى حرام عليك الظلم ترى مب


كل شي للأجــــــــــــانب

[يحفظك ربي]

مانقول الا الله المستعان

هي يات على السياير الحتره بس ؟

ياخي الاجنبي في كل شي ماخذ راحته وماخذ كلل حقوقه وزووود

ربك كريم ياخي !!!

[السد]

كل واحد ياخذ رزقه

[thefoox]

الله كريم

[ولد النصر]

اي والله انك جبتها

لو انك قطري اقل شي يقولون لك بطاريتك يبيلها تثبيت

يعني جات على كم برغي هههههههه

[Riku3]

سيارة واحد من الربع 2005 .. عدت من الفحص مع انها مدعومة والصدام مشقوق شق والشبك مكسور وكان على الموتر جلاد ومافيه طفاية وعازل 30% كامل .. ومع هذا مشت ..

شلون ؟ .. قالي انه عطى سوداني 300 ريال كان موجود هناك ، قاله "عليك الله ادييييييييييني المفتاح واخلصها ليك في دسع دقايق" << انفع سوداني p: ..

وخلصت السيارة واستلمها .

[الفا برافو]

سيارة واحد من الربع 2005 .. عدت من الفحص مع انها مدعومة والصدام مشقوق شق والشبك مكسور وكان على الموتر جلاد ومافيه طفاية وعازل 30% كامل .. ومع هذا مشت ..

شلون ؟ .. قالي انه عطى سوداني 300 ريال كان موجود هناك ، قاله "عليك الله ادييييييييييني المفتاح واخلصها ليك في دسع دقايق" << انفع سوداني p: ..

وخلصت السيارة واستلمها .
داا شنوو يازووول... ااااااااي:eek5:
مفروض دسع دغايغ

[الموضوعي]

انا لقيت طريقة مؤخراً اجدد ملكية السيارة بدون فحص لكن ماراح اقول لاحد

[بوعبدالله100]

الاجنبي والقاريقا ياخوي هالايام ... احسن مني ومنك ومستعد يراددك ويسجنك بعد ... لو يعطوني صلاحيه .. راويتهم صدام الهمر اشلون شكله يوم الجمعه صوب النجاده .. ماكلينا اكل مامنهم الا الامراض والمشاكل والاجرام بكل مكان .. روح تمشى بالصناعيه بالليل والله ماتطلع سالم منهم ...

[الهملة111]

اصل السيارة مجمعها من السكراب لا ويمر على المرور عند الدوار ويدخن عليهم

[ANONYMOUS]

اتفق معاك

في سيارات شلون تمشي في البلد ! بغض النظر عن ملاكها.. مواطن او اجنبي..

وين قرار بو 15 سنه..

انا اتمنى ان يكون بالتدرج..

مثلا.. اللي من سنة 1980وتحت.. ولا تندرج تحت تصنيف كلاسيك.. توقف من السير في الدوحه..

وبعد 3 سنوات.. 1985...

وبعد 6 سنوات.. سنة 90 وتحت ..

وهكذا..

[hamoor4ever]

وحتى المرور اذا شافو قطري خالفوه ، واذا شافو اللي مخالف اجنبي ، يمشونه مدري ليش هل هي طيبه زايده ولا كله على بالهم ان القطرين قاعدين على كنز

[الـقـاسـي]

للاسف قطر لغير القطريين فقط !!

[تحداني]

للاسف قطر لغير القطريين فقط !!



.. هالجمله تزعجني جدا ..
..خاصه اذا كان من قطري..


..آسفه على التطفل..
..والخروج عن الموضوع ..

[kitmat]

بس نسيتو شى مهم هل شوارعنا تستاهل سيايير جديده السيارات تكسرت من اللي قاعدين يسوونه فينا

[جنوب الدوحه]

هذي قطر بيت لـــــــــــــــكم وضلال

[ولد الرياان]

صح كلامكم انا فحصت سياارتي اول مره قالو عند البريك ورى جهة اليمين رحت ركبت سفايف وضبطته بـ 500 ريال

رحت الفحص مره ثانيه نفس المشكله يه ماايصير

كلمني واحد من الشباب قالي روح فحص الصناعيه تحصل واحد سوري عطه اوراقك ورحت

قالي السوري عطني الاوراق وانطر في السياره

دقاايق الا جاايب لي الورقه السياره ناجحت

[محمد2]

انا بتكلم عن موضوع الاجانب بشكل عام لاني الاحظ بأن لديهم من الاستثناءآت اكثر من المواطن حتى في عملنا فوالله ان لهم مميزات معنوية من قبل المسؤولين ومادية في بعض الاحيان , وبالمقابل ترى الموظف القطري مضطهد من بعض المسؤولين ابناء وطنه .
والله المستعان

وانت الصادق . والدليل (تم تحويل عدد ليس بالقلة الى البند المركزي في المجلس ألأعلى للصحة بحجة ان قسمهم اوادارتهم تم الغاءها والأجانب خذوهم وشغلوهم والقسم لم يلغى )شتسمي هالفوضة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[_بوشهاب_]

بس نسيتو شى مهم هل شوارعنا تستاهل سيايير جديده السيارات تكسرت من اللي قاعدين يسوونه فينا

ياريال انا موتري كراسي المكنيه مابغى الا تفتت من الشوارع

الله المستعان

[هدهد سليمان]

اتقوا الله في انفسكم

[ANONYMOUS]

بس نسيتو شى مهم هل شوارعنا تستاهل سيايير جديده السيارات تكسرت من اللي قاعدين يسوونه فينا


ياريال انا موتري كراسي المكنيه مابغى الا تفتت من الشوارع

الله المستعان



انا اشهد ان بعض الشوارع غير صالحه للاستخدام السياراتي..

عندي 3 تواير تشققت من لحفر..

...

[نجم سهيل]

السلام عليكم

في ناس الله العالم بظروفها .. رب أسرة يالله يقدر يعيش أسرته ..

خصوصا ً من الجنسيات الآسيوية .. فإذا كانت سيارته متهالكة .. فحالته المادية متدهورة

يكفيك تشوفه منزل درايشه وعداد الحرارة عندك السيارة قريب الـ 50 درجة

أغلبهم مساكين ..

[محمد2]

السلام عليكم

في ناس الله العالم بظروفها .. رب أسرة يالله يقدر يعيش أسرته ..

خصوصا ً من الجنسيات الآسيوية .. فإذا كانت سيارته متهالكة .. فحالته المادية متدهورة

يكفيك تشوفه منزل درايشه وعداد الحرارة عندك السيارة قريب الـ 50 درجة

أغلبهم مساكين ..


صادق خوي.حالة المادية متدهورة ليش .لأن يبي يحول اللي حصلة الى بلادة آخر الشهر .والدليل شوف آخر الشهر الحوالات البنكية والصرافات زحمة بسبب هالجنسيات الآسيوية


والله خوي انا اشوف محد حالته متدهورة في هالبلد الا ابن البلد .لكن الأجانب ما اعتقد واذا على قولتك ألأجانب حالتهم متدهورة عندنا شلي حادهم جالسين عندنا . لا وبعد في هالحر وعداد السيارة قريب ال 50 درجة

[فتى الجود]

اتقوا الله في انفسكم



ممكن أخوى تفهمنى ليش ماخذ الموضوع بحساسية ؟

[كاتم الاسرار]

صادق خوي.حالة المادية متدهورة ليش .لأن يبي يحول اللي حصلة الى بلادة آخر الشهر .والدليل شوف آخر الشهر الحوالات البنكية والصرافات زحمة بسبب هالجنسيات الآسيوية


والله خوي انا اشوف محد حالته متدهورة في هالبلد الا ابن البلد .لكن الأجانب ما اعتقد واذا على قولتك ألأجانب حالتهم متدهورة عندنا شلي حادهم جالسين عندنا . لا وبعد في هالحر وعداد السيارة قريب ال 50 درجة


صدقت في كلامك والله
الخلاصه
اقسم بالله انهم عايشين احسن منا لاحد يقول ماعندهم الا بالعكس احنا المساكين

[WAR]

في اغنية تقول

(( هذي قطر لكم بيتٌ وظلال ))

كل شي لهم
وزارة الصحة وموعيدها لهم
مستشفى حمد لهم
البنوك لهم
القطرية عندهم فها تخفيض القطرى مايحصلها لو ينتحر







عاد الحين بجي واحد من الفلاسفة الأعضاء وبيقولى حرام عليك الظلم ترى مب


كل شي للأجــــــــــــانب



والله انك صادق ماشوف فيه ظلال

[rami25canada]

الله كريم

[HIGHNESS]

صادق خوي.حالة المادية متدهورة ليش .لأن يبي يحول اللي حصلة الى بلادة آخر الشهر .والدليل شوف آخر الشهر الحوالات البنكية والصرافات زحمة بسبب هالجنسيات الآسيوية


والله خوي انا اشوف محد حالته متدهورة في هالبلد الا ابن البلد .لكن الأجانب ما اعتقد واذا على قولتك ألأجانب حالتهم متدهورة عندنا شلي حادهم جالسين عندنا . لا وبعد في هالحر وعداد السيارة قريب ال 50 درجة


بيحول فلوسه بلاده او اي يخليها هني .. هو حر لانه مايشتغل ابلاش ... حتى هالفقارى الكحيانين ماسلموا منكم .. كل شي مهب عاجبكم ... يعني شيسوي الواحد اذا عايش فقيرومنتف ... مايسوق سيارة يموت من الحر ويمشي في الشمس ...
لاحالتكم متدهوره ولاشي ... عسى ماشر جواعى ؟؟ ماعندكم ثياب ؟؟؟ ماعندكم بيوت ؟؟ ماعندكم سياير ؟؟؟ ليش ماتحمدون ربكم عالنعمة ....

قلنا زعلانين من الأجانب الي ماخذين وظايفنا .. مو مشكلة من حقنا الأولوية لنا ..بس مو لدرجة انحط عيونا عالفقير المسكين.. شكلكم نسيتوا ان الله موزع الأرزاق وكل شي قسمه ونصيب ... :)

[قطر دزاين]

بيحول فلوسه بلاده او اي يخليها هني .. هو حر لانه مايشتغل ابلاش ... حتى هالفقارى الكحيانين ماسلموا منكم .. كل شي مهب عاجبكم ... يعني شيسوي الواحد اذا عايش فقيرومنتف ... مايسوق سيارة يموت من الحر ويمشي في الشمس ...
لاحالتكم متدهوره ولاشي ... عسى ماشر جواعى ؟؟ ماعندكم ثياب ؟؟؟ ماعندكم بيوت ؟؟ ماعندكم سياير ؟؟؟ ليش ماتحمدون ربكم عالنعمة ....

قلنا زعلانين من الأجانب الي ماخذين وظايفنا .. مو مشكلة من حقنا الأولوية لنا ..بس مو لدرجة انحط عيونا عالفقير المسكين.. شكلكم نسيتوا ان الله موزع الأرزاق وكل شي قسمه ونصيب ... :)

اذا عاجبينك ما يسونه من رشى والضحك هلى القانون جعلك قوي مش لهم راتب وحطهم عندك انا واحد مستغني عن الطبقات السفلى من العماله

تعرف في اروبا لا يجيهم ها الاشكال هولا ضاقت بهم سجون بلادانهم وصارو يصدرون لك معا جرائمهم يعني جاهز

نعود الى الدول المتقدمه
لازم يكون له مؤهل دراسي وخالي سجله من الجرائم وغيرها
لماذا احنا نستقبلهم دام هم من المجرمين وغيرهم والجهل

راتبه 500 ريال وسياره ضررها اكثر من منافعها
اذا تشوف هذا صح مشكلته
متى قطر عرفت الجريمه بعد ما جت ها الاشكل جرائم لم نراها اللى في افلام الاكشن

[HIGHNESS]

اذا عاجبينك ما يسونه من رشى والضحك هلى القانون جعلك قوي مش لهم راتب وحطهم عندك انا واحد مستغني عن الطبقات السفلى من العماله

اكيد مو عاجبني .. بس من الي شجع الاجنبي على الرشوة؟؟ مب القطري ...؟؟؟ والطبقات السفلى الي مب عاجبتك هي الي عمرت البلاد وسوت لنا ابراج وبيوت وتشتغل في اماكن مافي قطري بيشتغلها صح ولا لا ؟؟ اذا انت مستغني غيرك مايستغني عنهم ..

تعرف في اروبا لا يجيهم ها الاشكال هولا ضاقت بهم سجون بلادانهم وصارو يصدرون لك معا جرائمهم يعني جاهز

نعود الى الدول المتقدمه
لازم يكون له مؤهل دراسي وخالي سجله من الجرائم وغيرها
لماذا احنا نستقبلهم دام هم من المجرمين وغيرهم والجهل

في اوروبا والدول المتقدمة اهل البلد يعمرونها يعني بتلقى امريكي فرنسي بريطاني . الخ يشتغل سباك .. سواق تاكسي .. يبني برج ... يشتغل في دكانه . صح ولا لا ؟؟؟ عشان جذي هم مب محتاجين يستقبلون حد عشان يدقون له هرن ويطلع لهم من الدكان :) .. وطبعاً مايستقبلون الآخرين الا عقب سين وجيم عريض مثل ماتفضلت ...

راتبه 500 ريال وسياره ضررها اكثر من منافعها
اذا تشوف هذا صح مشكلته

مب انا ولا انت انحدد اذا هالشي صح ولا لا . رزقه جذي من الله شنسوي يعني :) لا بو 500 عاجبكم ولا بو 50000 عاجبكم :) وكلهم ارزاق من الله .. يعني الدولة تعطيه لاتخاف ماتاخذ من رواتبنا وتعطيهم :)

متى قطر عرفت الجريمه بعد ما جت ها الاشكل جرائم لم نراها اللى في افلام الاكشن

الجريمه موجودة في كل مكان في العالم ... صحيح في عماله عندنا مالها لزمة بس بعد برد اقولك من الي جابهم هني وخذ منهم فلوس الكفالة ونثرهم في الديرة مب القطري ؟؟؟ :)

في الأخير اذا انت معترض على سالفة الرشوة كان ركزت عليها .. بس اشوف في كل موضوع يطلع لنا القطريين مالهم حق في بلادهم وهالشي بصراحة يرفع الضغط ... ليش ؟؟ الحمدلله احنا عايشين في عز ونعمة و امان مب لازم نحط عيوننا على العمالة مثل ماقلت الطبقات السفلى ... خلاص خلك اعلى منهم ولاتحط راسك براسهم ... وتقبل صراحتي :)




^ ^ ^ ^ ^

[محمد2]

بيحول فلوسه بلاده او اي يخليها هني .. هو حر لانه مايشتغل ابلاش ... حتى هالفقارى الكحيانين ماسلموا منكم .. كل شي مهب عاجبكم ... يعني شيسوي الواحد اذا عايش فقيرومنتف ... مايسوق سيارة يموت من الحر ويمشي في الشمس ...
لاحالتكم متدهوره ولاشي ... عسى ماشر جواعى ؟؟ ماعندكم ثياب ؟؟؟ ماعندكم بيوت ؟؟ ماعندكم سياير ؟؟؟ ليش ماتحمدون ربكم عالنعمة ....

قلنا زعلانين من الأجانب الي ماخذين وظايفنا .. مو مشكلة من حقنا الأولوية لنا ..بس مو لدرجة انحط عيونا عالفقير المسكين.. شكلكم نسيتوا ان الله موزع الأرزاق وكل شي قسمه ونصيب ... :)

المفروض نص معاشة اوثلاثة ارباع معاشة يصرفة هني ..مثل دبي . ليش ألأجانب يقولون قطر احسن لنا في التوفير من دبي. مب اول الشهر من استلم الراتب حوله بلادة . علشان يصلح سيارتة .مب سيارتة منتهية ومصمم يبخرنا من عطرها .


الحمد لله ماكلين شاربين ولابسين بس بعزة نفسنا لاصدقة ولا منه من أحد . بعرق جبينا وبزنودنا . يااالطيب


بعدين اشوفك وايد متحمس للأجانب (لا تكون واحد منهم مع احترامي لك)

[HIGHNESS]

المفروض نص معاشة اوثلاثة ارباع معاشة يصرفة هني ..مثل دبي . ليش ألأجانب يقولون قطر احسن لنا في التوفير من دبي. مب اول الشهر من استلم الراتب حوله بلادة . علشان يصلح سيارتة .مب سيارتة منتهية ومصمم يبخرنا من عطرها .


الحمد لله ماكلين شاربين ولابسين بس بعزة نفسنا لاصدقة ولا منه من أحد . بعرق جبينا وبزنودنا . يااالطيب


بعدين اشوفك وايد متحمس للأجانب (لا تكون واحد منهم مع احترامي لك)

انا طيبه مب طيب .. :)

وثاني شي انا مب مع حد انا ما ادافع عنهم .. أنا اتكلم عن فئة معينة ...... هذا رايي ووجهة نظري ... ولاتدققون في كل شي في الديرة فكروا شلون تطورون البلاد مب بس كله تتشكون ... :rolleyes2:
( وشي طبيعي بتقول انا وحده منهم ) لإني رايي يخالف رايك ... :shy:

[دلوعه امها]

لاتعليق

[كيلو حديد]

كل اللي يتشكون ولا يقولون الحمد لله اللي عطانا ولا خلانا مثل غيرنا
واكرمنا وما قصر معانا

كل ذولا جعل اللي يتشكون منه يصيبهم جزاء كفرهم بنعمة ربهم اللي ما قصر معاهم

ومعروف ان اللي يناظر للي عند الفقير الكحيان ما بنفسه كرم ولا بوجهه مروه

[نجم سهيل]

السلام عليكم

أنا أقصد الطبقة الفقيرة الكادحة ..

ولا الدولة مافيها فقارى ومحتاجين ؟

صحيح محد ينكر إنه في منهم من وده يحط إيدينه فمخباك

لكن في منهم من يتمنى انه ياكل فضالة غداك من بعدك ..

وإذا على الحوالات .. تراها من كد ايدينه وعرق جبينه .. ورزقه المقسوم له من رب العالمين ..

ومثل ما أنت عندك أم وأب وزوجة وعيال ملزوم فيهم .. ترى هم لهم أم وأب وعايلة متروكة في بلاده هو ملزوم فيها بعد ..

إذا كان هو يرسل لأهله 500 ريال ويخلي له 200 ريال مصروفه كل شهر .. ترى غيره يزيد رصيده 50000 ألف وزوووووود كل شهر ..

وكــلــهــم أجــانــب ..

لكن الفرق إن هذا وصل عالسياحية .. وعاش حياته كفاح

وهذا وصل عالأولى .. وهاللي أبي أوصل له .. وبعده يغرف ويغرف

اللهم لاحسد .. لكن لاتحسدون الفقير على موتة الجمعة .. والحمدلله على كل حال ..

[بواردي]

احيانا ترى الفصح يمشون السيارة من كثر ما فيها من بلاوي

[فلفل حار]

اتفق معاك

في سيارات شلون تمشي في البلد ! بغض النظر عن ملاكها.. مواطن او اجنبي..

وين قرار بو 15 سنه..

انا اتمنى ان يكون بالتدرج..

مثلا.. اللي من سنة 1980وتحت.. ولا تندرج تحت تصنيف كلاسيك.. توقف من السير في الدوحه..

وبعد 3 سنوات.. 1985...

وبعد 6 سنوات.. سنة 90 وتحت ..

وهكذا..

ناسيينه على درج المدير الظاهر ... :rolleyes2:







بس شتبون بهم ...؟
خلوهم يترزقون ترا آغلبيتهم مساكين وعلى قد حالهم ...
وكل آلي يبونه سياره توديهم وتجيبهم ...


وآلي عنده بيشتري المواتر السنعه آحسن مني ومنكـ
وشوفوهم صافين يستعرضون مواترهم عند كوفيات رمادا ...


الحمدلله على كل حال ...:nice:

[جاكم الأعصار]

السلام عليكم
احبتي اتعجب من سيارات غير صالحه للاستعمال من جميع النواحي
والمشكله انه يصرف لها ملكيه كيف ما ادري وكلهم اجانب

هل الاجنبي حتى بها الامور مستثنى من الفحص الفني او انه يروح ويمشونه

وانا اتحدى لو ما فيه احد منكم شاف ها السيارات

والقطري لو ليت محروق لعوزوه وسوو له سالفه

وهذي سيارات شبه معدومه سبحان الله تنجح في الفحص وياكثرها في شوارعنا

من المسؤال عن هذا الشي
ولما تضيق على القطري بكل شي والاجنبي مرفوع منه القلم

وكل عام وانتم بخير

لانه من باب اولى ولد البلد لازم يكون قدوة ويجب ان يطبق القانون على ولد البلد قبل الغريب..عشان اذا خالف الغريب مايقول اشمعنى القطريين متهاونين معاهم؟؟ومفتح باب للقيل والقال..
عالاقل الغريب لما يشوف القطريين سياييرهم تتماشى مع القوانين سيحترم القانون ويعرف انه في بلاد منظمه تحكمها قوانين صارمه وليست قوانين شكليه ..