نقاشونا (( عطاء بلا حدود مقابل جحود ونكران؟؟؟)) [الأرشيف]

مشاهدة النسخة كاملة : نقاشونا (( عطاء بلا حدود مقابل جحود ونكران؟؟؟))

صوت الضمير

25-08-2009, 07:24 AM

السلام عليكم ورحمة الله وبركاته

كيف حالكم؟؟ عساكم بأفضل حال

أخواني وأخواتي الأعضاء:::عندي موضوع حبيت انقاشكم فيه

حصل لي واكيد حصل لكم

شخص معين يطلب منك طلب او خدمه تسويها له وتقول تم وان شاء الله

وتكررت طلباته وانت تقول تم وان شاء الله

لكن جاء اليوم تحتاج انه يساعدك بشي بسيط .. وشي مايجي عند اللي ساعدته فيه

يتهرب منك .. ومن اتصالاتك .. ويقول مااقدر ...

بعدها تنسى الموضوع وترجعون وتمر الايام ...

ويرجع صاحبنا ويطلب خدمه من جديد وانت تقول تم وان شاء الله

لان عادات الطيب والجود صفه فيك ولاتقدر تغيرها...

وش الحل.. مع ذا الاشخاص اللي يأخذون يأخذون يأخذون

بس مايعطون ...

ليس القصد من الموضوع بالاشياء الماديه فقط بل الاشياءالمعنويه

شاركونا وفالكم طيب

العنود

كلي أمل

25-08-2009, 07:32 AM

صوت الضمير

25-08-2009, 07:39 AM

ذكرتيني ب اشياء وايد حاولت انساها وكثيرآ مررت بها

بس ماقول الا " اتقي شر من احسنت اليه "

اختي العنود دايمآ سوي الاشياء وانسيها واحتسبي الاجر

واللي معدنه طيب يبين مع الايااااام

واحب هالبيت من الشعر كثير

" اشهد اني للبلاوي على الدنيا مدين وكل مافكرت - طلعت المستفيد - المواقف تشخل الشخص والطيب يبين "

وووونسيت اقولج :shy::shy: صبااح الخير وتقبل الله صياامج وقيامج اختي

مرحبا بك اختي نورتي

صباحك نور وسرور

ننسى :) لكن جاتني عقده من هالموضوع

ولاعاد طلبت من احد شي :) مع اني طلبي شي بسيط وخصوصا بموضوع الدراسه

الاعتماد على النفس ضروري بكل شي ...وحتى الشي اللي مااعرفه اتعلمه :)

الله يوفقك ويسعدك اختي الفاضله وتسلمين على مشاركتك الطيبه

العنود

عابر سبيل

25-08-2009, 03:17 PM

السلام عليكم ورحمة الله وبركاته

كيف حالكم؟؟ عساكم بأفضل حال

أخواني وأخواتي الأعضاء:::عندي موضوع حبيت انقاشكم فيه

حصل لي واكيد حصل لكم

....
.........

لان عادات الطيب والجود صفه فيك ولاتقدر تغيرها...

وش الحل.. مع ذا الاشخاص اللي يأخذون يأخذون يأخذون

بس مايعطون ...[/color]

ليس القصد من الموضوع بالاشياء الماديه فقط بل الاشياءالمعنويه

شاركونا وفالكم طيب

العنود

العنود اختي..الكلام مفهوم..موب الطيبه
و العطايا بس بالمحسوسات او اللي له شي من احلى الالوان...

به من يعطي اشيا اكبر بس مالها اي وجود مباشر
في جيب الانسان!

الحل:

الحل اخنتي (من وجهة نظري) ان الانسان يتمسك باي زين الله عطاه اياه
و اذا ان حدنا الله عطاه الطيبه و مساعدة غيره..
عليه ان يتعلم من كل من اسبقه و جائت به
الحزايا و القصص و اقوال الحكماء في كل زمان!

ما تقدرين اتغيرين من قلوب البشر و لا تعطينهم
ما انحرموا منه!

بس الانسان بعد لازم انه يتعلم..لان فيه ناس
بهم شي من نذاله او انانية او سوء نية...
يعني يحبون يستغلون و يشفطون من حط نفسه
لهم حسبة حد الاخوان!.

يعطي الانسان من يشوفه انه يستحق
بس ينتبه ليكون عطاءه للاول بيسبب له عجز
انه يقدر يساعد الثاني اللي يمكن هو اللي حقيقة
محتاج!.

المسألة مو بس في الربع و الاصدقاء و الزملاء...
تراها في التربية منتشرة بين الاباء و بعض ابنائهم...

يعني كم من لعيال (ابناء او بنات) ايمصون خير
امهم و ابوهم...و يبقى بقية اخوانهم منتظرين
نفس الشي..بس بلا طايل...

هنيه نقول لمثل هالام او الاب..انتبه تراك غلطان!.
العدل زين و لا تاخذك عاطفه على حد من عويلك دون الثاني
لانه يمكن الاصغر او شوي مريض(او متميرض)
او حتى "الامكر/الامهر" في عرض مطالبه و حاجاته...

الشرع فرض على الاباء العدل بين لخوان!.

اختم...احسن شي ان الانسان
يسوي خير و ما ينتظر من الناس احسان

صعب عالنفس..بس هاي الواقع!

القيادي

25-08-2009, 05:26 PM

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

سعد بن جدلان