العلاج في المانيا والا تايلاند

[بلو دايموند]

مرحبا موضوعي للي عنده حاله نفس حاله بنتي اول ماجبتها طلع عندها كيس دهني في النخاع الشوكي وقالوا ان لازم عمليه ويشلونه بس محتاره افضل مكان وين ناس قالوا لي تايلاند وناس قالوا المانياا وانا محتاره اتمنى حد عنده خبره او مر بحاله نفس حالتنا يرد علي بليززز ومشكورين

[rehlat-alema]

الله يعفو عنها ان شا ءلله

تايلند - ممتازه وفيها كذا خيار من المستشفيات
شفت 4 من افضل المستشفيات عندهم - وتنوع الاطباء والاختصاصات والاجهزه المطوره
عن تجربه لا قدر الله صار شي او أحد من الاهل بخاطره شي على طول انسير
بانكوك . والزين فيهم مدة العـلاج ما اطول حسب برنامج معين

المانيا بين الموعد والثاني اسبوعين

والقرار لكم

[Sharshooooor]

تايلاند عندهم مستشفى اسمة بانكون هوسبيتال وهو افضل مستشفى في العالم لعلاج جميع انواع الاورام
نصيحة اختي وهذي نصيحة مجرب وعندي عناوينهم اذا حبيتي ومستعدين يستقبلونج من المطار للمستشفى
وعندهم فندق داخل المستشفى بسعر رمزي مع الفطور ومعاملتهم ممتازة والمترجمين ببلاش

فكري وانا جاهز وماتشوف شر انشالله البنوته الف لاباس عليها

[لولوة قطرية]

الله يشفيها ان شاء الله

[بلو دايموند]

مشكورين وتسلمون وماتشوفون شر ان شاء الله لا في قريب ولا في غالي بنتي فيها كيس دهني في النخاع الشوكي والحمدالله مش ورم ولا شي بس كيس دهني وابي بعد ردورد علشان اشوف وش احسن شي لهااا تعرفون نبي الشي الزين والشافي الله ان شاء الله جزاكم الله خيرررررررر

[Sharshooooor]

مشكورين وتسلمون وماتشوفون شر ان شاء الله لا في قريب ولا في غالي بنتي فيها كيس دهني في النخاع الشوكي والحمدالله مش ورم ولا شي بس كيس دهني وابي بعد ردورد علشان اشوف وش احسن شي لهااا تعرفون نبي الشي الزين والشافي الله ان شاء الله جزاكم الله خيرررررررر

اعتقد هذا نوع من انواع الاورام الحميدة على تشخيص الدكتور نفس اللي كان عند ام واحد من الشباب في النخاع الشوكي بعد وسوو لها العملية في نفس المستشفى اللي ذكرتها لج وانا كنت موجود هناك والحمدلله مافيها شي الحين
عالعموم انشالله تحصلين ردود اكثر وتتطمنين على بنتج

[طالب جامعي]

مرحبا اخي الكريم اختي كان فيها تقريبا نفس المشكلة
وعملة عملية في المانيا في مدينة اسمها ملبروك والحمدالله تعافت بفضل الله
لكن مشكلة المانيا بين الموعد والموعد الاخر لايقل عم 10 ايام
ماتشوفون شر والله يشفي مريضكم باذن الله

[ريماس الغلا]

اختي وايد ناس يروحون يسونها في تايلند وصج مثل ما قال احد الاخوه بين الموعد والثاني : اسبوع

الله يشافي بنتج وبرسلج اسم ورقم دكتور في تايلند اذا حابه

[miss-qatr]

ليتني أقدر افيدك اختي بس عن نفسي تايلند ما عندي فكره عنها بس أشوف الفتره الأخيره ناس كثار حولو علاجهم من اوروبا وأمريكا الى تايلند بس هذا ما يمنع إن المانيا هي في الصداره



ماتشوف شر إن شاء الله وربي يطمنك عليها :)

[B7r_QTR]

السلام عليكم ورحمة الله وبركاته

اللهم يشفي مرضانا ومرضى المسليمن جميعاً ... اللهم اميين

أختي اول شي انصحج بالدعاء والأستخارة والتوكل على الله

في مستشفى في امريكا خاص للأورام في مدينة هيوستن وديت الوالد سنة 2000

في مستشفى جامعي في ميونيخ سمعت عنه بعد يمدحونه

بالنسبة لتايلند يمدحون المستشفى الملكي

وإذا علي انا اروح المانيا احسن وعندي رقم منسقة المرضى القطريين في ميونيخ

و ان شاءالله ماتشوفون شر

[rehlat-alema]

ما قصروا ما شاءلله الاخوان

[مسفر2]

الله يشفيها ويشفي كل مسلم

[سواح]

السلام عليكم ورحمه الله وبركاته ..

عن تجربه ..
ابتعدي عن تايلند لي جات للعمليات الجراحيه ..
صايرين تجاريين لابعد الحدود ..

واكرر عن تجربه ومعايشه لاحداث مؤسفه ..

لا انكر خدماتهم الغير طبيه اكثر من ممتازه لكن احنا رايحين لتلقي العلاج مو للسياحه والدلع ..

والامر متروك لج فالنهايه ..

[الخبــره]

الله يشفيها وماتشوف شر ان شاء الله
اول شئ لاتنسين الدعاء وعن تجربه اجوف المانيا احسن
جفت كم واحد عندهم نفس الحالة وواحد كان عنده ورم واثنين اكياس دهنية
كل حلول النخاع ولازم تعرفين انه النخاع شئ خطر لان اي خلل في العملية يصيب النخاع الشوكي لا قدر الله
يسبب ضرر يمكن مايكون له علاج والحامي والشافي وحده الله ما ابي اخوفج بس اقولج اللي اعرفه
اذا تبين معلومات اكثر عن المستشفيات قولي وماعليج من فترة الفحوصات والمواعيد صح تاخذ وقت بس مايسون اي شئ الا هم عارفينه

[كاتم الاسرار]

الله يشفيها ان شاء الله ما تشووف شر

[بلو دايموند]

مساء الخير اخواني وخواتي الغاليين الله يجزاكم كل خير يارب الف مليون شكر على ردودكم واقتراحاتكم ونصايحكم والنعم فيكم والله ما تقصرون فعلا يوم قلت حق زوجي اني بعرف وش احسن لصحه بنتنا عن طريق المنتدى ما كذبت رديتوا علي باسرع وقت وردودكم شافيه ووافيه بأذن الله انا بصلي استخاره وبشوف وش اللي الله كاتبه وبتوكل على الله والله يارب في هالشهر الفضيل يبعد عنكم كل مكروه ومشكورين على الدعاء لبنتي فديتهااا عسى الله يشفيهااا ولو انها مايبين ان فيها اي شي تلعب وقربت تحبي بعد والله كريم ... مشكورررررررررررررررررررررين على الردود اشوفكم بالف خير واللي قالوا بيعطوني ارقام وعناوين مستشفيات المانيا وتايلاند ياليت تعطوني اياهااا احفظهم عندي ... وتسلمون يا هل قطرررررر

[روح الاطلس]

يارب يطمن قلبك ان شاء الله ويطلع التشخيص غلط ( ياما صارت ) ويكون مافيها الا العافية ولا تحتاجين لا بانكوك ولا المانيا يارب

[الشامخ]

الله يشافيها

يمدحون المستشفى الملكي في تايلند، وأستشيري أهل الأختصاص ، وصلي صلاة الأستخارة ، والله يعينك

[كلي أمل]

المااااااااااانيا اختي وبس

[Marshmallow]

ماعندي خلفيه للأسف
الله يشفيها لج يارب

[طارق]

يا اختي
افضل من يعطيك جواب
هو لجنه العلاج بالخارج فهم سوف يعطونج الحل من فم الخبراء بالعلاج
مكان لجنه العلاج بالخارج هو جمب مجلس الشورى على يمين مركز التبرع بالدم

ماتشوف شر الاصغيره

ولو جات على رائيي المتواضع - بقول المانيا لأنهم متخصصين بجراحات العضام والعمود الفقري

[السليطي]

يا اختي
افضل من يعطيك جواب
هو لجنه العلاج بالخارج فهم سوف يعطونج الحل من فم الخبراء بالعلاج
مكان لجنه العلاج بالخارج هو جمب مجلس الشورى على يمين مركز التبرع بالدم

ماتشوف شر الاصغيره

ولو جات على رائيي المتواضع - بقول المانيا لأنهم متخصصين بجراحات العضام والعمود الفقري

الله يجزاك خير اخوي على الاقتراح بس حبيت اوضح نقطة ان مكتب العلاج بالخارج تغيير مكانه الحين صار عند سلمك الله المدينة الطبية الي كان حق اسياد والله يشفي جميع مرضى المسلمين ....امين

[ذيب زكريت]

اذا على حساب الدوله روحوا المانيا ما فيها كلام ثاني واذا على حسابكم الله يعينكم على تايلند بعد زينه

[المزن الرياني]

الله يشافيها ويعافيها والفال لين تفرحين بتخرجها و عرسها

[MeMe MoOoON]

الله يشافيها يارب

[طارق]

الله يجزاك خير اخوي على الاقتراح بس حبيت اوضح نقطة ان مكتب العلاج بالخارج تغيير مكانه الحين صار عند سلمك الله المدينة الطبية الي كان حق اسياد والله يشفي جميع مرضى المسلمين ....امين

تسلم يالغالي على تصحيح المعلومه
المدينه الطبيه الي جمب مستشفى حمد ؟

[الصاعق الحارق]

الله يشافيها يارب ويقومها بسلامه

[هذلان]

اسئل الله الكريم في هذا الشهر الفضيل ان يشفي مريضكم . و ترجعون الدوحه سالمين غانمين

[قطري طموح]

اختي انا اتردد على تايلند كل ثلاث شهور تقريبا واشوف ناس تمدح وناس تذم في علاجهم وانا شخصيا لي تجربه مع رجل من اقاربنا عايشت حالته وكان يعاني من الخبيث والحمدلله حالته الان ممتازه ، وهناك ناس تذم علاجهم والله اعلم ، ولكن اذا جات على المقارنه بين البلدين في العلاج فالاكيد ان المانيا افضل وبكثير من تايلند .

[عديـل الـروح]

عسى الله يشافي بنتج .. ويقومهــا بالسلامـــه

[بلو دايموند]

الله يجزاكم خير جميع وماقصرتوا ومشكورين على الدعاء لبنتي ويالله يارب ماتشوفون مكروه باحد وبيني وبينكم وبصراحه صدق انكم حيرتوني شوي بس يالله حاليا بنتوكل على الله وبنروح تايلاند وعلى حسابنا لان بصراحه مستعجلين على الفحوصات ودي اشوف التحاليل والفحصوات هناك وش يقولون لان في واحد من الاخوان رد قال ان شاء الله يطلع التحليل غلط ومايكون فيها شي ياااااااااااااااااااااااااااااااااارب لان دوم احس كذا ان تحاليلهم وفحوصاتهم غلط بس الله كريم والله ودي المانيا بس زوجي قالوا له ان تايلاند احسن بس وش نسوي بنتوكل على الله اشكر كل عضو رد علي جعله يارب في ميزان حسناتك ورحم الله والديك وان شاء الله بطمنكم على بنتي ولا رجعت من السفر بقول لكم وش صار.... والله اني ادعي لبنتي في صلاتي اليوم الفجر ومانسيتكم دعيت لكم ..فمان الله

[Marriott]

توكلي على الله

عن تجربة ناجحة ولله الحمد لاحد الانساب
انصحك بالمستشفى الملكي بتايلاند

ممتاز جدا وعلى مستوى عالي جدا من التقنية والخبرة والسمعة الدولية

على فكرة اختي المستشفى الملكي لديه فندق داخلي خاص لاهل المريض وهو ممتاز وسعره رائع مع الافطار
وهذا يجنبكم العناء واحتياجكم للتنقل -

الله يسهل دربكم ويطمنكم عليها وتردون سالمين
اي خدمة انا حاضر

بوجاسم / كامبردج

[فلفل حار]

ماعندي فكرهـ ... :(


الله يشفيها وتقوم بالسلامه ...
كثري الصدقات ودفعات البلا ...

[swedan_qatar]

ما خاب من استشار واستخار

استخير وانا اخوك والله يجيب اللي فيه الخير وعن نفسي تايلاند

[بلو دايموند]

اخوي بوجاسم مشكور وما قصرت بس بسالك يمدحون المستشفى الامريكي هناك وش رايك فيه هو والا الملكي

[أخت الغالي]

المانيا علاجهم ممتاز بس المشكلة المواعيد تتاخر بالمقارنة مع تايلاند علاجهم وخدمتهم سريعة انا رحت المستشفى الامريكي وللأمانة فحوصاتهم دقيقة والملكي بعد يمدحونة

الله يشافي بنتج ويقومها بالسلامة

[الذيب2009]

المانيا وبس

[تحداني]

... المرض نعمه وابتلاء من عند الله ..
لا اعتراض على حكمه ..

.". والحمد لله ..."

فديت الاطفال ... يعلني افدى عمرها ..
وما اتشوف شر يارب ..
وسلامتها الف سلامه ..

والله يفرح قلبك ..
ويفرج همك ..
ويطرح فيها البركه ..
وتشوفينها تعلب اهني واهناك .

. قولي آمين ..

بالطبع ألمانيا ..
ولا توجد هناك وجه مقارنه ..
بين تايلند والمانيا ..


طمنينا عليها ..
سأكون في الانتظار ..

[(الفيصل)]

أسأل الله أن يشفي مرضانا ومرضاكم

اخر تصنيف لأفضل مستشفيات الأطفال في العالم اذكر افضل 3 على مستوى العالم
:

مستشفى فيلادلفيا للأطفال التخصصي - امريكا
ت: 00112155901000
The Children's Hospital of Philadelphia, 34th Street and Civic Center Boulevard, Philadelphia, Pa. 19104
http://www.chop.edu/consumer/index.jsp

مستشفى بوسطن للأطفال- امريكا
ت: 00116173556000
Children's Hospital Boston
300Longwood AvenueBoston,
MA 02115
http://www.childrenshospital.org/

مستشفى جون هوبكينغز للاطفال
البدالة : 00114109556190
http://www.hopkinsmedicine.org/index.html

[تحداني]

مستشفى بوسطن للأطفال- امريكا
ت: 00116173556000
Children's Hospital Boston
300Longwood AvenueBoston,
MA 02115
http://www.childrenshospital.org/



نعم بوسطن رائعه ... وسمعت عنها الكثير
وهي ولايه قريبه جدا من العاصمه الامريكيه واشنطن ..

[بلو دايموند]

يعطيكم العافيه ... كل الاعضاء الشكر والاحترام لكم ...تحداني زماني الف مليون شكر على الكلام الطيب وعساك ماتشوف مكروه باحد ويسلم قلبك عسى عمرك طويل يارب ورحم الله والديك ياالسنافي ... بعطيكم خبر اول ما اسافر واول ما ارجع فمان الله

[Marriott]

اخوي بوجاسم مشكور وما قصرت بس بسالك يمدحون المستشفى الامريكي هناك وش رايك فيه هو والا الملكي

مرحبا اختي
الامريكي أرخص من الملكي
واللي لاحظته ان الملكي ارقى من الامريكي بوايد
عندهم مترجمين محترفين (عربي/انجليزي/تايلاندي)
المستشفي الملكي معروف انه غالي مقارنة بباقي المستشفيات ،لكن يسوى العنوة ومشقة السفر
الملكي منظم وراقي لأقصي درجة، راح تستغربون أنكم في دولة آسيوية
باستطاعتكم الاتصال بسفارة قطر ببانكوك اذا احتجتوا اي استفسار
02660111
اذا عندكم اي سؤال أنا حاضر