محتااارييين في سيارة [الأرشيف] - منتديات شبكة الأسهم القطرية

مشاهدة النسخة كاملة : محتااارييين في سيارة

سوووووووير

25-08-2009, 04:50 PM

السلام عليكم
الاهل محتارين في سياره بتكون استخدام السواق الصبح للجامعه
و استخدام بنتهم يعني صار لها سنة تسوق
فـ شرايكم x5 ولا مرسيدس e الجديدة
بس كل من يقول صالون لاتاخذون حرام اتكسر في الشوارع شرايكم؟
وشرايكم في البورش الكايان اخبر بيتغير موديلها عالـ 2011 صح !!

القطري554

25-08-2009, 05:06 PM

بعطيج شور أختي لكزس فرويل الجيب الصغير 2010 الجاي روعة وموتر نسائي + فرويل يتحمل شوارع قطر

ويتحمل وخرباتة نادرة وسعرة معقول ...

وبلتوفيق يارب

بعيد النظر

25-08-2009, 05:10 PM

والله الي اعرفه ..
انّ الـ x5 بيسوون لها فييس لفت ..
السنة اليااية !

يعني بتغير بعد ..

الاي حلوة وسواقتها روعة ..
وصغييرة يعني حلوة حق بنت !

هذا راايي

سوووووووير

25-08-2009, 05:19 PM

القطري 554 هههههههههههههه كنت حاسة ان حد بيجيب طاريها عالعموم عندنا منها في البيت تسلم ماقصرت وسلم على اختك ^__^
بعيد النظر : شنو يعني فيس لفت ؟

ن.سهيل

25-08-2009, 05:22 PM

الله يوفقك

عبدالرحمن

25-08-2009, 05:26 PM

اخذي اكس 5 بس لاتاخذينها يديدة موديل 2008 بتحصلينهم تحت 200 الف في المعارض وتوصل لين 180 الف اعتقد 2008 يديدة يعني واكس 5 فخمة ولا عليها كلام اصلحت لج استمري فيها ماصلحت بيعها وماراح تخسرين فيها البورش مانصح فيها الا جي تي اس يعني كشكل من برا والمرسدس اذا ماجاج اس ولا تروحين صوبه هذي نصيحتي لج من السيارات الي انتي طارحتهم اكس 5 افضل شي

HEART_LION

25-08-2009, 05:28 PM

اخذي المرسدس بس لو دريول بيسوق اخذي اللكزس 460 في اي بي كراسي مفصوله

الجوكر90

25-08-2009, 06:55 PM

السلام عليكم
الشيخه اذا عندكم اللكزس
عيل خذي لج انفنتي او مورانو او فكسار 2010
واذا تبين تدفعين وعادي عندج خذي لكزس فورويل
وبالتوفيق ان شاء الله

فلفل حار

25-08-2009, 07:15 PM

بعطيج شور أختي لكزس فرويل الجيب الصغير 2010 الجاي روعة وموتر نسائي + فرويل يتحمل شوارع قطر

ويتحمل وخرباتة نادرة وسعرة معقول ...

وبلتوفيق يارب

وين سعر معقول وخراباته نادره وآلي يرحم والديكـ ...!
هذاكـ آول ... اللكزس بالغوا وايد وماعاد يستاهل قيمته
وسعر تصليحه بالوكالة أغلى من بعض المواتر الآلمانيه ...!

لو بتفكرين في لكزس آخذي صالون الـes
آو الـis
وايد بنات طايحين فيها

وآذا الآختيارات مابين المواتر آلي ذكرتيها
آخذي لج مرسيدس الـe آذا فيج شدة سيرفزها

مع آنه ضمان البي آم آحسن وآسألي عن فرق الضمان مابينهم وبتنصدمين
والفيس لفت الله يسلمج هو يعني تغيير بسيط في مقدمة السياره ... ويمكن خلفيتها بعد

عزووز قطر

25-08-2009, 07:23 PM

إذا بتكون حق سواق عليج بالكروزر
موتر عملي وعائلي ومافيه خرابات .. واذا اخترب قطع غياره متوفرة وفي كل مكان وبأسعار رخيصة
وبالتوفيق

QaTaRViP

25-08-2009, 07:33 PM

اذا بتخذين x5اخذ يهاا من الشركه جديده لانه بيكون عليهااا ضمان ع كل شي انتي ماعليج الا البترول ع ماظن 3 او 5 سنوات احسن من تخذينهااا مستعمله ماتدرين ايش فيهااا هاي رايي لج لاكن سعر هااا يطيح وايد والبورش حلو بس صيانته تكلف لاكن اذا عليه ضمان شي ثاني .. لاكن انا اشوف الكزس فورويل وايد احسن وعملي اكثر واذا تبينه الفخامه اكيد المرسيدس 350 بنوروما ولا احلى والله يوفقج ويوفق الجميع والسموع ع كثرت كلامي

سوووووووير

25-08-2009, 07:45 PM

والله الود ودي من بينهم كلهم البورش لكن قلبي معورني انه بيتغير
والمرسيدس احلى من البي ام لكن وايد ناس علقوا على سالفه انها صالون
والله سالفه -_-
فكسار ولكزس رزة لكن لا احسهم دفشين على بنت

ولد شرق

25-08-2009, 08:51 PM

ساحر برشلونة

25-08-2009, 09:49 PM

البي ام الفئة 5 موتر عملي ولجميع الفئات وضمان الفردان وخدمة 5 نجوم

بالتوفيق اختي

عضو قديم

25-08-2009, 11:33 PM

القطري 554 هههههههههههههه كنت حاسة ان حد بيجيب طاريها عالعموم عندنا منها في البيت تسلم ماقصرت وسلم على اختك ^__^
بعيد النظر : شنو يعني فيس لفت ؟

يعني بلفون ويه الموتر بيخلون ورا واللي ورا بيصير جدام

سوووووووير

26-08-2009, 02:15 AM

تسلمون كلكم عالردوود الطيبة =)

السد

26-08-2009, 02:29 AM

نصيحة لوجه الله
افالون وبس