أزواج فل اوبشن ( واللي ماعندوش ما يلزموش )

[miss-qatr]

السلام عليكم ورحمة الله وبركاته...


وصلني إيميل بعنوان ( الحياه ليست كما تبدو دائماً )


وقرأت بعض الصور الحياتية ولكن استوقفتني هذه الصوره

أخذت بسؤال نفسي عن السبب وجائني الرد بأنها واقع أخذ بالإنتشار ليس بتفاصيله ولكن بالفكره ومن ثم التطبيق


في البداية أترككم مع الصوره..
--------------------------------------------------------------------------------



الحياة المثالية

جلست في بيت صديقتها الواسع والفخم ذو الاثاث الغالي
واخذت تحدثها عن كم هي محظوظة بزواجها
من رجل اعمال منحها عيشة الملوك
بيت كالقصر ، وحمام سباحة ، وسيارة تخطف الابصار
وخدم وحشم ، ونقود وتسوق ، وسفر الى الخارج
ابتسمت صاحبة البيت
التي كانت تضع نظارة سوداء سميكة
لهذا الكلام واستمعت الى صديقتها
وهي تكمل مدحها لحياتها وتعدد اسباب سعادتها
وكم تمنت لو انها تحظى بنفس حياتها
انصرفت بحسرتها وخلعت صاحبة البيت النظارة
حيث ظهرت آثار الكدمات السوداء تحت عينيها
من أثر الضرب

الحياة... ليست كما تبدو دائما


.................................................. .......................................

يمكن اللي بيقرأ الصوره بيقول لا في أي زمن عايشين !!


لكن أنا ما أتكلم عن تفاصيل الموقف قد ما أتكلم عن الفكره


كثير من الناس يظنون إن الفلوس والمظهر الإجتماعي والرزه قدام العالم هو المهم في الحياه!!!!

وفكره الحصول على زوج غني ولو افتقد لكثير من خصال الرجوله أصبح الهدف الساطع أمام أعين بعض الفتيات


وهذا الموضوع ذكرني بأحد موضوعات بناتنا في أحد المنتديات النسائية وكانت الردود للأسف ( اتفشل )


الكل صار يدور على الفلوس .. الرجال يبي وحده اتساعده والبنت اتدور على زوج خيالي يحقق لها كل طلباتها الوردية


هل هو مشكلة جيل ؟؟ أو هو بداية بؤرة لأفكار ( سودا) بنتشر وبتعمي كل اللي بعدها ؟؟


هل بيكون شعار هذا الجيل ( أزواج فل أوبشن )؟؟؟؟



اتمنى يمر زمن يتغير فيه تفكير هالجيل بس بعد اتمنى مايكون ( بعد زمن بعيد)





miss-qatr

[شاهيناز]

تفكيرنا صار مادي وسطحي

البعض يبحث عن الحياه السهله

ملابس فاخره
سفرات

مب مهم السعاده

من فتره سمعت عن وحده تزوجت شايب بالسر بس لانه غني

واهلها راضين بعد

لان الماده مغريه وتستاهل التضحيه

وتسلمين اختي موضوع حلو

[(حوريه)]

التغير يبدا من داخلنا

كيف ننتظر تغير المجتمع ونحن نحمل نفس المعتقدات التي نتمنى زوالها ؟

[القلم الصريح]

وهالشي اللي يؤدي الى العزوف عن الزواج والبنت تصير عانس والرجال يصير شيبه

[ولد النواخذه]

يازين البساطه

[غزلان]

التظره بصفه عامه لكل الأمور تغيرت

الكل يبحث عن الراحه الي ينظر اليها وهي لفلوس والسفر والسياره ووو ناسين الراحه النفسيه واذا قلتيلهم قالوا مادام عنده فلوس الباقي امره هين..

تسلمين اختي وعواد حميدا

[فارس الكلمة]

هناك من يبجث عن زوجة غنية .. و هناك من تبحث عن زوج غني ..

و الأمر لا يخلو من طمع أحياناً ..!.. و المال نقطة ضعف البشر إلا من رحم ..

[صوت الضمير]

هذا تفكير بعض الفتيات

لكن البعض الاخر يدورون الستر والراحه النفسيه

الله يصلح هالفئه اللي همهم المظاهر

العنود

[درب السعادة]

ومن وين بتجيبين الستر والراحه النفسيه اذا الزوج فقير او مديون وانتي عشتي عمر في بيت عز وراحه ؟ هل انتي مطالبه تعيشين في جو كله قلق وترقب ايش بكره بيصير والعيال يبون ومحتاجين ويبدا الحسد والغيبه والنميمه بسبب نقص الاحتياجات !!! انا اشوف ان احنا نكون واقعيين

مافيها شي البنت تتمنى رجل مقتدر يستر عليها في بيت ويوفر لها حياة كريمة وهاي هي الاساسيات ، وعلى مستواها الاجتماعي ان وجد يكون افضل .
لكن الغني غنى فاحش او صاحب القصور والمال الوفير اكيد بيكون له غايه مثل ما هي سعت وراه لغاية المال . المال والبنون زينة الحياة الدنيا ....... وقدم المال على البنون ....... المال ليس وسخ دنيا وانما وسيلة ووسيلة مهمة للعيش في سلام ورخاء وكرامه .
لذلك فالرجل مطالب بالجد والاجتهاد والسعي الدائب لتوفير الرزق له ولزوجته وأبنائه ولا ضير في ان يطلب الرجل أمراة تستطيع ان تتحمل اعباء الحياة ويكون هذا الامر واضح في طلب الزواج .

وفقنا وأياكم للازواج الصالحين المرتاحين وأبعد عنا الفقر والحاجة وسترنا وأياكم دنيا واخرة وكل عام وانتم بخير

[طالب جامعي]

هناك من يبجث عن زوجة غنية .. و هناك من تبحث عن زوج غني ..

و الأمر لا يخلو من طمع أحياناً ..!.. و المال نقطة ضعف البشر إلا من رحم ..


اخي الكريم كلامك عين العقل وللاسف هذى حاصل وبكثرة هذي الايام

[المستحيله]

السلام عليكم ورحمة الله وبركاتة


للاسف الشديد ان هذا واقع واقع مر والادهي من كذا قد تكون احداهم مخطوبه لشاب لا يعيبه شي وميسور الحال على قولتهم الله ساترة لاهو غني ولا شي شاب جامعي في اول حياته موظف ماعنده مداخيل ثانيه صاحب خلق ودين وتوافق البنت ويصير فلان مخطوب لفلانه والشاب يجتهد ليل ونهار يبحث عن بيت او يبني ملحق بيت اهله ويجمع بالمهر والاهل يساعدونه واذا يجيه الخبر اللي يصدمه فلانه تملجت اليوم على ولد فلان التاجر ولا على الدكتور فلان تو راد من بره ولا على فلان عشان عنده مصادر دخل ثانيه ولا شبيه الممثل ولا المغني الفلاني

ولا البنت تنخطب وتتحير من الصغر لولد عمها وتحلم فيه ليل ونهار والبنت فوقها ناس وتحتها ناس ولكنها على خلق ودين وفجاء خطيب تملج على فلانه اللي من بيت عز ودلال ولا على فلانه اللي تشيه نانسي عجرام ولا اليسا ولا هيفاء وهبي !!!


طغت الماديات على الجيل الحالي وتفكير شريحه كبيرة منهم وانتهى زمن المثاليات والبحث عن الاخلاق والمعدن الطيب والجوهر النقي

اصبح الرجل يبحث عن الجمال والمراه تبحث على المال ويا قرد حظهم العيال اللي تفكير امهم وابوهم كذا اجل على الدنيا السلام

[~ نســـايم ~]

الله كريم وكلن ونصيبه وعلى نياتكم ترزقون اللهم ارزق كل من دخل هذا الموضوع الزوج الصالح اللهم امين

[PRINCESS]

مانقدر ننكر ان الماده هي بزماننا هذا تحكم كل شي ,,,
طبعا للاسف هذا الشي ابد مو طبيعي بس بعد للاسف هذا الواقع...القصه الانذكرت بدايه الموضوع هي ابدا مو مجرد مثال لتوصيل فكره..هي اكيد واقع ومن الواقع وفي الاف الحالات مثلها..وفي بالمقابل حاله مختلفه اللي هي زوج فقير بس حنون ويحبها,,,قصدي انو مافي شي يكمل...ولا في احد مرتاح...اللي عنده المال ..محروم مثلا من الراحه واهم راحه اللي هي راحه البال..
او محروم من العيال,,,وهاذي نعمتين محد يقدرهم الا اليفقدهم او المحروم منهم..واذا كان عنده عيال ومال تشوفه محروم الصحه....مااتخيل في انسان يقدر يوصل للسعاده المطلقه...او الحب المطلق...ومهما وصل ابن ادم يظل نفسه تدفعه وتطمح للاكثر..وهاذي غريزه بالبشر مو عيب ولا عار...الحين اسال كل من يقره هالموضوع خلي يجاوب بصراحه...لو انت بمكتبك او ببيتك او حتى بالشارع..ومالقيت الا واحد داخل عليك فجأه او جاي ناحيتك وهو كاشخ وساعته روليكس والسياره مااعرف ايش والعطر ماادري شنو...وقال لك اريد اسلم عليك او اتعرف عليك...ماراح ترد له حياك الله اتشرف بيك ومعاها ابتسامه عريضه؟؟؟
ولو جاك واحد باين علي الفقر من بعد كيلو وماعنده شي غير رحمه ربه لا رولكس ولا هم يحزنون ولا حتى سيكل...وقال لك نفس الجمله...ماراح اسالك ايش بيكون ردك انا راح ارد الحين لاني انا نفسي راح ارد هالرد ولاادعي المثاليه واقعد ازايد على غيري..كان رديت....خير؟؟؟محتاج شي؟؟
او اذا مارديت ؟؟....يمكن واكيد مو يمكن راح اقول هذا اكيد محتاج ويريد مساعده...والنسوان نفس الحاله,,,المره اللي ماتشيل شنطه ماركه وتلبس نظاره مااعرف ايش هاذي من وين جايه؟؟؟:rolleyes2:
والامثله كثيره...وتاكد...ان هالوكت...وكت الدرهم..
وعشرات الحالات اعرفهم مثل معرفتي باسمي ونفسي رجال لما يدخلون مكان يقولون والله والنعم من فلان ابو فلان رجال والنعم منه..وهذا ابو فلان اللي والنعم منه يرسم للزواج من بنت غنيه حتى يعيش عاله,,,واذا ماعاش عاله فعالاقل هي تشيل نفسها وتشيل مصروفها وبالتالي تريح راسه وجيبه....
من حق كل انسان يدور راحته ويشوف اللي يوالمه ويناسبه...ابدا مافي يحد يعترض...بس مو من حقه يستغل...ويستغفل...

[بواردي]

مشكلتنا المثالية

يعني لو جاء واحد فقير طلب يد حد من خواتك او بناتك وانت تعرف انك لو تقلبه وتنفضه نفض ما تلقى في مخباه حق البترول
بتزوجونه
انا ازوج اللي يقدر يصونها ويامن لها عيشة كريمة مو بشرط فيلا ومسبح وخرابيط
اهم شي الستر
يعني يكون مستور الحال بس موبفقير

[OTOsan]

عندما نعود الى الماضي فاننا نرى الفتاة كانت تحلم باليوم الذي ياتيها فارس احلامها على حصان ابيض !

فاذا علمنا فرضا ان الحصان الابيض كان غالي الثمن انذاك .. فيمكننا ان نستنتج ان الفتاة اليوم تنتظر فارس الاحلام على (سيارة فارهه) .. وهو تكرار لاحلام بعض الفتيات اللاتي يتصفن بالطمع :)

اذا جعلنا طمعنا في الخير دوما .. فنحن بالتاكيد سنكون بخير ،،

يعطيج العافيه اختي مس .. والحمدلله عالسلامه ،،

[مضاربه]

انا اشوف شي طبيعي ان البنت تحلم بزوج غني لكن الي مب طبيعي ان الرجال يدور على بنت غنيه ولاهو من الرجوله ان يعيش على فلوس مره

[miss-qatr]

تفكيرنا صار مادي وسطحي

البعض يبحث عن الحياه السهله

ملابس فاخره
سفرات

مب مهم السعاده

من فتره سمعت عن وحده تزوجت شايب بالسر بس لانه غني

واهلها راضين بعد

لان الماده مغريه وتستاهل التضحيه

وتسلمين اختي موضوع حلو

الله يسلمك اختي شاهي على مرورك اللي نور الموضوع :)


التغير يبدا من داخلنا

كيف ننتظر تغير المجتمع ونحن نحمل نفس المعتقدات التي نتمنى زوالها ؟

شاكره ردك اختي حورية


وهالشي اللي يؤدي الى العزوف عن الزواج والبنت تصير عانس والرجال يصير شيبه



يازين البساطه

وجهه نظر :)

[miss-qatr]

التظره بصفه عامه لكل الأمور تغيرت

الكل يبحث عن الراحه الي ينظر اليها وهي لفلوس والسفر والسياره ووو ناسين الراحه النفسيه واذا قلتيلهم قالوا مادام عنده فلوس الباقي امره هين..

تسلمين اختي وعواد حميدا

هلا الغاليه

هذا اللي أبي اوصله وللأسف في ناس مافهمتني

يعني مثل ماقلتي يقولون الباقي امره هين


كل الشكر لك غزلان على مرورك اللي أسعدني :)




هناك من يبجث عن زوجة غنية .. و هناك من تبحث عن زوج غني ..

و الأمر لا يخلو من طمع أحياناً ..!.. و المال نقطة ضعف البشر إلا من رحم ..

معاك بكلامك 100%


هذا تفكير بعض الفتيات

لكن البعض الاخر يدورون الستر والراحه النفسيه

الله يصلح هالفئه اللي همهم المظاهر

العنود


تسلمين على مرورك اختي العنود


ومن وين بتجيبين الستر والراحه النفسيه اذا الزوج فقير او مديون وانتي عشتي عمر في بيت عز وراحه ؟ هل انتي مطالبه تعيشين في جو كله قلق وترقب ايش بكره بيصير والعيال يبون ومحتاجين ويبدا الحسد والغيبه والنميمه بسبب نقص الاحتياجات !!! انا اشوف ان احنا نكون واقعيين

مافيها شي البنت تتمنى رجل مقتدر يستر عليها في بيت ويوفر لها حياة كريمة وهاي هي الاساسيات ، وعلى مستواها الاجتماعي ان وجد يكون افضل .
لكن الغني غنى فاحش او صاحب القصور والمال الوفير اكيد بيكون له غايه مثل ما هي سعت وراه لغاية المال . المال والبنون زينة الحياة الدنيا ....... وقدم المال على البنون ....... المال ليس وسخ دنيا وانما وسيلة ووسيلة مهمة للعيش في سلام ورخاء وكرامه .
لذلك فالرجل مطالب بالجد والاجتهاد والسعي الدائب لتوفير الرزق له ولزوجته وأبنائه ولا ضير في ان يطلب الرجل أمراة تستطيع ان تتحمل اعباء الحياة ويكون هذا الامر واضح في طلب الزواج .

وفقنا وأياكم للازواج الصالحين المرتاحين وأبعد عنا الفقر والحاجة وسترنا وأياكم دنيا واخرة وكل عام وانتم بخير



هلا اختي درب السعاده ..

شاكره لك ردك بس اختي انتي تدرين اني أقصد فئه معينه

ماقصدت بموضوعي ..

يالله روحو يابنات واخذو لكم رجال ماعنده حتى ياكل !!!!!!!!


لكن انتي تعرفين تظلعات بعض البنات وصلت وين ومافي داعي اقول وأوضح


يعطيك العاااافيه

[miss-qatr]

السلام عليكم ورحمة الله وبركاتة


للاسف الشديد ان هذا واقع واقع مر والادهي من كذا قد تكون احداهم مخطوبه لشاب لا يعيبه شي وميسور الحال على قولتهم الله ساترة لاهو غني ولا شي شاب جامعي في اول حياته موظف ماعنده مداخيل ثانيه صاحب خلق ودين وتوافق البنت ويصير فلان مخطوب لفلانه والشاب يجتهد ليل ونهار يبحث عن بيت او يبني ملحق بيت اهله ويجمع بالمهر والاهل يساعدونه واذا يجيه الخبر اللي يصدمه فلانه تملجت اليوم على ولد فلان التاجر ولا على الدكتور فلان تو راد من بره ولا على فلان عشان عنده مصادر دخل ثانيه ولا شبيه الممثل ولا المغني الفلاني

ولا البنت تنخطب وتتحير من الصغر لولد عمها وتحلم فيه ليل ونهار والبنت فوقها ناس وتحتها ناس ولكنها على خلق ودين وفجاء خطيب تملج على فلانه اللي من بيت عز ودلال ولا على فلانه اللي تشيه نانسي عجرام ولا اليسا ولا هيفاء وهبي !!!


طغت الماديات على الجيل الحالي وتفكير شريحه كبيرة منهم وانتهى زمن المثاليات والبحث عن الاخلاق والمعدن الطيب والجوهر النقي

اصبح الرجل يبحث عن الجمال والمراه تبحث على المال ويا قرد حظهم العيال اللي تفكير امهم وابوهم كذا اجل على الدنيا السلام


:nice:


الله كريم وكلن ونصيبه وعلى نياتكم ترزقون اللهم ارزق كل من دخل هذا الموضوع الزوج الصالح اللهم امين

آآمين يارب


مانقدر ننكر ان الماده هي بزماننا هذا تحكم كل شي ,,,
طبعا للاسف هذا الشي ابد مو طبيعي بس بعد للاسف هذا الواقع...القصه الانذكرت بدايه الموضوع هي ابدا مو مجرد مثال لتوصيل فكره..هي اكيد واقع ومن الواقع وفي الاف الحالات مثلها..وفي بالمقابل حاله مختلفه اللي هي زوج فقير بس حنون ويحبها,,,قصدي انو مافي شي يكمل...ولا في احد مرتاح...اللي عنده المال ..محروم مثلا من الراحه واهم راحه اللي هي راحه البال..
او محروم من العيال,,,وهاذي نعمتين محد يقدرهم الا اليفقدهم او المحروم منهم..واذا كان عنده عيال ومال تشوفه محروم الصحه....مااتخيل في انسان يقدر يوصل للسعاده المطلقه...او الحب المطلق...ومهما وصل ابن ادم يظل نفسه تدفعه وتطمح للاكثر..وهاذي غريزه بالبشر مو عيب ولا عار...الحين اسال كل من يقره هالموضوع خلي يجاوب بصراحه...لو انت بمكتبك او ببيتك او حتى بالشارع..ومالقيت الا واحد داخل عليك فجأه او جاي ناحيتك وهو كاشخ وساعته روليكس والسياره مااعرف ايش والعطر ماادري شنو...وقال لك اريد اسلم عليك او اتعرف عليك...ماراح ترد له حياك الله اتشرف بيك ومعاها ابتسامه عريضه؟؟؟
ولو جاك واحد باين علي الفقر من بعد كيلو وماعنده شي غير رحمه ربه لا رولكس ولا هم يحزنون ولا حتى سيكل...وقال لك نفس الجمله...ماراح اسالك ايش بيكون ردك انا راح ارد الحين لاني انا نفسي راح ارد هالرد ولاادعي المثاليه واقعد ازايد على غيري..كان رديت....خير؟؟؟محتاج شي؟؟
او اذا مارديت ؟؟....يمكن واكيد مو يمكن راح اقول هذا اكيد محتاج ويريد مساعده...والنسوان نفس الحاله,,,المره اللي ماتشيل شنطه ماركه وتلبس نظاره مااعرف ايش هاذي من وين جايه؟؟؟:rolleyes2:
والامثله كثيره...وتاكد...ان هالوكت...وكت الدرهم..
وعشرات الحالات اعرفهم مثل معرفتي باسمي ونفسي رجال لما يدخلون مكان يقولون والله والنعم من فلان ابو فلان رجال والنعم منه..وهذا ابو فلان اللي والنعم منه يرسم للزواج من بنت غنيه حتى يعيش عاله,,,واذا ماعاش عاله فعالاقل هي تشيل نفسها وتشيل مصروفها وبالتالي تريح راسه وجيبه....
من حق كل انسان يدور راحته ويشوف اللي يوالمه ويناسبه...ابدا مافي يحد يعترض...بس مو من حقه يستغل...ويستغفل...


ماقصرتي اختي برنسس ومعاك حق باللي قلتيه بس أنا مااقدر أعمم القاعده اللي حطيتيها

يعني المظهر مهم ومب شرط يكون الواحد قيمته واهو يمشي 200 الف عشان أحترمه :)


تسلمين :)



مشكلتنا المثالية

يعني لو جاء واحد فقير طلب يد حد من خواتك او بناتك وانت تعرف انك لو تقلبه وتنفضه نفض ما تلقى في مخباه حق البترول
بتزوجونه
انا ازوج اللي يقدر يصونها ويامن لها عيشة كريمة مو بشرط فيلا ومسبح وخرابيط
اهم شي الستر
يعني يكون مستور الحال بس موبفقير


وأنا غبت ورجعت واللي بالمنتدى ما يتغيرون:rolleyes2:

لازم ياخذون السالفة من النص:omen2:

الحين ياخوي من اللي تكلم وقالك اني أقصد زوجو خواتكم ولا بناتكم فقير ؟؟؟

أنا فكره الموضوع أظن واضحه وذكرت المثال عليها

الحين الناس ماقامت اتفكر بالإنسان ميسور الحال لا والله

الحين الناس تبي (( ثراء فاحش ))


يعطيك العااافيه

[Sharshooooor]

صدقيني اختي مس قطر

هالشي صار من الاسباب الرئيسية اللي تؤدي للطلاق

تخيلي

[miss-qatr]

عندما نعود الى الماضي فاننا نرى الفتاة كانت تحلم باليوم الذي ياتيها فارس احلامها على حصان ابيض !

فاذا علمنا فرضا ان الحصان الابيض كان غالي الثمن انذاك .. فيمكننا ان نستنتج ان الفتاة اليوم تنتظر فارس الاحلام على (سيارة فارهه) .. وهو تكرار لاحلام بعض الفتيات اللاتي يتصفن بالطمع :)

اذا جعلنا طمعنا في الخير دوما .. فنحن بالتاكيد سنكون بخير ،،

يعطيج العافيه اختي مس .. والحمدلله عالسلامه ،،


اخوي اوتو .. الأب الياباني :)

الله يسلمك وشاكره لك مرورك واضافتك بالموضوع

يعطيك العااافيه


انا اشوف شي طبيعي ان البنت تحلم بزوج غني لكن الي مب طبيعي ان الرجال يدور على بنت غنيه ولاهو من الرجوله ان يعيش على فلوس مره

اختي مضاربة الرجال اللي من هالنوع ويرضى يعيش على حساب زوجته ما ينعد رجال


كل الشكر لك :)


صدقيني اختي مس قطر

هالشي صار من الاسباب الرئيسية اللي تؤدي للطلاق

تخيلي

الله المستعان ياخوي