أفضل وأرخص عيادة ليزر لإزالة الشعر في قطر ؟!

[Marazeem]

السلام عليكم ورحمة الله
مبارك عليكم الشهر جميعاً وتقبل الله طاعاتكم ..

أخواتي ..
قبل لا تقولون رايكم في العيادات اللي جربتوها ..
وأكيد كل وحدة لها تجارب طويلة في هالمجال ..

ودي أول شي أستفسر عن
عيادة الدكتورة بدرية المحمود

هل أحد جرب عندها ؟
وما هي مدى الاستجابة ؟


مشكورين وفي انتظار ردودكم وآرائكم

[القلم الصريح]

عياده الدكتوره الما الرفاعي وبس

[بوعلي2]

عياده الدكتوره الما الرفاعي وبس



مب زينه وايد يشتكون منها وتحرق الجلد :telephone:

مركز قطر الطبي افضل مكان والآلات جديده ومجربينه وايد ويمدحون الي فيه

[صوت الضمير]

انا ابي اسوي للوجهه بس خايفه يقولون لها اضرار

لانها تخليالشعر ينبت تحت الجلد

افيدونا

العنود

[C@RaMella]

عند حسن عبدالله ومركزعيادة التجميل

بالنسبه للوجه لازم الدكتور يشوف نوع الشعر ينفع معاه الليزر ولا لا

[المستحيله]

السلام عليكم ورحمة الله وبركاتة

بقطر انا كنت عند حبيب البسطي كان ممتاز وخواتي عند عايده الصالح بعد ممتازه اما الما رفاعي شردوا عنها حرقت العالم واجهزتها ماتعمل لها تنظيف اذا ماحرقتهم تهيج الجلد عندهم حساسيه وعن تجربه كذا شخص


وانا حاليا عند سعاد لطفي فدبي ممتازه بالليزر وراح تفتح بعد العيد أن شاء الله بالدوحه

[فلفل حار]

الليزر مب زين ... :)

[فلفل حار]

تعليمات للمرضى الذين يريدون إجراء إزالة الشعر بالليزر

قــــبـــــل الـــعـــلاج :
1. تجنب التعرض لأشعة الشمس 4 ـ 6 أسابيع قبل العلاج .
2. تجنب التشقير ، النتف ، الشمع ، استئصال الشعر بالكهرباء 6 أسابيع قبل العلاج أيضاً .
3. يرجى إخبار الطبيب إذا كان لديك قصة سابقة للإصابة بالهربس ، حتى يعطيك الطبيب دواءً للوقاية منه .


4.ربما يعطى المرضى ذو البشرة الغامقة دواءً مفيداً لعدة أسابيع قبل بدء العلاج .
5. احلق المنطقة المراد معالجتها 1 – 2 يوم قبل إجراء الليزر .
6. تجنب تسمير الجلد قبل العلاج بالليزر لمدة 6 أسابيع على الأقل .


بـــعـــد الـــعـــــلاج :
1. قد يكون هناك درجة خفيفة من الاحمرار بعد العلاج بالليزر .
2. وضع عادة كمادات باردة لمدة 5 ـ 10 دقائق لتخفيف الألم والاحمرار.
3. يمكن وضع كريم من الكورتيزون بعد الكمادات الباردة لمدة 2 يوم فقط .
4. يسمح بالاستحمام بعد الليزر ولكن يجب أن يكون لطيفاً وبدون حك .
5. يمكن استعمال مواد التجميل في اليوم التالي لإجراء الليزر .
6. بعد حوالي 5 ـ 15 يوم من إزالة الشعر بالليزر سوف يظهر شعر غامق على سطح الجلد وهذا هو الشعر التي تمت معالجته وليس بنمو شعر جديد ويمكن إزالته بدون أي مقاومة تذكر بمسحه بالماء والمنشفة مثلاً .
7. لا تنس تطبيق الواقي الشمسي بشكل متكرر ولمدة عدة أشهر .
8. يمكن أن يعطي بعض المرضى كريمات مبيضة للبشرة بين جلسات الليزر .
9. تذكر أنه يجب تجنب النتف ، التشقير ، إزالة الشعر بالكهرباء والشمع حتى الجلسة القادمة .


-----------------------------------------------

معـلـومــات خـاطـئـة عـن إزالـة الشعـر بالليــزر

1. الليزر يسبب سرطان في الجلد .
2. الليزر لا يستخدم للمرأة الحامل .
3. الليزر يزيل الشعر 100% .
4. الليزر مؤلم جداً جداً .


5. يحتاج المريض جلسة واحدة للتخلص من الشعر تماماً .
6. الليزر مفيد للشعر الأبيض .
7. الليزر لا يستخدم للجلد الأسمر .
8. الليزر يتسبب في انسداد الغدد العرقية .
9. الليزر يؤدي إلى انغماد الشعر ونموه داخل الجلد .



تـذكـر بأنـها معـلومات خـاطئة







مصدر المعلومات ::
http://www.6abib.com/a-37.htm

[meme~qatar]

حبيبتي...
انا سويت ليزر في عيادة الدكتورة الاستشارية حصة البوعينين:nice:
عندها جهاز جديد بالهواء البارد بحيث ما تحسين بالم

والاهم الأسعار

كل منطقة في الجسم لها سعر .. واذا سويتي اكثر من منطقة تخصم وايد..
ومب بس الليزر الا بعد عندها الفيشال وجهاز المارس (حق السيلولايت يشد ويزيل السموم):ok:
على شكل جلسات على حسب الحالة
ولا .. الا بعد تخصم اذا كنتي تبين اكثر من منطقة
وزيادة على هذا اخر جلسة مجانا

[جـــــراح]

السلام عليكم ورحمة الله وبركاتة

بقطر انا كنت عند حبيب البسطي كان ممتاز وخواتي عند عايده الصالح بعد ممتازه اما الما رفاعي شردوا عنها حرقت العالم واجهزتها ماتعمل لها تنظيف اذا ماحرقتهم تهيج الجلد عندهم حساسيه وعن تجربه كذا شخص


وانا حاليا عند سعاد لطفي فدبي ممتازه بالليزر وراح تفتح بعد العيد أن شاء الله بالدوحه



وين بتفتح؟

[المستحيله]

وين بتفتح؟



ماقلت لي وين مكان العياده لحد الحين وراح استفسر منهم ان شاء الله وين مكان العياده اللي اعرفه بعد العيد راح تفتح بقطر

[Marazeem]

جزاكم الله خير كلكم ..
بخصوص اللي تكلمتوا عنهم :

١- عايدة صالح --> غالية وايد
٢- حسن عبدالله --> غالي بعد نفس أسعار عايدة
٣- الجراحة والتجميل --> كنت عندهم أسعارهم زينة بس عيزت وانا عندهم وما أشوف الشعر خف .. الا بالعكس طول !
٤- ألما الرفاعي --> جربت عندها بنت خالتي وفعلا احترق ويها وغالية بعد وما تستاهل


الباقين ما جربت عندهم

انزين ما حد قال لي عن بدرية آل محمود
أحد جرب عندها ؟؟

بليز ردوا ياللي جربوا عندها

[الشاااهين]

حبيبتي...
انا سويت ليزر في عيادة الدكتورة الاستشارية حصة البوعينين:nice:
عندها جهاز جديد بالهواء البارد بحيث ما تحسين بالم

والاهم الأسعار

كل منطقة في الجسم لها سعر .. واذا سويتي اكثر من منطقة تخصم وايد..
ومب بس الليزر الا بعد عندها الفيشال وجهاز المارس (حق السيلولايت يشد ويزيل السموم):ok:
على شكل جلسات على حسب الحالة
ولا .. الا بعد تخصم اذا كنتي تبين اكثر من منطقة
وزيادة على هذا اخر جلسة مجانا





اين موقع عيادتها
شكرا

[كلي أمل]

عيادة الدكتوره عايده الصالــــــــــح --- ماشاء الله عليها -

بس للامانه مب انا اللي سويت - اختي سوت لها منطقة الوجه عجيييييب شغلهااااااااااااا

والاسعار مادري صراحه - بقول حق اختي وبرد مره ثانيه

[meme~qatar]

اين موقع عيادتها
شكرا

دوار المرخية اخذ شمال جنج رايحة الدحيل او الجامعة بتحصلينه على اليمين حذا العيادة محل كاكاو واستيديو تصوير وعيادة اسنان ومحل ورد

تستقبل الدكتورة نساء فقط
وعندها في العيادة الدكتورة رولا حق الكل

[ذيب زكريت]

كل عياده اسعارها اغلى من غيرها وماراح تلقين شئ رخيص

[القطرية55]

أنا جربت الما الرفاعي من زمان تقريبا من خمس سنين وشغلها وايد حلو والشعر ما طلع ولا في اثار
بس الحين محد يمدحها يقولون صارت مب شي

[w.qatar]

كنت عند الما حسبي الله عليها حرقت لي وجهي صوب الشفايف انتفخ و كله ماي

غيرت و رحت مركز جراحه التجميل صرااااحه حسيت ان الما شريره اجهزتها قدييييييييمه و تحررررررررررق صج صج تعور ما صدقت نفسي يوم سويت عند جراحه التجميل جهازهم بارد و جديد وان شاء الله بكمل وياهم

[بنت مريخ]

افضل عايده الصالح تكفي معاملتها
ألمى مليون لا اسلوبها دفش وتعاملها زفت

[ورقــة أمــل]

احسن لكم في البحرين ارخص
جسم كامل ب 4000

[المستحيله]

احسن لكم في البحرين ارخص
جسم كامل ب 4000



وانتي الصادقه دبي احسن 3500 عند عياده سعاد لطفي الجسم كامل من وجهك لرجلك وراح تفتح بالدوحه وانا سئلتها قالت مثل اسعاري بالدوحه ماراح تتغير واجهزتها جديده وشغلهم نظيف جدآ واذا اسعارها كانت مثل دبي راح تضرب سوق الليزر اللي عندنا اللي اصبح تجاره كل واحد يزيد الاسعار على كيف كيفه

[w.qatar]

عاد ان شاء الله سعاداذا جات ما ترفع اسعارها اذا فتحت عيادتها تكفون عطونا خبر

[Rosy]

خوااااااااااااااااااااااتي

بسألكم حصه البوعينين شاطره بالليزر؟ وش رايكم بهااا؟
سمعت أن ألما الرفاعي غير عن قبل أجهزتها تطورت وش رايكم؟

[Limet UP]

احسن لكم في البحرين ارخص
جسم كامل ب 4000

انا بعد سمعت جذي.. بس عند مين.. هاي مب شي سهل هاي ليز يعني حرق وتشويه دائم لاقدر الله..

بس عند مين؟؟؟ وهل هو زين .. هاي المهم

الي يعرف يخبرنا؟؟

[Rosy]

مركز العريفي بالبحرين

محد جاوبني عل سؤالي؟

[MaRuKoO]

حبيبتي...
انا سويت ليزر في عيادة الدكتورة الاستشارية حصة البوعينين:nice:
عندها جهاز جديد بالهواء البارد بحيث ما تحسين بالم

والاهم الأسعار

كل منطقة في الجسم لها سعر .. واذا سويتي اكثر من منطقة تخصم وايد..
ومب بس الليزر الا بعد عندها الفيشال وجهاز المارس (حق السيلولايت يشد ويزيل السموم):ok:
على شكل جلسات على حسب الحالة
ولا .. الا بعد تخصم اذا كنتي تبين اكثر من منطقة
وزيادة على هذا اخر جلسة مجانا

اختي اكيييد ممتازه
:telephone:

[دلوعه امها]

انا سمعت عن شرين مركز قطر الطبي

[ANONYMOUS]

اش حادكم في تغيير خلقة الله

في موس بريال واحد فقط.. استخدام مره وحده وينقط

:p

[ANONYMOUS]

وانتي الصادقه دبي احسن 3500 عند عياده سعاد لطفي الجسم كامل من وجهك لرجلك وراح تفتح بالدوحه وانا سئلتها قالت مثل اسعاري بالدوحه ماراح تتغير واجهزتها جديده وشغلهم نظيف جدآ واذا اسعارها كانت مثل دبي راح تضرب سوق الليزر اللي عندنا اللي اصبح تجاره كل واحد يزيد الاسعار على كيف كيفه


عاد ان شاء الله سعاداذا جات ما ترفع اسعارها اذا فتحت عيادتها تكفون عطونا خبر


اذا جات وشافت الايجار 40 الف حق عيادتها..

بتخلي الحساب 60 الف

[!..فيونكه..!]

اي والله صااجين ايلما كلش معاملتها زفت ( الشبعان مافيه خير)
اانا الحين اروح مركز عيادة التجميل عند دكتور رضا بس خاطري اجرب حصة البوعينين

[Rosy]

حصه عيبهاا انها ما تحترم الموااااعيد,, تقولج دوامي 5 ماتدخل العياده الا قريب ال 7
لو بس تغير هالعاده .... اما الليزر ما جربته عندها ودي حد يفيدناا

[mariamm]

حبيبتي انا اتعالج عند بدرية المحمود

حبوبة وعسل وبالنسبة لليزر اوكي وعندها جهاز التبريد ما تحسين بالم ووايد

بس للامانة من ضمن الجلسات احترق وجهي وماقدر احط بذمتي يمكن مب منهم لان بشرتي حساسة

بس اذا رحتي لها خلى الممرضة الضعيفة تسوي لج مب الدبه :) لانها حرقت وجهي

ومن ناحية الاسعار اسعارها اوكي بس بعض الاماكن غلت اسعارها اشوي بس مب ووايد مقارنة بباقي العيادات

[fajer q6r]

انا اسوي ليزر بالبحرين

الصراحه نظيف شغلهم عن عياده العريض في ابن النفيس

[clouds]

في البحرين مرك العريض اشهر واحد لليزر
وهني جربت الما وحرقت ويهي يعل الله يحرق ويهها