❊❊ متى نتوقف عن تصديق خلطات الانترنت والعبث بصحتنا ؟ ❊❊

[ra3shat hadab]

السلام عليكم

*
*
*
*
*
*
*
*
*
*

سبحان من صوّر جمالك وسوّاك
سبحانه اللي ماخلق مثلك انسان

أصبحت حاير مندهش في مزاياك
أحيان اقدر أوصفك واعجز أحيان :o


هل يصلح العطارين ما أفسده الدهــر ؟

هااااجس الجمال عند الجنسين وصل للخلطات الغير مضمونة

فالبعض يدور الرخص في هالخلطات بما ان الادوية المصرحة والخاصة بالجمال غالية السعر...

والبعض الآخر لقى له ناس يقص عليهم وفتح له تجارة من ورا هالخلطات..

ما انكر ان هناك عطارين خلطاتهم مضمونه بس كم نسبتهم فالانترنت؟ أكيد النسبة جداً ضئيلة..


وإليكم آخر ما توصلت إليه الخلطات الانترنتية :nice: :


زيت نخاع التيس للرموش
زيت الضفدع لتلميع الركب
خلطة كلوركس للتبييض
زيت القروص لتنفيخ الشفايف
خلطة ام السعف والليف لتساقط الشعر
خلطة أم زغلول للتنحيف
خلطة ابو مناحي للصلع


:rolleyes2:

وه وه يا عالم وين عقولكم... :anger1: :anger1:
ليش سرنا نركض ورى الخلطات وضاربين بصحتنا عرض الحائط
ليش نسمح لأنفسنا بأن نكون (فــ...... تجارب) يا تصيب معانا ولا تخيب ؟!!
من بينفعنا اذا انضرينا من هالخلطات... اصحوا ولا تصدقون كل ما يكتب في المنتديات وقناة بداية !!!

هل تصدقون الخلطات المنشورة في الانترنت؟

شاركونا بتجاربكم الشخصية عن مثل هذي الخلطات سواء كانت جيدة أو سيئة..

[هبوب الشمال]

فيه الزين وفيه الشين

[HIGHNESS]

ما أصدق اي شي من الي يكتبونه او يتاجرون فيه ... وصدقوني مامنه فايده ولا 1% .....
لأن هالأشياء لو في منها فايدة كان وصوا فيها الدكاترة وكان شنا الصيدليات تبيعها .. وحتى اي محلات ثانية .. وغير انه نتايجها مش مضمونه وممكن تسبب اضرار .. فـ الواحد يشتري شي مضمون ومن جهه معروفه أحسن ...
بقولج يارعشة هدب موقف ... لي صديقه قبل عرسها بفترة اطلعت لها حبوب وكانت تبي توديها بأي طريقة ... وكتشفت انه في وحده تسوي خلطات .. وقالت لها النتيجة مضمونة وبرجع فلوسج اذا ماعجبتج النتيجة ... طبعا بعد اسبوع واكثر مافي نتيجة طبعاً .. تعرفين ليشششششش ؟؟؟؟
لإن الأخت حاطه لها كريم ( جونسن بيبي ) للأطفال هههههههههههههههههه ... والقهر باعته لها بـ 500 ريال ... ولما اتصلت لها عقب هالإكتشاف ... وعصبت عليها .. المره غيرت رقمها واختفت !!!..
نصب في نصب ...
انا اقول الوحدة تعتمد عالخلطات الطبيعية في البيت .. مثل زيت الزيتون والليمون واللوز .. الخ .. احسن لها من هالسوالف ....
تقبلي مروري .. :)

[بدور]

انا وحده ما جا على بالي استخدم اختراعات الزيوت والخرابيط اللي يتم عرضها في المنتديات

بالله عليكم شعر يتساقط زيت بيوقفه عن التساقط واسباب التساقط هرمونات داخليه في الجسم وشدخل زيوت

مخترعينها على كيفهم باسماء غبيه الحيه والعقرب والنمل وووووو كله نصب واحتيال

حتى السواد اكتشفوا له كريم يبيض والله حاله:rolleyes2:

قلة وعي من اللي يصدقهم لانهم في حالة نفسيه ويصدقون ان المنتجات تفيدهم

كل هالمنتجات مضره ومميته سواء اعشاب تنحيف او زيوت او كريمات

كل منتج يتم عرضه عن طريق النت ضارررر حتى الصابون

المفروض يكون الاستخدام عن طريق دكتور مختص مش عن طريق بيع بالنت

وشدراكم ان هالزيوت والكريمات صناعه موثقه من الصحه

كلاااااااااااااااااام فاضي للمعروضات الضاره :rolleyes2:

[أخت الغالي]

اذا زيوت عادية مثل اللوز والخروع اوكريمات بيبي جونسون دوف عادي اجربها يعني اذا مانفعتني ماتضرني
اما خلطات تنباع ماعرف شمصدرها لاماجازف بصراحة اخسر فلوسي فعيادات جلدية مضمونة وابرك لي من النصب ..

[فلفل حار]

متابع بصمت ... :)

[شاهيناز]

موضوع مهم اختي
للاسف في بنات يبحثون عن الاشياء السهله والسريعه جذيه نشوف اعلانات عن الخلطات الي تفقدك عشرات الكيلوجرامات من الوزن
بدل ماتفكر ان اسلوبها في الاكل خطئ
وتعدل منه
تبحث عن شئ يخليها تاكل وتنزل الوزن

المشكله ثقه البنات في ها الاشياء ولا تصدق انها تسبب لها الضرر
وتصدق كلام الصديقات الي ينصحونها بها

المفروض يكون في توعيه من اضرار ها الكريمات

وتسلمين اختي

[كلي أمل]

هههههههههه والله اضحك على حالنا

تدرون انا لو دكتوره تعطيني ادوا - اوسوس منه

عيل شلوون هالخلطات

No WaY

[مستثمره جديده]

انا شخصيا ما أثق في الخلطات اللي تنباع لاني اجهل مكوناتها واكثرها تحتوي على انواع من الكريمات الرخيصه اللي تحتوي على مادة الرصاص والزئبق وطبعا هالتركيبات مفعولها سريع لكن نتايجها على المدى البعيد تعيسه وتدمر البشره ..

انا استغرب من العروضات والدعايات اللي نشوفها على الخلطات .. منهم على سبيل المثال
تبين بشرتج السمره تصير مثل لون القطن والكل يسئلج عن السر تفضلي ..:omg:
تبين جسمج يصير مشدود وتنقصين 20 كيلو في شهر !! خشي ومش حتندمي :eek5:
تبين شعرج الليف يصير قطعه من حرير والكل يسئلج عنه حياااااااج ..:nice:
تبين تتعطرين والفريج كله يمشي وراج من حلاة الريحه ويسئلونج عن نوع عطرج تفضلي عندي :victory:

كل هذا كلام فاضي ودعايه للمنتج لا اكثر واذا شرينا من عندهم نكتشف انه كله خريط في خريط ولا فيه شي من اللي قالوا عنه ..

وبعض المنتديات النسائيه ماشاءالله ماخلوا شي الا وحطوه في خلطات البشره حتى معجون الاسنان:nice:

[The Watcher]

انا الحمدلله عقلي في راسي
وماعمري فكرت استخدم هالسوالف

[~ نســـايم ~]

عن نفسي لا احب لا ادوية كيميائية ولا خلطات ولا هالامور لان ما اضمن العاقبة


بس للامانة الشي الوحيد اللي استخدمته فقط زيت للشعر معروف حاليا ومن بعد سؤال وتمحيص والحمدلله كان مثل ما قالوا عنه ولم اصب باذى :secret:



ولكن بشكل عام الكثير من الخلطات مضره جدا جدا وانصح الجميع بتحري الدقه عسى الله يبعد عنا وعنكم الاذى والشر

[جنوب الدوحه]

اكثر الي يطلبون هذي الكريمات الحريم !!!