جهل المستثمرين

[مضارب دبلوماسي]

السلام عليكم

والله انا في حياتي ماشفت ناس بهاذي الطريقه اللي قاعد يحصل في الناقلات ناس ماستفادو
من درس الصناعات جهل وابو الجهل اللي يبيع بسعر السوق ياناس ياهيه امسك اسهمك وشوف شلي يصير لازم اتبيع اول يوم والله غرقو السوق اليوم ونزل السعر من 80 الى 71 لو في حد يفهم ان الاجانب مركزين على الناقلات كان محد باع. واتمنى التوفيق للجميع. :mad: :mad: :mad:

[عابر سبيل]

أخي العزيز/المضارب الدبلوماسي

اسمح لي شوي اخذ من دبلوماسيتك العاليه
و اقول لك ان الي يبي يكون ناصح أمين
و دبلوماسي ... ما يستخدم مثل هالألفاظ" همج"

ياخي لولا اختلاف الأذواق لبارت السلع...

يعني اذا ما احد باع اليوم... بيتم السهم عايم...و ما بيوصل
للأسعار اللي تحلم فيها....

و ايش بتقول لو ضرب السهم
الاسبوع الجاي تحت....تحت...

هل بتقول عن نفسك انك"...." لانك ما بعت...

يا اخي بهدووووووء...

و الله يوفقك و تحصل على ما تبيه..

100 و لا 500

انت آمر يالدبلوماسي

[مضارب دبلوماسي]

حلو كلامك ياعابر سبيل بس ابي اقولك شي انا موب بايع الا السنه الجايه وبذكرك كم السهم بيوصل واذا ماوصل السعر اللي ابيه بنتظر سنتين ثلاث ماعندي مشاكل بس المشكله ان الناس تدري ان التجار والاجانب الهوامير يبغون يشترون الناقلات امسك السهم يرتفع السهم وتسلم يالغالي ومايامر عليك ظالم.:rolleyes:

[حمد]

اخوي الدبلوماسي

فوائد قوم عند قوم فوائد .. يمكن انعكس المثل ... بس هذا الي صاير

شوف اخوي

في ناس محتاجه تبي اتبيع ... خل اتبيع دام انها ربحانه ... ومضطره في نفس الوقت

والهوامير خل يشترون ليش حاسدينهم ... هم عندهم ومب محتاجين خل يشترون وخل ترتفع اسهمهم

الكل مستفيد ...لان الي باع تلقيه مضطر

حمد

[إنتعاش]

هلا فيك اخوي الحبيب

اتمنى اخوي ان شوي شوي تمسك اعصابك اكثر :)

ادري انك تبي السهم يوصل اكثر واكثر

وهاذي امنيتنا كلنا :)

لكن اخوي لا تنسى

ان هنالك ناس من اهل قطر محتاجين للفلوس بأسرع وقت

للحاااااجة الماااااااااسه اللي ما يعلم فيها الا ربك

اللي ابو عيال وعليه ديون متراكمه

واللي واللي . .


فدام هالفئة اللي محتاجه للسيوله وعليها التزامات ماليه
بالعكس اقول لهم

بدال ما يوصل 100

وبعتوه على 50 او 40

وانتو ربحانين وبتسددون اللي عليكم وبتنفك كربتكم

اقول عليكم بالعافيه

وانا صابر على السهم دام الحاجه ولله الحمد ما جتني

لكن افرح لكربة باقي الناس ياغالي

[البرنس]

انا عندي 1,200 سهم بأذن ببيعها سنة 2030 ، والله يعطينا العمر ..
مع خالص تحياتي ...

[منصور]

كان ممكن يروح سهم ناقلات بأكثر من80 ريال
بس ال 600 الف سهم اللي نزلت على سعر 80 خلت السهم يتراجع

لكن يا دبلوماسي في ناس معذورين

عليهم ديون مايعلم فيها الا الله


ومن خلال المنتدى اقول اللي مب محتاج للسهم يخليه ذخر له والمحتاج يبيع ويفك كربته

[مضارب دبلوماسي]

يعطيكم العافية واسمحولي على الشد في الكلام وبالتوفيق لكم جميعا. :o :o

[المستثمر الكويتى]

الاخوان وجهة نظري ان مافيه وجه مقارنه بين الصناعات والناقلات

الصناعات شركه شغاله من عشرات السنين والناقلات لى الحين ما اشتغلت


الصناعات 4 = شركات

الناقلات = شركه واحده


والاعلام الكاذب للهوامير ضللكم وراح يسحب فلوووووسكم



اللى ما باع اليوم ماراح يحصل هذا السعر الا بعد سنه ونصف الى سنتين


هذا اذا ما اسبحوا منه اسهمه بسعر 40 ريال



اتعضوا ولايطوفكم الاسعار الخياليه بعد يومين راح تكون الناقلات من ضمن السووووق فى اللون الاحمر لا وبعد بتحب القاع يعنى بتصير مثل العقاريه العرض كبير جدا الشراء يمكن 20 سهم علشان نزلوووون سوقها

[كحيلان]

يرجى انتقاء الكلام بشكل افضل



شاكرين لكم حسن تعاونكم

[مستثمر تحت التعليم]

معليش يالربع الدبلوماسي دوم مكاير واسلوبه على طول جذيه بس الصراحه شيء يبط المراره ماب الكبد بس المسجات صار لها يومين شغاله !!!!! خسرونا أكثر من قيمة الأسهم وكل واحد يقول ارسل لمن تعرفهم ! وارسلنا وما خلينا حد واخرتها الي باعو 4898200 سهم مافكرو شوي والله لو العرض وقف لمدة نص ساعه بس صفر جان الحال ثاني ... واسمحولي جان طولت بس مقهور وقلت افش خلقي شوي

[مضارب دبلوماسي]

شكلك تبغي تشتري

[مضارب دبلوماسي]

شكلك تبغي تشتري هههههههههههههههههههههههههههههههههههههه :p :p

[البرنس]

لاااا تعلييييق ، بس اله يستر من الي جاي ....

[عـافـك الخـاطـر]

اخوي المستثمر الكويتي اتعرف وشو معناة الغاز ولا ماتعرف ؟

الله يهديك بس دووم ردودك اطيح المعنويات

[السيف المهند]

المستثمر الكويتي ...




قول نااااوي على كم سهم ودك تشتري من ناقلات ....

[سراب]

الله بالخير يامستثمر كويتي,عندي لك خوش خبر,,ماظن سهم ناقلات,الشركه الي تساهم بشكل كبير في اقتصاد الدوله,ينزل مشل ماقلت,شد حيلك وفوتك بعافيه

off u gooooooooooOOOOOOOooooooooooooooooo, c yaaaaaa don wanna be yaaaaaaaaaa :)

[ابن الجزيره]

ياجماعة ريحووووو بالكم..

بكره الامر يبان..

انت ولا انا..
نحكم..... البييانات.. والتحليل..


تقووول,,,,؟؟؟؟

حكم عقلك قبل جيبك..

دمتم سالمين

[المستثمر الكويتى]

الصراحه
كل ما قلنا شى قلتو ليش تغلط واحترم نفسك وما ادرى ايش

والغلط الواضح ما فيه اى تعليق من الاخوه مغرور وابو على والمشرفين والاداريين




يا مستثمر كويتي انصحك بمراجعة العياده النفسيه وبأسرع وقت ممكن وكلي اسف ياضيف



الله بالخير يامستثمر كويتي,عندي لك خوش خبر,في كذا عياده فاتحه 24ساعه,ماظن سهم ناقلات,الشركه الي تساهم بشكل كبير في اقتصاد الدوله,ينزل مشل ماقلت,شد حيلك وفوتك بعافيه


المهم ردا على اخى عافك الخاطر



ناقلات هى شركه متخصصه فى نقل الغاز وليس فى استكشافه واستخراج الغاز وتكثيفه

ليس لها اى علاقه بقطر غاز او راس لفان غاز مجرد نقل الغاز مثل ما فيه ناقلات نفط


ام الصناعات فهى مصنع الحديد وشركه البتروكيماويات وشركه الاسمده الكيماويه وشركه الاضافات البتروليه واظن هذه اكبر الشركات فى قطر


ثانيا الحكومه طرحت 30% من اسهم الصناعات اكتتاب


اما الغاز فطرحت 50% فهذا يدل على ان الصناعات اكبر واقوى حتى تتحكم فيها لاانها العمود الفقرى بعد شركات الغاز واقصد بشركات الغاز اللى هى قطر غاز وراس لفان غاز التى لم تطرح للاكتتاب ولن تطرح

[عـافـك الخـاطـر]

الاخوان وجهة نظري ان مافيه وجه مقارنه بين الصناعات والناقلات

الصناعات شركه شغاله من عشرات السنين والناقلات لى الحين ما اشتغلت


الصناعات 4 = شركات

الناقلات = شركه واحده


والاعلام الكاذب للهوامير ضللكم وراح يسحب فلوووووسكم



اللى ما باع اليوم ماراح يحصل هذا السعر الا بعد سنه ونصف الى سنتين


هذا اذا ما اسبحوا منه اسهمه بسعر 40 ريال



اتعضوا ولايطوفكم الاسعار الخياليه بعد يومين راح تكون الناقلات من ضمن السووووق فى اللون الاحمر لا وبعد بتحب القاع يعنى بتصير مثل العقاريه العرض كبير جدا الشراء يمكن 20 سهم علشان نزلوووون سوقها

يعني بالله علييك هذا رد
اخوي انا عارف واسم الاسهم ناقلات الغاز ادري يالغالي
ولكن في كل المواضيع لازم ردودك اطيح من معنويات الاعضاء
كل المؤشرات اتبين على ارتفاعه في الاسابيع الجايه
وانت داش اتقول انه ماراح يرجع يرتفع مره ثانيه
وانها بتحب القاع

[عليان]

الاخوان وجهة نظري ان مافيه وجه مقارنه بين الصناعات والناقلات

الصناعات شركه شغاله من عشرات السنين والناقلات لى الحين ما اشتغلت


الصناعات 4 = شركات

الناقلات = شركه واحده


والاعلام الكاذب للهوامير ضللكم وراح يسحب فلوووووسكم



اللى ما باع اليوم ماراح يحصل هذا السعر الا بعد سنه ونصف الى سنتين


هذا اذا ما اسبحوا منه اسهمه بسعر 40 ريال



اتعضوا ولايطوفكم الاسعار الخياليه بعد يومين راح تكون الناقلات من ضمن السووووق فى اللون الاحمر لا وبعد بتحب القاع يعنى بتصير مثل العقاريه العرض كبير جدا الشراء يمكن 20 سهم علشان نزلوووون سوقها



للمستثمر الكويتي انا فعلاً معك ولأول مره 100% هذه المره في تحليلك المنطقي بالنسبه لناقلات وتوقعات نزولها الفتره القادمه. وشكراً لك.

( شاسوي يا أخواني ,, الحق يقال ولو على قطع عنقي )

[مستثمر طموح]

تووة يا هاادي وصل 80 خلال اسبوع او اكثر بينزل 40 مستحيل
السالفة وما فيها بيحصل تجميع اما فوق ال 70 او تحتة بشوي لين ما يجمعون كم سهم وبعدين
بيعطون اشارة الا نطلاق الي الا علي يجنون اربااح و يقولون كل عام والسهم بخير السهم رايح تحت يا جماعة
بعد شهر 6

[هداف]

ياجماعه خفوا على اخونا الكويتي عسى ماشر ؟؟؟ مهما كان هذا ضيف والموقع قطري

يعني يا وجيه استحوا ...!! والرجال رده عقلاني بكل ما تعنيه الكلمه وصحيح اسهم ناقلات ارتفاعها فقط ها الايام

وبصير فيها ركود رهيب ونعم نعم بتحب القاع والقاعين بعد لانها ما بتشتغل الا 2008 واعتقد تجميد الاموال الكبيره لمدة 3 سنوات مايكون لذوي الدخل المحدود وهم اللي يمثلون 90 في الميه من السوق اللي بيشترون با لملايين ولا بضارهم عددهم قليل ... ولذلك سوف يكون هناك ركود في تداول اسهم ناقلات بعد ان يحصل كل مستثمر على حصته وبعدها بيات شتوي صيفي لمدة ثلاث سنوات او سنتين حتى تشتغل الشركه ونعرف حصص الارباح ونعرف شنهو مستقبلها وتوسعاتها الاستثماريه با لظبط !!!!


اعتقد كلام الكويتي .. كلام خبير في السوق و مش غريب ان كلامه ما يعجبكم مادام مواضيعكم
(( الاتحاد قوه وخلونا نمسك الاسهم ولا نبيع الا بـــ 100 و 200 !!!!!!!!!!! )) في ذمتكم هذي عقليات ناس تدخل البورصه !! حشى خيمة الربع هذي مهب بورصه


الله المستعان


الله المستعان

[عبدالمحسن]

السلام عليكم ورحمة الله وبركاته

عجيب امركم ،،

اتمنى تكونوا من اصحاب الرأي ، وأن لا تتأثروا بأي كلام يقال ، وان توجهوا انفسكم بأنفسكم ، ولا تتبعون كل من يتفوه بما يراه هو بدون ادله وبراهين.




اخي مستثمر كويتي ..

اسهم ( ناقلات ) قبل كل شيء فهي مكرمه اميريه من الأب للأبناء... واعتقد بأنها فرصه لاتعوض للشعب القطري خاصه .. ومن يستطيع تملكها من ابناء المنطقه بهذه الأسعار الزهيده المتادوله في اليوم الأول .




عزيزي مستثمر كويتي ..

اسهم ( ناقلات ) اطلق عليها النائب الثاني مسمى الأسهم ( الذهبيه ) ، وتم التصريح بذلك في مختلف وسائل الأعلام .
ومثل هذا التصريح يرفع قيمة السهم لا ينزّله!



اخي مستثمر كويتي ..

اسهم (ناقلات ) هي لشركه طموحها بان تكون هي الأولى على المستوى العالمي .. وليست على مستوى الخليج او الشرق الأوسط او العالم الثالث . وسوف تكون كذلك أن شاء الله.


فهل تعتقد بعد كل هذا بأن ينزل السهم الى 40 ريال !!!!؟؟؟؟




إذا كانت اسهم ( المواشي) لازالت متماسكه بعد انهيار السوق وسعرها 49 ريال ،، فهل تعتقد بأنها اقوى من اسهم (ناقلات). ؟؟






اخواني المستثمرين ..

والله انني ارى بأن الأسعار التي وصل اليها سهم (ناقلات) بالامس 80 ريال، سعر زهيد. وحتى لو ارتفع خلال الاسابيع القدامه الى 200 ريال . فأنه سعر زهيد . مقابل هذه الشركة العملاقه، وهي بالطبع الأولى من نوعها.
وصدقوني راح يصل سعر هذا السهم الى مبلغ خيالي.





اخواني المستثمرين ..

ارى بأن لم يكن محتاج حاجه ماااسه ، بأن لا يستعجل في البيع ، وكل ما اصبر كان خيرٍ له.






اخي مستثمر كويتي ..

يقول المثل ( ماكل مجتهد مصيب) ، هذه وجة نظرك ، ونحن نحترمها. ولكنني ارى بأنها لا تمت للواقع بصله.

ولدي ملاحظه وهي قولك ..

ان الدوله ماراح تعرض اسهم لشركة الغاز وشركة راس لفان !!!!! ؟؟

اتمنى بأن لايكون من وراء كلامك هذا مغزى آخر ..!!

ولكن لدي سؤال .. ماهي قيمة شركات الغاز بدون النقل ؟؟ والنقل هنا عن طريق ( الناقلات ) والتي اصبحت ملك للشعب القطري. والذي اتمنى بدوري بأن لا يفرطوا فيه..





تحياتي لكم جميعاً