جزائري يلقي بزوجته من الطابق الثالث قبل دقائق من موعد الإفطار

[دلة الرسلان]

الجزائ- فتيحة بوروينة:

ألقى مواطن جزائري بمنطقة عين الكبيرة التابعة لولاية سطيف (350 كلم إلى الشرق)

بزوجته من شرفة البيت الواقع في الطابق الثالث قبل لحظات قليلة من موعد آذان الإفطار

مسببا هلعا كبيرا وسط الحي السكني الذين هبّ جميعهم باتجاه المرأة التي وجدت نفسها

تهوي أرضا وهي التي كانت تستعد لتذوق ما حضّرته لزوجها وأطفالها بعد يوم شاق من الصيام

في مدينة جزائرية داخلية مثل سطيف تعرف بدرجات الحرارة المرتفعة.

والمحير في الأمر أن الزوجة المسكينة التي عرج بها من المطبخ إلى الشارع في رمشة عين

على ارتفاع أكثر من 15 مترا لم تصب بأذى كبير.. لكن فاجعتها وفاجعة الجيران كانت أكبر من

بعض الكسور الطفيفة التي طالت جسدها. لا بد أن ما حدث لتلك المرأة كان لطفا من عند

الله في مثل هذا الشهر الكريم.. شهر الرحمة والتضامن، شهر تتقارب فيه القلوب وتتآلف بدلا

من أن تتنافر و تتخاصم.

وبينما توجد الزوجة بالمستشفى العام لمدينة سطيف للعلاج من كسور على مستوى القفص

الصدري فان زوجها الذي "غلبه رمضان" مثلما يقال في الجزائر رهن التحقيق لمعرفة

ملابسات الحادثة.

:omg: خاطري اعرف اشلون غلبه رمضان !!

[ROSE]

بل عليه

زين الحمدلله ان ربي لطف فيها

تحصلينها ماسوت له العصير اللي يبيه او الشوربه اللي

يبيها وعصب عليها من اليوع وحذفها :anger1::anger1:

خلوا بالكم يالحريم كل وحده تطبخ لزوجها اللي يبه ولا بتنحذف ترى

وقد اعذر من انذر


مشكوره دله ع الخبر والتحذير من هالنوعية من الازواج هههههههههههه

[الـقـاسـي]

غلبه رمضان يقصدون فيها اتوقع اثر عليه الصوم ..

بس حسبي الله عليه شنو قلبه هذا .. مرته ام عياله يقطها من الدريشه .. عنبوه مايخاف الله ..
يبي يذبحها ولا شنو هانت عليه العشره .. اعوذ بالله من هالناس شي يرفع الضغط .. هذا المفروض ياخذ فيها ع الاقل 20 سنه سجن او اعدام حتى ..

مشكوره اختي ع الخبر اللي يقهر ..

[مرتبش]

شدعوة يساوون رمضان بالشيطان
لا حول ولا قوة الا بالله

[فارس قطر]

لا حول ولا قوة الا بالله

[BIG-VEGA]

هاردلك

[الفا برافو]

مايسويها انسان عاقل الا اذا مجنون اوقليل الايمان بالله رب العاليمن

[ابن قطر]

شكرا على نقل الخبر


ونتمنى ان لا يؤثر هذا الامر فينا نحن معشر الرجال

والي مب عاجبة عصير او طبخة .......

عموما هذا مب صاحي؟؟؟

[غزلان]

مب صاحي

مادمروا النسوان الا رجاجيل هالزمن

[وثيقة قطرية]

مافي رحمه

الحمدلله الله حفظها

المفروض تطلب الطلاق هذا وحش مب زوج

[فراغ]

ودك هذيه يمسكونه ويقطونه من نفس الطابق حتى ما يعودها مرة ثانية

[شيزكيك]

الشي الي يقهر لو رجعت له عقب هالفعله يمه منه هالمجرم

[GULFSUN]

ودك هذيه يمسكونه ويقطونه من نفس الطابق حتى ما يعودها مرة ثانية

بعد فيها مرة ثانية :omen2:

[م. عبدالعزيز]

ول ول .. افففففف وين الرحمه !!

[فراغ]

بعد فيها مرة ثانية :omen2:
أقصد يالحبيب ما يعودها مرة ثانية مع الزوجه الجديدة
يقولك الزوجه الأولى خلاص تكسرت كل شي عندها تعور
حتى الرود معووج

[بدور]

طيب ما انذكر السبب الحقيقي ليش غلبه الصيام :(

لاحول ولاقوة الابالله العلي العظيم

يستاهلون الحرق الرجاجيل مل نلوم الحريم اذا احرقوهم:(

[bnb]

مسكين
صبر صبر وأخرها كسور بسيطه
المره الجاية من فوق السطح

[وطن]

شسالفة الرياييل اللي كل رمضان يسوون لهم مصيبه !!!

لهذي الدرجة ما يستحملون الصيام !!!

[bshayer]

الله لايبلنا ولايبتلينا ..ازواج اخر زمن ..علشان بطنه يقط زوجته من الدور الثالث !!

وبانه الزوجه حيه وهو بالتحقيق اقل شي تطلب اعدامه ..لابارك الله فيه ..!!

[هتـان قطر]

حسبي الله ونعم الوكيل كل هذا علشان بطنه :omg:

دله ...أحيلك على موضوعي بهذا الشأن :nice:

http://www.qatarshares.com/vb/showthread.php?t=293428

[حقيقه]

حسبي الله ونعم الوكيل
الله ينتقم من كل رجل ظالم

[HIGHNESS]

غلبه رمضان ؟؟؟ ليش رمضان بس اكل وشرب ؟؟؟ ... الصيام يعود الواحد يضبط نفسه من كل ناحيه مو بس يوقف اكل ... الحمدلله المره ماصار لها شي .. وهالمتوحش لازم ياخذ جزاه ...

[Locale]

بل عليه

تحصلينها ماسوت له العصير اللي يبيه او الشوربه اللي

يبيها وعصب عليها من اليوع وحذفها :anger1::anger1:

خلوا بالكم يالحريم كل وحده تطبخ لزوجها اللي يبه ولا بتنحذف ترى

وقد اعذر من انذر


مشكوره دله ع الخبر والتحذير من هالنوعية من الازواج هههههههههههه




ههههههه همه بطنه حسبي الله عليه
قلنا اليوع ينرفز بس مب جذي ..!

[هداف]

الحريم جننوا الرجاجيل وطلعوهم من طورهم وهذي النتيجه في الجزائر :) عندنا في الخليج النتايج غير

[cobra]

استغفر الله العظيم مهما كان اللي سووته ما يوصل انه يحاول يذبحها
ناس متخلفه

[قطري وأفتخر]

حسبي الله عليه

تأبا المروئه والله

[العـوا]

حصل خير

[درب السعادة]

خيرها في غيرها ......... لو ترجع له الحين بحذفها من سطح العماره هههههههه

[مسفر2]

لحول ولا قوة الابالله

[Me&OnLy]

لاحول ولا قوة الا بالله شهالتخلف الحمدالله الذي عافانا مما ابتلاه وفضلنا على كثيرا من خلقه

[خبير أقتصادي]

هذا يمكن يتغشمرأو يبي يدلع زوجتة

[هذلان]

ههههههههههههههه يا مال الضعفه من الدور الثالث ولا ماتت :pardon:

من قريت الموضوع دريت ان الردود بتفطس من الضحك .

يا جماعه ترى الجزائريين غير و الي عاشرهم يعرف ايش اقصد .

هي اكيد العشره بينهم انتهت و انا اشور على الزوج انه لا بغى يتزوج مره ثانيه يسكن في دور من العاشر و فوق ههههههههههههه بعض الحريم قطاوه مايموتون بسرعه :nice:

[البنـدري]

لا حول ولا قوة الا بالله

[abdulla999]

الله يعينها على بلواها
والبيوت اسرار

[PRINCESS]

:eek5:
ماماتت:eek5:
هاذي بزونه ب 7 أرواح:secret:
وعادي عادي يمكن من تطلع من المستشفى ترجع البيت بكل روح رياضيه:rolleyes2::rolleyes2:
والدنيا حلوه والامور سهالات:rolleyes2:
شهالزمان؟ وشهالرجال اللي عقولهم طالعه واجب:anger1:
والله صدك العقل زينه:rolleyes2:

[بواردي]

حسافة بيتنا ارضي ..........

ما قطها من الدريشة الا اكيد طلعته روحه والله اعلم

بس هذا الريال ما يمزح يده والدريشة مفروض يلزمونه يعيش دور ارضي
ويسكرون عليه الدرايش بطابوق

[ANONYMOUS]

فطّرها القار الله يجزاه خار

[السندان]

الله يهدي ويصلح بالهم وجميع المسلمين

الحمدلله على السلامة

[برشلوني قطر]

بل عليه

زين الحمدلله ان ربي لطف فيها

تحصلينها ماسوت له العصير اللي يبيه او الشوربه اللي

يبيها وعصب عليها من اليوع وحذفها :anger1::anger1:

خلوا بالكم يالحريم كل وحده تطبخ لزوجها اللي يبه ولا بتنحذف ترى

وقد اعذر من انذر


مشكوره دله ع الخبر والتحذير من هالنوعية من الازواج هههههههههههه




خساااااااااااره بيتي ارضي ههههههههههههههههههه ^^^


مشكووره اختي دله ع القصه..بس ماعرفتي ايش معنى (( غلبه رمضان ))

[ANONYMOUS]

هذا والله اعلم يندرج تحت ضرب الحبيب مثل اكل الزبيب

[ذيب زكريت]

ما عنده سالفه -- اي شئ غلط يسوونه يقولون من رمضان

[هذلان]

فطّرها القار الله يجزاه خار

هههههههههه مشكله