ابي اطلع لي ليسن

[انيقه]

مرحبا اعضاء المنتدى الكرام في البدايه مبارك عليكم شهر رمضان الموضوع انا ناويه اطلع ليسن وحابه اعرف وين احسن مكان اخذ فيه الدوره واقدر احصل اليسن بسرعه يا ريت تفيدوني بخصوص هالموضوع وجزاكم الله الف خير

مع تحياتي انيقه :shy:

[Arab!an]

المدارس كلهم نفس الشي..

بيعطونج شارع واذا انتي واثقه من روحج بتاخذين الليسن

[غدير البورصه]

حاولي تستغنين عن السواقه

السواقه للريايل لانها تبي قلب قوي وانتباه ولان السواقه مسؤؤليه خطيره.

[انيقه]

حاولي تستغنين عن السواقه

السواقه للريايل لانها تبي قلب قوي وانتباه ولان السواقه مسؤؤليه خطيره.

اختي انا ابي الليسن للجامعه لاني كل كورس اتبهذ بسبت عدم توافر المواصلات وشاكره لج مرورج

[واقع]

على حسب موقع السكن جوووفي لج مدرسه قريبه من البيت
وانتي وشطارتج بتاخذين الليسن بسرعه

واذا شديتي حيلج يمكن يعطونج ليسن دراجه بعد


:taunt::taunt::taunt::taunt::taunt:

[الرايــق]

مدرسة الخبرة للسواقة ..
ما عندهم زحمة .. قريب بوهامور

[انيقه]

مدرسة الخبرة للسواقة ..
ما عندهم زحمة .. قريب بوهامور

شوديني بو هامور انا ساكنه في الدوحه مشكور اخوي

[انيقه]

شاكره لكم مروركم

[doha_vip]

مب زينه السواقه حق الحريم

[عبدالرحمن]

خلي حد من اخوانج يعلمج السواقه ترى مايبلها شي ووفري فلوس المدرسه حق قسط شهر لسيارة

[حقيقه]

مرحبا اعضاء المنتدى الكرام في البدايه مبارك عليكم شهر رمضان الموضوع انا ناويه اطلع ليسن وحابه اعرف وين احسن مكان اخذ فيه الدوره واقدر احصل اليسن بسرعه يا ريت تفيدوني بخصوص هالموضوع وجزاكم الله الف خير

مع تحياتي انيقه :shy:


لاتسرعين وتفكرين تاخذينه بفتره بسيطه
لانه كل ما زادت فترة التدريب يكون هذا احسن لس عشان تعلمين اكثر واكثر واكثر
والله يحفظس من كل شر
وان شاءالله الاعضاء يذكرون احسن المدارس

[>>> غــمـــوض <<<]

التدريــب على السواقــه شي وااايد بسيط ويعتمد عليج شخصيــا اذا كنتي سايقه كذا مره مع هلج او لا
قلبج قوي او تخافين
والحيــن في سيارات تمـاتيكـــ تدربين عليها مو مثل اول التدريــب كله بقير عادي........ والتماتيــك اوردي مايبيله شي

شدي حيلج انتي وشطارتــج .،...... انه اختي خذت الليسـن في 3 ايام بس
ودخلت مركز التدريب كإجراء روتيــني لا اكــثر ولا اقــل ... لان قالو لها لازم تدخلين المركــز حتى لو كنتي تعرفين تسوقيــن

واختاري اقرب مكان لتدريب السواقــه من بيتــج

والله يوفقـــج :nice:

[مزيون الدوحه]

عندج الرايه لتعليم السواقه
مكانهم في مدينة خليفه جنب
المرور القديم على الاقل اخذي لج
10 ساعات او 15 ساعة تدريب
وحتى تعرفين الاساسيات والقوانين
مثل الانعطافات وكيفية التجاوز وصف
السياره بالعرض .
واهم شي تكون عندج الشجاعه والثقه بالنفس
وموفقه اختي ان شاء الله

[مسفر2]

الحين متضايقيـــــــن من الحريم الي يسوقون ويضيقون علينا في الشوارع ( الغشامه)

بالتوفيق ان شاء الله

[العـوا]

بلتوفيق

[BURBERRY]

الله يوفقج

[غبيش]

اسرع طريقه بالواسطه
ههههههههههه
بس انصحج تعلمين بمدرسه عشان اتقل الحوادث
تحياتي

[_بوشهاب_]

لرفع المعنوايات

السواقه سهله مايبيلها شي بس اهم شي تركزين على المناظر الموجوده بالسياره وتعرفين زوايا اللفات بس
وعندج مدرسه الرايه وايد زينه واعتقد في عشرين ساعه بتكونين سواقه بأذن الله
وانا ما انصح انج تدخلين واسطه في السواقه عشان تتعلمين وتتمكنين من السواقه
الله يوفقج

[انيقه]

مشكورين وما قصرتواااااااااااا والله يعطيكم العافيه وانتضر ردود البقيه انزين انا سمعت بكروه لتعليم السواقه
هل صج موجود ولا ؟؟؟؟ ووين مكانهم

[البعد الخامس]

أختي الا السواقه لا تدخلين الواسطه فيها ولا تحاولين تاخذين الليسن بسرعه

نصيحه أذا خذيت الليسن في فتره بسيطه ماراح يكون لصالج أو لصالح غيرج

كل مازادت فتره تدريبج كل ماتمكنتي من السواقه أكثر وأكثر وزالت عنج الرهبه وعرفت القوانين عدل وطريقه التصدي للمفاجآت الغير المتوقعه أثناء الطريق

حاولي تآخذين 25 يوم تدريب ولا تقدمين أمتحان الأ بعد 25 يوم

لا تقتنعين بكلام المدربه لما تقول لج أنت شاطره وممتازه واتقنتي في 14 يوم السواقه قوليلها أنا دفعت ل 25 يوم تدريب لني أبي أتدرب 25 يوم حتى لو أنج اتشوفيني ممتازه

ترى اغلب المدربين يقولون للمتدربين أنتو خلاص أساتذه عقب أسبوع تدريب

توكلي على الله ولا تختارين وقت التدريب لما تكون الشوارع فاضيه لأن بعد التدريب بتسوقين في جميع الأوقات مش بس وقت معين

وبالتوفيق

[ذيب زكريت]

مدرسة الرايه اللي بمدينه خليفه فيه وحده باكستانيه منقبه اسمها ام حمد

تدرب زين واذا تبين تييج تدربج حصات اضافيه من البيت الساعه ب 50 ريال

اذا تبين رقمها راسليني وباعطيج اياه تستفسرين منها

[الـقـاسـي]

السواقه مايبي لها شي اختي اللهم شويه ثقه بالنفس بس .. حاولي تسوقين اول شي فالبر عشان تكسبين ثقه شوي ..
والمدارس كلها نفس الشي مافيها فرق ونصيحه خلي واحد من اخوانج او ابوج يعلمج السواقه لانه بيعلمج بشكل صحيح ..

ولاتستعجلين مثل ماقالوا الاعضاء لان هذي سواقه وانتي شايفه الحوادث عندنا شلون صايره ..
والمدارس مثل ماقلت لج ماتفرق السواقه هي السواقه مش طبخه عشان تختلف من مكان لين مكان ..

[انيقه]

والله مشكورين وما قصرتوا والله يعطيكم الف عافيه صج صج افدتوني وااايد وجزاكم الله الف خير

[Northman]

بالتوفيق اختي
وعقبال الليسن الثقيل

[doha70999]

السواقة سهله بس يبيلها تركييييييييز وبس ،، المدارس اللي اوكي الراية بخليفة الجنوبية وانا تدربت فيها واللي بالمطار بعد زينة هلي تدربوا فيها ولو تبيم رقم وحده تعطيج بعد دروس خصوصية انا اعرف وحده ممتازة =)

بس اهم شي تكون عندج خلفية في السواقة ويالله شجي حليج علشان نتسابق:nice:

بالتوفيق ،،،،

[ثرية]

عندج مدرسة الرايه
في مدينه خليفه

وعندهم مدربات وايد زينات


بس اللحين في رمضان موقفين تدريب الحريم ايقولون مممنوع

[ثرية]

انا ماخذه ليسن ولا اسوووووووووووووق خوافه من قلب

[w.qatar]

مدرسة الرايه اللي بمدينه خليفه فيه وحده باكستانيه منقبه اسمها ام حمد

تدرب زين واذا تبين تييج تدربج حصات اضافيه من البيت الساعه ب 50 ريال

اذا تبين رقمها راسليني وباعطيج اياه تستفسرين منها

اخوي ممكن رقم ام حمد

[(حوريه)]

هلا بالحلوه

بالعكس السواقه سهله وحلوه وممتعه

اول شي لازم تروحين المرور وعن طريقه تحصلين على اليسن

ومدارس كثيره

مدرسه الرايه

مدرسه قطر

مدرسه في الخريطيات

انتي اختاري الاحسن والافضل

وبامكانك التعليم قبل مع سائق يقرب لش او من صديقاتك


من ايام شفت رقم وحده بالوسيط تدرب على السواقه..

سيده عربيه لديها خبره15 عام في تعليم السواقه

(( يمنع وضع رقم الهاتف - الإدارة ))

اتصلي بها وخليها تعلمك اكثر

[شويهينــه]

:weeping::weeping::weeping:

بعطيج ليسني اذا تبينه

[انيقه]

هههههههههه مشكورين وما تقصرون فيكم الخير والله بس انا وااايد خوافه وخلفيتي زيروووو

[بدون زعل]

بالتوفيق الشيخه

::وعقبال الليسن الثقيل

:victory::victory::victory: