مواقع التورنت أغقلتها كيوتل كلها؟

[رجل الجزيرة]

إخواني الكرام

السلام عليكم ورحمة الله وبركاته


من شوي بغيت برنامج معين للأنتي فايروس عن طريق torrent
وإلا الحبيبة كيوتل أغلقتها فما هو السبب؟

أنا أخبر قبل الرمضان بأيام نزلت لي الوندزو الفيستا ومن شوي رحت للموقع نفسه إلا هو مغلق وجربت جميع مواقعها إلا كلها مغلقة. أحد منكم عند رد؟

وجزاكم الله خير.

[الواعد]

مرحبا أخوي

أنا شيكت على كذا موقع وحصلتها تفتح ، شوف جرب

http://www.mininova.org

http://thepiratebay.org




وهذا موقع عبارة عن فهرس لعدة مواقع تورنت

http://www.torrentz.com


كلها في هالوقت تفتح عندي تمااااااااام

[سهم المراقيب]

وعليكم السلام ورحمة الله ,,
كيوتل تغلق الصفحات اللي فيها صور مخله للآداب والله أعلم ... في مواقع للتورنت مفتوحه وبكثره .. جرب www.isohunt.com ,, اذا تبي غيره موجود ايضاً ,,

[وليف قطر]

شغاله المواقع كلها يالغلآ

لو تبي حط الرابط ويجربه أحد الأعضاء .. جايز المشكله من عندك ..


موفق ْ

[رجل الجزيرة]

اي والله شغالة، بيض الله وجيهكم.

[جنوب الدوحه]

مرحبا الغالي ,,,

انا شيكت على المواقع الي ادخلها وكلها شغاله ولله الحمد :)

هذا الموقع الاول وهو يعمل لك سكان على مواقع كثيره وبصراحه جيد

http://torrentscan.com/


وهذا للأفلام :) <<< بس اذا طلع مشهد مب زين غمض عيونك عشان ما اخذ اثام :)

www.torrentfive.com

وتقبل مروري :)

[WAR]

كيوتل والزمن طويل :)

[أغلى البـشر]

انا احاول انزل افلام بالتورنت بس مافي ينزلون شالسالفه ؟؟

[رجل الجزيرة]

مرحبا الغالي ,,,

انا شيكت على المواقع الي ادخلها وكلها شغاله ولله الحمد :)

هذا الموقع الاول وهو يعمل لك سكان على مواقع كثيره وبصراحه جيد

http://torrentscan.com/


وهذا للأفلام :) <<< بس اذا طلع مشهد مب زين غمض عيونك عشان ما اخذ اثام :)

www.torrentfive.com

وتقبل مروري :)

بيض الله وجهك.

[رجل الجزيرة]

انا احاول انزل افلام بالتورنت بس مافي ينزلون شالسالفه ؟؟

ما عندي خبرة في الأفلام ولكني أحب البرامج وخاصة الوندوز الجديد 7 ولو لين الحين ما نزل رسميا لكنه عجببببببببيب وممتاز.

[رجل الجزيرة]

كيوتل والزمن طويل :)

أي والله إنك صادق.

[eXpert*]

اليوم حاولت انزل برنامج uTorrent لقيت الموقع مغلق.

بس دخلت على موقع cnet و نزلت البرنامج :)

[بولينجر]

اصلا كيوتل الحين لها شهر وهي تلعب علينا.... تسكر الموقع اسبوع وتفتحه يوم ثم تكمل تسكره اسبوع... وانا قاعد لهم متصيد لحركاتهم السخيفة....

ومن الاساس موقع برنامج التورنت مافيه شي غير قانوني... جيب لي اي واحد في العالم يقول لي برامج التورنت غير قانونية.... ماعندهم حجة.... طيب ليش يسكرون موقع لبرنامج التورنت؟!

الشي الثاني هي المواقع اللي نجيب منها ملفات التورنت.... ولا واحد منهم فيه شي يخالف قانون كيوتل ومع ذلك يسكرونها... الظاهر عندهم وفد من العيون الزرق ويبون يبهرونهم بالمنع اللي مسوينه...

انا راسلتهم كذا مرة وردوا علي بمسج كوبي بيست انهم بينظرون في المشكلة ولاحياة لمن تنادي.... لا تليفون معاهم ينفع ولا ايميل..... والله تصرفاتهم تصرفات اطفال.... الموقع يوم يفتحونه واسبوع يسكرونه...

[بوناصر-قطر]

السلام عليكم ورحمة الله وبركاته

ممكن تاخذوني على قد عقلي وآزعجكم بسؤال وهو

ايش هالتورنت هذا؟؟

[بولينجر]

السلام عليكم ورحمة الله وبركاته

ممكن تاخذوني على قد عقلي وآزعجكم بسؤال وهو

ايش هالتورنت هذا؟؟

وعليكم السلام ورحمة الله....

ولا يهمك.....:nice:
انا بأشرح لك....

الله يسلمك التورنت هو برنامج للتنزيل.... طيب ايش ينزل؟ ينزل لك كل شي من برامج وافلام ومسلسلات.... كل شي تتوقع انك تدوره في النت بتلاقيه في التورنت ايا كان حجم المطلوب....

لما تبي تنزل شي بالبرنامج تحتاج انك تلاقي الملف المطلوب على صيغة التورنت حتى يقبلها البرنامج.... ويبدأ التنزيل بمجرد انك تنزل ملف التورنت الصغير (مايتعدى ميجا واحد) على جهازك.... وملفات التورنت هذي موجودة بالمواقع الخاصة بالتورنت.... واللي كيوتل سكرت معظمها....

مبدأ التورنت يختلف تمام عن تنزيل المطلوب مباشرة.... حيث انه يعتمد على مبدأ المشاركة بالملفات بين الناس... يعني انت تنزل وغيرك ينزل نفس المادة المطلوبة وتتبادلون اللي نزلتوه لحد ما يكتمل الملف عند كل واحد.... وساعتها تقدر توقف مشاركة الملف بينكم....

يعتمد التورنت على وجود seeds (يعني ناس عندهم المطلوب كامل) و Peers (يعني ناس تبي هالمادة مثلك وربما نزلوا جزء منها قبلك).... يبدأ Seeds يمد الـ Peers بالمادة المطلوبة مقطعة الى اجزاء حتى تكتمل.... وهنا تقدر توقف المشاركة مثل ما وضحت من قبل....

من ميزات التورنت انك تقدر تشارك وتنزل ملفات كبيرة الحجم جدا تصل الى 100 جيجا بايت او اكثر دون اي مشاكل من انقطاع الاتصال او غيره.... لانه حتى لو انقطع الاتصال او سكرت الجهاز تقدر تكمل تنزيل على راحتك بعدين.... لو مثلا نزلت من الملف 30% ووقفت وبعدين شغلته بيكمل لك بداية من 30% وطالع..... الى ان يكتمل الملف عندك....

ولو في اي سؤال انا حاضر ان شاء الله....