هل صحيح ان تم تطبيق المخالفات الفورية على اللبس غير المحتشم [الأرشيف]

hot2000

27-08-2009, 02:08 PM

هل صحيح انه تم تحرير مخالفه فورية على من يتم مشاهدتها بلبس غير المحتشم هالكلام من شخص صديق من بلاد الشام تم تحرير مخالفة فورية لزوجته في احدى المولات بعد ان شاهدوها رجال الشرطة بلبس غير محتشم وتم تحرير لها مخالفة فورية

ومن مصدر اخر تم تأكيد لي هذا القرار انه سيتم تحرير مخالفات للبس غير المحتشم

الي عنده اخبار ولا زياده لنفي ولتأكيد الخبر

الحمدلله رب العالمين اللهم احمدك واشكر فضلك

وطن

27-08-2009, 02:10 PM

أنا سمعت بعد ان تم مخالفة وحده
بـ 1000 ريال ان ما خاتنتي الذاكره
والسبب طبعا اللبس

بس من بعد هالسالفة شفنا وايد مناظر في المجمعات

فما ادري هل الكلام صحيح او لا!!!

بدور

27-08-2009, 02:13 PM

عساه الخبر صدق ان شاء الله

مانبغي سمعت وقالوا نبغي قانون المخالفات يكون حقيقي مش مجرد سمع ملينا من الاشكال المقرفه

ولد شرق

27-08-2009, 02:18 PM

الموضوع مهي وجوده المخالفه
الموضوع الاهم تطبيق هالمخالفه

تعبنا من وجود المخالفات بدون تطبيق
واقرب مثال مر المجمعات وشوف... (بناء على قرار مجلس الوزراء يمنع التدخين)
اشوي وإلا الريال قاعد تحت هاللوحه و يدخن...

hamoor4ever

27-08-2009, 02:23 PM

ماعتقد اخوي اصلا صعبه ، هم خل يسوون شي بخصوص المدخنين في المولات تبيهم يقدرون على لبس الناس اصلا صعبه وايد

Locale

27-08-2009, 03:06 PM

من زمــان سمعت بمثل هالخبر في احدى المنتديات القطريه

بس مااشوف صــار شي ..!

مسفر2

27-08-2009, 04:08 PM

كلام فاضي خلهم يمنعون (الخمر) الي في الفنادق وغيرها .

وبعــــــــــــدين يحطون قانون المخالفات .

انا ما ابغي اتكلم اكثر واجيب العيد

شكرآ على الموضوع

العـوا

27-08-2009, 04:15 PM

مافي معلوم

أم هشام

27-08-2009, 04:45 PM

انشالله الله يسمع منك
والله مناظر تقرف اكثر منها مغرية
واذا يخالفونهم بالف ريال احسن واحسن
تطلع ميزانية الودلة كلها من وراه الفلبينيات واحد الجاليات العربية المعروفة بلباسها الفاضح جدا

المزن الرياني

27-08-2009, 04:52 PM

مستحيل يطبقون مثل هالقرار
قرار مثل هذا يعتبر تعدي على الحريات الشخصيه
وطبعاً أحنا بدوله ديمقراطيه ومستحيل تتعدى على الحريات الشخصيه اللي كفلها القانون

ولد الخال

27-08-2009, 04:53 PM

هل يمكن تحديد ما هو اللباس المحتشم

هذا مطلوب تحديده قبل تطبيق المخالفة على الناس

هل تطالب بأن تقوم الخمسين جنسية المقيمة في قطر أن تلبس الزي القطري المحتشم ؟؟؟

كيان

27-08-2009, 05:14 PM

ان شاء الله صج ولو هوز في يدهم يضربونهم احسن بدال المخالفه ..

غبيش

27-08-2009, 05:22 PM

عساه الخبر صدق ان شاء الله
تحياتي

استغفرالله

27-08-2009, 05:24 PM

بواردي

27-08-2009, 05:26 PM

ياليت بعض اللبنانيين يعرفون بوجود القرار

ويحتشمون شوي

النسر الذهبي

27-08-2009, 05:31 PM

اللي فيه الخير يقدمه رب العالمين

محمد2

27-08-2009, 05:41 PM

مستحيل يطبقون هالقرار على الأجانب والله حقوق الحيوان .آسف قصدي حقوق ألأنسان يقاضونهم في ألأمم المتحدة ويمكن يودونهم جوانت نيمو. اما اذا قطري يخالفونه ويخالفون طوايفة بعد . بس بشرط مايكون عنده ظهر علشان ينضرب على بطنه أما اللي عندة ظهر مايحتاج ينضرب لا على ظهرة ولا بطنة (صح يا رجال. ايوه صح)

ولد الشحانية

27-08-2009, 05:43 PM

اشاعه ...............

راسي براسك

27-08-2009, 05:47 PM

المخالفات قوية شوي !
بس أتمنى يصير توعية للأجانب والأسيويين
باأنهم في بلد محافظ وعنده عادات وتقاليد ومالها لزمة التعري في الأماكن العامة
لو بحر بنقول أوكي مو مشكله متعودين على انهم يتعرون على الشواطي
بس الموضوع كبر وصار مو بس في الشواطي في المجمعات والشوارع وكل مكان

محمد2

27-08-2009, 05:49 PM

هل يمكن تحديد ما هو اللباس المحتشم

هذا مطلوب تحديده قبل تطبيق المخالفة على الناس

هل تطالب بأن تقوم الخمسين جنسية المقيمة في قطر أن تلبس الزي القطري المحتشم ؟؟؟

اللباس المحتشم (العباية والشيلة او الحجاب )نعم نطالب بمئة جنسية المقيمة بلبس العباية على ألأقل مثل السعودية انجليزية او كورية اومن اي جنهم كانت. مدام انها تبي تعيش وسطنا عليها ألألتزام بلبسنا

وطن

27-08-2009, 05:53 PM

هل يمكن تحديد ما هو اللباس المحتشم

هذا مطلوب تحديده قبل تطبيق المخالفة على الناس

هل تطالب بأن تقوم الخمسين جنسية المقيمة في قطر أن تلبس الزي القطري المحتشم ؟؟؟

على الأقل على الأقل تغطية الكتفين والركبتين

يرحمونا من المناظر المؤذية شوي

ذيب زكريت

27-08-2009, 06:54 PM

ســـهم

27-08-2009, 07:01 PM

مستحيل يطبقون مثل هالقرار
قرار مثل هذا يعتبر تعدي على الحريات الشخصيه
وطبعاً أحنا بدوله ديمقراطيه ومستحيل تتعدى على الحريات الشخصيه اللي كفلها القانون

بس الديموقراطيه فرضت الاختلاط بطرق أخرى غير مباشره ..

بعدين اذا هالكلام صحيح ليش الجهه المسؤوله هي الشرطه

مستحين يحطون هيئة الامر بالمعروف والنهي عن المنكر ؟

السندان

27-08-2009, 07:13 PM

مستحيل يطبقون مثل هالقرار
قرار مثل هذا يعتبر تعدي على الحريات الشخصيه
وطبعاً أحنا بدوله ديمقراطيه ومستحيل تتعدى على الحريات الشخصيه اللي كفلها القانون

الاولى ديمقراطية المسلمين بان لهم الحق العيش في بلادهم بدون ان يروا المنكر والنكير يتمخطرون قدامهم ... هذه هي الحرية الشخصية لنا كمسلين في بلادنا وليس للغير

صياما مقبولا

المزن الرياني

27-08-2009, 07:18 PM

بس الديموقراطيه فرضت الاختلاط بطرق أخرى غير مباشره ..

بعدين اذا هالكلام صحيح ليش الجهه المسؤوله هي الشرطه

مستحين يحطون هيئة الامر بالمعروف والنهي عن المنكر ؟

خلنا اخوي سهم من الامنيات و الكلام المعسول

أنت تعتقد ولو بنسبه 1% انهم يوقفون أمريكيه أو بريطانيه بمجمع ويدفعونها مخالفه لانها لابسه شي فاضح ؟!

ترا مب كل القوانين وضعت للتطبيق

المزن الرياني

27-08-2009, 07:20 PM

الاولى ديمقراطية المسلمين بان لهم الحق العيش في بلادهم بدون ان يروا المنكر والنكير يتمخطرون قدامهم ... هذه هي الحرية الشخصية لنا كمسلين في بلادنا وليس للغير

صياما مقبولا

أخوي انا ماأتكلم عن المفروض والواجب
أنا اتكلم من منطق هل مثل هالقانون ممكن تطبيقه ؟!
الاكيد أنه أضغاث أحلام

hamoor4ever

27-08-2009, 07:21 PM

كلام فاضي ، بعدين بصراحه بعضهم لابسين عبايات لبسهم فاضح اكثر من المتكشفات بصراحه والامثله كثيره

Northman

27-08-2009, 07:22 PM

مراح يفرضون هالقرار
تدورن ليش لان الجو حرام
والمفروض الواحد يخخف من اللبس عشان يتبرد
بكره بيطلعون لكم اعذار واهيه
ويمكن الي نشوفه عاري يشوفونه محتشم
على فمره قبل رمضان بيومين كنت في فيلاجيو
وشفت وحده من جنسيه عربيه لابسه عاري قبل لاتدخل المجمع طلعت بلوزه من شنطتها والبستها

اسعاف

27-08-2009, 07:30 PM

هل يمكن تحديد ما هو اللباس المحتشم

هذا مطلوب تحديده قبل تطبيق المخالفة على الناس

هل تطالب بأن تقوم الخمسين جنسية المقيمة في قطر أن تلبس الزي القطري المحتشم ؟؟؟

اشرايك اخوي في فرنسا التي حرمت الحجاب ؟؟؟؟؟

لماذا لم تدافع عن المسلمات هناك كدفاعك عن هنا؟

بنت ذياب

27-08-2009, 07:32 PM

ان شاء الله يطبقونه بس على الملابس اللي صج صج فاضحه وغير محتشمه والا فيه وايد من البنات يلبسون

عبايات طويله لكن مفتوحه من جدام وتنوره قصيره والشيله عالجتف وهي على فكره من المقيمات وتسئ

لبنات قطر

اااااااااخ انا هالنوعيه صج صج تقهرني

ودي اقولها يا تلبسين لبسكم .. وتحتشمين

يا خلي عنج اللبس القطري .. ولا تسيئين لاهل قطر

مرة شفت وحده مش مقيمه بعد .. اجنبيه كلامها انجليزي ..

شكلها وكل شششششي .. حتى شقره بعد .. يعني مايوحي انها من دوله عربيه كلش

لابسة عبايه مفتوحه وشيله ع الجتف وبف.. جنها خلييجيه ,,,

واللي وياها.. اهلها انجليييز ..

طيب ليش ؟ شاللي حادها .... هل هي تقلد ربعها ولا عشان تسىء لنا !

وبعدين ليش القانون مايتطبق

حرام علينا وحلال عليهم ..

في بلادهم .. يحرمون الحجاب ويحطون 100 الف مخالفه مع ان مو قاعدين نضايقهم بشي !

وهني الشعب متضايق .. ومحد قادر عليهم ..

المفروض القانون يتطبق

ولا عاجبتكم اللافته اللي حاطينها ( بالعربي ) الرجاء الالتزام باللبس المحتشم !! :mad:

الحين من بيقراها ؟ :waiting:

BURBERRY

27-08-2009, 07:35 PM

ان شاء الله يطبقوون القانون و يتخالفون الاجانب ..

مره شفت واحد شامي يدخن في المول .. و الشرطي صكه مخالفه

زهرة بنفسجية

27-08-2009, 07:35 PM

اي والله لازم يكون في توعية كبيرة وتطبيق للقوانين بشكل قوي عشان كل الجاليات ترتدع شوي

والله يا أخوان روحوا شوفو السعودية كل شي تمام التمام
حتى دخلت لمطاعم الكنتاكي وأشوف في المطاعم على شكل غرف وفيها ستاير عشان مايدش الموظف على طول

الغريب اإنو القوانين والدستور القطري يمنع هالأفلام اللي بتصير في المجمعات واللبس الفاحش وووووغيره الكثير ..... بس بدنا تطبيق للنظام وبس

طارق

27-08-2009, 07:36 PM

اللباس المحتشم (العباية والشيلة او الحجاب )نعم نطالب بمئة جنسية المقيمة بلبس العباية على ألأقل مثل السعودية انجليزية او كورية اومن اي جنهم كانت. مدام انها تبي تعيش وسطنا عليها ألألتزام بلبسنا

صح كلامك ياخوي - عبايه نفس نظام السعوديه
اتصدق والله بيستانسون لأن مصاريف كشختهم بتخف

غير البشر

27-08-2009, 07:37 PM

اتمنا يكون صحيح

وياريت لو تحرر المخالفه لكل وطبيعته يعني

الاجنبيه اكيد بتكون امطلعه شعرها هذا عادي لكن مخالفه على اللبس الغير محتشم

والخليجيه ياريت لو تحرر المخالفه عليها لوضعها المكياج والي امطلعه كذلتها

بوعلي2

27-08-2009, 07:42 PM

الله يسوي الي فيه الخير مع ان المناظر هذي دايما تشوفونها بالمولات والاسواق ((وبكثررررررررره))

طولوا بالتنانير حسبي الله عليكم والواحد يتفشل وهو يودي هله من الي يشوفه

واخزياااه

جنوب الدوحه

27-08-2009, 07:51 PM

كنت في الامارات والتقيت بشاب سعودي من الرياض كنت في رحله عمل المهم

المهم ان الرجال هذا لم يسبق ان سافر للأمارات قالي انا مستحيل اجيب مرتي اهني بصراحه وجهي يحمر يوم ادخل المجمعات

لكن احنا تعودنا في بلادنا وغير بلادنا على هذي المناظر :)

يابخت من كان قلبه نظيف وما يشوف هذا الشئ عادي .. لكن حكم الزمن علينا

تقبل المرور اخي الكريم

خالد31

27-08-2009, 08:21 PM

يا رب انه هالقانون يطبق وبالذات على الجاليات العربية وجنوب شرق اسيا فلبين كوريا الصين وبصراحة الاجانب الاوربيين والامريكان لبسهم محتشم اكثر من بعض الجاليات العربية وليس دفاعا عن احد

Marshmallow

27-08-2009, 11:49 PM

أتمنى انه مو اشاعه!

tnt789

27-08-2009, 11:56 PM

مستحيل يطبقون مثل هالقرار
قرار مثل هذا يعتبر تعدي على الحريات الشخصيه
وطبعاً أحنا بدوله ديمقراطيه ومستحيل تتعدى على الحريات الشخصيه اللي كفلها القانون

اخوي صج احنا في دولة ديمقراطية بس مانخلي هاي سبب حق اللبس غير المحتشم ولاتنسى احنا في دولة اسلامية ومثل احنا مانحترمهم في بلادهم هم بعد لازم يحترمون دينا وعاداتنا وتقاليدنا قال
الرسول صلى الله عليه وسلم((من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )) رواه مسلم .

جزى الله الجهات الي وضعت هذا القانون خير الجزاء واحنا معاهم

HAYA

28-08-2009, 12:10 AM

نداء صادق أوجهه إلى سمو أمير البلاد
الشيخ حمـــد بن خليفـــة آل ثاني حفظه الله
بأن يصدر القوانين الرادعة والصارمة لردع هؤلاء المفسدين وكل من تسول له نفسه الخبيثة الإساءة إلى قيمنا وعاداتنا وتقاليدنا ، فنحن دولة عربية مسلمة وهابية ، ونحن قوم نعتز بإسلامنا ونتفاخر بقيمنا المتوارثة ، وعلى هؤلاء الوافدين الكف عن الإساءة إلينا واستفزازنا في عقر دارنا .

ونداء آخر أوجهه لشعب قطــر الحــر بأن لا يكتفي بالشجب والاستنكار ، بل أناشدكم بأن تمارسوا حقكم الشرعي في الأمر بالمعروف والنهي عن المنكر ولا تخافوا في الله لومة لائم ...
فهؤلاء القوم يسيئون إلى الغالية قطـــر لأنها لا تهمهم .....
ولكن قطـــر تهمك وتهمني . .........
فلنحارب أوجه الفساد في بلادنا ليكف هؤلاء العابثين عن استهتارهم بمشاعرنا .... والله المستعان .

ولد الخال

28-08-2009, 01:17 AM

اشرايك اخوي في فرنسا التي حرمت الحجاب ؟؟؟؟؟

لماذا لم تدافع عن المسلمات هناك كدفاعك عن هنا؟

فهمت أخوي غلط

أنا لا أدافع هنا أو هناك

أنا أدفع عن رأيي الشخصي

الذي قد يخالف رأيك

ولد الخال

28-08-2009, 01:27 AM

اللباس المحتشم (العباية والشيلة او الحجاب )نعم نطالب بمئة جنسية المقيمة بلبس العباية على ألأقل مثل السعودية انجليزية او كورية اومن اي جنهم كانت. مدام انها تبي تعيش وسطنا عليها ألألتزام بلبسنا

هل من حق الأنجليز والكوريين أو غيرهم من أمة جهنم أن يطالبون بناتنا ممن يبون أن يعيشوا وسطهم أو يزوروا بلدهم أن يلزموهم بلبس الجينز والمخصر والفاضح من اللباس كلباسهم

ولد الخال

28-08-2009, 01:33 AM

هل من حق الأنجليز والكوريين أو غيرهم من أمة جهنم أن يطالبون بناتنا ممن يبون أن يعيشوا وسطهم أو يزوروا بلدهم أن يلزموهم بلبس الجينز والمخصر والفاضح من اللباس كلباسهم

بناتنا يذهبون للندن منذ عشرات السنين

ولم يطالب أحد من الإنجليز أن نتبع لبسهن

فهل من الواجب أن نطالب بنات الإنجليز لبس لباسنا في بلدنا

في حين لم يطالبنا الإنجليز لبس لباسهم في بلدهم

ولد الخال

28-08-2009, 02:11 AM

على الأقل على الأقل تغطية الكتفين والركبتين

يرحمونا من المناظر المؤذية شوي

إختي وطن

لو قاموا بتغطية الكتفين والركبتين

وأبرزو الشعر والفخذين

هل ستعتبرين هذا الزي محتشم ؟؟؟

ولد الخال

28-08-2009, 02:14 AM

المحتشم لدينا هو ما ترتديه بنات قطر من زي

HIGHNESS

28-08-2009, 02:59 AM

المحتشم لدينا هو ما ترتديه بنات قطر من زي

أخوي احنا مانبي نفرض عليهم لبسنا ولاهم يفرضون لبسهم علينا .. يعني لبسي المحترم ماراح يضرهم بشي في بلادهم ... :)
اللبس المحشتم مو شرط بس عباية وشيلة .. لا اللبس المحتشم الي يستر اكثر من انه يكشف ... طبعاً من منطلق اختلاف الدين والعقيدة ...
يعني احنا مو قاعدين في ميامي بيتش ولا جزيرة قبرص .. عشان كل وحده تمشي وتظهر لنا ظهرها او صدرها او بطنها .. والمصيبة اغلبهم عربيات ومن بعض بلدان شرق اسيا .. لإن أغلب الأجانب اشوف لبسهم عملي للتسوق .. يعني ماراح يلبسون لبس البحر او الحفلات في المجمعات ...
هالشي لازم اول يتطبق بالتوعية بالدين و بعادات وتقاليد اهل البلد .. وان عليهم احترام هالشي .. عن طريق سفاراتهم او منشورات تتوزع في المطارات او لافتات ... وبعدين نجي للغرامات .. ...

محمد2

28-08-2009, 03:16 AM

هل من حق الأنجليز والكوريين أو غيرهم من أمة جهنم أن يطالبون بناتنا ممن يبون أن يعيشوا وسطهم أو يزوروا بلدهم أن يلزموهم بلبس الجينز والمخصر والفاضح من اللباس كلباسهم

ليش خوي بناتنا وامهاتنا لابسات ثياب نشل(اي ثياب مخورة)وبخانك في بلد ألأنجليز .

نعم لابسات الجينز والمخصر بس فوق الجينز والمخصر يلبسون البالطو.يعني يخفي اللي تحت البالطوا مثل نظام السعودية البسي مثل ماتبين بس غطي بالعباية والكثير من الحريم في المجمعات في السعودية نشوفهن لابسات قصير بس متسترات بالعباية

الشقيان

01-09-2009, 06:00 AM

ياااااااااااليت والله

مستجدة

01-09-2009, 06:30 AM

نبي يحتشموم يامال ................ مابي ادعي
ماقلنا يلبسون عابيه وشيله لا محشومه عنهم العبايه والشيله نبي يعرفون انهم في بلد مسلم
وله عاداته وتقاليده وديانته ويحترمونها
لكن المثل شنو يقول من أمن العقوبه اساء الادب
المفروض كل سفاره اتوزع كتيبات من دولة قطر تلزمهم بحترام ديانه البلد وعداته وتقاليده
ومن لم يحترم هذا القانون يرحل لابلاده على اول طياره

QtrAlshmaaL

01-09-2009, 06:39 AM

إنزيين سؤال الحين الاجانب خلصنا منهم وقلنا لازم يحتشمون ويلبسون ويسوون .... إنزيين القطرية الي لابسه دفه مرصصصصصه ... هذي شالحال فيها ! هل إخالفونها ولا لا

ابو ماجد

01-09-2009, 06:53 AM

بناتنا يذهبون للندن منذ عشرات السنين

ولم يطالب أحد من الإنجليز أن نتبع لبسهن

فهل من الواجب أن نطالب بنات الإنجليز لبس لباسنا في بلدنا

في حين لم يطالبنا الإنجليز لبس لباسهم في بلدهم

كلام غير صحيح.. مضايقات تحصلهم.. مباشره.. وغير مباشره..لين اليوم

شبربوش

01-09-2009, 06:58 AM

من صجكم انتو الحين تطلبون اب قانون يلبس الاجانب

ليش ما دققتو لما البنت تبي وظيفه قبل ما يسالون شو شهادتج يقولون لها عادي عند لو فصختي الانقاب صار عندهم اول شي افصخي الانقاب وبعدها اشوف السي في والمقابله الشخصية

براتزية برازيلية

01-09-2009, 07:03 AM

اللباس المحتشم (العباية والشيلة او الحجاب )نعم نطالب بمئة جنسية المقيمة بلبس العباية على ألأقل مثل السعودية انجليزية او كورية اومن اي جنهم كانت. مدام انها تبي تعيش وسطنا عليها ألألتزام بلبسنا

مستحيل اخوي
و مالنا حق نلزم الغير مسلمين بالحجاب كفاية الاحتشام يعني يلبسون اللي يبونه بس يكون ساتر و غير مبتذل

غناتي1

01-09-2009, 07:05 AM

تفائلوا خير يا جماعه وان شاء الله ينطبق هالقرار

ابو ماجد

01-09-2009, 07:06 AM

شبربوش

01-09-2009, 08:17 AM

كلامك سليم 100بالمئه ,,بس تقدر اتقول لنا ..وبصراحه ..من المسئول.. الاول والاخير

انت يا ابو ماجد المسؤول الاول والاخير

(((كلكم راع وكلكم مسؤول عن رعيته)))

جاري الأتصال

01-09-2009, 08:48 AM

عساه الخبر صدق ان شاء الله

مبارك عليكم الشهر

QtrAlshmaaL

01-09-2009, 08:54 AM

انت يا ابو ماجد المسؤول الاول والاخير

(((كلكم راع وكلكم مسؤول عن رعيته)))

صحيح بس في بعض الوظائف يلزمون البنت بخلع النقاب بلفيت علشان العميل إعرف مع من يتعامل
(عذر أقبح من ذنب)

هل الشمال

01-09-2009, 08:54 AM

والله يا ليت يطبقون هذا القرار..وتكون مخالفه قويه

لانه المناظر القبيحه اللي نشوفها من لبس فاضح ومكشوف تسد النفس ومقززة جدا

الصراحه المفروض يراعون خصوصية بلدنا وديننا الاسلامي وعاداتنا وتقاليدنا

الواحد صار يقلل من طلعاته للاسواق والمجمعات بسبب هذه الظاهرة السلبية الدخيلة على مجتمعنا القطري الراقي والمحافظ

ابو ماجد

01-09-2009, 09:11 AM

انت يا ابو ماجد المسؤول الاول والاخير

(((كلكم راع وكلكم مسؤول عن رعيته)))

انا المسئول الله يهديك.. ليش انا اللى اوظفهم وحط شروط للوظيفه.. واللى يرحم والديك من المسئول الاول و ا لاخير

بيانو

01-09-2009, 09:48 AM

ياريت والله يطبقون القانون ده فعلا

لان الموضوع ذات جدا - والله يهديهم حتى فى رمضان مافيش فايده تدخل تشترى أى حاجه من مجمع تلاقى نفسك وكأنك بداخل صاله ديسكو - والمصيبه ايضا تلاقى بنات لسه طلعين من اللفه يادوب 18-20 سنه ولابسين ملابس غير عاديه ولادعى انى اوضح -

اللهم انى صائم
والله يهديهم - ويارب ينفذ القانون بشده

الجزوع

01-09-2009, 09:51 AM

اذا اهل البلد (( من مسؤلين )) ما راعوا العادات والتقاليد والاهم ما راعوا الدين ، هم الحين يبغون

القطريه تسوي سواتهم ، ويسعون

بيديهم وارجولهم انهم يخلطون المره مع الرجاجيل ويضعون العراقيل امام المنقبات لكي تكشف عن وجهها،

تتوقعون انهم يسعون لاصلاح البلد ؟؟؟ تتوقعون انهم يصدرون قوانين عشان يخف الفساد؟؟؟؟

فكروا فيها بالعقل اللي يسعى للفساد وشلون يسعى من الجهه الاخرى الاصلاح ؟؟؟؟؟؟؟؟؟؟

ماقول غير حسبي الله ونعم الوكيل

حسبي الله ونعم الوكيل

حسبي الله ونعم الوكيل

الفا برافو

01-09-2009, 10:36 AM

كلنا نعرف شنهو يعني اللبس المحتشم.. بس الاجانب شنهو مقياس اللبس المحتشم عندهم؟
ماعتقد انه يتم تطبيق مخالفات على كل وحده ماتلبس عبايه لانه في خلجيات وايد مايلبسون عبي لكن لبسهم محتشم
ولا حتى على الاجنبيات لانه من فهمهم بمقياس اللبس المحتشم عندنا !! وهل سوف يمنع الاجانب من الاستحمام بالمايوهات في برك السباحه بالفنادق او الشؤاطي !!
اتمنى اشوف الحشمه في اللبس مثل مافي السعوديه للجميع..
لكن تفعيل مثل هالقوانين صعبه..
وخلهم اول يمنعون هل قطر من التدخين في المجمعات عشان نقول فيه قوانين الكل لازم يحترمها

منهم وفيهم

01-09-2009, 10:42 AM

جان زييييييييييييييييييييييين

وتبقى الدنيا حلوه

01-09-2009, 11:02 AM

مستحيل ..

الفيصلي

01-09-2009, 02:45 PM

*بومحمد*

01-09-2009, 03:31 PM

آتمنى من هالقرآر يتطبق ، واكيد انتو تشوفون بعينكم لبس البعض في المجمعآت وغيرهآ ..

شبربوش

02-09-2009, 05:12 AM

اي والله صدقت اخوي QtrAlshmaaL واذا رحت لوظيفه فروع نسائيه يقولون عندنا اكتفاء

هلا اخوي ابو ماجد اسمعك لا تصرخ اسمعك

استيعابك للامور ضعيفه جداً فهذه مب ذنبي ومشكور على الدعوه الحلوى وخصوصا انه للوالدين

ام لولوه

02-09-2009, 05:55 AM

انشالله الله يسمع منك
انشالله الله يسمع منك
انشالله الله يسمع منك
انشالله الله يسمع منك
انشالله الله يسمع منك
انشالله الله يسمع منك
انشالله الله يسمع منك
يارب يطبقونه

وارث العز

02-09-2009, 07:22 AM

يا أخي خلهم يلبسون اللي يلبسونة مادام انت في بلادهم لو تلبس خيشة محد بيكلمك وبيطلع قرار يذلك .
ياجماعة هذي حرية شخصية اللي يسمعكم ايقول يتمشون بملابس البحر!!!!!باقي بس تحددون الالوان المسموحة والممنوعة !!!