استــفسار ... الي سافر بالسياره!!

[باقي على ذكراك]

السلام عليكم ورحمه الله وبركاته

اخونيانا ناوي اسافر ان شاءالله الى سوريا عن طريق البر

وناوي اسافر بسياره رنج روفر موديل 2006 ماشي 100 الف

هل تنصحوني اسافر فيه؟؟

ولا هالنوع من السيارات ما يشد السفر مسافات طويله ويواجه مشاكل؟؟

ارجو الافاده

[بوعلي2]

يشد ونصصصصصصصصصصصصصصصص توكل على الله

بدل ايل وسفايف وفلتر سيرفز بالشركه وتوكل على الله

ويوصلك كل مكان تبغيه بالدنيا

شيك على الاطارات اهم شي وتوكل وادعي لي

[باقي على ذكراك]

تسلم يالغالي ما قصررت

بانتظار باقي الاعضاء اذا في حد جرب

[البحار00]

ياخوي موترك ما شاء الله عليه اكيد بيوصلك يكفي انه رنج

ياخوي مواتر قديمة شغاله وناس تسافر فيها

[الـمـنـاعـي]

السلام عليكم

تشيك كامل على الموتر في الوكاله الايل والسفايف و التواير وغيرها

وتوكل على الله

[فتى الجود]

توكل على الخالق المصور الحافظ

[RJ83]

جيك عالسياره والله يحفظك

[ســـهم]

انا سافرت شهر 7 بالسياره لبنان وكانت سوريا محطة الترانزيت

بصراحه الرنج مشكله وقطع الغيار غير متوفره في سوريا وفوق هذا الخط جدا متعب وطويل

والاهم اذا سافرت حاول توقف سيارتك في مواقف فندق الشيراتون او فندق ديديمان

الساعه ب 75 ليره احس مايكسرون جامة سيارتك :shy:

وبالتوفيق

[sood mhamed]

تشيك على السياره في الوكاله وتشيك على الاطارات
وتوكل على الله

[S A L M A N]

والله الي اعرفه ان الرنج يخوَن

وخاصتا الرنج الي عندك ماشي وايد .. والله لو انا مكان اخاف بصراحه

[فلفل حار]

صادق آخوي سلمان :nice:

ربعنا مره كانو مسافرين البحرين في مرسدس بوعيون جديد وراعيه كان مهتم فيه
بس آخترب عليه (فيوز) وبند الموتر بكبره ...
:rolleyes2:

ومره واحد من ربعنا عنده بي آم الـ5 سيرس ونفس الشي على بنجر تاير ...!
تم يتلفت في السعوديه محد له في نص الليل ...


والله لو ياباني ماخون فيه ...
الرنجات والمواتر الفخمه (للكشخه والدلع) مب لخطوط وسفر
صحيح آنها تستحمل وقويه لكن آن خون فيك محد بينفعك


وليه ماتشحنه يالغالي ومن يوصلكـ توديه لآقرب مغسله
وتكشخ فيه معزز مكرم ... :)

[الـقـاسـي]

انا ياخوي كان عندي رنج فوج موديل 2006 وسافرت فيه الاردن ومن الاردن على سوريا وهالكلام كان في اخر سنه 2007 بصراحة حلو على الخط ماعليه كلام ماشتكيت من خرابات او شي بس يوم بنشر علي توهقت عدل لاني كنت مبدل الرنقات والبلوط اللي عندي ماكانت تركب وهذي غلطتي ولفيت على البناشر كلها ماحصلت عندهم شي يفك التاير وعقب طلعت الروح حصلت ثاني يوم فالعاصمه ..

المواتر اللي مثل هذي حقت دلع مب مالت خطوط .. اذا انت معزم تروح فيه بر شيك عليه واهم شي التواير وهالامور وربي يحفظك ..

واذا تبي الافضل لاتروح سوريا بهالموتر لان مليون فالميه بينسرق او على الاقل بيطيرون توايرك ورنقاتك ..

روح يابوي طياره وخلك على التكاسي هناك او فيه ناس تستاجرهم يتمون وياك بسيارتهم اضمن لك واريح لك ..

[ســـهم]

انا ياخوي كان عندي رنج فوج موديل 2006 وسافرت فيه الاردن ومن الاردن على سوريا وهالكلام كان في اخر سنه 2007 بصراحة حلو على الخط ماعليه كلام ماشتكيت من خرابات او شي بس يوم بنشر علي توهقت عدل لاني كنت مبدل الرنقات والبلوط اللي عندي ماكانت تركب وهذي غلطتي ولفيت على البناشر كلها ماحصلت عندهم شي يفك التاير وعقب طلعت الروح حصلت ثاني يوم فالعاصمه ..

المواتر اللي مثل هذي حقت دلع مب مالت خطوط .. اذا انت معزم تروح فيه بر شيك عليه واهم شي التواير وهالامور وربي يحفظك ..

واذا تبي الافضل لاتروح سوريا بهالموتر لان مليون فالميه بينسرق او على الاقل بيطيرون توايرك ورنقاتك ..
روح يابوي طياره وخلك على التكاسي هناك او فيه ناس تستاجرهم يتمون وياك بسيارتهم اضمن لك واريح لك ..

لا اخوي هالامر خطأ

انا رايح في بورش قبل شهر بس احتياطا كنت اوقفها في الشراتون

والمشكله الاساسيه والمهمه اذا كانت الرنق عندك 21 وين تحصل توايره

الافضل تشحنها للاردن في سطحه يومين وهي هناك سيارتك او الى دمشق

ولا تعاني هالخط الطويل والرادارات والتحويلات اللي ماتخلص ...

[هذلان]

اذا سبورت ما انصحك تروح بسبب توايره ،،، التاير نحيف و يبنشر بسرعه يعني هناك بتوهل اذا التاير انشق او شي
اذا رنج عادي توكل على الله
وفي كلا الحالتين شيك الموتر في الوكاله
وقبل هذا كله استخير و توكل على رب العالمين

[غبيش]

بالتوفيق

[hamoor4ever]

تسافر سوريا برنج ، الله يعينك تروح بتكسي وينفضونك بعد هالمره بتروح برنج والله انك بتتحسف والواحد يروح بكروزر ويكون متخوف بعد رنج الله يعينك بصراحه اسمع انه مب مال سفر حده البحرين او دبي

[باقي على ذكراك]

مشكورين والله ما قصرتو على التفاعل

جزاكم الله خير

[كلاسيك قطر]

باقي ع ذكراك

انا قبل سافرت فرنج رحت سوريا في موديل 2007 ع الخط حلو ومافي مشاكل

بس يوم رجعت الدوحه ركبت سفايف حق الرنج جديد

[الشهواني لتجارة]

الله يخلي الـ vxr 2009

بو سويد لاتقول رنج ولا غيره

[البحار00]

الله يخلي الـ vxr 2009

بو سويد لاتقول رنج ولا غيره

ملك الخطوط الكروزر :nice::nice:

[فنجال قهوه]

الحافظ الله توكل على الله ولا عليك شر ان شاء الله
والرنج ماعليه كلام بس اهم شي جيك على التواير
وتروح وترجع بالسلامه

[AL_MUTAEM]

اخوي اذا رحلتك للحين مابدت ..

اتمنى اذا صممت تروح بالسياره انك ماتروح على خط الحفر رفحاء عرعر وتروح على الخط الجديد

دوحه .. الرياض .. القصيم .. حايل .. الجوف .. الاردن
اولا خط سريع وجديد والخط اللي بين حايل والجوف ولا اروع بس للعلم مافيه محطات يعني 350كم بدون اي محطه شيك بمنطقه القاعد (قريه من ضواحي حايل ) وتوكل على الله ..

بالاخير

تروح وترجع بالسلامه

[EMS_QTR]

والله صدقت ياخوي سلمان الرنج خوان

[السد]

عليك باليوكون 2009