طبشور
07-04-2005, 10:03 AM
أولا : كيوتل ... فهي التي تمدنا بالمعلومات الغلط عن طريق التأخير في عرض الأسعار والأحجام الحقيقة للعرض والطلب في صفحة السوق الرسمية على شبكة المعلومات .. علاوة على التعطل الشبه يومي للموقع التعيس .. فمثلا كنت أنوي بيع الصناعات ب 230 وأنا جالس بالبيت وعندي واحد من الربع في البورصة قاعد وأنا أشوف الحجم للطلب أكثر من العرض وهو يرى العرض أكثر من الطلب مما جعلني أضع قيمة لا تتناسب مع الطلب الحقيقي .. وأخذني تسونامي بورصة الدوحة وأنا منذ خمسة أيام كل يوم أحط بدوان لمت وماجاني الدور .. الله لايبارك فيك يا كيوتل .. لا ورايحيين عمان يخربون شبكاتهم .. يا أخوان الأقربون أولى .. ( على فكرة اليوم الساعة عشرة الصبح والناس مبققه أعيونها في النت علشان الناقلات .. الصفحة غصت وأشرقت .. ووقفت بدون أي أحترام ولا مسئولية .. لأن مافي حد يقدر يقولها شيء .. شركة مساهمة قطرية والقانون يمنع رفع قضايا عليها على ما أعتقد )
ثانياً :القطريين الذين باعوا ذممهم للأجانب : وهؤلاء كثر .. والغريب أنهم يتكلمون بأسم الحق والدين والضمير .. ( مثلا: أنا أعرف واحد مسوي نفسة شيخ زمانه .. مايشتري إلا في الأسهم اللي تسمي نفسها أسلامية .. مايشتري بنوك ولاباالمتحدة ولا أي شيء فيه شبه .. المهم جاه واحد لبناني وعرض عليه أنه يدخل بأسمه قبل السماح للأجانب بالدخول .. ووافق .. وشرى وباع .. المهم سألته ليس تأخذ حقي وحق أعيالي .. قال لي : خاف ربك أنا أسرق حق غيري .. قلت له : يوم أنك تخاف من ربك ولاتأخذ في البنوك اللي تشتغل في بلادك وتبني أقتصاد بلادك ليش تعطي للأجنبي حق مهب له .. هذا حق كل قطري .. زعل مني وقال : أنت ماعندك رحمة على أخوانك العرب والمسلمين .. قلته صدقت .. وأنت الله بيدخلك الجنة لأنك مطوع وعندك ضمير ...)
وثالثاً : ورابعاً وخامساً : بقولهم بعد مايتعدل النت الخايس وأقدر أتابع باقي الجلسة بالحضور المباشر لأن كيوتل تؤكد كل يوم أنها ( تختصر المسافات .. وتخليني أشعر أن من الواجب الذهاب اللى البورصة ماشياً وراكضاً وعدم الأعتماد عليها .... باي
ثانياً :القطريين الذين باعوا ذممهم للأجانب : وهؤلاء كثر .. والغريب أنهم يتكلمون بأسم الحق والدين والضمير .. ( مثلا: أنا أعرف واحد مسوي نفسة شيخ زمانه .. مايشتري إلا في الأسهم اللي تسمي نفسها أسلامية .. مايشتري بنوك ولاباالمتحدة ولا أي شيء فيه شبه .. المهم جاه واحد لبناني وعرض عليه أنه يدخل بأسمه قبل السماح للأجانب بالدخول .. ووافق .. وشرى وباع .. المهم سألته ليس تأخذ حقي وحق أعيالي .. قال لي : خاف ربك أنا أسرق حق غيري .. قلت له : يوم أنك تخاف من ربك ولاتأخذ في البنوك اللي تشتغل في بلادك وتبني أقتصاد بلادك ليش تعطي للأجنبي حق مهب له .. هذا حق كل قطري .. زعل مني وقال : أنت ماعندك رحمة على أخوانك العرب والمسلمين .. قلته صدقت .. وأنت الله بيدخلك الجنة لأنك مطوع وعندك ضمير ...)
وثالثاً : ورابعاً وخامساً : بقولهم بعد مايتعدل النت الخايس وأقدر أتابع باقي الجلسة بالحضور المباشر لأن كيوتل تؤكد كل يوم أنها ( تختصر المسافات .. وتخليني أشعر أن من الواجب الذهاب اللى البورصة ماشياً وراكضاً وعدم الأعتماد عليها .... باي