المساعد الشخصي الرقمي

مشاهدة النسخة كاملة : مشروع كبير يبيله سفرة الى امريكا وسفرة الى فرنسا ..



أم جود
28-08-2009, 12:43 PM
السلام عليكم

عندي مشروع ضخم ..

بس ابي حد يساعدني فيه

هو مشروع اخذ وكالتين مصممين ازياء بس الازياء راقية ومصمين عالميين

والازياء عبارة عن فساتين عرس (للعرايس) من اشهر مصمميين يصممون لفنانات هوليوود

وطبعا يبييله الواحد يسافر يمين يسار علشان الوكالة

حصلت ان فالكويت ماخذين وكالة

بس مافي فقطر

وانا خاطري افتح المحل فاللؤلؤة :)

شرايكم ؟؟؟؟؟؟؟

PRINCESS
28-08-2009, 12:47 PM
فكره حلوه اكيد
ربي يوفقج انشالله

قلب طفلة
28-08-2009, 12:50 PM
اذا راس المال موجود .. والمخطط برفيكت وكل شي مضبطته توكلي على الله..

بس تاكدي ان الاشخاص اللي بتعتمدين عليهم لازم يكونون كفؤ ويستمرون معاج..

وبعد نصيحتي لج استخيري والله بيكتب لج اللي فيه الخير..

محسن العجي
28-08-2009, 12:50 PM
فكره حلوه اخت ام جود

توكلي على الله والله بيوفقج

بس يبي لها صمله مب كلام وبس وبكره ولا بعده بتشوفين حد خطف الفكره وسواهاا قبلج

:telephone:

والله يكتب الي فيه الخير ان شاء الله

أم جود
28-08-2009, 02:17 PM
برنسس تسلمين حبيبتي

قلب طفلة .. راس المال 3 ارباعه موجود علشان جذي ابي حد يشاركني
بنسبة 25% او 30%
وانا 70% او 75% وبيكون حسب الاتفاق والشغل

سهم البورصة ..,,
هي الفكرة جديدة .. ومافي فقطر هالمحلات والبنات الحين يبون تصميمات الفساتين تكون راقية وناعمة حدها
وتكون من ايادي نمصممين معروفين عالميا
المهم .. نجي للمهم .. انا ابي حد يساعدني يسافر ويخلص بعض الاوراق
لأني ما اقدر اسافر .. عندي جامعة
علشان جذي محتاجة شريك

أم جود
28-08-2009, 02:45 PM
ياليت احصل حد يساعدني فهالموضوع

قطري وأفتخر
28-08-2009, 05:08 PM
ممكن ترسلين التفاصيل على الخاص

ان شاءالله أقدر أساعدج

ANONYMOUS
30-08-2009, 02:54 PM
مايحتاج سفر..

الموضوع كله ايميلات.. ومحامين.. والسلام عليكم ورحمة الله وبركاته

الـقـاسـي
31-08-2009, 04:18 AM
اختي اذا في امريكا انا بسادعدج قد ما اقدر .. وانا رايح قريب هالايام هناك ..
واذا كنتي ظامنه المشروع ان شاء الله انا ماعندي مشكله اكون شريك بس ممكن تقولين لي كم راس المال المطلوب ..

الكاسب
31-08-2009, 12:52 PM
ممكن أساعدك وأي إستفسار حاضر..عالخاص.

ahn
31-08-2009, 01:37 PM
اناء ممكن اعرفك على مصمم ازياء لبناني - -

قطري طموح
01-09-2009, 12:58 PM
اختي اذا كانت الشركة موجوده في الكويت فمن السهل جدا منحك الوكاله في حال قدمتي لهم بعض الضمانات ، واسلوب الشركات الامريكيه في منح الامتياز التجاري اسهل بكثير من الشركات الاوربيه والصينيه ، واغلب الاحيان مافي حاجه للسفر بس بيطلبون بروفايل عن شركتج وبيتاكدون من صحة المعلومات من خلال غرفة التجاره احرصي على تقديم المعلومات الصحيحه حتى تتفادين الكثير من المشاكل .

vip-999
01-09-2009, 07:52 PM
اختي ممكن اعرف جم السعر الباقي

وممكن الرضيعه تدخل معاج شريكه

وتوكلي على الله

alarjani
01-09-2009, 11:18 PM
الفكره حلوه وممكن اساعدج بجلب الوكاله حتى لو احتاجت سفر

وممكن تعطيني فكره مبسطه عن المشروع عالخاص وكم راس المل وكم الباقي منه

Index Signal
02-09-2009, 05:40 AM
في البدايه لازم تتأكدين إن وكالة الكويت وكاله محليه و ليست للشرق الأوسط..

لأن أغلب الوكالات العالميه تكون محتكره لوكيل واحد في الشرق الأوسط..

إذا كانت وكاله للشرق الأوسط فلازم تكون مراسلاتج مع الوكيل في الكويت و ممكن يشاركج إو يبيع لج حق الوكاله في قطر .

alth3lb808
02-09-2009, 06:51 AM
لا ثم الف لا

للشـــــــــــــــــــــــــــــــراكـــــــــــــ ــــة

خذيها نصيحة اعتمدي على نفسج من اول الموضوع الى آخـــــــــره ..
سوي لج دراسة جدوى .. شاملة التكاليف السفر المراسلات الايدي العاملة الايجار التجهيزات الدعاية
تكاليف التشغيل لمدة 6 شهور .. والخ

والله يوفقج ..

ونصيحة اخيرة .. دااررري على شمعتك تأيد

تحياتي لج

السهم الثابت
02-09-2009, 09:46 AM
اختي طرشي لي اسم الشركة وان بطلعلج معلومات عنها وين مقرها بامريكا وين مصانعها في اي بلد

لبتونه
02-09-2009, 02:34 PM
اختي ممكن اساعدج ممكن كم اس مال مطلوب وتفاصيل