الهوت ميل والـ hot photo

[أم وضحى]

تواجهني مشكلة مع بريد الهوت ميل ..
وهي ظهور الصور hot photo على يمين الصفحه اثناء تصفحي رسائل البريد ..

ولا اخفيكم بانها تسبب لي الكثير من الحرج وخصوصاً امام زوجي وابنائي ..

هل من سبيل لعدم ظهور مثل هذه الصور الدعائيه ؟!!



ولكم جزيل الشكر ..

[Marshmallow]

أختي عطلي الجافااا

[الحزين4800]

الله يعينج :)
والله احراج
شوفي اي حد من فنيين الكمبيوتر يعرفون له

[لولوتي]

وانا بصراحه :mad: ازعجتني جدا هالصوره

امتنعت عن الهوت ميل نهائيا بسبتها
ومن شوي لقيتها في موقع ثاني:anger1:

حسبي الله ونعم الوكيل

[Doha.i.t]

بسم الله الرحمن الرحيم

السلام عليك ورحمة الله وبركاته اختي الكريمة

انصحك اختي الكريمة باستخدام برامج الايميلات مثل الاوت لوك او برنامج الاوت لوك اكسبريس

برنامج ينفعك كثير جدا للايميلات مايحتاج تدخلين لموقع الهوت ميل ولا غيره

بتلاقين هالبرامج موجوده مع برامج الوندوز او مع برامج الاوفيس

واي استفسار تحت امرك اختي الفاضله

وبالتوفيق

[زايدي]

اش رايكم نشن حملة ضد الهوتميل ونفعلها على جميع المواقع والمنتديات العربية وتحسب كبادرة لمنتدانا الحبيب

[عزتي سمو ذاتي]

أي والله هالصــورة شنو تضايق الواحد

الله يرحمنا برحمتنا المشكلة الحين ان الكل عنده ايميل الصغير والكبير

مافي أحسن من ايميل كيوتل

[OTOsan]

اش رايكم نشن حملة ضد الهوتميل ونفعلها على جميع المواقع والمنتديات العربية وتحسب كبادرة لمنتدانا الحبيب

حملة اعتراض يازايدي .. ولا حملة مقاطعة ؟


عاد لو مقاطعة .. ماعتقد بتلاقي حد يقول لك (قدام) :)


يعطيكم العافيه جميع ،،

[بـن عدوان]

اذا تبين تشيلينها لازم تشتركين بفلوس

عشان تمنعين الصور الدعائية

[أم وضحى]

مشكورين جميعاً


والله يعطيكم العافيه

[umm yousef]

كلامك صحيح أختي ... ,اظن إنها مقصودة لخدش صيام المسلمين..
الافضل نراسل الموقع لإخطارهم وتنبيههم .. لكن ما اعرف كيف اراسلهم؟؟

[بواردي]

الفير فوكس او الاوبرا
وخلك من الاكسبلورر التعباااااااااااااااااااااااااااااااان

[MRX]

نصيحة مني استخدمي الأوبرا وبعدين إضغطي أي مكان في الصفحة باليمين بتلاقي خيار تحت مكتوب فيه block content
إضغطي عليه وبعدين اختاري الصورة
بعدها بتحصلي زر فوق أقصى اليسار مكتوب عليه done
اضغطي عليه وبعدها ما راح تشوفي هاي الصور نهائيا
تحياتي

[أم وضحى]

جزاكم الله كل خير


والفائدة ان شاء الله تعم الجميع

[العـوا]

جزاك الله خير

[برزان1]

أنصح الجميع باستخدام بريد الـ جي ميل www.gmail.com هذا ما في صور ولا يوجد فيه أي دعاية وسعة كبيرة وبه مميزات لا توجد في أي إيميل آخر

[قطري كشخه]

اختي الحل جدا سهل

بشرحلج شلون تطلعلج هادعيات وليش

طبعا انتي لين تسجلين في الهوت ميل لزم تعبين بيناتج شسمج وعمرج ووين ساكنه هذا الشي يفيدهم وايد

كيف ؟؟

الطريقه تستخدمها هذي كبرا الشركات العالميه في الانترنت وخاصه تستخدم بغرض التسوين للبضاعه يعني

لم انا اسجل واكون ساكن في امريكا واحط وليتي وعمري راح تطلعلي دعايات تخص مدينتي وتستهدفني بشكل خصوصي لاني الشركه الى تبي تسوي اعلان عند الهوت ميل تدفعلهم فلوووس واجد عشان بس هالدعايه

لين اكتب انا عمري مثلا 22 وساكن في ال ايه بتجيني دعايات تتكلم عن اشه من اهتمامات الشباب الى في المدينه نفسها من تسجيل في موقع تعارف مشهور بالمنطقه دعايات تخسيس اذا كانو الناس في المدينه اغلبهم متان
,,وهالنوعيه من الترويج تستهدف ناس بالخصوص بتصنيهم على حسب اعمارهم اهتماماتهم ودخل الفرد

فا هذي الطريقه جدا جدا مربحه للشركات الكبيره وتعد اكثر من نصف حمالات التروجيه للمنتجات العالميه تتم عن طريق الانترنت لكثره تردد الناس للهوت ميل

الحل :

انج تدخلين على اوبشن فوق بعدين more option وبعدين View and edit your personal information
وغيري البلاد الى انتي سكانه فيها اذا كنتي حاطه الدوحه حطي اى دوله فيها نسبه الدعايه ضعيفه

او حطي السعوديه

اتمنى اني افدتج

[بوالفاروق]

والله توني اسولف مع اخوي العود عن هالشي
والصراحة شي مزعج خاصاً اني ماقدر استغني
عن متابعة الايميل كل يوم واطرش منه واخلص اشغالي عن طريقها ..

ان شاء الله نحصل طريقة للتخلص منها
الجي ميل حلو ومافيه هالسوالف لكن صعب اغير بعد ما تعودت على ذي

[QAT2020]

والله الموضوع حساس جداً ،، ولا اقدر استغني عن الهوت ميل ...

اتمنى ان نجد حلاً لهذه المشكلة ..

[moo00oon1]

الجي ميل مافيه خرابيط ..

لكن المشكله اغلب الناس تستخدم الهوت ميل ..

تعودنا عليه ..

[Msh3l]

للأسف ياخوي قطري كشخه كلامك خطأ .. رحت عدلت وسويت واخترت السعوديه واخترت الف دوله
وللحين نفس الشي

[قطري كشخه]

للأسف ياخوي قطري كشخه كلامك خطأ .. رحت عدلت وسويت واخترت السعوديه واخترت الف دوله
وللحين نفس الشي

مرحبا اخوي

هل غيرت العمر خل العمر اقل من 16 وجرب وحط السعوديه انا شغاله معاي اوكى ماتطلعلي الدعايات اله نادرا

عندك حل ثاني هو لو انك تستخدم الوندز تستخدم برنامج الاوت لوك (outlook) (http://office.microsoft.com/en-us/outlook/default.aspx) هذا يريحك من دخلتك للوب سايد حق الهوت ميل مجرد انك تدخل على البرنامج وتحط بسوردك بنفسه يسوي ابديد للأيملات الى توصلك

وان كنت من مستخدمين ماك فاانصحك انك تستخدم برنامج mail نفس وضيفه الاوت لوك بس بمزايه اكثر

راح ترتاح اذا استخدمت هالبرامج من عوار الراس وتسوي تسجيل دخول وخروج من الموقع

والله يعينك

هذا ماعندي :weeping:

[Msh3l]

غيرت العمر وخليت عمري 9 سنوات
هههههـ .! وسويت كل شي حاولت من خلال الستنقز بشتى الطرق << اممممش ياشتى الطرق خخخ :) ..


بس جد والله ولا شي نفع

[قطري كشخه]

مرحبا اخوي مشعل

اخوي جرب تحط دوله غير عربيه

حط الدوله بريطانيا والمدينه حط مثلا ولز

وقولي هل انحلت المشكله عندك وله لا

لانه انا الهوت ميل مالى مايطلعلي اى شي او بشكل نادر جدا جدا

لانه عندي اكونتين العربي فعلا تجيه دعايات اما الرئيسي انا حاط عنواني الحقيقي في المملكه المتحده ومايطلعلي شي سوى دعايات حقيقيه لشركات تلفون انترنت تلفزون من هالامور بنوووك

ان شاء الله يضبط معاك

[وليف قطر]

بإختصار ..

فايرفوكس + اضافة No Script عليه .. وخلاص : ) ~

[جنوب الدوحه]

ترا السالفه طولت .. اذا قدرت انك تستخدم برنامج بديل عن المتصفح للرسائل ..

ما تقدر تمنعها في اليوتيوب مثلا والمواقع الاخرا .. صعب يا جماعه ..

غض النظر وتوكل على الله ..:)

[صمت ثائر]

الله يعين الواحد بيشيل شو وبيخلي شو

الله يعينك

[elsahher]

الفير فوكس او الاوبرا
وخلك من الاكسبلورر التعباااااااااااااااااااااااااااااااان

صح الصح

انا بعد ماقريت الموضع بحثت عن الصورة مالقتش حاجة لانى فعلا مابشوفش حاجة
استغربت وبعدين افتكرت

الحل بالتفصيل


استعملى فاير فوكس فية كل اللى تتمنية بجد

واستخدمى معاة add on
اسمة flash block

كدا خلصت


بس خلى بالك
مافيش اى فلاشات هتظهر على اى موقع الا بتعطيل هذا ال البلج ان
ودة احسن فى رائى بيسرع التصفح كتيير كما ان اغلب الفلاشات اعلانات

صورة من الايميل بتاعى

http://i136.photobucket.com/albums/q179/elsahher/1111.jpg?t=1252112390

[elsahher]

ترا السالفه طولت .. اذا قدرت انك تستخدم برنامج بديل عن المتصفح للرسائل ..

ما تقدر تمنعها في اليوتيوب مثلا والمواقع الاخرا .. صعب يا جماعه ..

غض النظر وتوكل على الله ..:)

تقدر تمنعها من النت كلة
بمنع ظهور الصور والفلاش

[محمد الجفيري]

فعلا الحل الوحيد هو الاشتراك بالفلوس وبصراحة ما نقدر نقول الا حسبي الله ونعم الوكيل
هالاعلان يظهر واحنا صايمين ويجرح صيامنا ومانقول الا لاحول ولا قوة الا بالله
الطريقة الثانية هي الدخول على البريد الالكتروني عن طريق الاوتلوك
او تحويل الهوتميل على ايميل ثاني مثلا قوقل ايميل (جيميل) والله المستعان