المساعد الشخصي الرقمي

مشاهدة النسخة كاملة : راتب المهندس في البترول !!


MRX
29-08-2009, 03:27 PM
السلام عليكم
حبيت اسأل كم راتب المهندس الجديد أول ما يتخرج في شركات البترول
وخصوصا راس غاز وقطر غاز
أولا قطري
ثانيا
أمريكي
ثالثا
فلسطيني
تحياتي
أقدر مساعدتكم
ريم المدينة
29-08-2009, 03:34 PM
و على اي درجة ينحط الخريج الجديد؟؟

شكرا..
ورقــة أمــل
29-08-2009, 03:36 PM
يعتمد على الشركة والمسؤول ومدير ادارته وكفائته ونوع عمله وجوب قريد اند سلاري قريد
MRX
29-08-2009, 03:40 PM
مشكور أخي الكريم لكن أنا اقصد المتوسط
بغض النظر عن العوامل اللي ذكرتها إنت
لكن خلينا نقول إنو معدله 3.5 من 4
وشركة راس غاز
ووخلينا نقول إنو الجريد متوسط يعني مش عالي ولا منخفض
دلوليانوز
29-08-2009, 03:46 PM
ههه..ارضى بالمقسوم..غيرك مب ملاقي

ابتدي بالاول..عقب اقعد وتشرط..بالنهاية راس غاز..من اكبر الشركات واحسن المعاشات
MRX
29-08-2009, 03:49 PM
ههههههههههه مشكور يا دلوليانوز
بس أنا ما بشتغل في الشركة لسا قدامي مشوار طويل
لكن السؤال والتخطيط من أهم الأشياء اللي الواحد يفكر فيها هلحين
تحياتي
دلوليانوز
29-08-2009, 04:31 PM
عيل لين الحين..بتعيش وتنصدم
اسيرالدوحه
29-08-2009, 04:46 PM
السلام عليكم ...

بالنسبة للقطري الخريج الجديد ... ينحط في اول السلم ...

ويعطونه برنامج تطويري ....

الدرجة اللي ينحط فيها ... بس للقطريين الخريجيين الجداد ....

وشي ثاني ... يُعامل حاله حال غيره فالراتب ... اذا كان متزوج ياخذ علاوة اجتماعية للمتزوج ... والعزابي ياخذ علاوة عزابي ....

علاوة السكن ... يعتمد على درجته ... وكذلك بدل المواصلات ....

بالنسبة للأجنبي ... سواء كان امريكي او فلسطيني او هندي ....

يتوظف على وظيفة معينة ... ولازم طبعا .. يستوفي شرووط هذي الوظيفة ... من سنوات خبرة للعمل وخلافه ...


الزبدة ... اذا انت خريج جديد من الجامعة ... وقطري ... تتوظف .. ويحطونك في برنامج تطويري ...

معدلك ... مايشكل اي فارق فالراتب ...

اذا اجنبي ... صعبة تتوظف بعد ماتتخرج من الجامعة على طووول .... الا اذا كان عندك فيتامين واو ...

بالتوفيق اخوي ...
PoBox
29-08-2009, 10:14 PM
السلام عليكم
حبيت اسأل كم راتب المهندس الجديد أول ما يتخرج في شركات البترول




*
*

شركات البترول فوق ال30 شركة
كمتوسط وانت تبي المتوسط
قطري ، جامعي ، متزوج
نهاية العشرينات او حافة بداية الثلاثينات حسب الشركة
*
*

عزوبي شيل من الرقم اعلاه 6000 ريال متوسط
زايد او ناقص
سيدة اعمال فلسطنية
29-08-2009, 10:39 PM
حوالي 22000

بالتوفيق
SPIRIT_OF_QATAR
29-08-2009, 10:45 PM
في قطر للبترول يعتمد على الموقع
مثلا في مسعيد المهندس القطري المتزوج اول مايتخرج هندسه من الجامعه يحطونه في اول سلم
كبار الموظفين درجه 11
والراتب تقريبا 32 الف
BuFaisal
30-08-2009, 12:43 AM
في قطر للبترول يعتمد على الموقع
مثلا في مسعيد المهندس القطري المتزوج اول مايتخرج هندسه من الجامعه يحطونه في اول سلم
كبار الموظفين درجه 11
والراتب تقريبا 32 الف

اعتقد انك بالغت شوي اخوي
راجع حساباتك
الوفي
30-08-2009, 01:17 AM
في قطر للبترول يعتمد على الموقع
مثلا في مسعيد المهندس القطري المتزوج اول مايتخرج هندسه من الجامعه يحطونه في اول سلم
كبار الموظفين درجه 11
والراتب تقريبا 32 الف

ماشــــــاء اللــــــــه عليك..........كلامك صحيح
المهندس الجديد....المتزوج...القطري خريج البكالوريوس اول شي يتعين فوق الدرجة 10 وتسمى gt سينير متدرب ويستلم راتب مايقارب ال20000 ريال موئقت لين يتثبت وبعدها يتحدد مكانه بالمصنع في أي درجة ممكن يحطون بال11 او 12 وممكن 13 على العموم تنزله العلاوات الباقيه بالنهاية لو الدرجة 11 لايقل راتبه عن 30000 ريال 30 وفوق وهو يضحك........
أنا بالدرجة 7 وأستلم 21500 ريال وثابت صباح بعد فمابالك بالمهنــــــدس.....ربعي مهندسين ونعرف رواتبهم بال31000 وطالع.....
تحياتي
ولد سالم
30-08-2009, 02:02 AM
اي خريج جامعة ينحط عالدرجة السابعة.. بس خريج هندسة وقانون على طول ينحط عالدرجة السادسة
MRX
30-08-2009, 03:06 AM
مشكورين جدا على تفاعلكم الطيب
هلحين أنا فهمت كيف الوضع مع المهندس القطري
طيب هل ممكن تفهموني الوضع مع المهندس الفلسطيني أو الأمريكي
أو إذا تتم معاملتهم نفس المعاملة ؟
وكمان سؤال بعد إذنكم مين أفضل الدرجة الاعلي وإلا الأقل يعني الدرجة السابعة وإلا الحادية عشر مثلا ؟
وشكرا جزيلا لكم
تحياتي
الـقـاسـي
30-08-2009, 03:37 AM
واحد من الربع توه راد من بريطانيا مهندس وقطري ومتزوج توهم معدلين راتبه كان اتوقع 27 الف الحين صار حول 31 الف ريال ..
PoBox
30-08-2009, 09:04 AM
اي خريج جامعة ينحط عالدرجة السابعة.. بس خريج هندسة وقانون على طول ينحط عالدرجة السادسة

*
*
هذا سلم الدولة اخوي وهو سلم تنزل فيه للترقية
سلم كيوبي غير وتطلع فيه للترقية
SPIRIT_OF_QATAR
30-08-2009, 12:15 PM
اعتقد انك بالغت شوي اخوي
راجع حساباتك

مابلغت ولا شي اخوي بوفيصل انا قعد اتكلم عن نفسي
عندنا في قطر للبترول اول ماتتخرج تكون درجه 11
وانا الحين درجه 12 يعني الردجه الي بعدها واداوم في امسعيد وراتبي تقريبا 35 الف
SPIRIT_OF_QATAR
30-08-2009, 12:26 PM
مشكورين جدا على تفاعلكم الطيب
هلحين أنا فهمت كيف الوضع مع المهندس القطري
طيب هل ممكن تفهموني الوضع مع المهندس الفلسطيني أو الأمريكي
أو إذا تتم معاملتهم نفس المعاملة ؟
وكمان سؤال بعد إذنكم مين أفضل الدرجة الاعلي وإلا الأقل يعني الدرجة السابعة وإلا الحادية عشر مثلا ؟
وشكرا جزيلا لكم
تحياتي

المهندس الغير قطري معاملته اتكون غير في قطر للبترول
القطري ياخذونه يدربونه تقريبا بين 3 و6 سنوات على حسب المسمى الوظيفي الي يبونه يمسكه ويبدا من درجه 11 الي هي اول درجه في كبار الموظفين ويكون مسماه مهندس تحت التطوير لين يوصل درجه 14 يستوي مهندس ومعاشه يكون تقريبا 41 الف
في قطر غاز اظن او راس غاز المهندس معاشه يمكن 5 الف ريال اكثر عنا على حسب كلام بعض الشباب
الاجانب العاده يخترون الي عندهم الخبره يعني صار له مهندس 10 ولا 15 سنه وعلى طول
يبدا من درجة 14 .. معناته لو خريج جديد ماراح ينقبل الا لو كانت عنده واسطه قويه يعاملونه
معاملة القطري ولحد الحين ماشفت هل شي جدامي عندنا

وبخصوص الدرجات قطر للبترول تختلف عن باقي الدوائر الحكوميه
10 وتحت في قطر للبترول صغار موظفين
11 لين 23 كبار موظفين وكل ماكانت اعلى كل ماكان افضل

بخصوص الدوائر الحكوميه وغيرها من المؤسسات ان شاءالله الخوان يفيدونك لو عندك استفسار
شخص عادي
30-08-2009, 12:49 PM
أحس ان السؤال مسًيس
ANONYMOUS
30-08-2009, 02:28 PM
اي جنسيه اخرى غير القطري.. وخريج جديد
لايقبل في البترول
ولا تتعب نفسك
الا بواسطه.. هذا اذا انفعت الواسطه
MRX
30-08-2009, 02:52 PM
مشكور جدا أخوي عبدالرحمن على ردك وتفاعلك
بس عندي استفسار
هل إنت متأكد إنو الأمريكي يشتغل بسرعة مثل القطري حتى وهوا خريج جديد وما معاه خبرة
لأنه هاي المعلومة مهمة جدا إلي

ثانيا وأنا آسف إني غلبتك
يا ريت تبعتلي رقم المدير على الشيراوي على الخاص
علشان عندي بعض الإستفسارات اللي حابب أساله فيها
مشكور مرة أخرى أخي الكريم
تحياتي
ANONYMOUS
30-08-2009, 03:01 PM
وكلامك كله مغالطات ...

يعطيك العافية ...


صحيح.. الاخ خلط الحابل بالنابل..

و اكثر من 90% من كلامه خطأ
MRX
30-08-2009, 03:02 PM
ماشي يا أخ عبدالرحمن
إن شاء الله يصير خير
بس سؤالي للأعضاء وللأخ أسير الدوحة
الرجاء جاوبوني بعلم مسبق يعني محتاج حد بيعرف مش بس كلام
هل الأمريكي يتوظف بسرعة وهل سرعة توظيفه مثل القطري وإلا أقل ؟
باعتبار إنو بدون خبرة يعني خريج جديد
تحياتي
ANONYMOUS
30-08-2009, 03:56 PM
ماشي يا أخ عبدالرحمن
إن شاء الله يصير خير
بس سؤالي للأعضاء وللأخ أسير الدوحة
الرجاء جاوبوني بعلم مسبق يعني محتاج حد بيعرف مش بس كلام
هل الأمريكي يتوظف بسرعة وهل سرعة توظيفه مثل القطري وإلا أقل ؟
باعتبار إنو بدون خبرة يعني خريج جديد
تحياتي

يامستر اكس..

انت شكلك قاعد تهددنا من الصبح.. امريكي وامريكي.. امريكي وامريكي..

قلت لك فريش قراديويت .. خل يفقد الامل...
MRX
30-08-2009, 04:02 PM
مشكور يا أخي anonymous
بس الواحد مفروض يكون عندو أدب في الكلام
يا إما لاترد علي
ما حد جابرك ترد
تحياتي
وأنتظر آراء بقية الاعضاء
مساهم أول
30-08-2009, 04:05 PM
في الثلاثينااات للمهندس ،،، ولأنه يستاهل من حقه والله يغنيه
PoBox
30-08-2009, 04:08 PM
ماشي يا أخ عبدالرحمن
إن شاء الله يصير خير
بس سؤالي للأعضاء وللأخ أسير الدوحة
الرجاء جاوبوني بعلم مسبق يعني محتاج حد بيعرف مش بس كلام
هل الأمريكي يتوظف بسرعة وهل سرعة توظيفه مثل القطري وإلا أقل ؟
باعتبار إنو بدون خبرة يعني خريج جديد
تحياتي

باختصار
الامريكي في هالحالة ، حاله حال الفلسطيني والنيبالي والمصري والجزائري والبريطاني والزيمبابووووووي
لاتفضيل لخريج جديد امريكي على خريج جديد قطري
ان شاء الله حد يطرشلك رقم الشيراوي او الوزير العطية تستفسر منهم على كيفك:looking:
بس في قسم شؤوون موظفين هو المسؤول ولو تتصل 180 بيعطونك رقمهم ،، الشيراوي مدير مالي ماله علاقة :omen2:

*
*

ان حبيت نحط لك اولوية فهي كالتالي
1) خريج قطري ممتاز
2) خريج قطري جيد
3) خريج قطري خافج

4) خريج امه قطرية
5) خريج من ابناء دول مجلس التعاون
6) كل العالم سوا
فارس قطر333
30-08-2009, 05:15 PM
اي خريج جامعة ينحط عالدرجة السابعة.. بس خريج هندسة وقانون على طول ينحط عالدرجة السادسة

بالنسبه لقانون الدوله الله يسلمك المهندس حاله مثل اي واحد عنده شهاده بكالريوس

يكون على الدرجه السابعه

واللي يكون على الدرجه السادسه في اللي عنه شهاده قانون بس
دلوليانوز
31-08-2009, 02:20 AM
متابع...بهدوء..


قلت لك..كان غيرك اشطر..وانا هذاني من سنه ونص..ولا زلنا نركض..عاد بتركض..عزيزي
sad-o-bas
31-08-2009, 02:48 AM
السلام عليكم..
أخوي بالنسبة لغير القطري فالشركات الي فضلت العمل فيها، حتى لو معدله 4/4، وعلى فكرة هالرقم ترى ما أبالغ فيه، وشهادة هندسة.. ياخذونه بدون واسطة بس بجينير قريد.. حتى لو أمريكي.. يعني بدال مايعطونك مهندس، يعطونك فني.. وعلى فكرة هذا السستم معمول به في أغلب دول العالم وأنا أشوفه أفيد لك عشان تبني نفسك.. والمسألة تاخذ وقت لين تطور نفسك.. وبالتوفيق..
الوفي
31-08-2009, 03:13 AM
المهندس الغير قطري معاملته اتكون غير في قطر للبترول
القطري ياخذونه يدربونه تقريبا بين 3 و6 سنوات على حسب المسمى الوظيفي الي يبونه يمسكه ويبدا من درجه 11 الي هي اول درجه في كبار الموظفين ويكون مسماه مهندس تحت التطوير لين يوصل درجه 14 يستوي مهندس ومعاشه يكون تقريبا 41 الف
في قطر غاز اظن او راس غاز المهندس معاشه يمكن 5 الف ريال اكثر عنا على حسب كلام بعض الشباب
الاجانب العاده يخترون الي عندهم الخبره يعني صار له مهندس 10 ولا 15 سنه وعلى طول
يبدا من درجة 14 .. معناته لو خريج جديد ماراح ينقبل الا لو كانت عنده واسطه قويه يعاملونه
معاملة القطري ولحد الحين ماشفت هل شي جدامي عندنا

وبخصوص الدرجات قطر للبترول تختلف عن باقي الدوائر الحكوميه
10 وتحت في قطر للبترول صغار موظفين
11 لين 23 كبار موظفين وكل ماكانت اعلى كل ماكان افضل

بخصوص الدوائر الحكوميه وغيرها من المؤسسات ان شاءالله الخوان يفيدونك لو عندك استفسار

كــــــــــلام ســـــــــليم وهذا الي كنت ابي اوضحه لما قريت الردود.....عندنا بقطر لبترول السنير يتعين على ال11 ويطلع فوق
MRX
31-08-2009, 03:44 AM
مشكور أخوي sad-o-bas
أنا أعتقد إنو كلامك صحيح
لانو في واحد فلسطيني بعرفه خلص هندسة وشغلوه فني
لكن سؤال لك أخي الكريم
كم سنة يحتاج المهندس لينتقل من جينير إلى سنير
وكم يكون راتب المهندس وهو جينير
ولمن يصير سينير كم يصير راتبه
طبعا هادا الكلام عن الأجنبي (فلسطيني أو جنسية أخرى )
تحياتي لك أخي الكريم
المخفي
31-08-2009, 05:30 PM
افضلك قدم في شلمبورغيه بتاخذك مهندس مقرهم في برج السلام
اسيرالدوحه
31-08-2009, 05:42 PM
مشكور أخوي sad-o-bas
أنا أعتقد إنو كلامك صحيح
لانو في واحد فلسطيني بعرفه خلص هندسة وشغلوه فني
لكن سؤال لك أخي الكريم
كم سنة يحتاج المهندس لينتقل من جينير إلى سنير
وكم يكون راتب المهندس وهو جينير
ولمن يصير سينير كم يصير راتبه
طبعا هادا الكلام عن الأجنبي (فلسطيني أو جنسية أخرى )
تحياتي لك أخي الكريم

السلام عليكم ..

مافي ضمانات ...

ممكن يقعد على طووول جنير ... واذا حظه ... حلو يمكن يحصل وظيفة سنير ... وان كانت صعبة ...


افضل حل وطريقة ... انه يدخل يشتغل في شركة خاصة .... يتعلم فيها .. وياخذ خبرة ...

بعدها يقدم على وظيفة معينة ...

واذا استوفي شروطها .... عينوه .... بخلاف جنسيته ...

يعطيك العافية اخوي ...

وبالتوفيق ...
MRX
01-09-2009, 05:33 AM
مشكورين جميعا على مساعدتكم
الله يوفقكم
تحياتي
ريم المدينة
04-09-2009, 01:21 AM
باختصار
الامريكي في هالحالة ، حاله حال الفلسطيني والنيبالي والمصري والجزائري والبريطاني والزيمبابووووووي
لاتفضيل لخريج جديد امريكي على خريج جديد قطري
ان شاء الله حد يطرشلك رقم الشيراوي او الوزير العطية تستفسر منهم على كيفك:looking:
بس في قسم شؤوون موظفين هو المسؤول ولو تتصل 180 بيعطونك رقمهم ،، الشيراوي مدير مالي ماله علاقة :omen2:

*
*

ان حبيت نحط لك اولوية فهي كالتالي
1) خريج قطري ممتاز
2) خريج قطري جيد
3) خريج قطري خافج

4) خريج امه قطرية
5) خريج من ابناء دول مجلس التعاون
6) كل العالم سوا


خريج خافج!!

شالفايدة منه اذا ما عنده دورات ولا خبرة عملية؟؟

جذيه بيكون حاله حال الطوفة مامنه فايدة؟

اشلون تقبلونهم؟؟

واذا ما اثبت كفاءته وبس ياي عشان المعاش والبرستيج و مب مال شغل اشبتسوون له؟؟

وحتى هالممتاز اللي مستانس على امتيازه اكيد بالغش والواسطات او لانه حفيظ وله خلي ايجي للشغل والله ما يعرف كوعه من بوعه.. صح ولا انا غلطانة؟؟
اسيرالدوحه
04-09-2009, 01:59 AM
خريج خافج!!

شالفايدة منه اذا ما عنده دورات ولا خبرة عملية؟؟

جذيه بيكون حاله حال الطوفة مامنه فايدة؟

اشلون تقبلونهم؟؟

واذا ما اثبت كفاءته وبس ياي عشان المعاش والبرستيج و مب مال شغل اشبتسوون له؟؟

وحتى هالممتاز اللي مستانس على امتيازه اكيد بالغش والواسطات او لانه حفيظ وله خلي ايجي للشغل والله ما يعرف كوعه من بوعه.. صح ولا انا غلطانة؟؟

السلام عليكم ...

بالنسبة لقطر للبترول ...

يتم توظيف الخريجيين .. من معدل جيد وفوق ...

والخرجيين بامتياز مع الغش ... هذي قلة قليلة ... ونادرة ...

وماراح يقدر يستمر في شغله ...

يعطيكم العافية ...
$$كلنا قطر$$
04-09-2009, 05:03 AM
خريج خافج!!

شالفايدة منه اذا ما عنده دورات ولا خبرة عملية؟؟

جذيه بيكون حاله حال الطوفة مامنه فايدة؟

اشلون تقبلونهم؟؟

واذا ما اثبت كفاءته وبس ياي عشان المعاش والبرستيج و مب مال شغل اشبتسوون له؟؟

وحتى هالممتاز اللي مستانس على امتيازه اكيد بالغش والواسطات او لانه حفيظ وله خلي ايجي للشغل والله ما يعرف كوعه من بوعه.. صح ولا انا غلطانة؟؟

:nono: :nono: :nono: :nono: :stop: كلن يرا النااااااااس .......
Q6o
04-09-2009, 08:41 AM
السلام عليكم

عندي مداخله بسيطه

راتب المهندس في قطر للبترول اول مايتعين بالنسبه للقطري 32 او 33 الف
طبعا متزوج وفي قطر غاز 30 الف

الاجنبي راتبه اقل لان مايستلم علاوة سكن والسكن يتم توفيره من قطر للبترول وغير انه ياخذ تذاكر وكذا امتيازات مش متوفره للقطري وعشان كذا معاشه اقل من القطري

وبعدين صعب يوظفون مهندس توه متخرج وماعنده خبره الا اذا كان قطري فقط
ويعطونه برنامج تدريب وتطوير لمدة ثلاث سنوات واذا هو شاطر بيخلص مدة التدريب باقل واذا انه عادي بيخلص بالمده نفسها واذا كسول بيطول بعد سنه او سنتين

ويا اخت ريم حتى لو خريج خافج يتوظف ويتدرب ويتعلم لين يصير قد الدرجه اللي يحطونه فيها
واذا شافوه مايبغي يتم مهندس في مصنع او ماعنده امكانيه يكون مخطط ومسؤول على قسم في مصنع يحولونه لوظيفه اداريه
يعني اعرف ناس تخصصاتهم هندسة ميكانيكا و كهرباء يشتغلون في اقسام اداريه نفس الماتيريالز او في hr او في البيرسونال او في الاقسام الماليه او اي قسم ثاني

يعني القطري يتوظف والا لانه خافج مايتوظف؟؟
يمكن مايقدر يستوعب او قدراته بسيطه في الدراسه وفي ناس كثير كذا
بس تلقينه في مجال الشغل مافي احسن منه وياخذ درجه اعلى من اللي ماخذ امتياز

ولحد يحكم على الناس من شهاداتهم
وياما شفنا ناس دارسين وشهادات قويه ولا عندهم مسؤوليه او قدره على التطوير ولا حتى اسلوب في الكلام
وتلقين واحد شهادته عاديه صار مسؤول على هذا الشخص وطبعا لانه اثبت جدارته وكفائته

واسف اذا طولت عليكم
اسيرالدوحه
04-09-2009, 01:22 PM
السلام عليكم

عندي مداخله بسيطه

الاجنبي راتبه اقل لان مايستلم علاوة سكن والسكن يتم توفيره من قطر للبترول وغير انه ياخذ تذاكر وكذا امتيازات مش متوفره للقطري وعشان كذا معاشه اقل من القطري



السلام عليكم ..

عندي تعقيب بسيط على مداخلتك اخوي ..

الاجنبي يستلم علاوة سكن ... لكن لا يستلم علاوة اجتماعية ...

فالسابق .... كانت قطر للبترول توفر سكن للاجانب ... لكن تقريبا من 10 سنوات ... تم الغاء هذا السكن ...

لكن يوجد قلة من الموظفين الذين يستفيدون من هذا السكن ...

الاغلبية العظمى ... تستلم علاوة سكن ...


يعطيك العافية اخوي ...
PoBox
04-09-2009, 02:04 PM
خريج خافج!!

شالفايدة منه اذا ما عنده دورات ولا خبرة عملية؟؟

جذيه بيكون حاله حال الطوفة مامنه فايدة؟

اشلون تقبلونهم؟؟

واذا ما اثبت كفاءته وبس ياي عشان المعاش والبرستيج و مب مال شغل اشبتسوون له؟؟

وحتى هالممتاز اللي مستانس على امتيازه اكيد بالغش والواسطات او لانه حفيظ وله خلي ايجي للشغل والله ما يعرف كوعه من بوعه.. صح ولا انا غلطانة؟؟


اختي الخريج القطري المسكين من وين له الخبرات والدورات ؟؟
لابد يتبناه شخص ( مثل قطر للبترول ) ويبنيله خبراته ويمسك ايده ويعلمه لين يصير شخص صاحب خبرة
وان اثبت نفسه راح يواصل في السلم الطلوعي او يبقى مكانه او يريوس احيانا :rolleyes2:

كل الناس يقدمون للوظيفه من اجل الراتب او المعاش فمافيها شي ماعتقد في شخص حاب يشتغل حبا في الشغل بس لو ماعطوه راتب !
ومن حقوقه كمواطن انه يحصل على وظيفة

المطلوب من الخريج - القطري - فقط حد ادنى من قابلية التطوير لا اكثر
وهالحد الادني مقياسه هو اللغة والشهادة وال GPA الجامعي لااكثر
ريم المدينة
05-09-2009, 06:49 PM
:nono: :nono: :nono: :nono: :stop: كلن يرا النااااااااس .......


ان شاء الله يكون كلامي غلط :secret:


السلام عليكم

عندي مداخله بسيطه

راتب المهندس في قطر للبترول اول مايتعين بالنسبه للقطري 32 او 33 الف
طبعا متزوج وفي قطر غاز 30 الف

الاجنبي راتبه اقل لان مايستلم علاوة سكن والسكن يتم توفيره من قطر للبترول وغير انه ياخذ تذاكر وكذا امتيازات مش متوفره للقطري وعشان كذا معاشه اقل من القطري

وبعدين صعب يوظفون مهندس توه متخرج وماعنده خبره الا اذا كان قطري فقط
ويعطونه برنامج تدريب وتطوير لمدة ثلاث سنوات واذا هو شاطر بيخلص مدة التدريب باقل واذا انه عادي بيخلص بالمده نفسها واذا كسول بيطول بعد سنه او سنتين

ويا اخت ريم حتى لو خريج خافج يتوظف ويتدرب ويتعلم لين يصير قد الدرجه اللي يحطونه فيها
واذا شافوه مايبغي يتم مهندس في مصنع او ماعنده امكانيه يكون مخطط ومسؤول على قسم في مصنع يحولونه لوظيفه اداريه
يعني اعرف ناس تخصصاتهم هندسة ميكانيكا و كهرباء يشتغلون في اقسام اداريه نفس الماتيريالز او في hr او في البيرسونال او في الاقسام الماليه او اي قسم ثاني

يعني القطري يتوظف والا لانه خافج مايتوظف؟؟
يمكن مايقدر يستوعب او قدراته بسيطه في الدراسه وفي ناس كثير كذا
بس تلقينه في مجال الشغل مافي احسن منه وياخذ درجه اعلى من اللي ماخذ امتياز

ولحد يحكم على الناس من شهاداتهم
وياما شفنا ناس دارسين وشهادات قويه ولا عندهم مسؤوليه او قدره على التطوير ولا حتى اسلوب في الكلام
وتلقين واحد شهادته عاديه صار مسؤول على هذا الشخص وطبعا لانه اثبت جدارته وكفائته

واسف اذا طولت عليكم


ان شاء الله الخافج يثبت كفاءته مع اني قاعدة اشوف انهم من الاساس مب مال شغل ولا كان مارفضوا البترول عشان التدريب سنتين واعرف ناس وايد جذيه..
الســيل
05-09-2009, 09:06 PM
السلام عليكم

اللى اشوفه انا انه الاجنبي يعني اللى مايتكلم عربي له سنويا 60000 ريال ياخذها ع البارد والمبرد ليش قال بدل تذاكر
ريم المدينة
06-09-2009, 10:08 PM
اختي الخريج القطري المسكين من وين له الخبرات والدورات ؟؟
لابد يتبناه شخص ( مثل قطر للبترول ) ويبنيله خبراته ويمسك ايده ويعلمه لين يصير شخص صاحب خبرة
وان اثبت نفسه راح يواصل في السلم الطلوعي او يبقى مكانه او يريوس احيانا :rolleyes2:



اهم شي يثبت عمره والا...

احسن له يتوكل على الله :secret:

كل الناس يقدمون للوظيفه من اجل الراتب او المعاش فمافيها شي ماعتقد في شخص حاب يشتغل حبا في الشغل بس لو ماعطوه راتب !
ومن حقوقه كمواطن انه يحصل على وظيفة

المطلوب من الخريج - القطري - فقط حد ادنى من قابلية التطوير لا اكثر
وهالحد الادني مقياسه هو اللغة والشهادة وال gpa الجامعي لااكثر





من وين له الدورات؟؟

الله مكثر المراكز التعليمية...

الهيئة العامة للشباب والجامعة ما قصروا كل فترة يطرحون دورات في مجال تخصص ناس وايد وبأسعار رمزية...

على الاقل الخريج لازم يكون عنده دورة icdl وانجليزي يدعم فيها السي في مالته..

والله مكثر المؤتمرات والبطولات في البلاد يقدر يطوع فيها هاي الشي واااايد يساعده بعد لما يتوظف لانه يدل على ان هالشخص نشيط ويحب العمل الجماعي وانه مبدع...

والجامعة تعطي الطالب فرصة عظييييييمة لتجربة بيئة العمل وهي فرصة التدريب الصيفي...

اذا الطالب ما يعرف اشلون يستغل الفرص اللي حوليه اهنيه اسمح لي اقول لك انه طالب "غبي" وما يعرف اشلون يدبر عمره خاصة انه حط كل بيضه في سلة واحدة وما جرب يدور فرص ثانية يثبت نفسه فيها غير الدراسة والشهادة..


يا بو بوكس اللي يدور الشغل بيحصله وين ما كان...

انا بتخرج قريب ان شاء الله والحمدلله احس اني سويت انجازات لا بأس بها بالنسبة لي كطالبة جامعية...

ولحد يتعذر بانه خريج جديد وما عمره سمع بهالاشياء..

وشكرا..
اسيرالدوحه
07-09-2009, 01:55 AM
عندي تعليق بسيط على الخريج الخافج ...

بالتسبة لقطر للبترول ... الخريج الخافج ... مايحصل له مكان ...

والواسطه صعبة في قطر للبترول ...

طيب ... وين يرووح الخريج الخافج ؟؟؟

يرووح المكان اللي فيه واسطات ...


الوزارات ....

لهذا السبب ... نشوف الانجازات الباهرة فالمشاربع اللي تصير فالدوله ...

ماشاء الله ... يقدرون مشروع يخلص بسنتين ... بمبلغ معين ...

اللي يصير .... المشروع يخلص في فترة قياسية جدا ... يعني السنتين فوقهم 3 او 4 سنوات ... طبعا مع زيادة التكلفة ...

هذا طبعا اذا خلص المشرووع ينجاح ... والمقاول ماسحب نفسه من المشرووع ....


في فرق كبير بين العمل في قطر للبترول وشركاتها ... وبين العمل فالقطاع الحكومي ...

يعطيكم العافية جميع ...
ريم المدينة
07-09-2009, 03:29 AM
وانت صح!!
قطراوي للأبد
13-09-2009, 11:37 PM
يالربع لحد يقول مايحصل مكان ..

والله ناس يايبيين عالحفففه .. وتوظفوا !

وانا اعرفهم شخصيا .. واعرف الشركات اللي دشوا فيها ! .. واللي يقول لك قطر للبترول مافيها واسطات .. غلطان =) ! .. لأن اوراق الواحد مابتمشي بسهوله بدون الفيتامين ..

وبعدين الدورات اللي ياخذونها المهندسين ! .. ياما سمعنا عن ناس مايستحقون الدورات .. خذوها ! .. وغيرهم اللي يستاهل ماخذها !


المهم ..

انا بقول لكم عن راس غاز !

يبدى على ما اظن المهندس قريد 10 او 9 .. على حسب درجته
بعد 6 شهور تدريب .. واول مايتوظف .. اعتقد انه يصير 7 او 6 ! ..


وراتبه يختلف .. إذا كان فـ لفان .. ولا فالدوحه فالبرج .. وطبعا اليوميه تختلف .. لأن بيكون فيها بدل تنقل !

لكن بشكل عام .. مهندس فـ لفان .. يستلم 30 ألف .. عزوبي !

واتمنى معلوماتي مافيها غلط ..


وعساكم عالقوه
دلوليانوز
14-09-2009, 02:14 AM
ايه...ارزااااااااااااااااااااااااااااااااااااااااا ااااااق


ولا اقول..وسطااااااااااااااااااااااااااااااااااااااات


اعيد واكرر كلامي للمره المليار...الوظيفه لا تبي معدل ولا حتى شهاده يا شيخ..واللي يقول ابالغ كيفه..واسأله انت كيف توظفت..كلها بالمعارف والواسطات..

لا اتعبون عمركم..واتقارنون...اللي ياخذ 10 ولا 20 ولا 30 ..هنا وعافيه
سواء يستحق ولا لا...غيره بيشتغل عنه..وعقبها يستحق هو..ويترقى..

رجاء مني للاداره..اي مواضيع فيها رواتب..ومقارنات بين الشركات..وهذا عربي وهذا ومواطن وهذا اجنبي..سكروها ..كفايه عوار قلب

ناس ادرست..وبالبيت
ناس نامت..وفي اعلى المناصب
--------------------------------------------
ورمضان كريم
المريش
18-09-2009, 12:39 AM
خل نتكلم بصراحة

كل دولة تتبنى خريجينها الجدد لتهيئتهم للمستقبل
وعلى فكرة إذا تم الإستفادة من الخريج الجديد على الوجه الصحيح، سيتم صنع قائد للمستقبل لأن الخريج يجي بإندفاعه ورغبته بإثبات نفسه
وللأسف البعض يوفق والبعض الآخر ينصدم بهالأجانب اللي ياخذ القطري كنه عدو بياخذ منصبه أو مكانه ويحاول يكسر مجاديفه

يا أخوان قطر دولة صناعية، وإذا ما قامت على تهيئة الخريجين الجدد ، وين قادة المستقبل
وعلى فكرة ما تتعدى نسبة أصحاب المناصب القيادية في شركات القطاع الخاص 20% من القطريين
وين القطريين
ونسبة القطريين في الشركات تقريبا من 30 إلى 40%، وأكثرهم يا سكيوريتي أو تكنشن أو اوبريتر
ويقولون أحنا وصلنا نسبة كبيرة من التقطير
طل...............
أحنا نبي مهندسين قطريين
نبي سوبرفيزريا قطريين
نبي أصحاب مناصب قطريين
هذي دولتنا ومب خسارة أنها تدفع للرقي بالقطريين وهي مب مقصرة ولا بومشعل مقصر
بس بعض الأجانب عشان ما نظلم الكل، يعطي صورة غير واضحة لأصحاب القرار
مرة كان في إجتماع للعطية مع مجالس إدارة الشركات بشأن التقطيير ونفضهم نفاض، بعدها كل الشركات حاولت توظف قطريين بس عشان يوصولون نسبة يتملقون فيها العطية
ولكن للأسف هل هي وظائف جامعية
أم للأسف موظفيين عاديين عشان تظل المناصب الإدارية والقيادية ما لها أحد

اسمحولي على الإطالة----------من قطري غيور
اسيرالدوحه
18-09-2009, 12:56 AM
السلام عليكم ...

ماشاء الله ... النقاش تحول الى منحنى آخر ...

انا اختلف في الرأي مع اللي يقول انه توظيف القطريين في قطر للبترول .... بالواسطة ....

اذا ولد الوزير كان شغال حاله حال غيره لين استقال ....

قطر للبترول .... عندها نظام تمشي عليه ...

والمحاباه ... وحب الخشوم ... والواسطات ... ماتمشي في قطر للبترول ...

وبعدين ... الخريج المهندس القطري اللي تقديره اقل من جيد ... مايتوظف في قطر للبترول !!!

كل واحد وشطارته ...

وبعدين اقول لأخوي ... المريش ....

كلامك صح ... 100% ... لكن قبل 10 سنوات ...

بس الحين ... الوضع تغير في قطر للبترول ...

روح ادارة الهندسة ... وشوف المهندسين القطرييين ... ماشاء الله عليهم ...

وبعدين في نقطة مهمة اخوي ... انت لم تنتبه لها في توظيف موظفين قطريين في وظائف عادية ...

فالسابق ... هذي الوظائف كانت محتكرة على الاجانب ... وطبعا ... اسرار الشغل كله عندهم ...

واذا جاهم مدير ... قطري ... ومابغوه ... اشتغلوا عليه ...


لكن الحين الوظع مختلف بتاتا ...
بدأت الشركات ... في التقطير ... على جميع المستويات ... بحيث يكون هذا التقطير مقنن ... ومتوزع صح ...

يعطيكم العافية جميع ....
المريش
18-09-2009, 04:50 AM
السلام عليكم ...

ماشاء الله ... النقاش تحول الى منحنى آخر ...

انا اختلف في الرأي مع اللي يقول انه توظيف القطريين في قطر للبترول .... بالواسطة ....

اذا ولد الوزير كان شغال حاله حال غيره لين استقال ....

قطر للبترول .... عندها نظام تمشي عليه ...

والمحاباه ... وحب الخشوم ... والواسطات ... ماتمشي في قطر للبترول ...

وبعدين ... الخريج المهندس القطري اللي تقديره اقل من جيد ... مايتوظف في قطر للبترول !!!

كل واحد وشطارته ...

وبعدين اقول لأخوي ... المريش ....

كلامك صح ... 100% ... لكن قبل 10 سنوات ...

بس الحين ... الوضع تغير في قطر للبترول ...

روح ادارة الهندسة ... وشوف المهندسين القطرييين ... ماشاء الله عليهم ...

وبعدين في نقطة مهمة اخوي ... انت لم تنتبه لها في توظيف موظفين قطريين في وظائف عادية ...

فالسابق ... هذي الوظائف كانت محتكرة على الاجانب ... وطبعا ... اسرار الشغل كله عندهم ...

واذا جاهم مدير ... قطري ... ومابغوه ... اشتغلوا عليه ...


لكن الحين الوظع مختلف بتاتا ...
بدأت الشركات ... في التقطير ... على جميع المستويات ... بحيث يكون هذا التقطير مقنن ... ومتوزع صح ...

يعطيكم العافية جميع ....

جزاك الله خير
كلامك صحيح أخوي، أنا ما أقول إنه ما نبي وظايف عادية ولكن نبي بعد قياديين قطريين عشان ينصفون المساكين اللي بالوظايف العادية وتعال شوف لوعاتهم
وإذا أنت تكلم عن قطر للبترول، أنا أتكلم عن عموم الشركات وروح شوف بنفسك
ويا ريت أطلع غلطان
بس الشركة اللي أنا فيها مب صحيح

أنا قصدي يا أخوان الله الله في ولد البلد كلن رايح إلا هو، مثل الغيمة وين ما أمطرت رزقها بقطر

وكل عام وأنتم بخير مقدما
ريم المدينة
18-09-2009, 06:04 AM
خل نتكلم بصراحة

كل دولة تتبنى خريجينها الجدد لتهيئتهم للمستقبل
وعلى فكرة إذا تم الإستفادة من الخريج الجديد على الوجه الصحيح، سيتم صنع قائد للمستقبل لأن الخريج يجي بإندفاعه ورغبته بإثبات نفسه
وللأسف البعض يوفق والبعض الآخر ينصدم بهالأجانب اللي ياخذ القطري كنه عدو بياخذ منصبه أو مكانه ويحاول يكسر مجاديفه

يا أخوان قطر دولة صناعية، وإذا ما قامت على تهيئة الخريجين الجدد ، وين قادة المستقبل
وعلى فكرة ما تتعدى نسبة أصحاب المناصب القيادية في شركات القطاع الخاص 20% من القطريين
وين القطريين
ونسبة القطريين في الشركات تقريبا من 30 إلى 40%، وأكثرهم يا سكيوريتي أو تكنشن أو اوبريتر
ويقولون أحنا وصلنا نسبة كبيرة من التقطير
طل...............
أحنا نبي مهندسين قطريين
نبي سوبرفيزريا قطريين
نبي أصحاب مناصب قطريين
هذي دولتنا ومب خسارة أنها تدفع للرقي بالقطريين وهي مب مقصرة ولا بومشعل مقصر
بس بعض الأجانب عشان ما نظلم الكل، يعطي صورة غير واضحة لأصحاب القرار
مرة كان في إجتماع للعطية مع مجالس إدارة الشركات بشأن التقطيير ونفضهم نفاض، بعدها كل الشركات حاولت توظف قطريين بس عشان يوصولون نسبة يتملقون فيها العطية
ولكن للأسف هل هي وظائف جامعية
أم للأسف موظفيين عاديين عشان تظل المناصب الإدارية والقيادية ما لها أحد

اسمحولي على الإطالة----------من قطري غيور

:victory::victory::victory::victory::victory::vict ory:


بسألك...

اشرايك في اكسون موبيل؟؟ هل احسن من راس غاز من ناحية بيئة العمل وقلة الهنود :rolleyes2:





السلام عليكم ...

ماشاء الله ... النقاش تحول الى منحنى آخر ...

انا اختلف في الرأي مع اللي يقول انه توظيف القطريين في قطر للبترول .... بالواسطة ....

اذا ولد الوزير كان شغال حاله حال غيره لين استقال ....

قطر للبترول .... عندها نظام تمشي عليه ...

والمحاباه ... وحب الخشوم ... والواسطات ... ماتمشي في قطر للبترول ...


كلش كلش... دام جذيه عيل :victory::victory:

حبتين يا كيو بي...


وبعدين ... الخريج المهندس القطري اللي تقديره اقل من جيد ... مايتوظف في قطر للبترول !!!


بشرك الله بالخير :nice::nice:


كل واحد وشطارته ...

وبعدين اقول لأخوي ... المريش ....

كلامك صح ... 100% ... لكن قبل 10 سنوات ...

بس الحين ... الوضع تغير في قطر للبترول ...

روح ادارة الهندسة ... وشوف المهندسين القطرييين ... ماشاء الله عليهم ...

وبعدين في نقطة مهمة اخوي ... انت لم تنتبه لها في توظيف موظفين قطريين في وظائف عادية ...

فالسابق ... هذي الوظائف كانت محتكرة على الاجانب ... وطبعا ... اسرار الشغل كله عندهم ...

واذا جاهم مدير ... قطري ... ومابغوه ... اشتغلوا عليه ...


لكن الحين الوظع مختلف بتاتا ...
بدأت الشركات ... في التقطير ... على جميع المستويات ... بحيث يكون هذا التقطير مقنن ... ومتوزع صح ...

يعطيكم العافية جميع ....

:nice::nice::nice:
بويوسف
18-09-2009, 03:41 PM
ان شالله مايحتاج واسطة .. ويكون هناك اولوية للقطري .. بس الشي الغريب ان نرى توظيف اجانب والقطريين محد يوظفهم .. وهالشي موجود حتى في الوظائف التخصصية والهندسية والفنية ..
اسيرالدوحه
19-09-2009, 12:09 AM
جزاك الله خير
كلامك صحيح أخوي، أنا ما أقول إنه ما نبي وظايف عادية ولكن نبي بعد قياديين قطريين عشان ينصفون المساكين اللي بالوظايف العادية وتعال شوف لوعاتهم
وإذا أنت تكلم عن قطر للبترول، أنا أتكلم عن عموم الشركات وروح شوف بنفسك
ويا ريت أطلع غلطان
بس الشركة اللي أنا فيها مب صحيح

أنا قصدي يا أخوان الله الله في ولد البلد كلن رايح إلا هو، مثل الغيمة وين ما أمطرت رزقها بقطر

وكل عام وأنتم بخير مقدما

وجزاك اخوي خير الجزاء

ياخي عموم الشركات ... اعتقد ماشية على نفس نهج قطر للبترول ...

الشركات اللي تتبعها ...

لكن باقي الهيئات .... فعليها السلام ...

مسوية عمرها ... هيئة مستقلة ... وتتبع الحرفية في شغلها ....

لكنها ... على قول المثل ... من برع هالله هالله .. ومن داخل يعلم الله ...

تحصل المدير ... موظف اخوانه وعيال عمه ... ويمكن بعد موظف هنديهم ... يصب له القهوة ...

المشاريع تتعطل ... ولا يهتمون ...

مصالح الناس تتعطل ... ولا همهم ...

همهم الوحيد ... المظاهر ...

قطر للبترول .... انا اشوفها ... امتلئت بالقطريين ... على جميع المستويات تقريبا ...

من المدير ... الى موظفين السكرتارية ...

عيب معظم القطريين .... انهم قطريين ...

تسألي شلون ؟؟ اقولك شلون ..

عيب القطري ... انه قطري .... غني ... وعنده فلووووس وايد .... ومايحب يشتغل ...

ومهما سوى ... ومهما اشتغل .... تبقى هذي السمعة تلاحقه ...

هذا اللي يصير لمعظم القطريين في كل مكان تقريبا ...

اشياء كثيرة تحصل للقطري في بلاده ...

كلامك صحيح اخوي ..... كل واحد راح يترك البلد ويرجع بلاده .... الا القطري المسكين ....

القطريين بدأوا يشغلون اغلب الوظائف الحيوية فالبلد ...

لكن ... يبقون في وجهة نظر المسئولين ... درجة ثانية ... بعد الاجنبي ...

ستظل هذه العقدة ... تلاحقنا .... الى متى ؟؟

محد يعرف الاجابة على هذا السؤال ...
بويوسف
19-09-2009, 12:30 AM
يا اخي اسير انت تظلم الكثير بتعميمك .. بعدين اي هيئات الله يهداك .. خلاص الحسد عمل عمايله وراحت الهيئات وتم دمج معظم الهيئات بالوزارات .. هذا طبعا ترتب عليها النزول الى الاسفل ونسف كل الانجازات .. اكلمك من اعماق هيئة وشايف عن قرب اش التطوير اللي صار وماشين فيه ..
ريم المدينة
19-09-2009, 09:23 AM
بااااااال الله يعينكم والله...
ابوفايز
19-09-2009, 02:19 PM
بالتوفيق
المريش
20-09-2009, 01:23 PM
:victory::victory::victory::victory::victory::vict ory:


بسألك...

اشرايك في اكسون موبيل؟؟ هل احسن من راس غاز من ناحية بيئة العمل وقلة الهنود :rolleyes2:






:nice::nice::nice:

رأس غاز شراكة بين قطر للبترول وأكسون موبيل والهنود مالهم حل، تحصلينهم في كل مكان
بـنـت ڪرز
24-09-2009, 05:37 PM
انزين والمهندسه القطريه؟

نفس الشي ولا اقل؟ :p
بويوسف
24-09-2009, 06:24 PM
انزين والمهندسه القطريه؟

نفس الشي ولا اقل؟ :p

وينها المهندسة القطرية ؟
ريم المدينة
25-09-2009, 07:49 PM
رأس غاز شراكة بين قطر للبترول وأكسون موبيل والهنود مالهم حل، تحصلينهم في كل مكان

:omg::omg::omg::omg::omg:


بس من احسن من ناحية قلة القطريين والامتيازات و اماكن العمل؟؟



وينها المهندسة القطرية ؟


كاهي موجودة :nice::nice:
بويوسف
25-09-2009, 08:43 PM
:omg::omg::omg::omg::omg:


بس من احسن من ناحية قلة القطريين والامتيازات و اماكن العمل؟؟




كاهي موجودة :nice::nice:


مهندسات بمعنى مهندسات مش موجود الموجود مصممات ديكور وانتيريرز وجرافكس :nice:
ريم المدينة
27-09-2009, 05:55 PM
لا واالله مهندسة مهندسة...

سي اس مان<< مهندسات من قللللب

ولا يزعلون بعد هل السي اي^^
ِ
بـنـت ڪرز
28-09-2009, 06:28 AM
انا دارسه هندسه كهربائيه وتوني متخرجه + قطريه بطن وظهر

يعني سيم سيم معاش ولا شسالفه؟ :P

وبعدين وين احسن مكان اشتغل فيه غير البترول؟ ولا البترول احسن؟ .. :s بارده انا مادري متى بقدم مستانسه عالاجازه :$


ريم المدينه

حبو وين تشتغلين؟ .. تخصصج كمبيوتر ساينس؟ ... هممم اذا اي عيل شلون يكون هندسه؟
وضحي لي الشيخه .. وبعد ناطره حد يجاوب على سؤالج عن وين احسن مكان نشتغل فيه من ناحية الامتيازات وهيك سوالف :$
بويوسف
28-09-2009, 11:10 AM
انا دارسه هندسه كهربائيه وتوني متخرجه + قطريه بطن وظهر

يعني سيم سيم معاش ولا شسالفه؟ :P

وبعدين وين احسن مكان اشتغل فيه غير البترول؟ ولا البترول احسن؟ .. :s بارده انا مادري متى بقدم مستانسه عالاجازه :$


ريم المدينه

حبو وين تشتغلين؟ .. تخصصج كمبيوتر ساينس؟ ... هممم اذا اي عيل شلون يكون هندسه؟
وضحي لي الشيخه .. وبعد ناطره حد يجاوب على سؤالج عن وين احسن مكان نشتغل فيه من ناحية الامتيازات وهيك سوالف :$

للتوضيح سي اس اظن الاخت ريم تقصد علوم الكمبيوتر Computer Science
واهل ال سي اي احتمال Civil Engineering

طبعا علوم الكمبيوتر ماله علاقة بالهندسة والمهندسين وعمر المبرمج ماكان مهندس .. ولكن هناك تخصص منفصل وهو هندسة كمبيوتر واعتقد انه تخصص من الهندسة الميكانيكية او مشابه له .

بالنسبة للاخت كرز انصحج اذا صارت لج فرصة تروحين البترول . وتخصص الكهرباء من افضل التخصصات ودائما ماتعاني الجهات المختلفة من ندرة واحتياج للمتخصصين في هذا المجال فما بالك اذا كنتي قطرية .
شبعان
28-09-2009, 05:11 PM
انا دارسه هندسه كهربائيه وتوني متخرجه + قطريه بطن وظهر

يعني سيم سيم معاش ولا شسالفه؟ :p

وبعدين وين احسن مكان اشتغل فيه غير البترول؟ ولا البترول احسن؟ .. :s بارده انا مادري متى بقدم مستانسه عالاجازه :$


ريم المدينه

حبو وين تشتغلين؟ .. تخصصج كمبيوتر ساينس؟ ... هممم اذا اي عيل شلون يكون هندسه؟
وضحي لي الشيخه .. وبعد ناطره حد يجاوب على سؤالج عن وين احسن مكان نشتغل فيه من ناحية الامتيازات وهيك سوالف :$
انصحج تقدمين على شبكة الجزيره لانهم محتاجين مهندسين قطريين.
ورواتبهم زينه.
بـنـت ڪرز
28-09-2009, 10:42 PM
اخوي بويوسف

اي والله تخصصي غلج وياما وقت الدراسه كنت متحسفه اني اخترته بس الحمدلله عقب التخرج وايد افتخر اني اخترته لانه مميز صج :)))

وصح كلامك كمبيوتر ساينس ماله علاقه فالهندسه فاستغربت من نور المدينه :s

شكلي بقدم على كيوتل لان خاطري اشتغل في مجال الاتصالات مش الكهربا ... لان تخصصي فالهندسه الكهربائيه هو اتصالات ^_*

شبعان

معاشاتهم زينه يعني حول كم؟ ... <<< الاخت طماعه :p

يوم كلمت كيوتل قالوا 21 الف كبدايه وبعد التثبيت يزيد الفين وكل سنه طبعاً يزيد على حسب التقييم
هاي غير البروموشن يعني الحلو في كيوتل ان الواحد يحصل بروموشن ومايتم مكانه سنييين .. ولا شرايكم؟

بخصوص راس غاز احس شغلهم كراف ! ..
بويوسف
28-09-2009, 11:07 PM
اخوي بويوسف

اي والله تخصصي غلج وياما وقت الدراسه كنت متحسفه اني اخترته بس الحمدلله عقب التخرج وايد افتخر اني اخترته لانه مميز صج :)))

وصح كلامك كمبيوتر ساينس ماله علاقه فالهندسه فاستغربت من نور المدينه :s

شكلي بقدم على كيوتل لان خاطري اشتغل في مجال الاتصالات مش الكهربا ... لان تخصصي فالهندسه الكهربائيه هو اتصالات ^_*

شبعان

معاشاتهم زينه يعني حول كم؟ ... <<< الاخت طماعه :p

يوم كلمت كيوتل قالوا 21 الف كبدايه وبعد التثبيت يزيد الفين وكل سنه طبعاً يزيد على حسب التقييم
هاي غير البروموشن يعني الحلو في كيوتل ان الواحد يحصل بروموشن ومايتم مكانه سنييين .. ولا شرايكم؟

بخصوص راس غاز احس شغلهم كراف ! ..

اختي توكلي على الله .. كيوتل زينة والخبرة اللي بتحصلينها بتكون مطلوبة في اي مكان وحاسبي لاتشتغلين في وزارة او جهة حكومية خصوصا انج باول المشوار ...

خذي خبرة من كيوتل وبعد كم سنة اذا تبي تغيرين تقدرين تروحين مكان ثاني براتب اعلى بكثير ..
بـنـت ڪرز
29-09-2009, 04:50 AM
شكراً بويووسف على السوبوورت :)
sad-o-bas
29-09-2009, 05:27 AM
اخوي بويوسف

اي والله تخصصي غلج وياما وقت الدراسه كنت متحسفه اني اخترته بس الحمدلله عقب التخرج وايد افتخر اني اخترته لانه مميز صج :)))

وصح كلامك كمبيوتر ساينس ماله علاقه فالهندسه فاستغربت من نور المدينه :s

شكلي بقدم على كيوتل لان خاطري اشتغل في مجال الاتصالات مش الكهربا ... لان تخصصي فالهندسه الكهربائيه هو اتصالات ^_*

شبعان

معاشاتهم زينه يعني حول كم؟ ... <<< الاخت طماعه :p

يوم كلمت كيوتل قالوا 21 الف كبدايه وبعد التثبيت يزيد الفين وكل سنه طبعاً يزيد على حسب التقييم
هاي غير البروموشن يعني الحلو في كيوتل ان الواحد يحصل بروموشن ومايتم مكانه سنييين .. ولا شرايكم؟

بخصوص راس غاز احس شغلهم كراف ! ..

السلام عليكم، مب لازم تحسين، جربي واحكمي، أو إسئلي ربعج واخذي الفيدباك.. أنا مستعد أضمن لج إن الراتب الي بيعطونج إياه كيوتل ولاشي بلي بتلقينه عند شركات الغاز بالذات.. والله حرام تدفنون أعماركم في شي ماله علاقة بالخير الي قاعد يطلع من هالأرض.. أنتي أولى من غيرج.. وإذا انج هابة ريح.. صدقيني الترقيات ولا أروع.. تشتغلين عدل تترقين بسرعة، والدورات وايد أسرع من الشركات الثانية.. نصيحة إختي شوفي لج شركة من شركات الغاز، والله يوفقج..

أخوي بويوسف.. هندسة الكمبيوتر مالها علاقة كلش بالميكانيكية.. فتحوا أربع أقسام للبنات فالجامعة لما كنت فيها..

الصناعية --- تقابلها الميكانيكية عن البنين
الكمبيوتر --- تقابلها الكهربائية عن البنين
المعمارية --- تقابلها المدنية عن البنين
الكيميائية عن البنين والبنات..

تحياتي للكل..
ريم المدينة
29-09-2009, 05:48 AM
انا دارسه هندسه كهربائيه وتوني متخرجه + قطريه بطن وظهر

يعني سيم سيم معاش ولا شسالفه؟ :p

وبعدين وين احسن مكان اشتغل فيه غير البترول؟ ولا البترول احسن؟ .. :s بارده انا مادري متى بقدم مستانسه عالاجازه :$


ريم المدينه

حبو وين تشتغلين؟ .. تخصصج كمبيوتر ساينس؟ ... هممم اذا اي عيل شلون يكون هندسه؟
وضحي لي الشيخه .. وبعد ناطره حد يجاوب على سؤالج عن وين احسن مكان نشتغل فيه من ناحية الامتيازات وهيك سوالف :$


مادري بس من كم سنة صار هالتخصص تبع كلية الهندسة جامعة قهرررررررر



للتوضيح سي اس اظن الاخت ريم تقصد علوم الكمبيوتر computer science
واهل ال سي اي احتمال civil engineering


اقصد بالسي اي= كمبيوتر انجنيرنغ :nice:
بس تقدر تحط هالاختصار حق اي تخصص ثاني اذا تبي :nice:

طبعا علوم الكمبيوتر ماله علاقة بالهندسة والمهندسين وعمر المبرمج ماكان مهندس .. ولكن هناك تخصص منفصل وهو هندسة كمبيوتر واعتقد انه تخصص من الهندسة الميكانيكية او مشابه له .


احم احم هندسة كمبيوتر ماله علاقة بالميكانيكا...


بالنسبة للاخت كرز انصحج اذا صارت لج فرصة تروحين البترول . وتخصص الكهرباء من افضل التخصصات ودائما ماتعاني الجهات المختلفة من ندرة واحتياج للمتخصصين في هذا المجال فما بالك اذا كنتي قطرية .


اخوي بويوسف

اي والله تخصصي غلج وياما وقت الدراسه كنت متحسفه اني اخترته بس الحمدلله عقب التخرج وايد افتخر اني اخترته لانه مميز صج :)))


نفس الحالة:(

وصح كلامك كمبيوتر ساينس ماله علاقه فالهندسه فاستغربت من نور المدينه :s

شكلي بقدم على كيوتل لان خاطري اشتغل في مجال الاتصالات مش الكهربا ... لان تخصصي فالهندسه الكهربائيه هو اتصالات ^_*

:nice::nice::nice:

شبعان

معاشاتهم زينه يعني حول كم؟ ... <<< الاخت طماعه :p

يوم كلمت كيوتل قالوا 21 الف كبدايه وبعد التثبيت يزيد الفين وكل سنه طبعاً يزيد على حسب التقييم
هاي غير البروموشن يعني الحلو في كيوتل ان الواحد يحصل بروموشن ومايتم مكانه سنييين .. ولا شرايكم؟

بخصوص راس غاز احس شغلهم كراف ! ..


السلام عليكم، مب لازم تحسين، جربي واحكمي، أو إسئلي ربعج واخذي الفيدباك.. أنا مستعد أضمن لج إن الراتب الي بيعطونج إياه كيوتل ولاشي بلي بتلقينه عند شركات الغاز بالذات.. والله حرام تدفنون أعماركم في شي ماله علاقة بالخير الي قاعد يطلع من هالأرض.. أنتي أولى من غيرج.. وإذا انج هابة ريح.. صدقيني الترقيات ولا أروع.. تشتغلين عدل تترقين بسرعة، والدورات وايد أسرع من الشركات الثانية.. نصيحة إختي شوفي لج شركة من شركات الغاز، والله يوفقج..

:nice::nice::nice::nice:


اشرايك في اكسون موبيل؟؟

أخوي بويوسف.. هندسة الكمبيوتر مالها علاقة كلش بالميكانيكية.. فتحوا أربع أقسام للبنات فالجامعة لما كنت فيها..

الصناعية --- تقابلها الميكانيكية عن البنين
الكمبيوتر --- تقابلها الكهربائية عن البنين
المعمارية --- تقابلها المدنية عن البنين
الكيميائية عن البنين والبنات..

:victory::victory::victory:

تحياتي للكل..
بـنـت ڪرز
29-09-2009, 09:52 PM
sad o bas

دامك في راس غاز خاطري اعصرك من الاسئله اللي عندي ههههههه بس احسن لي اسكت :$
معيذر جنوب
29-09-2009, 10:15 PM
راس غاز - قطر للبترول- الشركات التابعة لصناعات قطر- دولفين للطاقة- قطر فايدونشين كلهم ok
أفضلهم على الاطلاق راس غاززززززززز ممكن يوصل راتبج بداية التعيين 25 ألف.
نصيحة تخصصج نادر خصوصا ت القطريات قلة الخريجات من هذا التخصص فلازم تفاوضيين
على الراتب وماتقبليين أول عرض.
كيوتل ( أبتعدي عنهم أحسن)
sad-o-bas
29-09-2009, 10:17 PM
sad o bas

دامك في راس غاز خاطري اعصرك من الاسئله اللي عندي ههههههه بس احسن لي اسكت :$

إختي إسئلي وبفيدج بلي الله يقدرني عليه..

بخصوص الإخت الي سألت عن إكسون، ترى نسبة إكسون موبل في راس غاز 30%، والنسبة مش بسيطة، وعندنا شباب قطريين سبونسرد من إكسون ويتدربون عند كل الأقسام (روتيشن)، أحس إكسون يهتمون بإن المهندس الي عندهم يفهم كل شي (حتى البروسس إذا كان ميكانيكي) ويتوقع نفسة ينحط في أي منصب.. مادري ليش أحس عندهم برنامج واضح ومرتب للديفلوبي.. بس على ماسمعت ومب متأكد، الرواتب أعلى بنتيفة في راس غاز.. وفالنهاية الشركة المستفيدة هي راس غاز.. بس الي بتسوونه إنكم بتزيدون العبىء على الشركة (إكسون وكيوبي) لأنها بتظطر تشتريكم من إكسون لما تتثبتون في راس غاز..

وعلى فكرة هندسة الكمبيوتر لها مجالات مهمة فالمصنع عندنا، ومافيها قطريين وايد..

الله يوفق الجميع..
ريم المدينة
30-09-2009, 02:32 AM
ثاااااااااااااااااااااااانكس اخوي ساد...

وايد ريحتني وا ن شاء الله نشرف اكسون موبيل وراس غاز ....
ثاني
30-09-2009, 08:04 AM
sad-o-bas
بغيت اسئلك يخوي ..
انا مخلص الثانوية من مدرسة تقنية وعندي شهادت تيف 1 وتيف 2 في الميكانيكا

لو اقدم رأس غاز شلون بكون وظعي وراتبي والترقيات والدورات + وين بكون التدريب في الاطلنطي ؟
وشكرا
sad-o-bas
30-09-2009, 07:40 PM
sad-o-bas
بغيت اسئلك يخوي ..
انا مخلص الثانوية من مدرسة تقنية وعندي شهادت تيف 1 وتيف 2 في الميكانيكا

لو اقدم رأس غاز شلون بكون وظعي وراتبي والترقيات والدورات + وين بكون التدريب في الاطلنطي ؟
وشكرا

والله ماعرف شالوضع بالنسبة للثنوية العامة، بس نفس ماوعدتك على الخاص بستفسر وبرد عليك..

بالتوفيق..