+++ العواميد اللي عند الاشارات +++

[jajassim]

http://www.tawaasel.com/up/uploads/images/tawaasel-0471552d1a.png (http://www.tawaasel.com/up/uploads/images/tawaasel-0471552d1a.png)

مطلوب أرائكم عن هالعواميد ؟ :victory:

[عاشق الشهادة]

والله يـ اخوي جاجاسم لو يحطون خرسانه بدل هذه العوامييد البلاستيك بعد ماينفع معا المشاكسين والمخالفيين ,
انا اقترح ان تكون رقابه من قبل رجال الشرطه على الي يتجاوز حدود غيره ويالييت لو تضاعف الغرامه بحق المخالفين والي يكرر المخالفه يسجن وتسحب سيارته. وبسس

[hot2000]

مشكور اخوي عن الموضوع
فعلا العواميد محطوطه للكشخه لازم يعرفون ادارة المرور ان هذي الاشياء ماتنفع اهني لازم يحطون عواميد حديد وصبية تحت نفس البحرين
مالها فيده نهائيا ياريت تنشال وتنحط عواميد حديد ...للأسف في سائقين ودهم يركبون فوق اي بس مايوقفون عند دوار ولا اشارة

[QaTaR_OnE]

لو حديد تكون احسن .. لان اشوفهم وايد مكسرين ومامنها فايده اذا بلاستك

ولو سمحت يا اخ jajassim بالنسبه للاشارات اللي عند اشارات محطه بترول مسيمير

موجوده فيها كيمرات .. بس الاشاره الصفره على طول تقفل مش مثل الاشارات الثانيه ترمش 3 مرات وبعدين تقفل

ارجوا منك توصيل هالرساله لان بصراحه كذا شخص كانت بتصوره الكاميرا

وتحياتي لك

[الـقـاسـي]

يالربع عسى ماشر حديد تبون تكسرون السيارات انتوا .. لايحطون حديد ولا شي خلونا عالبلاستيك احسن شي ..

[QAT999]

اعتقد تحطون رصيف احسن
مثل اشارات رامادا كثير مرتب وحلو



تحياتى

[Scorpion]

مافي منها فايده !!!

[doha_vip]

مافي منها فايده !!!

او تحطون الكور البيضه الكبيرة مثل الموجوده في الخريطيات بين الشارعين

تكون افضل وماتخترب

[al-obaidly]

صدق الحديد بيكسر السيايير

[عزووز قطر]

اللي بيلتزم في مساره ومايتعدى على حدود غيره مابتتكسر سيارته
وياليت تكون قوانين صارمة للمتجاوزين من اليمين
ومثل ماقالو الاخوان ياليت يستبدلون البلاستيك بعواميد من حديد

[السهم القطري]

أخوي جاجاسم .. وضع مثل هالعواميد وبلونها اللافت للنظر شيء متعارف عليه عالميا. طبعاً المتجاوزين
لها هم من نفس الفئة اللي ما تراعي حقوق المسلمين والأجدر بالمخالفة.

والشيء اللي بديت أشوفه وأتمنى يستخدم مستقبلاً بكثرة عند أطراف الجسور والطرق السريعة ، هي
براميل الماي وخاصّة أنها تخفف قوة الصدمات ونافعة جداً بعد الله سبحانه في الحوادث الصعبة.

http://www4.0zz0.com/2009/08/29/15/920275866.gif

[MeMe MoOoON]

المفروض يحطون حديد اصلا عشان يتادبون شوي مايجيبهم شي هالمطفقين

[محمد2]

يالربع عسى ماشر حديد تبون تكسرون السيارات انتوا .. لايحطون حديد ولا شي خلونا عالبلاستيك احسن شي ..


لا تكون واحد من اللي يتجاوزون من اليمين (اذا التزمت بالقوانين لا تتكسر سيارتك ولا شي . لكن تبي تتعدى على حقوق الآخرين محد يرضى بهالشي)

[Bu Rashid]

الي انا اشووووفه ... كسرووووهم كلهم ما بقى منهم شيئ

[بومحمد911]

بصراحة هل عواميد غير مجدية حق الي عندهم تهور وطيش وعدم مبالاة ورعونة لن تقبح جماحهم

المطلوب وضع شيء اقوى او شيء يهدي من روعهم اقصد جماحهم

اشرايكم لو يحطون مسامير

هههههههههههههههههههههههه




امزح طبعا

[المزن الرياني]

البلاستيك ماينفع بالدوحه
بعض الكائنات اللي تسوق مايبيلها الا حديد عشان يردعها

[مطيع الله]

المرور ذبحنا بالمخالفات...
وين نروح،
وين نهج،
يا الله نسألك السلامة،
ما يكفي القدس محتلة،
وبغداد محتلة،
والبلا في كربلا....

إن الله مع الصابرين:weeping:

[umm yousef]

انا عندي مداخلة أردت توصيلها للأخ جا جاسم..

الاشارات المزمع تشغيلها عند جسر الشمال...هل هي منطقية..هذه المنطقة تزدحم بالشاحنات وباصات الشركات وطبعا خلافا لزحمت المدارس.. يعني يكفي ثنتين يعطلوا المرور من المسارات الاخرى..بصراحة ما تبشر بخير!!...ننتظر ردك..

بانسبة للأعمدة فعلا معظمها مسحوقة بصراحة انا مش عارفة هي بلاستيك ولا حديد ما جربت!!..بس أيضا ما تردع البعض الله يهديهم..

شكرا

[jajassim]

انا عندي مداخلة أردت توصيلها للأخ جا جاسم..

الاشارات المزمع تشغيلها عند جسر الشمال...هل هي منطقية..هذه المنطقة تزدحم بالشاحنات وباصات الشركات وطبعا خلافا لزحمت المدارس.. يعني يكفي ثنتين يعطلوا المرور من المسارات الاخرى..بصراحة ما تبشر بخير!!...ننتظر ردك..

بانسبة للأعمدة فعلا معظمها مسحوقة بصراحة انا مش عارفة هي بلاستيك ولا حديد ما جربت!!..بس أيضا ما تردع البعض الله يهديهم..

شكرا

التجربة خير برهان :nice:

[القلم الحر]

يالربع عسى ماشر حديد تبون تكسرون السيارات انتوا .. لايحطون حديد ولا شي خلونا عالبلاستيك احسن شي ..

:nice: :nice: :nice:

[وطن]

ياليت يتم استبدالها بمادة أقوى
حديد او صبيه
واللي خايف على سيارته يلتزم بمساره حاله من حال خلق الله اللي محترمين انفسهم وينتظرون
ترى محد أحسن من حد
واللي يحترم الاخرين في الطريق يبين معدنه الطيب وزين اخلاقه


واتمنى تكثيف الرقابة عند الاشارات عشان يخالفون المتجاوزين

[وطن]

بصراحة هل عواميد غير مجدية حق الي عندهم تهور وطيش وعدم مبالاة ورعونة لن تقبح جماحهم

المطلوب وضع شيء اقوى او شيء يهدي من روعهم اقصد جماحهم

اشرايكم لو يحطون مسامير

هههههههههههههههههههههههه




امزح طبعا

تصدق انها فكرة ممتازه
بس هذي يحطونها على كتف الطريق
للي يتجاوزون من اليمين
ينصادون
:victory:


البلاستيك ماينفع بالدوحه
بعض الكائنات اللي تسوق مايبيلها الا حديد عشان يردعها

هاهاهاهاهاها
ايه والله كائنات

[بابا الضحية]

ياليت يتم استبدالها بمادة أقوى
حديد او صبيه
واللي خايف على سيارته يلتزم بمساره حاله من حال خلق الله اللي محترمين انفسهم وينتظرون
ترى محد أحسن من حد
واللي يحترم الاخرين في الطريق يبين معدنه الطيب وزين اخلاقه


واتمنى تكثيف الرقابة عند الاشارات عشان يخالفون المتجاوزين

:nice::nice::nice:

وبالاخص الاشارات المطار

[وطن]

:nice::nice::nice:

وبالاخص الاشارات المطار

اشارات المطار والتيوتا
ثنتينهم
ياريت يعدلون الية فتح الاشارات
اللي تلف تفتح وتسكر
وبعدها للي يروحون سيده

<==== تحكيره

[المزن الرياني]

هاهاهاهاهاها
ايه والله كائنات




:victory:

[حنان الدنيا]

حطوها حديد احسن عشان العالم تخاف على سيارتها واي شئ ثاني ماينفع

لان بصراحه عند اشارات الوعب خاصه اللى جايين من دوار قطر للديكور ماساة كل يوم نفس الحاله

ننتظر وفي الاخير يجي واحد وبكل ثقه ويدش بالشارع

حطوها حديد اخوي وخله السيارات تتكسر

[doha70999]

:nice:اصلا مابقى منهم شي ،،،،المفروض مايكونون بلاستيك ولا حديد لازم يكونون مصنوعين من الفولالالالالاذ


:victory:

[BuFaisal]

اعتقد تحطون رصيف احسن
مثل اشارات رامادا كثير مرتب وحلو

:victory:

[ANONYMOUS]

حطو كاميرات.. تكون شغاله على طول.. وتصيد ارقام هذيلا اللي يدشون عرض ع العالم بس من غير فلاشات..

وفي الليل.. واحد يشغل الفلم... ويسجل الارقام.. ويطرش المخالفات.. بمطراش..

كل مخالفه اب الف

بالرااحه.. المدخول .. اكثر من مليون ريال في اليوم

وعطوني 3% بس..

[BURBERRY]

اخووي جاسم اقترح تحطوون كاميرا حق الي يتجاوز من اليمين قبل الاشاره .. تكون مكان العواميد .. مثلا تكون كاميرا لايف و في غرفة العمليات يشوفون السياره و الرقم و يصكونه مخالفه .. الناس عقب ماتشوف الكاميرا بتخاف .. و بتلتزم بألاحترام ..

او مثل ما قالو الاعضاء .. حطو عواميد حديد او خرسانه خل تكسر السيارات المخالفه .. يمكن يتأدبون ..

[بـن عدوان]

لو يطبقون نظام امريكا

الكل بيمشي سيدة

[ajaqeel]

أشوف الغالبية يرددون عواميد
المفرد = عمود
الزوج = عمودين
أكثر من ذالك عمد ماهي عواميد
الله يسلمكم فيه ذيب اسمه ميد وإذا عوا ............. قالو الناس عواميد
فيه منطقه شمال أم اصلال اسمها أم العمد ماهي ام العواميد
سامحوني على التطفل بس ودي نسمي الأشياء بمسمياتها الصحيحة :)

[سوق واقف]

فايدتها عدم تجازو الناس تكون أنت واقف ساعه يجبك واحد ويلف ويدخل قدامك

[RJ83]

أخوي جاجاسم .. وضع مثل هالعواميد وبلونها اللافت للنظر شيء متعارف عليه عالميا. طبعاً المتجاوزين
لها هم من نفس الفئة اللي ما تراعي حقوق المسلمين والأجدر بالمخالفة.

والشيء اللي بديت أشوفه وأتمنى يستخدم مستقبلاً بكثرة عند أطراف الجسور والطرق السريعة ، هي
براميل الماي وخاصّة أنها تخفف قوة الصدمات ونافعة جداً بعد الله سبحانه في الحوادث الصعبة.

http://www4.0zz0.com/2009/08/29/15/920275866.gif

نفس الراي :)

[HIGHNESS]

مامنهم فايده هالبلاستيك كم مرة جدام عيوني يدوسونهم ... الله يهديهم بس ... المفروض حدايد او فولاذ ..بس الكفر بلاستيك . عشان الي يدوسهم يتحسف >>> ( نذاله ) :eek5:.. والرصيف مامنه فايده لانهم بيصعدون فوقه !
أخوي جاسم قول آمين : يارب يزيدون المخالفات ويخلون الغرامات بمبلغ كبير ويحطون في كل متر رادار وكيمرات مراقبة ..في كل شجرة وداعوس .. عشان يتأدبون هالمتخلفين الي في الشارع ... :nice:

[بواردي]

والله لو يحطون حديد ابرك

[سيزن]

خلهم يوسعون الشوارع ويخلصونها ...

وبعدين حطو الغام للي بتجاوز .

[عبدالمحسن]

البلاستيك افضل


لان الحديد فيه ضرر على السياره وخطر على الركاب

[عبدالمحسن]

أشوف الغالبية يرددون عواميد
المفرد = عمود
الزوج = عمودين
أكثر من ذالك عمد ماهي عواميد
الله يسلمكم فيه ذيب اسمه ميد وإذا عوا ............. قالو الناس عواميد
فيه منطقه شمال أم اصلال اسمها أم العمد ماهي ام العواميد
سامحوني على التطفل بس ودي نسمي الأشياء بمسمياتها الصحيحة :)



كلامك صحيح


عمد .. عمّدان

[محمد2]

البلاستيك افضل


لان الحديد فيه ضرر على السياره وخطر على الركاب

احسن ان شاالله يحطون صبيات خرسانية مثل اللي عند السفارات. مش حديد علشان اللي يبي يتفلسف خله ياكلها

[هذلان]

اذا حطو حديد خلاص ماراح تخترب الا نادر .

البلاستيك فيه ميزه انه كل كم شهر يخربونه السيارات و يردون يحطون مكانه بلاستيك ثاني او يكتشفون انه فكره البلاستيك كانت خطاء و الانسان يخطيء عادي مافيها شي !! و يبدون يفكرون بفكره ثانيه ( وخصوصا اعضاء النت يطلعون افكار حلوه) و في كلا الحالتين بهالطريقه يكونون حققو الهدف و خسرو الفلوس الي غاثه على جبودهم.

في دوار جسر سوق العلي وانت جاي من الشمال تشوف سياره جايه من اليمين داشه على السيد و معطله امت محمد و العالم حاشرين الدنيا بالهرانه و الخويا صافين على الدوار واحد ينظم السير و الثاني راكب في السياره يتكلم في الجوال ؟؟

الشرطه اقدع ناس و يستحقون يتصدرون وزارات الداخليه في الدول الاخرى و يحصلون على المركز الاول.

[WAR]

اذا حطو حديد بعد بتنداس :)

[يحفظك ربي]

الصراحه انا اشوف لو يحطون حديد وصبية احسن

عالاقل الواحد يلتزم بالادب ومايدخل على غيره

انا مايبط جبدي الا واحد جايك من خط اللفه وحضرته يبي يدخل عليك

ولا الشيخ مب راضي ... الاااااا يلف عليك ويقعد يدز يدز لين مايحك موترك حسبي الله عليهم شكثر صارت لي هالحركه

والله المفرووض يفرضون غرامات غاليه على هل متسببيين :@

[جوال 11]

هذه الأعمدة مفيدة جداٌ وخاصةً تمنع المتطفلين من الدخول على السيارات التي تسير في المسار الصحيح ، ونتمنى أضافتها قبل أشارات الوعب من جهة الجنوب وعند تقاطع الدوار المجنون من جهة الشرق حيث يحصل تجاوز ومضايقة من بعض السائقين .

[ابن الذيب]

تسلم اخوي جاجاسم على طرح الموضوع و تفقد آراء الاعضاء ..

المشكله انه الموضوع صار "حطووا عواميد حدييد , حطووا بلاستك "

والله السالفه مب جي , الاهم من هاي كله الوعي والالتزام ..
لازم المرور ماتركب العواميد و هالاشياء ف الشارع قبل ما تحاول تلقى طريق تغير فيه عقلية الناس , وطريقة سواقتهم .. التأثير له دور كبير فـ التغيير ..

واشكرك على جهودك المقدره

[وطن]

أشوف الغالبية يرددون عواميد
المفرد = عمود
الزوج = عمودين
أكثر من ذالك عمد ماهي عواميد
الله يسلمكم فيه ذيب اسمه ميد وإذا عوا ............. قالو الناس عواميد
فيه منطقه شمال أم اصلال اسمها أم العمد ماهي ام العواميد
سامحوني على التطفل بس ودي نسمي الأشياء بمسمياتها الصحيحة :)

الله يعطيك العافية
بس احنا نقولها بالعامي :shy:



اخووي جاسم اقترح تحطوون كاميرا حق الي يتجاوز من اليمين قبل الاشاره .. تكون مكان العواميد .. مثلا تكون كاميرا لايف و في غرفة العمليات يشوفون السياره و الرقم و يصكونه مخالفه .. الناس عقب ماتشوف الكاميرا بتخاف .. و بتلتزم بألاحترام ..

او مثل ما قالو الاعضاء .. حطو عواميد حديد او خرسانه خل تكسر السيارات المخالفه .. يمكن يتأدبون ..

فكرة حلوة الصراحة




اذا حطو حديد خلاص ماراح تخترب الا نادر .

البلاستيك فيه ميزه انه كل كم شهر يخربونه السيارات و يردون يحطون مكانه بلاستيك ثاني او يكتشفون انه فكره البلاستيك كانت خطاء و الانسان يخطيء عادي مافيها شي !! و يبدون يفكرون بفكره ثانيه ( وخصوصا اعضاء النت يطلعون افكار حلوه) و في كلا الحالتين بهالطريقه يكونون حققو الهدف و خسرو الفلوس الي غاثه على جبودهم.

في دوار جسر سوق العلي وانت جاي من الشمال تشوف سياره جايه من اليمين داشه على السيد و معطله امت محمد و العالم حاشرين الدنيا بالهرانه و الخويا صافين على الدوار واحد ينظم السير و الثاني راكب في السياره يتكلم في الجوال ؟؟

الشرطه اقدع ناس و يستحقون يتصدرون وزارات الداخليه في الدول الاخرى و يحصلون على المركز الاول.

مره صارت معاي على دوار قطر للديكور
ما احب حد يطوف جدامي وهو مخالف
واي حد يسويها اتناحس معاه
وحطيت يدي ع الهرن نحاسه وينتبه له الشرطي ويجي ويخليه يلف وما يدش في خطنا

:victory:

[مرتبش]

اعتقد انها جيدة
والبلاستيك ما بيعور السيارة ..صج وايد من السواقين جنغليين بس بعد اهون من الحديد
واعتقد اللي يكسر هالعواميد هم اصحاب الشاحنات.

تسوق في الدوحة وتحسبها المنطقة الصناعية من كثر الشاحنات.. ليل نهار ..شدعوة وين قانون منع الشاحنات . شاطرين بس تخالفون على الحزام ..

[Sharshooooor]

لويحطون بيبات حديد افضل بس لازم تفهمون الناس قبل عشان محد يجيلها عالسنه عبالة بلاستك :)

[mohsen555]

في ناس ماتنفع معاها البلاستيك ، يبيلهم لوح مسامير نفس اللي عند مدخل جمارك سلوى
^^^^^^^^^^^^^^^^^^^^^^^^^^^^^^^^^^^^^^^^^^^^^

[المزن الرياني]

طرا ببالي شي
ليش مايحطون ألغام ؟
هو أكيد بيكون في كبش فدااا .. بس بعدها خلاص توبه

[بابا الضحية]

ومتى التنفيذ باذن الله نطالب بالحديد بعد العيد :)

[_بوشهاب_]

بصراحه وجودها وعدمها واحد

اخبر مره شفت كروه جايه من خط الشمال على داور سوق العلي وتخم العواميد خم كانه العيد وسواق كروه ولابهامه شي