مطلوب سيارة بسعر اقل من عشر الاف ريال - شرط الاستمارة

[باحث علم]

السلام عليكم

عندي دريول جديد وخذ الرخصة لكن ابغي له موتر يتعلم عليه في حوسة شوارع الدوحة قبل مانسلمه موتر البيت
اذا حد يخبر لنا موتر قيمته اقل من عشر الاف ريال بشرط تكون فيه استمارة ومكيف ومافيه خرابات كثيرة ياليت يراسلني ع الخاص

شكرا

[yousef-89]

روح سوق بدل في الصناعية شارع 10 بتلاقي اللي يرضيك

[الجوكر90]

السلام عليكم
اخوي في موتر بس لازم تنطر لين بعد العيد لان راعي الموتر مسافر
واذا خاطر طرشلي رقمك ع الخاص
وبالتوفيق ان شاء الله

[ahmed jasim]

عندى أقتراح لك
سيارة أم عشرة ألاف بتلقى فيها ألف علة وبتصرف عليها ومابتقدر تتخلص منها بعدين
أستأجر سيارة لمدة أسبوع وخل الدريول يكرفها ومابيكلفك ألفين ريال

[yousef-89]

يستاجر سيارة ويكرفها ومابتاخذ منه وايد حلو

بس المشكلة لاسمح الله يدعم فيها الدريول ولا شي هني المشكلة هني مكتب التاجير بيضرب عليه بالسعر

عالاقل تطلع معاه اول الايام وتدربه وتعلمه الاشارات وطرق الشوارع وهالشكل يكون احسن يفضل مب مشكلة في اي سيارة وتشوفلك وقت مناسب تعلمه فيه ماتطلع في الاوقات المزحومة

[ن.سهيل]

الله يوفقك

[باحث علم]

الله يجزاكم خير وشكرا لتفاعلكم

بخصوص استئجار السيارة فكرت فيها
والمشكلة مش في قيمة الاجار ، بس المشكلة في انه لو لاسمح الله دعم في الموتر ، السيارة راح تتصلح وطول ماهي في الورشة انت بتدفع اجارها :) هذي المشكلة
عشان جذي الواحد يشتري له موتر اضمن ، يتعلم عليه الدريول وعقب نبيعه باي سعر

شكرا للجميع

[هذلان]

ور لك بيكم ،، عشان بعد مايتعلم يتم حق البيت

و فكرتك صحيحه، اذا ماشرد الهندي ،، لعبتهم يتعلمون السواقه و يدل الدوحه و يتعلم عربي ، يا يشرد يا يقولك امي مريضه بتموت .. موفق خير

[ateffahmy]

عندي هيونداي سوناتا 1998 والإستماره لغاية أغسطس 2010 كنت جايبها لنفس الغرض تقريبا والسعر7000 ريال

[H A S S A N]

شوفلك عراوي 92 ونازل بنحصله بأقل من هالسعر او اسوزو ارخص وارخص بعد

اهم شي تعلمه في وقت متاخر مب الطلعه الظهر العالم طالعين من الدوام ويحصاون دريولك قاعد يعطيهم انواع البريكات :anger1::anger1:

والله يوفقك