ناقلات والي صار في البورصة !

[البرنس]

بسم الله الرحمن الرحيم

الي صار اليوم في البورصة بالنسبة للتحليل العقلاني من وجهة نظري شيئ لا يمت للواقع لا من قريب ولا من بعيد !
وصول السهم الى 80 ريال حاجة ممتازة ، و كلنا مستفيدين من السعر (صغار مستثمرين و مضاربين) 16 ضعف رأس المال ، بس عندي كم سؤال محيرني جداً:

كم السعر المعقول لناقلات؟
وكم تسوى؟
وليه ثمانين ريال لسهم؟

مع العلم اني من المستفدين و الحمد لله ، بس هل الي صار اليوم في البورصة له صله بقواعد التداول في السوق ، هل هذي هي طريقة الربح في الدنيا؟
انك تكسب 16 مره ضعف راس مالك في اشهر؟

اتمنا من الي بجاوب على الأسأله يكون شايل الأمنيات و العواطف من جوابة !

[قطر9111]

الجواب سهل للغايه فهذي منحه اميريه كانت بدايتها هديه من حضرة صاحب السمو الشيخ حمد بن خليفة ال ثاني
امير دولة قطر بصوره مباشره للشعب القطري كما جاء على لسان وزير الطاقه
ورؤية الحكومه القطريه الرشيده من رفع مستوى المواطن القطري للانتعاش الاقتصادي الدولي ووضعه في مرتبة تواكب هذا التضخم الاقتصادي الحديث
وشكرا

[السيف المهند]

ياااااجماااعة هذه لاتنسون مكرمة أميرية ...



ولاتنسون شركة من أكبر الشركات على مستوى العالم ....وبعدكم تسألون ليه ؟؟؟





شوفوا الشركات اللي أقل منها بكثير وين واصلة وشوفوا سوق الأسهم في الدول المجاورة لعلمكم فقط ....






سهم بنك البلاد في السعودية اكتتاب كان 50 ريال ..واليوم ينباع على 1000 ريال ......



اتحاد الإتصالات 50ريال اليوم والشركة بعدها ماشتغلت وصل قريب 600 ريال





عشان كذا لا تتنازلوا عن سهم الناقلات بسعر أي كلام ....

[قطر9111]

ياااااجماااعة هذه لاتنسون مكرمة أميرية ...



ولاتنسون شركة من أكبر الشركات على مستوى العالم ....وبعدكم تسألون ليه ؟؟؟





شوفوا الشركات اللي أقل منها بكثير وين واصلة وشوفوا سوق الأسهم في الدول المجاورة لعلمكم فقط ....






سهم بنك البلاد في السعودية اكتتاب كان 50 ريال ..واليوم ينباع على 1000 ريال ......



اتحاد الإتصالات 50ريال اليوم والشركة بعدها ماشتغلت وصل قريب 600 ريال





عشان كذا لا تتنازلوا عن سهم الناقلات بسعر أي كلام ....
كلامك جميل وصحيح

[البرنس]

اخوي قطر 9111 ،
اشكر مشاركتك ، بس السوق عمره ما كان مؤسسة خيرية ، الموضوع غير كذا صدقني ..

[قطر9111]

اخوي قطر 9111 ،
اشكر مشاركتك ، بس السوق عمره ما كان مؤسسة خيرية ، الموضوع غير كذا صدقني ..

اخي العزيز شعب قطر اعلم بشعابها

لا اريد ان يطول الشرح بالموضوع ولكن اسال نفسك هذا السؤال وانت ستجيب على نفسك
لماذا هذا التهافت من الدول المجاوره والتسابق الاعلامي و و و و و فتح حسابات لدى الوسطاء ضخ اموال من الخارج الى قطر

اتعلم لماذا؟
للمؤسسه الخيرية التي ذكرتها

ان امير قطر اطال الله في عمره يريد ان يجعل الشعب القطري بحال افضل من الحال الذي ينعم به من الحريه والاطمئنان والخير بمعنى زيادة الخير على شعبه من بعد الله ولجعل الشعب مشارك في الاقتصاد الوطني ولرفع مستواه الى مستوايات افضل ولينعم بخير بلاده .

وفي هذا الوقت نرى الحسد من ضعفاء النفوس للتطور الذي يحصل للشعب القطري وكنت اتمنى ان تقول في بداية حديثك ينعم الله علينا بهذه المكرمه ويجعلنا دائما في مواكبت هذا التطور وان يطيل في عمر حضرة صاحب السمو الشيخ حمد بن خليفة ال ثاني
للعطاء والهبة التي يهبها لشعبة اتمنه اوصلت المعلومه

[البرنس]

اخوي قطر 9111

المعلومة واصله من زمان ،،
الأمير اكيد يبي راحت شعبه ، انا معاك فيها و من اول الناس الي عاشوا الشي هذا (ركز معاي) !!!!

والي اتكلم عنه غير الي تقصده انت و تتكلم عنه انت !

انت قلت:
(لماذا هذا التهافت من الدول المجاوره والتسابق الاعلامي و و و و و فتح حسابات لدى الوسطاء ضخ اموال من الخارج الى قطر؟ )

وانا قلت:
(اتمنا من الي بجاوب على الأسأله يكون شايل الأمنيات و العواطف من جوابة !)

ارجع اقول:
ايش التحليل الأقتصادي و الأسباب ورا هذا الأرتفاع او النزول؟
سمو الأمير لا يوجد اكرم منه ، بس الي متهافتييين من برا يبون مصلحتك و الربح لك اخوي قطر 9111؟

اتمنى تكون فهمت وجهة نظري !

[حمد]

البرنس انا فهمي على قدي .. فهمني

والله من صجي فهمني ... ابي افهم ...

حمد

[البرنس]

مرحبا اخوي حمد ..

اولاً: انا مثلي مثلك ، محتاج حوووت في سوووق يتكرم علي و يفهمني !
ثانياً: الي انا فاهمه مش عجبني و ما اقدر اقوله في المنتدى !

و الله اعلم !

[Banana]

:) :)
مرررررررررحبا

تذكرون لما الكل كان مضايق من 1233 والكل هاجمني قلت لكم ان المكرمة بتكون في السعر وها انتم ترونه صدقوني ظل الله وامير عادل ظل الله وامير عادل ظل الله وامير عادل والله لتشوفون من البورصة اللي ماشفتوه واللي بيلعب ........... اوت مادري وين .الكل راح يكون مستواه فوق الممتاز بس ادعو للامير الله يعطيه الصحه والعافيه آمين يارب العالمين. قريب لي يقول ان الامير الله يحفظه كان في سوق واقف يشوف الهدام اللي هناك وجاءه واحد من المقيمين له محل من هل المحلات وقاله اني شاري المحل من زمان وعملت له صيانه من قريب وكلفني مبلغ واللحين اهدموه امر الامير ان يعطونه من محلات الحكومه ولا يدفع اجار . ظل الله وامير عادل.الله يوفقنا جميعا. :) ويسلم لنا بومشعل راعي المكرماتي :)

[قطر9111]

يعطيج الف عافيه يا موزه السويدي

[قطر9111]

اخوي قطر 9111

المعلومة واصله من زمان ،،
الأمير اكيد يبي راحت شعبه ، انا معاك فيها و من اول الناس الي عاشوا الشي هذا (ركز معاي) !!!!

والي اتكلم عنه غير الي تقصده انت و تتكلم عنه انت !

انت قلت:
(لماذا هذا التهافت من الدول المجاوره والتسابق الاعلامي و و و و و فتح حسابات لدى الوسطاء ضخ اموال من الخارج الى قطر؟ )

وانا قلت:
(اتمنا من الي بجاوب على الأسأله يكون شايل الأمنيات و العواطف من جوابة !)

ارجع اقول:
ايش التحليل الأقتصادي و الأسباب ورا هذا الأرتفاع او النزول؟
سمو الأمير لا يوجد اكرم منه ، بس الي متهافتييين من برا يبون مصلحتك و الربح لك اخوي قطر 9111؟

اتمنى تكون فهمت وجهة نظري !
فهمت وجهة نظرك الرجاء مراجعه هذا الموضوع على الرابط
http://www.qatarshares.com/vb/showthread.php?t=2805

[البرنس]

اخوي قطر 9111

انا قريت الموضوع و جزاك الله الف خير ، بس تراك للحين ما عرفت وش اقصد !

[saham]

prince either you say clearly what do you mean or close the chapter

[alnader2004]

بسم الله الرحمن الرحيم

الي صار اليوم في البورصة بالنسبة للتحليل العقلاني من وجهة نظري شيئ لا يمت للواقع لا من قريب ولا من بعيد !
وصول السهم الى 80 ريال حاجة ممتازة ، و كلنا مستفيدين من السعر (صغار مستثمرين و مضاربين) 16 ضعف رأس المال ، بس عندي كم سؤال محيرني جداً:

كم السعر المعقول لناقلات؟
وكم تسوى؟
وليه ثمانين ريال لسهم؟

مع العلم اني من المستفدين و الحمد لله ، بس هل الي صار اليوم في البورصة له صله بقواعد التداول في السوق ، هل هذي هي طريقة الربح في الدنيا؟
انك تكسب 16 مره ضعف راس مالك في اشهر؟

اتمنا من الي بجاوب على الأسأله يكون شايل الأمنيات و العواطف من جوابة !


يالبرنس تسائلك غريب عجيب
كون على ثقه يالحبيب ان سهم الناقلات لولا مكرمة طويل العمر أبومشعل كان ماتحلم أنك تكتتب بالشركه بسعر 5 ريال ،، يالحبيب لولا المكرمة كان الاكتتاب بمثل هالشركة لايقل عن دفع العشرة ريال القيمة الإسمية كامله بالإضافه الى علاوة إصدار لاتقل عن 60 ريال

[البرنس]

Dear Saham

Done Sir, I’ll Close The Chapter for the time being

[البرنس]

اخوي النادر:

سؤالي واضح جداً جدً ..
كلامك جميل ، بس ياريت تشوف سؤالي و اتركز فيه و تجاوب على قد السؤال !

[saham]

well done prince

[حمد]

يابرنس ودي تفهمني ....

يالحبيب انا واحد امقفل .... وانت قلت انك تقصد شي ... بس ماتبي اتقوله .... وشلون تبينا نفهم ...

قول خلنا نفهم ....

حمد

[المستثمر الكويتى]

يا جماعه اسوااااق الخلييييج كلها اسعار خياليه وكلها رااااح تجيها نكسااااات

وسالفة المكرمه الاميريه ما قصر ابو مشعل فيكم بس مب معناته ان السعر يرتفع

وابو مشعل عطاكم السهم بسعر رمزى مش معناته انه رااااح يرفع السوووووق لكم بعد



انتو شنو شغلتكم هو فتح لكم السوووووق وقال فاليتنافس المتنافسووون

[حمد]

!!!!!!!!!!

[فلان]

اعتقد إن هذا الموضوع بلا موضوع مع احترامي للكل حتى المستثمر الكويتي :)

[البرنس]

اخوي حمد ،
نصيحة لك ، ان كنت مضارب نصيحتي لك كالتالي:
يا انك تصبر على افلوسك وما تبيع ابخساره و الله يعينك او اطلع من السوق الحين و تابع من بعيد الي بعيد !
اذا كنت مستثمر والي عندك من ايام الخير ، بيييييييييييييييييييييع و اركد هاليومين و بتشتري بسعر حلو عن قريب انشالله ..

هذي وجهة نظري و العلم عند الله ...

[حمد]

البرنس مشكور على النصايح ....

وبشرك انا بعت كل الي عندي من ايام الخير على قولتك ... وقاعد اشوف ...

خليت صناعات ( ام الخير ) ولا بابيعها... لين 2050 او 2052

والحمدلله حققت ربح اكثر من زين

بس كنت ابي اشوف ايش الي تقصده .... ولين الحين ماعرفت .... بس يالله

شكله كلامك مثل ماقال الاخو الي قبلي ... انه موضوع بلا موضوع

حمد

[السيف المهند]

ياجماعة فيه ناس فاااضية تسوي فوازير رمضااااان هالأيااااااااام.....




اللي عنده شي يقوله على بلاطة .....والأمور واضحة وفيه محلللين وناس أفهم منا ....وناخذ منهم النصايح ...

[السهم الازرق]

السلام عليكم ..

بس حبيت اقول تستاهلون يا شعب قطر هذا المكرمه الاميريه الغاليه ..

و ان شاء الله الخير جاي قدام في ظل بو مشعل اطال الله بعمره ..

و عليكم ب1000 عافيه