سبيتــــار

[E L L E]

صبــاح الخير


بغيت استفسر عن احسن دكتور للمفاصل في سبيتار انا اليوم كلمتهم ابغي اودي ولدي عمره قريب 3 سنين قالوا ما يعالجون وانا اخبر صديقتي معامله ولدها هناك عمره 5 سنييين !!!!!

يمكن واسطه او شي !!

المهم انا مشكله ولدي كان يلعب وجرووا ايده وانفصلت طلعت صوووت صار له 5 ايام مايحركها وديته الاهلي وطوارئ حمد ولاعرفوا له حاولو يردونها وقالوا لي بعد نص ساعه بيحركها والحين 5 ايااام الله يعين تعووره ويصيييييييح


ويييييييين اوديه دكاتره حمد الحمد لله والشكرررررر كني جايبه لهم فار تجارب العبوا في ايده


انقذووووووووني تكفووون ابي احسن دكتور لاتقولون بااااااااات غيررره بلييييز

[كلي أمل]

ماعندنا مستشفيات عدله للاسف اختي

اتمنى من الاعضاء يفيدونج

الله يشفيه ان شاء الله

[E L L E]

كلي امل

اي والله طوارئ حمد مقصبه :( اللهم امين تسلمين

[ديمه]

فيه دكتور امريكي من اصل ايراني عند اكاديمية الجزيرة ممتاز يعالج المفاصل والعمود الفقري بالعلاج الطبيعي واظن عنده دكتوراه في علاج العمود الفقري بدون جراحة وكذا وحده من صديقاتي راحوا له ويمدحونه نسيت اسمه بس اتمنى احد من الاعضاء يفيدنا في هالشي

[E L L E]

ديمه

مشكوره اختي اتمنى يفيدونا

[بوحارب]

ماعندي اي معلومة لكن الله يشفية يارب

[كنترول]

ولدج والله اعلم عنده خلع كتف
الله يعينه والله ان الالم قوي
للا تتأخرين روحي لاي مراكز المساج اعتقد يعرفون له
وبخصوص مستشفى حمد عندهم ممرض واحد يعرف له بس ما اعرف اسمه للاسف
بس لا تتأخرين ترا الالم واجد قوي

[E L L E]

كنترول

لا مب كنف الكووع مبين فالاشعه يوم صورووه بس ماردوها له او ارفعوها مخلينها لايقدر يحركها حتى اصابعه مايحركها :(

[M!ss_P!nk]

عورني قلبي عليه حبيبي .. انزين وديه حق الدكتور مالك جاسم في مركز قطر الطبي وايد ممتاز ..

و ما املك الا الدعاء ان الله يعجل بشفاءه .. طمنينا عليه ..

[مضاربه]

الله يشفيه يارب يابنت الحلال اذا تقدرين تودينه يتعالج في الخارج افضل انا العبو فيني لعبه على تمزق في ركبتي دكاتره حمد ودكاتره سبيتار كلهم فاشلين انا قالو لي تحتاجين عمليه يمكن شفت اكثر من سبع دكاتره ويوم رحت لندن قال لي الدكتور ولا عمليه ولا شي بس ادخلي جم وسوي تمارين ومارسي السباحه والالم بيخف بس مايروح ولله الحمد انا الحين احسن بوايد

[mooona]

عيادة دوحه للكايروبتك امريكية من اصل ايراني لعلاج العمود الفقري والالم المفاصل

قبل بن داود للمساج

[E L L E]

مشكـــورين اخواني وخواتي

مضاربه

الله يشفيج يارب العالمين صعبه اسافر وخاصه ان رمضان والمسأله احسها ان شاء الله بسيطه بس وووووين الدكتور الشاطر هذي المشكله

اليوم احتمال اوديه دكتور ناجي في مركز قطر الطبي وياااااارب يشوف له حل

[B7r_QTR]

السلام عليكم

مايشوف شر ولدج اختي ومابغي ازيد على الاعضاء ماقصروا

أهم شي لاتودينه مال مساج كلش

حالياً انصحج بأسبيتار دكتور كندي مدري امريكي Craig Bottani وهو كبير الجراحين
وفي دكتور بعد يمدحونه قطري محمد عتيق الدوسري

واذا فيكم شدة تروحون كم يوم البحرين في دكتور ممتاز اقدر اجيب عنوانه

وماتشوفون شر ان شاءالله

[E L L E]

المشكله سبيتار يوم كلمتهم قالوا لي ماندخل يهال مع ان شكثرررر اعرفهم يعالجون عيالهم هناااااااااااك

السالفه سالفه واااو شكلها مع ان عندي حد يشتغل فالنااادي يمكن يتوسطلي

[المدهش]

اختي ،،
سلامة الولد وما يشووف شر ،، انا انصحك انك اتروحين سبيتار ، عند الدكتور محمد مبارك العتيق ،، واعرضي عليه الولد ، وما راح يقصر وياج .
أهم شي تروحين له مباشرة ودخلي الولد عليه ،، لا واسطه ولا شي ..

[عيون Qatar]

الله يشفيه ان شاءالله

[جوال 11]

الله يشفي ولدج
فيه ملع ويحتاج مساد وفيه واحد في سوق واقف أسمه حبيب سيلاني

[E L L E]

تسلمون دعواتكم :(

[قناص الخليج]

دكتور مالك جاسم بمركز قطر الطبي ممتاز بالتشخيص

ومايشووووف شر

[حياة]

الله يشفيه ويعافيه يارب
انا كل عيالي اذا لعبوا وحد سحبهم من ايدهم تطق اليد وكله صياح وعوار لين اوديهم الطواري وبطريقه يسونها يرجعون اليد مكانها واذكر بنت اخوي قعدت اكثر من اسبوع وكانت طايحه وايدها ماتقدر تحركهاومنتفخه اصابعها وبعد رجعوا لها ايدها الطواري وانا كنت اوديهم ياطواري حمد او طواري الريان وفي الاغلب طواري حمد

[HIGHNESS]

الله يشفيه ان شاء الله والأخوان والأخوات ماقصروا .. وسلامة ايده من الشر :)

[كنترول]

طمنينا على الولد ان شاء الله بخير

[E L L E]

هلا كنترووله

الحمد لله حررررررك ايده اليووووووووووووم اللهم لك الحمد والشكر مشكورين على الدعاووي في ميزان حسناتكم ان شاااااااء الله

[كنترول]

الحمدلله على سلامته