المساعد الشخصي الرقمي

مشاهدة النسخة كاملة : ::: الزبده: عدد ساعات باقات كيوتل شهرياً وتكلفتها بشكل مبسط على مدار السنه :::


إعلامي قطر
31-08-2009, 01:47 AM
..

بسم الله الرحمن الرحيم..


نظراً لكثرة المواضيع عن باقات كيوتل ولملاحظتي إن كثار من ربعنا مايعرفون
الحسبه الصحيحه لمعادلات كيوتل الفلكيه ونسبها ودقائقها ووووووووووإلخ..

ومن غير تعقيدات وحسبه ونسبه ودقائق وثواني ووووإلخ من حركات فريق التسويق
التابع لكيوتل، حبيت أحط حسبتي البسيطه للباقات الشهريه + ملاحظه بسيطه على كيوتل..


* عدد ساعات الباقات القيمه شهرياً وتكلفتها بشكل مبسط على مدار السنه كالتالي:

1) بو130بالسنه تطلع1560+600رسوم اشتراك شهري بو50 لمدة سنه=2160ريال
(فيها 5 ساعات بالشهر + 30 مسج + 10 رسائل متعددة الوسائط + 1 ميغابايت)

2) بو200بالسنه تطلع2400+600رسوم اشتراك شهري بو50 لمدة سنه=3000ريال
(فيها 10 ساعات بالشهر + 30 مسج + 10 رسائل متعددة الوسائط + 1 ميغابايت)

3) بو300بالسنه تطلع3600+600رسوم اشتراك شهري بو50 لمدة سنه=4200ريال
(فيها 16 ساعه بالشهر + 100 مسج + 50 رساله متعددة الوسائط + 4 ميغابايت)
+ رقم مجاني وله حد أقصى من الساعات ولكن غير معلن لأسباب تسويقيه..

4) بو575بالسنه تطلع6900+600رسوم اشتراك شهري بو50 لمدة سنه=7500ريال
(فيها 33 ساعه بالشهر + 200 مسج + 100 رساله متعددة الوسائط + 10 ميغابايت)
+ رقم مجاني وله حد أقصى من الساعات ولكن غير معلن لأسباب تسويقيه..


يا أخوان الباقات حلوه وفيها توفير لكنه توفير قليل مقارنه مع غيرنا بالدول
اللي فيها منافسه حقيقيه بين شركات الإتصال ومافيها ضرب من تحت الحزام
وإتفاقيات تعقد خارج ساعات الدوام الرسمي وفي الأماكن المظلمه << نظرية المؤامره :tease:

وبصراحه أنصح كل شخص حاب يشترك وفواتيره بين الـ 100 لين الـ 500 شهرياً
إنه يشترك في باقة بو 130 أو بو 200 كحد أقصى إذا حب فعلاً يحس بالفرق !!



* ملاحظه ووجهة نظر:

كنت أتمنى من كيوتل عدم إلغاء الإشتراك السنوي (300ريال) في حال إشتركنا
بأحد الباقات، لأني إشتركت في باقة 575 وكنسلوا إشتراكي السنوي وخلوه
شهري بو50 يعني بالسنه600 ريال ولما اتصلت وسألت قالوا مايصير
تجمع بين العرضين (الاشتراك السنوي والباقه القيمه) وهذا أكثر شي قهرني.. :anger1:

لذلك ياليت ياكيوتلنا تعفون مشتركين الباقات القيمه من الإشتراك الشهري..

وبالنهايه أتمنى أكون أفدتكم بهالحسبه وإذا كان فيه خطأ والخطأ وارد فياليت تنبهوني..

بالتوفيق للجميع إن شاء الله...
..
ولد الشحانية
31-08-2009, 01:53 AM
انا عندي نقاط بس الموقع مب راضي اني احولها يعني فيها نصب واحتيال
ANONYMOUS
31-08-2009, 02:04 AM
اللي فاهمه واتمنى اني فاهم صح

ان مبلغ مثلا 575.. شهري..

ماتدفع 50 زياده.. هذي اللي حسبتها 600 بالسنه..والله اعلم..

ال 50 تدفعها.. لو تبي اشتراك عادي.. بدون دقايق وغيره..
bohilal191
31-08-2009, 02:29 AM
تسلم على الحسبة اهم شي عندنا نعرف كم باقي لنا من الدقايق والمسجات بدون مانشترك في eqtel
ناصر العمادي
31-08-2009, 02:33 AM
جزاك الله كل خير أخوي ..

بس ال 50 رسوم الأشتراك الشهري ماتندفع أذا أشتركت في الباقه

أنا مشترك في الباقه ب 300 من شهر 12 الى اليوم ولا مره دفعت رسوم أشترك ال 50 ريال ..

بخصوص الرقم المجاني ... مافي حد معين بالعكس مفتوح على طول حتى لو تعديت ال 3000 دقيقه .. ويطبق الأجراء على من يستخدم الرقم المجاني لأغراض تجاريه كما فهمت منهم ..

هم صج أحيان يخورونها ويطرشون مسج أنك خلصت الدقايق المجانيه بسرعه ..

وأحيان مايطرشون مسج وتلاقي الدقايق خلصت ويحسبون عليك وأنت ماتدري ..

بس مب دايما للأمانه ..

ونتمنى منهم الأفضل كخدمه ومصداقيه ..

يعطيك الصحه والعافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك
هذلان
31-08-2009, 02:39 AM
والله مالي في هالسوالف .. انصحوني

انا نظامي اقعد لين يقطعون التلفون يصير يستقبل و مايرسل ،، اروح ادفعه بالفيزه عن طريق التلفون ،، يكون المبلغ بين ١٠٠٠ و ١٥٠٠ ريال .
هل اشترك في باقه ابرك لي مع العلم انه عندي كرت فودا فون
bohilal191
31-08-2009, 03:52 AM
والله مالي في هالسوالف .. انصحوني

انا نظامي اقعد لين يقطعون التلفون يصير يستقبل و مايرسل ،، اروح ادفعه بالفيزه عن طريق التلفون ،، يكون المبلغ بين ١٠٠٠ و ١٥٠٠ ريال .
هل اشترك في باقه ابرك لي مع العلم انه عندي كرت فودا فون

اشتركي في باقة 575 اذا معدل فواتيرج 1000 الى 1500 فيها 2000 دقيقة و200 مسج مجاني 100 mms ورقم مجاني وبالتوفيق

الباقات حق التوفير يعني اذا انتي تحبين اطرشين مسجات وايد مالها معنى مثل وينج ومسج ثاني شتسوين وهكذا فالباقة ماتنفعج
làst çhàncè
31-08-2009, 05:45 AM
ضعنا بسالفه الباقات
السعدي999
31-08-2009, 06:54 AM
متابع
إعلامي قطر
31-08-2009, 07:59 AM
انا عندي نقاط بس الموقع مب راضي اني احولها يعني فيها نصب واحتيال


هذا موضوع ثاني أخوي وإن شاء الله أحد الأعضاء
يخدمنا فيه وينزل لنا موضوع عن نجوم ونشوف شالسالفه !!

..
إعلامي قطر
31-08-2009, 08:17 AM
اللي فاهمه واتمنى اني فاهم صح

ان مبلغ مثلا 575.. شهري..

ماتدفع 50 زياده.. هذي اللي حسبتها 600 بالسنه..والله اعلم..

ال 50 تدفعها.. لو تبي اشتراك عادي.. بدون دقايق وغيره..


والله ياخوي آنا سألت موظف كيوتل بـ 111 بفتره سابقه وقال لي
إن الباقات تلغي الإشتراك السنوي أتوماتيك ومن غير إشعار العميل !!

عموماً بتأكد مره ثانيه من 111 وبرد لكم خبر إن شاء الله..

..
إعلامي قطر
31-08-2009, 08:27 AM
تسلم على الحسبة اهم شي عندنا نعرف كم باقي لنا من الدقايق والمسجات بدون مانشترك في eqtel




الله يسلمك وشكراً على المرور.. :victory:

..
احب قطر
31-08-2009, 09:39 AM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..
براتزية برازيلية
31-08-2009, 12:39 PM
جزاك الله كل خير
السعدي999
31-08-2009, 02:26 PM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..
وعليكم السلام
الرقم المجاني لاي باقه

ثانيا باقة ال200 فيها 600 دقيقه + 60 مسج +..............+.................
لاني ما اعرف وش مزايا الباقات
STAR
31-08-2009, 02:37 PM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..

انزين اخوي ماتعرف كم كود المسج؟؟؟
يعني يكون على الاقل حصري للمنتدى قبل الاعلان عنه بكرة....
ANONYMOUS
31-08-2009, 02:46 PM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..


ممتاز..

واتمنى يكون ضمن المسج اللي يوصل لنا.. كم باقي من الدقايق حقت الشهر اللي طاف..

واتمنى يكون المسج ببلاش :shy:
احب قطر
31-08-2009, 02:53 PM
وعليكم السلام
الرقم المجاني لاي باقه

ثانيا باقة ال200 فيها 600 دقيقه + 60 مسج +..............+.................
لاني ما اعرف وش مزايا الباقات

الرقم المجاني لباقة 300 و 575 وممكن تعرف اكثر عن الباقات من خلال
http://www.qtel.com.qa/ParentProdSrvcesLinks.do?idnum=9&prodtype=1#Value
احب قطر
31-08-2009, 02:54 PM
انزين اخوي ماتعرف كم كود المسج؟؟؟
يعني يكون على الاقل حصري للمنتدى قبل الاعلان عنه بكرة....

أبشر ولا يهمك..اول مايكون النظام جاهز اول من بيعرف اعضاء المنتدى
احب قطر
31-08-2009, 02:55 PM
ممتاز..

واتمنى يكون ضمن المسج اللي يوصل لنا.. كم باقي من الدقايق حقت الشهر اللي طاف..

واتمنى يكون المسج ببلاش :shy:

اكيد راح يكون المسج ببلاش...
إعلامي قطر
31-08-2009, 05:06 PM
جزاك الله كل خير أخوي ..

بس ال 50 رسوم الأشتراك الشهري ماتندفع أذا أشتركت في الباقه

أنا مشترك في الباقه ب 300 من شهر 12 الى اليوم ولا مره دفعت رسوم أشترك ال 50 ريال ..

بخصوص الرقم المجاني ... مافي حد معين بالعكس مفتوح على طول حتى لو تعديت ال 3000 دقيقه .. ويطبق الأجراء على من يستخدم الرقم المجاني لأغراض تجاريه كما فهمت منهم ..

هم صج أحيان يخورونها ويطرشون مسج أنك خلصت الدقايق المجانيه بسرعه ..

وأحيان مايطرشون مسج وتلاقي الدقايق خلصت ويحسبون عليك وأنت ماتدري ..

بس مب دايما للأمانه ..

ونتمنى منهم الأفضل كخدمه ومصداقيه ..

يعطيك الصحه والعافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك


الله يجزاك الخير أستاذي الفاضل وشاكر لك كلامك الطيب ومرورك الرائع.. :nice:

وبالفعل اليوم تأكدت من 111 وقالوا لي مافي رسوم اشتراك شهري !!

ولو إني من فتره بسيطه أيضاً تأكدت وقالوا لي فيه رسوم اشتراك شهري !!

وبرجع أتأكد عقب فتره بسيطه وبشوف شنو راح يقولون !! :rolleyes2:

حبي وتقديري..

..
وطن
31-08-2009, 05:09 PM
صحيح انا لما اشتركت بالشهري راح علي اشتراكي السنوي
ع العموم من يخلص عرضهم بو 29 درهم برجع للاشتراك السنوي

لان معظم مكالماتي خارجي
فما راح استفيد منه
إعلامي قطر
31-08-2009, 05:09 PM
والله مالي في هالسوالف .. انصحوني

انا نظامي اقعد لين يقطعون التلفون يصير يستقبل و مايرسل ،، اروح ادفعه بالفيزه عن طريق التلفون ،، يكون المبلغ بين ١٠٠٠ و ١٥٠٠ ريال .
هل اشترك في باقه ابرك لي مع العلم انه عندي كرت فودا فون


أكيد يالغالي إشترك أفضل لك بس شوف معدل فواتيرك شهرياً عشان تعرف
أي باقه تختار وإذا فواتيرك قليله عموماً فإختار الباقه الأولى أو الثانيه
لا تكثر عشان تحس بالفرق.. :nice:

موفق إن شاء الله..

..
إعلامي قطر
31-08-2009, 05:12 PM
ضعنا بسالفه الباقات


لافيها ضياع ولاشي شدعوه ياخوك !!

إنت بس ركز شوي ونصيحه شوف تاريخ فاتورتك متى
وإتصل بنفس اليوم واشترك في احد الباقات القيمه وفالك طيب..

..
إعلامي قطر
31-08-2009, 05:13 PM
متابع



فالك طيب.. :nice:

..
إعلامي قطر
31-08-2009, 05:17 PM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..


عليكم السلام هلا..

مشكور أخوي على التفاعل وواضح إنك من طرف كيوتلنا أو متحدث رسمي عنهم.. :nice:

طيب ياليت تفيدنا بخصوص إلغاء الإشتراك السنوي؟!

لو ماينلغي يكون أفضل يعني آنا الحين دافع 300 ريال اشتراك سنه مقدم وجيت بكره
وسجلت في باقه فراح تكنسلون الاشتراك السنوي من غير علمي صح؟!

طيب عقب شهر لنفترض اني ماعجبني موضوع الباقات وكنسلته وحزتها بضطر
أرجع أدفع 300 ريال اشتراك سنوي مش كده ولا لا؟!

أتمنى تشوفون حل لهالموضوع..

منا لكيوتل :victory:

..
إعلامي قطر
31-08-2009, 05:18 PM
جزاك الله كل خير



جزاج الله الجنه وشكراً على الدعوه الطيبه..

..
احب قطر
31-08-2009, 05:34 PM
عليكم السلام هلا..

مشكور أخوي على التفاعل وواضح إنك من طرف كيوتلنا أو متحدث رسمي عنهم.. :nice:

طيب ياليت تفيدنا بخصوص إلغاء الإشتراك السنوي؟!

لو ماينلغي يكون أفضل يعني آنا الحين دافع 300 ريال اشتراك سنه مقدم وجيت بكره
وسجلت في باقه فراح تكنسلون الاشتراك السنوي من غير علمي صح؟!

طيب عقب شهر لنفترض اني ماعجبني موضوع الباقات وكنسلته وحزتها بضطر
أرجع أدفع 300 رياشتراك سنوي مش كده ولا لا؟!

أتمنى تشوفون حل لهالموضوع..

منا لكيوتل :victory:

..

مساك الله بالخير .. بالنسبة للاشتراك السنوي مازال موجود كخدمة من كيوتل... بس اللي يصير انك لم تختار احد الباقات وانت عندك الاشتراك السنوي يدخل في حسابك مبلغ فرق المده من الاشتراك السنوي ... ولم تلغي الاشتراك السنوي يشوفون كم اللي لك واللي عليك وبعدها تقدر تاخذ الاشتراك السنوي
السعدي999
01-09-2009, 12:52 PM
السلام عليكم ورحمة الله وبركاته ،،

بالنسبة للبقاقات اللي يشترك فيها مايدفع ال 50 ريال رسوم الاشتراك الشهري واللي يتعدى ال 3000 دقيقة للرقم المجاني ماراح ينحسب عليه .

وان شاء الله بكره راح ننزل الخدمة اللي من خلالها الواحد يعرف كم الدقايق الباقية له عن طريق ارسال رسالة نصية او الاتصال على 114 ...واي واحد يقدر يتصل على 114 للاشتراك في الباقة او التحويل من باقة لاخرى او لالغاءها.

بالنسبة لنجوم وخاصة موضوع تعبئة هلا راح ياخذ 48 ساعة في الوقت الحالي وان شاء الله خلال الاسابيع القادمة راح يكون مباشر ام بالنسبة للكوبونات والاشياء الثانية فممكن ان الواحد يحصل عليها مباشرة..


السلام عليكم ورحمة الله

في انتظار نزول الخدمه
STAR
01-09-2009, 06:25 PM
أبشر ولا يهمك..اول مايكون النظام جاهز اول من بيعرف اعضاء المنتدى

اخوي احب قطر انته قلت بكرة ... ودخلنا بكرة... ^_^
إعلامي قطر
09-09-2009, 03:36 AM
للإضافه:

الدقائق المجانيه محليه وأيضاً دوليه حتى نهاية الشهر الجاري..

..
abo0o0od QtR
09-09-2009, 03:51 AM
السلام عليكم
حبيت افيدكم بطريقة معرفة الرصيد المتبقي من الدقايق والرسايل النصية والوسائط والانترنت

طبعا عن طريق ال 111

اول شي تتصل 111 تختار اللغة العربيه اول الانجليزية لانه في من ربعنا يحبون يسولفون عنجليزي :nice:

بعدين تختار رقم 2 الي اهو قسم الجوال عقبها تختار رقم 1 بيقولك ادخل رقم بطاقتك الشخصيه

تحط رقم البطاقة الشخصية وعقبه مربع بيدخلك على الخيارات تقدر تعرف عن الباقات وتقدر تشيك المتبقى لك وكم تحولك من الشهر الي قبله وتقدر تشترك للي ما عنده الخدمة

طبعا الي يبي يعرف كم باقيله في الرصيد من دقايق ورسايل والخ لازم يتصل من نفس الرقم الي عليه الباقه

وشي ثاني ابي افيد فيه اخواني في المنتدى

موضوع الدقايق فالنفرض عندك 1000 لا تحسبها من 1 الشهر الين اخر الشهر

تنحسب من تاريخ اصدار فاتورتك يعني تشيك مع كيوتل انت متى الاصدار عندك طبعا تواريخ الاصدار للفواتير في كيوتل

6 و 12 و 15 و 18 وتشوف متى الاصدار عندك من تاريخ الاصدار ينحسبلك الدقايق

اتمنى اكون وضحت الموضوع

واي سؤال انا حاضر
إعلامي قطر
10-09-2009, 12:27 AM
السلام عليكم
حبيت افيدكم بطريقة معرفة الرصيد المتبقي من الدقايق والرسايل النصية والوسائط والانترنت

طبعا عن طريق ال 111

اول شي تتصل 111 تختار اللغة العربيه اول الانجليزية لانه في من ربعنا يحبون يسولفون عنجليزي :nice:

بعدين تختار رقم 2 الي اهو قسم الجوال عقبها تختار رقم 1 بيقولك ادخل رقم بطاقتك الشخصيه

تحط رقم البطاقة الشخصية وعقبه مربع بيدخلك على الخيارات تقدر تعرف عن الباقات وتقدر تشيك المتبقى لك وكم تحولك من الشهر الي قبله وتقدر تشترك للي ما عنده الخدمة

طبعا الي يبي يعرف كم باقيله في الرصيد من دقايق ورسايل والخ لازم يتصل من نفس الرقم الي عليه الباقه

وشي ثاني ابي افيد فيه اخواني في المنتدى

موضوع الدقايق فالنفرض عندك 1000 لا تحسبها من 1 الشهر الين اخر الشهر

تنحسب من تاريخ اصدار فاتورتك يعني تشيك مع كيوتل انت متى الاصدار عندك طبعا تواريخ الاصدار للفواتير في كيوتل

6 و 12 و 15 و 18 وتشوف متى الاصدار عندك من تاريخ الاصدار ينحسبلك الدقايق

اتمنى اكون وضحت الموضوع

واي سؤال انا حاضر



111 ولا 114 ؟!

..
وحش قطر
10-09-2009, 01:59 AM
اخوي احب قطر يعطيك العافية

عندي سؤال لو ممكن

انة مشترك في باقة 300

وادخل النت عن طريق خدمة الواير لس اللي عندي في البيت واخر الشهر يعطيني اني مخلص رصيد الانترنت شسالفة
abo0o0od QtR
10-09-2009, 02:09 AM
111 ولا 114 ؟!

..

اول ما شغلوا الخدمه كانت بس على 114

الحين صار لها ربط على 111 يعني تقدر تشيك من ال 111 دايركت
bohilal191
10-09-2009, 02:45 AM
اخوي احب قطر يعطيك العافية

عندي سؤال لو ممكن

انة مشترك في باقة 300

وادخل النت عن طريق خدمة الواير لس اللي عندي في البيت واخر الشهر يعطيني اني مخلص رصيد الانترنت شسالفة

ابيك تتأكد من شي ادخل الويب وقبل مادخل اي عنوان روح الضبط وعقب عام وشوف نقطة الوصول شمكتوب اذا مكتوب mozaic mob معناتها قاعد ينحسب عليك غير نقطة الوصل وخلها السؤال دائما لأن بيسألك قبل ماتدخل النت تبي تستخدم كيوتل ولا الوايرلس وشكرا
امل الحب
10-09-2009, 03:19 AM
ابيك تتأكد من شي ادخل الويب وقبل مادخل اي عنوان روح الضبط وعقب عام وشوف نقطة الوصول شمكتوب اذا مكتوب mozaic mob معناتها قاعد ينحسب عليك غير نقطة الوصل وخلها السؤال دائما لأن بيسألك قبل ماتدخل النت تبي تستخدم كيوتل ولا الوايرلس وشكرا

هذي انا تعقدت منها حطيت السؤال وحذفتها من التلفون ومازالت المعاناة مستمرة :anger1:

ورجعت على تلفوني القديم لان هو يحسب على التحديثات الي ينزلها من نفسه يعني انا ماتصفح النت ابدا ..

شو الحل :telephone:
eXpert*
10-09-2009, 03:34 AM
انا مشترك في الباقة 575 ،، يعني انا قاعد ادفع 6900 ريال في السنة وانا مب حاس !!

بل صج الواحد لازم يعيد حساباته :(

بس بعد تبون الصج أهون من قبل شهرياً كنت ادفع 1500 أي ما يعادل 18000 في السنة .

المشكلة الواحد لما يدفع شهرياً يستسصغر المبلغ بس اخر السنة لو تحسبها انت قاعد تدفع مبالغ خيالية.

على العموم حلال على كيوتل . :)
eXpert*
10-09-2009, 03:41 AM
سؤال اذا انا ما استخدم المخصص لي للانترنت في الباقة الشهرية هل استطيع احوله لدقائق ؟

وكيف اعرف شكثر باقي دقايق او رسائل ؟
إعلامي قطر
10-09-2009, 02:38 PM
اول ما شغلوا الخدمه كانت بس على 114

الحين صار لها ربط على 111 يعني تقدر تشيك من ال 111 دايركت


ممتاز.. :nice:


تسلم الشيخ..

..
إعلامي قطر
11-09-2009, 10:42 AM
انا مشترك في الباقة 575 ،، يعني انا قاعد ادفع 6900 ريال في السنة وانا مب حاس !!

بل صج الواحد لازم يعيد حساباته :(

بس بعد تبون الصج أهون من قبل شهرياً كنت ادفع 1500 أي ما يعادل 18000 في السنة .

المشكلة الواحد لما يدفع شهرياً يستسصغر المبلغ بس اخر السنة لو تحسبها انت قاعد تدفع مبالغ خيالية.
على العموم حلال على كيوتل . :)



أتفق معاك 100% ..

..
م. عبدالعزيز
11-09-2009, 11:11 AM
انا مشترك في الباقة 575 ،، يعني انا قاعد ادفع 6900 ريال في السنة وانا مب حاس !!

بل صج الواحد لازم يعيد حساباته :(

بس بعد تبون الصج أهون من قبل شهرياً كنت ادفع 1500 أي ما يعادل 18000 في السنة .

المشكلة الواحد لما يدفع شهرياً يستسصغر المبلغ بس اخر السنة لو تحسبها انت قاعد تدفع مبالغ خيالية.

على العموم حلال على كيوتل . :)

ما ابي ادافع عن الشركه لكن ،، صحيح انت تدفع 6900 ريال بالسنة بس نسيت كم دقيقة بيكون عندك ؟
24000 دقيقه
ورقم مجاني طول السنة
2400 مسج
1200 وسائط
120 ميجابايت انترنت
:victory:

فلو تحسبها بالحسبه العاديه (يعني تستخدم مثل هالدقايق بدون ماتشترك بالشهري) بيطلع وياك التالي
24000*0.35 + 2400*0.3 + 1200*0.9 + 120*10 = 10428 ريال ومعاها 300 ريال اشتراك سنوي بيطلع معانا طال عمرك
10728 ريال قطري سنويا ً

شفت التخفيض من 10728 لين 6900
وغير جذي عندك رقم مجاني .. يعني 10728 هاي كحد أدنى ... فتخيل التوفير كم بيوصل .. :)



سؤال اذا انا ما استخدم المخصص لي للانترنت في الباقة الشهرية هل استطيع احوله لدقائق ؟

وكيف اعرف شكثر باقي دقايق او رسائل ؟

اتصل 111 او 114 بالرد الآلي واسمع
eXpert*
11-09-2009, 10:55 PM
ما ابي ادافع عن الشركه لكن ،، صحيح انت تدفع 6900 ريال بالسنة بس نسيت كم دقيقة بيكون عندك ؟
24000 دقيقه
ورقم مجاني طول السنة
2400 مسج
1200 وسائط
120 ميجابايت انترنت
:victory:

فلو تحسبها بالحسبه العاديه (يعني تستخدم مثل هالدقايق بدون ماتشترك بالشهري) بيطلع وياك التالي
24000*0.35 + 2400*0.3 + 1200*0.9 + 120*10 = 10428 ريال ومعاها 300 ريال اشتراك سنوي بيطلع معانا طال عمرك
10728 ريال قطري سنويا ً

شفت التخفيض من 10728 لين 6900
وغير جذي عندك رقم مجاني .. يعني 10728 هاي كحد أدنى ... فتخيل التوفير كم بيوصل .. :)



اتصل 111 او 114 بالرد الآلي واسمع



طلع عندي 3000 دقيقة هالشهر ،، و 2000 من الشهور السابقة .

بس للحين محد جاوبني انا مثلا الانترنت ما استعمله في الجوال ،، الشهر الجاي هل يتحول تلقائي الى دقائق اقدر استخدمها للاتصال ؟:nice:
بولينجر
11-09-2009, 11:09 PM
هذي انا تعقدت منها حطيت السؤال وحذفتها من التلفون ومازالت المعاناة مستمرة :anger1:

ورجعت على تلفوني القديم لان هو يحسب على التحديثات الي ينزلها من نفسه يعني انا ماتصفح النت ابدا ..

شو الحل :telephone:
هلا اختي امل الحب.... الطريقة سهلة سوي اعدادات خرابيط للانترنت وخليها default بدل موزايك .... كل مرة يبي يتصل بالنت مايلاقي نقطة وصول صح ولا شي صح وبالتالي ما يحسب عليج شي.... واعدادات كيوتل خليها على جنب لاتخربينها لوقت الحاجة.....
بولينجر
11-09-2009, 11:10 PM
تسلم اخوي اعلامي على الشرح الواضح....
eXpert*
12-09-2009, 01:09 AM
اليوم وصلني مسج من كيوتل اذا تبي تستفسر عن الرصيد المتاح لك في باقة الشهري أرسل رسالة بالنص التالي :


للغة العربية : a*sy*vpb

للغة الانجليزية : e*sy*vpb

الى الرقم : 92558
إعلامي قطر
12-09-2009, 01:53 AM
طلع عندي 3000 دقيقة هالشهر ،، و 2000 من الشهور السابقة .

بس للحين محد جاوبني انا مثلا الانترنت ما استعمله في الجوال ،، الشهر الجاي هل يتحول تلقائي الى دقائق اقدر استخدمها للاتصال ؟:nice:


ما أعتقد يصير هالشي أخوي..

..
قطري زقرت
12-09-2009, 03:33 AM
والله مالي في هالسوالف .. انصحوني

انا نظامي اقعد لين يقطعون التلفون يصير يستقبل و مايرسل ،، اروح ادفعه بالفيزه عن طريق التلفون ،، يكون المبلغ بين ١٠٠٠ و ١٥٠٠ ريال .
هل اشترك في باقه ابرك لي مع العلم انه عندي كرت فودا فون


انا انصح ف ام 300 ريال
انا واهلي وربعي كلنا بو 300 واشوفه وايد زين
( وكلنا مانستخدم الرقم المجاني )
إعلامي قطر
12-09-2009, 09:27 AM
تسلم اخوي اعلامي على الشرح الواضح....


الله يسلمك الشيخ..

..
الهـواوي
12-09-2009, 03:18 PM
وقسم بالله مافهمت شي بس يلا
إعلامي قطر
13-09-2009, 02:24 AM
وقسم بالله مافهمت شي بس يلا



دنته كده :nice:

..
abo0o0od QtR
13-09-2009, 03:08 AM
سؤال اذا انا ما استخدم المخصص لي للانترنت في الباقة الشهرية هل استطيع احوله لدقائق ؟

وكيف اعرف شكثر باقي دقايق او رسائل ؟

الشيخ المخصص للانترنت ما تقدر تحوله دقايق وما يترحل للشهر الي عقبه لا الانترنت ولا الرسايل ولا والوسائط الشي الوحيد الي يتحول اهوا الدقايق

وتتحول شهر واحد بس يعني زاد من الشهر 1000 دقيقه ما استخدمتهم الشهر الي عقبه خلاص راحوا عليك يتحول من الي زاد الشهر نفسه بس علشان جذيه يوم تتصل يقولك كم عندي وكم تحولك وما يقولك التوتل
إعلامي قطر
13-09-2009, 01:00 PM
الشيخ المخصص للانترنت ما تقدر تحوله دقايق وما يترحل للشهر الي عقبه لا الانترنت ولا الرسايل ولا والوسائط الشي الوحيد الي يتحول اهوا الدقايق




زين صج ليش مايحولون الأشياء الثانيه ؟!

ممكن إفاده واضحه ياأحب قطر الناطق الرسمي بإسم كيوتل ؟! :nice:

..
احب قطر
13-09-2009, 01:08 PM
زين صج ليش مايحولون الأشياء الثانيه ؟!

ممكن إفاده واضحه ياأحب قطر الناطق الرسمي بإسم كيوتل ؟! :nice:

..

مساك الله بالخير ... بالنسبة للخدمات المضافة تعتبر مع الباقات مجانية مثلها مثل الرقم المجاني لهالسبب لا يتم تحويلها للاشهر القادمة
eXpert*
13-09-2009, 03:05 PM
مساك الله بالخير ... بالنسبة للخدمات المضافة تعتبر مع الباقات مجانية مثلها مثل الرقم المجاني لهالسبب لا يتم تحويلها للاشهر القادمة



بتزعلونا يا كيوتل :(

يعني انا رجال لا استخدم الانترنت ولا الوسائط ليش ما تستبدلونهم لي برسائل نصية ودقائق ؟
إعلامي قطر
14-09-2009, 03:05 AM
مساك الله بالخير ... بالنسبة للخدمات المضافة تعتبر مع الباقات مجانية مثلها مثل الرقم المجاني لهالسبب لا يتم تحويلها للاشهر القادمة


طيب شرايك توصل هالإقتراح للمسؤولين:

نطالب بترحيل كافة مميزات الباقة الشهريه
للشهر التالي ليس فقط الدقائق المجانيه ؟!

لعل وعسى نلقي بعض التجاوب من كيوتلنا في ظل الأزمة الماليه وعولمة الأسواق
والتنافس الشرس والشريف مع فودافون وحرص كيوتلنا الجلي على راحة واستقرار
عملائها نفسياً وقياسها لردة فعل الرأي العام ورجع الصدى لديهم على كل منتج
وعرض قابل للتعديل والتغيير خاصة مع شح العروض المرضيه لنا كبشر
لا يرغبون دائماً إلا بالمزيد.. :nice:

صدقني لو وليد هالسيد يقرى هالكلمتين هو ولا المطوع راح يوافقون
ويتبنون الفكره ويطبقونها عاجلاً فياليت توصل لهم هالمقترح
وأكون لك من الشاكرين.. :secret:

..
إعلامي قطر
18-09-2009, 02:41 AM
طيب شرايك توصل هالإقتراح للمسؤولين:

نطالب بترحيل كافة مميزات الباقة الشهريه
للشهر التالي ليس فقط الدقائق المجانيه ؟!

لعل وعسى نلقي بعض التجاوب من كيوتلنا في ظل الأزمة الماليه وعولمة الأسواق
والتنافس الشرس والشريف مع فودافون وحرص كيوتلنا الجلي على راحة واستقرار
عملائها نفسياً وقياسها لردة فعل الرأي العام ورجع الصدى لديهم على كل منتج
وعرض قابل للتعديل والتغيير خاصة مع شح العروض المرضيه لنا كبشر
لا يرغبون دائماً إلا بالمزيد.. :nice:

صدقني لو وليد هالسيد يقرى هالكلمتين هو ولا المطوع راح يوافقون
ويتبنون الفكره ويطبقونها عاجلاً فياليت توصل لهم هالمقترح
وأكون لك من الشاكرين.. :secret:

..


احب قطر وينك؟؟؟؟؟؟؟ :omg:

..
سهم مديون
18-09-2009, 05:22 AM
يازين الاشتراك الاول لا نجوم ولا غيرها
إعلامي قطر
28-09-2009, 02:37 AM
يازين الاشتراك الاول لا نجوم ولا غيرها


تصدق كنسلت الباقه من يومين !! :rolleyes2:

كل الطرق تؤدي إلى الإشتراك السنوي والبلاك بيري :telephone:

..
إعلامي قطر
23-02-2010, 07:38 AM
طيب شرايك توصل هالإقتراح للمسؤولين:

نطالب بترحيل كافة مميزات الباقة الشهريه
للشهر التالي ليس فقط الدقائق المجانيه ؟!

لعل وعسى نلقي بعض التجاوب من كيوتلنا في ظل الأزمة الماليه وعولمة الأسواق
والتنافس الشرس والشريف مع فودافون وحرص كيوتلنا الجلي على راحة واستقرار
عملائها نفسياً وقياسها لردة فعل الرأي العام ورجع الصدى لديهم على كل منتج
وعرض قابل للتعديل والتغيير خاصة مع شح العروض المرضيه لنا كبشر
لا يرغبون دائماً إلا بالمزيد.. :nice:

صدقني لو وليد هالسيد يقرى هالكلمتين هو ولا المطوع راح يوافقون
ويتبنون الفكره ويطبقونها عاجلاً فياليت توصل لهم هالمقترح
وأكون لك من الشاكرين.. :secret:

..


يرفع للمصلحه العامه.. :victory:

..