بغيت رايكم في مشروع

[ورقــة أمــل]

السلام عليكم ورحمة الله وبركاته..

بغيت استشيركم في مشروع

انا عندي مبلغ بسيط مو كثير

وفكرت في مشروع وهو

اني افتح محل للمواهب او الاشغال اليدوية القطرية

طبعا المحل راح يكون نسائي بحت ;)

وفكرته ان اي وحده من بنات قطر عنده موهبة تدخل عليها فلوس مثل الخياطة
وصناعة المخلطات والعطورات والرسم او اي هواية

تقدر تجيب منتجاتها وتبيعها في هالمحل وتبيعهم وراح يدخل عليها فلوس
وانا تكون لي نسبة ثابته من كل وحده تعرض منتجاتها بالمحل
وفي هالمشروع الكل مستفيد البايعة وصاحبة المحل وحتى المشتريين لان كل المنتجات راح تكون
من عمل بنات قطر واكيد متميزة عن غيرها من المنتجات الجاهزة بالمحلات الثانية

هااااا شرايكم قكرة حلوة ولا لا :nice:

[s55]

والله فكره حلوه ومب موجوده فالدوحه الله يوفقك اخوي

[ورقــة أمــل]

مشكور اخوي انت الوحيد اللي رديت

مادري الباقي ماعجبتهم الفكرة ولا شسالفة خخخخخخ

[بويوسف]

الفكرة حلوة ومميزة واذا وجدت احدا يعمل عليها بطريقة صحيحة اعتقد انها مربحة ان شاءالله .. لكن للتعامل مع النساء الافضل ان تكون سيدة وتكون نشيطة اجتماعيا ..

وهناك الكثير من البنات والحريم اللي يسون شغلات في البيوت مثل الخياطة والمخلالات وغيرها وغيرها .. وفعلا في وايد اشيا اذا قعدت تفكر فيها ..

[طاير]

فكره حلوه بس انا اقترح انت تعرض بنسبة على المبيوع يعني ما تشتري وانت تعرض وحظك على حظك لا انت تاخذ مجموعه وتعرضها اللي ايباع لك نسبه عليه واللي مايباع لفتره ترده

[ولد الشمال]

خوش مشروع والله يوفقك بس نصيحتي لك الاعلانات عن المشروع وشوف الدخل

[ورقــة أمــل]

مشكورين على رايكم..

بس بغيت اعرف وين انسب مكان عشان اجر فيه المحل واشتغل عليه وشلون يكون شكل المحل من حيث الديكور.. واذا بتعاون مع الاخوات شلون اسوي الاعلان باي طريقة؟؟ ياريت لو احد عنده خبره بهالمجال يرد علينا بعد

[طاير]

انا من رأيي يكون في الأسواق المزدحمه واللي نطلق عليها مجازا الشعبيه :)
مثل عندك سوق الخميس والجمعه اذا تقدر تلاقي لك محل هناك بتربح ان شاء الله او سوق الجبر او شي من الأسواق اللي فيها زحمة ناس يشترون هالأشياء يعني ابعد عن الستي سنتر والمول :)
بالنسبة للإعلانات تقدر تمر او حد من النساء ايمر على المعارض اللي فيها مشاركة نسائية مثل المهرجانات او المعارض اللي تقيمها دار تنمية الأسرة وتسأل النساء اللي ايبيعون فيها اذا يحبون ايدشون معاك في المشروع ومب مشكله تشتري منهم كميه وكميه تبيعها لهم بنسبه :)

[ورقــة أمــل]

مشكور طاير على اقتراحك ومساعدتك وانا بعد اشوف نفس الشي

[طاير]

العفو ياغالي ما سوينا شي ...

[qatar25]

السلام عليكم ورحمة الله وبركاته..

بغيت استشيركم في مشروع

انا عندي مبلغ بسيط مو كثير

وفكرت في مشروع وهو

اني افتح محل للمواهب او الاشغال اليدوية القطرية

طبعا المحل راح يكون نسائي بحت ;)

وفكرته ان اي وحده من بنات قطر عنده موهبة تدخل عليها فلوس مثل الخياطة
وصناعة المخلطات والعطورات والرسم او اي هواية

تقدر تجيب منتجاتها وتبيعها في هالمحل وتبيعهم وراح يدخل عليها فلوس
وانا تكون لي نسبة ثابته من كل وحده تعرض منتجاتها بالمحل
وفي هالمشروع الكل مستفيد البايعة وصاحبة المحل وحتى المشتريين لان كل المنتجات راح تكون
من عمل بنات قطر واكيد متميزة عن غيرها من المنتجات الجاهزة بالمحلات الثانية

هااااا شرايكم قكرة حلوة ولا لا :nice:


الفكره حلوه ,, والحركه هاذي موجوده في البحرين في المركز الحرفي

المعرض التابع للمركز له نسبة عشره في الميه من المبيعات
لكن للاسف الي يحصل
انه ياتي الزبون
يبي يشتري مثلا بكميه كبيره ,, يتفع مع الحرفي نفسه ,, ويلطعون برع المعرض ويتم البيع والشراء,,
وبذلك يتجنبون العشره في الميه والثنين ربحانين

لو قدرت تتحكم في هالمسأله ,,, موضوعك ماشي ميه ميه

[Pro]

مشروعك ممتاز
و لكن يجب ان تحدد الهدف
هل هو خيري او ربحي
-
-
-
اذا كان خيري فلابد من
تعاون عدة جهات معاك في
تنفيذ هذا المشروع
و ماراح يخلونك تطلع فيها
لأنهم يبون يطلعون نفسهم
انهم قاعدين يعملون حاجة
-
-
-
اما اذا كان ربحي
فلا بد من حساب التكلفة اولا
من ايجار و ديكور و مشرف او منسق براتب شهري
و من ثم تبحث عن الحرفين و تتفق
معهم بيع سلعهم بسعر معين
-
-
-
يعني السالفة يبيلها تخطيط مسبق
-
-

[PoBox]

..
اقتراح
ليش ما يتم تركيب خيمة كبيرة ..مثل خيام البداد (على صغير شوي)
مكيفة ومضاءة ..
بدل البناء والخساير ..
ولكن تحتاج قطعة ارض وهذي سهلة اذا اقتنع فيها شخص صاحب ارض
ان
لو في يوم صارت مشكلة ..
ارفع الخيمة وكل في حال سبيله والسلام عليكم لاديكور ولا شيء
وديكور الخيمة ما يكلف ..

والمساحة راح تكون كبيرة اوسع من محل ..وايجاره يكون عالي ومشاكل ورخص الدنيا

طريقة البياعين تكون (كانه معرض كتاب او المعرض السوري )
كل في بارتشن ويبيع بنفسه
والله اعلم

[ورقــة أمــل]

بالنسبة للخيمة صاحب الارض بعد اكيد بيطلب نسبة
والخيمة اعتقد لها فترة معينة ومادري كم تكلفتها بالضبط
بس مثل ما قال اخوي بتكون مساحتها كبيرة وفي اي وقت ممكن تنشال وماتحتاج ديكور
هالميزة اللي فيها
يصير اشتري محل يكون لي في مكان معين بدال ما اجره ؟
على اساس مادفع ايجار المحل
والحريم اللي راح يبيعون فيه لازم احسب كم البضاعة اللي جايبينها واللي راح تنباع بالمحل نفسه
علشان اضمن انها ماراح تبيع برع المحل وتكون باسعار معينة ومعقولة
ويكون في المحل مثلا اربع حريم يبيعون لمدة شهر وبعدها يجون حريم غيرهم يبيعون لمدة شهر اخر
على اساس كل مجموعة تجهز بضاعتها لمدة شهر وبعدين تعاود البيع مرة ثانيه
مادري طريقتي صحيحة ولا لا ارجو الافادة

[الراعي]

تبي الصرحة انا شجعك اذا كانت لك علاقات كثيرة مع الناس الي يسون هذه الاشياء ومع الناس الي يشترون ........ اذا كانت لك علاقة بهم اكيد جربت من الاثنين يعني شريت من الي يسون , وبعت على الي يحبون يشترون ........... بدون ان تخسر وتفتح محل ورسوم ولاسجل تجاري ولامصاريف .............. ان كنت جربت وتاجرت اكيد بتكون عندك خبرة ........... وان كان جوابك لا ياخوي انسى الموضوع ......... ولاجرب الطريق بعدين فكر .... تحياتي اخوك الراعي . :con2:

[بنت الهامور]

اخوي
الفكره موجوده فعلا في دار تنميه الاسره
كما انها تقوم بدعم المادي والتسويق للاصحاب الاعمال اليدويه
بامكانك تقدم الفكره بشكل افضل وتطور الفكره لجذب من يريد ان يربح من اعماله اليدويه
يعني في نساء يستطعون شراء بضائع نسائيه من بلدان شرق اسيا ولا يستطعون توفير المحل لتسويق البضائع وهكذا
انا من رايي السالفه فيها عوار راس
محد بيرضى تشاركه في ربحه
واغلب اصحاب الاعمال اليدويه يسوقون اعمالهم وهم في بيوتهم

[Qa6ar]

فكره حلوه بس يبي لك مساعده من سيدات وشلون بتقدر اتخالطهم واتكلم معاهم وتاخذ اللي لك واللي

عليك.. مع ان الفكره موجوده بدار التنميه من اكثر من ست سنوات ويمثلون قطر بكل مكان بانحاء العالم

وهي من افكار الشيخه موزه الله يطول بعمرها اللي ساعدت هالمساكين والله يجزاها خير ام جاسم

[شمسة]

بالتوووووووووووووووووووووووووووفيق