اخوي jajassim ، عندي اقتــراح لوزارة الداخليه ، ومطلوب رأيك ورأي الأعضاء الكرام

[عبدالمحسن]

بسم الله الرحمن الرحيم



السلام عليكم ورحمة الله وبركاته



عزيزي جاجاسم ، لدي اقتراح قد يجدي نفعاً وقد يكون مجرد اقتراح قابل للرفض او القبول.

لقد قرأت في احدى المرات عن مشروع تابع لوزارة الداخليه عن ( ارض لحجز السيارات ) بمساحه تقارب 150 الف متر مربع في منطقة الصناعيه وبتكلفه تقارب 23 مليون ريال.

ونحن كمواطنين حريصون على تطبيق القانون والضرب بيد من حديد على كل من يخالف الأنظمة والقوانين تعمداً.

وفكرتي هدفها توفير الوقت والجهد والمال بالنسبة لهذا المشروع وتتلخص في ما يلي.

( حجز سيارة كل مخالف داخل بيته )
وإذ لم يكن في داخل البيت متسع للسيارة يكون حجز السيارة بمحاذاة الباب الرئيسي للمنزل.

الأسباب :
توفير الوقت والجهد والمكان والمال.
لو فرضنا ان مساحة السيارة 3*5= 15متر مربع كموقف ، راح نتوصل أن مساحة 150 الف متر مربع والمخصصه لحجز السيارات في منطقة الصناعيه تتسع الى 10 الاف سيارة.
ولو خصمنا من مساحة الأرض الغرف الخاصة لرجال المرور والأمن والشوارع الداخليه راح نحل على 75 الف متر مربع والتي تتسع الى 5000 سياره تقريباً.
وبتكلفة 23000000 مليون.


هنا ننتقل إلى الفكرةالبديلة وهي ( حجز سيارة المخالف داخل المنزل ) بقفل التاير.
لو حسبنا أن ( قفل عجلة السيارة ) ( قفل التاير ) بــ 100 ولار على اكبر تقدير من الصين.
راح يكون 100*5000= 500000 دولار
بالريال القطر تطلع 1825000 ريال



الاهداف من هذه الفكرة هي:

1) أن يكون عبرة لأصحابه بحيث لا يقترفون نفس أخطائه من مخالفة القوانين فينالهم ما ناله من عقاب.
2) البعض من الشباب هداهم الله ، لا يعلم ولي أمره بفعلته ، وبهذه الطريقة يكون ولي أمره على اطلاع ودارية بأعمال ابنه ، وبهذه الطريقة يكون تحت المراقبة الأسريه.
3) نوع من التعذيب والتأديب النفسي ، عندما يشاهد سيارته يوميا وهو لا يستطيع استخدامها.



ويكون هناك عقاب صارم لكل من حاول العبث بالقفل ويكون جزائه مصادرة السيارة.



وفي النهاية :
نرى بأننا أدينا الهدف المطلوب من العقاب لكل مخالف ووفرنا على الوزارة اكثر من 20.000.000 ريال بالإضافة إلى توفير المكان والوقت والجهد.



أحترامي للجميـع

[بولينجر]

اقتراح ممتاز... لكن الوزارة اظنها تبي تسيطر على كل المواتر عندها تحت نظرهم....

[Riku3]

وممكن نقترح ان يكون الحجز بشكل نظامي ...

مثلاً .. اذا الموتر منزل .. فيجب ان يمر على فني قبل تأكيد الحجز .
واذا الموتر يطلع صوت عالي .. نجيب جهاز يكشف مدى قوة الصوت وهل يساوي صوت اللمبرجيني والجمس والا لاء p: .
وغيره ..

وبهالطريقة بننزل عدد السيارات من 5000 الى 349 سيارة بالضبط << حاسبها .

امزح طبعاً << ما اتوقع >_> .

يعطيك العافية وان شاء الله يرد عليك جاسم ويعطيك الرد الشافي :) .

[شاي كرك]

الأسباب :
توفير الوقت والجهد والمكان والمال.






شلون " توفير الوقت " ..؟؟ :)

والمال اللي وفرته في اقتراحك اعتقد انه مش المبلغ الكبير بالنسبة للحكومة :) ويعتبر هذا المبلغ بسيط جدا .. في حيث لو علمنا ان الأمور الامنية في اي دولة تحتل المرتبة الأولى من الاهتمام المالي وترصد لها مبالغ كبيرة بحكم اهميتها ..

ومع ذلك اهنيك على تفكيرك

[dewyguy]

وممكن نقترح ان يكون الحجز بشكل نظامي ...

مثلاً .. اذا الموتر منزل .. فيجب ان يمر على فني قبل تأكيد الحجز .
واذا الموتر يطلع صوت عالي .. نجيب جهاز يكشف مدى قوة الصوت وهل يساوي صوت اللمبرجيني والجمس والا لاء p: .
وغيره ..

وبهالطريقة بننزل عدد السيارات من 5000 الى 349 سيارة بالضبط << حاسبها .

امزح طبعاً << ما اتوقع >_> .

يعطيك العافية وان شاء الله يرد عليك جاسم ويعطيك الرد الشافي :) .



والله ياخوي اللي انا اعرفه انه في هناك فني ويشيك عالمواتر ... بس للأسف .. عالفاضي


عندي موتر ومحجوز هناك ( بتهمة التتطيح ) مع العلم انه الطيات الموجودة من الوكالة وفي فواتير تثبت هالشي .. وفي الاخر قالو انه مطيح ... مادري على اي اساس قاسو هالكلام

يجب في الاول اعادة النظر في التنظيم ...

طبعا بغض النظر على الواسطاااااااااااااات اللي تصير هناك ، وشوف عيني :)

[شـــوق]

فكره ممتازه ،، ان شاء الله يسوون ابها

[غير البشر]

فكره ممتازه من ناحيه الواحد يضمن موتره

يعني لو تشلح الموتر في الحجز من المشؤول ؟؟

[HIGHNESS]

بس الي ماعنده بيت وساكن في شقة او مافي مكان في بيته ... شلون يحجزون سيارته ... ؟؟؟ احسها صعبة شوي...
انا اشوف حجز السيارات في الشمس .. رادع اقوى من حجزها في البيت ... :)
يعطيك العافية اخوي ...

[jajassim]

الله يعطيك العافية ، على هالجهد والتفكير ،،


وبالاختصار أخوى الفكرة ان تحجزالسيارات امام بيوتهم ،، غير مجدية بالمرة

- سيكون عبء كبير على وزارة الداخلية من ناحية الراقبة وتركيب الاقفال ،، وتجهيز سيارات لنقل الاقفال ،، وغير من المخالفين سيقومون بكسر الاقفال ،، ويعني بالعربي ستفقد السيطرة على المخالفين ،،

وحاليا السيارات موجودة بالشبك ويلا يلا يقدرون سيطرون على الوضع وخاصة من استهتار من السائقين غير المبالين حتى يتم سداد قيمة المخالفات المرورية ،، وناهيك عن تشويه مناظر البلد ،،

واذا مازلت ،، تصر على ارسال الاقتراح

فهذا ايميل وزارة الداخلية ،،

info@moi.gov.qa

وفالك طيب ،، :nice:

[عـ العبيدلي]

اممـ ..

احنا ما نبي شي ..
بس المواتر تكون في امان في الحجز .. >> الاغراض الي فالموتر تنباق احيانا
ومافي 15 ريال على كل يوم ..
ويكون في طبيلات عن حرق المواتر ..

الله كريم

[The Blade]

فكره حلوها ولكن اتوقع ان تطبيقها صعب
وخصوصا ان هذا ( الشبك ) يكون للسيارات المهمله والمصدره من قبل وزارة الداخلية بالاضافة الى السيارات المخالفة فكلامك ينطبق فقط على السيارات المخالفة..

[عبدالمحسن]

اقتراح ممتاز... لكن الوزارة اظنها تبي تسيطر على كل المواتر عندها تحت نظرهم....

يا مرحبا بك

وشاكر لك مروروك وتعلقيك ، وسيطرة وزارة الداخليه تكمن في هيبتها


احترامي لك

[عبدالمحسن]

وممكن نقترح ان يكون الحجز بشكل نظامي ...

مثلاً .. اذا الموتر منزل .. فيجب ان يمر على فني قبل تأكيد الحجز .
واذا الموتر يطلع صوت عالي .. نجيب جهاز يكشف مدى قوة الصوت وهل يساوي صوت اللمبرجيني والجمس والا لاء p: .
وغيره ..

وبهالطريقة بننزل عدد السيارات من 5000 الى 349 سيارة بالضبط << حاسبها .

امزح طبعاً << ما اتوقع >_> .

يعطيك العافية وان شاء الله يرد عليك جاسم ويعطيك الرد الشافي :) .



يا مرحبا بك

وشاكر لك مروروك وتعلقيك واضافتك


احترامي لك

[عبدالمحسن]

شلون " توفير الوقت " ..؟؟ :)

والمال اللي وفرته في اقتراحك اعتقد انه مش المبلغ الكبير بالنسبة للحكومة :) ويعتبر هذا المبلغ بسيط جدا .. في حيث لو علمنا ان الأمور الامنية في اي دولة تحتل المرتبة الأولى من الاهتمام المالي وترصد لها مبالغ كبيرة بحكم اهميتها ..

ومع ذلك اهنيك على تفكيرك



يا مرحبا بك

وشاكر لك مروروك وتعلقيك واضافتك

بالنسبه للوقت اقصد فيه الوقت في تنفيذ المساحه الجديده

وبالنسبه للمبلغ انا ادري انه بسيط بالنسبه للدوله ، ولكن يعتبر توفير ايظاً / خصوصاً في نظري

احترامي لك

[ثاني]

اخوي ترى اذا قفلت التاير.. يقدر يظرب جيك ويركب تاير السبير عقب يسوق الموتر عادي كانه مب محجوز ولاشي..

عشان كذا هم يحجزونه عندهم ..

[عبدالمحسن]

والله ياخوي اللي انا اعرفه انه في هناك فني ويشيك عالمواتر ... بس للأسف .. عالفاضي


عندي موتر ومحجوز هناك ( بتهمة التتطيح ) مع العلم انه الطيات الموجودة من الوكالة وفي فواتير تثبت هالشي .. وفي الاخر قالو انه مطيح ... مادري على اي اساس قاسو هالكلام

يجب في الاول اعادة النظر في التنظيم ...

طبعا بغض النظر على الواسطاااااااااااااات اللي تصير هناك ، وشوف عيني :)


يا مرحبا بك

وشاكر لك مروروك وتعلقيك

احترامي لك

[عبدالمحسن]

فكره ممتازه ،، ان شاء الله يسوون ابها

يا مرحبا بك

وشاكر لك مروروك وتأييدك

احترامي لك

[عبدالمحسن]

فكره ممتازه من ناحيه الواحد يضمن موتره

يعني لو تشلح الموتر في الحجز من المشؤول ؟؟



يا مرحبا بك

وشاكر لك مروروك وتعلقيك

احترامي لك

[عبدالمحسن]

بس الي ماعنده بيت وساكن في شقة او مافي مكان في بيته ... شلون يحجزون سيارته ... ؟؟؟ احسها صعبة شوي...
انا اشوف حجز السيارات في الشمس .. رادع اقوى من حجزها في البيت ... :)
يعطيك العافية اخوي ...

يا مرحبا بك

وشاكر لك مروروك وتعلقيك

ولو تطبق حجز سيارات المواطنين القطريين في البيت معناتها راح تكون الساحه الموجوده حالياً في بو هامور فاضيه وراح تستوعب سيارات المقيمين والتي راح تكون قليله جدا

احترامي لك

[عبدالمحسن]

الله يعطيك العافية ، على هالجهد والتفكير ،،


وبالاختصار أخوى الفكرة ان تحجزالسيارات امام بيوتهم ،، غير مجدية بالمرة

- سيكون عبء كبير على وزارة الداخلية من ناحية الراقبة وتركيب الاقفال ،، وتجهيز سيارات لنقل الاقفال ،، وغير من المخالفين سيقومون بكسر الاقفال ،، ويعني بالعربي ستفقد السيطرة على المخالفين ،،

وحاليا السيارات موجودة بالشبك ويلا يلا يقدرون سيطرون على الوضع وخاصة من استهتار من السائقين غير المبالين حتى يتم سداد قيمة المخالفات المرورية ،، وناهيك عن تشويه مناظر البلد ،،

واذا مازلت ،، تصر على ارسال الاقتراح

فهذا ايميل وزارة الداخلية ،،

info@moi.gov.qa

وفالك طيب ،، :nice:


يا مرحبا بك

وشاكر لك مروروك وتعلقيك

لم اقتنع صراحة بقولك ( غير مجديه ) ، اذا كانت على الاسباب التي ذكرت فأعتقد بأن تجهيز سياره للاقفال اقل كلفة بكثيييييييير من الميزانيه المطروحه للشبك الجديد والخاص بالسيارات المخالفه.

واذا كان بالنسبه للاقفال والعبث فيها ، أعتقد بأن هيبة وهيمنة وزارة الداخليه تمنع وتعاقب العابثين مهما كان وضعهم.


واذا كان وجود السياره امام المنزل يشوه المنظر العام ! فجميع اهل قطر سياراتهم واقفه امام المنزل ، ولو كانت راح تشوه المنظر العام لتشوهت الشوارع من وجود ( عربات القمامه )


وفي النهايه هذي مجرد فكره ، لا اكثر ولا اقل

احترامي لك

[عبدالمحسن]

اممـ ..

احنا ما نبي شي ..
بس المواتر تكون في امان في الحجز .. >> الاغراض الي فالموتر تنباق احيانا
ومافي 15 ريال على كل يوم ..
ويكون في طبيلات عن حرق المواتر ..

الله كريم

يا مرحبا بك

وشاكر لك مروروك وتعلقيك

بس اقول لك ، لا تخالف ولا تخاف :)

احترامي لك

[عبدالمحسن]

فكره حلوها ولكن اتوقع ان تطبيقها صعب
وخصوصا ان هذا ( الشبك ) يكون للسيارات المهمله والمصدره من قبل وزارة الداخلية بالاضافة الى السيارات المخالفة فكلامك ينطبق فقط على السيارات المخالفة..

يا مرحبا بك


بالضبط كلاي ينطبق على السيارات المخالفه للقوانين

وشاكر لك مروروك وتعلقيك

احترامي لك

[بواردي]

تمام لو يسونها

بيقفلون التاير


بارفعها بجيك
وافك ابو التاير من الاكس
وابدله
وثاني يوم تلاقيني مار من جدام الدورية واعطيها ريس

[عبدالمحسن]

اخوي ترى اذا قفلت التاير.. يقدر يظرب جيك ويركب تاير السبير عقب يسوق الموتر عادي كانه مب محجوز ولاشي..

عشان كذا هم يحجزونه عندهم ..


يا مرحبا بك


هالمشكله حلها بسيط جداً وهو ( ترصيص التاير في الدفرنش ) ، وفي حال تغيير التاير راح ينقص الترصيص وبهالطريقه راح يتبين لرجال المرور العبث في السياره وحاولة المخالف للعبث ،

وبهالطريقه يطبقون مصادرة السياره

وشاكر لك مروروك وتعلقيك

احترامي لك

[وارث العز]

أخوي لو كانت السيارة محجوزة في البيت وصارت حريقة في البيت طبعا مايقدرون اشلون السيارة لان عليها قفل ومستحيل اتحرك واحترقت فعلا. تقدر اتقولي من بيكون المسؤول عن تعويض قيمة السيارة ؟؟؟؟المالك ولا المرور ؟؟؟؟؟؟؟؟؟؟؟؟؟؟؟؟ انتظر ردك

[عبدالمحسن]

تمام لو يسونها

بيقفلون التاير


بارفعها بجيك
وافك ابو التاير من الاكس
وابدله
وثاني يوم تلاقيني مار من جدام الدورية واعطيها ريس



:)


يا مرحبا بك


لو شفت ردي على الاخ اللي قبلك ما كنت استعجلت


وشاكر لك مروروك وتعلقيك

احترامي لك

[عبدالمحسن]

أخوي لو كانت السيارة محجوزة في البيت وصارت حريقة في البيت طبعا مايقدرون اشلون السيارة لان عليها قفل ومستحيل اتحرك واحترقت فعلا. تقدر اتقولي من بيكون المسؤول عن تعويض قيمة السيارة ؟؟؟؟المالك ولا المرور ؟؟؟؟؟؟؟؟؟؟؟؟؟؟؟؟ انتظر ردك


يا مرحبا بك


لو احترقت السياره في الشبك عند المرور . هل يتحملون المسؤوليه !!

ولو لا قدر الله احترق البيت السياره مش اغلى من البشر اللي في البيت !

وفي الاساس ليش تخالف الانظمه عشان تحجز سيارتك !!؟
وبما انك مخالف وينطبق على سيارتك الحجز ! الله لا يهينك سو لها تأمين شامل وبهالطريقه راح تكون مرتاح


وشاكر لك مروروك وتعلقيك

احترامي لك

[jajassim]

يا مرحبا بك

وشاكر لك مروروك وتعلقيك

لم اقتنع صراحة بقولك ( غير مجديه ) ، اذا كانت على الاسباب التي ذكرت فأعتقد بأن تجهيز سياره للاقفال اقل كلفة بكثيييييييير من الميزانيه المطروحه للشبك الجديد والخاص بالسيارات المخالفه.

واذا كان بالنسبه للاقفال والعبث فيها ، أعتقد بأن هيبة وهيمنة وزارة الداخليه تمنع وتعاقب العابثين مهما كان وضعهم.


واذا كان وجود السياره امام المنزل ! فجميع اهل قطر بيوتهم واقفه امام المنزل ، ولو كانت راح تشوه المنظر العام لتشوهت الشوارع من وجود ( عربات القمامه )


وفي النهايه هذي مجرد فكره ، لا اكثر ولا اقل

احترامي لك

الله يحييك يالغالي ،،،

الا بالعكس أخوى،، مدام انت فكرت في طريقة توفير على الوزارة فهذا شئ ممتاز ،، لان موضوعك لا يخص باغلاق الشبك وانما تقليل من تكاليف انشاء الحجز ( الشبك ) بهذا الحجم ،، اما بالنسبة لعربات القمامة فهذا سوء تنظيم من البلدية ،، الا اٌقصده أخوى ،، من العصب على ادارة المرور تمر على السيارات المقفولة في انحاء البلد ،، عشان تحصر السيارات المقفولة وتشوف على حالتها ولا في حالة دفع المخالفة أو أى أمر تتضطر ادارة المرور لارسال دورية لفتح القفل ،،

بدليل ،، أن ادارة المرور ،، لا تفضل نظام اقفال السيارات المخالفة في امكانها المختلفة كما في السابق ،، وانما الاكتفاء بوضع اللاصق ،، الا ما ندر للسيارات المطلوبة من قبل التحريات ولا هنالك أى قضية أخرى

وشكرا لك ،،

[وارث العز]

يا مرحبا بك


لو احترقت السياره في الشبك عند المرور . هل يتحملون المسؤوليه !!

ولو لا قدر الله احترق البيت السياره مش اغلى من البشر اللي في البيت !

وفي الاساس ليش تخالف الانظمه عشان تحجز سيارتك !!؟
وبما انك مخالف وينطبق على سيارتك الحجز ! الله لا يهينك سو لها تأمين شامل وبهالطريقه راح تكون مرتاح


وشاكر لك مروروك وتعلقيك

احترامي لك

انت الحين جاوبني على سؤالي ترى انت صاحب الاقتراح :rolleyes2:

[الجوكر90]

السلام عليكم
يالربع حسستوني ان الحكومه بتدفع شي من جيبها
خل انا احسبلك حسبه بسيطه
انت روح الشبك احسب كم سياره هناك
ولو حسبناها 10000
ع كل سياره مخالفه 3000 ضرب 10000 يساوي 30000000
هاي بس 10000 سياره غير المخالفات الثانيه
ياحبيبي هاي رواتب كل الموظفين الي فالداخليه والوزارات الثانيه
تقولي توفير اصلا هم يبون يفتحوون اماكن ثانيه عشان الفلوس تزيد لان كل ما المكان كبر عدد السيارات اكثر يعني الفلوس تكثر يعني القطري ياخذ الراتب من هني ويعطي المرور من هني
الله المستعان بس
وبالتوفيق للجميع ان شاء الله

[فلفل حار]

صعب تنفيذه والدليل ردود بعض الاعضاء ...!
:secret:


والمصيبه سمعت آنه في طرق آخرى ممكن تسويها لفكـ القفل وعقب ترجع تركبه وكآنه ماصار شي
وقبل انتهاء مدة الحجز بيرجعون قفلها ويجي موظف المرور الغلبان يشيلها وهو مايدري شسالفه ...!



- كآنكـ يابو زيد ماغزيت -
الآفضل يكون تحت رقابة الدوله




-رآيي الخاص-

آحترامي لكـ يالغالـي ...
:victory:

[غناتي1]

اذا انحجز الموتر في البيت بيسوون كل الطرق عشان يفكون التاير بكبره ويا اخلصوا ردوه

[911 qtr]

للاسف القانون تعسفي ليش ما يتم طبيق قانون الدول الا خرى مثال مخالفات كثيره فوريه وليس بعد اسبوع توصل رساله مخالفه من مطراش لابد من المخالفه الفوريه في وقت المخالفه . بخصوص الحجز تطبيق غرامه بدل الحجز.

[Arab!an]

عبدالمحسن ..

رأيك ممتاز جدا


وطبعا كل واحد عنده رأي والنقاش اخذ وعطى

احنا لو انسوي مقارنه بين رايك ورأي جاسم والاخوه الثانيين .. مقارنه منطقيه بنعرف ان رأيك هو الافضل مع احترامي للجميع


الشبك يعرض السياره للشمس وعوامل التعرية .. وعند البيت ممكن تهتم بسيارتك وتعتني بها

وكلنا انعرف ان حجز السياره الغرض منه حرمان صاحبها منها لمده مؤقته وليس تعريضها للشمس وتعريضها للغبار حتى لو غطيتها بعد مافي مقارنه بين البيت والشبك

فعلا اقتراح فوق الممتاز واتمنى تنفيذه

من ناحية القفل .. اتمنى يكون الحجز امام البيت للمخالف ولكن .. في حال كسر القفل يتم سحب سيارته الى الشبك


بخصوص اللي يسأل عن الحريق ..

صاحب السياره هو المسؤول .. وليس المرور

[jajassim]

هل من المزيد ،،

[ولد الجابر]

فكرة ممتازة
وياريت ايسوون رخصة السواقة اعتبارا من 21 بدل 18 سنة

[jajassim]

فكرة ممتازة
وياريت ايسوون رخصة السواقة اعتبارا من 21 بدل 18 سنة



صعبه ،، :rolleyes2:

[حليتان*]

اممممممممممممم

انا اقول خلو المواتر في الشبك احسن وياخذون بعد عن اليوم 30 ريال عشان محد يخالف
بس على شرط ما يكون على ناس وناس لا

[حليتان*]

فكرة ممتازة
وياريت ايسوون رخصة السواقة اعتبارا من 21 بدل 18 سنة

يا رجال الشرطة طيبة اذا شافو واحد صغير يسوق يقوله الشرطي روح بس لا تسوق مره ثانية

[برق الجنــوب]

السلام عليكم

يعطيك العافيه اخوي

انت تفضلت مشكورا باعطائنا اقتراح لتوفير التكاليف والوقت والجهد على الدوله

وهذه بادره طيبه منك وتشكر عليها ,,



بس للأسف اقتراحك ناقص ,, لأن انت حسبت قيمة الاقفال فقط بس ما ذكرت لنا آلية العمل كيف راح تكون

ياريت توضح لنا اشلون بتكون آليه العمل بالاقتراح الجديد

[براتزية برازيلية]

اقتراح رائع الله يعطيك العافية