حملة (( اعفاف )) لتسهيل امور المقبلين ع الزواج

[بتال]

هذا مافهمته من متابعة الحمله بالجرايد


وياليت احد يفيدنا بالتفاصيل وشنو الطريقه جزاكم الله والمطلوب من المتفدم افيدونا



يليت التفاعل بجد

[Cute Mother]

بسم الله الرحمن الرحيم
هذا مافهمته من متابعة الحمله بالجرايد
وياليت احد يفيدنا بالتفاصيل وشنو الطريقه جزاكم الله خير,,, والمطلوب من المتفدم افيدونا
يليت التفاعل بجد

أخي الفاضل .. إذا تبي الشروط المطلوب توافرها للمتقدم فهي :
1- أن يكون قطري وكذلك الزوجة قطرية
2- لم يسبق له الزواج
3- أن لا يقل عمرة عن 18 سنة
4- أن يكون من ذوي الدخل المحدود

أما عن المطلوب من المتقدم كما يلي :
1- عقد الزواج
2- صورة من البطاقة الشخصية لكلا الزوجين
3- صورة من تقرير الفحص الطبي
4- شهادة الراتب

جزاك الله خيراً ..

[مستجدة]

فكرة طيبه بارك الله فيهم وجعلها في ميزان حسناتهم
بصراحه الشباب بحاجه لدعم شباب قطر وبناتهم عنسوا ومدري وينه فيه الخلل
ان شاءالله هالفكره هى بدايه الطريق لحل المشكله واتمنى اتمنى من الامهات والاباء والاخوات
انه يفكرون بشكل جدي ومنطقي في مستقبلهم ويتخلون عنهم الطلبات اللي مالها داعي والتفكير اللي ماله داعي
ترى الهون ابرك مايكون على قولة شياب الاول
وخواتي ترى القطار اذا طاف طاف وفي الاخير محد خسران الا انتي

مب الحل فقط في جمع الفلوس وان كانت احد الاسباب لاضراب الشباب عن الزواج

انا اشوف الحل في هالنقاط

1- التفكير الجدي لبناء اسرة والاختيار الصحيح القايم على التقارب بين الطرفين من حيث المستوى الاجتماعي والتعليمي
2- تقليل المهمور وعدم الاسراف المبتذل في اقامة لليله الفرح والشكليات اللي اتكون سبب لحياه متعثره بعد الزواج
3- ايجاد قاعات افراح بكل منطقه سكنيه تتكون من 1000 منزل واكثر وتكون بسعار رمزيه
مب كم هالقاعه اللي اسعارها ثلاث اضعاف مهر الزوجه
4- ايجاد صندوق من الدوله لدعم الشباب المقبل على الزواج ويكون مبلغ محدد لكل قطري دون استثاء او تفرقه مثل الحاصل الان احد ياخذ 10 الاف واحد مئه الف !!!
5- وجود التفاهم والتراحم والتعامل بمودة ورحمة مثل ما امرنا الله سبحانه وتعالى واخذ القدوه الطيبه من رسولنا الكريم في التعامل بين الطرفين حتى يكون فيه حياه اسريه هادئه ومستقره

[شبربوش]

انه مثلك يا صاحب الموضوع ما فهمت شي

اتمني من باقي الاعضاء الافاده

[(حوريه)]

ليت تقوم بعض الجهات المختصه بعمل حمله للتثقيف الاسري التعريف باهميه الزواج والهدف منه

نزوج الشباب وهو جاهل وبلا هدف ليطلق زوجته بعد مده بسيطهّّ!!

سوا تزوج بنفسه او بزواج جماعي

يعتبر خساره اذا عجز عن اضافه اسره متماسكه قويه للمجتمع

[BoFahed]

والله مبادرة طيبة واحياء لسنة حميدة وتطبيق امر رباني في قوله تعالى (وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ)
(32)

المبادرة حسب ما فهمت هي اعانة الف شاب على الزواج وان شالله التقديم بعد العيد وقيمت التكاليف ب 50 مليون ريال تبرع منها صاحب المبادرة الشيخ الانسان ثاني بن عبدالله ال ثاني صاحب ازدان وموسسة راف الخيرية بمبلغ 11 مليون ريال جزاه الله الف خير ويارب يكون قدوة للعديد من هواميرنا

[msd313]

أخي الفاضل .. إذا تبي الشروط المطلوب توافرها للمتقدم فهي :
1- أن يكون قطري وكذلك الزوجة قطرية
2- لم يسبق له الزواج
3- أن لا يقل عمرة عن 18 سنة
4- أن يكون من ذوي الدخل المحدود

أما عن المطلوب من المتقدم كما يلي :
1- عقد الزواج
2- صورة من البطاقة الشخصية لكلا الزوجين
3- صورة من تقرير الفحص الطبي
4- شهادة الراتب

جزاك الله خيراً ..


اختي من وين طلعتي هالشروط
انا سالت واحد يشتغل في المؤسسة ولا ذكر ش منها وقال انهم للحين في وضع الخطط والشروط.

واللي فهمته منه انهم شغالين الحين في تجميع الملبغ المطلوب وهو 50 مليون من الجهات الحكومية والمؤسسات ورجال الاعمال وبعدين بيسوون محاضرات للجمهور عشان يعرفونهم بالبرنامج وبعدين يسوون دورات خاصه للشباب والفتيات المقبلين على الزواج وبعدين يعطونهم الفلوس.

[nouar]

انشاء الله دوم هذا المشروع ويجزاهم الله خير

[Cute Mother]

اختي من وين طلعتي هالشروط
انا سالت واحد يشتغل في المؤسسة ولا ذكر ش منها وقال انهم للحين في وضع الخطط والشروط.

واللي فهمته منه انهم شغالين الحين في تجميع الملبغ المطلوب وهو 50 مليون من الجهات الحكومية والمؤسسات ورجال الاعمال وبعدين بيسوون محاضرات للجمهور عشان يعرفونهم بالبرنامج وبعدين يسوون دورات خاصه للشباب والفتيات المقبلين على الزواج وبعدين يعطونهم الفلوس.


الحقيقة انا متأكدة من الشروط تماماً ..
ومن مصدر خاص وماعندي الحق في الافصاح عن الكثير !!!!


جزاك الله خيراً ..

[وثيقة قطرية]

أخي الفاضل .. إذا تبي الشروط المطلوب توافرها للمتقدم فهي :
1- أن يكون قطري وكذلك الزوجة قطرية
2- لم يسبق له الزواج
3- أن لا يقل عمرة عن 18 سنة
4- أن يكون من ذوي الدخل المحدود

أما عن المطلوب من المتقدم كما يلي :
1- عقد الزواج
2- صورة من البطاقة الشخصية لكلا الزوجين
3- صورة من تقرير الفحص الطبي
4- شهادة الراتب

جزاك الله خيراً ..

والله جزاهم الله خير والله يوفقهم

بس ايش المشكله قطري بيتزوج وثيقة قطرية !!!!!!

الله كريم

[msd313]

الحقيقة انا متأكدة من الشروط تماماً ..
ومن مصدر خاص وماعندي الحق في الافصاح عن الكثير !!!!


جزاك الله خيراً ..

اختي الله يحفظج انصحج وانصح المصدر بالتأكد من المعلومات وبعدين يصرّح فيها
وانا مابي اقول اكثر من هالكلام عشان ما احرق اوراق كثيره للاخوان قاعدين يرتبونها الحين

[Cute Mother]

اختي الله يحفظج انصحج وانصح المصدر بالتأكد من المعلومات وبعدين يصرّح فيها
وانا مابي اقول اكثر من هالكلام عشان ما احرق اوراق كثيره للاخوان قاعدين يرتبونها الحين

قبلت نصيحتك الله يجزاك خير .. وإن غداً لناظره قريب بكل الأحوال ..
أسأل الله التوفيق للجميع ..

[ثرية]

الله يوفق الجميع ويستر على شبابنا وبناتنا يارب

[استغفرالله]

فكرة زينه

في ميزان حسناتهم

واللي يساعد انسان في الزواج

الله يباركله ويعف اولاده وهله

[شبربوش]

ياجماعت الخير الي يعرف مكان الجنه او الجمعيه وطريقت الموافقه وغيره من الاسئاله يفيدني خال العيال سندرني يبي يتزوج

[msd313]

ياجماعت الخير الي يعرف مكان الجنه او الجمعيه وطريقت الموافقه وغيره من الاسئاله يفيدني خال العيال سندرني يبي يتزوج

فيه ارقام للاستفسار عن المشروع والحمله
ومكان المؤسسة عند دوار التشريفات بام غويلينه

[شبربوش]

اخوي msd313 مشكو بس باقي سوال اسم المؤسسة او اي شي يدل على ان الي قايمه بالموضوع

[msd313]

اخوي msd313 مشكو بس باقي سوال اسم المؤسسة او اي شي يدل على ان الي قايمه بالموضوع

اسم المؤسسه: مؤسسة الشيخ ثاني بن عبدالله للخدمات الانسانية "راف"
واعلانهم يوميا بجريدة الشرق بتحصل ارقاهم اخوي

[شبربوش]

اسم المؤسسه: مؤسسة الشيخ ثاني بن عبدالله للخدمات الانسانية "راف"
واعلانهم يوميا بجريدة الشرق بتحصل ارقاهم اخوي


مشكور اخوي وما قصرت والله يكثر من امثالك

[راعي الغزيل]

نزين ولي مطلق ماله نصيب ؟

[احلى دنيا]

جزاكم الله خير

[msd313]

نزين ولي مطلق ماله نصيب ؟

ان شالله يكون له نصيب