كيوتل تجمع التقنية والموضة في تصاميم أجهزة مودم يو أس بي الجديدة بسعر 549ريال فقط! [الأرشيف]

مشاهدة النسخة كاملة : كيوتل تجمع التقنية والموضة في تصاميم أجهزة مودم يو أس بي الجديدة بسعر 549ريال فقط!

م. عبدالعزيز

01-09-2009, 04:13 PM

http://img8.imageshack.us/img8/5870/screenshot7522843.jpg

من منطلق استمرارها في تنفيذ مبادرتها "البرودباند في كل مكان"، تطرح كيوتل جهاز مودم يو أس بي جديد في السوق القطرية، ويوفر الجهاز الجديد نفاذاً عالي السرعة للإنترنت، والاختيار من أربعة تصاميم لحافظة المودم، بالإضافة إلى حزمة ملحقات بالمجان.

ويوفر مودم يو أس بي كيوتل 888 للعملاء سرعات للتنزيل تصل إلى 7,2 ميغابت في الثانية، وتقنية "اشبك وشغل" بسيطة تسمح بالنفاذ المباشر للإنترنت في أي مكان في البلاد.

ويعتبر مودم يو أس بي كيوتل 888 أحد أكثر الأجهزة الموجودة في الأسواق سهولة في الاستخدام، وستقوم كيوتل ولفترة محدودة بتخفيض تكلفة المودم بقيمة 230 ر.ق.، مما يجعله تكلفته معتدلة بعد التخفيض 549 ر.ق.، بعد أن كانت تكلفته 779 ر.ق.

ويتم إنتاج أجهزة المودم الجديدة بأربعة تصاميم للغلاف، وسيصاحب بيع كل جهاز مودم ولفترة محدودة تقديم حزمة ملحقات رائعة بالمجان تتضمن كيس للسفر، وسلك للتوصيل، وعلاقات لجهاز الكمبيوتر المحمول، وعلاقة للرقبة.

ويتيح المودم للعملاء النفاذ للإنترنت من خلال شبكة تغطي جميع أنحاء الدوحة، وبشكل يفترض فيه أن يشمل جميع الأماكن المأهولة في قطر، بحيث يتمكن الناس من تصفح الشبكة من أي مكان كانوا فيه في قطر.

وقد استفادت قطر من واحدة من أكثر شبكات البرودباند الجوال تطوراً في المنطقة. وبوجود جهاز مودم جديد ذو تقنية عالية، مثل مودم 888 من كيوتل، وشريحة خط للبيانات فقط، يتمكن الناس من تصفح الشبكة وتنزيل الألعاب والأفلام والموسيقى والتطبيقات أينما كانوا في البلاد.

ومن ناحية أخرى، فإن برنامج أسعار البرودباند الجوال غير المحدود يوفر للعملاء القدرة على استخدام غير محدود لحزم البيانات مقابل 400 ر.ق. شهرياً. وبالنسبة للعملاء الجدد في خدمة البرودباند فهناك مبلغ 100 ر.ق. كرسوم تركيب تدفع مرة واحدة فقط.

وبالإضافة إلى برنامج البرودباند الجوال غير المحدود، تقدم كيوتل ثلاث حزم مختلفة بحيث توفر للعميل الخيار لتحديد احتياجات تنزيل البيانات التي تتلاءم مع ميزانيته.

ويتوفر مودم يو أس بي كيوتل 888 في مراكز كيوتل، ولدى كبار الموزعين في قطر، يتوفر مزيد من المعلومات على موقع كيوتل على شبكة الانترنت www.qtel.com.qa

http://www.qtel.com.qa/NewsFull.do?News=18762

المشط

01-09-2009, 04:48 PM

م عبدالعزيز انت يوم تنقل لفوفو ويوم لكوكو

يعطيك العافيه على النقل

بس توضيح

ويوفر مودم يو أس بي كيوتل 888 للعملاء سرعات للتنزيل تصل إلى 7,2 ميغابت في الثانية، وتقنية "اشبك وشغل" بسيطة تسمح بالنفاذ المباشر للإنترنت في أي مكان في البلاد.

كيوتل تقول ان السرعه توصل الى 7.2 وهذا الشي مستحيل على يو اس بي .. صراحه انا اشوف ان هذا نصب

واتحدا اي شخص عنده البرودباند وتوصل سرعه النت عنده 7.2 .. اقصي سرعه ممكن توصل 2 او 3

وطن

01-09-2009, 04:58 PM

البرودباند سريع ولا لا؟
افكر اخذ لي بس اخاف يكون بطيء ويمللني

برزان1

01-09-2009, 05:03 PM

م عبدالعزيز انت يوم تنقل لفوفو ويوم لكوكو

يعطيك العافيه على النقل

بس توضيح

كيوتل تقول ان السرعه توصل الى 7.2 وهذا الشي مستحيل على يو اس بي .. صراحه انا اشوف ان هذا نصب

واتحدا اي شخص عنده البرودباند وتوصل سرعه النت عنده 7.2 .. اقصي سرعه ممكن توصل 2 او 3

أنا جربته بنفسي سرعة التحميل الـ (download) من الرابيد شير بين الـ 60 والـ 70 كيلو بايت في الثانية مع أن سرعة التحميل بالدي إس إل واحد ميجا بين الـ 120 والـ 130 كيلو بايت في الثانية

م. عبدالعزيز

01-09-2009, 05:26 PM

م عبدالعزيز انت يوم تنقل لفوفو ويوم لكوكو

يعطيك العافيه على النقل

بس توضيح

كيوتل تقول ان السرعه توصل الى 7.2 وهذا الشي مستحيل على يو اس بي .. صراحه انا اشوف ان هذا نصب

واتحدا اي شخص عنده البرودباند وتوصل سرعه النت عنده 7.2 .. اقصي سرعه ممكن توصل 2 او 3
يازين التنافس اقول .. علشان محد يقول لي انت تدافع عن فلان وعن علان .. خلونا محايدين وبعطيكم وجهات نظري وحتى محد ينخدع بالشكليات ونسيان جمله صغيره تحت الاعلانات (تطبق الشروط والاحكام)،، لاسيما اني ( عميل عادي ) ،، وعندي رقم من كل مشغل ..

واذا عالسرعه ،، شوف رد رقم 6 توني كتبته

م. عبدالعزيز

01-09-2009, 05:28 PM

البرودباند سريع ولا لا؟
افكر اخذ لي بس اخاف يكون بطيء ويمللني
ماينفع للdownload وايد .. للتصفح ممتاز ،، مثلا تدخلين منتدى الاسهم او تقرين الاخبار بالجزيره ، او تفتحين الايميل او تتابعين الاسهم او الماسنجر وممكن اليوتيوب .. وكل هاي بلابتوبج .. وين تروحين وتجين معاج النت ..

اما افلام وتنزلين بالجيجا ماينفع كلش .. البرق أفضل .. :) ،، لكن فيه ناس تحب الmobility وتحب تتواصل مع العالم اثناء تنقلها من مكان لمكان..

Most Wanted

01-09-2009, 05:29 PM

البرودباند تعيس خصوصا بعد ما اضافوا خدمة التحميل اللامحدود

انا صار لي سنه مشترك معاهم وصار لي 3 شهور متبهدل معاهم السرعه ما توصل اكثر من 100kbps

أنصح فيه كبديل مب اساسي انا ما استخدمه الا قليل جدا بعد ما الخدمه قامت تصير من سيئ الى اسواء

غربة مشاعر

01-09-2009, 05:34 PM

سؤال اذا ممكن...شنو الفرق بين هالمنتج يو اس بي المودم وبين عرضهم السابق البروندباند؟

م. عبدالعزيز

01-09-2009, 06:39 PM

سؤال اذا ممكن...شنو الفرق بين هالمنتج يو اس بي المودم وبين عرضهم السابق البروندباند؟

ان شاء الله يفيدونج موظفين كيوتل المتواجدين هنا

المشط

01-09-2009, 06:42 PM

ماينفع للdownload وايد .. للتصفح ممتاز ،، مثلا تدخلين منتدى الاسهم او تقرين الاخبار بالجزيره ، او تفتحين الايميل او تتابعين الاسهم او الماسنجر وممكن اليوتيوب .. وكل هاي بلابتوبج .. وين تروحين وتجين معاج النت ..

اما افلام وتنزلين بالجيجا ماينفع كلش .. البرق أفضل .. :) ،، لكن فيه ناس تحب الmobility وتحب تتواصل مع العالم اثناء تنقلها من مكان لمكان..

يعني اخوي ادفع مبلغ وقدره فقط للتصفح :rolleyes2:

بعدين اخوي انت تقول السرعه 7.2 وانه فقط للتصفح ولا يصلح للدنلود .. والمعروف ان اب لود مرتبط بالدنلود

لو سرعه النت 7.2 يعني لازم يكون الدنلود من 500 الى 600 كيلو بايت في الثانيه

بعد هذا كله شلون تبي الواحد يثق في كيوتل ودعايات كيوتل ومثل ماتحب تنقل وتكون محايد اتمني تشرح لهم ان هم يدفعون على خدمه سرعتها 7.2 لكن اللى يستخدمونه اقل من 1.0

م. عبدالعزيز

01-09-2009, 06:44 PM

اتمني تشرح لهم ان هم يدفعون على خدمه سرعتها 7.2 لكن اللى يستخدمونه اقل من 1.0

اتصل 111 والمكالمه مسجله .. اعتقد هاي أنسب طريقة

نجم سهيل

01-09-2009, 06:47 PM

السلام عليكم

عند كيوتل (( كل شي بحسابه ))

رايح ألغي الخدمة اليوم ان شالله

400 ريال في الشهر على شي مايسوى

هذا رأيي الشخصي ..

ومشكور يالغالي على الموضوع

احب قطر

01-09-2009, 06:49 PM

يعني اخوي ادفع مبلغ وقدره فقط للتصفح :rolleyes2:

بعدين اخوي انت تقول السرعه 7.2 وانه فقط للتصفح ولا يصلح للدنلود .. والمعروف ان اب لود مرتبط بالدنلود

لو سرعه النت 7.2 يعني لازم يكون الدنلود من 400 الى 450 كيلو بايت في الساعه

بعد هذا كله شلون تبي الواحد يثق في كيوتل ودعايات كيوتل ومثل ماتحب تنقل وتكون محايد اتمني تشرح لهم ان هم يدفعون على خدمه سرعتها 7.2 لكن اللى يستخدمونه اقل من 1.0

السلام عليكم ورحمة الله وبركاته ...

شكرا يا مهندس عبدالعزيز عالنقل... بالنسبة للسرعة انها تصل الى 7.2 ميجا ... وطبعا هاذي من مواصفات المودم ولكن الى اليوم لاتوجد شبكة تدعم 7.2 ميجا ... واغلب الاحيان السرعة من 1 - 2 ميج يعتمد على موقعك وعدد المستخدمين اللي حواليك على نفس البرج.

المشط

01-09-2009, 06:57 PM

السلام عليكم ورحمة الله وبركاته ...

شكرا يا مهندس عبدالعزيز عالنقل... بالنسبة للسرعة انها تصل الى 7.2 ميجا ... وطبعا هاذي من مواصفات المودم ولكن الى اليوم لاتوجد شبكة تدعم 7.2 ميجا ... واغلب الاحيان السرعة من 1 - 2 ميج يعتمد على موقعك وعدد المستخدمين اللي حواليك على نفس البرج.

وعليكم السلام ورحمه الله

اشكرك اخوي على الاجابه على السؤال ... وكنت اتمني ان كيوتل توضح للجمهور هذا الشي بدل الدعايه الخياليه والرقم الكبير 7.2 ... بس اخوي اسمح لي لان انا اشوف سرعه ( 1-2 ) ميج بعد رقم كبير لان بعد التجارب على افضل انواع يو اس بي يوصل ( 2 ) لكن المستخدمه من كيوتل اقصي حد له ( 1 )

احب قطر

01-09-2009, 07:05 PM

وعليكم السلام ورحمه الله

اشكرك اخوي على الاجابه على السؤال ... وكنت اتمني ان كيوتل توضح للجمهور هذا الشي بدل الدعايه الخياليه والرقم الكبير 7.2 ... بس اخوي اسمح لي لان انا اشوف سرعه ( 1-2 ) ميج بعد رقم كبير لان بعد التجارب على افضل انواع يو اس بي يوصل ( 2 ) لكن المستخدمه من كيوتل اقصي حد له ( 1 )

الشيخ لان فعلا ان سرعة المودم تصل الى 7.2 ... لان ممكن في المستقبل تكون الشبكة تدعم هالسرعة فيكون جهازك يدعم هالسرعة.. حتى تقدر تشوف بعض الابتوبات او اي مودم ثاني راح تلقى 7.2 ميج مكتوبه على الجهاز... وطبعا في النهاية اي عميل له حرية اختيار المودم سواء من كيوتل او خارج كيوتل...

يحفظك ربي

01-09-2009, 07:08 PM

احلى شي فيه ان اليو اس بي كأنه ماركة بولسميث :p

والا الكلام الباقي اشوف شوي فيه لف ودوران لكن مع ذلك هو ايضا تنافس حلو وبدينا نشوف اشياء :)

ومشكوور على النقل :)

احب قطر

01-09-2009, 07:11 PM

احلى شي فيه ان اليو اس بي كأنه ماركة بولسميث :p

والا الكلام الباقي اشوف شوي فيه لف ودوران لكن مع ذلك هو ايضا تنافس حلو وبدينا نشوف اشياء :)

ومشكوور على النقل :)

الشيخ ممكن نعرف وين اللف والدوران

Grnas

01-09-2009, 07:20 PM

7.2 مجيا بيت غير صحيح وأنصح اللي يبغي يستعمله يسجل في 1 ميجا بت للدي أس أل بيكون أوفر له وأسرع.

أول ما فتحت الخدمة وأنا للحين متذكر كان سرعة التحميل 300 كيلو بايت الحين ماتحصل إلا 60 ونادر 100 .

غربة مشاعر

01-09-2009, 07:23 PM

انزين حد يرد على سؤالي....

احب قطر

01-09-2009, 07:35 PM

سؤال اذا ممكن...شنو الفرق بين هالمنتج يو اس بي المودم وبين عرضهم السابق البروندباند؟

ولا يهمج... البرودباند هي الخدمة ... اليو اس بي مودم هو الجهاز اللي تستعملينه لدخول هالخدمة...

غربة مشاعر

01-09-2009, 08:41 PM

^
^
^
اها شكرا لكن انا اخبر الاشتراك بو 200 ر.ق و300 ر.ق و400 ر.ق.. بس اهني تقولون ب549 ر.ق ... مافهمت؟؟

جرير

01-09-2009, 09:24 PM

^
^
^
اها شكرا لكن انا اخبر الاشتراك بو 200 ر.ق و300 ر.ق و400 ر.ق.. بس اهني تقولون ب549 ر.ق ... مافهمت؟؟

549 قيمه الجهاز

يحفظك ربي

02-09-2009, 01:01 AM

الشيخ ممكن نعرف وين اللف والدوران

تبيني اوضح لك اكثر والا انت عندك خلفيه كونك تشتغل في كيوتل وعارف كل شي :victory:

عندك مثال بسيط اللي هو الدقايق المجانيه مالت الشهري

اول ماشتركنا في الشهري ماكان مكتوب شي عن فودافون كونهم للحين مابدو

والنجمه .. اذكرها مكتوب عندها يخضع للاستخدام العادل !

زين الاستخدام العادل ايش ؟

طلع انه الدقايق المجانيه ماتشمل فودافون ! زين المكالمه محليه ! ليش ماتشمل !

هذا شي

شي ثاني عندك ان لما تتصل على فودافون من رقم كيوتل .... تنحسب عليك الدقيقه غاليه !

ليش ؟ ولاكانو منبهين عن هالشي من قبل ؟ واللي مايدري زين ؟

وكاشخين لي ان الدقيقه ارخص من فودافون ؟؟؟؟؟

اذا صج ارخص المفروض السعر يشمل كل المشغلين بما انهم في قطر وان المكالمه محليه ولييست دوليه !

وفي شي بعد بالنسبه حق الاجار اللي ندفعها 50 كل شهر انا باطه جبدي صراحه !

يعني الرقم انا شريته خلصت ودفعت فلوسه اجي ادفع كل شهر 50 ريال ليش ؟

انزين وكرت هلا ليش مايندفع له ؟ هذا شريته وذاك شريته

بس هذا ادفع له وذاك لا ! ؟؟

ياخي ترى في اشياء وايد الواحد مب متفرغ يكتبها كلها بس لأنك انت سألت وليتك ماسألت لان ياتني حره وانا اكتب

واسمحلي عاد على اسلوبي بس يمكن متنفرز شوي وادري مالك يد باللي يصير انت مجرد موظف :)

وعساك عالقوة يالطيب

هذلان

02-09-2009, 01:16 AM

بصراحه خدمه سيئه جدا هذا البرود باند .. عند واحد من الربع دوم بسيارته ،، احيانا نحتاج ندخل النت ،، ولا مره قدرنا نكمل الشي الي ناويين نسويه بسبب بطء الخدمه و انقطاها ،، اشغل اقصد فيه مجرد تصفح مع داون لود لملفات صغيره

خدمه فاشله بكل امانه

البعيد

02-09-2009, 02:12 AM

نصيحة مني والله خذتها من اول يوم من العرض الي هو 400 شهرياَ واالمودم ببلاش هالكلام من العام

الا في فتح المسن والتصفح ! لا وساعات ابحار اسرع منها شوي

قلت زين باخليها للتصفح بس حولت لخدمة 100 ريال شهري والله بس خليتها للمسن ولا تصفح مواقع اول فاتوره ياتني 277 ريال رحت كيوتل سددتها وقطعت الخدمه ودفعت 400 زياده لاني ماخذ المودم في العرض ,والله وارتحت وركبت واير لس في البيت ب200 شهري

وعلى فكره هذي الخدمة لموظفي كيوتل ب80 ريال شهري الي عندنا احنا ب400 شهري

الله لا يغير عليهم وان شاء الله الخدمه ببلاش لهم بس نبي سرعه تليق بسمعة كيوتل العالمية ع غرار انها تملك قمر صناعي :)

احب قطر

02-09-2009, 02:29 AM

تبيني اوضح لك اكثر والا انت عندك خلفيه كونك تشتغل في كيوتل وعارف كل شي :victory:

عندك مثال بسيط اللي هو الدقايق المجانيه مالت الشهري

اول ماشتركنا في الشهري ماكان مكتوب شي عن فودافون كونهم للحين مابدو

والنجمه .. اذكرها مكتوب عندها يخضع للاستخدام العادل !

زين الاستخدام العادل ايش ؟

طلع انه الدقايق المجانيه ماتشمل فودافون ! زين المكالمه محليه ! ليش ماتشمل !

هذا شي

شي ثاني عندك ان لما تتصل على فودافون من رقم كيوتل .... تنحسب عليك الدقيقه غاليه !

ليش ؟ ولاكانو منبهين عن هالشي من قبل ؟ واللي مايدري زين ؟

وكاشخين لي ان الدقيقه ارخص من فودافون ؟؟؟؟؟

اذا صج ارخص المفروض السعر يشمل كل المشغلين بما انهم في قطر وان المكالمه محليه ولييست دوليه !

وفي شي بعد بالنسبه حق الاجار اللي ندفعها 50 كل شهر انا باطه جبدي صراحه !

يعني الرقم انا شريته خلصت ودفعت فلوسه اجي ادفع كل شهر 50 ريال ليش ؟

انزين وكرت هلا ليش مايندفع له ؟ هذا شريته وذاك شريته

بس هذا ادفع له وذاك لا ! ؟؟

ياخي ترى في اشياء وايد الواحد مب متفرغ يكتبها كلها بس لأنك انت سألت وليتك ماسألت لان ياتني حره وانا اكتب

واسمحلي عاد على اسلوبي بس يمكن متنفرز شوي وادري مالك يد باللي يصير انت مجرد موظف :)

وعساك عالقوة يالطيب

مساج الله بالخير .. واي وقت من حقج تستفسرين عن اي شي ودج اياه وفي اي وقت.. الشيخة اول مانزل الشهري كان مكتوب ان الدقايق تستعمل للاتصال بمشتركي كيوتل لان كنا ندري ان شركة ثانية بتجي.. والشركة الثانية علشان عملاء كيوتل يتصلون فيهم لازم في رسوم تدفعها كيوتل للشركة الثانية والعكس .... علشان هالسبب مانقدر نشملهم من ضمن الباقات...
بالنسبة للاجار الشهري تدرين ان المكالمات في الشهري ارخص من هلا وفي فواتير تفصيلية تنطبع (في الامارات لو بغيتي فاتورة تفصيلية تدفعين فلوس عليها) وهو نظام متبع تقريبا في كل دول العالم موضوع الاشتراك الشهري...وكيوتل من كم شهر خفضت الاشتراك ولغت اجار اظهار الرقم وخدمة التحويل..

بالنسبة لكرت هلا تدرين المكالمات اغلى من الشهري لهالسبب مافي اجار...

واي استفسار ثاني عندج لاتترددين انج تسألينه...

مضاد

02-09-2009, 02:39 AM

<<<< إني لكي ناصح أمين

البرودباند سريع ولا لا؟
افكر اخذ لي بس اخاف يكون بطيء ويمللني

لاء

ولا تفكرين فيها ’’’ والله بتندمين ان خذيته .

احب قطر

02-09-2009, 02:51 AM

البرودباند سريع ولا لا؟
افكر اخذ لي بس اخاف يكون بطيء ويمللني

مساج الله بالخير... بالنسبة للبرودباند يعتمد على مكانج واذا كان في تغطية للجيل الثالث او لا وعدد الناس اللي يستخدمونه حواليكم وطبعا البرودباند لايغني عن برق... لان خدمة برق اسرع وافضل وممكن تشبكينها عالواير لس..

البرودباند للاستعمال المتنقل ... يعني اللي بيروح مكان مافيه انترنت او يحطه كاحتياط في حال انقطاع خدمة برق وخاصة اذا كان الشخص يحتاج للانترنت للضرورة ... او اللي يستخدمونه في مواقع العمل الخارجية ...يعني لايستعمل كخدمة اساسية للانترنت

eXpert*

02-09-2009, 02:51 AM

الشيخ لان فعلا ان سرعة المودم تصل الى 7.2 ... لان ممكن في المستقبل تكون الشبكة تدعم هالسرعة فيكون جهازك يدعم هالسرعة.. حتى تقدر تشوف بعض الابتوبات او اي مودم ثاني راح تلقى 7.2 ميج مكتوبه على الجهاز... وطبعا في النهاية اي عميل له حرية اختيار المودم سواء من كيوتل او خارج كيوتل...

جزاك الله خير سبقتني في الرد

المقصود أن وصلة الـ usb تدعم بحد أقصى 7.2 .

مستقبلاً اي زيادة في سرعة البروباوند ماراح تحتاج تغير الوصلة لانها تدعم لـ سرعة 7.2 الا اذا كيوتل زادت السرعة أعلى من ذلك في هذه الحال عليك بتغير الوصلة .

أتمنى وصلة الفكرة !!

الـقـاسـي

02-09-2009, 06:46 AM

اقرب مثلا ماذينا بارخص سعر للدقيقه الدوليه وفالحقيقه لا ارخص ولا شي تقدر تقول لي ليش يكتبون سعر الدقيقه 0.29 وفي الحقيقه تطلع اكثر من سعر المكالمه في فودافون ..
اخوي ليش عروض كيوتل كلها مبهمه وغير واضحه وفيها من المراوغه الكثر .. المشكله انهم يتبعون اساليب البزران في التسويق والمراوغه وكان اهل قطر مايفهمون واغبياء ..

انا والله من كل قلبي اتمنى لشركة كيوتل الخساره الفادحه لدرجه والله ادعي عليهم عشان يستانسون هل قطر المساكين اللي سببت لهم هالشركة الضغط والسكر والامراض الثانيه ..

online

02-09-2009, 08:01 AM

ماعتقد كيوتل تسوي شي فيه خير

انا عندي الوصله الجديده .... والسرعه في الماينس .... ودوم يفصل ومايشبك النت ... وكل فتره اتصل عشان اشوف المشكله .... وفي الاخير . ههههههههههههههههههههههههههههه

سوالفهم كيوتل <<< الشبكه عندكم فيها خلل أو ضغط ..... كل هذا كوم وتعالو اذا اشتكيتو على شي ....

بل بل بل بل بل ..... على طول يرد عليك ( أخوي انا ماقدر اسويلك شي هذا السيستم .)

فديت سيستمكم

لنتواصل فديتكم ..... <<<< أول ماتفكر تشتري شي

لنتبهدل <<<< عقب ماتتوهق بالخدمه

نصيحه لحد ياخذ بروباند لان السالفه كلها مسخره

جنوب الدوحه

02-09-2009, 10:31 AM

احب قطر

02-09-2009, 10:38 AM

الى متا يا كيوتل .. ونحن نلامس عدم المصاقيه منك ..

كذبت .. البروند باند الغير محدود ... الى متى

(تطبق الشروط والاحكام )

15 غيغا في الشهر ,, هذا غير محدود

السرعه 7.2 وهو لا يتجاوز 100 كيلو ..

...

الشيخ مش القصد من هالشرط ان كيوتل تدفعك عالاستخدام اذا زدت عن 15 جيج ، ولادفعت كيوتل اي احد من يوم ماطرحنا الخدمة ، وهذا الشرط فقط للتنبيه على عدم اساءة استخدام الخدمة نفسها...

وبخصوص 7.2 ممكن تراجع الردود وان شاء الله راح تلقى الجواب

وطن

02-09-2009, 10:42 AM

<<<< إني لكي ناصح أمين

لاء

ولا تفكرين فيها ’’’ والله بتندمين ان خذيته .

من متابعتي للردود
خلاص عفته

:weeping:

مساج الله بالخير... بالنسبة للبرودباند يعتمد على مكانج واذا كان في تغطية للجيل الثالث او لا وعدد الناس اللي يستخدمونه حواليكم وطبعا البرودباند لايغني عن برق... لان خدمة برق اسرع وافضل وممكن تشبكينها عالواير لس..

البرودباند للاستعمال المتنقل ... يعني اللي بيروح مكان مافيه انترنت او يحطه كاحتياط في حال انقطاع خدمة برق وخاصة اذا كان الشخص يحتاج للانترنت للضرورة ... او اللي يستخدمونه في مواقع العمل الخارجية ...يعني لايستعمل كخدمة اساسية للانترنت

أنا احتاجه فقط في حال انقطاع النت في المكتب لاي سبب كان
بس الحين اشوفهم ما يمدحونه
:(

سعد آل شريم

02-09-2009, 10:54 AM

كيوتل = لف ودوران

Miss

02-10-2009, 01:59 AM

امبييييييه << كانت ناويه تاخذه :eek5:

طاش

02-10-2009, 02:24 AM

السرعة في الكلام مايحتاج بس اذا اشترك الواحد في الخدمة ............اتعرفون واكيد انكم جربتوا خدمة كيوتل

Breakaway

02-10-2009, 09:41 AM

ويعتبر مودم يو أس بي كيوتل 888 أحد أكثر الأجهزة الموجودة في الأسواق سهولة في الاستخدام، وستقوم كيوتل ولفترة محدودة بتخفيض تكلفة المودم بقيمة 230 ر.ق.، مما يجعله تكلفته معتدلة بعد التخفيض 549 ر.ق.، بعد أن كانت تكلفته 779 ر.ق.

هل التخفيض من كيس كيوتل ومن كرمها المعتاد! ولا هذا سعره في السوق العالمية؟

شوف هذا الموديم سرعة التنزيل 7.2 ميغا وسرعة الرفع 2 ميغا، والمودم مفتوح يعني تقدر تشغله على فودافون أو أي شركة أخرى والسعر مع الشحن للدوحة فقط 300 ريال !

http://gadgets.softpedia.com/images/news/iCON-431-3G-USB-modem-Manages-7-2-MB-Download-Speeds-2.jpg

مكان البيع ebay

abn qatar

02-10-2009, 11:39 AM

نصيحه اللي قريب من كيوتل او ابراج كيوتل ياخذه اما بعيد لاياخذه رفيجي عنده واحد وهو

ساكن في الخريطيات ومتلعوز معاه انا عندي برق 4 ميجا احسن منه اللي عنده 7.2 ميجا

فتك العديد

03-10-2009, 02:24 AM

هل التخفيض من كيس كيوتل ومن كرمها المعتاد! ولا هذا سعره في السوق العالمية؟

شوف هذا الموديم سرعة التنزيل 7.2 ميغا وسرعة الرفع 2 ميغا، والمودم مفتوح يعني تقدر تشغله على فودافون أو أي شركة أخرى والسعر مع الشحن للدوحة فقط 300 ريال !

http://gadgets.softpedia.com/images/news/icon-431-3g-usb-modem-manages-7-2-mb-download-speeds-2.jpg

مكان البيع ebay

اخوي مش مهم انك تاخذ مودم كيوتل ولا انك تدفع 400 على اشتراك شهري ولا انك تدفع 300 على مودم من خارج الدوله
الحل موجود وهو انك تاخذ بس السيم كارد من كيوتل وتاخذ اقل اشتراك وهو 100 ريال والصراحه هو كفايه لشهر كامل بالنسبه لي لاني استخدمه لتصفح وللمنتديات فقط والداون لود اخليه في البيت والمودم والي هو اهم شي واغلى شي متوفر في جرير وبعده سرعات واسرع مودم الي هو 7.2 ب 249 ريال فقط وعليه ضمان سنه يعني محد ضربكم على يدكم وقالكم اخذوا المودم من كيوتل والصراحه انا مجرب هي الشي من فتره طويله وفواتيري ثابته وهي 100 ريال فقط اذا ماعديت اللمت والصراحه اوقات حتى مااقرب من اللمت اذا كان بس تصفح بس اول فاتوره الي تكون دبل لانه فيها رسوم توصيل واشتراك فقط