الخط البــــــارد :..

[Qatar4all]

السلام عليكم :..


بنتكلم عن الخط الساخن ( البارد ) طبعا كل جهة بدت تحط لها رقم خاص للشكاوي واليوم بتكلم عن رقم مهم وأتوقع محتاجين يكون الرقم فعلا ساخن ومو محد يرد عليك :.. :telephone:

نقولكم السالفة :..

اليوم رحت الجمعية وكانت الساعة تقريبا الساعة 2 الظهر :.. ( الوقت مهم في السالفه ) المهم لفت نظري سعر الخس الامريكي بالذات لاني وايد أشتري منه :.. العاده أشتري الحبة بـــ 5 ريال وصار له فتره ( تقريبا اسبوعين ) رافع السعر لـــ 9 ريال للحبة :..

السعر مرتفع تقريبا الضعف :.. بنقول يمكن سعر الخس أساسا مرتفع وأتوقع لو بيرتفع يوم بينزل اليوم الثاني بس الحبيب معلق عالسعر وصار له اسبوعين ولما نجي ونقارن مع غيره من الجمعيات الكبيرة في الدوحة نشوف ان هو الوحيد اللي منقز السعر وموصله الدبل :..

طبعا في هالحزة الواحد شيسوي :telephone: ؟ 180 بليز حماية المستهلك :..

عندهم خط ساخن :victory: حلو :.. وأتصل ومحد يرد وللحين ومحد يرد :. :weeping: شلون خط ساخن ومحد يرد ؟؟؟

طبعا انا كلمت مدير الجمعية ( قبل لا أتصل في حماية المستهلك ) وقلت راح أشتكي عليك عند حماية المستهلك وفعلا اتصلت واشوفه يلاحقني ويقول معليش هاي سعر السوق وما اعرف شنو طبعا لو كان واثق من شغله كان ما افتكر :..

بس للاسف محد رد بس باجر من صباح الله راح اتصل وأشوف خطهم البارد ايش سالفته ؟؟؟ :omen2:

الزبدة :..

هل انتو توافقوني في التسمية ونقلب الاسم من الخط الساخن الى الخط البارد ؟؟؟

[_بوشهاب_]

والله ياخوي في اماكن مفرض يكتبو خط الجليد بدال الساخن

[Qatar4all]

والله ياخوي في اماكن مفرض يكتبو خط الجليد بدال الساخن

اي والله صادق من عقب تجربتي اليوم :.. وهذا اللي نشوفه كل واحد يرفع السعر بمزاجه لانه يدري ان الجهة المسؤولة عندهم خط بااااااارد :.. :(

[_بوشهاب_]

والله ياخوي في ناس تدري ان حمايه المستهلك مايسون شي عشان جي تقولهم بشتكي عليكم يقولك بدم بارد اشتك علي

[Qatar4all]

والله ياخوي في ناس تدري ان حمايه المستهلك مايسون شي عشان جي تقولهم بشتكي عليكم يقولك بدم بارد اشتك علي

بس ولا يهمك الا أشتكي علية وما يستغفلونه هالعالم :.. لي متى العالم يقصون علينا ؟؟ :(

[بويوسف]

هو بس الخط الساخن اللي يبي له تغير الى الخط البارد ؟ وايد اشيا لازم تتغير مسمياتها بعد ماتغيرت بتعمد واستهداف ولامبالاة باردة ..

[Qatar4all]

هو بس الخط الساخن اللي يبي له تغير الى الخط البارد ؟ وايد اشيا لازم تتغير مسمياتها بعد ماتغيرت بتعمد واستهداف ولامبالاة باردة ..


امممممممممم كلامك كبير ياخوي :.. ما اتوقع توصل السالفه الى تعمد :.. أنا اقول قصور من هاذي الجهات :..

[بويوسف]

امممممممممم كلامك كبير ياخوي :.. ما اتوقع توصل السالفه الى تعمد :.. أنا اقول قصور من هاذي الجهات :..

هاهاها لا اخوي انه ماقصد هالجهة بس .. انه اشتطيت وفي بالي شي ثاني crazy

[Qatar4all]

هاهاها لا اخوي انه ماقصد هالجهة بس .. انه اشتطيت وفي بالي شي ثاني crazy

خذ راحتك وخل البساط أحمدي :.. احنا في نقاش وبشكل عام عن الخطوط البارده :..

[تـاجر الـذهب]

http://www.qatarshares.com/vb/showthread.php?t=295456

من المغرب ادق على الخط الساخن مالهم بس مسكر جوالهم

طرشت رساله وتم الاستقبال فقط من ساعة

الفكرة رائعة والخدمة كبيرة ماقصرت المؤسسات في اعلانها
ولكن من يقوم عليها مش فاهم قيمتها وعشان كذا اعتقد مش فاهمين اهمية
كلمة الخط الساخن

[Qatar4all]

http://www.qatarshares.com/vb/showthread.php?t=295456

من المغرب ادق على الخط الساخن مالهم بس مسكر جوالهم

طرشت رساله وتم الاستقبال فقط من ساعة

الفكرة رائعة والخدمة كبيرة ماقصرت المؤسسات في اعلانها
ولكن من يقوم عليها مش فاهم قيمتها وعشان كذا اعتقد مش فاهمين اهمية
كلمة الخط الساخن



اي والله صدقت مب فاهمين ايش معنى الخط الساخن :..

[_بوشهاب_]

بشر شصار معاك ؟

[هدهد سليمان]

ههههههههههههههه عجيبه هالنكته هههههههههههه ومن متى في شي اسمه خط ساخن :anger1: ومن متى كانوا يهتمون بالاسعار .. يقولك الوزير نزل عدم رفع الأسعار والله خوش قرار لكن عقب وشو عقب ما رفعوا العالم الأسعار على سبيل المثال لا الحصر الدجاج ساديا كان قبل رمضان على 20.75 في رمضان 23.25 يعني الزياده ثلاث ريالات النيدوا نفس الشي يعني احنا مجرد مقصه فقط يقصون علينا بقرارات تطلع عقب ما يرتفع كل شي نفس سالفة الإيجارات .. ما اقول غير إني صائم إني صائم

[Qatar4all]

بشر شصار معاك ؟

أخيرا وصلت للمدير واشتكيت على الخط البارد وعلى السعر المبالغ فيه وتم تسجيل الشكوى وبانتظار نتيجة التحقيق :..

وراح اقولك ايش صار معاي :..

[Qatar4all]

ههههههههههههههه عجيبه هالنكته هههههههههههه ومن متى في شي اسمه خط ساخن :anger1: ومن متى كانوا يهتمون بالاسعار .. يقولك الوزير نزل عدم رفع الأسعار والله خوش قرار لكن عقب وشو عقب ما رفعوا العالم الأسعار على سبيل المثال لا الحصر الدجاج ساديا كان قبل رمضان على 20.75 في رمضان 23.25 يعني الزياده ثلاث ريالات النيدوا نفس الشي يعني احنا مجرد مقصه فقط يقصون علينا بقرارات تطلع عقب ما يرتفع كل شي نفس سالفة الإيجارات .. ما اقول غير إني صائم إني صائم

صادق في كل كلمه :.. وفعلا الاسعار الله بالخير :.. وكل واحد يرفع على مزاجه :.. والسعر يعتمد على الموسم :..

مثال :.

رحت أشتري لبن عيران والمعروف ان 6 علب بـــ 6 ريال الا يقولي لا بـــ 7 انزين ليش ؟

يقول رمضان في طلب وجان يرفع الحبيب تبي اشتر ماتبي رده :.. شتسسوي :anger1:

[البنـدري]

والله ياخوي في اماكن مفرض يكتبو خط الجليد بدال الساخن


أي والله المفرووض يسمونه خط الجليد :(

[Qatar4all]

أبشركم :..


رجع السعر مثل ما كان :.. ما قصروا حماية المستهلك بس العتب كان على الخط البارد بس الشكوى جابت نتيجه :.. وأحب ان كل واحد يحصل لعب والا شي يتعب شوي ويبلغ والامور بتتصلح بس لازم كلنا نتاكتف وما نخلي هالعالم يلعبون علينا :..

[شويهينــه]

مبروك

[بوحارب]

المفروض تسمية الخط الفلجي نسبتن الى فلج بوصالح مال درب الزلق ههههههههههههههههههههههههههههههه

[هذلان]

تبي الصج .. المفروض يكون رقم حمايه المستهلك موجود في كل مكان تجاري و بشكل واضح لكل زبون يدخل المحل .. يعني مثلا يكون مكتوب ضمن الشهاده الصحيه للمحل ،، الي يبروزونها و يعلقونها :)

و صدقوني لو كل واحد ينتبه على الاسعار و يركز مثل اخونا قطر للكل كان تسنعت الامور.
وقصور حمايه المستهلك واضح جدا بدليل انا ما اعرف شلي و شعلي
و ما اعرف شلون اصنف الموضوع تجاوز من صاحب محل ولا جمعيه ولا غيره .

شاكر لك موضوعك و قواك الله

[Qatar4all]

مبروك


الله يبارك فيج :..


المفروض تسمية الخط الفلجي نسبتن الى فلج بوصالح مال درب الزلق ههههههههههههههههههههههههههههههه

هههههههههههههههههههههههههه :.. المفروض يذوب الفلج :..


تبي الصج .. المفروض يكون رقم حمايه المستهلك موجود في كل مكان تجاري و بشكل واضح لكل زبون يدخل المحل .. يعني مثلا يكون مكتوب ضمن الشهاده الصحيه للمحل ،، الي يبروزونها و يعلقونها :)

و صدقوني لو كل واحد ينتبه على الاسعار و يركز مثل اخونا قطر للكل كان تسنعت الامور.
وقصور حمايه المستهلك واضح جدا بدليل انا ما اعرف شلي و شعلي
و ما اعرف شلون اصنف الموضوع تجاوز من صاحب محل ولا جمعيه ولا غيره .

شاكر لك موضوعك و قواك الله



اقتراح حلو والله ياخوي :.. بس لو توصله لحماية المستهلك وصدقني راح يرحبون فيه منو واقع تجربه عندهم تجاوب كبير :..