المساعد الشخصي الرقمي

مشاهدة النسخة كاملة : مساعدة عاجلة.. ضمان النيسان


محمد اليهري
02-09-2009, 10:24 AM
الأخوة الأفاضل ..
من لديه خبره في التعامل مع شركة نيسان يفيدنا..:nice:
لدي سيارة ألتيما تحت الضمان ماشيه أقل من خمسين ألف.. والسيارة بعد الفحص في الوكالة تبين أن المكينة تحرق الزيت..!:omg:
بس حسب قولهم أن الشركة في اليابان رفضت تحمل تصليحها على الضمان بسبب عدم القيام بجميع التشييكات في الوكالة (كل خمسة آلاف).
عدد التشييكات التي قمت بها.. 3 مرات
عدد التشييكات الكاملة حسب الوكالة 10 مرات.
تكلفة تصليح السيارة حسب تقدير الوكالة هو أكثر بكثير من 15 ألف ريال.. وسيتضح المبلغ النهائي بعد فتح المحرك.:rolleyes2:

لا تبخلو علينا بالنصيحة يا أهل الخبرة ..
حرام والله السيارة جديدة ونيسان ياباني...!
اش خلو حق الهيونداي والكيا..
fahad1
02-09-2009, 10:26 AM
والله اخوي الي اعرفه انه لازم تشيك السيارة بالوكاله كل 5000 كم علشان مايطيح الضمان
القاضي 8
02-09-2009, 10:57 AM
انا اللي اعرفه ان اهم تشييكات السياره 25 الف و 40 الف على ما اظن

شوف اخوي روح لهم ولاتخليهم ف حالهم وشوفلك مسؤول الطابق الثاني وقولهم باشيك الموتر ورجعوا للضمان بس لازم يكون عندك لسان حلو وفنان علشان تقنعهم لان حراام يطيح الضمان
السني 73
02-09-2009, 11:09 AM
الله يعينك على شركة النيسان بس مثل ماقالوا الربع لا تخليهم وحاول معاهم حتى لو على الاقل تدفع نص القيمه .... هذي مشكلة الياباني وضمانه التعيس .... والنيسان من اتعس الشركات في الضمان

وعلشان كذا التيوتا متفوق عليه بمراحل في قطر ...
البيت بيتك
02-09-2009, 11:23 AM
الله يعينك على شركة النيسان بس مثل ماقالوا الربع لا تخليهم وحاول معاهم حتى لو على الاقل تدفع نص القيمه .... هذي مشكلة الياباني وضمانه التعيس .... والنيسان من اتعس الشركات في الضمان

وعلشان كذا التيوتا متفوق عليه بمراحل في قطر ...

عنبر اخو بلال
محمد اليهري
02-09-2009, 12:10 PM
يالربع توني مكلم واحد ميكانيكي أعرفه.. قالي بالحرف الواحد تصليح السيارة يكلف حول ثلاثة إلى خمسة آلاف ريال..
بتأكد أكثر.. والله يعيني على مشوار الحسا بشتري قطع الغيار من هناك .. هذا الحل اللي مقدور عليه.
وش رايكم...
محمد اليهري
04-09-2009, 01:49 AM
والله اخوي الي اعرفه انه لازم تشيك السيارة بالوكاله كل 5000 كم علشان مايطيح الضمان

مشكور اخوي على المرور.. وهذا كلام الوكالة بعد.. بس أخوي السيارة ماشية حول الأربعين ألف لو بشيك كل 5000 بقيمة تزيد عن الألف ريال .. هذا يعني بكل بساطة راح أدفع 8000 ريال خلال سنة واحدة...!
وبعدين هم نفسهم بالصيانة يقولون لي مافي داعي كل 5000 جيبها كل 10000 فكلامهم متناقض مع الوكالة الأم في اليابان.
محمد اليهري
04-09-2009, 01:51 AM
انا اللي اعرفه ان اهم تشييكات السياره 25 الف و 40 الف على ما اظن

شوف اخوي روح لهم ولاتخليهم ف حالهم وشوفلك مسؤول الطابق الثاني وقولهم باشيك الموتر ورجعوا للضمان بس لازم يكون عندك لسان حلو وفنان علشان تقنعهم لان حراام يطيح الضمان

أشكرك أخوي على النصيحة الطيبة... هذا أنا قاعد أحاول معاهم .. والله يعينا عليهم.. دعواتكم معاي.
محمد اليهري
04-09-2009, 01:55 AM
الله يعينك على شركة النيسان بس مثل ماقالوا الربع لا تخليهم وحاول معاهم حتى لو على الاقل تدفع نص القيمه .... هذي مشكلة الياباني وضمانه التعيس .... والنيسان من اتعس الشركات في الضمان

وعلشان كذا التيوتا متفوق عليه بمراحل في قطر ...

ماقصرت أخوي على المشاركة بالنصيحة.. بس نص القيمة واجد بعد.. هذا يعني أكثر من 8000 آلاف ريال.. وأعتقد برع الوكالة بتكلفني أقل بكثير .. حوالي ربع المبلغ اللي طالبين.
qatar.com
04-09-2009, 01:58 AM
اخوي اذا تبي بعطيك رقم محل بالحسا حق قطع غيرا اسأل بالاول هناك قبل لاتروح خبري النيسان بالحسا ماتفرق الاسعار
محمد اليهري
04-09-2009, 01:41 PM
اخوي اذا تبي بعطيك رقم محل بالحسا حق قطع غيرا اسأل بالاول هناك قبل لاتروح خبري النيسان بالحسا ماتفرق الاسعار

جزاك الله خير أخوي .. طرش الرقم ولا تهون.
بن درويش
04-09-2009, 02:07 PM
نصيحتى اخوى طلعها برع الوكاله ودها كراج وصلحها لانه سالفه بسيطه كلها ربلات الصبابات وماتكلفك انشا الله ربع سعر الوكاله
وقطع غيار لتشترى من الوكاله اشتر من البتراء وله الواحه
واذا تبي باعطيك رقم قطع غيار بالامارات ترسله الفلوس ويرسلك القطع لين قطر
محمد اليهري
05-09-2009, 01:14 PM
نصيحتى اخوى طلعها برع الوكاله ودها كراج وصلحها لانه سالفه بسيطه كلها ربلات الصبابات وماتكلفك انشا الله ربع سعر الوكاله
وقطع غيار لتشترى من الوكاله اشتر من البتراء وله الواحه
واذا تبي باعطيك رقم قطع غيار بالامارات ترسله الفلوس ويرسلك القطع لين قطر

جزاك الله خير أخوي بن درويش على النصيحة ....
بس وين مكان هالمحلات اللي ذكرتهم: البتراء .. الواحة
وبعد يكون أفضل لو اطرش لي رقم الأمارات.... مع أني متعود أروح الهفوف<أقرب>
وبارك الله فيك
_بوشهاب_
05-09-2009, 01:20 PM
والله ياخوي الفرق بسيط بين قطر والحسا في قطع الغيار للنيسان اما في الامارات ارخص

وبالنسبه لوكاله النيسان بصراحه اسعارهم خياليه وبزود بعد وشغل يد الوكاله غالي
انا مره ركبت بيرنق البيرنق بــ300 والتركيب بــ200 يالله خذ
الله يعينك ياخوي
محمد اليهري
05-09-2009, 01:30 PM
والله ياخوي الفرق بسيط بين قطر والحسا في قطع الغيار للنيسان اما في الامارات ارخص

وبالنسبه لوكاله النيسان بصراحه اسعارهم خياليه وبزود بعد وشغل يد الوكاله غالي
انا مره ركبت بيرنق البيرنق بــ300 والتركيب بــ200 يالله خذ
الله يعينك ياخوي

بارك الله فيك اخوي بوشهاب .... واطمأن ما راح أصلحها بالوكالة إلا في حالة واحدة فقط......!
وهي أن يكون التصليح على الظمان.. غير ذلك فالحمدالله ياكثر الكراجات في الصناعية، ومثل ما قلت بربع المبلغ. والله يعينا جميع.
fahadq
05-09-2009, 01:34 PM
حاول معاهم واذا ما نفع كلم المدير .
راعي الغزيل
05-09-2009, 01:45 PM
اذا تعرف احد في القطيف في السعوديه او شارقه اخذلك احلى مكينه من هناك 3000 ريال تبيه بتيربو او بدون تيربو مع تركيب او تروح المصفح ابوظبي والله يعينك عليهم
محمد اليهري
06-09-2009, 01:45 AM
حاول معاهم واذا ما نفع كلم المدير .

والله حاولت معاهم وكلمت المدير .. وجبت له واسطة .. بس مافي فايدة ، كل اللي طلع بيده..بيعطيني خصم على قطع الغيار 25%.
وأخرتها سحبت الموتر من الوكالة.
محمد اليهري
06-09-2009, 01:48 AM
اذا تعرف احد في القطيف في السعوديه او شارقه اخذلك احلى مكينه من هناك 3000 ريال تبيه بتيربو او بدون تيربو مع تركيب او تروح المصفح ابوظبي والله يعينك عليهم

صراحة ما أعرف حد لا في القطيف ولا في الشارقة...
بس معقولة المكينة بكبرها بــ 3000 ريال !!!
محمد اليهري
10-09-2009, 02:01 PM
يالربع وش أحسن الكراجات لتصليح مكينة الألتيما... مع ضمان الشغل مثل الوكالة