مرض العصب السابع

[فتوون]

السلام عليكم ورحمة الله وبركاته اخواني وخواتي العزيزات ابي مساعدتكم الله يجزاكم خير الوالده صارلها يومين تحس بثقل في لسانها وبعدين وديناها المستشفى وقالو معاها العصب السابع وعطوها علاج وانا حبيت احد يستفسرلي عن هالمرض اكثر وياليت تفيدوني واطمن عليها والله يعطيكم العافيه وابي دعواتكم الله يرضى عليكم

[كلي أمل]

الله الله ف امكم - والله يشفيها ويخليها لكم

[ALFAISAL]

ما عليها شر اجر وعافيه انشا الله

[اكسجين]

تفضلي ...


http://www.qatarshares.com/vb/showthread.php?t=268374&highlight=%C7%E1%DA%D5%C8+%C7%E1%D3%C7%C8%DA


http://www.qatarshares.com/vb/showthread.php?t=251694&highlight=%C7%E1%DA%D5%C8+%C7%E1%D3%C7%C8%DA



اسأل الله العظيم رب العرش العظيم أن يشفيها ويعافيها وجميع مرضى المسلمين .

[شبربوش]

الله يقومها بالسلامه

[أبو راكان]

اسأل الله العظيم رب العرش العظيم ان يشفيها ويعافيها انك انت ارحم الرحمين

الله الله فيها ونا خوج

[ديمه]

حبيبتي الله يشفيها ويعافيها بس على حد علمي ان الكي مفيد وسمعت بعد الشيخ عقل يقول ان الحجامة علاج نافع بإذن الله اني وديها لزوجته والا لام عمر في الدفنه بعد ممتازه في الحجامة وعندها ملحق في بيتها كأنج داشه عيادة او بمستشفى وادواتها كلها معقمة وماشاء الله احس فاهمة الشي اللي تسويه وتعلمج ايش اللي تحتاجه الحاله والله يخليها لكم ويشفيها

[جغرافي قطر]

فيه واحد اسمه بوهمام يسوي حجامة
يقولون انه يشفي من هالمرض بعد الله سبحانه
والرجال في الدوحة وعنده عياده بعد

[شموخ العز]

فتووووووون الله يشفي الوالده وما تشووووووووووووف شر

عليج يا الكي الكي الكي الكي اذا تعرفين احد يكوي اكووويه

وبأذن الله تسلم زوجي صاره له نفس الشي من مده(خمس سنوات) وكله علاج وادويه مافيه فائده

والله اكتوأأأأأ كيه وهي علاجه بعدها


الله يشفيها

[فتوون]

الله يعطيكم العافيه

[قناص الخليج]

اسال الله العظيم رب العرش العظيم ان يشفيها

[المتضرعه لله]

نعم اختي الكي امام الاذن التي يميل لها الفم وخلفها

وان شاء الله تشفى

وفيه نساء تقوم بذلك وهو مجرب باذن الله مع الحميه وعد م الظهور بالضوء لمدة شهر

وان لم تكتوي سبحان الله قد ترين ان احدى عينيها اصغر من الاخرى مع ميل في فمها الى جهه الاصابه

الكي ثم الكي

والله يشفيها

[شامخ قطر]

اسال الله العظيم رب العرش العظيم ان يشفيها

من واقع تجربه!!

تايلاند -المستشفى الامريكي ((بوم رونغ راد)) دكتور بيسان .
فتره العلاج 15 يوم والشفاء بأذن الله شهرين.

[فتوون]

الوالده معاها السكر اخاف يضر عليها

[Bu Rashid]

الله يشفيها ان شاء الله

اتركي عنك الكي .. الطب الان متقدم
والكي يقطع عصب الالم فقط وتبقى العله موجووووده والله اعلم

على ما ذكر احد الاخوان اخذيها على تايلند اذا لم تستجيب للعلاج بدولة قطر

أختي الكريمه المشكله هنا فقط تشخيص العلاج ... اذا فعلا هذى هو الذي تعاني منه فالعلاج يبقى اسهل

سلامات ما تشوفووون شر ان شاء الله

[الغزال العارضية]

الله يشافيها يا قلبي وماتشوف شر ان شاء الله

اول مرة اسمع بهالمرض بس الاخوان ماقصروا افادوج

[طاش]

هذا المرض اسمه اللوف والله العالم بس اذا كان اللسان ثقثيل والخد اشوي نازل من تحت العين هذا هو 80%وسببه المكيف الهواء البارد وعادة يجي كبار السن الوالد جاة وراح المستشفى ولا فيه فايدة وبعدين راح حق واحد يعالج الطب الشعبي وكواة وقال له على طول تاكل العلكة على الجهة الثقيلة هاذا من واقع تجربة وانتي شوفي الحجامة زوجة المطوع عقيل الي عندة مركز حجامة في سوق واقف وان شاء الله اتكون سبب في شفاء امج والصدقة لقول الرسول صلى الله عليه وسلم
الصدقة وحديث حبيبي رسول الله صلى الله عليه وسلم حينماقال : ( داووا مرضاكم بالصدقة )

[شامخ قطر]

الوالده معاها السكر اخاف يضر عليها

وانا فيني السكر اختي هم في تايلند يراعون هالشي
واسمعي نصيحتي
ترى كل العلاج الطبيعي عكس الي هني

هني عند دكتور العلاج الطبيعي خذت معاه اربع اسابيع وهو ايقولي اصبر واصبر ويكون علاجه تدليك الوجه يدوي ربع ساعة مع الكمادات في الاسبوع مرة وحدة ويالله الي بعدة .
ولما عرف اني مسافر للعلاج قالي لاتخليهم يستخدمون جهاز الكهربه وقالي انه موجود عندنا بس مابغيت استخدمه لك علشان ترجع الاعصاب مكانها الطبيعي وانا شفت الجهاز عنده
طبعا ماكان هذا السبب والسبب الحقيقي
كثرة المراجعين والجهاز ياخذ وقت ساعة تقريبا عشان جذي يبي يفتك
حتى الكمادات كان يحطها بالغلط على نصف الوجه السليم ايقول علشان ترخي العصب المشدود.
الله يذكرك بالخير يا دكتور بيسان ضحك لما قتله سالفه الدكتور الي عندنا وقالي خذ ال 15يوم علاج طبيعي مع جهاز الكهربه وانسى خلال شهرين مافيك شي
وفعلا رديت الحمد لله 50% وانا الان مافيني شي علما باني رجعت بتاريخ 1/5/2009
وماتشوفون شر انشالله