[ البنت عـــــــزها عــند ابـــوهــــا ][ وان مــات ابــوهــا عـزها وين تــلـقـاه ]

[خليدان]

م..د..خ..ل~||{


ياابوي لو تموت الناس ماتسوى دموعك ذي
وأنا ياابوي ميت قبل أموت وأنت محييني



قسم بالله ياأبوي لجل عينك شربت الغي
جرعت الهم والحرمان وبحر الويل يسقيني


تحملت السنين اللي طوتني في عذابي طي
وصآر الجمر بكفوفي..وتحت أقدام رجليني


[البـــــنت عزهـــآ عنـــد ابــــوهـــآ××وإذا مــآت أبوهــآ عزّهــآ وين تلقآه]~

صبـــآح..../مســـآء
معـــطر بريحــــة القهــــوة...
..........................بقطـــعة شوكليـــت^ــ^


كلنــآ عارفين "كــل فتآة بأبيها معجبــة"
ومن عنـــد هالمثل...../
تبــدآ الحكــآيـــة....

×
×


جمعتنــآ بالمدرسه...
وكآن كلآمنـــا عن اشغآل [ابائنـــآ]..
ووش سوى لك أبوك..
ومن هالكــلآم اللي تفتخر البنــت لمــآ تتكلـــم عن ابوهـــآ..


الا وحـــده...
كــآنت سآكتـــه...
وتذكرت ان أبوهـــا من ثلآث سنين متوفي..
نآظرتني نــظرة انكسآر....
وحسيت اننا جرحنــآها بكلآمنـــا..


لكــن قآلـــت:/
اسألـــــكمـ بالله بنــآت...
من مره قـــآلـــت لـ [ابـــوها] بوجهه..
يبــــــــــــه أنـــــــــــا [ـــأحبـــك].../

كلنـــا سكتنـــا..
لأن تقريبـــاً..كلنــا ماننطقها بألسنتنا وقدآمـ
ابونــآ..


جآوبتهـــا../
لكــن حنــآ شعب...
مانعترف بكلمــة[ـــأحبـــك]
حنا نترجمها بالأفعــال...
يبـــه أنـــا أحبــــك...
أحترمـــك..
يبـــه أنــا أحبك..
أفتخر فيـــك...
يبـــه أنــا أحبك
دآيم أرفع رآســـك....


[البـــــنت عزهـــآ عنـــد ابــــوهـــآ××وإذا مــآت أبوهــآ عزّهــآ وين تلقآه]~

موضوـوـوـوع ـــي هـــو:


هل فـــع ــلآ..
[البـــــنت عزهـــآ عنـــد ابــــوهـــآ××وإذا مــآت أبوهــآ عزّهــآ وين تلقآه]~...!
أو ممكــن أحـــد يعوضهــا عزّهـــا..؟!!!
وتلآقي عزها بأحــد ثآني...!؟
ومن هــو الشخص برأيــــك..!؟



وليـــه حنــآ ماتعــودنـــا نقول[ـــأحبـــك]...بالوجـــه...!؟
هل لأننـــا شعب صحرآوي قآسي...!؟
أو كلآمي صحيح...نحن شعــب[عمليين]
نترجـــم الح ـــب بالفعـــل...!؟



و[ـــأحبــك]تفي بالغرض انهــا تبين الح ـــب...!؟





[البـــــنت عزهـــآ عنـــد ابــــوهـــآ××وإذا مــآت أبوهــآ عزّهــآ وين تلقآه]~

000والله يخلي لكم أبهاتكم


عجبني الموضوع وحبيت أنقله لكم ..

[العقل الحر]

الحقيقه والصراحه

ماحد يقدر يعزها ويحبها كثر ابوها

وهذي حقيقه ماحد ينكرها

[E L L E]

لي مات ابوها ماراح تلقى عزها عند حد غيره


الله يطووول في عمر ابوي وامي يااارب ويخليهم لي


مشكور

[وطن]

موضوع يقلب المواجع

ماكل من مات ابوه قالوا يتيم ... كم واحد تيتم وابوه حي

الله يخلي لنا و لكم ابائكم

[OTOsan]

لا ادري هل جفاف الصحراء اثر على ساكنيها فاصابهم بجفاف المشاعر !

بالفعل كلمة احبك .. شبه معدومة بين الاب وابنائه (لفظا) .. وان كانت تقال فهي نادرة ،

ولا اعلم هل التعبير عن هذه الكلمة فقط دون قولها يكفي .. ام انه يجب تدعيمها بالقول ،،


عموما لا شئ يعوض الاب بالتاكيد .. ولكنني اعتقد ان الاخ هو من يجب عليه ان يحل محله .. او الزوج (ان وجد ) .. ولكن كما قلت مسبقا .. لاشئ يعدل الاب والام !!

لك كل التقدير يا كيه اند إن على هذا الموضوع،،

[~~ الدانـه ~~]

رأيي ان عز البنت في بيت زوجها

صحيح ابوي واخواني سندي وتاج راسي لكن علاقتي بهم كبنت علاقة مسافر يجي يوم

اغادرهم ، ولا نحسب العز ماديآ ترى ممكن الزوج مايكون مقتدر نفس ابوها لكن بعد هي تعتز

به لأنه يبقى سندها وابو عيالها الي بتواصل معاه مشوار حياتها .

كلمة احبك وفديتك نقولها لابوي كل يوم حنا البنات بس اخواني عمري ماسمعتهم ينطقونها

لان اظن هالمصطلحات عيب يقولها الرجال .


الله يخلي امي وابوي ويطول باعمارهم يارب


وانتي كذلك اختي k&n

[شبربوش]

اختي k&n

العنوان مش قادر اوصفه من كثر ماهو صج امسكت معني مب بنت

ومشكوره على الاحاسيس الجميله

وبالنسبه رايي في الموضوع اختي داوود ما قصرة

[~~ الدانـه ~~]

وبالنسبه رايي في الموضوع اخوي داوود ما قصر




انا بنيه !

[nouar]

ايه والله صدق كلامتك ....

بس المشكله لو كانت البنت لطيمه ( يعني امتها متوفيه او غير موجوده ) بكون طاح حظها ...

على قولت المثل " سلامتك يا وليد........"
واكملوا الباقي

[شموخ العز]

الله يرررررررررررررررحمك يابوي عز الله من مت وانا منتهي عززززي

والله تقدر تعز نفسها حتى لو ابوها ميت ببببببببببببببببببببببببببس

عز الابو وهو حي له طعم غيررررررررررررررر الله يرحمك يابوي

كم وجعت جانتي وتحملتها لو كنت حي ما حصل لي شي

[AL-ZAINA]

موضوع يقلب المواجع

ماكل من مات ابوه قالوا يتيم ... كم واحد يتيم وابوه حي




:weeping:

[لــولــو]

لاتقلبون المواجع البنت اذا ابوها مو موجود غير غيررررررررررررررررررر لان باعتقاد اذا الاب و الام موجودين ما احد يحتيك او يفكر فيك كثرهم حتى الاخوة و اخوات الا ما رحم ربي و

[بنت^البحرين1]

مابعد عز الابو عز

اخواني وعمامي ربي يخليهم، لكن مب مثل ابوي، عزي في هالدنيا ابوي
لازوج ولا اخوان ولا عمام ولا خوال، يعزون البنت مثل أبوها

أحب امي وايد ، لكن ابوي غيييييير

ربي يحفظك ويخليك يابوي وياجعلني ماذوق حزنك ولا اشوف غلاك

ويحفظ للكل والدينه ان شاءالله

[شمعة الدوحه]

لاتقلبون المواجع البنت اذا ابوها مو موجود غير غيررررررررررررررررررر لان باعتقاد اذا الاب و الام موجودين ما احد يحتيك او يفكر فيك كثرهم حتى الاخوة و اخوات الا ما رحم ربي و

مااحد بيعز البنت كثر ابووها وامها

حتى الاخوان ترى مابينفعون بكره يتزوجون وينسون ان عندهم خوات الا من رحم ربي على قولة لولو ..و الزوج موب دايم لج فيه مافيه وحده تضمن انها بتستمر مع زوجها او انه ماراح يتطلقون

انا عن نفسي ابوي شي كبير بالنسبه لي ومااحب احد يجرحه .. الوحيد اللي فاهمني ..وصدق اني ماقد قلت له كلمة احبك

بس تصرفاتي تثبت له هالشي بدون ماانطق الكلمه

واكيد اهو حاس بهالشي

k&n

موضوعج حلووو بنفس الوقت صيحني

والله يطول في عمر والديني .. وجعل يومي قبل يومهم علشان مااحتاج لاحد

[الشامخ]

يابوي وينك؟

يابوي وينـك عذبتنـي الليالـي ؟؟
ليتك تشوف الحال وشلون منصاب
ليتك تشوف الهم وأوضـاع حالـي
ليتك تشوف الدمع وشلون سكـاب
ليتك تشوف اللـي بعدكـم جرالـي
حتى الفرح يابوي وياك قـد غـاب
أمشي و أنا يابـوي همـي ظلالـي
وأخفيت جرحٍ يايبـه مابعـد طـاب
جرحن مـع الايـام لامـن طرالـي
سالت دموع العين من بين الاهداب
ساعة رحيلـك يابعـد كـل غالـي
انهار حلمي وانكسر قلـب معطـاب
خاوتني الحسـره وحزنـي غدالـي
اوفا صديقن لي من دون الاصحاب
واوفت لي العبره وضيقـي وفالـي
وعايشتهم يابوي في ديرة أغـراب
يابوي شفت الويـل وانـا لحالـي
تركتني للوقـت ولضيـم الاقـراب
العيش دونـك والزمـن ماهنالـي
موحش بدونك يابعد كـل الاحبـاب
واجهت انا الدنيـا بكـل أحتمالـي
أسد بـاب وتنفتـح بعـده أبـواب
أعيش في حزنـي وهـمّ ارتحالـي
أشيل حمل جبال يابـوي وهضـاب
مالي عضيدٍ فـي حياتـي موالـي
أنخاه لاضاقت معي كـل الأسبـاب
آخـذ برايـه لا تسكـر مجـالـي
وفيه أعتزي كان الزمن كشر الناب
مالي سند غيرك ولا لـي ولا لـي
غيره سواء المعبود هو رب الارباب
أرجيـه سبحانـه عظيـم الجلالـي
يرحمك ياعرب السلاله واالأنسـاب
وينزل على قبرك حقـوق الخيالـي
ويجعل عليه الخير والوبل ينسـاب
ويجعل مقامك فـي جنـانٍ معالـي
وينجيك من شر الهوايل والاصعاب

الشاعره النادرة

[HIGHNESS]

الموضوع فتح جروح ....الله يرحمك يا يبا .. انكسر قلبي من بعدك ... ...
والله يطول بعمر الوالدة .... ويخلي لي اخواني ذخر وسند ....

[roseQ8]

انا اشهد ان البنت عزها عند ابوها عسى الله لا يحرمني منه لا دنيا ولا اخره

[بولينجر]

الله يحفظ آباء الجميع....
البنت تلاقي عزها عند اخوانها خوالها اعمامها.... الخير موجود باذن الله....

[black@white]

البنت عزها في بيت ابوها فقط
الله يخلي ابوي وامي
احبك يا بوي على كل شئ سويته لنا انت عظيم وما في حد يسواك في حياتي
الله يخليك

[تـاجر الـذهب]

البنت عزتها بالدين في طاعة والديها امها وابوها


ثم بمن رزقها الله بالرجل الي يكرمها ويعزها الله به


والله يحفظ بناتنا وبناتكم وبنات المسلمين يا رب

تسلمون عللموضوع

[relaax]

الاب عز وسند وظهر متاخف من جور الايام

صحيح الاخوان كذلك ولكنهم بيكونون اباء لابنائهم والدنيا تاخذهم مهما وقفوا في وجهه

وكلمة احبك فعلا ثقيله فاللسان ولكنها واضحه ونحسها في نظره ومعاملة وتكون قريب منه ولا ف حضنه
تحسها ويكون قلبك طاير من الفرح وحتى لو مانطقت بها شفاه

والاب عز للبنت والولد

[doha70999]

احلى شي لما الاب يمون صجيق البنت وقريب منها وعلاقتهم تكون اروع فيها مافي

الله يخلي لكم ابائكم ان شاء الله

=(

[ام لولوه]

ماعزني الا بيت ابوي جعله في الجنه ويارب انك تجزاه خير الجزاء عني
معززه في حياته وفي مماته
ولاحد يقدر يمسك مني شعره في حياته ومماته
اما الزوج عزتي للي تقول انه عزهاااااااااااااااااااااا
ازواج هذا الزمن مناظر بس مو مخابر

والسموحه على الاطاله بس موضوع أثر فيني زياده عن اللزوم
وكلمة وفاء لابوي جعله في الجنه تستوجب اني أقولها

[شاهيناز]

وش المقصود بالعز,,,,؟

كيف تفقده اذا توفى والدها

الله يرحم ابوي

[كلي أمل]

من مره قـــآلـــت لـ [ابـــوها] بوجهه..
يبــــــــــــه أنـــــــــــا [ـــأحبـــك].../



اناااااااااااا ههههههههههههه جننته كل يوم اقوله واسأله خخخخخ يقولي انتي خبله ؟

ولا كثر الدراسه مأثره فيييج ههههههههه -


الله يخليه لنا ويحفظه - باباتي فديته

[كلي أمل]

الحقيقه والصراحه

ماحد يقدر يعزها ويحبها كثر ابوها

وهذي حقيقه ماحد ينكرها



الله خووووش كلاااااااام - وانا بعد احس جذي :nice::nice:

[~~ الدانـه ~~]

وش المقصود بالعز,,,,؟

كيف تفقده اذا توفى والدها

الله يرحم ابوي




عكس الذل


بمعنى البنت في بيت ابوها عزيزه مكرمه مسنوده لو كانت مخطئه


ومهانه وذليله في بيت زوجها ( هذا الي استشفيته من بعض ردود المتزوجات ! )


وطبيعي اذا مات الي عازها بتفقد هالكرامه


مع اني متأكده ان اكرام الزوج لها يفوق الاب والاخ مهما بدر منه لانه ربها الاصغر في الدنيا


مثل ماقال الرسول لو احل السجود لغير الله لأمرت المرأه بالسجود لزوجها ، مش لابوها


واخوها .


صدق لي قالوا عنا مكفرات العشير ...... يعني احين المتزوجه مرتاحه مع زوج وابناء ووقت


الاختيار تخلي زوجها آخر القائمه هذا اذا ماكفرته وانها ماشافت معاه يوم طيب .


اقول لهالفئه : النعمه زواله ، لاتلطمين اذا تزوج ثانيه روحي بيت ابوج يعزج .


شاهيناز الله يرحم ابوج ويغمد روحه الجنه وجميع المسلمين .

[دلوعه امها]

:weeping:واللي ماشاف ابوه ولا حس بوجوده شيسوي

[بنت سلمان]

الله يرحمك يا يبـــه :(

[~ نســـايم ~]

حقيقة البنت عزها في بيت ابوها لان تظل بنته لحمه ودمه ولا يمكن الا بحالات نادرة انه يتخلى عن بنته في اصعب المواقف يظل واقف ويسندها لان كثير من الازواج وقت الازمات يتخلون عن زوجاتهم بكل اريحيه !! والدليل يا كم من زوجة مرضت وتخلوا الازواج عنها ويا كم زوجه من غلطه بسيطه طلقها ويا كم من زوجه بدون لا ذنب اقترفته يتخلى عنها و ينظر الى اخرى وانا اقول البعض ولكن نفس العز اللي تشوفه في بيت ابوها ما راح تشوف بالنسبه لي شخصيا هالكلام ولا اعمم الا على نفسي فقط


كلمة احبك لا ننطقها اتوقع بسبب بيئتنا الصحراوية القاسية التي علمتنا على الجفاء قليلا و الاحساس بالحرج من نطقها وعن نفسي لا اتوانى عن قول احبك لأي شخص احبه عسى الله يرحم الميت من ابهاتكم و يخلي لكم الحي منهم اللهم امين


يعطيج الف عافيه اختي الغاليه صاحبة الموضوع ذو شجون

[~~ الدانـه ~~]

حقيقة البنت عزها في بيت ابوها لان تظل بنته لحمه ودمه ولا يمكن الا بحالات نادرة انه يتخلى عن بنته في اصعب المواقف يظل واقف ويسندها لان كثير من الازواج وقت الازمات يتخلون عن زوجاتهم بكل اريحيه !! والدليل يا كم من زوجة مرضت وتخلوا الازواج عنها ويا كم زوجه من غلطه بسيطه طلقها ويا كم من زوجه بدون لا ذنب اقترفته يتخلى عنها و ينظر الى اخرى وانا اقول البعض ولكن نفس العز اللي تشوفه في بيت ابوها ما راح تشوف بالنسبه لي شخصيا هالكلام ولا اعمم الا على نفسي فقط







كلامج يخوف يانسايم


وحش هذا مو زوج ....... باروح اسأل امي عن ابوي كيف كانت حياتها معاه ؟؟؟ وليش لين


اليوم تحت سقف واحد وتحبه وماترضى حد يكدر خاطره بكلمه ؟؟؟


شككتوني في عمري

[ام لولوه]

زوج عن زوج يفرق حبيبتي واحنا ماعممنا
وبعدين مو شرط اذا انتي راضيه على زوجج معناته ان الكل لازم يكون
في ازواج الذبح فيهم حلال
والله يهنيج مع زوجج ويخليكم لبعض

وانا عن نفسي محد عزني الا ابووووووووووووووي الله يرحمه عزني في حياته ومماته

[~~ الدانـه ~~]

زوج عن زوج يفرق حبيبتي واحنا ماعممنا
وبعدين مو شرط اذا انتي راضيه على زوجج معناته ان الكل لازم يكون
في ازواج الذبح فيهم حلال
والله يهنيج مع زوجج ويخليكم لبعض

وانا عن نفسي محد عزني الا ابووووووووووووووي الله يرحمه عزني في حياته ومماته



اذا تقصديني يام لولوه انا مش متزوجه



اذا ترضين بالتعدد خلي ريلج ياخذني ثانيه ....... والمهر علي


ومنها تفتكين منه يوم عندج وثلاث ايام عندي



وش قلتي ؟ ! :)

[الألماسي]

أمانةَ لا مات أبوها يموت العـز وياه و تصير (( يتيمه )) . . إلاّ ان كانوا اخوانها من ظهر رجّال و عـزوها من عقـب أبوها . .

[~ نســـايم ~]

كلامج يخوف يانسايم


وحش هذا مو زوج ....... باروح اسأل امي عن ابوي كيف كانت حياتها معاه ؟؟؟ وليش لين


اليوم تحت سقف واحد وتحبه وماترضى حد يكدر خاطره بكلمه ؟؟؟


شككتوني في عمري

اختي قبل لا تعلقين اقري التعليق حرف حرف و راح تلاقين اني كاتبة البعض :)


و هل تبين تقنعين العالم كلهم ان كل الازواج يحفظون للمراه عزها وكرامتها !! الكل يدري ان بعض الازواج لا يقدرون المراه ولا يحفظون لها كرامتها وبل يسعون لمذلتها للاسف فالدنيا فيها الزين وفيها الشين

لان في النهاية الدنيا ليست عالم من الملائكه عزيزتي


فاذا عندج تجربة حية ناجحة قدامج لا تعممين على الكل انهم على نفس المنوال فالدنيا ملأت من كل نوع


وانا كتبت من رأيي الشخصي فقط واعممه على نفسي و كلامي واضح بالرد اختي بس الظاهر يبيلج شوي تدقيق وتفكير حبتين وشكرا :nice:

[بوحارب]

عزها عند اخوها طبعا ... لكن اذا كان اخوها ارخمه ماقول الا الله يعينها

داوود ام لولوه خفوا شوي هههههههههههه

وتسلم اخوي على الموضوع

[ام لولوه]

عزها عند اخوها طبعا ... لكن اذا كان اخوها ارخمه ماقول الا الله يعينها

داوود ام لولوه خفوا شوي هههههههههههه

وتسلم اخوي على الموضوع


مافي شي شسالفه نقاش عادي
واحنا خوات قبل كل شي :nice:

[تحداني]

.
.. عزي عند ابوي ..( يعلني افداه )

ومن بعده.. بعد عمر طويل ..
عند اخواني ( يعلني افداهم ) .. وخوالي ..
عسى الله ما يحرمني ويحرمكم كل غالي يارب ..

[المتألم]

الأب لا يمكن تعويضه بأحد حتى الزوج
لأن العلاقه الحقيقية بين الأب وإبنته لا يعدلها شئ

وحقيقة الجفاف العاطفي هو أحد تأثيرات البيئه الجافة هنا ..


طبعا للمرأه بعد زوجها يبقى له نصيب السند والعز وكل شئ

والرسول الكريم وضح كبر قيمة الزوج عند زوجته عندما كاد ان يأمرها أن تسجد لزوجها

للمرأه ظهور كثيره
أبوها وأخوها وزوجها ..
فلا تقلقل دام حولها رجال رجال
مب مثل اللي نشوفهم الحين في بعض النماذج الله يهديهم ..

[!الشايمه!]

مجتمع صحراوي وقاسي...!! :omg:

اعتقد اننا مغرقين بالعواطف...ولكن ينقصنا التدفق...لدينا شعور ...ربما
خجل.........! ربما وجل........! من ان تجتاحنا هذه العواطف ولا نسيطر عليها...
ولكنها بالتأكيد ليست قساوة او جفاف في المشاعر...

.....

تظل علاقة الاب...بابنته علاقة لها خصوصية...خاصة الصغرى>>>:shy:
الصغيرة المدلله...علاقة تحتوي الكثير من الحنان والحب..والشعور
بوجود سند في الحياة وحفظ لها من اي سؤ...شعور بالأمان...


ولكن الواقع يقول..ان المشاعر الابوية...تتكرر
من العم...الخال...الاخ الكبير..اي شخص ممكن يربي هذه الصغيره
ويحمل لها مشاعر ابوه حانيه...

يظل وضع الاسرة هو الذي يتحكم بفكرة العز والسند للبنت...
الام..الاخوة..الاخوات..الاعمام...الخوال........... . بعد غياب الاب...

......

ولكن المشاعر..بين اي زوجين( علاقة طبيعية وليست علاقة شبه فاشله )......

لايمكن مقارنتها باي علاقة اخرى......


العشرة..والاحتواء..والقرب العاطفي والجسدي
والمشاركة في كل هذه الحياة .........الطويلة العريضة

بكل لحظاتها..بكل تفاصيلها....شخصين يتشاركان في منح الحياة...

حيوات جديدة...ابناء......واحفاد...شخصان يتشاركان

كل المشاعر...كل الاسرار..كل الحكايا التي لا تقال...

صعب التقليل من هذه العلاقة....

........

الاب هو القلب الحاني...والأمان...

والزوج....هو.....الاب...والصديق...والحبيب...والابن ...والعزوة

والأمان...هو كل شئ....كل شئ....



في حال كان الاختيار......صحيحاً...!




تحية

[ســـهم]

صدق لي قالوا عنا مكفرات العشير ...... يعني احين المتزوجه مرتاحه مع زوج وابناء ووقت


الاختيار تخلي زوجها آخر القائمه هذا اذا ماكفرته وانها ماشافت معاه يوم طيب .


.

هههههههههههههههههههه

وشهد شاهد من أهله


جمعتكم مباركه

اللي اثق فيه هو ان الافعال افضل من الكلام

ممكن اقول " بابا احبك " <<<< بيقول طيب شتبي :(

كلمة احبك اذا لم تكن مدعومه بأفعال فلن تكون صادقه

اعقتد كما يعتقد الكثير اننا نحب ابائنا ولكن ماذا يريد الآباء

هل هذه الكلمه ام الفعل ؟

الافعال دليل المحبه

اخيرا ارى ان عنوان الموضوع والردود مختلفه

ظننت ان الموضوع يتحدث عن مقارنة بين وجود البنت في بيت ابيها او زوجها ..

لكن الردود زحلطت بي يسارا..

[بدور]

عز البنت عند ابوها وبعد ابوها اخوانها سندها وعزوتها واسمها مرتبط باسم ابوها

اما اللي تفضل الزوج على ابوها من المؤكد تعاني من حالة نفسيه بسبب التفكك الأسري

معاناة من صغرها في بيت لايعرف الحب والحنان لهذا فضلت الزوج على الاب لتهرب من واقعها المر

وما حست بالعزوه وهذا ليس مقياس ضمان الزوج يا كثر ما سمعنا وشفنا من مشاكل

الازواج والطلاق واكثرهم زوجي سرقني وضربني وخاني ووووووو

انا اقول البعض مو كل الازواج .. والباقي زوج العازه مدري اسمعها وايد عند الحريم

عني انا فقدت ابوي أكثر من 20 سنه الله يرحمه ..

الله يخلي اخواني هم عزوتي وتاج راسي واقول لهم احبكم فديتكم جعلني افداكم

[طويل النفس]

عزالبنت عقب ابوهااا

بتحصله عند اخوها ...(السنافي)

[شاهيناز]

سئلت سؤال ولا حد جاوب عليه

المشكله ان من الصغر تبرمجت عقول البنات ان لاعزه لهم الا بالرجل

جذيه كل وحده تحاول تفتخر ان لها حيط تستند عليه
والاهل بعضهم برمجوا بناتهم جذيه

وجذيه بعد صرنا نشوف الرجل البعض منهم عشان محد يزعل يحاول يذل المراة لان يعرف انها تعرف ان لاكرامه لها الا برضاه

الوالدين القله منهم والحمدلله ابوي الله يرحمه منهم علمنا ان كرامتنا في قوتنا وقوتنا مانحصل عليها الا اذا اعتمدنا على نفسنا

لان المراه الضعيفه الي تبحث عن حائط اسمه رجل تستند عليه وتحس ان كرمتها وعزتها بحضوره وجوده ورضاه ,,,,المراه الضعيفه في قاموس وقتنا هذي لامكان لها ا
وخلو عنكم سوالف ان العزه في وجود الاب او الاخ او الزوج

لان في بنات اول نبض لهم في الحياه بدون اب يعني لاعزه لهم عندكم

بالعكس الكثير حالهم افضل من الي عندهم اب

عزتتي بديني وصحتي وقدرتي على الاعتماد على نفسي

اوبس

[(الفيصل)]

بعض الحكماء من (الاباء)
(جاته بنته تشتكي من زوجها وتقول له (يايبه انت عزوتي وهذا الرجل مابيه خلاص طلقوني منه)!!
قالها أبشري بس تعالي معاي نروح له البيت أول
ولما وصل بيت زوجها خلع ملابس بنته (وأظهر بعض من عورتها)!!!
وزوجها ينظر للموقف بإنبهار (ومب عارف شسالفه)!!!
فأسرعت الزوجه(الزعلانه) إلى خلف زوجها وتستر عورتها !!
من من؟؟؟
من أبيها !!
والله من وراء القصد

[(الفيصل)]

ولمن يتشكك في مثل هذه القصص فليعود لما
أخرجه الإمام أحمد في مسنده وصححه الألباني من حديث النعمان بن بشير رضي الله عنه قال: جاء أبو بكر يستأذن على رسول الله صلى الله عليه وسلم، فسمع عائشة رضي الله عنها وهي رافعة صوتها على رسول الله صلى الله عليه وسلم، فأذن له ودخل فقال: يا ابنة أم رومان! وتناولها، أترفعين صوتك على رسول الله صلى الله عليه وسلم؟ قال: فحال النبي صلى الله عليه وسلم بينه وبينها، قال: فلما خرج أبو بكر جعل النبي صلى الله عليه وسلم يقول لها يترضاها: (ألا ترين أني قد حلت بين الرجل وبينك؟)( الرجل هنا هو أبيها ابوبكر رضى الله عنه)
قال: ثم جاء أبو بكر فاستأذن عليه فوجده يضاحكها، قال: فأذن له، فدخل فقال له أبو بكر: يا رسول الله أشركاني في سلمكما كما أشركتماني في حربكما.

[بنتكم]

المفروض بعد ابوهـ عزوتها وخوانها ,,,, الله يرحمكـ يايبه

وياما ناس ماعزهم ابوهمـ وعايشين بمعزات غيرهمـ

وذا مات ابوهمـ بتلقاه عند اللي كان يعزهمـ ,,,,,

[جرير]

عز البنت عند زوجها حتى لو كان ابوها عايش

وبعد موت ابوها يبقى عزها عند زوجها

في حاله ان زوجها رجال سنافي يقدر الحياه

الزوجيه ويقدر قيمه البنت ويحطها وسط عينه



اما الاب دوره ينتهي مع اول شخص يطرق باب

البيت

[خليدان]

الله لا يهينكم جميع ،،

وحبيت أنوهـ لبعض الأخوهـ والأخوات إني ولد مب بنت

:shy:

[arcon]

اللهم ارحم اباءنا وامهاتنا الاحياء منهم والاموات واسكنهم الجنه

[ام خليفه79]

محد يقدر يعوض عز الأب

الله يرحمك يا يبه

تسلمين ع الموضوع الغلا

[اعالي الجنان]

الله يطول بعمر ابوي يارب
كل مايزعل علي اركض ابوس راسه وادلعه وطيب خاطره لين يضحك
صج يرفع لي عصاه انه زعلان علي بس ثواني الا هو يضحك
عسى عمره طويل ان شاءالله وعسى ماننحرم من وجوده معانا بالبيت وعسى ربي يحسن خاتمته وخاتمة الوالده
اللهم اميين

[sendarala]

ما في أحد في الوجود يحبها ويحترمها ويكرمها ويقدرها الا ابوها ،،،،وابوها فقط

[بسبس]

أهم شي الحنااااان لي يصدر من الابو مش مرتبط الغلا بكلمة احبك هو يعطيك كل شي حنان حب إحترام يزعل معاك يفرح معاك ما توقف على كلمة احبك ،، واليتم ... ان شالله عزهاااااا عند عممهاااا أو خوالهااااا

[بوعلي2]

انا اقول البنت عزها في بيت زوجها فققققققققققققققققققققققط الاب مب تام لها محد بيتم لها الا زوجها وعيالها قرة عينها وهذي حال الدنيا مب على كيفنا نقول بيت الاب فقط ليش تنكرون جميل ازواجكم ؟

المره مالها الا بيت زوجهاااااااااااااااا وفكروا بعقل مش بعاطفه ولو لمره فقط

[بواردي]

لي مات ابوها
تلقى عزوة غيره
اخوانها
او زوجها
واللي ما عندها الله يكون بعوووووووووووووووووووونها

[الهايم]

قرأت مره هذه الكلمات:
ان كل مصيبه اي كانت تبدأكبيره ومع مرور الوقت تصغر وتصغر حتى تختفي
الا
مصابك في والديك فأنه يبدأ صغير(مهما رأيته كبير)ومع مرور الوقت يكبر ويكبر
فأنا اعرف اناس كثير في ايام العزى كان صامدا ثابتا ولكنه مع مرور الايام بدأبالضعف حزنا وكمدا
الله ارحم والدي وموتى المسلمين اجمعين

[ذيب زكريت]

الله رحم ابووي -- والله اني احبه وما قدرت اقولها له بوجهه

احتراما له -- لا خوفا منه

[MeMe MoOoON]

اي والله الله يطول عمر ابهاتنا