تسجيل الدخول

مشاهدة النسخة كاملة : هل فقدنا طعم رمضان


أسد الجزيرة
03-09-2009, 05:20 PM
السلام عليكم

رمضان قبل كنا نحس بروحانية رمضان كان يوم يدخل رمضان كنا انحس الجو يتغير انحس انه في شئ غير عن الايام الثانية اللعب في الفريج الكباب السياكل صلاة التراويح كل شئ كان غير

حتى امي تقولي انه هذي السنة رمضان ما له طعم انتوا ايش رايكم
المشط
03-09-2009, 05:31 PM
فارق الجو يفرق اخوي

اول رمضان كان في الشتاء والسنه رمضان بداء في شهر 8 ودرجه الحراره 48 الظهر

لكن الجو تعدل من يومين بعد دخول سهيل

واخوي رمضان مب مربوط بالسيكل او الكباب ... ولا تنسي الفرق في اعيال الفريج اول والحين اول يركبون سياكل ويفترون في الفريج .. والجيل الحالي في فيلاجيو يفترون

الله يعين على هذا الجيل
فارس قطر
03-09-2009, 05:37 PM
هل فقدنا طعم رمضان ........... لااخوى مافقدنا رمضان

ودليلي شوف زحمة الشوارع

ورجال المرور اختفو من الشوارع وراحو الاسوا ق يتطمشون على الرايح والجاي.
ورقــة أمــل
03-09-2009, 05:37 PM
حتى انا ماحس هالسنة رمضان لين هناك

بصراحة ماعندي وقت استمتع بأجواءه الحلوة

اللهم الصلاة وقرأة القرآن والعبادة في هالشهر تخلي الواحد يحس شوي انه في شي متغير
سيمباسون
03-09-2009, 05:51 PM
استغفروا ربكم

رمضان للعباده موب للسياكل وفيلاجيو والمسلسلات

هذا للي يبي يحس بطعم رمضان على ماقال

احبتي فالله

الله يهدينا وياكم
المتضرعه لله
04-09-2009, 01:39 AM
رمضان العباده احس به

لكن الاكل والملبس اللي كنت احبه من عشرات السنوات مااحسه الحين لان الاكلات الشعبيه على طول السنه والملبس الجديد طول السنه

ياليت لو فيه قانون يقول لا اكل شعبي الا في رمضان بس لكن سوق واقف ماخلى اشتياق للاكلات الرمضانيه


وكل عام وانتم بخير
مساهم فنان
04-09-2009, 01:53 AM
السلام عليكم

رمضان قبل كنا نحس بروحانية رمضان كان يوم يدخل رمضان كنا انحس الجو يتغير انحس انه في شئ غير عن الايام الثانية اللعب في الفريج الكباب السياكل صلاة التراويح كل شئ كان غير

حتى امي تقولي انه هذي السنة رمضان ما له طعم انتوا ايش رايكم

الواحد منا يخلق الجو الذي يريده ، فمتى صار على السفرة الثريد والهريس وللقيمات والساقو والنشا ... حسيت إنك في الشهر الفضيل .
ومتى ما ذهبت للتراويح وأكثرت من قراءة القرآن الكريم ، تحس أنك في رمضان .