فلم هنــــــــــــدي " بواردي في خط الشماااااااااال "

[بواردي]

السلام عليكم ورحمة الله وبركاته

كلكم سمعتوا بحادث طريق سلوى واللي كان فيه اخوة واحد توفى الله يرحمه ويغفر له ويصبر اهله والثاني الله يشفيه وسبب الحادث كان شاحنة متوسطة لوري.

في نفس الوقت تقريبا اللي صار فيه هالحادث كنت طالع من صلاة التراويح ورايح صوب ام صلال
كلكم تدرون انه في تحويلة تبدا من معسكر الدحيل وتنتهي في ام العمد تقريبا

المهم قبل مدخل ام صلال علي - الاستدارة-
وانا ماشي تفاجات بسيارة لوري- مازدا - كانت تقف على يمين الشارع ( كانت واقفة في البراحة اللي على اليمين )

والشيخ يبي ينقز من الجهة الثانية اللى مدخل ام صلال والله لونه لمبرقيني ما مداه

وشوف الموقف
احس الادرينالين وصل مليون وقلت يولد تشهد على روحك خلاص نهايتك على هالموتر
وقعدت احاول الف يمين يسار
وخفت ادوس بريك بقوة يصفقني البرقدون اللي وراي
بعد المراوغات والافلام الهندية قدرت ادش معاه الاستدارة

المهم ربك ستر وجات سلامااااااااااااااااااات
وستر الله كان شفتوا موضوع يقول اصابة احد اعضاء الاسهم القطرية بحادث خطير

تفاجات بشخص ينزل من سيارته ويطلب من الهندي مدري البنغالي بطاقته

نزلت وقال لي الشيخ تعال معنا المركز
والله يوم رحت المركز استشهد فيني على الموقف
ومسكوا هالمستهتر وصكوه مخالفة

والاخ اللي صاده شغال في مركز ام صلال

جزاه الله خير برد قلبي

ونصيحتي لاي شخص يصير له موقف او يشوف واحد مستهتر مثل هالاشكال

يستشهد باحد الناس اللي كانوا حاضرين ويبلغ عنه

والاهم تعرف رقم اللوحة والمكان والزمان
وان شاء الله ما تشوفون شر

[GULFSUN]

بيض الله وجهك وجه الثاني

[أبو راكان]

الحمد لله ع السلامه
ماتشوف شر

الأفلام الهنديه شغاله 24 ساعه في شوارعنا
الله يستر علينا من الحوادث والأمراض النفسيه

[ابن قطر]

خطالك الشر

نعم كما تفضلت اهمال لانه في بلاده ما يحصل سيكل

واهني سيارات اخر موديل

[فـــــواز]

ماتشوف شر ان شاء الله وبيض الله وجه الرجال الي ساعدك

وتحملوا ياناس من المواتر الكبيره ترا والله ماتهتم عادي تطلع وجهك ولاكنه سوت شي

[بواردي]

ما تشوفون شر والشر ما يجيكم

والله صدقتوا يا اخوان

هالافلام الهندية غالبا من انتاج واخراج اشغال
وللاسف دائما البطولة للمستهترين
والضحايا ناس لا حول لهم ولا قوة

[HIGHNESS]

بس صكوه مخالفه !!!!! .. مشكلة الافلام الهندية في الشارع ... هو شعليه الا لوري شبيصيده يعني ... لو يعاقبونهم عقاب شديد هو وامثاله كان ماشفنا لا فلم هندي ولا امريكي في شوارعنا .. الله يحفظ الجميع
اهم شي سلامتك ياخوي .. والله يكثر من امثال الي ساعدك ... :)

[جوال 11]

اليوم بعد صلاة الجمعة أنقلاب سيارة للمراعي بين اشارات الغرافة وقت الدوران .
والظاهر سائقي الشاحنات الصغيرة والكبيرة لا توجد لديهم أي معلومة عن الجاذبية وقت الدوران وخاصة مع الحمولة فنرى كثير منهم ينقلب عند الدوران .

[قناص مستثمر]

الحمد لله ع السلامه
ماتشوف شر

الأفلام الهنديه شغاله 24 ساعه في شوارعنا
الله يستر علينا من الحوادث والأمراض النفسيه

اي والله

[المتألم]

الحمد لله على السلامه أخوي

والله الله لا تسرع وأنا خوك ..

[جنوب الدوحه]

اقرب مثال شوف شورع الامارات وخاصه خط السلع شلون النظام والشاحنات ما تتعدى الخط الابيض الي بين الشارعين .. بصراحه ترتاح نفسيا وانت على هذا الخط تعرف انه محد راح يلف عليك

اما قطر لين الحين نشوف مستهترين وااااااااايد وبشكل يومي .. صار حالنا حال الحسا ..

[Bu Rashid]

الحمد لله على السلامه اخوي البواردي

[яέέⓜ]

يل ماشفتوا باص tata
يبي يشقح الدوار=)

الله سلمنا بس
مافيه عقوبه رادعه والا كان الكل ماشي عدل
يدري ان كفيله بيدفع عنه لانه محتاجه

الحمد لله ع السلامه اخوي

[يحفظك ربي]

حسبي الله على هالاشكال وايد متسببين على الناس وضامنين ان سياراتهم ا لكبيره ماراح تتعور

والمساكين اللي متسببين عليهم هم اللي بيروحون فيها ... ياما شفنا من هالل :@

والحمدلله على سلامتك اخوي والحمدلله انها جات سليمه

وجزاه الله خير اللي وياك ... قام بالواجب

عساك عالقوة

[قطر دزاين]

صدقني لو كل مواطن لما يشوف خطاء من ها السائقين ياخذ رقمه ويوديه للمركز ما شفت احد مخالف

[الطيبة كلها]

اولا الحمد لله على سلامتك - تعالوا شوف الشاحنات بالدفنه اوه ه ه ه

[بواردي]

الله يسلمكم جميعا ويسلم كل غواليكم وكل المسلمين يارب

لازم اي حد منا يشوف غلط ما يسكت عنه

مشكلتنا نقول شدخلنا وما علينا وخله يولي ونتركهم يتمادون
مفروض كل واحد منا يكون شرطي مرور

[حراير قطر]

الله ستر واحفظك اخوي

والله الواحد شيسوي

اهو بس الشاحنات او الباصات

خلها على ربك ...

واللي يقهرني زود

اللي يمسك اليمين ويلف عليك ويروح يسار

الله يحفظنا ويسلمنا من شر الحوادث ...

[حقيقه]

الحمدلله على السلامه والله يحفظك

استغفر الله هالاشكال يخلون الواحد يغلط ويسب بسبب حركاتهم التعبانه بالشارع
طيب الشارع مسارين بس واليمين طبعاً مرقع ومكسر
وانت طاير على اليسار
والشيخ راعي البيكم التعبانه او المازدا السكراب على اليمين وفجأه ينط على اليسار خايف على سيارته تتخلخل من مسار اليمين ويطلع بوجهك على اليسار بثواني بدون اشاره بدون تخفيف بدون اي شيء :omg:
إللي يقول بنتلي والا روز رايز وخايف عليها :anger1:

يبيلنا نشتري المكرفون حق سيارات الشرطه ونصارخ عليهم بالشوارع يبعدون عن طريقنا :anger1:

[بواردي]

الحمدلله على السلامه والله يحفظك

استغفر الله هالاشكال يخلون الواحد يغلط ويسب بسبب حركاتهم التعبانه بالشارع
طيب الشارع مسارين بس واليمين طبعاً مرقع ومكسر
وانت طاير على اليسار
والشيخ راعي البيكم التعبانه او المازدا السكراب على اليمين وفجأه ينط على اليسار خايف على سيارته تتخلخل من مسار اليمين ويطلع بوجهك على اليسار بثواني بدون اشاره بدون تخفيف بدون اي شيء :omg:
إللي يقول بنتلي والا روز رايز وخايف عليها :anger1:

يبيلنا نشتري المكرفون حق سيارات الشرطه ونصارخ عليهم بالشوارع يبعدون عن طريقنا :anger1:

والله انك صادقة
يبيله نجرب الميكروفونات

[وطن]

خطاك الشر

[بواردي]

خطاكم اللاش
وماتشوفون شر

[بـن عدوان]

لاحول ولا قوة الا بالله

اهم شي طلعت سالم ياخوي في الحديد ولا فيكــ

[شبربوش]

خطاك الشر

[مضاد]

’

تستاهل السلامه يابو قحطان :)

[المارونـــي]

الحمدلله على السلامه
والله يبيض وجيهكم

[فتى الجود]

ماتشوف شر ان شاء الله وبيض الله وجه الرجال الي ساعدك

[هل الشمال]

سلامات

الله يكافينا شر اللوريات والشاحنات الطيارة !

[البحار00]

الحمدلله على السلامة

بس تدري ياخوي لو هالموقف صاير لي ما انتظر حد يوقفه

الا انا الي بوقفة وبحكة بكف على وجهه هالقريقا........

توني راد من شوي من الصناعيه اقسم بالله بغيت افطر على كم واحد منهم لكن استغفرت الله

وكتمت غيضي

[3beed]

الحمد لله على السلامه

والله يعينا على هالمسلسل اليومي


ونسئل الله ان يستر علينا وعلى جميع المسلمين

[بواردي]

الله يسلمك ويسلم غواليكم من كل شر
خطاكم اللاش

ولي متى تبقى مسلسلات الاستهتار في شوارعنا والله تملننا

[اعقل مرجوجه]

الحمدلله على السلامة

هالفيلم الهندي صار لي

قلت مابي اوخر عناد له مابقى شئ عالدوار لو ماخفف من سرعته بيخبط فيني من وراي

حسبي الله عليهم

[صمتي حزن]

خظاك الشر ،،،ولكن من المفترض سحب الرخصه لمده 6 شهور على الاقل مب مخالفه