المساعد الشخصي الرقمي

مشاهدة النسخة كاملة : الشباب الي يدرسون في امريكا بغيتكم اشوي


بوطويشم
04-09-2009, 06:51 PM
السلام عليكم ورحمة الله وبركاته

اشحالكم عساكم ابخير

يالربع بغيت اسألكم إذا في حد يعرف مكتب في الدوحه يجيب لك القبول من الجامعات في امريكا لأني سمعت انه في واحد

وفي مكتب بعد في طريق سلوى مريته ولاكن قالي يجب لك من بريطانيا فقط

فاياليت الي يعرف لا يبخل علينا

والله يعطيكم العافيه
بوعلي-Qtr
04-09-2009, 07:10 PM
اتوقع سفريات ريجنسي يرتبلك ..
لانه عنده قسم خاص حق العلاج ..
كلمهم وشوف ..
ahmed jasim
04-09-2009, 10:25 PM
أختار أي جامعة وراسلها بيرسلون لك القبول فى خلال أسبوع أذا أوراقك كاملة
http://www.education.gov.qa//hei/universities/nu/National_list_2007-2009.pdf
تحداني
04-09-2009, 10:56 PM
.. انا تحت امرك ...
ما عليك سوى تختار الجامعه .. والمكان .. والبلد ..
والقبول سوف يكون عندك بلا مقابل سوى الدعاء ..
The Master
04-09-2009, 11:24 PM
هلا ومرحب اخوي

بالنسبة للي تبغيه..كنت بجوابك واقول لك عن اللي في طريق سلوى اسمهم idp
بس انت تقول مريت عليهم؟ هم عند دوار مدماك جنب وكاله استون مارتن وسكودا.
لان هم اللي خلصوني حق استراليا...فا شوف اسئلهم عن امريكا يمكن يقدرون يسوون شي
وفي عندك سفريات المناعي اللي في شارع الكهربا شوفهم يمكن يقدرون يسوون لك شي..
بس نصيحة اذا بغيت خلص مورك لحالك ابرك وراح يكون اسرع واضمن..
وكلها ايميل وانتهت السالفه..اللهم تعرف تراسل من وايش تقول لهم وخلاص

وبالتوفيق خيو
تحداني
04-09-2009, 11:40 PM
هلا ومرحب اخوي

بالنسبة للي تبغيه..كنت بجوابك واقول لك عن اللي في طريق سلوى اسمهم idp
بس انت تقول مريت عليهم؟ هم عند دوار مدماك جنب وكاله استون مارتن وسكودا.
لان هم اللي خلصوني حق استراليا...فا شوف اسئلهم عن امريكا يمكن يقدرون يسوون شي
وفي عندك سفريات المناعي اللي في شارع الكهربا شوفهم يمكن يقدرون يسوون لك شي..
بس نصيحة اذا بغيت خلص مورك لحالك ابرك وراح يكون اسرع واضمن..
وكلها ايميل وانتهت السالفه..اللهم تعرف تراسل من وايش تقول لهم وخلاص

وبالتوفيق خيو




.. يا هلا ابعليان ..

عليان مكتب الاي دي بي ..
خلاص قفلوه .. وما عاد في لا نوره .. ولا منوره ..
والكل راح ..

لا اتعلم اعيالنا على المكاتب ...والسفريات ..
وياخذون من اعيالنا 2000 اريال على الفاضي ..
كلها اوراق ومراسلات وما محتاجه اي شئ ..


هذا ب\ل ما تقول له تعال انا بسوي لك كل شئ ..
تقول له هالكلام ..

انت ساعات تكون وايد مفيد ..
وساعات تكون كلش مو مفيد ..


انا ادري عليان انت مشغول ..وما عندك وقت ..
كنت اتغشمر معاك ...


عموما .. مراسله الجامعات .. بسيطه ..
وانا واخونا .. صاحب الطلب راح نتساعد مع بعض ..


شكلي بفتح مكتب خااااااا ص.. وبربح من وراكم ملايين ..
السالفه فيها بزنس :secret:



الله يسعدك يارب :)


ملاحظه هامه جدا لعليان...


لو سمحت مره ثانيه لا تكتب ابنفس لوني ..
انت ما اتعرف ان الناس ابعالم المنتديات كل من عنده لون يعزه ههههههههههههههه
في واحد قال لي على الخاص اتمنى تغير اللون .
. لانه لون شخص يعز عليه ...:omen2:


بيهاوشونك عليان ..
وكفايه هاوشوني انا
The Master
04-09-2009, 11:54 PM
اهلين وسهلين ب تحداني الزمن

القديم سكروه بس افتحوا واحد جديد نفس المكان ونفس الاسم بس تعريف ثاني وانا على اساس جاي من جهة عملي هم خلصوا لي الفيزا والجامعه (لا وانا اللي مخلص كل شي اللهم هم اطبعوا الاوراق وكملوا اخر الخطوات احم)
والله ودي انفعه لكن الجامعه مب مخليه لي وقت اسوي شي حتى مب لاقي وقت افكر (قوية احم)

واذا انتي بتنفعينه بيض الله وجهك ماقصرتي وانا حاضر..وفيج الخير (اهم شي فيفتي فيفتي احم)

بخصوص نفس لوني؟؟ يبا هذا النيو لوك حقي..ركزي عالصورة الرمزية والتوقيع
والسموحة انا موقع مع الشركه المنتجه فا ماقدر اغير الحين
انتظري لين ينتهي العقد وبعدين باغير احم

من يهاوشني؟؟؟ يبا انا محد يقرب صوبي...لاني حبيب الكل

اهم شي سيري على موضوعي توني منزله في الخيمة الرمضانيه
حركات التفهي في رمضان (مابقى موضوع ماقال عن موضوعه احم)

بخصوص شوشرنا صاحب الموضوع
السموحة خيو
واتمنى ان افدناك (ماظنيت احم)
تحداني
05-09-2009, 12:04 AM
... اهم شئ في ردك ..

تغير اللوك .. والصوره الرمزيه والتوقيع ..
ولا بعد اموقع عقد ما شاء الله ..

واخيرا صرت حبيب الكل ..

من قدك يا عليان ..
في يوم من الايام القديمه كنت تكتب هنا وهناك ..
والكل يقول عليان اشفيه .. واليوم صرت من الاكباريه ..

عموما عليان لا تتكبر علينا ..
متى ما احتجنا شئ سير علينا ..( احم احم احم )


عليان بخصوص ما عندك وقت اتفكر ..
هذا جدا واضح .. واكبر دليل نشاطك الخرافي ( احم احم ) ما شاء الله ..
في المنتدى .. عليان لا اتجذب .. الله يقطك في النهار ههههههههههههههه

قول ما اقدر اساعدك ..
قول اسمح لي ..
قول اي شئ ..



الله يوفقك يارب ..
وصاحب الموضوع قلبه كبير وما يزعل ..

وما يدقق واجد انه خرجنا برا الموضوع ..

المهم لا تطلع برا الموضوع ..
خايفين .. على الموضوع لا يروح سلــه المهملـــــــ ( الله يعزكم )



الله يسعدك يارب
بوطويشم
05-09-2009, 01:43 AM
حياكم الله يالربع

والله ماقصرتو وبيض الله وجهكم

وبالنسبه للمحل الي في سلوى كل ماأمره يكون مسكر مسكر مادري متى يفتحون والشباب قالو لي انه بس بريطانيا

ويالربع ماأظن انه السفريات يسوون شي لأنه موب إختصاصهم ولو بيسون بيانصبون عليك بالسعر لأنه السالفه كلها ماتكلف 600 ريال بس

واخذو راحتكم يالربع الموضوع موضوعكم :)
واخوي تحداني الزمن شيك الخاص يالغالي :)
ANONYMOUS
05-09-2009, 01:59 AM
الاخت تحداني الزمن ماقصرت.. ومجانا

واذا تبي برايفسي..

اسألها ع الطريقه شلون

والله يسهل عليك
بوطويشم
07-09-2009, 02:12 AM
مشكور اخوي على مرورك