تسجيل الدخول

مشاهدة النسخة كاملة : ::: حركات التفهي في رمضان:::الاحم الثالث::new


The Master
04-09-2009, 10:51 PM
والاااااان وبعد طوووول انتظاااااار نعوووود عليييييييكم (اشدخل عليكم؟؟ امحق لغه ياشيخ)

يالله حيهم جماعة الربع (جماعة الربع؟ لا اللغه رايحه فيها احم)

ادري اني طولت عليكم في طرح حركات التفهي (اشدعوة حد ناطرك اصلا؟)
(خبركم الجامعه وسندارتها)
وانكم على شغف لمتابعه السلسلة التيفهيه(اي هين)
وانا عارف صدقوني عارف ان النسوان احتلوا الخيمة الرمضانيه..مابقى حد ماحط اصحنه
لا وكل دقيقتين تلقى صحن ولا طبق مطروح؟؟(حتى الشنبات حطوا اطباق احم)
يامال العافيه لهالدرجة فاضييين عمل؟ (لحد يسمعنا بس احم)

بما ان هذا هو الثالث
وعلى قولتهم اللي ماله اول ماله تالي (بخصوص)
هنا الرابط للموضوع الاول وكان عن التراويح

::حركاااات التفهي في رمضان:: احم (http://www.qatarshares.com/vb/showthread.php?t=292164)

وهنا الثاني وكان عن المسلسلات

::حركات التفهي في رمضان::الاحم الثاني (http://www.qatarshares.com/vb/showthread.php?t=292925)

على العموم اليوم راح نتكلم عن حركة من حركات التفهي في رمضان
ومثل ما انتوا عارفين الهدف من طرحي هو النقد
وان الناس تنتبه لهذا الخطأ وتواريه وتحاول تصلحه واذا شافت انه شي عادي تبقى في النهاية وجهة نظري...

ايميجن ذيس (يعني تخيل هالموقف)

نهار رمضان...عالساعه وحده ونص الظهر
وفي عز الحر...والشمس ماعطتك انجل(يعني زواية) على العلبه..وراجع من الدوام...وعطشان حدك...وجوعان مدك
...ومشغل الراديو...الناس مسابقات ومشاركات وانت فاج حلجك مفهي..سرحاااان ياولد..
وصلت البيت...دخلت الغرفه...المكيف شغال من الصباح...الغرفه مثلجه حدها...ريقك نااااشف...
ويضرب فيك المكيف...تبغي تبلع ريقك منت بقادر الهوا نشفه(حشى معاناه هذي احم)...
وشوي والا تلمح السرير...شكله بااارد....ونااااعم....ولييييين....ودك اتقلب فيه...وتنخش داخل اللحاف (فديتك بس)
شي طبيعي تبغي تنااااام وانته صاحي من الصبح
وارمضان مب مخليك تنام عدل بالليل...مو الدوحة تبتدي الحياة بالليل عقب التراويح...
وعقبها يجي السحور...وصلاة الفجر...ودوام...
يعني بالليل مافي امل تنااام لك كم ساعه على بعضها عدل...

تحط راااسك تبغي تنام...تتذكر ان وراك صلاة العصر...وكلها ساعه وشي ولازم تصحى...
تحط المنبه (عندك خيارين)
الاول: تحطه على الاقامه الا كم دقيقة يعني لما تصحيك وتشوف مافي وقت تتوضى وتلحق عليهم فا تقول بنام لي شوي لان مافي مجال اللحق على الجماعه..
والثاني: تحط المنبه قبل الاقامه بربع ساعه لكن
تحط الجوال بعيد ولا تحت اللحاف عشان الصوت ماينسمع ولا تحط منبه صوته لك عليه يعني مايهز طرف..
وفي منهم مايعرف وشو منبه اصلا وهذول خارج الحسبه احم

طبعا اللي كان نايم وكمل عالدعسه...في منهم من يصحى قبل المغرب بدقايق...حتى الفطور مايشتهيه من شبعه النوم

ومنهم من يسحب على الفطور الى مابعد الفطور ويصحى وقد الناس افطرت واشبعت
لا وتعال شوف شكله...
الخدود واصله سره من كثر ماعذب المخده..هي تقول له ارحم حالي بس خلاص ماقدر اتنسم. فج فج..احم

وفئه هداها الله تاخذ اجازه او هي تكون في اجازه..تعال شوف جدولها

يصحى مع الفطور او عقبه على حسب متى نام
وعقب مايصحى يكون قاااعد لييين الساعه 8 ولاا 9 الصبح وبعدها يناام...يعني سلم على الظهر والعصر ويمكن المغرب...
عاد شوف في ايش كان مشغول هالفترة...الله العالم

انا مش ضد النوم ابدا...وخاصة هذي اللي عقب الدوام لانها مريحه جدا
لكن باعتدال مثلا ساعه او ساعه ونص على حسب..لان 20 دقسقه كافيه للجسم انه يستعيد حيويته بعدها..

والاسباب للي ذكرته فوق كالتالي...

- ضياع وقتك كصائم في النوم وعدم استغلاله في اعمال الخير
- قلة في قرآءة القرآن وانت صائم ما فيه الاجر العظيم
- قراءة الكتب المفيدة ومنها السيرة النبوية والاحاديث ودراستها
- ضايع الصلوات وخاصة الجماعه اللي تضاعف فيها الاجر في رمضان..ومنها العصر والفجر..قال رسول الله(من صلى البردين دخل الجنه)
- ماراح تحس انك صايم ولا راح تحس برمضان وفوائده..وبيعدي عليك كسائر الايام...
- الضرر لصحتك خاصة اللي ماينامون الليل لانه اهم شي نومه الليل
- قلة الجلوس مع الاهل...الناس نايمين وانت صاحي وهم صاحين وانت نايم

اتمنى اني كنت خفيف عليكم
ولحد يقول لي الكلام واجد
اقروه وراح تشوفونه خفيف وظريف(مشكلة الثقه)

اهم شي على اساس بعض الاخوان لعبتهم التركيز في العنوان وعدم ذكر كلمة بعض(يخلون الموضوع هداهم الله ويدورون على كلمة "بعض" احم)

وانتظر ارائكم..
ولاهنتوا على المرور
ويالله حيهم
ودي أكون
04-09-2009, 11:24 PM
محد رد عليك غيري احم

عيزانه اقرا خبرك رمضان الواحد ماله خلق يقرا اي شي احم

بس حبيت اعبرك شوي احم :tease:
The Master
04-09-2009, 11:32 PM
محد رد عليك غيري احم

عيزانه اقرا خبرك رمضان الواحد ماله خلق يقرا اي شي احم

بس حبيت اعبرك شوي احم :tease:

:waiting: :thumbdown: هم

وانا اقول غريبه..مب نفس العاده..كيف حد رد بهالسرعه..اكيد هذا من المعجبين..لكن اخرتها
طالع....
MY COMMENT IS NO COMMENT
يا حبكم حق الترييح
على العموم
شكرا المبالاة والاامبالاة (توني حافظ كم كلمة عربي احم)
يا مرحبا بج
ومرة ثانيه اقري والكلام شكله واجد بس هو مب واجد (نظريه فيثاغورث احم)
سداوي&مدريدي
05-09-2009, 12:15 AM
أخوي أحم أقصد "AliAn" :telephone:

الله يعطيك العافيه :shy:

مايصير اقرى الأحم الثالث على طول

لازم أقرى الأحم الأول والثاني بعدين الثالث :victory:
The Master
05-09-2009, 12:29 AM
أخوي أحم أقصد "AliAn" :telephone:

الله يعطيك العافيه :shy:

مايصير اقرى الأحم الثالث على طول

لازم أقرى الأحم الأول والثاني بعدين الثالث :victory:

يالله خذ :swoon2:
ليش هالتحطيم يعني؟!

الا تعال
نسيت ماقلت لك

يه يه وش هالتقرير العجيب في المجله
منت بهين والله
ليش ماتنزل لك يوميات خبرك نتنافس؟! (تحس واحد محتر احم)
احلى شي الهندي حق المعصره..وقحفيته مالها حل..ميالي

طيب يالله انطرك
ونشوف اخرتها معاكم اقرى واذا رجعت زين احم

تشكر على المرور خيو ونمزح معاك يالمدريدي
مريديان
05-09-2009, 01:04 AM
والله صج أخوي عليان,,اذا نمنا مانحس برمضان ونضيع الوقت كله بالنوم,,,واذا مانمنا نحس بتعب ومالنا بارض بعدها نسوي شي,,

حلاته الواحد ينظم وقته ونومه,,علشان مانضيع الاجر وفضل رمضان,,


وبخصوص اللي بيقرا وبيرجع ترى فهمت قصدك,,

والله يعطيك العافية على مواضيعك التفيهية,,,
The Master
05-09-2009, 11:15 AM
والله صج أخوي عليان,,اذا نمنا مانحس برمضان ونضيع الوقت كله بالنوم,,,واذا مانمنا نحس بتعب ومالنا بارض بعدها نسوي شي,,

حلاته الواحد ينظم وقته ونومه,,علشان مانضيع الاجر وفضل رمضان,,


وبخصوص اللي بيقرا وبيرجع ترى فهمت قصدك,,

والله يعطيك العافية على مواضيعك التفيهية,,,

هلا ومرحب اختي مريديان

تشكرين على المرور والتعليق الطيب

وبخصوص بخصوص احم

ويعافيك يارب
والعفو
ويامرحبا بك
ولاهنتي
The Master
05-09-2009, 09:57 PM
الا وين بوعبدالله؟؟ كان يسأل عن الموضوع وماشوفه مبين؟

وانتوا اللي بس تقرون وتطلعون...اي انتوا شنو مب عاجبكم (مسكين قام يكلم روحه احم)
يا مرحبا بكم والله
اهم شي طلتكم واعجابكم بالموضوع والاستفاده منه
ولاهنتوا
ناصر العمادي
06-09-2009, 03:14 AM
الا وين بوعبدالله؟؟ كان يسأل عن الموضوع وماشوفه مبين؟

وانتوا اللي بس تقرون وتطلعون...اي انتوا شنو مب عاجبكم (مسكين قام يكلم روحه احم)
يا مرحبا بكم والله
اهم شي طلتكم واعجابكم بالموضوع والاستفاده منه
ولاهنتوا

هلا والله الغالي

أعذرني طال عمرك أنشغلت هاليومين ..

على راسي يالغالي

يشهد ربي أول مادخلت الخيمه على طول جيت أدور موضوعك ..:nice:

شوي وأقرا الموضوع :nice::nice:

اللي يطل على الموضوع ومايقرا بنعطيه مخالفه :nice::nice:
أم جود
06-09-2009, 07:31 AM
تدري الموضوع حده واااو

بس انا ماعندي تعليق

قريته علشان استفيد واوسع خاطري .. يعني 2 في 1

والله هالاحم الوحيد اللي قريته ووايد عجبني الحين بروح اشوف الباقي

وصدقني احيانا القراءة بدون رد تكون افيد من الرد ..

خير الكلام ماقل ودل ..

اذا كان الكومنت من فضة فالنو كومنت من ذهب

:)

تسلم اخوي .. عالكلام الطيب

انا اوافقك فيه مليون فالمية
سماء الرياض
06-09-2009, 08:09 AM
يعطيك العافية كلام ولا اروع
شكشوكه
06-09-2009, 10:29 AM
الله يعطيك العافيه عليان على الموضوع :nice:
وأنا حبيت أقول لك اني لاحظت على مواضيعك كلها انها فعلا هادفه وتخلي الواحد يراجع نفسه ويشوف الأخطاء اللي ممكن يكون سواها....وهذا كله بأسلوب رائع ووظريف
وبأنتظار الاحم الرابع:secret:
ناصر العمادي
06-09-2009, 01:15 PM
هلا والله مستر عليان احم

والله أنك صادق ياخوي بكل كلمه كتبتها

للأسف في ناس فاهمين رمضان بصوره خاطئه

فاهمين أن رمضان سهر ولعب وفرفشه ونوم وبس

نسوا أن رمضان عباده ثم عباده وبس

بكل أسف وايد اللي يسهرون للصبح وينامون وينسون صلاة الظهر والعصر ..طيب أيش الفايده من الصيام بلا صلاه ؟؟
أنا أنام بعد صلاة الصبح ولكن أصحى لصلاة الظهر وأظل جالس ومانام وأقضي وقتي في قراءة القرآن << القصد هو اللي مب قد السهر لايسهر ويضيع صيامه

طبعا اللي يروحون الدوام معذورين لو ناموا لكن بعد مهما كان مافي شي يستحق أنهم يضيعون صلاتهم عشانه << ولكل أنسان أجره من الله على قد تعبه
يعني اللي يروح الدوام ويتعب وووو ويحافظ على صلاته وعبادته لابد أن له أجر أكثر من الللي جالس فليش نضيع الخير اللي يجينا من رب العالمين من أجل النوم او اللعب او غيره ..

جزاك الله كل خير يالغالي على التفهي وفي ميزان حسناتك أن شاء الله

أقول وراك شي اليوم او بكره << عازمك على الفطور ..لاتقولي أنا في أستراليا ومادري أيش خذلك طياره وتعال تفطر معاي وعين من الله خير وبعدها أرجع ترى أستراليا جنبنا حذفة حصاه .. خلاص نقول تم واخلي المره تجهز الفطور :nice::nice:

تسلم أيدك يالغالي على النصايح الرائعه

الله يوفقك وينور دربك ويشرح قلبك بالأيمان وطاعة الرحمن وحفظ القرآن وصوم رمضان والفوز بأعالي الجنان أن شاء الله

كل الشكر والتحيه والتقدير والأحترام مني لك
امل الحب
06-09-2009, 04:45 PM
هههههههههههههههههههههههههههههه .. عليك تعليقات عجيبة ..

هالسنة مالنا في حركات التفهي .. لا السهر ولا عوار الراس خبرك دوام الصبح :rolleyes2: مو شي الواحد قاعد والا داخل له اجتماع والا العالم يكلمونه وويهه شطول"الله يعزك تقول زنوبة مقاس 90 :secret:"

اما الي يسهرون هذولا حالتهم صعبة وفاهمين رمضان غلط .. الله يعينهم على نفسهم ..

منهم الي عباله لاصام عن اكله وشربه يعني صايم .. مايدري بالاشياء الثانية وياكثر الي يتساهلون بالصلاة ..

شكرا مستر عليان :omen2:
The Master
06-09-2009, 06:04 PM
تدري الموضوع حده واااو

بس انا ماعندي تعليق

قريته علشان استفيد واوسع خاطري .. يعني 2 في 1

والله هالاحم الوحيد اللي قريته ووايد عجبني الحين بروح اشوف الباقي

وصدقني احيانا القراءة بدون رد تكون افيد من الرد ..

خير الكلام ماقل ودل ..

اذا كان الكومنت من فضة فالنو كومنت من ذهب

:)

تسلم اخوي .. عالكلام الطيب

انا اوافقك فيه مليون فالمية

هلا ومرحب اختي ام الجود
تشكرين على المرور والطله الجميله
اهم شي الموضوع اعجبك ويكون منه فايده (1*2) احم

احلى شي الكومينت من فضة والنوكومينت من ذهب ...ترتيب

اكيد وكلامك صحيح
لكن احيانا الواحد يبغي اراء الغير(خاصة اللي يعزون عليه بارائهم) في ماقدم
ويبغي يشوف او مقدار نجاحه والعكس صحيح

بس لبغيتي الصدق الحمدلله لاني لما اقدم شي اكون راضي عنه...واهتم انه مايكون مجرد كلام..يعني تعبي اسطر وصفحات...وسوالف ضحك مامنها فايده غير تضيعه للوقت...ابغي الناس تستفيد ومنها تستانس وتبتسم..

ولاحظت نجاحي او الاهتمام بمواضيعي من عدد المشاهدين اللي يمرون عليها مقارنه بالغير بغض النظر عن الردود لان مثل ماقلتي ناس كثيرة تحب عدم الرد من الرد...

واختي تشجيعكم اكيد يهمني
ويامرحبا بكم دوووم
ولاهنتي على كلامج وتواجدج
The Master
06-09-2009, 06:06 PM
يعطيك العافية كلام ولا اروع

هلا ومرحب سماء الرياض

ويعافيك يارب
اشكرك على تواجدك ومرورك

ويامرحبا بك
The Master
06-09-2009, 06:10 PM
الله يعطيك العافيه عليان على الموضوع :nice:
وأنا حبيت أقول لك اني لاحظت على مواضيعك كلها انها فعلا هادفه وتخلي الواحد يراجع نفسه ويشوف الأخطاء اللي ممكن يكون سواها....وهذا كله بأسلوب رائع ووظريف
وبأنتظار الاحم الرابع:secret:

هلا ومرحب ب شكشوكه (بخصوص الاسم؟؟ دلع بنتي احم)
ويعافيك يارب
ملاحظتك على عيني وراسي..ولي الشرف ان مواضيعي توصل لكم..وهذا هدفي من طرحها
والحمدلله انها لاقت استحسانكم

بخصوص الرابع بس؟؟!!
والله مايندرى لان الثالث وخذت وقت في طرحه
لانشغالي بالجامعه وعدم توافر الوقت..لان هالمواضيع تحتاج وقت وتنسيق
لكن مايندرى..اذا ربي سهل ابشروا
خلنا نشوف التفاعل في هالموضوع
وبعدين نفكر (تحس الثقه راحت احم)

ولاهنتي على التواجد والكلام الطيب
شرفني تواجدك
ويامرحبا بج
The Master
06-09-2009, 06:18 PM
هلا والله مستر عليان احم

والله أنك صادق ياخوي بكل كلمه كتبتها

للأسف في ناس فاهمين رمضان بصوره خاطئه

فاهمين أن رمضان سهر ولعب وفرفشه ونوم وبس

نسوا أن رمضان عباده ثم عباده وبس

بكل أسف وايد اللي يسهرون للصبح وينامون وينسون صلاة الظهر والعصر ..طيب أيش الفايده من الصيام بلا صلاه ؟؟
أنا أنام بعد صلاة الصبح ولكن أصحى لصلاة الظهر وأظل جالس ومانام وأقضي وقتي في قراءة القرآن << القصد هو اللي مب قد السهر لايسهر ويضيع صيامه

طبعا اللي يروحون الدوام معذورين لو ناموا لكن بعد مهما كان مافي شي يستحق أنهم يضيعون صلاتهم عشانه << ولكل أنسان أجره من الله على قد تعبه
يعني اللي يروح الدوام ويتعب وووو ويحافظ على صلاته وعبادته لابد أن له أجر أكثر من الللي جالس فليش نضيع الخير اللي يجينا من رب العالمين من أجل النوم او اللعب او غيره ..

جزاك الله كل خير يالغالي على التفهي وفي ميزان حسناتك أن شاء الله

أقول وراك شي اليوم او بكره << عازمك على الفطور ..لاتقولي أنا في أستراليا ومادري أيش خذلك طياره وتعال تفطر معاي وعين من الله خير وبعدها أرجع ترى أستراليا جنبنا حذفة حصاه .. خلاص نقول تم واخلي المره تجهز الفطور :nice::nice:

تسلم أيدك يالغالي على النصايح الرائعه

الله يوفقك وينور دربك ويشرح قلبك بالأيمان وطاعة الرحمن وحفظ القرآن وصوم رمضان والفوز بأعالي الجنان أن شاء الله

كل الشكر والتحيه والتقدير والأحترام مني لك

هلا وكل الغلا بالغالي بوعبدالله
يا عيني عليك وش هالرد الجميل والروعه
اشكرك على اضافتك الطيبه وبارك الله فيك وجزاك الله خير

تدري زين انك رديت عقب ردك انك بتقرا وبترجع ولا كان سويت لك سالفه احم :secret:

يا عيييييني عازمني على الفطور؟؟
ترا انا ما افرط شي بلاش...لعبتي بو بلاش
وافا عليك بادفع التذكرة 6000 ريال سياحية واجيك وافطر عندك وارجع..عادي (اي هين احم)

بارك الله فيك وفي مالك وفي هلك والله يجزاك خير على العزومه
وابشر ان شاء الله لرجعت الدوحة على شهر 12 مع اجازة راس السنة...ونمرك خيو ونتشرف بمعرفتك

ولك بمثل الدعاء يارب

بجد يا خوي افرح لما اشوف تواجدك في المنتدى بشكل عام وفي مواضيعي بشكل خاص
عسى ربي يسعدك دوم دنيا واخره وعساك ماتواجه الشر ابد يارب

لاهنت على تواجدك ومرورك واعزومتك
ويامرحبا بك

بخصوص مستر؟؟ ارحم حالك يالشيبه احم
The Master
06-09-2009, 06:25 PM
هههههههههههههههههههههههههههههه .. عليك تعليقات عجيبة ..

هالسنة مالنا في حركات التفهي .. لا السهر ولا عوار الراس خبرك دوام الصبح :rolleyes2: مو شي الواحد قاعد والا داخل له اجتماع والا العالم يكلمونه وويهه شطول"الله يعزك تقول زنوبة مقاس 90 :secret:"

اما الي يسهرون هذولا حالتهم صعبة وفاهمين رمضان غلط .. الله يعينهم على نفسهم ..

منهم الي عباله لاصام عن اكله وشربه يعني صايم .. مايدري بالاشياء الثانية وياكثر الي يتساهلون بالصلاة ..

شكرا مستر عليان :omen2:

هلا ومرحب ب امل الحب
نعجبك في التعليقات افا عليك حاضرين
وبخصوص الزنوبه احم لا ومقاس 90 حاسبها بالملي

تشكر على التعليق الجميل والاضافه

ويامرحبا بك
ولاهنت على التواجد

بخصوص التوقيع اللي حاطه موسع الصفحه اشكبر
غصب يعني يقولون انك اقدم من راعي المنتدى
لا وسنة 1970؟؟ ماخبر في نت حتى؟؟
فا قوية وارحم حالك بس
احم
المياسة78
06-09-2009, 06:32 PM
امممممم قريته كله عشان ما تهاوشني


كلام جمييييييييييييييييييييل مشكووور على النصايح الي جات على اوجع
سداوي&مدريدي
06-09-2009, 07:31 PM
يالله خذ :swoon2:
ليش هالتحطيم يعني؟!

الا تعال
نسيت ماقلت لك

يه يه وش هالتقرير العجيب في المجله
منت بهين والله
ليش ماتنزل لك يوميات خبرك نتنافس؟! (تحس واحد محتر احم)
احلى شي الهندي حق المعصره..وقحفيته مالها حل..ميالي

طيب يالله انطرك
ونشوف اخرتها معاكم اقرى واذا رجعت زين احم

تشكر على المرور خيو ونمزح معاك يالمدريدي

ههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههه

حلوه منك أحم :shy:

فديت خشمك والله انت العجيب :victory:

انا قلت لك مب قاري الموضوع لين اقرى الحلقه الأولى والثانيه

صار مسلسل (( أحم )) :tease:

تصرف :shy:
The Master
07-09-2009, 12:26 AM
امممممم قريته كله عشان ما تهاوشني


كلام جمييييييييييييييييييييل مشكووور على النصايح الي جات على اوجع

هلا ومرحب اختي المياسه 78

اي لا عصبي تراني ابد ما اللاعب...(خف علينا بس احم)

اشكرج على تواجدج ويامرحبا بج
اهم شي انه اعجبكم ونال رضاكم

ولاهنتي على قراية الموضوع كله احم
The Master
07-09-2009, 12:29 AM
ههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههه

حلوه منك أحم :shy:

فديت خشمك والله انت العجيب :victory:

انا قلت لك مب قاري الموضوع لين اقرى الحلقه الأولى والثانيه

صار مسلسل (( أحم )) :tease:

تصرف :shy:

؟؟؟؟؟ بخصوص

تصدق كنت باسوي عليك الاختبار والبحث اللي انا شغال عليه الحين
بس مشكلتك ردك كله ههههههههههههه
فا ماراح ينفع او ماراح يجيب لي نتيجه احم

اعنبووووووه كله هذا وللحين ماقريت لا الاول ولا الثاني
اقول اخلص لان الرابع جاي بالطريق :omen2:
فا عجل ولا بيكون عليك واجد وماراح تفلح عقب :rolleyes2:

لاهنت عالتواجد
وفكرة مسلسل ....مشروع ها؟؟ (مايصدق الاخ )

احم


احم
راجية الرحمة
07-09-2009, 03:01 PM
:nice:

والله أنك سردت واقعنا ، طبعاً ليس الكل
يعني أغلبية الناس مثل ماذكرت ، ياقلهم اللي يعارضون ( احمك الثالث )
:)
يعطيك العافية ، ولاهنت على الحلقة الثالثة
ووننتظر الزود منك

بس قبل لأنهي ردي نعرف أن كلمة أحم تنطق في وقتها ماهو كل حزة
:secret:
خاطري أعرف سرها
:eek5:
ناصر العمادي
07-09-2009, 09:52 PM
هلا وكل الغلا بالغالي بوعبدالله
يا عيني عليك وش هالرد الجميل والروعه
اشكرك على اضافتك الطيبه وبارك الله فيك وجزاك الله خير

تدري زين انك رديت عقب ردك انك بتقرا وبترجع ولا كان سويت لك سالفه احم :secret:

يا عيييييني عازمني على الفطور؟؟
ترا انا ما افرط شي بلاش...لعبتي بو بلاش
وافا عليك بادفع التذكرة 6000 ريال سياحية واجيك وافطر عندك وارجع..عادي (اي هين احم)

بارك الله فيك وفي مالك وفي هلك والله يجزاك خير على العزومه
وابشر ان شاء الله لرجعت الدوحة على شهر 12 مع اجازة راس السنة...ونمرك خيو ونتشرف بمعرفتك

ولك بمثل الدعاء يارب

بجد يا خوي افرح لما اشوف تواجدك في المنتدى بشكل عام وفي مواضيعي بشكل خاص
عسى ربي يسعدك دوم دنيا واخره وعساك ماتواجه الشر ابد يارب

لاهنت على تواجدك ومرورك واعزومتك
ويامرحبا بك

بخصوص مستر؟؟ ارحم حالك يالشيبه احم

جزاك الله كل خير على الكلام الطيب والذوق

عزيز وغالي أخوي عليان ..

وتشرف فيك وبأنتظارك بشهر 12 أذا الله أمد في عمرنا أن شاء الله

وأذا أنت ماتقدر تجي أنا أجيك لأستراليا ..:nice::nice:

وانا يشهد ربي أني لو ماشوفك يوم في المنتدى أفتقدك ..عسى ربي يحفظك ويرجعك بالسلامه يارب

بأنتظار الجزء الرابع بس لاتتأخر علينا << لاتعصب الحين وتقول عندي دراسه ومادري شنو :secret:
غير البشر
07-09-2009, 09:57 PM
احم واحم وثم احم :sneaky:


والله صح كلامك اخوووي عليان

الشعب ماخذين الصيام كله نووم <<<<< :secret:


المفروض يقسمها بين العمل والنوم والعباده ( عاد انه منهم احم )

موضووووع حلوو تسلم ايدك والله
غزلان
07-09-2009, 11:23 PM
ماشاء الله مركز على نقاط تتكرر كل شهر رمضان

النوم يمتلك حصه مب هينه من يومنا برمضان فعلا نخسر ساعات ثمينه لو تستغل للعباده افضل في هذا الشهر

جزاك الله خير
The Master
08-09-2009, 12:16 AM
:nice:

والله أنك سردت واقعنا ، طبعاً ليس الكل
يعني أغلبية الناس مثل ماذكرت ، ياقلهم اللي يعارضون ( احمك الثالث )
:)
يعطيك العافية ، ولاهنت على الحلقة الثالثة
ووننتظر الزود منك

بس قبل لأنهي ردي نعرف أن كلمة أحم تنطق في وقتها ماهو كل حزة
:secret:
خاطري أعرف سرها
:eek5:

هلا ومرحب اختي راجية الرحمة
تشكرين على المرور الطيب والتعليق الجميل
وعلى الاطراء ويامرحبا بج دوووم اختي

وبالنسبه للسؤال اللي قبل الختام
امممممم الحين انا في قيد تجربه وبحث وسويت كم عينه بس الظاهر توقيتي كان لك عليه فا يبغي لها وقت..احم

وان شاء الله مع الايام راح افصح عنها (اشفييييييييييه التشويق...ارحم حالك بس احم)

اشكرك للسؤال
تشكرين على المرور
ولاهنتي
ويامرحبا بج
The Master
08-09-2009, 12:23 AM
جزاك الله كل خير على الكلام الطيب والذوق

عزيز وغالي أخوي عليان ..

وتشرف فيك وبأنتظارك بشهر 12 أذا الله أمد في عمرنا أن شاء الله

وأذا أنت ماتقدر تجي أنا أجيك لأستراليا ..:nice::nice:

وانا يشهد ربي أني لو ماشوفك يوم في المنتدى أفتقدك ..عسى ربي يحفظك ويرجعك بالسلامه يارب

بأنتظار الجزء الرابع بس لاتتأخر علينا << لاتعصب الحين وتقول عندي دراسه ومادري شنو :secret:

هلا وغلو (غلو؟؟؟ لا فيني شي هاليومين احم)

والله انت الطيب وما قلنا الا الحق وتستاهل كل خير يالشيخ

هذي الساعه المباركه
يا مرحبا بك مليوووون مرحبا
انت بس قولي متى بتجي بمسج حتى وانا ابرز لك كل شي...نتشرف بجيتك وبمعرفتك يالله حيهم

وان كذلك اخوي شوفتك تسعدني والله يحفظك من كل شر (بخصوص انا قلبناها مغازل احم لا والمشكله بين شايب اللي هو انت وشباب اللي هو انا..عايش دور احم)

الاحم الرابع..اممم شكلي باطبع ردي لك اللي كتبته في الثاني وباحطه لك هنا..(عصبي ابو الشباب)

افا عليك بس ماطلبت شي خيو بوعبدالله
دامك انت الطالب فا انا المطلوب (اشدخل؟؟ احم)

وان شاء الله اذا ربي سهل وقدر ابشر
واشكرك على هالطله وعساها دوم يارب

ولاهنت
ويامرحبا بك دوووووم وكل يووووم
The Master
08-09-2009, 12:30 AM
احم واحم وثم احم :sneaky:


والله صح كلامك اخوووي عليان

الشعب ماخذين الصيام كله نووم <<<<< :secret:


المفروض يقسمها بين العمل والنوم والعباده ( عاد انه منهم احم )

موضووووع حلوو تسلم ايدك والله

احم واحم وثم احم :telephone: (وصل الكود والوعد هناك الشيخ احم)

ياالله حيهم..ومرحبا ب غير البشر (ها للبيع الاسم؟)

يا عينيي على اللي منهم..تعجبني الثقه والمتانه والقوة والسيطرة على الطريق (حشى سيارة احم)

الحلو وجودك وكلام الجميل
والحمدلله اعجبكم
هذا منكم واليكم والسلام عليكم(بااااااال مال اول بس اشدخله في الموضوع احم)

اشكرك تواجدك خيو
ويامرحبا بك دوووم
ولاهنت
The Master
08-09-2009, 12:33 AM
ماشاء الله مركز على نقاط تتكرر كل شهر رمضان

النوم يمتلك حصه مب هينه من يومنا برمضان فعلا نخسر ساعات ثمينه لو تستغل للعباده افضل في هذا الشهر

جزاك الله خير

هلا ب اختي غزلان
اشكرك على مرورك وتواجدك وتعليقك الطيب
والحمدلله ماقلنا شي جديد الا شي كنه حاسينه واكيد مرينا فيه والواحد لما ينصح القصد نفسه اولا وثم الناس..
والحمدلله على هالاساس تحسين كلامي يكون بسيط وواقعي وبعيد عن الحشو وباسلوب فرفوشي(مع ان هالكلمه شكلها بس يضحك)
وفي النهايه نبغي الاجر من النصيحة
ويجزاك بمثله
لاهنتي على المرور
ويامرحبا بج
البنـدري
08-09-2009, 01:20 AM
انا مثلك اتضايق من اللي ينامون لين بعد المغرب

وين كلام الرسول -صلى الله عليه وسلم- لما قال : ""‏ما زالت أمتي بخير ما عجلوا الفطور وأخروا السحور"‏

هاي معناته شنو..؟ :(

الله المستعان

لاهنت اخوي ع الموضوع الفلته
امل الحب
08-09-2009, 01:31 AM
هلا ومرحب ب امل الحب
نعجبك في التعليقات افا عليك حاضرين
وبخصوص الزنوبه احم لا ومقاس 90 حاسبها بالملي

تشكر على التعليق الجميل والاضافه

ويامرحبا بك
ولاهنت على التواجد

بخصوص التوقيع اللي حاطه موسع الصفحه اشكبر
غصب يعني يقولون انك اقدم من راعي المنتدى
لا وسنة 1970؟؟ ماخبر في نت حتى؟؟
فا قوية وارحم حالك بس
احم

:secret:

التوقيع من الواقع الرسالة موجودة في صندوق رسايلي :rolleyes2:..

وبخصوص الانترنت فهو كان موجود سنة 1969 وكان يستخدم للحروب حيث انه استخدم في ربط الاقمار الصناعية ببعض .. وكانوا يسمونه "أريانيت".. وبعدها اطلق للعامة من الباحثيين والجامعيين .. :)
The Master
08-09-2009, 07:52 PM
انا مثلك اتضايق من اللي ينامون لين بعد المغرب

وين كلام الرسول -صلى الله عليه وسلم- لما قال : ""‏ما زالت أمتي بخير ما عجلوا الفطور وأخروا السحور"‏


هاي معناته شنو..؟ :(

الله المستعان

لاهنت اخوي ع الموضوع الفلته

هلا ومرحب ب اختي المرسى
نورتي وشرفتي
واسعدني تواجدك..وتعليقك الطيب والاستدلال بحديث رسول الله صلى الله عليه وسلم

فلته؟؟ الله يسلمج كلج نظر (ماصدق حاله احم)

ويا مرحبا بج دووم
ولا انتي
The Master
08-09-2009, 08:07 PM
:secret:

التوقيع من الواقع الرسالة موجودة في صندوق رسايلي :rolleyes2:..

وبخصوص الانترنت فهو كان موجود سنة 1969 وكان يستخدم للحروب حيث انه استخدم في ربط الاقمار الصناعية ببعض .. وكانوا يسمونه "أريانيت".. وبعدها اطلق للعامة من الباحثيين والجامعيين .. :)

يااااااااااااااااااا ليل
انت شكلك قاصد توسع في الصفحة
لا لا اكيد...عارفك قاصد
اللي مايحط توقيع طوله مترين ويرد عليك في موضوعك يصير خير (علامه صار بزر احم)

خوفي واقع بس...ارحم حالك بس
اي مو سنة فارقة فا انت للحين خاش الرساله..
مشكلة التأليف...ماعلينا
تشكر على المعلومه...(اللي مايندرى عن مصداقيتها..) واحد حاقد احم)

تشكر على التواجد من جديد..بس يرحم والديك غير التوقيع...ولا قصره ولا سو اي شي
معرض الصفحه..يبغي لها شاشتين عشان يبين كامل...
نمزح معاك خيو

لاهنت على التواجد
ويامرحبا بك
وتابعنا يا بو 1970
لولو80
10-09-2009, 02:00 AM
هههههههههههههههههههههههههههههههههههههههههههههههههه ههههههههههه
والله كلامك روعة اضحك الله سنك ذبحتني
توصف شعوري وانا راجعة من الدوام

والله وسالفة الشمس صدددددق من قلب
لا وتنبط كبدي ان الشمس صوبي مو صوب السواق ااااااااااااااااخ بس متى يرحمونا من الدوام برمضان

شكرا ع موضوعك الخفيف دم
ناصر العمادي
10-09-2009, 03:28 AM
يااااااااااااااااااا ليل
انت شكلك قاصد توسع في الصفحة
لا لا اكيد...عارفك قاصد
اللي مايحط توقيع طوله مترين ويرد عليك في موضوعك يصير خير (علامه صار بزر احم)

خوفي واقع بس...ارحم حالك بس
اي مو سنة فارقة فا انت للحين خاش الرساله..
مشكلة التأليف...ماعلينا
تشكر على المعلومه...(اللي مايندرى عن مصداقيتها..) واحد حاقد احم)

تشكر على التواجد من جديد..بس يرحم والديك غير التوقيع...ولا قصره ولا سو اي شي
معرض الصفحه..يبغي لها شاشتين عشان يبين كامل...
نمزح معاك خيو

لاهنت على التواجد
ويامرحبا بك
وتابعنا يا بو 1970

عليان .. أمل الحب وحده مب واحد ...:secret::secret::secret:

بس هي مكبره الصفحه معاك حق ماصار توقيع هذا اللي حاطته :anger1::anger1:

أنسه أمل ممكن لو سمحتي يعني تصغرين التوقيع :anger1::anger1:

أسف أخوي الفاضل عليان بن أحم لدخولي عرض على السالفه :nice::nice:
The Master
10-09-2009, 12:27 PM
هههههههههههههههههههههههههههههههههههههههههههههههههه ههههههههههه
والله كلامك روعة اضحك الله سنك ذبحتني
توصف شعوري وانا راجعة من الدوام

والله وسالفة الشمس صدددددق من قلب
لا وتنبط كبدي ان الشمس صوبي مو صوب السواق ااااااااااااااااخ بس متى يرحمونا من الدوام برمضان

شكرا ع موضوعك الخفيف دم


هلا ومرحب اختي لولو80
عسى الابتسامه دوم على وجهك يارب
والحمدلله الموضوع والكلام اعجبك اختي
ولبغيتي الصدق الكلام المكتوب منا وفينا
يعني هو واقع ويصير كل يوم لكن حاولت اكتبه باسلوب ممتع ويشد القارئ وبين سطوره نصيحة وتعليق للخطأ والحمدلله وحده وفقني في الطرح
واعجبكم...(هم بعد انا خطير احم..بس محد مقدر :weeping: )

صدقتي الدوام في رمضان متعب...بس نفسيا مش جسديا..لان تبرمجنا ان حنا صيام فا حنا تعبانين...سالفة طويلة لكن حبيت اقول المعلومة..
الله يعينكم على كل خير يارب

العفو

لاهنتي على مرورج
ويامرحبا بج دووم
The Master
10-09-2009, 12:34 PM
عليان .. أمل الحب وحده مب واحد ...:secret::secret::secret:

بس هي مكبره الصفحه معاك حق ماصار توقيع هذا اللي حاطته :anger1::anger1:

أنسه أمل ممكن لو سمحتي يعني تصغرين التوقيع :anger1::anger1:

أسف أخوي الفاضل عليان بن أحم لدخولي عرض على السالفه :nice::nice:

هلو عيني هلو
يالله حيهم شيبة الشيبان بو عبدالله احم

وحدة؟؟ اممم مافرقت واجد...التحندي واحد فا هذا هو

اي والله ماصار توقيع..الظاهر هي مخططه لشي كبير..اممم اتوقع.. ها وش رايك؟:telephone:

تعجبني انت "لو سمحتي و فيس غاضب :anger1: " خطير

افا عليك المكان مكانك ويامرحبا بك دوم وانت الكبير فينا فا مانقدر نردك احم:tease:

بس عجيب عليان بن احم (منت بهين ها احم)

يامرحبا بك دوووم خيو

وانتظرني بموضوع ان شاء الله راح يعجبك
عنوانه
....قال المسؤول قال المواطن.....
ندش جامد احم