مشاهدة النسخة كاملة : قبيلة سعودية تحدد مهر الزواج بـ 15 ألف ريال وتعاقب المخالفين
wesam_82
05-09-2009, 01:49 AM
http://i.aksalser.com/u090812/400069567.jpg
وضعت قبيلة سعودية حدا لارتفاع تكاليف الزواج الباهظة في المملكة من خلال فرض جملة من القواعد المتضمنة تحديد المهر، وفرض عقوبات على المخالفين في بلد يرتفع فيه عدد العوانس بشكل سنوي لعدة أسباب في مقدمتها التكاليف الباهظة.:nice:
ونجح مشائخ وأعيان قبائل العمور بمحافظة القنفذة بتحديد مهور الزواج بـ 15 ألف ريال للبكر و7500 ريال للثيب، وذلك للتيسير على الشباب وتشجيعهم للإقبال على الزواج والقضاء على العنوسة في المجتمع، وفقا لصحيفة "الرياض" المحلية.
كما تم تحديد مبلغ الذهب بعشرين ألف ريال، وإلغاء عادات السمية، ومعاقبة ولي الأمر المخالف لذلك بخمسة آلاف ريال، وتم تحديد عقوبة الصداق والذهب والمقاضي وحضور المطربة وأي عمل خلاف الشروط من الدرجة الأولى بخمسة آلاف ريال إلى عشرة آلاف ريال في المرة الأولى تضاعف كلما تكررت المخالفة.
كما تم الاتفاق على إقامة حفل الزواج بدون مكبرات الصوت والمطربات وأدوات الموسيقى.
وجاءت الشروط الجديدة بعد توجيه شيخ القبيلة محمد بن حمد العمري دعوة لبحث المشكلات الطارئة في مناسبات الزواج من أجل التيسير على الناس وتسهيل أمورهم رغبة في حصول شباب وأبناء القبيلة ومن رغب من العموم على الزواج بشكل ميسر ودون معاناة.
ولقيت دعوة الشيخ مباركة من نواب وأعيان القبيلة، واستحسانا في أوساط الشباب.
وأوضحت نتائج مسح ديموجرافي للمملكة العربية السعودية في العام 2007 أن عدد العوانس في المجتمع السعودي بلغ أكثر من 180 ألف عانس، بعد أن صنفت نتائج المسح العانسات على أنهن اللواتي يبلغن من العمر 30 عاما فما فوق.
يالله يابنات قطر تحركوا حتى الله يبارك فيكم ويستر عليكم
الطلبات اللي مال امها داعي تولد الحقد والغل والقهر في قلب الزوج واهله
أخرتها الطلاق والعياذ بالله
بو نايف
05-09-2009, 01:54 AM
القنفذة هي احد المدن اللي تتبع لأمارة مكة المكرمة على البحر الاحمر ,,
وخطوه ممتازه ,,,
المتألم
05-09-2009, 01:55 AM
حلو حلو
كذا الرجال ..
دلوعه امها
05-09-2009, 01:59 AM
بصراحه خبر حلو وياليت بعد يلغون نظام الطقاقه وهالخرابيط اللي مالها داعي والرقص احسها مصخره
هدهد سليمان
05-09-2009, 02:00 AM
الفال حق الدوحه :)
Riku3
05-09-2009, 02:01 AM
15 الف :) .. لو تصير عندنا بتلاقي الشباب متزوجين بعد المعاش الاول :) .
بس للاسف بناتنا جواتيهم الله يعزكم تكلف أكثر من 15 الف >_< .
تركي الشهراني
05-09-2009, 02:12 AM
لو اتقدم عندهم بيزوجوني
ام لولوه
05-09-2009, 02:16 AM
شي طيب الصراحه
بواردي
05-09-2009, 02:22 AM
يعني كنا نروح نشتري الروشن من الحسا والهفوف
بعد بنروح مكة ندور حريم؟؟؟
جات بس على المهور
والاجارات والغلاء
والبطالة
والعمالة
وووووو
فارس قطر333
05-09-2009, 02:28 AM
بصراحه شي حلو والله
والفال لنا ان شاء الله ونشوف هالشي عندنا بدال المهور العاليه والطلبات اللي مالها داعي
والواحد يدور الستر هالايام
دلوعه امها
05-09-2009, 02:42 AM
لو اتقدم عندهم بيزوجوني
لهم الشرف ليش مايزوجونك وبناتهم ماشاء الله عليهم بنات قبايل وماعليهم كلام
غانم 81
05-09-2009, 02:53 AM
والله ونعم بقبيله (بني عمرو) رجال الحجر ولايهونون باقي القبايل وانشالله يستوي هل شي عندنا بقطر
المتألق
05-09-2009, 03:02 AM
كما قال الرسول الله صلى الله عليه وسلم حيث قال : ( اقلكن مهورا أكثركن بركة )
أسد الجزيرة
05-09-2009, 04:18 AM
الله يستر على اخواتنا كثير من البنات ينتظرون الزواج على احر من الجمر و كثير من اخواتنا يبون بس الستر و الزواج
اللهم زوج جميع بنات المسلمين
The future
05-09-2009, 06:42 AM
شي جميل ورائع نتمناء من الأخوه في قطر الأقتداء بهذا الشي.
دلة الرسلان
05-09-2009, 08:59 AM
المهر من حق الزوجة وليس من حق القبيلة ان تفرض قانون ملزم للجميع .
لو عندنا المهر 15 الف ايش بتسوي فيه العروس ؟؟ اذا كان الوالد قادر يوفر ما تحتاجه
بنته من متطلبات العرس زين بس اذا كان الوالد على قد حاله المبلغ ما راح يبدي في شيء
ياليت سمعنا اراء بنات القبيلة في قرار يمس حياتهن المستقبلية .
بصراحة المهر اذا كان 100ألف ما يسوووووووووي شي ناس سارت تعطي 200 ألف 300 ألف ونتوا تبووووون ترجعونااااااااااا 15 ألف ما تسوووووي شي في الدوحة كل شي غاااالي :weeping:
سداوي&مدريدي
05-09-2009, 09:14 AM
ما شاء الله
شي طيب :nice:
من بيروح معاي :telephone:
هل الشمال
05-09-2009, 09:15 AM
ان شاء الله الجميع يقتدي بهم ويسهل زواج شبابنا وبناتنا
al.wafe
05-09-2009, 09:20 AM
والله فله وشي رووووووووووووووعه والله ربي راحيطرح البركه فيهم
والحييييييييين من بتتزوجني يا بنات قطر بمهر 15 الف ؟؟؟؟؟؟؟؟؟؟؟؟؟؟؟؟
بنشوف الردود
làst çhàncè
05-09-2009, 09:46 AM
خطوووة مباركة
ابوهاشم
05-09-2009, 11:23 AM
خطوة مباركة - اعظمهن بركة ايسرهن مؤنة
شبربوش
05-09-2009, 11:37 AM
كما قال الرسول الله صلى الله عليه وسلم حيث قال : ( اقلكن مهورا أكثركن بركة )
احنه كلنه ندري بقول الرسول ( صلى الله عليه وسلم ) بس المشكله لو اولياء الامور والبنات قدرو ورضو اب هل امهور هل الرجل بقدر زوجته الي بتكون ام عياله ولا باجر بعايرها وبيشوف المسأله سهله ويقدر كل شهر يتزوج ولا ما سار بينهم اخلاف قال انتي طالق
تقبلو مروري
شموخ العز
05-09-2009, 12:32 PM
صراحه شي حلو تحديد المهر
$الفارس$
05-09-2009, 12:42 PM
الله يوفقهم الصراحه خطوه رائعه لتزويج عيالهم وبناتهم لكن هذه الخطوه محصوره على القبيله نفسها فقط اما من جائهم من برا القبيله فلا اعتقد ان الشروط تسري على الغريب: اما بنات الدوحه لا اعتقد بتم لان الطلبات والتباهي نبي مثل عرس فلان ولا فلانه اعتقد بتحووول لتنفيذ هكذا شروط والله الموفق والهادي الى سواء السبيــــــــــــــــــــــــــــــل
واقعي وصريح
05-09-2009, 02:23 PM
اي والله انا واحد من 5 سنين مفروض متزوج بسسسسسسسسسسسسسس؟؟؟؟؟؟
القيادي
05-09-2009, 02:52 PM
مدام الناس يبون يقارنون انفسهم بفلان وفلانه ماراح تنزل المهور والحمدلله ان الله رحم بنات قطر يالقانون الي يمنع الزواج بالأجانب, ولا كان صار الزواج عندنا بسعر نفس هالقبيله .
بوخليفة3
05-09-2009, 03:56 PM
ههههههههههه
لو تصير هالسالفه عندناا
باخذ اربع:tease:
يعني لو كم واحد من الشباب يسوي مثلي نكون حلينا مشكلة العنوسه:nice:
المهر من حق الزوجة وليس من حق القبيلة ان تفرض قانون ملزم للجميع .
لو عندنا المهر 15 الف ايش بتسوي فيه العروس ؟؟ اذا كان الوالد قادر يوفر ما تحتاجه
بنته من متطلبات العرس زين بس اذا كان الوالد على قد حاله المبلغ ما راح يبدي في شيء
ياليت سمعنا اراء بنات القبيلة في قرار يمس حياتهن المستقبلية .
يا اختي وش متطلبات العرس التي تحتاجها العروس - المهر رمز للتقدير وليست تسعيره للفتاه
البنت لما اتصير زوجه و أم ب 15 الف, حالها افضل من الي تنطر مهر ب150 الف واتمر عليها السنين لين اتعنس وادلل على عمرها عند الخطابات
مدام الناس يبون يقارنون انفسهم بفلان وفلانه ماراح تنزل المهور والحمدلله ان الله رحم بنات قطر يالقانون الي يمنع الزواج بالأجانب, ولا كان صار الزواج عندنا بسعر نفس هالقبيله .
والله انك صادق
ههههههههههه
لو تصير هالسالفه عندناا
باخذ اربع:tease:
يعني لو كم واحد من الشباب يسوي مثلي نكون حلينا مشكلة العنوسه:nice:
وين تاخذ4 اقولك 96 % من القطريين ضد التعدد :omg::omg::omg:
اضنها وحده من احصائيات بو الشعر :):):)
HIGHNESS
05-09-2009, 05:10 PM
والله فله وشي رووووووووووووووعه والله ربي راحيطرح البركه فيهم
والحييييييييين من بتتزوجني يا بنات قطر بمهر 15 الف ؟؟؟؟؟؟؟؟؟؟؟؟؟؟؟؟
بنشوف الردود
الحين انت ماستخسرت في الأرقام تبيعهم بمبالغ خيالية ... تستخسر على بنت الناس :secret:
عالعموم انا ضد المبالغة في المهور والمظاهر الي مالها داعي ... لإن الزواج علاقة اسمى وارقى من ان تحدد بمثل هالماديات ...
مدام الناس يبون يقارنون انفسهم بفلان وفلانه ماراح تنزل المهور والحمدلله ان الله رحم بنات قطر يالقانون الي يمنع الزواج بالأجانب, ولا كان صار الزواج عندنا بسعر نفس هالقبيله .
ودي اقولك ان في السعوديه تدفع 15 الف ريال رسوم للحكومه
ويتم اعطائك اجازه الزواج من اي اجنبيه مسلمه
لهذا السبب تم تشجيع للزواج من مواطنات تم تحديد المهر ب 15 الف
عنيده
05-09-2009, 06:02 PM
ودي اقولك ان في السعوديه تدفع 15 الف ريال رسوم للحكومه
ويتم اعطائك اجازه الزواج من اي اجنبيه مسلمه
لهذا السبب تم تشجيع للزواج من مواطنات تم تحديد المهر ب 15 الف
كلامك مو صحيح
ياليت تتحرى الصدق بارك الله فيك
لان النظام في السعودية يمنع زواج السعودي من اجنبية الا في حالات معينه كبر في السن او اعاقه او عيب اجتماعي .
كذلك التصريح ليس بمبلغ مادي
المتألم
05-09-2009, 06:40 PM
بأي شرع يمنعون زواج النساء من الرجال والعكس دامهم مسلمين ومؤمنين والحمد لله
بحجة أختلاف الجنسيات ..
والله عجيبين مره مع الرسول وحدود الله ومره مع القوانين وحدود بريطانيا
بوخليفة3
05-09-2009, 06:46 PM
وين تاخذ4 اقولك 96 % من القطريين ضد التعدد :omg::omg::omg:
اضنها وحده من احصائيات بو الشعر :):):)
من وين هالنسبه
ولو كانت صحيحه حطني ضمن ال 4%:nice:
والله قولوا اللي بتقولونه يا شباب قطر... تقطون فلوسكم بالموترات وبالارقام المميزة بمبالغ خيالية... وغير السفرات...
مو كل بنات قطر يبون مهوور غالية 100 و200 و 300 الف.... انا وكل ربعي اللي اعرفهم المهوور ماتتعدى من 75 الى 80 الف....
وعن العيارة...وخلوا السيايير والارقام المميزة تنفعكم...
بوخليفة3
05-09-2009, 07:09 PM
والله قولوا اللي بتقولونه يا شباب قطر... تقطون فلوسكم بالموترات وبالارقام المميزة بمبالغ خيالية... وغير السفرات...
مو كل بنات قطر يبون مهوور غالية 100 و200 و 300 الف.... انا وكل ربعي اللي اعرفهم المهوور ماتتعدى من 75 الى 80 الف....
وعن العيارة...وخلوا السيايير والارقام المميزة تنفعكم...
الله يهداج بس مب كل شباب قطر جذي
لكن المشكله فالسكن مب فالمهر
الله يهداج بس مب كل شباب قطر جذي
لكن المشكله فالسكن مب فالمهر
ولا كل بنات قطر جذي...
وعلى السكن الدولة ماتعطي؟؟
ادري بتقولي ياخذ وقت ... اوكي نسكن مع اهل الزوج مؤقت ... تقريبا كل امهاتنا سووا جذي...
تدري اخوي بوخليفة شنو اللي حارني... تلقى الريال صك عمره 30 ويقول توني على الزوااااج...!!!!
ولد النواخذه
05-09-2009, 07:29 PM
هنا يأتي الدور الحقيقي للقبائل في وضع حد لموضوع ارتفاع المهور وتصعيب الزواج
كلكم راعي وكلكم مسؤل عن رعيته والله يوفقهم
والله قولوا اللي بتقولونه يا شباب قطر... تقطون فلوسكم بالموترات وبالارقام المميزة بمبالغ خيالية... وغير السفرات...
مو كل بنات قطر يبون مهوور غالية 100 و200 و 300 الف.... انا وكل ربعي اللي اعرفهم المهوور ماتتعدى من 75 الى 80 الف....
وعن العيارة...وخلوا السيايير والارقام المميزة تنفعكم...
اوووووك بتزوج ب75 او 80 على قولتج بس:shy:السكن وين والمشكله بعد لايكوون شرط:tease:في العقد:eek5:
QaTaR_OnE
05-09-2009, 08:45 PM
والله قولوا اللي بتقولونه يا شباب قطر... تقطون فلوسكم بالموترات وبالارقام المميزة بمبالغ خيالية... وغير السفرات...
مو كل بنات قطر يبون مهوور غالية 100 و200 و 300 الف.... انا وكل ربعي اللي اعرفهم المهوور ماتتعدى من 75 الى 80 الف....
وعن العيارة...وخلوا السيايير والارقام المميزة تنفعكم...
اهم شي الاعصاب :omen2:
هي جات على المهر .. شوفي العرس كم يكلف يمكن قد المهر مرتين او اكثر :anger1:
بوسعود180
05-09-2009, 08:49 PM
المهر من حق الزوجة وليس من حق القبيلة ان تفرض قانون ملزم للجميع .
لو عندنا المهر 15 الف ايش بتسوي فيه العروس ؟؟ اذا كان الوالد قادر يوفر ما تحتاجه
بنته من متطلبات العرس زين بس اذا كان الوالد على قد حاله المبلغ ما راح يبدي في شيء
ياليت سمعنا اراء بنات القبيلة في قرار يمس حياتهن المستقبلية .
يا اختي البنات ارائهم معروفه بيقولون ماتسوي لنا شي ومن هالكلام
وبلا حياه مستقبليه بلا كلام فاضي المهر 10000 ولا 1000000 نفس الشي كله بيروح في ليله وحده وعلى كلام فاضي قاعه وبوفيه وورد وخرابيط
انا بالنسبه لي اتزوج ب50 الف منها المهر والشبكه والعرس وكل شي
واحط في يد زوجتي 500 الف تستفيد منها في شي ينفعها فالمستقبل مب على مظاهر
^
^
^
اذا على طاري العرس كم يكلف .. هاي موذنبنا احنا .. مو احنا قلنا لهم ارفعوا اسعار صالات الافراح... اهني يجي دوور التجااار...
اما اللي يقول عن السكن... شسالفة؟؟؟ لايكون تبي مسيار؟؟ والا اشرياك هي تأجر لك بيت او شقة؟؟؟
واحط في يد زوجتي 500 الف تستفيد منها في شي ينفعها فالمستقبل مب على مظاهر
كلامك حلو.... وجميل... وانا افكر بنفس الشي...
اوووووك بتزوج ب75 او 80 على قولتج بس:shy:السكن وين والمشكله بعد لايكوون شرط:tease:في العقد:eek5:
اها توني فهمتك هههههه ...شكلك متابع لردودي... السكن مومستعيلة عليه بس فالنهاية لازم يكون لي سكن خاص فالمستقبل مو شرط اول الزواج...
اما شروطي في العقد اعتقد انته عارفهم ههههه
QaTaR_OnE
05-09-2009, 09:02 PM
واللي ساكن مع اهله والسكن صغير .. لازم يأجر .. وشوفي الاجارات بكم
يعني القضيه مب سهله .. وغير الشرووووط اللي تقولين عنها
باظلوف
05-09-2009, 09:09 PM
والله شي طيب ان يحددون المهور، لكن اللي ماعنده 15 ألف شيسوي؟ p:
واللي ساكن مع اهله والسكن صغير .. لازم يأجر .. وشوفي الاجارات بكم
يعني القضيه مب سهله .. وغير الشرووووط اللي تقولين عنها
مافهمت شنو المطلوب منا؟؟؟
نكلم المؤجرين؟؟؟
ترى كلامكم غير منطقي... واحنا مالنا ذنب في الغلاء اللي صاير...
ولد النواخذه
05-09-2009, 09:52 PM
مافهمت شنو المطلوب منا؟؟؟
نكلم المؤجرين؟؟؟
ترى كلامكم غير منطقي... واحنا مالنا ذنب في الغلاء اللي صاير...
عزيزتي اشلون مالكم ذنب بودي اعرف من المسؤل عن ارتفاع المهور وتكاليف الزواج والشروط في صالات زواج معينة في فنادق معينة تكلف الالاف المؤلفة بحيث ان تكلفة الزواج اصبحت مابين 300 الى 600 الف ريال قطري والموضوع لا يقتصر على المهر ال 75 الف او 80 الف وانما هي البداية لما لانهاية من مصاريف وتكاليف وافلاس وديون...
الجميع مسؤل ويشارك في تحمل المسؤلية وكيفية الحلول لان الزواج هو ماشرع الله فيجب التيسير فيه لا التعسير...
QaTaR_OnE
05-09-2009, 10:12 PM
عزيزتي اشلون مالكم ذنب بودي اعرف من المسؤل عن ارتفاع المهور وتكاليف الزواج والشروط في صالات زواج معينة في فنادق معينة تكلف الالاف المؤلفة بحيث ان تكلفة الزواج اصبحت مابين 300 الى 600 الف ريال قطري والموضوع لا يقتصر على المهر ال 75 الف او 80 الف وانما هي البداية لما لانهاية من مصاريف وتكاليف وافلاس وديون...
الجميع مسؤل ويشارك في تحمل المسؤلية وكيفية الحلول لان الزواج هو ماشرع الله فيجب التيسير فيه لا التعسير...
وهذا اللي كنت اقصده
يعطيك العافيه
عزيزتي اشلون مالكم ذنب بودي اعرف من المسؤل عن ارتفاع المهور وتكاليف الزواج والشروط في صالات زواج معينة في فنادق معينة تكلف الالاف المؤلفة بحيث ان تكلفة الزواج اصبحت مابين 300 الى 600 الف ريال قطري والموضوع لا يقتصر على المهر ال 75 الف او 80 الف وانما هي البداية لما لانهاية من مصاريف وتكاليف وافلاس وديون...
الجميع مسؤل ويشارك في تحمل المسؤلية وكيفية الحلول لان الزواج هو ماشرع الله فيجب التيسير فيه لا التعسير...
اخوي اذا عدد المعازيم كثير وين نحطهم في حوشكم والا حوشنا..؟؟
لازم يكون في صالة... واكرر واقولك مب احنا المسؤولين بارتفاع قاعات الافراح...
مو كل البنات يبون العرس في فندق...
حتى القاعات العادية والنوادي صارات غالية... ولا تقوول احنا السبب رجاء...
كلي أمل
05-09-2009, 11:04 PM
ههههههههههههههههههههه الله يوفقهم
ولد النواخذه
05-09-2009, 11:59 PM
اخوي اذا عدد المعازيم كثير وين نحطهم في حوشكم والا حوشنا..؟؟
لازم يكون في صالة... واكرر واقولك مب احنا المسؤولين بارتفاع قاعات الافراح...
مو كل البنات يبون العرس في فندق...
حتى القاعات العادية والنوادي صارات غالية... ولا تقوول احنا السبب رجاء...
عزيزتي عفوا خلنا واقعيين وأدري ان كلامي ماراح تتقبلينه ولا تتقبله شريحه كبيرة بس السيدات هم السبب في هالغلاء فالاعراس كله لان كل وحده تبغي عرسها أحسن من الثانية وكل وحده تبغي تسوي شئ ما سوته غيرها وشوي شوي اصبحت هالمبالغه والمغالاه هي الستاندارد والشباب اصبح يتهرب من هالمبالغات والآن علينا أصلاح ما افسده الآخرون ومن الخطأ أن نتهرب من تحمل المسؤلية بأن ليس لنا ذنب الجميع مسؤل وطالما رمى كل طرف المسؤلية على الآخر لن نجد حلول وسنظل نتحدث في هذا الموضوع لسنون وسنون قادمة والله يوفق الجميع...
بوعلي2
06-09-2009, 12:04 AM
الفال لنا يارب
ولد النوخذه انا اتقبل وجهه نظرك...بس اللي تتكلم عنهم ناس عندهم فلوسس لكن اللي ماعنده يسوي العرس ع قد حاله
wesam_82
06-09-2009, 01:19 AM
size="5"]"]عزيزتي عفوا خلنا واقعيين وأدري ان كلامي ماراح تتقبلينه ولا تتقبله شريحه كبيرة بس السيدات هم السبب في هالغلاء فالاعراس كله لان كل وحده تبغي عرسها أحسن من الثانية وكل وحده تبغي تسوي شئ ما سوته غيرها وشوي شوي اصبحت هالمبالغه والمغالاه هي الستاندارد والشباب اصبح يتهرب من هالمبالغات والآن علينا أصلاح ما افسده الآخرون ومن الخطأ أن نتهرب من تحمل المسؤلية بأن ليس لنا ذنب الجميع مسؤل وطالما رمى كل طرف المسؤلية على الآخر لن نجد حلول وسنظل نتحدث في هذا الموضوع لسنون وسنون قادمة والله يوفق الجميع...[/size]
أخوي أنا أييد كلامك:nice:
بس اللي مسؤول بعد عن توقيف التكاليف والطلبات والأشياء اللي مالها معنى اللي البنات يطلبونها هو ولي أمرها. ولي أمرها هو المسؤل عن تبسيط العرس وتوقيف البلبة اللي ما أمها داعي
صدق المثل اللي يقول أن "البنت مثل الجوهرة إذا أنكسرت ماعاد لها قيمة"
أي والله ترجع لبيت أبوها مطلقة مكسورة حزينة بائسة بسبب التكاليف اللي تعدم البركة في الحياة الزوجية. وذيك الساعة ماراح ينفع الندم
الزوج يحب تكون زوجتة تهتم فيه وتدير بالها علية، المفروض أول مايشوف طلباتها اللي تكسر الظهر عليه أنه يمسك عقلة ويترك عواطفة ويتركها ويشوف غيرها حتى ينام مرتاح قرير العين من الديون ويترك القروض الربوية اللي أهي من الذنوب الكبائر
رضا الله ولا رضا الناس
الله مو راضي زواج فاشل ومنتهي
وسلامتكم
S A L M A N
06-09-2009, 01:38 AM
الفال لبعض الاهالي عندنا
ماقلنا 15 الف هاي ماراح تسوي شي
بس مايطلبون بفسق .. واحد توه بادي حياته يطلبون منه مهر 200 الف وشبكه 100 الف وتكاليف 300 الف
عسى ماااشر من وين راح يجيب
الله يهديهم ان شاء الله
إعلامي قطر
06-09-2009, 02:09 AM
..
والله لو يحددون عندنا المهر بـ 50 ألف شي طيب..
والصالات والفنادق وووإلخ دامها غاليه ياستار ليش نروحها أصلاً !!
حفل عائلي بسيط ويروح الرجال ومرته شهر عسل من أحلى
مايكون ويبدون حياتهم بترتيب من غير نكد وديون تقص الظهر !!
عموماً مثل هالمواضيع متشعبه ويطول النقاش فيها ومن وجهة
نظر متواضعه إللي بيصدق النيه ويثق بالله عزوجل ويوكل أمره
لله سواء كان رجل أو مرأه فراح يلقى الطرف الآخر إللي يناسبه..
وإللي بيفكر بالمظاهر (وأغلب هالفئه هم البنات للأسف حسب مانسمع ونشوف)
فراح يعمرون في بيوت أهاليهم وأنصح هالفئه تربي طيور زينه وتتعلم الصبر.. :secret:
تصبحون على خير..
..
بنت^البحرين1
06-09-2009, 02:36 AM
من رايي.. مايجوز يحددون المهر.. يعني يقللون اوكي بس مب مخالفة للي يزيد
المشكلة عندكم في قطر غلاء المهور بشكل مب طبيعي والعروس فيها اشياء واااااااااايد غريبة،انا حضرت عرس قبل رمضان بس، والله شفت العجب،بنات يرقصون وحريم تنثر نقوط !! والله ياجماعة الخير ترى النعمة زوالة ناس مب لاقيه تاكل وناس تنثر الفلوس وتلعب؟ حتى حريم كانوا على نفس الطاولة معاي اماراتيات قالوا في الامارات مايسوون جذي.. ماعليه الواحد يستانس وهي ليلة في العمر بس باعتدال. هالريال المسكين شنو ذنبه ينقصف ظهره عشان المدام يكون عندها نقوط وتروح تنقط في عرس أختها والا أخوها؟؟والا قاعة لليلة الحنة والعرس في الفندق الفلاني وهدية العروس مادري شنو وذي في المكان الفلاني.. والله غير البوفيه اللي شفته بعيني نص الاكل الله يعزكم في الزبالة،مب حرام؟؟وعقبها يسألوني ها شرايج في عروس قطر كشخة؟؟قلت لها وايد حلوة عروسكم بس ليش جذي تنقطون حرام والله؟ قالت العرس مايحلى الا جذي هي ليلة في العمر
بصراحه اكثر من عرس واكثر من مرة سمعت وشفت، المبالغات والصرف الجنوني عندكم شي خيااااااااااااااااالي،من جذي الرياييل عندكم يتمون لين يصيرون اجداد هم يسددون في ديون العرس
مب عيب لو العروس صار مهرها شوي وحفلتها صغيرة وفي فندق كشخه وعقبها،والله الريال بيسوي لها اللي مايستوي،مايحتاي اكسر ظهر اللي بياخذني بالطلبات والشبكة الماس وابي وابي وابي وان وافق بيوافق بغصه ويالله بيطوفها،وعقب بالترصص اعيش وياه؟؟ استانس واكشخ واسوي عرس وعقب والله هو بيسوي لي كل شي،كفاية احساسه اني قدرته وماكثرت عليه بالطلبات،اقلها يعيش مرتاح من الديون اللي تكسر الظهر
غانم 81
06-09-2009, 02:44 AM
من رايي.. مايجوز يحددون المهر.. يعني يقللون اوكي بس مب مخالفة للي يزيد
المشكلة عندكم في قطر غلاء المهور بشكل مب طبيعي والعروس فيها اشياء واااااااااايد غريبة،انا حضرت عرس قبل رمضان بس، والله شفت العجب،بنات يرقصون وحريم تنثر نقوط !! والله ياجماعة الخير ترى النعمة زوالة ناس مب لاقيه تاكل وناس تنثر الفلوس وتلعب؟ حتى حريم كانوا على نفس الطاولة معاي اماراتيات قالوا في الامارات مايسوون جذي.. ماعليه الواحد يستانس وهي ليلة في العمر بس باعتدال. هالريال المسكين شنو ذنبه ينقصف ظهره عشان المدام يكون عندها نقوط وتروح تنقط في عرس أختها والا أخوها؟؟والا قاعة لليلة الحنة والعرس في الفندق الفلاني وهدية العروس مادري شنو وذي في المكان الفلاني.. والله غير البوفيه اللي شفته بعيني نص الاكل الله يعزكم في الزبالة،مب حرام؟؟وعقبها يسألوني ها شرايج في عروس قطر كشخة؟؟قلت لها وايد حلوة عروسكم بس ليش جذي تنقطون حرام والله؟ قالت العرس مايحلى الا جذي هي ليلة في العمر
بصراحه اكثر من عرس واكثر من مرة سمعت وشفت، المبالغات والصرف الجنوني عندكم شي خيااااااااااااااااالي،من جذي الرياييل عندكم يتمون لين يصيرون اجداد هم يسددون في ديون العرس
مب عيب لو العروس صار مهرها شوي وحفلتها صغيرة وفي فندق كشخه وعقبها،والله الريال بيسوي لها اللي مايستوي،مايحتاي اكسر ظهر اللي بياخذني بالطلبات والشبكة الماس وابي وابي وابي وان وافق بيوافق بغصه ويالله بيطوفها،وعقب بالترصص اعيش وياه؟؟ استانس واكشخ واسوي عرس وعقب والله هو بيسوي لي كل شي،كفاية احساسه اني قدرته وماكثرت عليه بالطلبات،اقلها يعيش مرتاح من الديون اللي تكسر الظهر
لام الله من لامج على هل درر:discuss:
واقعي وصريح
06-09-2009, 02:57 AM
اخوي اذا عدد المعازيم كثير وين نحطهم في حوشكم والا حوشنا..؟؟
لازم يكون في صالة... واكرر واقولك مب احنا المسؤولين بارتفاع قاعات الافراح...
مو كل البنات يبون العرس في فندق...
حتى القاعات العادية والنوادي صارات غالية... ولا تقوول احنا السبب رجاء...
اختي انتي تبين تعرسين؟ ولا تبين فلوس؟
اللي يبي الستر ما يقول اللي تقولينه00
اللي مثلج يحب المظاهر
وبدووووووووووووووون زعل
خالد31
06-09-2009, 03:06 AM
شي رائع ياريت الكل يقتدي بهم
نووون
06-09-2009, 03:25 AM
مثال جيد للقبلية المثمرة والنافعة .. وليست النزعة المتعصبة
نتمنى أن يحتذي بها قبائل الجزيرة العربية
البنـدري
06-09-2009, 03:29 AM
عزيزتي عفوا خلنا واقعيين وأدري ان كلامي ماراح تتقبلينه ولا تتقبله شريحه كبيرة بس السيدات هم السبب في هالغلاء فالاعراس كله لان كل وحده تبغي عرسها أحسن من الثانية وكل وحده تبغي تسوي شئ ما سوته غيرها وشوي شوي اصبحت هالمبالغه والمغالاه هي الستاندارد والشباب اصبح يتهرب من هالمبالغات والآن علينا أصلاح ما افسده الآخرون ومن الخطأ أن نتهرب من تحمل المسؤلية بأن ليس لنا ذنب الجميع مسؤل وطالما رمى كل طرف المسؤلية على الآخر لن نجد حلول وسنظل نتحدث في هذا الموضوع لسنون وسنون قادمة والله يوفق الجميع...
صدقت والله :)
MeMe MoOoON
06-09-2009, 04:57 AM
الصراحه انا اشوف البنت العدله ماتطلب مهر محدد من الاساس يعن الي يطلع من اللي بياخذها واللي يقدر عليه لان لو تطلبت وايد راح ياثر هالشي على حياتهم الزوجيه عقب ,,,,,,,,,,,,,والله مايسوى علي ااثر على حياتي وانا وزوجي عشان معازيم بعد العرس بيقعدون ينتقدون هذولا الناس مافي شي يرضيهم وبالنسبه للمهر اظن الحمدلله البنات احين كل شي عندهم متوفر كشخه بدون ماتجهز بمهر وقدره يعني شي بسيط يكفيها والحمدلله
بوسعود180
06-09-2009, 05:17 AM
من رايي.. مايجوز يحددون المهر.. يعني يقللون اوكي بس مب مخالفة للي يزيد
المشكلة عندكم في قطر غلاء المهور بشكل مب طبيعي والعروس فيها اشياء واااااااااايد غريبة،انا حضرت عرس قبل رمضان بس، والله شفت العجب،بنات يرقصون وحريم تنثر نقوط !! والله ياجماعة الخير ترى النعمة زوالة ناس مب لاقيه تاكل وناس تنثر الفلوس وتلعب؟ حتى حريم كانوا على نفس الطاولة معاي اماراتيات قالوا في الامارات مايسوون جذي.. ماعليه الواحد يستانس وهي ليلة في العمر بس باعتدال. هالريال المسكين شنو ذنبه ينقصف ظهره عشان المدام يكون عندها نقوط وتروح تنقط في عرس أختها والا أخوها؟؟والا قاعة لليلة الحنة والعرس في الفندق الفلاني وهدية العروس مادري شنو وذي في المكان الفلاني.. والله غير البوفيه اللي شفته بعيني نص الاكل الله يعزكم في الزبالة،مب حرام؟؟وعقبها يسألوني ها شرايج في عروس قطر كشخة؟؟قلت لها وايد حلوة عروسكم بس ليش جذي تنقطون حرام والله؟ قالت العرس مايحلى الا جذي هي ليلة في العمر
بصراحه اكثر من عرس واكثر من مرة سمعت وشفت، المبالغات والصرف الجنوني عندكم شي خيااااااااااااااااالي،من جذي الرياييل عندكم يتمون لين يصيرون اجداد هم يسددون في ديون العرس
مب عيب لو العروس صار مهرها شوي وحفلتها صغيرة وفي فندق كشخه وعقبها،والله الريال بيسوي لها اللي مايستوي،مايحتاي اكسر ظهر اللي بياخذني بالطلبات والشبكة الماس وابي وابي وابي وان وافق بيوافق بغصه ويالله بيطوفها،وعقب بالترصص اعيش وياه؟؟ استانس واكشخ واسوي عرس وعقب والله هو بيسوي لي كل شي،كفاية احساسه اني قدرته وماكثرت عليه بالطلبات،اقلها يعيش مرتاح من الديون اللي تكسر الظهر
وازيدك من الشعر بيت اختي
عرس ناس اعرفهم حق الحريم جايبين الورد ب150 الف
ماينلامون الشباب اذا تمو عزوبية من هالبلاوي اللي تنصرف في ليلة وحدة وياليتها 24 ساعة الا 4 ساعات .. لاتلومون الشباب على الاقل لو دفع مبلغ 200 الف ريال في سيارة ف هو بيستعملها لكذا سنه والله لايقول لو سوا حادث التأمين بيغطي التكاليف يعني بيستانس في الموتر اما الزواج اذا على هالتكاليف صراحة مايدري الشاب يمكن يصير طلاق وتضيع فلوسه ويتم بديون لمدة 30 سنه !! .. اتمنى ان اولياء الامور يخافون الله ويسترون على بناتهم ويتركون المظاهر الكذابة من فنادق وبذخ
QaTaR_OnE
06-09-2009, 06:49 AM
المشكله انهم مب حاسين في الشباب .. واكثر الشباب متوسط رواتبهم تقريبا 12 الف .. والحين اكثر البنات يشتغلون ورواتبهم تقريبا نفس الشباب ويعرفون ان الرواتب ماتغطي مصاريف الحياه هالايام .. ومصاريف الزواج كلها على راس الرجال .. ومثل ماقالوا كلها 4 ساعات .. وبيقعد يسدد فيها سنين حق البنك .. الافضل ان بدال مايسوي عرس بذيك الحكايه يسوي حفله بسيطه ويصرف على زوجته ولا يقصر عليها بعد الزواج .. مب يكون نص راتبه يروح على البنك
سعد81
06-09-2009, 06:59 AM
المهر من حق الزوجة وليس من حق القبيلة ان تفرض قانون ملزم للجميع .
لو عندنا المهر 15 الف ايش بتسوي فيه العروس ؟؟ اذا كان الوالد قادر يوفر ما تحتاجه
بنته من متطلبات العرس زين بس اذا كان الوالد على قد حاله المبلغ ما راح يبدي في شيء
ياليت سمعنا اراء بنات القبيلة في قرار يمس حياتهن المستقبلية .
دله رسلان
15 الف تكفي وتوفي اذا البنت ماخربطت
لاكن اذا تبي تشتري شنطه ماركه 7000 و 10000 وغيرها من الماركات هذا شي ثاني
تنتظر ولد الملياردير يوفر لها مهايطها
المهر القليل فيه بركه الله يوفقهم بما يرضي الله
سعد81
06-09-2009, 07:07 AM
اخوي اذا عدد المعازيم كثير وين نحطهم في حوشكم والا حوشنا..؟؟
لازم يكون في صالة... واكرر واقولك مب احنا المسؤولين بارتفاع قاعات الافراح...
مو كل البنات يبون العرس في فندق...
حتى القاعات العادية والنوادي صارات غالية... ولا تقوول احنا السبب رجاء...
لا الله يسلمج خليهم في الصاله ومايحتاج مكبرات الصوت وشوفوني تزوجت وجبت طقاقات
وفرش طاولات من المحل الفلاني ورد قيمته مادري كم وبوفيه 30 او 40 الف
وصاله 80 الف
كلكم طريقكم واحد احد يفلح واحد يفشل
الله يبارك من كان مهرها قليل
ويرد عقول الحريم لصواب
ملاحظه (( ياليت من اب البنت او ولي امرها اهو اللي يحدد المهر ولا يظغط على المعرس مايحتاج البنت ولا امها تتكلم وفيه رياجيل ))
بوخليفة3
06-09-2009, 08:23 AM
انا اقول الواحد يتم عزوبي احسن
لا يضيق على بنت الناس ولا يمرمط نفسه
والامور سهالات والحياة حلوة :)
تركي الشهراني
06-09-2009, 08:34 AM
لهم الشرف ليش مايزوجونك وبناتهم ماشاء الله عليهم بنات قبايل وماعليهم كلام
الله يعطيج العافيه على ردج الطيب
العثماني
06-09-2009, 08:48 AM
والله أن أعرف واجد شباب خذو من دول الخليج بسبب المهور إلي عندنا
ولا تقولون العادات والتقاليد دول الخليج عادات متقاربة وبنات عرب يعني لا هندية ولا غيرة
على سبيل المثال أعرف رجال متزوج من السعودية
سو عرس كامل بالمهر والشبكة وخلافة ب 115000
w.qatar
06-09-2009, 09:09 AM
15 الف حتى ما تسوي لك نص فستان للعروس صراحه هذا ظلم للبنات ومستحيل يتطبق هالشي عندنا بقطر
يمــه منكم يالقـح قاطع قلبكم المهر :eek5:
والله انا اشوف هالوقت الشباب يهايطون اكثر من البنات ارقام وتلفونات وسيارات وماركات
وحزه المهر قلوبهم تعورهم :p
بخصوص من وجهه نظري الحكومه لو مسويه نفس الكويت ولا السعوديه
في كل منطقه قاعه حلوه حق العروس وباسعار رمزيه كان تسهلت امور كثيره
لكن شوفه عينكم القاعات اللي بقطر انواااااااااع الاستغلال وتكلف حيييل عسى ماشرر
يعني جد الواحد يحتد لهم بعد شيسوي crazy
وبعدين اغلب العروس اهل المعرس هم اللي مشتطين بالعرس وهم اللي يبالغون بلفيت عشان يفرحون في ولدهم وهم اللي يصرفون محد قال لهم :D >> برى
وصراحه الفلوس عند القطريين ماتقعد كلللللل شي قطر غالي غطينا على باقي الخليج وانتوا بنفسكم تشوفون
يعني العروس مسكينه شتسوي بالمهر كله في النهايه تشتري فيهم اشياء عشان تكشخ لزوجها وعند حمولتها :looking:
الزبده انكم تحلطمون وفي النهايه بتدفعون :tease:
كلامك مو صحيح
ياليت تتحرى الصدق بارك الله فيك
لان النظام في السعودية يمنع زواج السعودي من اجنبية الا في حالات معينه كبر في السن او اعاقه او عيب اجتماعي .
كذلك التصريح ليس بمبلغ مادي
معلوماتج قديمه بارك الله فيج
ياليتج تتحرين الصدق قبل ماتكتبين
الجني
06-09-2009, 11:47 AM
اذا كان الموضوع عرض و طلب بندفع
بندفع 500 الف , مليون , مليونين بس بشرط
البنت لازم تكون تسوى هذا المبلغ
ما تبي تعابل العيال
و لا تعرف تطبخ
و رقاد طول اليوم
و الركض وراء آخر موضه
و كل هذه التكاليف التي بعد الزواج لا يستطيع أبو البنت ان يتحملها
فالطلاق قادم لا محاله
الاّ بعض البنات و انا قلت بعض يعني نسبة قليلة جداً و هذيلا عليهم طوابير
و Waiting List تروح حق ولد العم او الأقارب او المعارف
اذا كان الموضوع عرض و طلب بندفع
بندفع 500 الف , مليون , مليونين بس بشرط
البنت لازم تكون تسوى هذا المبلغ
ما تبي تعابل العيال
و لا تعرف تطبخ
و رقاد طول اليوم
و الركض وراء آخر موضه
و كل هذه التكاليف التي بعد الزواج لا يستطيع أبو البنت ان يتحملها
فالطلاق قادم لا محاله
الاّ بعض البنات و انا قلت بعض يعني نسبة قليلة جداً و هذيلا عليهم طوابير
و waiting list تروح حق ولد العم او الأقارب او المعارف
قلبك متروسه
al.wajbah
06-09-2009, 12:20 PM
الله يقويهم الصراحة
ياليت يطبقون هالشي عندنا والله
مداوي القلوب
06-09-2009, 01:28 PM
يعني كنا نروح نشتري الروشن من الحسا والهفوف
بعد بنروح مكة ندور حريم؟؟؟
جات بس على المهور
والاجارات والغلاء
والبطالة
والعمالة
وووووو
ههههههههههههههههههه
والله جبتها
عنيده
06-09-2009, 01:30 PM
معلوماتج قديمه بارك الله فيج
ياليتج تتحرين الصدق قبل ماتكتبين
اخوي طارق انا ما اتكلم من فراغ انا متأكده 100%
حتى ان مجلس الشوى عمل مقترح لتسهيل الراغبين بالزواج من اجنبيات ووزارة الداخلية رفضت هذا التعديل ؟
الداخلية : ترفض مطالب تسهيل زواج المواطنين من الخارج
رفضت وزارة الداخلية مطالب مجلس الشورى بتخفيف ضوابط زواج السعوديين من الخارج، وأبقت الوزارة على تشديد الشروط مستثنية كبار السن، والمعاقين، والمرفوضين اجتماعيا، إذ سمحت لهذه الفئات بالحصول على تصاريح خاصة بالزواج من أجنبيات مراعاة لظروفهم.
ووفقا لخبر اعده الزميل فهد الذيابي في صحيفة «عكـاظ» اليوم برر رئيس لجنة الشؤون الاجتماعية في مجلس الشورى الدكتور طلال بكري المطالبة بإعادة النظر في شروط الزواج من الخارج بـ «اضطرار مواطنين لم يتمكنوا من الحصول على التصاريح إلى السفر والزواج دون إذن لينتهي الأمر بالانفصال وتحول الأبناء لأطفال شوارع، الأمر الذي يسيء إلى سمعة المملكة».
وإزاء ذلك، أوضح مصدر في «الداخلية» أن الضوابط المشددة لم تمنع زيادة منح راغبي الزواج من الخارج التصاريح، بواقع 25 شخصا يوميا. واستشهد المصدر بالقبائل على الحدود السعودية ـــ اليمنية التي تم تصحيح أوضاع أفرادها ومنحهم الجنسية السعودية، ومنح طالبي الزواج من فتيات يمنيات تصاريح.
شروط زواج السعودي من أجنبية
وعقوبة من يخالف اللائحة
حددت وزارة الداخلية عقوبات على مخالف الأحكام السابقة تتمثل في محاكمة المتزوج تأديبياً لدى ديوان المظالم وعدم توثيق الزواج من قبل الجهات المختصة السعودية بالإضافة إلى عدم السماح بدخول الزوجة أو الزوج الأجنبي إلى المملكة وإنهاء إقامتهما إذا كانا مقيمين داخل المملكة.
أصدر وزير الداخلية الأمير نايف بن عبد العزيز قراراً وزارياً تم بموجبه تحديد لائحة لزواج السعودي بغير السعودية تنص على التالي:
1. يمنع زواج السعودي بغير السعودية إذا كان من الفئات الآتية:
* الوزراء ومن في مرتبتهم.
* شاغلو المرتبة الممتازة والمرتبتين الرابعة عشرة والخامسة عشرة.
* أعضاء السلك القضائي في وزارة العدل وديوان المظالم وكتاب العدل.
* موظفو الديوان الملكي ومجلس الوزراء وأعضاء مجلس الشورى.
* موظفو وزارة الخارجية الدبلوماسيون والإداريون والموظفون العاملون خارج المملكة.
* منسوبو القوات المسلحة في وزارة الدفاع والطيران والحرس الوطني والأمن الداخلي و المباحث والاستخبارات العامة.
* الطلاب الذين يدرسون بالخارج.
* رؤساء مجالس الشركات المساهمة والأعضاء المنتدبون للشركة.
* موظفو وزارة الدفاع والطيران ووزارة الداخلية والحرس الوطني بجميع قطاعاتها من المدنيين وأعضاء هيئة التحقيق والادعاء العام وموظفو الجمارك والذين يشغلون وظائف ذات أهمية خاصة.
2. تكون الموافقة على طلبات الزواج بأذن من وزير الداخلية أو من يفوضه من جنسيات الدول العربية والإسلامية وللضرورة من جنسيات أخرى بالضوابط الشرعية.
3. كما يسمح بالزواج بين السعوديين ومواطني دول مجلس التعاون الخليجي بشرط ألا يكون من الفئات المشمولة بالمنع .
4.المولودات في المملكة من أمهات سعوديات وأباء غير سعوديين تتم إجراءات توثيق زواجهن من السعوديين في المحاكم الشرعية في المملكة بشرط ألا يكون الزواج من الفئات المشمولة بالمنع.
5.يسمح للسعودي الزواج من أجنبية مولودة في السعودية بشرط أن تكون شهادة ميلادها صادرة من سجل المواليد طبقاً لنظام الأحوال المدنية.
ياليت تتحرى الصدق بارك الله فيك :nice:
كاتم الاسرار
06-09-2009, 01:39 PM
ان شاءالله الدوحه بعد
القيادي
06-09-2009, 02:05 PM
بأي شرع يمنعون زواج النساء من الرجال والعكس دامهم مسلمين ومؤمنين والحمد لله
بحجة أختلاف الجنسيات ..
والله عجيبين مره مع الرسول وحدود الله ومره مع القوانين وحدود بريطانيا
لا تستعجل جزاك الله خير في وتعلق على امور انت لا تعلم فيها الزواج من السعودية او من اي دولة خليجية عادي جدا ولا توجد عليه اية قيود بإستثناء اجراءات الفحص الطبي للزوجين
اخوي طارق انا ما اتكلم من فراغ انا متأكده 100%
:nice:
يعطيج العافيه اختي
:):):)ياليتج تتحرين الصج بارك الله فيج :):):)
عنيده
06-09-2009, 03:43 PM
يعطيج العافيه اختي
الله يعافيك
:):):) وياليت ما نقول كلام الا متحرين الصدق فيه بارك الله فيك :):):)
wesam_82
06-09-2009, 09:44 PM
15 الف حتى ما تسوي لك نص فستان للعروس صراحه هذا ظلم للبنات ومستحيل يتطبق هالشي عندنا بقطر
والله عندها الدمام كلها 3 ساعات وتشتري أرخص من هني بكثير
ولا تروح للبحرين وتشتري ذهب من هناك لأن الذهب عندهم أحسن شيء
ونصيحتي دوروا على بنت مظلومة في حياتها وفقيرة
لأنها راح تقدر الرجال وتسندة وماتضيع فلوسة وتكون تقية وتخاف الله ويتأمن عليها وعلى عيالة ويجد أن شاء الله الراحة النفسية المرغوبة والمباركة بأذنه جل وعلى
wesam_82
06-09-2009, 09:56 PM
من ناحيةالقاعات أنا أشوف لو وبكل تواضع تكلمون مديرة مدرسة مستقلة اللي يموتون بالفلوس، بان تستاجرون القاعات الرياضية المغلقة أحسن لكم وحرس موجود وكراسي بالهبل كلها ساعتين عرس ، والاكل طبعاً بالاتفاق مع المطاعم والتوصيل عليهم
فكرة بسيطة وبدون كلفة
أو واحد بن حلال يستأجر قصر كبير ومؤثث ب30 أو 40 ألف ويأجر الصالات والمجالس اللي في القصر اللي أشكبرها على 2000 أو 3000 باليوم راح يربح وياخذ اجر في الناس ويتعامل مع مكتب عمال يستاجر موظفات حق ساعات يابلاش
وبدن فسسسسسسسق واللي يرحم والديكم
wesam_82
07-09-2009, 09:12 PM
انا اقول الواحد يتم عزوبي احسن
لا يضيق على بنت الناس ولا يمرمط نفسه
والامور سهالات والحياة حلوة :)
بس هو أمر ديني واجب أخوي
حط أمرك بيد الله ودور على بنت متدينة وكل شيء سهل أن شاء الله
HIGHNESS
07-09-2009, 09:33 PM
والله عندها الدمام كلها 3 ساعات وتشتري أرخص من هني بكثير
ولا تروح للبحرين وتشتري ذهب من هناك لأن الذهب عندهم أحسن شيء
ونصيحتي دوروا على بنت مظلومة في حياتها وفقيرة
لأنها راح تقدر الرجال وتسندة وماتضيع فلوسة وتكون تقية وتخاف الله ويتأمن عليها وعلى عيالة ويجد أن شاء الله الراحة النفسية المرغوبة والمباركة بأذنه جل وعلى
بنت مظلومة وفقيرة ؟؟؟ أخوي مو شرط :) .... يعني الفقيرة والمظلومة مايحق لها تطلب شي مثلاً !! ؟؟ اخالفك هالراي لإنك تقلل من قيمة البنت الفقيرة و المظلومة .. وفي نفس الوقت كانك تقول البنت الي شايفة خير ماتستاهل ..
وبالنسبة لقاعات المدارس ولا بيوت وميالس خلق الله انا اقول مو لهدرجة يعني هههههههههه ... الواحد مايبالغ لكن مو بهالطريقة ... اقل شي يسوية في بيته اذا مايقدر ...
في طرق ثانية لعدم الاسراف بالزواج .. مع احترامي للطرق الي ذكرتها ...
تقبل مروري:shy:
limited
07-09-2009, 09:51 PM
لو اتقدم عندهم بيزوجوني
اعتقد خاص بابناء وبنات القبيله فقط ولا ينطبق على اللي من خارج القبيله
wesam_82
08-09-2009, 12:51 AM
بنت مظلومة وفقيرة ؟؟؟ أخوي مو شرط :) .... يعني الفقيرة والمظلومة مايحق لها تطلب شي مثلاً !! ؟؟ اخالفك هالراي لإنك تقلل من قيمة البنت الفقيرة و المظلومة .. وفي نفس الوقت كانك تقول البنت الي شايفة خير ماتستاهل ..
وبالنسبة لقاعات المدارس ولا بيوت وميالس خلق الله انا اقول مو لهدرجة يعني هههههههههه ... الواحد مايبالغ لكن مو بهالطريقة ... اقل شي يسوية في بيته اذا مايقدر ...
في طرق ثانية لعدم الاسراف بالزواج .. مع احترامي للطرق الي ذكرتها ...
تقبل مروري:shy:
قوله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: الآية63)
HIGHNESS
08-09-2009, 04:09 AM
قوله تبارك وتعالى: (وَإِذَا خَاطَبَهُمُ الْجَاهِلُونَ قَالُوا سَلاماً). (الفرقان: الآية63)
الحين انا جاهلون ... زين يالمصلح الاجتماعي .. حل مشاكل الزواج ... :shy:
قطري زقرت
08-09-2009, 07:32 AM
لو قطر هشكل يمكن مافي حد عزوبي
دلة الرسلان
10-09-2009, 10:58 AM
يا اختي وش متطلبات العرس التي تحتاجها العروس - المهر رمز للتقدير وليست تسعيره للفتاه
البنت لما اتصير زوجه و أم ب 15 الف, حالها افضل من الي تنطر مهر ب150 الف واتمر عليها السنين لين اتعنس وادلل على عمرها عند الخطابات
يا اختي البنات ارائهم معروفه بيقولون ماتسوي لنا شي ومن هالكلام
وبلا حياه مستقبليه بلا كلام فاضي المهر 10000 ولا 1000000 نفس الشي كله بيروح في ليله وحده وعلى كلام فاضي قاعه وبوفيه وورد وخرابيط
انا بالنسبه لي اتزوج ب50 الف منها المهر والشبكه والعرس وكل شي
واحط في يد زوجتي 500 الف تستفيد منها في شي ينفعها فالمستقبل مب على مظاهر
دله رسلان
15 الف تكفي وتوفي اذا البنت ماخربطت
لاكن اذا تبي تشتري شنطه ماركه 7000 و 10000 وغيرها من الماركات هذا شي ثاني
تنتظر ولد الملياردير يوفر لها مهايطها
المهر القليل فيه بركه الله يوفقهم بما يرضي الله
اشكر الأخوان واتمنى تقبل وجهة نظري بصدر رحب :)
في البداية اكيد تتذكرون قصة سيدنا عمر بن الخطاب رضي الله عندما أراد رضي الله عنه تحديد
المهور في الزواج عندما بالغ به الناس في عهده ، وكان هدفه تيسير الزواج لشباب
المسلمين خطب بالناس ، وأفتى بتحديد المهور .
وكان الموجودين علماء وكبار الصحابة وغالبيتهم ، ولم ينكر ذلك أحد منهم . فقامت امرأة
عجوز وقالت : يا عمر لم تحدد مالم يحدده الله ورسوله ؟ ألم تسمع قوله تعالى ( وإن أوتيت
إحداهن قنطارا) ؟
فقال عمر : أخطأ عمر وأصابت امرأه .
نعم هناك غلاء في تكاليف الزواج بشكل عام وليس بالضرورة في المهور من قاعات ،
تجهيزات، خيم العرس، قيمة الذباح، وغيره
ليش بس يستطيع ولي الأمر ان يحدد ويتحكم في المهر ويتغاضى مع باقي العناصر
المشاركة في ارتفاع تكاليف الزواج !!
هل تعتقدون كل المقبلين على الزواج يعاملون زوجاتهن معاملة ترضي الله ورسوله ؟
هناك من لا تكسب من زواجها الا ما اخذته من مهر لأن بعد الزواج استعباد سيء .
و ياليت تلاحظون التناقض في تطبيق النصوص الشرعية مع المرأة والرجل
مثلا تجاهل (أذا جائكم من ترضون دينه فزوجوه) فنلاحظ أن ابرككن اقلكن مهرا فقط
مع ابناء القبيله ولكن من خارج القبيله !!
المهر من حق المرأة ان شاء الله ما تطلب الا الف المهم أن المرأة هي اللي تقرر بنفسها
ما يناسبها اعتقد انتهى دور الوصاية على المرأة وكأن الرجل فقط هو الاعلم بمصلحة
المرأة .
وانا هنا اطالب اخواتي وبناتي بالأعتدال في المهر لأن الزواج شراكة وليس بيع وشراء
(نظام تحديد المهر موجود عندنا في فخيذتنا ولذلك ادليت بدلوي في الموضوع )
ابوفايز
10-09-2009, 11:04 AM
بالتوفيق
الله يوفقهم
وخطوه جميله للحد عن العنوسه !!
والتوفيق للجميع ويزوج كل عزوبي وعزوبيه :)
لكن عندنا فيه بعد ناس مايهمهم المهر وكثير كذلك -
شكرا على الطرح الجميل - تحياتي gold
Powered by vBulletin® Version 4.2.5 Copyright © 2024 vBulletin Solutions Inc. All rights reserved.