طريقة جديدة!!!!!! للطرارة

[طاش]

السلام عليكم ورحمة الله وبركاته
وانا اليوم بالتحديد في سوبر ماركت السعودية العصر اشتري اغراض للبيت جاتي وحدة متغطية!!!!مايبين شئ منها واتكلم بصوت بعد الموت ينسمع قالت لي لوسمحت بغيت كيس عيش10كيلوا حق اعيالي وكم غرض واذا ممكن تحاسب طبعآ اي أنا نفس أي شخص منكم على طول رحت للمحاسب وقلت له الحساب عندي ,وخلصت وجيت المحاسب وطلع احسابها تقريبآ300وشئ مب مهم طبعآ لان النية الله يعلم بها عند رب العالمين ولاكن المصيبة وأنا ادفع الحساب جاتني وحدة ثانية نفش الشكل بس اقصر اشوي من الي قبل وحطت كيس قهوة على طاولة المحاسب وقالت لي الله يخليك حاسب هاذي القهوة للشايب الي في البيت!! طبعآ كاني توني صاحي من النوم فهمت اللعبة:anger1: وقلت لها الله يعطيج!! المهم وانا طالع والهندي يدز العربة في المواقف!!!!!!!!! الا الاخوات يركبون سيارة 2009 بنتياك صالون والسواق من الجنسية الشامية والي كانت تطلب للعيالها تركب قدام وهي نفس اللهجة (بلاد الشام) اتعرفونهم قمت رجعت للسوبر ماركت بحكم اني عميل عندهم وعصبت عليه وقلت له ليش ماقلت لي انهم نصابين قال لاني كل يوم يجون واذا قلت حق اي شخص قطر لا هذولا حرمية يزعل ويهاوش مايرضون اني اقول لهم لاتحاسبون مااقدر اسوي شئ!!!
علشان كذا قلت انبهكم يمكن حد يتعرض للموقف نفسه وامانة قولوا حق ربعكم ونبهو الي اتعرفونهم وحسبي الله عليهم ماعاد انعرف المحتاجين من النصابين ..
وسلامتكم

[ام لولوه]

وش هالوقاحه والاستغفال
صراحه شي يقهر لو دافعها لقطر الخيريه ابرك لك من هالاشكال
بس ربي بيجازيك على نيتك صدقني وكل واحد ونيته

وجزاك الله على التنبيه اخوي

[سهم مديون]

زين ذكرتني احذر من هذه الاشكال لاني عميل لهذه الجمعية ياويلهم مني لو اشوفهم حزام ناسف على طول (:

[تـاجر الـذهب]

الله سبحانه وتعالى وبكل تاكيد عطاك على نيتك

وهم

الله بيجازيهم على نيتهم الي اولا شوهوا سمعة بلدهم الي مايحتاج تشوهت
وثانيا انهم حرمو المحتاجين الاصليين بالفعل من فرصة المساعدة وبصير كل
فاعل خير يفكر ان الي يطلب منه هو حرامي


سؤالي؟

شنو بيصير فينا اذا دار الزمان لا سمح الله وصار لنا عندهم حاجة

هل بينفعونا وبيعطونا؟

شنو بيسوون فينا وفي حلالنا وفلوسنا لو تجي بيدهم اي فرصه علينا


يالله .. الله يكون بالعون والله ياجرك ياخوي ومشكورعالتنبيه

[qatari1]

كان من المفترض أن تأخذ رقم السيارة، وتبلغ الجهات المختصة ليكونوا تحت المجهر، ويتم القبض عليهم متلبسين بالتسول!

وجزاك الله خيراً على نيتك الطيبة، وجعل ما قدمت في ميزان حسناتك.

[بوخالد911]

شكرا اخووي

ولكن وووين هالسوبر ماركت؟

[بوعلي 78]

شكرا اخووي

ولكن وووين هالسوبر ماركت؟





في شارع الشافي في الريان

[قطري فلته]

يبه لو انا منك ما ارد عليها اول شي حرمه

ادري هل قطر ما يقصرون ويسنحون ترا قطر ما قصرت ياربع جمعيه الخيريه ما تقصر بس تدري شسوي الله كريم انا جاتني هل الحالات وخاصه فى السعوديه يقولك اخوي بترولى خلص ابي اروح مكه عاد ثاني يوم اشوفه نفس المحطه حاله

[تـاجر الـذهب]

استغلاااااااااااااال تام لشيمة القطري وأخلاق الفزعة الي فيه

والنجدة من شيم العرب والمسلمين

ولكن اذا استمر هالحال كذا صراحة الكل بيعتقد ان كل فقير كذاب

وبعدين بينقطع فعل الخير وبتصير بلادنا نفس بلادهم الي الله مفقرهم فيها
بسبب ذنوهم وكذبهم على بعضهم

تدرون ثقافتهم ان الي يسرق ويغش المسلم عندهم هذا يعتبر رجوووله عندهم
( طبعا مش كلهم ولكن العام منهم)


حسبنا الله ونعم الوكيل

[بواردي]

والله انهم يقطعون سبيل المعروف
حسبي الله ونعم الوكيل

[Breakaway]

والله تعددت طرق الاحتيال والنصب.

من فترة طويلة مضت وقفني صاحب سيارة لوحة عمانية فيها سائق باكستاني مع عائلته ، قال لي أن فلوسهم ضاعت في السوق ومحتاجين مبلغ للطريق وللعودة لعمان.

وهذه الصيف صادفني نفس هذا الموقف لكن في الرياض، كانت سيارة عمانية وفيها عائلة باكستانية إن لم تكن نفس العائلة!، قال لي أحنا جايين من العمرة وفلوسنا ضاعت، قلتله أنا شايفك من قبل! الرجال حط رجله بدون اي نقاش!

[غلا قطر]

هو عن تعدد السبل والطرق لهذي الفئة فهي متكرره وكل سنه تصير



انا ساكنه في الريان والعام جاتنا وحده سعودية متنقبه وكاشخه اخر كشخه مع ولدها ما يزيد عمره عن سنتين دخلت داخل بيتنا في رمضان في حزة الفطور واحنا قاعدين مع ابوي واخواني والاخت ما استحت منهم دزت الخدامات ودشت الصاله وقالت السلام عليكم ورفعت نقابها وقالت بفطر معاكم واقعدت على السفره


ابوي واخواني استحوا راحوا المجلس ودينالهم الفطور هناك وهي فطرت معانا وقالت لنا انها سعوديه وانها متزوجه قطري وساكنه ورانا مع ان احنا نعرف كل الناس اللي في فريجنا وكل اللي في الفريج اللي ورانا ونعرف انها مب ساكنه في فريجنا



لما فطرنا وخلصنا قالت لنا انا محتاجه وداخله على الله وعليكم من الكلام هذا طبعا الوالده ماقصرت معاها وعطتها المقسوم وقالت لها هذا الكاش اللي عندي الحين والمبلغ كان كبير .. قالت لامي طيب لو عندج ذهب ولا شي انا مستعده ابيعه واخذ فلوسه .. كلنا كنا مستغربين من اللي صار



بعد كم يوم عرفنا انها سوت نفس الحركه مع كل الجيران





السنه صار نفس الشي في بداية رمضان ودخلت علينا وسوت نفس الحركه ودزت الخدامات وفتحت باب الصاله ودخلت ونفس سيناريو العام تكرر السنة



ابوي تربص لها السنه هذي وشافها نازله من يوكون اسود موديل 2009


ما عندنا اعتراض بنساعد وبنتصدق لكن كل شي له حدود ولو الشي زاد عن حده انقلب ضده




وهم يطورون اساليبهم في الحركات هذي اللي مالها نهاية




وهذي الفئات اللي هي تخرب على الفئات اللي محتاجه صج وتخلينا نشك هل هذا الشخص محتاج صج ولا لا



وهالسوالف ما تصير وما تزيد الا في رمضان

[راعي الغزيل]

ابشرك صته وعرفت وين يسكنو ترهم عصابه قروووووب وساكني قريب فريق بيوت ال شافي ياخذون لغراض ويبيعونهم بسعر اقل

[فهد111]

زين ذكرتني احذر من هذه الاشكال لاني عميل لهذه الجمعية ياويلهم مني لو اشوفهم حزام ناسف على طول (:

هههههههههههههههههههههههههههههههههههههههههههههههههه ههه

الله يسعدك

[قطري فلته]

ياجماعه هل الموضوع ما ينسكت فكروها عدل لازم يشوف موضوع خطير نبي احد من المسوؤلين او الجهات المختصه

[الكلدي]

المشكله طيبتنا الزائده هي اللي ذابحتنا وتخلي لشكال هذي تضحك علينا

لا تقولون حرام ومساكين الحمد لله الدوله مو مقصره والجمعيات الخيريه تارسه البلد
ويعرفون المحتاج من المحتال

واللي عنده بيزات ويبي يسوي خير يعرف وين يودي فلوسه

انا عن نفسي اشوف اي طرار ما اتردد على طول 4471388او4471385

[Index Signal]

موسم..

[سمو انسان]

أهم شي النيه ياخوك .. والله يعطيك على قد نياتك ..

في الصحيحين عن أبي هريرة: أن رسول الله صلى الله عليه وسلم قال: قال رجل لأتصدقن بصدقة فخرج بصدقته فوضعها في يد سارق، فأصبحوا يتحدثون تصدق على سارق، فقال اللهم لك الحمد لأتصدقن بصدقة، فخرج بصدقته فوضعها في يدي زانية، فأصبحوا يتحدثون تصدق الليلة على زانية، فقال: اللهم لك الحمد على زانية، لأتصدقن بصدقة فخرج بصدقته فوضعها في يدي غني، فأصبحوا يتحدثون تصدق على غني، فقال: اللهم لك الحمد على سارق وعلى زانية وعلى غني، فأتي فقيل له: أما صدقتك على سارق فلعله أن يستعف عن سرقته، وأما الزانية فلعلها أن تستعف عن زناها، وأما الغني فلعله يعتبر فينفق مما أعطاه الله.

[فهد الخاطر]

اخوي طاش الظاهرة هذه منتنشره هذه الايام وقبل رمضان
صادتني حركه مثل حركتك في المول قبل رمضان ولكن قفلت تقفيله
جاتني وحده وقالت لي يا اخوي انا وحده مب من الديره ومحتاجه مبلغ لعلاج بنتي وعطيتها المقسوم
وبعد كم يوم في نفس المكان بنت منغبه جاتني وانا اتقهوى في شوكونت المول وقالت نفس موضوع المرأه الاوليه
ولكن هذي سببت لي احراج وعطيتها كاش قالت لو سمحت ممكن اقعد واكلمك قلت لها اسمحي لي
لانه شنو موقفي لا هي من اهلي ولا من مجال عملي
ولكن احترقت اعصابي قبل كم يوم ثلاث ايام كنت رايح فوشون وانا طالع الا جاني واحد
وبعدين جاني ثاني ويوم جاني ثلاث
قلت له شدعوه متفقين عيب عليكم هالتصرفات يعني بتحرجوني قدام الناس توكلوا على الله وقولوا الحمدلله على الرزق الي جاكم
وثاني يوم في رمضان كنت عند باب البنك الوطني ولا واحد مع زوجته واعياله في فرع المول ولا جاني طق علي الدريشه ويقول الله يوفقك ويسعدك ويريحك احنا مارين بظروف صعبه جدا ومحتاجين المعاونه وعطيتهم المقسوم وكلمني في موضوع ثاني ومشيته وبعدين انصدمت الا يقول وفي طلب اخير انا علي اجار 1300 ريال والمؤجر بدو يطردنا من البيت قلت له الله يرزقك حسيت انه المسأله لعبه

[أبو راكان]

لاحول ولاقوة الا بالله
اكره ماعلي الأستغفال
اكره ماعلي استغلال طيبتنا الزايده

انت نيتك طيبه يالغالي والله يتقبل منك

[اعقل مرجوجه]

زين نبهتوني

وانا قلبي رقيق واعطي بدون نقاش

بس هالمره باقول لهم اني بابلغ عليهم عشان اشردهم

[qatari77]

حسبنا الله ونعم الوكيل

[HIGHNESS]

لاحول ولاقوة الا بالله .. اخوي الله يرزقك على قد نيتك .. وهم انصبوا عليك ياويلهم من الله ...
مشكلة هذول والله ... يخربون عالمحتاجين الفعليين بتصرفاتهم .... فرق بين النصب والحاجة ....

[مافيا قطر]

فى ميزان حسناتك اخوى والله المستعان هم لهم الف طريقه للتسول

[Marshmallow]

الله يعطيك على قد نيتك ياخوي

اكره شي عندي الاستغفاااال

الحمد لله ماقد مر على مثل هالمووقف

[السندان]

عيال الحرام ماخلوا لعيال الحلال شئ..

شكرا على الموضوع

[قلم صادق]

حسبي الله ونعم الوكيل

المشكله ان هذولا اللي ما يستحقون يخربون على اللي فعلآ يستحقون صار الواحد ما يفرق ...بس ان شالله

الله يعطي الشخص على نيته

[لعديد]

زين نبهتوني

وانا قلبي رقيق واعطي بدون نقاش

بس هالمره باقول لهم اني بابلغ عليهم عشان اشردهم

تذكرو قول الله { وأما أما السائل فلا تنهر }

فلا تزجرو الفقراولاتكونو فظاً على الضعفاء من عباد اللّه
وقال قتادة: يعني ردّ المسكين برحمة ولين،

[المظلومة]

هههههههههه

والله حاله

بس اذا خذت رقم السياره علشان يراقبونهم احسن

والله يبعد عنه الفقر

وعلشان الناس تعرف ان الدوحة فيها اهل كرم

وطيب مثلك وشرواك اخوي

[مشاغب]

الناس هذي اتخرب على المحتاج الحقيقي الله ايعفا عنى وعنهم

[MeMe MoOoON]

حسبي الله ونعم الوكيل

[وهم قطر]

حسبي الله عليهم

لووووث ومقرفين من دخلو البلد وهم موصخينها بكره

اااااااخ على الفيز بس xxx على طول

[براتزية برازيلية]

حسبي الله ونعم الوكيل

[فلفل حار]

الله يستر عليهم ...

[شبح الصمت]

النيه محلها القلب
يالغالي وانت جزاك الله الف خير لانه نيتك ومهب غريبه على أهل قطر الكرم وغيرهم من اهلنا فالخليج .. بس ياخوك في ناس ما تخاف الله وبعدين خذت الي تبيه يا هل ترى بيكنون ياكلون وهم مرتاحين ؟؟؟؟
ترى وايد بنشوف وعادي في ناس عندها خير بس خلاص تعودت على هالموال وفي ناس عندها عزت نفس والله الجمعيات الخيرية ما تقربها الا من يعرف حاجتهم ويعطيهم من ما عطاه رب العالمين ..
والله يرزقك الجنه ويزرقنا ويرزق جميع المسلمين

[شبح الصمت]

السلام عليكم ورحمة الله وبركاته
وانا اليوم بالتحديد في سوبر ماركت السعودية العصر اشتري اغراض للبيت جاتي وحدة متغطية!!!!مايبين شئ منها واتكلم بصوت بعد الموت ينسمع قالت لي لوسمحت بغيت كيس عيش10كيلوا حق اعيالي وكم غرض واذا ممكن تحاسب طبعآ اي أنا نفس أي شخص منكم على طول رحت للمحاسب وقلت له الحساب عندي ,وخلصت وجيت المحاسب وطلع احسابها تقريبآ300وشئ مب مهم طبعآ لان النية الله يعلم بها عند رب العالمين ولاكن المصيبة وأنا ادفع الحساب جاتني وحدة ثانية نفش الشكل بس اقصر اشوي من الي قبل وحطت كيس قهوة على طاولة المحاسب وقالت لي الله يخليك حاسب هاذي القهوة للشايب الي في البيت!! طبعآ كاني توني صاحي من النوم فهمت اللعبة:anger1: وقلت لها الله يعطيج!! المهم وانا طالع والهندي يدز العربة في المواقف!!!!!!!!! الا الاخوات يركبون سيارة 2009 بنتياك صالون والسواق من الجنسية الشامية والي كانت تطلب للعيالها تركب قدام وهي نفس اللهجة (بلاد الشام) اتعرفونهم قمت رجعت للسوبر ماركت بحكم اني عميل عندهم وعصبت عليه وقلت له ليش ماقلت لي انهم نصابين قال لاني كل يوم يجون واذا قلت حق اي شخص قطر لا هذولا حرمية يزعل ويهاوش مايرضون اني اقول لهم لاتحاسبون مااقدر اسوي شئ!!!
علشان كذا قلت انبهكم يمكن حد يتعرض للموقف نفسه وامانة قولوا حق ربعكم ونبهو الي اتعرفونهم وحسبي الله عليهم ماعاد انعرف المحتاجين من النصابين ..
وسلامتكم



اخوي المفروض منك انك تبلغ راعي السوبر ماركات اذا جاءت ياخذ رقم السيارة .. وثاني شيء ما اتوقع يسيوها اذا ما عنده ضمير لانه تفيده يعني بيقول خل القرعه ترعى هههههههههههههاي حاول فيه وبلغ عليها عالاقل احد يردعها يخوفها يخليها تحس انها مراقبه وتخاف من الله ثم من الي تسويه ..

[قطر العطاء]

قال عمر بن الخطاب رضى الله عنه (( لست بالخب ولا الخب يخدعنى )) المقصود بالخب هو الخبيث والماكر...... يعنى يا اخوان لازم نكون حذرين والطيبة دايما مو زينة .................