اختفاء ظاهرة السياكل بالفرجان للاسف؟؟؟

[ابن قطر]

تذكرون قبل 12 سنة وبالاخص بشهر رمضان صبيان الفريج يتمشون ويتجمعون عند راعي

الكباب الي بالفريج....


وكانوا يمشون مجموعات وينتقلون من فريج لفريج وكانت الحوادث اقل من ايامنا هذه

وكل واحد يتفنن بسيكلة الي يحط ليتات اشكال والوان وهرانه ...

والي سيكلة قوي وعود يردف رفيجه ...


هل افتقدنا ايام السياكل واعيالنا صاروا اسير المنازل والمسلسلات والبرامج الغير هادفه


ويمكن ايامنا هذه احوج ما نكون للسياكل خاصة لتجاوز الزحمة المميته ويمكن

افضل من السيارة كسفتي وامان...

على الاقل بالسيكل ما تقدر تسرع ...

وفي نفس الوقت بديل عن كروة ونذكر بيوت الاول اذا سافر الاب

الولد العود يقضي اشغال البيت بالسيكل ؟؟؟

ودي اسمعكم ونتذكر جميع السياكل

[جرير]

ذيك على ايام قبل يوم كانت الشوارع فاضيه من السيارات

بس الحين وين يطلعون حق الحوادث والزحمات

وحق المشاكل بعد يقعدون يتحرشون في الماره

[ابن قطر]

ذيك على ايام قبل يوم كانت الشوارع فاضيه من السيارات

بس الحين وين يطلعون حق الحوادث والزحمات

وحق المشاكل بعد يقعدون يتحرشون في الماره


اخوي جرير شكرا على المرور

انا اشوف السيارة استوت علينا طامة كبرى واخطر من السيكل

واعيالنا صاروا يا دهينه لا تنكتين مع هالمسلسلات والقنوات الي ما عندهم غير توجهات شيطانية للاسف


وهنا اقصد ان الشارع يربي احيانا ويعلم

[غلا قطر]

موضوعك حلو اخوي وكلامك صح


في فريجنا السياكل انقرضت ما نشوفها الا نادر .. وعلى زماني يوم كنت صغيره ابوي كان يخاف علينا نطلع بالسياكل فالشارع لكن كنا نلعب في بيتنا وفي بيوت جيرانا مع بناتهم


وفي اغلب الفرجان بعد السياكل انقرضت





لكن في فريج بيت خالي في دحيل كل ما نروح نزورهم نشوف عيال الفريج ومنهم عيال خالي ومعاهم بنوتات صغيرات على سياكلهم يدورون في الفرجان




في منطقتهم مافيه دكاكين واقرب دكان صوبهم هو الدكان اللي في المحطه اللي عند دوار مريخ




والعيال يا حليلهم عايشين حياتهم ولله الحمد ماعليهم خوف لانهم يكونون بأعداد كبيره يعني تقريبا 15 او 20 ياهل مع بعض



ربي يحفظهم

[بواردي]

الحين بس يكبر
اول شي يقوله
يبا ابي موتر

[عابر سبيل]

بس شوف هالصورة و تذكر ايام لول يا بن قطر

http://sami96sa.jeeran.com/dsc05121.jpg

يهال الحين..على قولتك "يا دهينه لا تنكتين"


كنا مجرمين عالسياكل لول:secret:

[هداف]

ذكرتني بما مضى :)

رجعتني اكثر من خمسه عشرين سنه وحنا عيال الشماليه مسكتين على مستوى قطر في التنقيز ههههههههههه
عندنا ثلاثه في الفريج سابقا ينقزون بيد وحده مسافات طويله والسيكل رنج ثمانيه ( مال بتان )

كان فيه واحد في الريان مافيه حيله يقبض خطوط وهو منقز الله يذكره با لخير شيبان اللحين

[تـاجر الـذهب]

ذكرتني بما مضى :)

رجعتني اكثر من خمسه عشرين سنه وحنا عيال الشماليه مسكتين على مستوى قطر في التنقيز ههههههههههه
عندنا ثلاثه في الفريج سابقا ينقزون بيد وحده مسافات طويله والسيكل رنج ثمانيه ( مال بتان )

كان فيه واحد في الريان مافيه حيله يقبض خطوط وهو منقز الله يذكره با لخير شيبان اللحين

:nice::nice::nice:

[Amigo]

ذكرتني بما مضى :)

رجعتني اكثر من خمسه عشرين سنه وحنا عيال الشماليه مسكتين على مستوى قطر في التنقيز ههههههههههه
عندنا ثلاثه في الفريج سابقا ينقزون بيد وحده مسافات طويله والسيكل رنج ثمانيه ( مال بتان )

كان فيه واحد في الريان مافيه حيله يقبض خطوط وهو منقز الله يذكره با لخير شيبان اللحين

هيييييييه ايه على الشماليه والله صوب الكليه التجمع مايحتاي
ولا عند المحطه ولا دكان الجناحي << هداف جني اعرفك :omen2:

[وارث العز]

لا وليحق بالسياكل ورا سيارة المسحر اللي في الشمالية العراوي الابيض بوغمارة .. هههههه

[علي بن جبر]

عاد احنى فريجنا ماله حل كللللللللللللللللللللللللللللللللللللللش ,, راحت ضاهرة السياكل
الحين كله ( رينو) فالفريج كنك في سيلين هههههههههههه

[ابن قطر]

عاد احنى فريجنا ماله حل كللللللللللللللللللللللللللللللللللللللش ,, راحت ضاهرة السياكل
الحين كله ( رينو) فالفريج كنك في سيلين هههههههههههه

نعم اختفت السياكل


وجاءنا الرينو؟؟؟؟؟؟؟

شكرا اخوي علي

على الاضافة

[سوق واقف]

فريجنا وايد سياكل شيء عجيب أرايل ومطارات ماي في التاير عشان الصوت

[وتبقى الدنيا حلوه]

عيال السياكل كبروا و صاروا يسوقون مواتر

[بورصجي_جديد]

والله ايام
اذكر في الوكره طحنا من 15 سنه على تعليق لوح السيارات على السيكل والفروة على القعده والاريل البرتقالي خخخخخخ

والله ايام الله يذكرها بخير
كل عام وانتو بخير

[toota]

بسم الله الرحمن الرحيم
السلام عليكم ورحمة الله
كانت السياكل وكنا . الفرجان كانت كلها بيوت لأصحاب البلد . كل سكانها من أهل قطر الطيبين او أقليات من العرب الفلسطينيين واليمنيين. لو طلع الطفل في الشارع ما كان عليه خوف . وما كان فيه سيارات بهالشكل ولا سواقيين هنود وبنغاليه . ولا نسوان يسوقون سيارات. ولا كان فيه بلاي ستيشن او اكس بوكس . وما كان فيه مولات وسينمات .
علشان هالشكل كانوا عيال الاول ما يعانون من السمنه . ولغتهم كانت نقيه مش مكسره .
الحين وين نخلي العيال يطلعون يلعبون في الشارع . اذا خليناهم في حوش البيت نخاف عليهم حد يريوس عليهم بالسيارة . فما بالك في الشارع. بعدين يا اخوان الوقت الحين غير عن اول . يعني البارح كنا راجعين الساعه وحده تقريبا وماشيين على الشارع اللي في الخريطيات اللي عليه كنتاكي . شفت صبيان اثنين على سيكل بو ثلاث تواير ماشيين في النص بين الشارعين ( سيد ورونسيد) يعني شارع ضيق شلون يمشون في النص . عموما انا هالشارع دايما اشوف فيه اطفال على سياكل مهملين بين السيارات . يعني نقول اول امان والبزران كانوا مستانسين بس الحين ما فيه امان حتى على ولدك من عيال الفريج الثانيين .

اشكركم على الموضوع
والسلام عليكم ورحمة الله

[أبو راكان]

الله يازمان اول

[ام الجازي]

الله يازماااااااااان اول ..
ذكرتنا بذكريااات جميله.. اللحين اعيالنا مافي ألسانهم إلا( الرينو..)وما أدرااك مارينو..
وأكس بوكس وغيره ..غيره..الله يعنا على حسن تربيتهم انشاء الله... ويحفظهم
ويحفظ عيال المسلمين ..آمييين

[ابو خليفه]

ذكرتني بما مضى :)

رجعتني اكثر من خمسه عشرين سنه وحنا عيال الشماليه مسكتين على مستوى قطر في التنقيز ههههههههههه
عندنا ثلاثه في الفريج سابقا ينقزون بيد وحده مسافات طويله والسيكل رنج ثمانيه ( مال بتان )

كان فيه واحد في الريان مافيه حيله يقبض خطوط وهو منقز الله يذكره با لخير شيبان اللحين

ومن كان يتحدى عيال الشماليه يالهداف ذيك الايام ،، من الكليه لين المرور وهو امنقز ولا خط النجده قبل المطبات

[جبر]

ومن كان يتحدى عيال الشماليه يالهداف ذيك الايام ،، من الكليه لين المرور وهو امنقز ولا خط النجده قبل المطبات

لحد ينسى دكان خركوش والمحطه وبرج الماي الي في فريج ال مسلم شلون كانت لدواره

[(الفيصل)]

بس شوف هالصورة و تذكر ايام لول يا بن قطر

http://sami96sa.jeeran.com/dsc05121.jpg
كنا مجرمين عالسياكل لول:secret:
شكله (الصنجل مجيم ويحط له قريز أو أيل)
صج أيام:(
(كان الواحد فينا يحاول يكون ميكانيكي .. وكهربجي .. وفيتري في ان واحد)حتى ولو فشل
ولاحظ في الصورة (المساعد) ههههههه ترى هذا كان واقع لازم (فيه رئيس وجنبه مساعد لازم:)


ذكرتني بما مضى :)
عندنا ثلاثه في الفريج سابقا ينقزون بيد وحده مسافات طويله والسيكل رنج ثمانيه ( مال بتان )
كان فيه واحد في الريان مافيه حيله يقبض خطوط وهو منقز الله يذكره با لخير شيبان اللحين
يارجال
تشوهت أظهورنا من كثر (الدبقات والرضخات)على الارض
هههههههههه
:nice:

عزيزي ابن قطر
** تقول أن (السايكل كانت في الفرجان)
**وأقول أن (بالسياكل لم نترك منطقة (نائية) الا وطرقنا أبوابها :))
(ولم نترك روضه أو (مسطاح) نستطيع الوصول إليهما الا (وحبلنا فيه)
ههههههههههههه
يعطيك العافيه على هذا الموضوع
(ومن الصعب تطبيقه الان في ظل مانشهده من كثرة السيارات والحوادث... فحرصنا على أبنائنا غلب على رغبتنا لهم بممارسة هذا الهوايه الجميله )
الله يحمي الأطفال كافه
:nice:

[هدهد سليمان]

الله والله ايام حلوه اذكر كان عندي سيكل 27 مال البتان على كيف كيفك لا وكنت كلش يعني راكب رولز مب سيكل الدنيا بخير والناس حق بعض الله يعيدها ايام

[ولد النواخذه]

ذكرتونا بأيام جميلة مضت الا غير عودة ودخلنا وطر النت والفضائيات الله يستر علينا بس

[شويهينــه]

اعتقد ان تم استبدال اسياكل بالجي اكس

[بوعلي2]

صدقت والله

ايه على سيكلي لـ 28

حاط عليه فروا واريل تلفون هههه

ومسجل وكنت اسمع حاتم العراقي صج شي قبل

الحين اشوف شباب كبار بمنطقتنا يطلعون على السياكل الظاهر يحركون دمهم وقروبات كبيره يعني

لكن بعد مايخلص رمضان ولاسيكل يدور خلااااص مادري شصادهم الناس والله كريم

ليت زمانا يعووووود ..............

[قناص مستثمر]

عيال السياكل كبروا و صاروا يسوقون مواتر

اي والله وانتي الصاجة:shy:

[حراير قطر]

الله على ذيك الايام

بس الفرجان الحين مو مثل قبل

قبل فيها الامن والامان ...

والسيارات كانوا يحسبون في الفريج

اما الحين الشارع بروحه الله بالخير

ويدخل الفتحة الا بحفصه وين تبيهم يطلعون

والفرجان الحين كلها عزابيه والصراحه الواحد

يخاف على عياله حتى من الوقفه عند الباب ...

ويعطيك العافيه

على الموضوع اللي ذكرنا باللي مضى

[HIGHNESS]

ايااااااااااااااااااااااااااااااام راحت وليتها تعود ..... :)

[ليث العرين]

يهال هالأيام يمكن حتى الصنقل ما يعرفون يعدلونه

[خالد31]

لا حول ولا قوة الا بالله

[ابن قطر]

اعتقد ان تم استبدال اسياكل بالجي اكس

حلوووووووووووووووووووووووووه

[البدوي]

... الله يجزيك الخير اخوى ذكرتنا بوطراً قد مضي

.... كلامك صحيح كانت القلوب نظيفه والفريج كأنهم بيت واحد ولا تخاف علي عيالك عارف وين ايروحون

.... اما الحين جارك ماتعرفه اتخاف اتهد عيالك في الشارع لان البيت الي جنبك فيه عمال يعنى قنبله موقوته

.... اقولك شى ياليتهم بدال ما يحطون هلمسلسلات الهابطه .... يعطونا صور من الماضي الى ضاقت مكاتب التلفزيون منها والله اروع من الى قاعدين يعرضونه من مصاخه

[فلفل حار]

اوووه يا ابن قطر
والله حرام عليك شوقتنا للماضي ..!!!


ايام ماكنا نشرد نروح فرجان ثانيه ونفطر على زقاير بالخش :secret:
كنا خبلان <<< الله يسامحنا


تذكرون سياكل 6 و 8 مالت الهنود كانت آكشخ سياكل والله ههههههه ...:nice:
الله يعطيكـ الصحه والعافيه يالغالــي ...
:victory:

[ضوى]

ولدي للحين يسوق السيكل بالفريج لا ويشيل على تاير واحد شنو يعني مادري بس يقول لي حركة مايسوونها الا الشباب الحريفة يعني هو شاب حريف هالعفطي ماشاء الله عليه

لو الزمن يرجع كان شاف حرفنة امه في سواقة السياكل

[ابن قطر]

:nice::nice::nice:
ولدي للحين يسوق السيكل بالفريج لا ويشيل على تاير واحد شنو يعني مادري بس يقول لي حركة مايسوونها الا الشباب الحريفة يعني هو شاب حريف هالعفطي ماشاء الله عليه

لو الزمن يرجع كان شاف حرفنة امه في سواقة السياكل

[تحداني]

.. السيكل ..:)

تعرف البنات دائما عندهم تطفل .. في هوايات الشباب ..
وكنت يومها انا الفتاه التي جاءت بعد شابين ..
فكانت كل هواياتي شبابيه
.. لدرجه ..

اني عشقت الدوري الاسباني .. والياباني
ومشاهده المصارعه .. من صغري ..
وكانت من افضل البرامج لدي :)


ولم اشعر اني على خطأ عندمااركب سيكل ..

أذكر اخي ( عبد الله ) الله يرحمه ..
كان دائما يقول لي .. انتي من تركبين سياكلنه .. اتخربين الهرن ..
والسله بعد احسها عويه ..

لو مره ثانيه ركبتي سيكل .. ما راح انخليج اتابعين المصارعه
( الوالد كان يأجر الاشرطه .. عام 92 ..) :)


راحت ايام السياكل .. وراح عبدالله ..
ولم تبقى سوى شرائط الذكريات ..


الله يحفظك ويسعدك يارب

[تحداني]

ولدي للحين يسوق السيكل بالفريج لا ويشيل على تاير واحد شنو يعني مادري بس يقول لي حركة مايسوونها الا الشباب الحريفة يعني هو شاب حريف هالعفطي ماشاء الله عليه

لو الزمن يرجع كان شاف حرفنة امه في سواقة السياكل



الله يحفظه يارب .. وديري بالك عليه ..
والناس هالايام اتسوق في الشوارع وهي امغمضه على ما اعتقد


اما امه .. وسواقه السيكل ..
احاول اتخيل ..:)

[ابن قطر]

.. السيكل ..:)

تعرف البنات دائما عندهم تطفل .. في هوايات الشباب ..
وكنت يومها انا الفتاه التي جاءت بعد شابين ..
فكانت كل هواياتي شبابيه
.. لدرجه ..

اني عشقت الدوري الاسباني .. والياباني
ومشاهده المصارعه .. من صغري ..
وكانت من افضل البرامج لدي :)


ولم اشعر اني على خطأ عندمااركب سيكل ..

أذكر اخي ( عبد الله ) الله يرحمه ..
كان دائما يقول لي .. انتي من تركبين سياكلنه .. اتخربين الهرن ..
والسله بعد احسها عويه ..

لو مره ثانيه ركبتي سيكل .. ما راح انخليج اتابعين المصارعه
( الوالد كان يأجر الاشرطه .. عام 92 ..) :)


راحت ايام السياكل .. وراح عبدالله ..
ولم تبقى سوى شرائط الذكريات ..


الله يحفظك ويسعدك يارب

تسلمين على المرور الطيب

ودوم ايامج افرااااااااااح بأذن الله

اكيد كنتي تحبين مشاهدة هالك هوجن وتوني جاريه وبوب باكلند خخخخخخخ

[حمد]

البدابة bmx

وبعد اكتساب الخبره الانتقال لسيكل البتان

[شقردي]

اختفت ظاهرة السياكل بسبب ازدحام السيارات وكثرة العزاب في المناطق السكنيه اصبح الواحد مومثل قبل يؤمن على اطفاله في الاحياء السكنيه ولكن طلع البديل قبل ما كان فيه بلاي ستيشن ولا قنوات فضائه تبث على مدار الساعه

[ابن قطر]

:victory::victory:
البدابة bmx

وبعد اكتساب الخبره الانتقال لسيكل البتان