المساعد الشخصي الرقمي

مشاهدة النسخة كاملة : الدخول للنساء فقط ( طبيبة نساء وولاده)


المتضرعه لله
05-09-2009, 04:28 AM
اخواتي عضوات المنتدى

حبيت اسالكم عن افضل طبيبة نساء وولاده بقطر سواء كانت بحكومي او خاص

وذلك للضروره


شاكره لكن المساعده والتجاوب
المتضرعه لله
05-09-2009, 05:19 AM
مشكوره اختي ام لولوه
ماقصرتي
E L L E
05-09-2009, 05:37 AM
الله يشفيج يارب ماعندي فكره بس حبيت ادعي :)
المتضرعه لله
05-09-2009, 06:09 AM
الله يشفيج يارب ماعندي فكره بس حبيت ادعي :)

تسلمين ياعمري

والله يحفظك من كل شر
دلة الرسلان
05-09-2009, 08:45 AM
اخواتي عضوات المنتدى

حبيت اسالكم عن افضل طبيبة نساء وولاده بقطر سواء كانت بحكومي او خاص

وذلك للضروره


شاكره لكن المساعده والتجاوب


اختي الكريمة العلم عند الله من هي افضل طبيبة ولكن من الطبيبات المميزات في قطر حليمة

التميمي وزينة المنصوري وفاء الدولة والدكتورة زينات في الأهلي .
alfahad1
05-09-2009, 08:55 AM
افضل دكتوره هي د. مها عيادة الدوحه روحيلها وبتدعيلي
قطرية مثقفة
05-09-2009, 08:23 PM
افضل دكتوره هي د. مها عيادة الدوحه روحيلها وبتدعيلي

الله يهديج أنه هالدكتوره عطتني درزن أدوية ومضاد وووووو بدون ماتطلع نتيجة المختبر وبعد أيام لما رحت للنتيجة طلع مافيني شي وانه زط في الأدوية ،،،،،،،،
وعن تجربة مافي دكتوره تبرد القلب وانه كنت أعاني من قبل أربع سنوات ولمدة عامين ماتم مستشفى خاص مارحته وتحاليل وأدوية ووصلت للبحرين ومافي فايده ،،،،،،،، وفي الأخير ماطبت إلا بعد عملية سوته لي دكتورة تايلندية في المستشفى الأمريكي بتايلند ،،،،،،،،،
عموما ماتشوفين شر أختي واذا تبين اسم الدكتوره وعنوانه أنه في الخدمة ،،،،،،،
ام حبيبتي
05-09-2009, 11:21 PM
دكتوره مها روووووووووعه في كل حملي وولادتي كانت فنااااااااانه الله يوفقها :)
النجلا
06-09-2009, 01:41 AM
اختي جربتي تروحين عند دكتورة ساميةالنملة في مجمع الكندي واايد شاطرة ماشاء الله عليها وانسانه دينه ترتاحين في التعامل معاها وذكر الله دوم على لسانها
ولد الشقب
06-09-2009, 02:39 AM
دكتورة روسفي ف الاهلي
دكتوره هدى محمد
دكتور عدنان

الله يتمم عليج ان كنتي حامل
والله يشفيج يارب
ان كنتي تعالجين

تقبلي مروري
Cute Mother
06-09-2009, 03:44 AM
اختي جربتي تروحين عند دكتورة ساميةالنملة في مجمع الكندي واايد شاطرة ماشاء الله عليها وانسانه دينه ترتاحين في التعامل معاها وذكر الله دوم على لسانها

فعلاً ما شاء الله عليها تبارك الرحمن ..
المتضرعه لله
06-09-2009, 04:26 AM
شكرا لكم وجزاكم الله عني كل خير الصراحه ماقصرتن خواتي

اسال الله ان يمن عليكن بالعافيه

وان شاء الله اصلي الاستخاره واتوكل على الله والله يكتب لي اللي فيه الخير والشفاء

دعواتكن لي بظهر الغيب
نورنا22
06-09-2009, 11:38 PM
هلا حبيبتي انصحج بالدكتورة هادن بالمستشفى الجزيرة وايد شاطرة
دكتور عدنان بالنصر
die 4 qtr
06-09-2009, 11:40 PM
انا اسمع عن زينه المنصوري بمستشفى الولاده كله يمدحونهااا
Locale
07-09-2009, 12:21 AM
سمعت عن ساميه النمل لكن ماعرف عنهاا..

اذا تبين دكتور عندج عمر ابو زينب ممتاز للعلاجات
غروب الشمس
07-09-2009, 02:18 AM
شوفي انا افيدك واسمعيها مني انا اشتغلت بمستشفى الولاده سنوات طويله واعرف الزين من الشين وقريباتي بعد في الولاده يشتغلون لين يومك هذا لوتدورين قطر بكبرها ماتحصلين مثل الدكتور شحاته والمستشفى لما يتورط يطلبونه على طول الله اعطاه الذكاء اللي ماشفته في حد ثاني ترا لما يتورطون بمشكله ينادونه ولا تقولين لي مكشر وما يعطي ويه مب لازم هو بنفسه اذا حالتك صعبه ياخذ وقته معاك واذا حالتك عاديه بيكون سريع معاك روحي له العصر مسائي لانه بالصبح في الانابيب مايستقبل غيرهم دايما اتابع معاه ماياخذ 5 دقايق معاي الا مخلص لاني حاله طبيعيه وبعد اقول لك هو الوحيد اذا طلبتيه يولدك اوتعبتي يجيك عكس الباقيين
المتضرعه لله
10-09-2009, 08:44 AM
شكرا خواتي ماقصرتوا

وان شاء الله افيدكم بعلاجي مع من ومدى استفادتي من عدمها

دعواتكم لي بالشفاء
هند88
10-09-2009, 11:20 AM
الدكتور عمر بوزيب الصراخة دكتور ررررررررررررررررائع متخصص في النساء والولادة والعقم وحتى متابعة الحوامل الي فيهم توأم
انصحج فيه... وبالتوفيق
طماطه
10-09-2009, 07:06 PM
الدكتور عدنان لمراجعه الحمل ممتاز ..
وروسفي في الاهلي